教育王國
標題: 啟基面試 [打印本頁]
作者: toastho 時間: 22-10-13 19:10 標題: 啟基面試
黎緊有interview, 好似好少人講啟基，只知佢happy school, 有無用家可分享下？佢面試著重咩呢？
作者: jagabeechips 時間: 22-10-14 09:42
回覆 toastho 的帖子
你係幾時交表的我九月頭交 不用見 直接收正取生
問過 是否啟思學生都有唔使in 就收左
問過身邊用家 係有關愛的happy school
作者: juneforgbb 時間: 22-10-14 10:46
toastho 發表於 22-10-13 19:10 
黎緊有interview, 好似好少人講啟基，只知佢happy school, 有無用家可分享下？佢面試著重咩呢？
...
作者: toastho 時間: 22-10-14 12:28
jagabeechips 發表於 22-10-14 09:42
回覆 toastho 的帖子
你係幾時交表的我九月頭交 不用見 直接收正取生
阿女唔系啟思，所以要in? 啟思系唔洗in?
作者: bbyummy 時間: 22-10-14 12:49
我尋日都收到email 面試，都想了解多啲
作者: jagabeechips 時間: 22-10-15 10:38
toastho 發表於 22-10-14 12:28
阿女唔系啟思，所以要in? 啟思系唔洗in?
作者: SCKat 時間: 22-10-16 18:59
juneforgbb 發表於 22-10-14 10:46
interview唔難, 往年好似都係考畫畫, 睇圖書 (疫情期間zoom in 我就唔太清楚考咩), 不過唔會以考學術為重點 ...
Interview 要見家長？我見佢in 大約15分鐘
作者: Chan2015 時間: 22-10-17 09:36
juneforgbb 發表於 22-10-14 10:46
interview唔難, 往年好似都係考畫畫, 睇圖書 (疫情期間zoom in 我就唔太清楚考咩), 不過唔會以考學術為重點 ...
我小朋友係啟思幼, 但都要in 喎...
作者: jagabeechips 時間: 22-10-17 10:51
Chan2015 發表於 22-10-17 09:36
我小朋友係早兩年疫情期間zoom in 既, 要 in 埋家長, 但成個氣氛都係輕鬆, 印象中無問學術問題, 但都要小朋 ...
作者: juneforgbb 時間: 22-10-17 12:52
SCKat 發表於 22-10-16 18:59
Interview 要見家長？我見佢in 大約15分鐘
作者: YAC0601 時間: 22-10-17 13:59
上年我小朋友有in, 疫情關係只有一次面試, 先有老師同小朋友傾計, 主要都係圍繞日常生活既分享, 之後會同家長一齊見, 主要都係了解小朋友同埋家長既教育理念。好好彩小朋友上年都有offer, 我亦都淨係幫小朋友報左啟基一間學校~
作者: applepie34 時間: 22-10-17 22:50
今天收到電郵，差唔多最後一日交表，唔使interview，非creative幼稚園學生。我都有啲驚訝。
作者: toastho 時間: 22-10-18 19:40
applepie34 發表於 22-10-17 22:50
今天收到電郵，差唔多最後一日交表，唔使interview，非creative幼稚園學生。我都有啲驚訝。
...
直接派offer?
作者: SCKat 時間: 22-10-27 12:34
想問下當日10月22號面試 係咪話26號有結果？
作者: JennK 時間: 22-10-27 12:50 標題: 回覆樓主:
咁其實happy school黎講讀啟幼都幾大優勢！
啟思又唔駛in，
啟基又直接收，
嶺小又偏愛收啟幼生，
因為佢地校董係同一班人定同一集團 
作者: bbyummy 時間: 22-10-27 17:58
SCKat 發表於 22-10-27 12:34
想問下當日10月22號面試 係咪話26號有結果？
記得好似係10月29日
作者: zoe0904 時間: 22-10-28 11:06
bbyummy 發表於 22-10-27 17:58
記得好似係10月29日
已經出左result啦
作者: bbyummy 時間: 22-10-28 11:07
係呀！今朝收到
作者: SCKat 時間: 22-10-28 11:09
我都收到。
想問，呢間洗唔洗放棄大抽獎
作者: cathybee 時間: 22-10-28 11:24
我地都收到，會take offer
作者: juneforgbb 時間: 22-10-28 12:11
SCKat 發表於 22-10-28 11:09
我都收到。
想問，呢間洗唔洗放棄大抽獎
作者: jesswu 時間: 22-10-29 02:01 標題: 回覆樓主:
啟基是一間很有愛心好關愛的學校。
課程合宜冇教深
英文使用校本，課程不錯。
對建立小朋友信心做得很好。
基本上壓力很少。
要考慮學費，$6500/月
但留意佢處又一村，屬深水埗網，男仔b1率不足。
升中估計大約30%b1。實際冇公開。
作者: zebrama 時間: 22-10-29 15:16 標題: 回覆樓主：
本帖最後由 zebrama 於 22-10-29 15:21 編輯
啟基絕對是一間以培養學生為本嘅好學校
我覺得不是個別老師，而是全體老師丶校長丶甚至乎校工，教學理念係一致先會可以做到咁
簡單講幾個點：
1）俾機會學生自發自動。一般學生學習或行為上，很少處罰，處理方式是跟家長溝通，一齊教好佢，不是好像一般學校將個波拋番比家長
2）培養學生自信。多以鼓勵方式去培養學習動力，亦鼓勵學生答問題、發問，演講能力都會放在評核當中
3）學術不會太淺，始終是九龍私校。
4）恆常有默書timetable, 以這個keep 住學生當溫習，評分鼓勵，失咗分但有extra marks, 意味着失咗分，仲有機會追（學生學習動力會加強）
5）上下老師丶校長丶校工都很有禮貌
6）功課量少
個人覺得，選擇得啟基的家長，不是將成績放第一位，但好多小朋友都好叻。亦不希望小朋友在太過competitive環境中成長，相反，我見到啲同學仔同家長都性格開朗，自信同埋有教養。
我是用家，希望幫到你❤️
作者: lulua622 時間: 22-10-30 11:36
本帖最後由 lulua622 於 22-11-22 07:22 編輯
回覆 toastho 的帖子
啟基用家ing！未後悔放棄蘇浙offer和優才2nd in(確定啟基有offer後就沒繼續了，優才Interview 太漫長而且成功率堪憂)
兒子幼稚園讀藍田啟思，一直無壓力開心上學，學校都鼓勵適當時間學習適當的事，所以沒什麼「操練」，沒有上興趣班、回家沒有另做練習、家中沒有工人姐姐練習英文口說，一切順勢而為、當玩則玩，仔仔又是偏觀察慢熟型，非主動活潑，所以福建小學第一關考中英數就被刷下來是意料中的事
因為是啟幼生，我們有去啟基open day看過示範教學，記得看的是中文堂，那時對P2小朋友的主動回答討論、融洽氣氛以及老師好吸引的教材印象深刻，啟基面試直接是2nd in，仔仔對環境熟悉所以很順利結束，老師繼續與我們會談，問了我們仔仔的優點、特點，也給予一些如何繼續發揮優點的教學建議，談話過程很舒服，所以心中已偏向啟基。p.s. 他在優才first round 被帶走時大哭，回來時口袋有包餅乾說因為不哭了所以老師給他的，但一直說很可怕我不來了⋯
現在他中文程度莫名不錯，啟思幼稚園時不太逼練寫字的，可能現在小肌肉已適當發展好，所以中文字忽然從幼稚園時期的八號風球變成乖乖在位子上，也要歸功啟基初小時期進度很適當不超前，老師即使是網課也仔細分析筆畫順序，我當時因疫情都wfh，也跟著重讀了小學寫字筆畫。
他英文程度相比中文較弱，尤其是口說，但畢竟幼稚園時期是悠閒渡過，平時會唸英文書給他聽，但他自己拿書看一定拿中文書籍，可以說是幾乎從零開始，還好啟基有自己一套課程還有phonics，每次學期測驗後都有安排與班主任家長面談，依據各個小朋友狀況給予建議，老師當時鼓勵説語言是累積的、小朋友input夠了就會有output，他現在英文成績都不錯、phonics學得也好，每週有一篇網上作業是讀出英文文章+ reading comprehension，每週有外師課、視藝課之前也會讓NET老師輪著上堂，據他自己說他都聽得懂 :)
我們最欣慰的是他在學校可以把功課大致處理完，回家好多時間做自己開心的事。他會跟同學互相討論功課，以長補短，再不明白就去問老師，自主開心學習才會讓至少15年的上學之路不那麼苦悶，雖然有時會想到幾年後中學派位可能又是個麻煩（我們跨區就讀&啟基男生Band 1率不那麼高），但看他每天開開心心期待上學的份上，覺得中學派位以後再煩惱^_^他之前有點感冒徵狀我要他請病假兩天，他在家一直唸說好想趕快去學校、我以後不要生病了，我想選啟基的決定還不錯吧！
家長之間的聯繫也是很好的，我們非常幸運的遇到好多和善熱心的家長，大家互相協助分享如何當小學雞的阿媽，也有許多「啟基重度用家」：哥哥姐姐弟弟妹妹都讀啟基…應該是真愛吧？
他的同學好多都好叻，有18班武藝樣樣精通的、有流利英文口說的、有文采飛揚的etc，學校也找好多機會讓小朋友表現自己，這不是一個只來把書塞進腦子裡的地方、不是一個只看重學習成績好的學生的學校，人人有機會站上台，仔仔上學期英文口說測驗Show and tell已可以收起害羞不看稿完成，阿媽老懷安慰
我們還沒唸到高小，只能以目前心得分享，供參考，希望有幫助！
作者: zebrama 時間: 22-10-31 08:56
lulua622 發表於 22-10-30 11:36
回覆 toastho 的帖子
啟基用家ing！未後悔放棄蘇浙offer和優才2nd in(確定啟基有offer後就沒繼續了，優才I ...
我非常認同，我小朋友是插班生，其實經歷過一般好谷一線津校嘅洗禮，而自己小朋友不是這一類，多功課丶上課形式單向丶老師顧住教晒所有書丶課外活動比例少，一年級90幾分
暗示家長未達標⋯經典填鴨式
插班面試過程感覺非常良好，因為副校長不是考驗家長考驗學生，而是透過單獨與學生面試中觀察學生，非常留意小朋友一舉一動，之後面談家長，多數傾談學校理念是否與家長配合，完全以學生為本
功課少，呢一點真係好緊要，因為香港好多小朋友都會有嘢學，就係白白用晒啲時間做功課，啲嘢就學到半桶水，做唔好又比家長鬧，一環扣一環，相反學校有好多show and tell及默書去令小朋友溫習，我想講默書範圍量其實唔少，open 範圍，但最後實質要默嘅其實唔多，我覺得呢一點做得好好，推動你溫多啲，實質落手默其實唔多，學生又容易有好成績，但其實又付出時間溫咗好多。
So far，無悔這個選擇，就算啟基未有中學，曾經與小朋友說不如轉一間有中學的小學，他說不願意⋯，我相信學校對他的歸屬感很強，而放開一點，其實學生如果能夠有動力學習、自信，都不愁沒有好中學收
我見其實好多家長都好低調，好多師兄師姐好多都考到直資、就算不是直私，都是返返屋企附近的Band one中學
作者: juneforgbb 時間: 22-10-31 09:13
認同樓上所講, 啟基有好多學生都好叻, 家長質素亦都好好, 大家之間唔會比較, 會分享, 感覺好舒服。學術唔淺, 但同神校比當然有距離, 校長老師都好好
作者: zebrama 時間: 22-10-31 09:32 標題: 回覆樓主：
本帖最後由 zebrama 於 22-10-31 12:26 編輯
本帖最後由 zebrama 於 22-10-31 09:44 編輯
當然，如果家長本身係好催谷，打造到小朋友遇強越強，成績導向嗰啲，其實啟基不是你杯茶，而家長們絕非冇經濟能力去催谷，只係唔係呢個方向同價值去培育小朋友，我諗學校喺面試當中，都會觀察家庭教育方向
作者: Bear_Family 時間: 22-11-8 21:33
回覆 lulua622 的帖子
請問小朋友讀緊幾多年級？會唔會上咗高小之後會較忙。我擔心初小好開心，但一到高小就要追成績。
作者: juneforgbb 時間: 22-11-9 11:27
回覆 Bear_Family 的帖子
每升一級, 都會忙DD, 去到高小, 唔會突然間覺得忙咗好多, 不過五六年級要呈分, 好多同學都會發力, 睇下家長想子女拎咩成績, 想考前列自然會出盡全力, 有D同學讀完小學就會過外國, 自然冇咁谷, 做足本份就算數
作者: jagabeechips 時間: 22-11-15 22:35
回覆 juneforgbb 的帖子
我都留左位，其實好心儀啟基，但驚小朋友唔係主動類型，在啟基活動教學下會吸收得冇咁好。所以令我有啲15 16
作者: YAC0601 時間: 22-11-16 09:40
回覆 jagabeechips 的帖子
點會, 我當初心儀啟基就係因為小朋友慢熱內向呢種環境先幫到佢建立信心, 培養佢外向放膽
如果你小朋友係內向形, 傳統教學既學校會令佢繼續係內向落去
始終傳統學校重成績, 大班教學, 要求所有小朋友都乖乖坐定定就好~
作者: zebrama 時間: 22-11-16 10:04
jagabeechips 發表於 22-11-15 22:35
回覆 juneforgbb 的帖子
我都留左位，其實好心儀啟基，但驚小朋友唔係主動類型，在啟基活動教學下會吸收得 ...
啟基比較鼓勵，建立主動性及自信，呢個係文化，同埋我相信物以類聚，小朋友自信及投入，成個氛圍小朋友都係咁。所以如果你小朋友唔係咁主動，相對放喺呢個環境，一定有得着。其實所謂活動教學，佢同傳統學校嘅分別，係佢鼓勵小朋友勇於答問題，亦有印仔貼紙獎勵，好似當中亦有恒常戲劇課（大約兩個Cycle一次),我相信呢個戲劇文化係啟基嘅主打之一。
作者: juneforgbb 時間: 22-11-16 12:44
jagabeechips 發表於 22-11-15 22:35
回覆 juneforgbb 的帖子
我都留左位，其實好心儀啟基，但驚小朋友唔係主動類型，在啟基活動教學下會吸收得 ...
作者: jagabeechips 時間: 22-11-16 13:30
回覆 YAC0601 的帖子
exactly!! 我個仔就係咁，所以啟基咁小班，我都覺得內向小朋友都唔會變左隱形人，哈哈。有你地咁多位分享，我放心好多呀！謝謝！
作者: jagabeechips 時間: 22-11-16 13:44
本帖最後由 jagabeechips 於 22-11-16 13:45 編輯
回覆 zebrama 的帖子
謝謝你分享！我都喜愛學校鼓勵學生主動自信，係我想要嘅野。另外想問佢係咪行cycle, 除左戲劇堂，係咪仲有安排課堂時間有其他活動可以參與架？尋晚我刨左啟基個網頁，真係好多唔同活動好豐富，覺得小朋友係咪真係可以玩到咁多野架
作者: zebrama 時間: 22-11-16 13:54
jagabeechips 發表於 22-11-16 13:44
回覆 zebrama 的帖子
謝謝你分享！我都喜愛學校鼓勵學生主動自信，係我想要嘅野。另外想問佢係咪行cycle, ...
本帖最後由 zebrama 於 22-11-16 13:57 編輯
1)係行cycle
2)如果規範喺恆常嘅課堂嘅額外活動，會有一啲參觀、歴奇（冇記錯呢個文化係2003年開始）、視藝堂有時會請一啲好勁嘅老師返嚟教某啲課堂，例如陶瓷、雕刻，PE堂亦都會有不定期有一啲好犀利嘅武術教練等等，啟基係會擺好多資源呢啲課外活動⋯
3）付費課外活動都有，呢啲就個人喜好，差唔參加都OK
不過我係屬於高年級，唔知初小會唔會係咁
作者: lulua622 時間: 22-11-19 20:21
回覆 jagabeechips 的帖子
我們家的現在讀P3，啟基有各式各樣的club、校隊和活動讓阿媽我都流口水好羨慕。
每年開學例牌都要煩惱一陣子：要join什麼校隊或Club（free）或課後興趣班（師資堅強但佛心價）好呢？跟阿仔一起看影片簡介、一起分析討論後讓他自己決定想參加什麼、還要排志願先後順序，太多人報名就要抽籤，但學校一定會讓小朋友報到至少一門活動。
啟基的精神之一就是鼓勵小朋友自己思考、並對自己的決定負責！有個同學仔從禮拜一排到禮拜六排滿不同的club&興趣班，他說很有興趣、體力可以應付得到，家長最後也支持他「男子漢的決定」！我對此男子漢深感佩服⋯⋯
在興趣班裡一定可以學到一點東西，但這是「師傅領進門」only，不可能參加完劍擊興趣班就可以打奧運，學校僅提供種子、想要精進一定是要自己額外去努力，比如有個校友就是在P3時參加啟基劍擊興趣班受到啟發、一路努力向上於是獲得奧運好成績。啟基的興趣班範圍超廣泛，有動有靜：舞蹈、球類、樂器、畫畫、圍棋、劍擊、書法、陶藝⋯近50種可選，入學後可以好好享受選擇困難的煩惱：）
另外，啟基的老師多是扮演太陽不是北風，以鼓勵代替責罵或命令，兒子個性慢熟怕生，在老師們的蓋章&獎勵貼紙的鼓勵下，現在好積極舉手回答問題，人際關係也大大進步（班主任說的）。班上人人都有負責工作讓他們有責任感，不是學業成績好的才可以當班長，兒子他們班的幹部是用舉手自願+猜拳方式產生，有的班級老師會刻意指定比較害羞的小朋友當班長練膽子，創造好多機會給小朋友！
記得K3時參加過某校open day，該名校校長說：「我們會盡量給比小朋友能力更難的東西來激發小朋友的潛能，絕對不會是Happy School! 追求小朋友開心上學的家長出口在那邊」於是我們就從出口走了⋯⋯這家學校沒有不好只是不適合，畢竟兒子不開心我就不開心嘛，誰說學習和開心不能共存呢？
作者: zebrama 時間: 22-11-19 21:40
lulua622 發表於 22-11-19 20:21
回覆 jagabeechips 的帖子
我們家的現在讀P3，啟基有各式各樣的club、校隊和活動讓阿媽我都流口水好羨慕。 ...
家長講得實在太清楚，我記得班長係好多同學都有份輪流做，每人都能夠接受呢個honor 及建立責任感
其實所謂happy School唔係唔讀書，
只係以乜野方式來學習，其實好多人喺好名嘅名校嘅光環底下，讀到死下死下，又唔同人講係邊度補習，多的是
作者: dorabee 時間: 22-11-21 21:07
提示: 該帖被管理員或版主屏蔽
作者: dorabee 時間: 22-11-21 21:09
提示: 該帖被管理員或版主屏蔽
作者: dorabee 時間: 22-11-21 21:10
zebrama 發表於 22-11-16 13:54
本帖最後由 zebrama 於 22-11-16 13:57 編輯
1)係行cycle
感謝你哋用家近幾日嘅回覆分享，我真係搵好耐先至搵到有關於啟基學校嘅資料，就算有都可能係舊嘅資料，見到你哋幾位咁用心回覆我都覺得好安心！我早幾日都收到Offer啦，好開心(emoji)(emoji)❤️
作者: zebrama 時間: 22-11-21 21:15
dorabee 發表於 22-11-21 21:10
感謝你哋用家近幾日嘅回覆分享，我真係搵好耐先至搵到有關於啟基學校嘅資料，就算有都可能係舊嘅資料，見 ...
恭喜
作者: miriam 時間: 22-11-21 21:49
版主通知
全面禁止開立/邀請/宣傳任何親子王國以外之通訊群組.
鑑於近期不斷有用戶開立親子王國及教育王國以外之通訊群組，並在版面邀請其他國民加入，過往管理團隊只會在版面作出溫馨提示，但情況一直未有改善，更有不法份子通過站外群組進行宣傳活動及滋擾國民。為保障國民安全及個人資料免被外洩，由即日起，全面禁止開立/邀請/宣傳任何親子王國以外之通訊群組，一經發現，有關帖子將會移除或屏蔽，屢次或嚴重違規者，將可被警告或禁言。
再次提醒各位國民，在參與討論時，請勿隨便透露自己的個人或通訊資料，更應避免在版面公開自己的真實姓名、電郵地址或聯絡電話，以免受到不必要的滋擾。謝謝！
作者: jagabeechips 時間: 22-11-22 01:10
回覆 lulua622 的帖子
好多謝你咁詳盡嘅回覆
樓上講得冇錯，討論啟基的post很少，或唔update，有你地分享，我更加覺得唔會揀錯
作者: dorabee 時間: 22-11-22 01:10
miriam 發表於 22-11-21 21:49
版主通知
好的，明白！
作者: dorabee 時間: 22-11-22 01:28
jagabeechips 發表於 22-11-22 01:10
回覆 lulua622 的帖子
好多謝你咁詳盡嘅回覆樓上講得冇錯，討論啟基的post很少，或唔update，有 ...
我有睇啟基IG和Facebook，佢哋都有更新學校資訊，而且老師朋友也大讚課程紥實，老師專科專教，不似一般學校老師身兼多項行政課外工作（耗盡揸乾老師精神無心全力工作），而且原來九月不用in先收的一批學生是原幼校長推薦入學才不用in,的。
作者: jagabeechips 時間: 22-11-22 01:31
回覆 dorabee 的帖子
你有in到嗎？
作者: dorabee 時間: 22-11-22 01:32
jagabeechips 發表於 22-11-22 01:31
回覆 dorabee 的帖子
你有in到嗎？
已經是正取生了，感恩(emoji)(emoji)(emoji)(emoji)(emoji)
作者: zebrama 時間: 22-11-22 09:24
dorabee 發表於 22-11-22 01:28
我有睇啟基IG和Facebook，佢哋都有更新學校資訊，而且老師朋友也大讚課程紥實，老師專科專教，不似一般學 ...
你講得冇錯，轉校之前，我小朋友嗰間學校，常識丶數學丶宗教丶視藝都係同一個老師教⋯（當然我覺得教得唔好嗰隻），我都有問一個教書朋友，佢話通常老師冇專長先會咁，好嗰啲真係會專科專教
題外話：話說我小朋友昨天考英文，佢返嚟同我講，佢哋嗰班好快做晒，常識老師特登過嚟同佢地再溫下書，因為今日考常識☺️，但係我小朋友表但係好雀躍個喎(emoji)，，考試都考得好開心
作者: dorabee 時間: 22-11-22 16:40
zebrama 發表於 22-11-22 09:24
你講得冇錯，轉校之前，我小朋友嗰間學校，常識丶數學丶宗教丶視藝都係同一個老師教⋯（當然我覺得教得唔 ...
能夠快樂學習，其實好幸福❤️我另外想問除咗學費雜費，而家午餐嘅費用係幾多呢(emoji)(emoji)❤️？
作者: juneforgbb 時間: 22-11-22 20:37
dorabee 發表於 22-11-22 16:40
能夠快樂學習，其實好幸福❤️我另外想問除咗學費雜費，而家午餐嘅費用係幾多呢(emoji)(emoji)❤️？
...
午餐比其他學校貴，大約$40/餐，因為係姨姨係學校煮，唔係訂飯盒，餐單都好健康，似屋企煮的飯，星期一係素食。如果唔食學校飯，家長都可以自己拎飯比小朋友。
作者: jagabeechips 時間: 22-11-22 22:24
juneforgbb 發表於 22-11-22 20:37
午餐比其他學校貴，大約$40/餐，因為係姨姨係學校煮，唔係訂飯盒，餐單都好健康，似屋企煮的飯，星期一係 ...
作者: zebrama 時間: 22-11-22 23:50
我冇搭校車, 可以試吓打電話翻學校問
午膳費用我諗好似樓上家長講大約$40一餐，因為已經好幾年冇響學校食飯，所以唔係好記得幾多錢。
而啟基響疫情前其中一個賣點係佢地自設廚房自設健康餐，嚟緊12月終於可以enjoy到(emoji)
https://ccs.edu.hk/tc/webpage.php?cid=31
作者: lulua622 時間: 22-11-23 09:34
回覆 juneforgbb 的帖子
對大概40元一餐，不知道今年會不會再給家長試食機會？我們P1入學前已約了中西餐試食各一後來就因疫情取消（哭），啟基餐點也是我們當年選啟基的重要原因之一， 聽說低鹽少油無味精但好好味（好神話）12月終於可以吃到啦！
校車細節要問學校，但他們也只能給個大概時間，因為校巴是外包給校巴公司，路線安排視學生情形每年不同，校巴安排是目前家長比較多complaints 的地方，由於前兩年又是疫情網課好多司機開不了工都走光，等到復課時司機人手不足、要分兩輪開車，有的家長決定自行接放學不然到家都好晚，希望來年恢復正常！
p.s. 我們住觀塘區，大概6:35上車，到校7:20，就開始寫手冊、交功課、早讀時間（自己的圖書），八點上課。
作者: dorabee 時間: 22-11-24 01:31
juneforgbb 發表於 22-11-22 20:37
午餐比其他學校貴，大約$40/餐，因為係姨姨係學校煮，唔係訂飯盒，餐單都好健康，似屋企煮的飯，星期一係 ...
好的謝謝！已經平過外面吃了！
作者: dorabee 時間: 22-11-24 01:32
lulua622 發表於 22-11-23 09:34
回覆 juneforgbb 的帖子
對大概40元一餐，不知道今年會不會再給家長試食機會？我們P1入學前已約了中西餐試 ...
原來今屆P1也未吃過(emoji)，希望12月順利有得食(emoji)
作者: zebrama 時間: 22-11-24 08:13
dorabee 發表於 22-11-24 01:32
原來今屆P1也未吃過(emoji)，希望12月順利有得食(emoji)
本帖最後由 zebrama 於 22-11-24 08:20 編輯
係呀，返半日已幾年，呢段時間唔使喺學校食飯⋯
九月前聽家長會，校長主任有提到，佢哋唔想因為疫情，唔用班廚房校工
EE，所以keep住呢班姨姨都出住人工，希望快啲返全日呢班姨姨就正常工作為小朋友煮嘢食
所以學校12月8號馬上轉全日返學
作者: dorabee 時間: 22-11-24 21:45
真係好好！我見學校上下所有職員都好好，真係要成間學校嘅人關係好好好關愛先可以上下一心。
我都想問吓呢，其實小朋友係咪大多數都係互相講英文？我其實都係有啲擔心甩咗個英文語景，最緊要每一日都有人同佢講英文就得(emoji)！同埋多唔多同學出去學普通話呢？
作者: juneforgbb 時間: 22-11-24 23:19
dorabee 發表於 22-11-24 21:45
真係好好！我見學校上下所有職員都好好，真係要成間學校嘅人關係好好好關愛先可以上下一心。
我都想問吓呢 ...
啟基係中文小學，大部份同學都係講廣東話，但有d 同學慣用英文，會英文溝通，或者中英夾雜咁講，而且有外藉老師，佢地好鍾意同外藉老師傾計，英文程度普遍都唔錯，反而要擔心中文多d
作者: dorabee 時間: 22-11-25 00:17
juneforgbb 發表於 22-11-24 23:19
啟基係中文小學，大部份同學都係講廣東話，但有d 同學慣用英文，會英文溝通，或者中英夾雜咁講，而且有外 ...
謝謝回覆！其實我都鍾意喺呢度打好個中文底呀！
作者: zebrama 時間: 22-11-25 12:28
dorabee 發表於 22-11-25 00:17
謝謝回覆！其實我都鍾意喺呢度打好個中文底呀！
校長及前莫校長都堅持母語係小朋友第一身最理解，從父母平時教嘅語言接收知識係最好，唔贊成普教中，但有普通話堂，英文亦有外籍老師
作者: dorabee 時間: 22-11-27 10:37
zebrama 發表於 22-11-25 12:28
校長及前莫校長都堅持母語係小朋友第一身最理解，從父母平時教嘅語言接收知識係最好，唔贊成普教中，但有 ...
本帖最後由 dorabee 於 22-11-27 10:38 編輯
都係嘅，如果幼稚園吸收唔到好好嘅普通話，其實上到小學係好難用普通話學中文，同埋啲姨甥女講普通話都好好都係上中學先至自己睇劇同睇bilibili(emoji)學嘅，佢哋都同我講唔使擔心普通話(emoji)，我淨係想打好過中文底(emoji)(emoji)！謝謝回覆(emoji)
作者: waiyuet 時間: 22-11-29 17:04
zebrama 發表於 22-10-31 08:56
我非常認同，我小朋友是插班生，其實經歷過一般好谷一線津校嘅洗禮，而自己小朋友不是這一類，多功課丶上 ...
Me too
作者: jesswu 時間: 22-11-29 22:55
zebrama 發表於 22-11-24 08:13
本帖最後由 zebrama 於 22-11-24 08:20 編輯
係呀，返半日已幾年，呢段時間唔使喺學校食飯⋯
請問轉全日放幾點？
作者: zebrama 時間: 22-11-30 00:15
jesswu 發表於 22-11-29 22:55
請問轉全日放幾點？
返學放學時間
圖片附件: myimage.jpg (22-11-30 00:15, 77.71 KB) / 下載次數 19
/forum.php?mod=attachment&aid=MzY4MDIzfDBjOGE0OTc5fDE3NDYxMTU1MjV8MA%3D%3D
作者: jesswu 時間: 22-11-30 00:16
zebrama 發表於 22-11-30 00:15
返學放學時間
謝謝您
作者: CarrieABC 時間: 22-12-12 10:06
上星期交左留位費，但目測見到張list 交留位費學生唔多，仲有好多人冇交，係咪冇人讀 ？本人去過一次啟基interview, 感覺每位老師真係好有heart好有禮貌。
作者: zebrama 時間: 22-12-12 11:28
CarrieABC 發表於 22-12-12 10:06
上星期交左留位費，但目測見到張list 交留位費學生唔多，仲有好多人冇交，係咪冇人讀 ？本人去過一次啟基in ...
In 得直私，隨時揸住幾個Offer係手，可能最後又有人選津校未定。選擇適合就是了。
作者: dclm 時間: 22-12-14 07:26
提示: 該帖被管理員或版主屏蔽
作者: CarrieABC 時間: 22-12-14 14:22
提示: 該帖被管理員或版主屏蔽
作者: miriam 時間: 22-12-14 17:27
版主通知
全面禁止開立/邀請/宣傳任何親子王國以外之通訊群組
鑑於近期不斷有用戶開立親子王國及教育王國以外之通訊群組，並在版面邀請其他國民加入，過往管理團隊只會在版面作出溫馨提示，但情況一直未有改善，更有不法份子通過站外群組進行宣傳活動及滋擾國民。為保障國民安全及個人資料免被外洩，由即日起，全面禁止開立/邀請/宣傳任何親子王國以外之通訊群組，一經發現，有關帖子將會移除或屏蔽，屢次或嚴重違規者，將可被警告或禁言。
再次提醒各位國民，在參與討論時，請勿隨便透露自己的個人或通訊資料，更應避免在版面公開自己的真實姓名、電郵地址或聯絡電話，以免受到不必要的滋擾。謝謝！
作者: sy12 時間: 23-11-4 15:41
請問小朋友升中能容易銜接嗎？
| 歡迎光臨 教育王國 (/) |
Powered by Discuz! X1.5 |