教育王國

標題: 申請初期，會知會香港現就讀的學校嗎？ [打印本頁]

作者: phinarto 時間: 22-10-8 07:47 標題: 申請初期，會知會香港現就讀的學校嗎？

請教一下，在申請海外學校的初期，海外學校的申請表要提供現就讀學校的一位老師的資料作聯絡人，大概在申請過程中，海外學校可能會向現就讀學校拿取學生一些 reference 之類。
現時剛 interview 一間海外學校，未有任何消息收唔收阿仔，請問現階段有冇需要咁早通知阿仔班主任嗎？主要考慮係申請未必成功，通知了老師，即係老師們以至校長都知道阿仔想去外國讀書了，感覺上唔係咁好，因為去唔成嘅機會較大。實質上點唔好我又唔係好講得出。所以請教大家指點，如果係你，你會點做。謝謝！

作者: katrinafu 時間: 22-10-8 08:02

你不想講就不用講，不用擔心太多。到你有學校比Offer 再諗通知與否，甚至決定去讀書，出發前先辦退學都得！即是幾時通知取決於你。

作者: fefemom 時間: 22-10-8 08:09

phinarto 發表於 22-10-8 07:47
請教一下，在申請海外學校的初期，海外學校的申請表要提供現就讀學校的一位老師的資料作聯絡人，大概在申請 ...

之前申請英國寄宿學校，全部都有向香港學校攞 reference, 我們申請初期已寫信給香港學校，consent 給海外學校學生在校資料，學校亦很配合，很快就給了reference 到英國，申請程序很順利。

作者: beastiebistro 時間: 22-10-8 09:19

回覆 phinarto 的帖子

每間英國學校做法都唔同，佢幾時問香港學校攞reference亦未必話你知。每間香港學校嘅應對方法又唔同，好似我仔女嘅學校直頭有一套流程，要填表佢哋就會因應準備transcript 同reference。
如果你唔想香港學校caught by surprise，想佢有準備做個好啲嘅reference，咁通知定穩陣啲。

作者: noel2010 時間: 22-10-8 09:48

phinarto 發表於 22-10-8 07:47
請教一下，在申請海外學校的初期，海外學校的申請表要提供現就讀學校的一位老師的資料作聯絡人，大概在申請 ...

我申請初期，只是直接通知校長，叫校長幫我寫定學校信，校長好好心機寫得好好。雖然最後沒有使用過，起碼我有個安心。

當時校長都沒有周圍同老師班主任講。

作者: TTEE1819 時間: 22-10-8 09:55 標題: 回覆樓主:

當年，我們有寫信經班主任比校長，直接講出準備去英國升學，如校方收到英國的信件，佢地唔會感意外之餘，會樂意幫手寫reference。事實，學校真係收到信件，校長請左一個曾在英國讀書的英文科主任寫reference，攪掂。

禮貌通知學校都重要。

作者: sleung2020 時間: 22-10-9 03:49

phinarto 發表於 22-10-8 07:47
請教一下，在申請海外學校的初期，海外學校的申請表要提供現就讀學校的一位老師的資料作聯絡人，大概在申請 ...

既然對方學校講咗會攞reference，咁好大機會會攞，咁而家學校遲早都知，同佢哋先打聲招乎好啲，另外，我諗你唔只申請一間，醜婦終須見家翁，最後，呢個時勢，學校應該慣晒收呢啲request，唔只寄宿學校，好多諗住移民申請私立日校都要

作者: longlokma 時間: 22-10-9 09:04 標題: 回覆樓主:

你要提供香港學校老師聯絡資料给英國學校，在情在理你都要先得到老師同意才可向英國學校提供啊，第一是禮貌，第二是萬一英國學校真的致電老師，老師說什麼也不知道，你可以想像有多槽糕了。

作者: fefemom 時間: 22-10-9 11:15

phinarto 發表於 22-10-8 07:47
請教一下，在申請海外學校的初期，海外學校的申請表要提供現就讀學校的一位老師的資料作聯絡人，大概在申請 ...

另外，海外學校收生，現校的reference 是考慮因素之一，我估應該有reference 才會決定收唔收(起碼我們經驗如是)。至於寫信給香港學校，你可以話考慮未來到海外升學，可能會有學校(我寫埋邊幾間)問攞reference, 你consent 他們攞資料，感謝學校幫忙云云

作者: phinarto 時間: 22-10-16 14:09

謝謝大家的指教，我覺得我也應該預早要通知老師才對。

歡迎光臨教育王國 (/)