教育王國
標題: 求教band1小學，追成績 [打印本頁]
作者: Cherryroy 時間: 22-10-13 19:07 標題: 求教band1小學，追成績
小朋友响某band 1小學讀p3,但默書小測由開學瑜現在都未合格過，心好灰～
作者: MLPW 時間: 22-10-13 20:18
Cherryroy 發表於 22-10-13 19:07 
小朋友响某band 1小學讀p3,但默書小測由開學瑜現在都未合格過，心好灰～
每次溫幾耐？媽媽在職？有冇補習？
科科都係唔合格？
考試呢？
作者: yiqiyihui 時間: 22-10-13 22:17
本帖最後由 yiqiyihui 於 22-10-13 22:17 編輯
見你出過post 講
似乎大家都努力咗但就係做唔到
揾班主任傾下同搵expert 對症下藥?
作者: Cherryroy 時間: 22-10-14 00:45
回覆 MLPW 的帖子
其實一知道默書就同佢溫，但係功課做得好慢，所以唔多唔小都影響到溫唔到，而且今年佢中文老師捉字捉得好緊，所以兩次都3×分 英文同數都係咁，我同爸爸都番工，我哋只能放工回來先跟到功課，上年有去功課班，但反而成績無進步 。p2時最後學期因為無去功課班，反而英文好左，所以令平均分剛好合格升班。而家剩係番緊專科數學班。
作者: Cherryroy 時間: 22-10-14 00:52
回覆 yiqiyihui 的帖子
班主任同我傾過，剩係話佢寫字好慢，老師剛開新學年教佢，就同我講搵間適合佢嘅學校，唔好咁樣令她打擊自信，我同老師講佢唔合格佢反而知自己要努力，從無打擊過佢，佢記性差啲受同懶思考就係我覺得佢缺點。，不過係阿媽我受唔到。講真11月頭考試，又全炒，我真係未必受得住。我好想搵方法幫佢
作者: yiqiyihui 時間: 22-10-14 01:56
Cherryroy 發表於 22-10-14 00:52
回覆 yiqiyihui 的帖子
班主任同我傾過，剩係話佢寫字好慢，老師剛開新學年教佢，就同我講搵間適合佢嘅學 ...
作者: Cherryroy 時間: 22-10-14 07:53
回覆 yiqiyihui 的帖子
學校p1時話佢有讀寫障礙，跟著話學校社工跟進，之後學校又無回音，跟著今年個班主任又話可能有讀障，我都唔知～佢寫字係大力又大個，所以好慢
作者: tailinlin 時間: 22-10-14 07:54
Cherryroy 發表於 22-10-14 00:52
回覆 yiqiyihui 的帖子
班主任同我傾過，剩係話佢寫字好慢，老師剛開新學年教佢，就同我講搵間適合佢嘅學 ...
如果你用咗3年時間去試間學校，都跟唔到進度，我覺得係時候去轉另一間適合的學校，留係原校只會打擊自信，愈讀愈唔開心
作者: 964000 時間: 22-10-14 08:08
Cherryroy 發表於 22-10-14 07:53
回覆 yiqiyihui 的帖子
學校p1時話佢有讀寫障礙，跟著話學校社工跟進，之後學校又無回音，跟著今年個班主 ...
似讀障，你要先拿正式評估報告，再跟學校講需要調適，例如默書範圍默少D，考試比多D時間，老師唔會執字執咁緊。
作者: deco99 時間: 22-10-14 08:30
Cherryroy 發表於 22-10-14 07:53
回覆 yiqiyihui 的帖子
學校p1時話佢有讀寫障礙，跟著話學校社工跟進，之後學校又無回音，跟著今年個班主 ...
讀障要去評估，有正式評估默書測考要extra時間，如果咁嘅支援學校都俾唔到，真係轉校好過
作者: Wildlly 時間: 22-10-14 08:31
如果真係讀唔店
轉去啲關愛同淺啲學校係一個方法
作者: pinkupinku 時間: 22-10-14 08:59
Cherryroy 發表於 22-10-14 07:53
回覆 yiqiyihui 的帖子
學校p1時話佢有讀寫障礙，跟著話學校社工跟進，之後學校又無回音，跟著今年個班主 ...
聽落似係學習或讀寫障礙，如果能力可以，出私家做評估啦，唔好等學校。
作者: Jean1769 時間: 22-10-14 09:00
tailinlin 發表於 22-10-14 07:54
如果你用咗3年時間去試間學校，都跟唔到進度，我覺得係時候去轉另一間適合的學校，留係原校只會打擊自信， ...
無錯，唔啱就無謂再拖啦。一線校考第尾不如三線校者前d
作者: Janetip 時間: 22-10-14 09:05
轉校，大人小朋友都辛苦
無自信只會愈讀愈差
作者: Charlotte_mom 時間: 22-10-14 09:07
本帖最後由 Charlotte_mom 於 25-6-4 21:37 編輯
delete
作者: yiqiyihui 時間: 22-10-14 10:13
Cherryroy 發表於 22-10-14 07:53
回覆 yiqiyihui 的帖子
學校p1時話佢有讀寫障礙，跟著話學校社工跟進，之後學校又無回音，跟著今年個班主 ...
作者: yiqiyihui 時間: 22-10-14 10:20
Cherryroy 發表於 22-10-14 00:52
回覆 yiqiyihui 的帖子
班主任同我傾過，剩係話佢寫字好慢，老師剛開新學年教佢，就同我講搵間適合佢嘅學 ...
https://www.dhcas.gov.hk/file/conditions/Dyslexia_Chi_1801.pdf
網上好多資訊，你google 下，最重要揾人幫呀!
作者: mrchuchu 時間: 22-10-14 10:44
同意，你都比咗兩年時間個女，好明顯唔係佢唔努力，你唔夠出力。不如面對現實去睇專科。
佢留係band 1 學校只會令佢唔開心，滿滿的挫敗感。搵間適合佢嘅學校更重要。
作者: juneforgbb 時間: 22-10-14 10:48
努力過都唔得, 可能真係要放開D, 搵間適合的小學。成績重要, 但小朋友快樂成長更重要。
作者: Cherryroy 時間: 22-10-14 11:05
回覆 yiqiyihui 的帖子
其實我都唔知係咪有讀障，老師覺得有咋
作者: yiqiyihui 時間: 22-10-14 11:08
Cherryroy 發表於 22-10-14 11:05
回覆 yiqiyihui 的帖子
其實我都唔知係咪有讀障，老師覺得有咋
https://www.edu-kingdom.com/forum.php?mod=forumdisplay&fid=44&filter=typeid&typeid=21
作者: JennK 時間: 22-10-14 11:12 標題: 回覆樓主:
band 1人地個個開快車彭彭聲，本身讀寫障礙再加做墊底果班，好打擊自信呀！
作者: Jean1769 時間: 22-10-14 11:25
Cherryroy 發表於 22-10-14 11:05
回覆 yiqiyihui 的帖子
其實我都唔知係咪有讀障，老師覺得有咋
老師見過咁多細路，亦應該接受過相關訓練，佢哋話有都有8、9成啦。
你應該要面對現實
作者: vpo0615 時間: 22-10-14 11:48
唔明白你等乜, 已經拖咗兩年, 仲係唔肯面對現實, 快D去做評估啦!
作者: Jean1769 時間: 22-10-14 11:51
vpo0615 發表於 22-10-14 11:48
唔明白你等乜, 已經拖咗兩年, 仲係唔肯面對現實, 快D去做評估啦!
無錯，真係睇到人都炆，學校已講過幾次，仲係唔相信，唔相信都可以，咁就搵專業人士去評估啦
不知是否已錯過黃女時期去改善了
作者: Jean1769 時間: 22-10-14 11:55
Cherryroy 發表於 22-10-14 07:53
回覆 yiqiyihui 的帖子
學校p1時話佢有讀寫障礙，跟著話學校社工跟進，之後學校又無回音，跟著今年個班主 ...
P1時應該疫情剛到，停學都玩左一輪，學校本身都甩哂轆唔定。到今年終於正常返少少，咪重提囉。
其實老師都出到聲叫你轉，就應該真係唔啱讀），我相信老師同學校高層都傾過你個case先會敢同你講
作者: yiqiyihui 時間: 22-10-14 11:59
Jean1769 發表於 22-10-14 11:51
無錯，真係睇到人都炆，學校已講過幾次，仲係唔相信，唔相信都可以，咁就搵專業人士去評估啦
不知是否已 ...
我覺得你個女好乖，但好慘。你好似另一post 話做功課做到11、12點? 咁佢仲駛瞓嘅?
日日唔夠瞓去用錯誤方法追進度… 無言呀。
作者: Jean1769 時間: 22-10-14 12:02
yiqiyihui 發表於 22-10-14 11:59
最忟係佢遊花園，明明老師已經憑經驗話佢知可能SEN，但佢淨係同我哋講其他嘢。咁係逃避。你話就話好想幫個 ...
的確係，一開始都無提呢個重點
感覺樓主就是想迴避面對。
講真，做家長有邊個唔想自己仔女最叻最醒讀名校一條康莊大道，但如果事實上唔係的話就應直面，想方法幫佢再佢的範圍內做到最好。咁樣唔合格法又點會有自信心呢
作者: jacky0579 時間: 22-10-14 12:21
成績差都要睇下咩原因, 上功課班未必解決到問題, 次次唔合格只會打擊小朋友自信,
學校小一開始已經執字了,小朋友應該第一個學期已經適應,
如果去到小三都係寫字有問題, 就不是學校問題了,
同埋BAND1一班三十人, 好難要老師去遷就個別同學,
如果轉去寶校, 一班十幾人, 會有多啲資源, 升中也不見得派得差
作者: yiqiyihui 時間: 22-10-14 12:48
Jean1769 發表於 22-10-14 12:02
的確係，一開始都無提呢個重點
感覺樓主就是想迴避面對。
後尾聽佢講個同學會轉國際學校，都替個同學仔鬆一口氣。
作者: Charlotte_mom 時間: 22-10-14 13:50
本帖最後由 Charlotte_mom 於 25-6-4 21:37 編輯
Cherryroy 發表於 22-10-14 11:05
回覆 yiqiyihui 的帖子
其實我都唔知係咪有讀障，老師覺得有咋
delete
作者: szeszeeee 時間: 22-10-14 16:20
如果真係sen小朋友要及早正視，睇吓點樣可以幫到佢，如果真係sen，佢唔係唔努力，唔係偷懶，而係佢真係冇辦法去做到，就算一日溫足12個鐘書都係做唔到，佢自己都唔想
作者: Cherryroy 時間: 22-10-14 22:53
其實我有同佢講轉校呀！不過佢喊哂唔想轉～
佢好鍾意學校，但係成績就係追唔到，所以先嚟問下有無其他方法幫佢。
作者: lavender_mum 時間: 22-10-14 22:58
唔好以為讀寫障礙係the end of the world, 最緊要係盡快介入接受適合training,小朋友一樣會好出色，因為真正發揮所長
我有同事係英國top U (King’s College) LLB畢業，每日同文字玩遊戲，原來佢係有讀寫障礙！佢唔同我地講我哋外人難以察覺。就係佢父母一早認清問題，俾佢細個happy school,唔好刻意補習追成績，再儲錢送佢去英國留學。
作者: yiqiyihui 時間: 22-10-14 23:33
本帖最後由 yiqiyihui 於 22-10-14 23:39 編輯
Cherryroy 發表於 22-10-14 22:53
其實我有同佢講轉校呀！不過佢喊哂唔想轉～
佢好鍾意學校，但係成績就係追唔到，所以先嚟問下有無其他方法 ...
佢咁細個，又未讀過第二間，唔應該由佢嚟決定去留。同埋轉校呢樣都唔係重點… 你都要揾人評估先再問對方有咩對策。
轉校只係對策之中嘅可能其中一部分。
你覺得上嚟問兩句，未見過你個女就有人就咁幫到你，咁人哋做醫生/治療嗰啲專家唔駛花幾年讀個degree呀專科去學呢啲嘢啦!
唔好咁天真啦! 唔好咁盟塞啦!
作者: yiqiyihui 時間: 22-10-14 23:48
本帖最後由 yiqiyihui 於 22-10-14 23:56 編輯
lavender_mum 發表於 22-10-14 22:58
唔好以為讀寫障礙係the end of the world, 最緊要係盡快介入接受適合training,小朋友一樣會好出色，因為真 ...
同意呀。好需要人「介入」去俾proper training。樓主自己幻想唔介入就會有方法好起來
不如你睇吓有咩名人係dyslexic 先啦
https://www.webmd.com/children/ss/slideshow-celebrities-dyslexia
史提芬史匹堡 導演
Richard Branson 維珍老闆
唔好再耽誤你個女啦。天才都變庸才㗎
好啦，係睇唔過眼啲人喺度浪費光陰，講到口臭喇，唔再出post 啦，goodbye
作者: Jean1769 時間: 22-10-15 00:05
Cherryroy 發表於 22-10-14 22:53
其實我有同佢講轉校呀！不過佢喊哂唔想轉～
佢好鍾意學校，但係成績就係追唔到，所以先嚟問下有無其他方法 ...
佢得小三，點知咩方案對自己好？佢應該係連讀寫障礙係乜都唔知
家長的角色就係facilitate小朋友，適當時候要係用家長身分做一個正確的決定
作者: fmf903 時間: 22-10-15 00:07
Cherryroy 發表於 22-10-14 11:05
回覆 yiqiyihui 的帖子
其實我都唔知係咪有讀障，老師覺得有咋
其實讀障係k2-3 階段學寫字，好快會spot 到，不明白拖到小三仲未睇醫生。
我仔2歲幾已俾N 班老師話似資優+A仔。我地一直好好教導佢行為，夠5歲去了做評估，的確係資優+踩界A。
所以老師3年前睇到的，其實都好大機會係。
作者: legolas625 時間: 22-10-15 04:47
老師見咁多細路，你要參考佢的意見。
樓主都要接受小朋友成績唔好，要改善唔係一時三刻可以做到，快D搵私人評估啦，已經P3，唔好拖。
作者: 964000 時間: 22-10-15 06:05
老實說，正常小朋友咁努力溫書应该唔會成績咁差的，如果讀障要用特別方法學習，不要再耽誤時間，這些小朋友很多還是很有才華很有創意的。
另外一個可能是有限智能，但如果你見佢平時都醒醒目目，應該似讀障多，真的要評估了才可對症輔導她，尤其考試會有額外時間，很大幫助。
讀障得到合適的訓練，也有人讀到大學畢，有人做埋醫生添。
https://www.mpweekly.com/entertainment/focus/local/醫健知多d/【醫健知多d】讀寫障礙知多少-丁錫全以過來人身份
作者: LeeCC 時間: 22-10-15 07:38
Cherryroy 發表於 22-10-14 11:05
回覆 yiqiyihui 的帖子
其實我都唔知係咪有讀障，老師覺得有咋
所以咪要搵專家評估，證實有的話，就同學校傾調適，如果學校唔協助，可以唔洗唸咁多，轉校得啦。
如果證實不是讀障，專家會講係咩問題，建議如何訓練改善，家長只要畀耐性陪伴訓練，調節期望，等孩子進步。
作者: tummypooh 時間: 22-10-15 11:10
見樓上各位都睇到好激動。
作為父母，唔想小朋友有問題，有時出左問題都會同自己講未必係，咁諗都係人之常情。
但有啲問題，出現左一段時間，又不斷搵借口安慰自己，其實只會係你個心暫時好過左，但個問題依舊存在同發展更。
香港醫學算係好發逹，政府學校都會有支援。但有時有啲嘢，係不能等的，主動出擊。我唔知樓主係因為依舊包有一絲幸運心態覺得係小朋友未開竅，定係因為金錢問題而咁多年都唔去搵專科確認下。
我真心覺得如果唔係因為金錢壓力真係大到冇可能負擔到，點都出去做左個初步評估先，冇障礙當然最好。如果有，你拎住個REPORT搵學校搵社工拎支援都快啲(校主係私校？我成日覺得私校你唔好諗住佢會支援你)，如果負擔到，更係一路等，一路自費搞住先。
我見有啲POST有人話你提過小朋友做功課要做到好夜，但如果其他同學唔係咁，得你係咁，而家先三年級，四五年級你應該唔訓都搞唔掂。所以你而家真係不能再等了。
作者: Cherryroy 時間: 22-10-15 13:06
回覆 LeeCC 的帖子
多謝解答，我知大家激動。我其實係想搵唔轉校而追到成績方法。佢1，2年級唔係全部都唔合格，都有試過幾次默書拎8×，英文都有7×，只不過剛開學呢個幾月，所有野都唔合格，做野，寫字又慢，所以我先想請教方法。
作者: Jean1769 時間: 22-10-15 13:23
Cherryroy 發表於 22-10-15 13:06
回覆 LeeCC 的帖子
多謝解答，我知大家激動。我其實係想搵唔轉校而追到成績方法。佢1，2年級唔係全部都唔 ...
本帖最後由 Jean1769 於 22-10-15 13:24 編輯
一年班7x分，其實已經係好低。
都唔需要講太多，你而家首要去做的係搵專業人士去做評估再聽專家意見，你再拖，恕我直言，係害左個女
作者: kakokkkk 時間: 22-10-15 13:46
Cherryroy 發表於 22-10-15 13:06
回覆 LeeCC 的帖子
多謝解答，我知大家激動。我其實係想搵唔轉校而追到成績方法。佢1，2年級唔係全部都唔 ...
其實方法就係要評估左先。
作者: Eunice0203 時間: 22-10-15 13:53
Cherryroy 發表於 22-10-15 13:06
回覆 LeeCC 的帖子
多謝解答，我知大家激動。我其實係想搵唔轉校而追到成績方法。佢1，2年級唔係全部都唔 ...
其實好多jm已經比哂意見方法你 你都唔肯接受！一年級7.80分其實已經好低
作者: mrchuchu 時間: 22-10-15 14:21
你有你講，佢有佢做。。。算罷啦大家。
作者: yiqiyihui 時間: 22-10-15 15:35
本帖最後由 yiqiyihui 於 22-10-15 15:45 編輯
mrchuchu 發表於 22-10-15 14:21
你有你講，佢有佢做。。。算罷啦大家。
真係… 完全覺得自己對牛彈琴
所以慳返啖口水好過
老師講可能SEN - 唔信
老師講轉校唔好咁樣令她打擊自信 - 佢自信唔會受打擊
十個八個網友叫評估 - 完全無視
咁佢又問老師?
咁佢又問我哋?
佢自己都有哂自己幻想嘅答案啦
依家覺得個阿媽個問題仲大過個女多多聲
作者: piglover 時間: 22-10-15 18:10 標題: 回覆樓主：
本帖最後由 piglover 於 22-10-15 18:35 編輯
要由Band 1小學轉寶校，樓主過唔到自己果一關。
Band 1小學都不代表個個小朋友係Band 㗎。
唔適合就係唔適合，比你勉強留下，又點呢？
作者: sonokosy 時間: 22-10-15 18:10
如有懷疑，緊係去做下評估啦。不過好多人唔明，以為做完評估，學校會支援，然後小朋友就跟到。其實咁諗係錯哂，就算學校有咩支援都好，一個有讀障嘅小朋友都好難跟得上band 1學校嘅進度同功課。
假如確定咗小朋友有讀寫障礙，你下一步就應該要接受同幫小朋友轉校，咁樣對佢會好d。就選小學勉強讀到畢業，咁中學呢？小朋友都無可能讀到，所以媽媽你又何必死守呢個band 1學位呢？同埋小朋友已經讀咗2年，但兩年都唔太跟到，家長亦搞到好大壓力，坦白講，即係話呢間學校唔適合你小朋友。
作者: juneforgbb 時間: 22-10-15 18:17
Eunice0203 發表於 22-10-15 13:53
其實好多jm已經比哂意見方法你 你都唔肯接受！一年級7.80分其實已經好低
...
其實一、二年級70/80分唔係一個問題，問題係因為懶或者未搵到方法溫書，定係開盡turbo都係咁？ 如果已開盡turbo 默書先係70/80先，仲要未必係次次拎到，上到高小點捱
作者: sonokosy 時間: 22-10-15 18:21
如果要繼續讀原校，建議每日俾小朋友早啲訓覺。唔熟所以溫書溫得夜，但因為攰好難記得入腦，最後成績都唔會好，仲要搞到第二日唔夠精神上堂，唔能夠留心聽老師講嘢，然後成績唔好…呢個惡性循環只會一直無限loop，所以建議你寧願俾小朋友每日早啲訓覺，有足夠精神上堂。
作者: piglover 時間: 22-10-15 19:06
樓主問小朋友成績問題已2年啦，2年都無改善，仲要留低在原校。
方法，建議，網友都比曬樓主，她又唔接受，都無辦法㗎。
學習係長途賽，小朋友而家都唔想跑，點搞？
作者: piglover 時間: 22-10-15 19:12
sonokosy 發表於 22-10-15 18:10
如有懷疑，緊係去做下評估啦。不過好多人唔明，以為做完評估，學校會支援，然後小朋友就跟到。其實咁諗係錯 ...
原來樓主小朋友間小學有直屬中學嘅，難怪不想放棄。
不過，直屬都不是百分百收，升唔到原校仲大件事。
作者: tailinlin 時間: 22-10-16 21:59
piglover 發表於 22-10-15 19:12
原來樓主小朋友間小學有直屬中學嘅，難怪不想放棄。
不過，直屬都不是百分百收，升唔到原校仲大件事。
邊間？
作者: LeeCC 時間: 22-10-17 06:14
小朋友如果確診係sen，不但小朋友本身要接受訓練輔導，家長都要接受專業人士輔導，第一樣學習的就是調節期望
作者: piglover 時間: 22-10-17 07:34
我知道樓主邊間小學，坦白講，呢間真係唔深㗎。如果你話小朋友唔係高分，都算。而家係唔合格。樓主果間小學無教深，無教快，如果都唔合格。
樓主真係要帶小朋友做下評估。
作者: bananaGi 時間: 22-10-17 08:52
Cherryroy 發表於 22-10-14 00:52
回覆 yiqiyihui 的帖子
班主任同我傾過，剩係話佢寫字好慢，老師剛開新學年教佢，就同我講搵間適合佢嘅學校，唔好咁樣令她打擊自信， 我同老師講佢唔合格佢反而知自己要努力，從無打擊過佢，佢記性差啲受同懶思考就係我覺得佢缺點。，不過係阿媽我受唔到。講真11月頭考試，又全炒，我真係未必受得住。我好想搵方法幫佢
比定心理準備你, 睇一睇你校既升中結果, 你既名次將決定你入 band幾中學. 到時唔接受可以點?
作者: LeeCC 時間: 22-10-17 10:00
本帖最後由 LeeCC 於 22-10-17 10:15 編輯
其實留係原校，以現在的成績係咪可以直升中學？如果唔係，不如去一間二線學校，畀小朋友透下氣，發掘興趣強項，重拾信心。
真實個案，一線小一生懷疑讀障，學校由12月開始，老師社工每日車輪戰咁見家長，話學校不適合小朋友，勸退，但無安排評估支援，小朋友日日返學喊，夜晚做功課喊
下學期，家長自己安排私家評估，結果出左，證實讀障，交畀學校，無支援，學校採取放棄態度，點解？因為有報告就唔可以勸退，只可以自然流失。
家長忍到學期尾，帶著評估報告去同區二線小學插班，重讀小一，學校發現小朋友數學和表演天份，畀機會發揮，安排補底支援，功課考試調適，小朋友慢慢重拾信心，中意返學，六年後，入咗地區band1尾中學。
家長接受現實和調節期望是一個關鍵，小一咁好彩抽到一線大熱的小學，邊個家長捨得放手？邊個家長唔會期望6年後入同區最top中學？但個家長早開竅，調節期望，知道去二線小學，將來可能都係入band 2，3學校，但留係原校，亦唔見得可以入band 1，既然結果相近，不如比小朋友透氣的空間吧。
作者: yiqiyihui 時間: 22-10-17 10:33
本帖最後由 yiqiyihui 於 22-10-17 10:54 編輯
冇教深教快….
其實仲有兩個禮拜都考試啦… 個女應該已經開哂 turbo。
咩叫旁觀者清，我就唔認為無啦啦今次會合格嘅。
事到如今，咪依家打去約一個月後評估，努力埋個考試，當俾埋最後一個希望自己。到時睇埋學校個成績，合格就最好啦，即刻cancel appointment，唔合格就照去評估囉。
不過以上係站在阿媽角度，照顧阿媽感受嘅折衷辦法。其實從個女角度諗，我認為今次考試就放過佢算，無謂再俾壓力佢。但係知道呢個阿媽唔係一般嘅硬頸，勸退無效嘅。
阿媽同個女都要管理下今次個期望。千祈唔好俾說話個女聽話如果再唔合格就點點點。細路仔人心好脆弱。與其話個阿媽受唔住，其實個女嘅心理狀況更令人擔心。
作者: jacky0579 時間: 22-10-17 11:30
小一二年級七八十分, 都要睇係咪用左好多時間讀, 難以評論係咪跟得上,不過一上小三就成績急跌, 好明顯係課程一深就完全跟唔上,
同埋升小三個陣成績係剛夠合格, 咁已經好炆水
唔係話唔可以留低原校, 老師都係咁教, 但就要忍受一直低分,
如果直屬中學唔係百份百升, 好大機會最後被踢返去二三線中學,
過程中個小朋友會否因此被排擠, 又或者變得無心機上堂,
影響操行
雖然話啲BAND 1學校勸退無人情味,
不過從結果來看, 盡早俾小朋友入讀合適既學校係對雙方都有好處
作者: piglover 時間: 22-10-17 12:29
jacky0579 發表於 22-10-17 11:30
小一二年級七八十分, 都要睇係咪用左好多時間讀, 難以評論係咪跟得上,不過一上小三就成績急跌, 好明顯係課 ...
睇番樓主之前post，一年級已經全炒。
個問題不是升三年級才發生。
作者: yiqiyihui 時間: 22-10-17 12:43
“佢運算同解應用題都唔得。好似昨晚我問佢10點正去到11時正，即係過左幾耐，佢都可以唔識。完全唔用腦去諗，我見到就好嬲連爸爸都火埋，再咁落去，都唔知點做好。”
呢個係樓主個女幾個月前嘅問題
講真，佢唔係唔用腦諗而唔知10點去11點係一個鐘。
佢係認真有困難先會get 唔到。
一般k3 都已經識㗎喇，同埋係唔需要諗。
作者: MonkeyGirl 時間: 22-10-17 13:25
樓主. 我覺得你等學校幫, 不如自己出手. 搵出面私家做個評估, 唔好再估估下. 私家評估, 係可能貴d ,但買返時間返黎, 係值得架! 小童治療黃金期係是10歲以下，而且越早治療，成效則越好。
老師其實一早比咗 hint 你, 但你唔信.. 老師做教育, 做咗甘耐, 小朋友既特徵, 佢地係睇到, 我地凡人, 唔係做呢行, 係唔覺. 當年, 幼稚園時期, 老師提過我個仔發音有問題, 我地做照顧者, 日日對住佢, 聽到佢講咩, 所以唔覺.. 但將來入到小學呢? 無人聽得明佢講野..甘點攪? 同埋如果, 真係有問題, 都係個句.. 10歲前. 快快攪點.... 幼稚園個時, 都有話幫我搵資料架.. 搵政府平d. 但政府話要 5/6歲先做到評估喎 ...嘩..上小學啦.. 太遲了..我自己上網search , ...結論....真係咬字唔正, 太多懶音..關佢個口腔事..因為佢無訓練過, 所以唔識運用口腔內既肌肉黎發音..我唔係做言語治療, 我點識姐...我想講既係..唔係做完評估就完, 而係之後仲有一連串既訓練比小朋友, 仲有教家長點幫小朋友....所以,唔好再估, 做咗評估先再打算
我想講..4年級課程, 係仲深, 你可以問問你亞女學校, 高年級家長...課程內容多..但考試時間不會因為高年級, 而會比多d 時間你做..所以, 你諗諗..如果你而家小3, 都做功課, 做到甘夜, 又無時間溫書. 上到高小, 我驚你女有情緒病..你唔好唔記得, 佢地青春期, 5年級會好明顯....到時先想轉校, 就太遲..因為又有呈分試....
band 1 小學, 學生都會派到band 2/ band 3 中學的..
但band 2 小學, 都有學生派去Band 1 中學.....
但唔一定派Band 1 中學前途一片美好.....佢地有無抗壓能力 ? 抗壓能力其實係源自來,童年過得開唔開心 ?佢地有無快樂童年 ? 快樂童年唔一定要去主題樂園 ?去食buffet ....是父母有無清楚明白自己仔女, 想要什麼 ?而不是父母覺得"這樣安排"是對他們最好的. 亞女已是小3 了 ,佢其實可以清楚甘表達自己內心感受...當然大人可提問....
做父母, 每天叫佢地起身, 就知佢地夠唔夠瞓.包括起身反應 (如果發脾氣, 好明顯係唔夠瞓 ) , 佢對眼, 似唔似熊貓 ? 有無打呵欠 ? 小學生需要10小時既睡眠..唔夠既話, 佢地係無精神去吸收新既知識.. 姐係得個殼去返學, 其實無上堂
希望幫到你,有新既諗法...
作者: piglover 時間: 22-10-17 17:00
叫你搵專業人士，你又諱疾忌醫。叫你去做評估，你又覺得小朋友無事。
如果小朋友真係有學障，咩搵專業人士，睇下點解決。睇下學校有無調適，同學校傾。至於要不要轉校，你都要做侲評估先。
如果小朋友證實無學障，你都要搵社工，專業人士，糾正小朋友學習態度。
你搵網友呻，無人幫到你㗎。
我見你以前嘅post，你小朋友由小一到而家都唔合格。而你每次問完，比完意見，小朋友問題都無改善到。
作者: piglover 時間: 22-10-17 17:04
我地路過，花生友嚟。個小朋友係你嘅。講真，衰d講句，她到DSE都唔合格，都唔會影響我地㗎。
轉唔轉校都好，做佐評估先啦。你間所謂Band 1小學，又唔係真係話勁到唔捨得放手。唔適合就係唔適合，勉強無幸福。
作者: 傻之達人 時間: 22-10-18 08:33
樓主個女英文叻叻，
可唔可以轉國際學校？
作者: piglover 時間: 22-10-18 12:10
傻之達人 發表於 22-10-18 08:33
樓主個女英文叻叻，
可唔可以轉國際學校？
英文都唔合格，點轉國際學校？
作者: 小艾美 時間: 22-10-18 13:27
piglover 發表於 22-10-17 17:04
我地路過，花生友嚟。個小朋友係你嘅。講真，衰d講句，她到DSE都唔合格，都唔會影響我地㗎。
轉唔轉校都好 ...
好奇係邊間小學，令到樓主咁唔想放手。
小三做功到十一點，但幾點開始做先。
作者: juneforgbb 時間: 22-10-18 13:49
小艾美 發表於 22-10-18 13:27
好奇係邊間小學，令到樓主咁唔想放手。
小三做功到十一點，但幾點開始做先。
...
作者: yeikaki 時間: 22-10-18 14:11
小艾美 發表於 22-10-18 13:27
好奇係邊間小學，令到樓主咁唔想放手。
小三做功到十一點，但幾點開始做先。
...
作者: yiqiyihui 時間: 22-10-18 14:48
piglover 發表於 22-10-18 12:10
英文都唔合格，點轉國際學校？
SEN 一樣都要有支援
話時話，樓主已潛水多日
作者: 小艾美 時間: 22-10-18 15:14
yeikaki 發表於 22-10-18 14:11
我囡都係P3, 我放工返去只是 check 功課, 9pm 前要入房訓, 朝早 6:10am 起身, 我都嫌少睡眠時間 ...
本帖最後由 小艾美 於 22-10-18 15:15 編輯
same here，我女又係三年級，都係回到家快手睇有冇做齊，之後溫少少書就9點上床，6點15起身。
但如果小朋友9點先開始做功課，係家長安排問題，如果小朋友唔自動自覺，去功課班起碼做晒功課先。
作者: yiqiyihui 時間: 22-10-18 15:42
本帖最後由 yiqiyihui 於 22-10-18 15:43 編輯
其實我唔係好明點解一般情況下要check 功課?
一上小學就自己做同執。做唔齊帶唔齊老師會寫手冊，補做返。做錯咗就老師mark咗下次改正返。
當然，佢如果係唔識做求救，或者作文冇頭緒提出需要引導，我就會教。
作者: LeeCC 時間: 22-10-18 15:46
yiqiyihui 發表於 22-10-18 15:42
其實我唔係好明點解要check 功課?
一上小學就自己做同執。做唔齊帶唔齊老師會寫手冊，補做返。做錯咗就老 ...
小一就訓練自己check，我會跟眼，簽家課冊
小二佢自己check完，畀我簽家課冊，我話，我信你，我簽架啦
作者: yiqiyihui 時間: 22-10-18 15:50
LeeCC 發表於 22-10-18 15:46
小一就訓練自己check，我會跟眼，簽家課冊
小二佢自己check完，畀我簽家課冊，我話，我信你，我簽架啦
作者: LeeCC 時間: 22-10-18 16:14
yiqiyihui 發表於 22-10-18 15:50
啱呀所以去到小三點解要check 呢
“我信你，我簽架啦！”呢句非常有用，小朋友會認真check
作者: 小艾美 時間: 22-10-18 17:37
yiqiyihui 發表於 22-10-18 15:42
其實我唔係好明點解一般情況下要check 功課?
一上小學就自己做同執。做唔齊帶唔齊老師會寫手冊，補做返。 ...
個個家長做法不同，我係會同佢對有冇做齊。
做唔齊功課係寫手冊，寫夠20次記過。
小一有家長真係放手比小朋友做，結果記過見家長，班主任同我地開班會時講講初小家長係要跟得足，除非你小朋友好醒目。
作者: yiqiyihui 時間: 22-10-18 18:03
本帖最後由 yiqiyihui 於 22-10-18 18:06 編輯
小艾美 發表於 22-10-18 17:37
個個家長做法不同，我係會同佢對有冇做齊。
做唔齊功課係寫手冊，寫夠20次記過。
嘩寫夠20次記過我就唔係好認同喇！一個term 20次都係講緊幾日一次
點解學校要家長負責埋佢哋自己應該做嘅事
學習係一個過程
唔錯過點會學識不過既然學校有啲咁嘅rule，想放手嘅家長都無奈要check喇
作者: 小艾美 時間: 22-10-18 18:08
yiqiyihui 發表於 22-10-18 18:03
嘩寫夠20次記過我就唔係好認同喇！一個term 20次都係講緊幾日一次
點解學校要家長負責埋佢哋自己應該做嘅 ...
幾日欠一次，根本家長就係要跟下咩事。完全放手我覺得家長都有問題，話就話要學成長，你會唔會小朋友日日唔返學，次次唔合格都唔理佢？
作者: sonokosy 時間: 22-10-18 19:19
yiqiyihui 發表於 22-10-18 18:03
嘩寫夠20次記過我就唔係好認同喇！一個term 20次都係講緊幾日一次
點解學校要家長負責埋佢哋自己應該做嘅 ...
作者: yiqiyihui 時間: 22-10-18 19:40
本帖最後由 yiqiyihui 於 22-10-18 22:02 編輯
sonokosy 發表於 22-10-18 19:19
我知道有學校如果欠交欠帶功課6次就要成績表總平均分扣10份，俾著你係家長，幫唔幫佢對？你個小朋友叻，， ...
唔，你一定係冇睇我個reply 我根本唔知寫手冊會記過/ 扣分 (扣conduct 少少我ok, 因為個責任感係要個小朋友自己學返嚟，唔應該靠家長)
如果係，我認同難放手。同埋欠6次就扣平均分，真係莫名其妙。有得揀我唔會留喺嗰度。佢對家長/小朋友太高要求，大家理念根本唔同。
作者: yiqiyihui 時間: 22-10-18 19:42
本帖最後由 yiqiyihui 於 22-10-18 19:43 編輯
小艾美 發表於 22-10-18 18:08
幾日欠一次，根本家長就係要跟下咩事。完全放手我覺得家長都有問題，話就話要學成長，你會唔會小朋友日日 ...
咁我就唔認同喇。幾日欠一次係好正常, 見到幾日欠一次作為家長當然會提佢自己小心啲執，
但唔會出手check
所以提完之後仍然會欠已經正常
小朋友嚟㗎咋
作者: Zleep 時間: 22-10-18 20:42
yiqiyihui 發表於 22-10-18 19:42
咁我就唔認同喇。幾日欠一次係好正常, 見到幾日欠一次作為家長當然會提佢自己小心啲執，
但唔會出手check
...
認同小一二放手可能有d 早，但如果小五六都仲係要做齊上面既野，就算個小朋友band 1 上到中學都好快現形，自律自理養成良好學習態度同習慣先有用。
作者: yiqiyihui 時間: 22-10-18 22:00
Zleep 發表於 22-10-18 20:42
如果咩都跟足，又要對齊功課，又要睇埋做得好唔好，仲要幫小朋友執埋書包，仲要同佢溫書／默書等等，真係多 ...
作者: bbhodayi 時間: 22-10-18 23:27
每個小朋友都有佢成長的步伐，有特別需要的小朋友係需要多啲時間同耐性，贊成要養成良好的自理能力，但真係要睇小朋友的情況，不能一本通書睇到老。我係心痛個小朋友，亦都心痛媽媽，聽到嗰位媽媽見到小朋友成績而喊，証明媽媽都好大壓力，希望你嘗試搵專業幫手，當能對症下藥後，小朋友可以有好大轉變，世界很大，小朋友可以有好多選擇。加油！
作者: tkinwong 時間: 22-10-19 10:46 標題: 回覆樓主：
本帖最後由 tkinwong 於 22-10-19 12:52 編輯
本帖最後由 tkinwong 於 22-10-19 10:46 編輯
小朋友自己做功課有困難，要等父母返回家才做功課 對功課，實在太夜，對小朋友都唔好。
功課班導師也冇時間和心機去給特別照顧樓主小朋友。唯今之計，請搵一個單對單的補習老師，在下午時段督促小朋友做功課和溫習。請個老師要搵有教小朋友經驗的全職補習老師，要有耐心，唔好搵啲兼職大學生。當然，咁樣補開支係重，但樓主無時間教就搵人教。一係就辭職做FTM自己教，但有機會奧己都教唔到宜令親子關係變得更差。
作者: piglover 時間: 22-10-19 12:20
tkinwong 發表於 22-10-19 10:46
小朋友自己做功課有困難，要等父母返回家才做功課 對功課，實在太夜，對小朋友都唔好。
功課班導師也冇時 ...
其實，好多網友都叫樓主對症下藥，搵出原因。要睇下小朋友是否學障。呢樣嘢，無得靠家長直覺小朋友有無，要搵專業人士幫手嘅。
如果知道學障，咩想辦法，比番相應training 。
如果不是學障，家長才搵相應方法改善。
估估下，都做到三年級，再拖下，就升中了。
作者: 小艾美 時間: 22-10-20 14:57
yiqiyihui 發表於 22-10-18 19:42
咁我就唔認同喇。幾日欠一次係好正常, 見到幾日欠一次作為家長當然會提佢自己小心啲執，
但唔會出手check
...
如果你覺得小學幾日欠一次功課係好正常，咁冇咩好講，大家教養方法不同，學校要求不同。
自己做好自己覺得對的就夠了。
作者: VinJacHay 時間: 22-10-20 16:33
回覆 小艾美 的帖子
有D 人仲覺得用飛鴿傳書係WORK O既,
咪自我感覺良好囉,
而家, 用緊SMART PHONE 年代,
仲用幾十年前教仔方式,
希望佢個仔成材而又唔憎自己啦,
用李冠軍港姐話: 我真係恭喜你呀!
欠幾次功課都覺得冇問題, 根本發現唔到自己人有問題,
希望唔好有人對號入座啦~
| 歡迎光臨 教育王國 (/) |
Powered by Discuz! X1.5 |