教育王國
標題: 夢醒時份⋯ ⋯ [打印本頁]
作者: ANChan59 時間: 22-10-3 09:31 標題: 夢醒時份⋯ ⋯
原文網址: 多聲道｜全方位制定「人才清單」 新策略減租住成本高調搶人 | 香港01 https://www.hk01.com/article/820550?utm_source=01articlecopy&utm_medium=referral
疫情步入後期起，世界各地的人才爭奪戰，越趨白熱化。本港嚴格的入境檢疫增加企業及人才離開的意慾，隨著9月尾當局放寬至「0＋3」，政府必須盡快積極制定新策略「搶人才」，而且必須高調，全方位增加吸引力，以收復失地。除了要拋出全面通關恢常「0＋0」的時間表外，應廣納他人所長，例如參考加拿大制定「人才清單」，效法新加坡設立專責小組或部門，主理引進各層次人才；為節省開設新部門的程序，或可將現時的投資推廣署職能優化提升，方便立刻開展搶人工作。
兩年多疫情下來，不少高級管理人才流出香港，到已早早復常的鄰近地區就業。擺在眼前的事實，重新與各地通關，是本港作為國際金融中心重拾競爭力、吸引人才到來的關鍵，面對全球主要經濟體互相爭奪人才，政府必須盡快放寬入境隔離要求至「0＋0」，讓人才可以無障礙地進出香港。香港總商會的調查顯示，86%企業認為本港的旅遊限制和檢疫要求對公司營運影響甚高，11%大型企業打算近月撤離香港；但可幸的是有83%大型企業表明，一旦香港放寬檢疫，會考慮改變離港決定，即代表政府如果10月定出全面復常時間表，短期內全面開關，相信仍「有價講」。
加拿大設人才清單 新加坡有專責部門
面對新形勢，首先要知己。政府應立即進行大型行業人才調查，制定「人才清單」，以了解各行各業的人才需求，才可對症下藥，引進合適人才。當局可參考海外經驗，例如加拿大聯邦政府每年會整理「人才清單（National Occupational Classification）」，為短缺人手的行業針對性引進人才，實時了解不同行業的人才短板之處，並定期動態調整清單，從而準確吸引人才。
知己之後要知彼，新加坡近期宣佈新措施吸引人才，也有專責部門主理這方面工作，本港絕對應該仿效，運用將他人優點強化自己，這沒甚麼好避忌。政府需要有新策略，甚至一個新部門，如參考新加坡政府經濟發展局的成功經驗，設立部門或專責小組，授權該部門協調人才在稅收、住房 、子女教育、入境政策等方面所面對的問題，提供具吸引力的優惠和方便快捷的方案予來港高端人才，務求吸引更多高級管理人才和資金到來。
講明是「搶」人才，手快有手慢冇，政府最快捷的方法，就是大力升級和優化現時投資推廣署的角色，例如為投資者由設立公司至高管子女教育等範疇提供貼身的服務，務求加快其公司落戶香港，迅速投入資金及提供工作機會予本地畢業生。這個年代沒有「有麘自然香」，搶人才必須高調，政府甚至可以舉行記者會，將投資推廣署易名為「引進人才辦事署」，以顯示本港有信心有誠意做好這方面工作。
來港工作的人才可寬免辣招
有了「人才清單」、對口單位，然後就是最實際的「優惠」措施。眾所周知，香港租屋成本高，如能推出實際減低租住成本措施，例如提供實報實銷的「住宅租金稅項扣除」，就可減低人才初期來港的安居成本。為令人才長遠留港發展，在置業方面提供優惠也十分重要，由於現時非本地居民印花稅高達30%，這類政策大大增加海外及內地人才來港安居的成本。建議當局可分階段「減辣」，合資格的內地及海外人才只要在本港工作滿三年，便可有條件地豁免買家印花稅，與本港永久居民看齊。之後或可完全取消印花稅「辣招」，令這些人才與本地居民置業的成本完全對等，以增加人才對香港的歸屬感，在香港落葉生根。
另外，政府更可以考慮為合資格的內地、海外以至本地人才，推出新政策，針對性統一寬減稅率或提高免稅額。例如提高居所貸款利息的扣除，以及加設人才往返香港的交通成本扣除課稅項目，相信這有助吸引外資、海外及內地人才以香港為根據地，往返海外和內地營商或工作發展。
落後不是最差，落後但抱守殘缺不思進取才會導致失敗。新一屆政府要有前進的動力，勇於提出新策略吸引人才，才能予外界信心，用行動說明香港會比以前又好，會快速與世界重新接軌。期待未來一兩個月完全復常，機場重回以前出入境人流鼎盛的時光，基建工程繼續開動，經濟就可重新出發。
………
咁本地人留港的什麼都冇喎？係崗位歧視？抑或係唔算人才？咁唔係幾好喎！
咁香港年輕人要多思考學經歷，就業前途。很多神科，專業都會洗牌，誰是真正winners or losers？
作者: ABC-DAD 時間: 22-10-4 00:16
本帖最後由 ABC-DAD 於 22-10-4 00:20 編輯
設若不減辣招，大學畢業生連續在港工作五年，「首次置業」可以買樓時以年薪乘三倍去對沖樓價後再打厘印，又是否可以適度解決本地年輕人置業的困境？
作者: ABC-DAD 時間: 22-10-4 00:19
強積金管理同投資指引同樣要檢討，長遠能留住投資者及人才與否，這個方向必須要考慮。
作者: ANChan59 時間: 22-10-4 00:57
ABC-DAD 發表於 22-10-4 00:16 
設若不減辣招，大學畢業生連續在港工作五年，「首次置業」可以買樓時以年薪乘三倍去對沖樓價後再打厘印，又 ...
多謝你的回應，我不了解你為何用畢業5年及年薪成3這些參數。用你的方法對沖完，如果我冇理解錯，只係減部份印花稅，首期又如何呢？撇開加息，供款金額也不少！
要看年輕人的工資，你兒子的收入可以，但其他工種可能只係聊勝於無！如果用樓價及入息中位數，2022年數據，不用不吃要24年始終係事實，唯有樓價大跌，保到份工及不用減薪，才是正路。
我覺得會有減辣的機會，不是為吸納人才或者為年輕人，反而係托市的原因大些。
作者: ANChan59 時間: 22-10-4 01:02
ABC-DAD 發表於 22-10-4 00:19
強積金管理同投資指引同樣要檢討，長遠能留住投資者及人才與否，這個方向必須要考慮。 ...
這個已經很多年沒有檢討，而且肯定過不了僱主及強積金管理公司這一關！
英國不完全是強積金，係冇薪金封頂，對打工仔都係有幫助！
作者: cafeva 時間: 22-10-4 14:04
本帖最後由 cafeva 於 22-10-4 14:05 編輯
ANChan59 發表於 22-10-4 00:57
多謝你的回應，我不了解你為何用畢業5年及年薪成3這些參數。用你的方法對沖完，如果我冇理解錯，只係減部 ...
同意。根本就係揾個好聽D既藉口托市。反而想知係咩人最需要托市?樓升到上天都唔理，跌少少就要托住？
其實跌一半好合理。
作者: ABC-DAD 時間: 22-10-5 04:18
ANChan59 發表於 22-10-4 01:02
這個已經很多年沒有檢討，而且肯定過不了僱主及強積金管理公司這一關！
英國不完全是強積金，係冇薪金封 ...
作者: ABC-DAD 時間: 22-10-5 04:38
本帖最後由 ABC-DAD 於 22-10-5 04:50 編輯
ANChan59 發表於 22-10-4 00:57
多謝你的回應，我不了解你為何用畢業5年及年薪成3這些參數。用你的方法對沖完，如果我冇理解錯，只係減部 ...
隨意寫嘅啫，你問香港本地年輕人咩都無，咁點？
我覺得你位公子工作五年，步步高陞，收入都可觀。
大學畢業生連續在港工作五年，有首置需要，按三年「年收入」去考量扣減樓價打厘印，係希望首置者「量力而為」，這個額唔針對行業或勞資身分，年收入鼓勵人勞力，多勞多得，自顧年輕人主動去報所得税。
2人合併首置額，數目唔少了。
幫低收入者買樓咪同美國房貸危機咁上下，我覺得要少心對待，對個人或法人身分持「兩個」物業以上要加大成本，我覺得合理。
目前一個就加辣略為激左少少。
#我亦無指定第五年一定要用個額，唔用就無，而係只不過用一次就無下次。只係一個權利
Think out of the box,right
作者: ANChan59 時間: 22-10-5 05:57
cafeva 發表於 22-10-4 14:04
同意。根本就係揾個好聽D既藉口托市。反而想知係咩人最需要托市?樓升到上天都唔理，跌少少就要托住？
其實 ...
我估計香港整個金融及銀行體系承受不了樓市平均下跌5成咁多，會有不少負資產，爆煲及破產。
如果相信市場機制，跌到咁上下，肯定有人接貨。
什麼人才過嚟搵食，肯定先試吓啱唔啱自己發展，絕大多數係租樓住，過咗兩三年，然後再想長遠及考慮置業，我會奇怪一過嚟就買樓，減辣肯定係托市。
作者: ANChan59 時間: 22-10-5 08:01
ABC-DAD 發表於 22-10-5 04:18
你是顧主方吧！
坦白講，我係僱主，我真係冇乜所謂，因為我香港同事人數不多，對於我公司 P/L 的影響好細，我支持檢討㗎。
但商界朋友就好反對，可能他們員工數目多好多，人工高啩！也有少數支持，無獨有偶係2代。
*****
題外話，我反對強積金對沖遣散費，幾無良嘅，可惜奶媽下台了，都無下文。
作者: ANChan59 時間: 22-10-5 08:39
ABC-DAD 發表於 22-10-5 04:38
隨意寫嘅啫，你問香港本地年輕人咩都無，咁點？
我覺得你位公子工作五年，步步高陞，收入都可觀。
我只是好奇你點解咁定啫，你講出你的理念又好有意思。
下面較隨意，隨便噏。
*****
美國次房貸的情況在香港未必會發生，因為美國樓價平，香港超貴，首期已經望而卻步。
講個故事，今次參觀咗美國朋友個仔間town house ，1350呎，3房，約港幣120萬，因為唔夠錢，裝修自己DIY，整咗兩年，還在整緊，都算安居樂業。朋友就地係 1acre，獨立屋實用面積4200呎，貴咗約港幣500萬，CEO住過好喜歡，但一想到清潔打掃就頭都大埋。
我覺得強積金可以學新架坡，將強積金用於首置首期，不用等到65歲，這個就不需要5年期限。
我贊成習大大所講，樓係咪用嚟住，不是用來炒賣嘅！
我們的兒女不用太擔心，他們應該自己可以搞掂。兒子大學時已經覺得香港樓價痴綫，一直無考慮香港置業，他不想大半世人俾層樓綁住，很多理想都不能實現，畢業後暫時唔拍拖也是同樣道理！
在外地又係好唔同，同樣大少單位，或者更大單位，房價係香港嘅四份一到一半，mortgage 佔收入比例幾低，只要有需要，有適合選擇，隨時可以入市，租金也算便宜。
等多兩年，決定留低作長遠發展，就可以出手。他跟幾個朋友去睇屋之後，他有心水地區，等跌三成左右就差唔多啦！
****
其實可以立例規管投機者屯積物業，炒賣，很多國家都有，不需要什麼辣招，傷及無辜。
作者: stillgood20 時間: 22-10-5 11:09
本帖最後由 stillgood20 於 22-10-5 11:26 編輯
ABC-DAD 發表於 22-10-5 04:38
隨意寫嘅啫，你問香港本地年輕人咩都無，咁點？
我覺得你位公子工作五年，步步高陞，收入都可觀。
其實, 香港是自由經濟体.
人才流進流出, 主要是睇利益.
而, 金融.科技, 強調是精英理念.
精英嗎? 真的會受住屋限制?
受限制, 或沒有能力, 那怎會是精英?
所以, 香港教育下, 家長/同學目標是醫生/金融專才. 就算是科技人才也未是尖子. (用錢衡量).
---
其實, 一直會幫細囝留意Data Science工作, 前幾天, 特別去找一下經濟分析師. 金管局也有這入職機會.
當然, 目前亞囝的工作經驗, 學術水平也不足, 只是我自己意願, 希望亞囝可以用自己客觀分析能力, 而不是金融為目標. 可以用數據科學, 去做一些有意義的工作.
不過, 一切都是隨遇而安.
---
昨天, 重陽拜山, 跟親友閒聊.
一位小伙伴, IB畢業(一直讀國際學校和直資/富裕家庭), 之前, 一直話申請去牛劍讀法律經濟.
結果, 出乎意料, 改去北京讀法律.
有時, 各人有各人思維.
喜歡便可.
作者: ANChan59 時間: 22-10-5 16:29
stillgood20 發表於 22-10-5 11:09
其實, 香港是自由經濟体.
人才流進流出, 主要是睇利益.
就你的帖有些其他看法。
1。香港政府及社會一直講吸納人才，沒有講精英，你自己可能想多咗。
2。 金管局近排請嘅係見習經濟師，Graduate Economist，不是什么经济分析师, 两年合约，point 24，要求係
入職條件
工作經驗：工作經驗不拘，歡迎本地和海外大學的應屆畢業生或近年畢業生申請。
學歷：擁有經濟學、計量經濟學、統計學、計量金融學或其他相關學科的碩士學位，博士學位則更佳。
個人能力：敏銳的社會及經濟觸覺，良好的分析能力，充分掌握計量經濟學技巧及善於數據資料管理。
溝通技巧：英語能力優異，表達及溝通能力強，能操中文更佳。
團隊精神：能與他人和睦共處，合作達成工作目標
3。上面的科目要求大部份跟經濟及金融為主，計量方法為副，不可能跳過經濟及金融，咁分析什麼？domain expert 才是王道。
計量經濟學及計量金融入面已經有不少统計及數據分析，就算統計學或者數據科學，個博士研究都會係在經濟及金融領域。
4。金融管理局係法定機構，成立目的就係管理金融市場及機構，投資外匯基金，唔睇金融，你真係一廂情願！
香港金融管理局（金管局）是香港的中央銀行機構，成立於1993年4月1日，由外匯基金管理局與銀行業監理處合併而成。金管局的四項主要職能為：
在聯繫匯率制度的架構內維持貨幣穩定；
促進金融體系，包括銀行體系的穩定與健全；
協助鞏固香港的國際金融中心地位，包括維持與發展香港的金融基建；及
管理外匯基金。
作者: stillgood20 時間: 22-10-5 17:08
ANChan59 發表於 22-10-5 16:29
就你的帖有些其他看法。
1。香港政府及社會一直講吸納人才，沒有講精英，你自己可能想多咗。
我寫野, 好多時唔週全, 係一個通病.
(引用: 前幾天, 特別去找一下經濟分析師, 金管局也有這入職機會).
(引用: 唔係以金融做目標.) (說白d,唔係計獲利回報.)
你說的全對/完勝! 補充了完整資料
那才能引人"入勝".
----
引人入勝, 4字被我改動了. 
----
謝謝你的分享.
我發出的訊息. 並不完全正確.
不過, 我說的方向, 則是不變.
作者: ANChan59 時間: 22-10-5 18:43
stillgood20 發表於 22-10-5 17:08
你有無發覺.
我寫野, 好多時唔週全, 係一個通病.
我發出的訊息. 並不完全正確.
不過, 我說的方向, 則是不變
*****
哈哈，咁樣都得！
作者: ABC-DAD 時間: 22-10-5 20:20
人要進行改變，如非受強制，都是看誘因有沒有意義。
作者: b3410 時間: 22-10-6 08:25
回覆 ANChan59 的帖子
搭嘴問，如果將來未決定從事金融，IT，大數據，AI 等方向，可否大學修讀 Major in Mathematics, 之後再讀Master 明確方向？
作者: ANChan59 時間: 22-10-6 09:01
b3410 發表於 22-10-6 08:25
回覆 ANChan59 的帖子
搭嘴問，如果將來未決定從事金融，IT，大數據，AI 等方向，可否大學修讀 Major in M ...
點解係Maths而唔係其他呢？因為他喜歡Maths？他會肯定讀 Master？有冇諗過Computational Finance, Finance and Maths, or QFin?不如趁現在還有時間了解多些。
我唔敢即刻答，因為很多變數。你如果擔心私隱，PM我也所以，你自己決定。
作者: ANChan59 時間: 22-10-6 09:02
ABC-DAD 發表於 22-10-5 20:20
人要進行改變，如非受強制，都是看誘因有沒有意義。
正確✅
作者: akys 時間: 22-10-6 11:13
ANChan59 發表於 22-10-6 09:01
點解係Maths而唔係其他呢？因為他喜歡Maths？他會肯定讀 Master？有冇諗過Computational Finance, Finance ...
阿仔有幾個同學都想去外國讀數，但冇一個考慮jupas喺HK讀呢科，出路有乜唔同呢？
作者: b3410 時間: 22-10-6 11:28
本帖最後由 b3410 於 22-10-6 11:29 編輯
ANChan59 發表於 22-10-6 09:01
點解係Maths而唔係其他呢？因為他喜歡Maths？他會肯定讀 Master？有冇諗過Computational Finance, Finance ...
係，佢暫時最鐘意數學。而且唔知將來IT，AI還是金融方向，可能要了解多D再選擇。有一個IT行業朋友，話佢哋做的最好的，反而係讀math的同事。
作者: b3410 時間: 22-10-6 11:30
akys 發表於 22-10-6 11:13
阿仔有幾個同學都想去外國讀數，但冇一個考慮jupas喺HK讀呢科，出路有乜唔同呢？
...
作者: ANChan59 時間: 22-10-6 11:39
akys 發表於 22-10-6 11:13
阿仔有幾個同學都想去外國讀數，但冇一個考慮jupas喺HK讀呢科，出路有乜唔同呢？
...
決定讀數嘅人，應該幾獨立思考，不單單是看「錢途」，如果屋企支持，肯定很開通及有餘錢供書教學，有選擇自然會考慮海外升學。
我估計係香港社會對讀數的觀感跟外國有很大差異。我的外國生意拍檔覺得讀STEM嘅係好叻嘅人，跟香港社會主流係幾南轅北轍㗎。因為行業關係，他們喜歡醫生及工程師，討厭律師及CFO
美國及英國如果讀 STEM 科目，較易搵到工作及上研究院，與及申請綠卡。如果留意紐約及倫敦有不少經濟及金融工作係想請讀數嘅人。其他商業、科技，電腦行業都可以有機會，冇香港咁窄。而且除稅及撇除住屋成本，net disposable incomes 比香港優勝，工作時間及壓力較好及有彈性。
當然，不是每個人適應外地讀書，工作及生活，趁后生，可以試吓不同的機會，然後再決定最終落腳點。
****
這個是我個人的看法，你可以問其他人或者看看其他網友嘅睇法。
作者: ANChan59 時間: 22-10-6 12:03
b3410 發表於 22-10-6 11:28
係，佢暫時最鐘意數學。而且唔知將來IT，AI還是金融方向，可能要了解多D再選擇。有一個IT行業朋友，話佢哋 ...
你朋友的觀察几中肯㗎。電腦及編程著重邏輯及高階思維，去到極致，數學底子深厚，寫program都會有不同境界。你可以再深入向你個朋友，什至讓你孩子去請教佢，可能他有另外一些體會。
兒子在香港嘅老細都係分別讀商科及會計，而英國嘅老細係PhD數學及電腦，到高階思維模式及解難能力，係有不同嘅方法，如果后者較少人，咁就好有優勢。后者學前者較易，前者學后者機會接近零。
所以香港老細都同阿仔講，學后者果套，因為香港冇乜咁嘅人才，咁樣就上另一個臺階，去邊度都搵到食，而且有唔錯嘅發展前景。
我前面覆akys 的帖，也答咗部分你的問題，你可以參考一下。
作者: akys 時間: 22-10-6 12:04
b3410 發表於 22-10-6 11:30
去外國讀數，US還是UK更適合？
英或美，我覺得和所讀中學有關。IS，私校會有多啲學生報美國，官津多啲英國，名直一半一半啩。報美國相對麻煩，要好多非學術成就，而英國成績為主，簡單啲。邊度適合啲？我諗Oxbridge和 Princeton，Harvard，Standford應該冇乜大分別嘅。
作者: ANChan59 時間: 22-10-6 12:05
b3410 發表於 22-10-6 11:30
去外國讀數，US還是UK更適合？
Undergraduate 我會選英國，postgraduate 就美國。
作者: akys 時間: 22-10-6 12:09
本帖最後由 akys 於 22-10-6 12:18 編輯
b3410 發表於 22-10-6 11:28
係，佢暫時最鐘意數學。而且唔知將來IT，AI還是金融方向，可能要了解多D再選擇。有一個IT行業朋友，話佢哋 ...
我阿仔想出國讀Physics，我多口問句有冇出路㗎？ 佢不屑咁超住我，話讀Physics， Maths等最強係Modeling，好多行業都有需求。唔知係咪真。
作者: ANChan59 時間: 22-10-6 12:30
akys 發表於 22-10-6 12:09
我阿仔想出國讀Physics，我多口問句有冇出路㗎？ 佢不屑咁超住我，話讀Physics， Maths等最強係Modeling， ...
係真嘅，兒子就係做 financial modelling.
Econometrics 也有很多modelling. 金融管理局也會請graduate economist. 不過係要PhD，fresh graduate 都point 24。
Big 4入面有team 人專做 Valuation, Modelling and Economics. 最尖端嘅做complex securities嘅 modelling，係金融，數學加電腦。
作者: stillgood20 時間: 22-10-6 15:32
本帖最後由 stillgood20 於 22-10-6 18:32 編輯
akys 發表於 22-10-6 12:09
我阿仔想出國讀Physics，我多口問句有冇出路㗎？ 佢不屑咁超住我，話讀Physics， Maths等最強係Modeling， ...
最近, 我十分喜歡看一位台灣學者的視頻和微博.
王孟源係物理學家.
(你亞囝不屑咁超住你, 你可show off一下, 世界上, 一山還有一山高)
王孟源台灣念書時, 曾是全台數學第一名. 台灣大學畢業, 服兵役之後, 考入哈佛大學.
最終, 成為物理學博士. 而且, 參與美國粒子碰撞實驗研究.
而, 美國粒子碰撞研究告終.
跑去華爾街, 入了法國巴黎銀行, 做投行工作.
之後, 再轉瑞士銀行(細節忘記了), 領隊研發了股票全自然對盤系統. (全球首創)
(即係你囝講ge modelling)
因利益問題, 被美國政府禁用.
2015年四十幾歲退休.
寫科技, 金融, 經濟, 軍事, 文化...和做政經時事分析專家.
----
綜觀此人.
數學天才, 物理專家, 金融和科技先鋒.
運用邏輯思維(佢特別強調自己的邏輯思維, 超高水平).
係軍事分析, 戰略研究方面. 理念十分精銳. (香港未見到有學者做到. 真可惜).
作者: akys 時間: 22-10-6 15:58
stillgood20 發表於 22-10-6 15:32
最近, 我十分喜歡看一位台灣學者的視頻和微博.
王孟源係物理學家.
有感而發： 數學，物理，化學，生物等屬於基礎科目，所有科技發明創新都來自他們。但此類科目用錢多但效率唔高，需要大量資金去substain。好多國家寧願放資源在應用科技，霎眼好似好亮麗，其實核心科技都在他人手上。如果有留意，日本近代在化學上十分標青，攞了好多諾貝爾獎，所以日本在某些物料，如電池等領域領先。
作者: 天外之人 時間: 22-10-6 16:14
stillgood20 發表於 22-10-6 15:32
最近, 我十分喜歡看一位台灣學者的視頻和微博.
王孟源係物理學家.
作者: stillgood20 時間: 22-10-6 16:56
天外之人 發表於 22-10-6 16:14
父母令小朋友從幼稚園/小學/中學以分數目標學習心態去成長,就算入到大學基本上冇可能有這樣既人材. ...
有兩個囝. 同一間小學, 中學,
大囝, 會十分關注分數
細囝, 係"任何科目"都唔理分數. 真係連成績表都唔想睇.
其實, 也不能說成, 計成績, 不計成績, 去判斷是否人才.
可能, 蘋果和橙. 不能比較.
作者: ABC-DAD 時間: 22-10-6 21:56
stillgood20 發表於 22-10-5 11:09
其實, 香港是自由經濟体.
人才流進流出, 主要是睇利益.
想補充一下，本科畢業生計年薪三年，碩士計四年，博士五年…
香港年輕人不要為大學畢業而停步，要爭取成為有競爭力嘅優秀人才。
作者: stillgood20 時間: 22-10-6 23:01
本帖最後由 stillgood20 於 22-10-6 23:03 編輯
ABC-DAD 發表於 22-10-6 21:56
我感覺你搭錯線，我講嘅係全面對香港本地大學畢業置業得到減輕厘印成本嘅構想，咩精英云云唔係我範圍喎。
...
減厘印……係有幫忙的意見．
用另一個角度, 房屋政策建立一種優惠,是一種考慮．
如果,要培育人才,倒不如直接支持同學們大學畢業後的進修．
比如我細囝,剛畢業,十分願意, 延續硕士課程．
申請港大Statistics.
如果用學習能力, 絕對適合,大學應該提供機會．
但係,interviewer,大學的這個部份,
給了一個很hard feeling .
話課程有很多人申請．好矜貴．
但究竟學位分配了那裡．
是先供應本地學生．還是,留了給港生之外的外地申請者．
可能係我個人偏見, 就這個科目,港大真係太自大．
係金字塔．
希望,只得e少數人係咁。
否則, 如何培育香港的人才．
…….…
政府/社會/商界要揾人才．
是否各個環節都檢查一下．
包括:教育界．
……
授之予漁．
找正確思維,方法,對象．
作者: ABC-DAD 時間: 22-10-7 02:38
stillgood20 發表於 22-10-6 23:01
減厘印……係有幫忙的意見．
用另一個角度, 房屋政策建立一種優惠,是一種考慮．
不過不在我post 所提及嘅範圍。
有夢同想—都值得給句「加油」。「努力」
作者: ANChan59 時間: 22-10-7 05:31
stillgood20 發表於 22-10-6 23:01
減厘印……係有幫忙的意見．
用另一個角度, 房屋政策建立一種優惠,是一種考慮．
很抱歉知道你細囝今次落選，希望明年再試過，試下其他大學或者其他相關課程。
1。我好奇面試教授是什麼地方的人？
2。HKU Statistics 有沒有特別的收生要求？例如學士要讀開 Statistics 或者Maths。Transcript 入面嘅選修科是否對口這些。
3。taught program？抑或research program?
4。今年收幾多人？
5。城大有冇這科？其他師兄及同學碩士讀那幾間？是什麼相關課程？
香港幾間大學嘅教授原則上係俾香港學生優先，特別係research program，如果差唔多成績，學士學位的選修科目對口，多數俾香港學生，除非meet 唔到一些特定條件，或者面試失手。
港大是否自大，大家心中有數！不過，百年老店有些課程係真係唔錯，特別在研究院，係自大得起。亦因為咁，部分香港學生選擇其他三大，差唔多排名，但面試時候覺得舒服及被尊重。
睇完波啦，要上床覺覺豬，明天再分享一個故事。
作者: stillgood20 時間: 22-10-7 07:31
ABC-DAD 發表於 22-10-7 02:38
咁睇嚟你講嘢，事出必有因。
不過不在我post 所提及嘅範圍。
作者: stillgood20 時間: 22-10-7 09:02
ANChan59 發表於 22-10-7 05:31
很抱歉知道你細囝今次落選，希望明年再試過，試下其他大學或者其他相關課程。
1。我好奇面試教授是什麼地 ...
以上,我講述的, 是晦氣,訴求,…暫放下。
其實,我想引用我的例子．
去討論一下,香港人才短缺,
工商界,政府,社會,各界, 如何解決人才問題．
…………
授之予魚 (利之所在,出多d好條件,去吸引世界各地人才進來) 這絕對合理, 一些領域, 那些人擁有知識才能, 應該考慮這方法．
授之予漁 (假設,人才是培訓出來, 香港人本身,同學們,教育界,便是執行這任務),當然, 我說的簡單．現實又如何？
………
香港有年輕一代．極需要提升質素．
如果．用我細囝做例子．
． 因為學額有限
．因為篩選
．因為政策分配港生和外地生
．因為學科資源
．因為教師系統的運用能力
未能,有求必應．其實是合理．
然而, 世界並不是一所港大．要讀Statistics, 英國好多好選擇．
如果選擇去英國讀, 人才流失的機會更大．同學們就業選擇,和就職選擇,便有可能改變．
……
再强調一次, 教育界也是有一定金字塔心態．
要衡量社會需要,或是自身利益．
當然,兩者可以做得好, 便理想．
……
Statistics taught master, 之所以申請人數眾人,而學額少．
出現: 店大欺客 (我和細囝感受)．
． 課程一年． 修幾個courses ．時間成本和學習/學費成本很低．
． 係好些degree科目．top up加上 statistics ,對'受聘'有幫助. 掛著Statistics master , 便可成為數據分析'專家'．
事實並不如此．
………
用另一個正面角度,既然 Statistics (一個例子．還有其他科目) 是有用受歡迎,成本效益高的科目．
增加人才供應的角度,便調節一下．
增加學額．再做好一些．
.…
同一個理念, 香港有那裡缺人才．
不只是輸血,
是同時,更健康去製造血液．
作者: hkpapa852 時間: 22-10-7 09:35
真正幫到下一代，係認真去拓展/發展多元產業，唔好再傾斜係個別行業，做到行行搵到食
可惜香港政府近20年嚟都係齋吹兼只做門面工夫，最終只會慢慢被其他地區超越
作者: b3410 時間: 22-10-7 10:20
ANChan59 發表於 22-10-6 12:03
你朋友的觀察几中肯㗎。電腦及編程著重邏輯及高階思維，去到極致，數學底子深厚，寫program都會有不同境界 ...
作者: b3410 時間: 22-10-7 10:30
akys 發表於 22-10-6 12:04
英或美，我覺得和所讀中學有關。IS，私校會有多啲學生報美國，官津多啲英國，名直一半一半啩。報美國相對 ...
作者: ANChan59 時間: 22-10-7 10:31
stillgood20 發表於 22-10-7 09:02
首先,十分感謝你的關注,支持,分析…感謝!
以上,我講述的, 是晦氣,訴求,…暫放下。
很好，晦氣說話過了，你們再想想前面的道路如何走下去。
作者: b3410 時間: 22-10-7 10:35
hkpapa852 發表於 22-10-7 09:35
真正幫到下一代，係認真去拓展/發展多元產業，唔好再傾斜係個別行業，做到行行搵到食
可惜香港政府近20年嚟 ...
作者: ANChan59 時間: 22-10-7 11:36
hkpapa852 發表於 22-10-7 09:35
真正幫到下一代，係認真去拓展/發展多元產業，唔好再傾斜係個別行業，做到行行搵到食
可惜香港政府近20年嚟 ...
你講得好中，我很同意。
發展多元化產業又唔係咁簡單，官產學研的value chain 入面，大家的agenda 可以係南轅北轍，政府係要牽頭，而且要拋開一定要成功的包袱，同埋唔好咁短視，以色列行創科三十幾年，要到二十年過去才看到一點成績。係要專注及堅持！
以前港英政府，口頭上係積極不干預，但暗底裏政策是否這樣呢？就算干預，如何干預，支持？如何避免給人口實官商勾結，利益輸送？
有時鬧得嚟，都明白他們的難處。
舉一個例子，几年前參加一個深圳的行業協會年會，席上有相關官員列席，熱烈參與討論，透露政府的想法，有問題攤出嚟傾，他們的坦白讓我很驚訝，一定程度上加快業界的發展及參與，明白傾斜制度的nutshell，他們最大的優勢係花完錢，不用上立法會解畫，但行差踏錯就躹躬落臺。
臨結束，他們俾面叫我講幾句。我半講笑咁講，你們今天開會叫做官商合作，香港叫官商勾結。大家捧腹大笑！
作者: beastiebistro 時間: 22-10-7 11:59
本帖最後由 beastiebistro 於 22-10-8 21:10 編輯
回覆 b3410 的帖子
我多口答下嘴。
以最終攞本科學位嚟講（假設大學級數相若），英美分別不大，但過程就天淵之別。
- 英國大學本科三年，美國四年。同一樣時間／金錢，英國可以夠讀埋masters。
- 英國大學術科為主，埋牙就切，冇需要太多其他補充。美國大學要求全人，基本上所有人都須要修humanities嘅學分。如果小朋友係齋數理人，對其他毫無興趣，就要捱下。
- 英國揀咗嗰條路就冇得轉，中途唔喜歡，唯有從新嚟過Year 1開始。美國超級彈性，讀落唔鍾意，隨時轉軌道都得，加加減減又得（轉major又得轉minor又得，double又得，唔minor又得）。而且美國唔少大學，入學時直頭唔使declare major，讀落慢慢揀都仲得。
- 其實讀數可能係近年最Flexible最易搵工嘅科目。銀行喜歡，科網企業喜歡，start-up喜歡，consultancy喜歡。我估美國大學入科網機會多啲，英國都有，不過可能投行／consultancy機會多啲。
我仔都多數會行純數呢條路，所以略有探究。
作者: ANChan59 時間: 22-10-7 12:45 標題: 回覆樓主：
本帖最後由 ANChan59 於 22-10-7 12:50 編輯
我昨晚應承咗講個故事，趁有時間講啦。因為故事有關一個網友家庭，係真人真事，我會講得簡單啲，保留私隱。
網友家中年輕人國際學校畢業，入咗去港大醫學院，現在是大二。大一的時候他已經有興趣將來做clinical research，完成MD。網友希望了解我有什麼建議，我們私訊交流。
年輕人電郵我covering letter and CV，看完，學經歷非常亮麗，令我羡慕。
我分享了几個教授很喜歡帶年輕人做研究，建議上網了解他們的research interests，有沒有他個人有興趣的領域。
他做完功課，然後毛遂自薦，發電郵給Chair Professor，附上covering letter and CV. 教授身處外地也安排一個視頻會議。
簡短會議中，他們擦出火花，教授建議他research 一些資料，看看有沒有興趣，然後再安排開學后，讓他參觀教授的實驗室，同時見研究團隊。
一個讀了一年的大學生，短期內很難在lab 做太多事及有貢獻，但係教授給他一個機會，讓他挑選一個有興趣的項目，然後參與其中，如果將來可以登上醫學期刊，可以加上他的名字。
讀醫科已經很忙，課餘時間參加研究，時間管理及壓力不小。
大三enrichment year可以留在實驗室做研究，也可以去海外醫學院交流或者做研究。
到五年後大學畢業，假如first class，有幾年part time 研究經驗，加上聯名出過一份paper，他申請香港或者海外研究院的機會如何？
如果不幸只拿到2:1，你覺得他入研究院的機會又高唔高呢？
見到這些年輕人，真係好開心，替他父母高興不已，培養出這麼優秀的年輕人，這種人見人愛的人才，全世界國家地區都會搶！
作者: ANChan59 時間: 22-10-7 12:48
beastiebistro 發表於 22-10-7 11:59
回覆 b3410 的帖子
我多口答下嘴。
老友，多謝補充。
有你哋講吓香港冷門，外國熱門學科及發展真係好正，你又質錢入我袋！
作者: akys 時間: 22-10-7 12:50
beastiebistro 發表於 22-10-7 11:59
回覆 b3410 的帖子
我多口答下嘴。
。專家！ 睇完又真係好唔同。
作者: Yanamami 時間: 22-10-7 13:50
beastiebistro 發表於 22-10-7 11:59
回覆 b3410 的帖子
我多口答下嘴。
作者: beastiebistro 時間: 22-10-7 14:09
回覆 Yanamami 的帖子
外國人冇乜職業歧視...
作者: b3410 時間: 22-10-7 14:48
beastiebistro 發表於 22-10-7 11:59
回覆 b3410 的帖子
我多口答下嘴。
多謝你的分享！
勁！講的好透徹！明白了大致方向，我都要做多d探究
作者: ANChan59 時間: 22-10-7 15:04
beastiebistro 發表於 22-10-7 14:09
回覆 Yanamami 的帖子
外國人冇乜職業歧視...
係呀，我第一份工，在香港可能被鄙視㗎，但係在外國就好羡慕及欣賞！
作者: 天外之人 時間: 22-10-7 15:42
stillgood20 發表於 22-10-6 23:01
減厘印……係有幫忙的意見．
用另一個角度, 房屋政策建立一種優惠,是一種考慮．
作者: akys 時間: 22-10-7 16:02
天外之人 發表於 22-10-7 15:42
有家長提及支持大學畢業後學生不要停步繼續進修,先要睇下那些學生仲有冇讀書學習既心. 香港人才短缺,提及培 ...
究竟香港人才短缺定係缺乏職位容納人才？產業傾斜下碰啱兩大產業危危乎，都幾麻煩。
香港教育係有問題，但又未去到需要推倒重來或大改嘅程度，肯用下心微調就可以了。反而產業傾斜政策一日唔改，問題只會繼續依舊。
作者: beastiebistro 時間: 22-10-7 17:40
ANChan59 發表於 22-10-7 12:48
老友，多謝補充。
有你哋講吓香港冷門，外國熱門學科及發展真係好正，你又質錢入我袋！
不過因為小兒都有興趣純數，所以做咗少少功課。你講得啱，佢哋咁大個，有自己思維睇法，未必聽我哋啲老嘢講㗎喇。我溫定書，都係萬一佢真係搵我傾都有啲準備。
作者: beastiebistro 時間: 22-10-7 18:13
b3410 發表於 22-10-7 14:48
多謝你的分享！
勁！講的好透徹！明白了大致方向，我都要做多d探究
- 英國方面，最好嘅純數本科應該係劍橋。佢嘅maths tripos係出名難。從前math係劍橋嘅神科，math tripos攞first hon嘅學生（叫Wranglers）有得喺劍橋巡遊，每年最高分嗰位（叫Senior Wrangler）係全劍橋最風頭躉嘅人物。新加坡總理李顯龍都曾經係Cambridge嘅senior wrangler（所以佢IQ唔講得笑）
- Applied maths就要數我母校Imperial College London
- 另外就牛津，Warwick，UCL，Durham，Bristol，Bath，St Andrews等等
- 報英國大學讀數，要考入學試。Cambridge，Warwick用Cambridge STEPS。其他大學用Oxford MAT。
- Cambridge STEPS難過Oxford MAT。
至於美國讀數
- 呢個moment應該MIT排第一，當然純數／applied都強（始終係engineering school）。不過以我所知MIT嘅course structure比較平均，尖子同普通學生都照顧到。
- Harvard純數本科有被譽為地上（其實係全美國）最難嘅math module Math 55，而且Harvard教書較偏向提拔尖子，所以普通學生就真係要自己執生喇。
- 西岸嘅Stanford自然都係數學強門
- 其他就有UC Berkeley，Princeton，Columbia，Chicago，Caltech，CMU，Penn等等。
- 不過報美國大學真係超級繁複，間間都有唔同essay要寫，又要有sustained課外活動，又要demonstrate leadership能力，又要有好嘅reference，仲要成績好，真係唔易。
祝好運。
作者: stillgood20 時間: 22-10-7 18:42
本帖最後由 stillgood20 於 22-10-7 19:16 編輯
beastiebistro 發表於 22-10-7 18:13
分享多少少。
- 英國方面，最好嘅純數本科應該係劍橋。佢嘅maths tripos係出名難。從前math係劍橋嘅神科， ...
我老同學囝囝今年係劍橋純數2:1畢業．佢媽媽真係好緊張,希望囝囝攞First Hon.
最後, 稍失望, 追唔到上去．
讀純數．
有天資,興趣,勤力,鬥志,缺一不可．
我細囝只得天份．對數學無興趣．
不過, 每個人有自已的路．
順泰,便很好了!
作者: ABC-DAD 時間: 22-10-7 19:18
一個社會嘅文化藝術氛圍，可以培養社會大眾學懂欣賞，讚賞，表揚，總用所謂批判思維去對待生活，生活的內涵會不自覺地枯竭。
作者: ABC-DAD 時間: 22-10-7 19:21
尤其，當所教育同藝術工作都傾向唯利是圖。
幸運的是似乎年輕人都在自覺改變中。
作者: ANChan59 時間: 22-10-7 21:49
天外之人 發表於 22-10-7 15:42
有家長提及支持大學畢業後學生不要停步繼續進修,先要睇下那些學生仲有冇讀書學習既心. 香港人才短缺,提及培 ...
我覺得你的說法係好難單靠學校教育達致，反而家長的「無忘初衷」才是教養教育的game changer。
靠政府，更加緣木求魚，die hard。自己家長盡量去學習及做好，機會會更大啲。
作者: b3410 時間: 22-10-8 08:30
beastiebistro 發表於 22-10-7 18:13
分享多少少。
- 英國方面，最好嘅純數本科應該係劍橋。佢嘅maths tripos係出名難。從前math係劍橋嘅神科， ...
還有，見到本地大學，有唔少和海外名校一起開的Dual degree，有些可能三間大學一起。每一間讀一年，最後三間大學dgree. 這些值得考慮嗎？
作者: beastiebistro 時間: 22-10-8 09:09
本帖最後由 beastiebistro 於 22-10-8 21:09 編輯
回覆 b3410 的帖子
呢樣我真係冇研究。
就咁睇，如果啲大學都係好大學，喺最終攞學位角度當然冇咩問題，好似好著數添。
但係喺我角度，讀書唔係淨係睇最後攞咩學位，過程先重要。我覺得世界好大，小朋友應該襯後生去「認真」體驗一下。如果每度都係蜻蜓點水咁得一年，斬埋頭頭尾尾可能實際得9個月，莫講話體驗風土人情，識多個朋友都難。
而且啲僱主都唔係傻嘅，20頭靚仔有兩三個degree，都會睇清楚點得返嚟。佢哋有幾value呢啲dual/triple joint degree，我唔敢講。讀緊嘅時候揾intern/placement我諗亦唔容易，因為要準備去另一個地方。
冇乜深入研究，純屬個人睇法。
作者: Radiomama 時間: 22-10-8 09:56
在美國讀STEM, 可以好好玩、也可以好爭扎。
開學一個多月，已經有家長在Fb 群組問點樣改善、邊度有1:1 tutor, Physics 1, Comp Science 對某啲在High Sch 時無讀AP課程的學生原來好唔容易。
我哋就勸勉個仔，唔好鬆毛鬆翼，因為Y2修讀的科目才見真章，到時就知。
所謂humanity又唔係要修好多credit, hea 起上嚟修英國文學同中國文化也可作罷。
反而，最正係參加club的活動。我仔投入最多時間學「砌車」，真係砌一部buggy，是最快樂的時間。
作者: Radiomama 時間: 22-10-8 10:27
而像他這種對STEM 學科充滿熱情的年輕人，其實在香港八大之中不乏人才，期待香港有足夠工作機會/internships 讓他們發揮。
作者: Radiomama 時間: 22-10-8 10:29
培育人、留住人、然後才招攬人。
良禽擇木而棲，我哋是棵「好木」嗎？
作者: ANChan59 時間: 22-10-8 10:44
Radiomama 發表於 22-10-8 09:56
在美國讀STEM, 可以好好玩、也可以好爭扎。
開學一個多月，已經有家長在Fb 群組問點樣改善、邊度有1:1 tut ...
中大的通識也有類似情況，你可以hea 過去，也可以刻意去學習一些難得嘅經驗。
我有時覺得如果在美國4年都係liberal studies，可以好浪費時間，見幾個美國朋友的仔女，這類年輕人會用咗屋企好多錢，或者好多學債。
部分選較專業科目，將來條路好行好多。讀工程嘅有做國防武器嘅，醫療設備，工業自動化設備等等，前途及收入都唔錯。
作者: b3410 時間: 22-10-8 10:47
beastiebistro 發表於 22-10-8 09:09
回覆 b3410 的帖子
呢樣我真係冇研究。
作者: b3410 時間: 22-10-8 10:50
Radiomama 發表於 22-10-8 09:56
在美國讀STEM, 可以好好玩、也可以好爭扎。
開學一個多月，已經有家長在Fb 群組問點樣改善、邊度有1:1 tut ...
作者: ANChan59 時間: 22-10-8 11:06
Radiomama 發表於 22-10-8 10:27
而像他這種對STEM 學科充滿熱情的年輕人，其實在香港八大之中不乏人才，期待香港有足夠工作機會/internship ...
本地僱主普通較難做好 internship program，因為冇乜這方面的經驗及魄力，而且很多係交咗個波俾HR之後，冇乜插手，所以很多變成廉價勞動力，或者浪費時間。
如果有人每個月或者兩個星期見一見啲interns，瞭解他們的學習進度，會好好多。
我識一個跨國企業的老闆，他見budget限量，所以將時間縮一半，多收一倍本地大學 intern，都做福不少學生。
作者: stillgood20 時間: 22-10-8 11:12
本帖最後由 stillgood20 於 22-10-8 11:38 編輯
Radiomama 發表於 22-10-8 10:29
培育人、留住人、然後才招攬人。
良禽擇木而棲，我哋是棵「好木」嗎？
<良木>,
香港是否良木? 真係要用心研究?
不同人, 有不同感觀.
特別是, 木頭有分外皮, 主幹內在品質.
----
近日, 睇好多木雕的視頻.
特別是金絲楠木. 不是內行, 木頭只是木頭. 可能是大而無當.
但是, 金絲楠木, 切割, 打磨, 上油. 便知道他珍貴之處.
而各種木材也有自己形態特性.
----
香港是什麼? 是什麼木? 要什麼鳥?
是否政府高官, 學者, 平民百姓, 簡單看清楚? 真擔心!!!!
----
反而, 又出現另一個問題.
除了是什麼木? 那是什麼<鳥>?
爛gag: 是”安全鳥”? 是”危險鳥”? 還是”走鳥”?
----
還是”我多咀鳥”?
---
你提出良木?
我是佩服的. 用心去理解一件事的本質. 這才是科學分析的精神.
謝謝!!!
作者: PSKLAI 時間: 22-10-8 13:28
本帖最後由 PSKLAI 於 22-10-8 13:29 編輯
良禽可擇天下之木而棲
天大地大
父母實在欣喜
但一個國家或地區就冇得開心得咁快
各國政府忙於諗計吸尖子
更頭痛"照顧"平庸的大多數
英美這些教育大國都面對本地教育問題
教師劈炮, 學生hea讀, 大學生一街都係, 一般年青人難向上流
作者: PSKLAI 時間: 22-10-8 13:47
教育這回事難在不是只為叻人而設
而是要應付社會上各式人種的需要
設一套方法, 70%情況work, output 合付社會運用的一般"人才"
保持社會運作
和最重要的
確保自己管治順利
保住自己個王位
以前是是但但天台學校混齢教已經謝主隆恩
尖子中尖子才可以入港大玩玻璃之城
作者: barque 時間: 22-10-8 14:33 標題: 回覆樓主：
本帖最後由 barque 於 22-10-8 14:55 編輯
女兒開學近一個月，她第一學期選擇讀一科CS, critical thinking, college education, 英文和一科專聴presentation 的科目。
她形容自己的生活 “very exciting and very very busy. A lot of reading and essay writing. A lot of work to do and a lot of clubs to apply.
反而她超喜歡科CS (Python), 她之前從來未試過coding
作者: ANChan59 時間: 22-10-8 14:40
香港在前任區長開始騰籠換鳥，只要聽話了！上任區長落井下石，加上香港「躺平」清零，幾乎瓜得了！
良禽擇木而棲，良禽自然多選擇，就係老闆。留者為王，可以係自己選擇，亦可以係冇得選擇。
什麼木？什麼籠？什麼了？適隨尊便，開心就好！
作者: ANChan59 時間: 22-10-8 14:42
barque 發表於 22-10-8 14:33
女兒開學近一個月，她第一學期選擇讀一科CS, critical thinking, college education, 英文和一科專聴presen ...
Where? HK or US?
作者: barque 時間: 22-10-8 14:53
ANChan59 發表於 22-10-8 14:42
Where? HK or US?
US
作者: akys 時間: 22-10-8 15:50
本帖最後由 akys 於 22-10-8 15:53 編輯
今日啱啱睇到連應科院呢棵大樹都流失2-30%員工，都幾誇張。回看首帖‘’吸引海外人材‘’，都幾有趣。
作者: stillgood20 時間: 22-10-8 16:36
akys 發表於 22-10-8 15:50
今日啱啱睇到連應科院呢棵大樹都流失2-30%員工，都幾誇張。回看首帖‘’吸引海外人材‘’，都幾有趣。 ...
情況如是!
我大囝揾Accountant.
唔睇唔知,各行各業,由私家醫院,NGO, 工商企業,
都有空缺． 一些,過往係優質posts唔會出現的,
現在隨處可見．
用另一個角度, 是大好時機．
……
細囝步出校門,見兩份工, 唔使兩星期,
(見工做一個paper test, 見部門主管,閒聊一個鐘)．
便入了lT公司,派入銀行做编程．
二個月就confirm probation, 再加人工。
身邊人士,有轉工升職,有移民．
只要有能力,過去三兩年才可升級,
現在半年一年便可．
二三年經驗,更加可以接觸較高層職位．
作者: twobirds 時間: 22-10-8 17:29
akys 發表於 22-10-8 15:50
今日啱啱睇到連應科院呢棵大樹都流失2-30%員工，都幾誇張。回看首帖‘’吸引海外人材‘’，都幾有趣。 ...
既然事實上根本留唔住，唯有吸引海外人材⋯⋯
作者: hkpapa852 時間: 22-10-8 18:14
twobirds 發表於 22-10-8 17:29
既然事實上根本留唔住，唯有吸引海外人材⋯⋯
作者: ANChan59 時間: 22-10-8 18:19
akys 發表於 22-10-8 15:50
今日啱啱睇到連應科院呢棵大樹都流失2-30%員工，都幾誇張。回看首帖‘’吸引海外人材‘’，都幾有趣。 ...
因為我也是在科學園其中一個政府的研發中心董事，我可以負責任咁講，不同研發中心果20-30%裏面絕大部份係離開香港，有部份移民海外，另一部分係返回內地。
為什麼返回內地，原因香港封關前60小時，大部分香港返工，深圳居住的科研人員（他們持什麼證件在香港工作，我就沒有更詳細的資料），立即返過嚟香港，研發中心提供住宿津貼或者 Inno Cell。當時以為幾個月後疫情會平息，點知玩咗3年幾，抗疫疲勞及離家太久，就算俾佢地半年左右回深圳一次，他們寧願人工及前景較低之下，暫時反回內地工作，希望通關後再回來！
這是「躺平」清零的非人性化手段的結果！
現時這種抗疫情況之下，吸引海外人才根本係笑話嚟架。海外幾肯定唔會立亂嚟，國內嘅都係怕怕啦！
我有個客見到我話我回香港後不用住隔離酒店，他們有三個人十一月去韓國，順便停香港及國內，我叫唔好住，因為香港就7日，國內7+3，加埋兩地工作幾天，起碼要3個多星期。他們聽完就決定唔嚟，只係去韓國5日。
作者: ANChan59 時間: 22-10-8 18:38
阿仔離職後，補咗兩個有幾年經驗的經理，CPA 加CFA in process。人工係阿仔香港人工嘅7折，可惜工作能力速度根本比唔上，有一個已經起身，另一個已經叫頂唔順。
一個出去跳級人工升5成，兩個7折都做唔掂，精英去到邊都係精英，mediocre is mediocre.
作者: ANChan59 時間: 22-10-8 18:52
hkpapa852 發表於 22-10-8 18:14
大部份發達既國家同地區，其實係勞動市場都係local citizen first，只有香港例外，而且更無因此為本地勞動 ...
香港因為要「騰籠換鳥」，本地叻嘅、有能力被推出海外，夠膽嘅咪上大灣區搏一搏，其他咪留低囉。
我估計外國政府及國際機構冇咁儍，到香港得個殼，實際操控嘅係新香港人，咁好多特殊地位，優惠地位就會冇咗，只係時間問題。
作者: hkpapa852 時間: 22-10-8 19:09
ANChan59 發表於 22-10-8 18:52
香港因為要「騰籠換鳥」，本地叻嘅、有能力被推出海外，夠膽嘅咪上大灣區搏一搏，其他咪留低囉。
我估計 ...
作者: ANChan59 時間: 22-10-8 19:10
hkpapa852 發表於 22-10-8 19:09
領教過當年上海自貿區教訓既人，更加唔會嚟香港。所謂吸引人材，現在只係搵廉價勞工或幫同胞出走而已。
...
正解
作者: Yanamami 時間: 22-10-8 19:11
ANChan59 發表於 22-10-8 18:52
香港因為要「騰籠換鳥」，本地叻嘅、有能力被推出海外，夠膽嘅咪上大灣區搏一搏，其他咪留低囉。
我估計 ...
作者: Yanamami 時間: 22-10-8 19:25
ANChan59 發表於 22-10-8 18:38
阿仔離職後，補咗兩個有幾年經驗的經理，CPA 加CFA in process。人工係阿仔香港人工嘅7折，可惜工作能力速 ...
作者: ANChan59 時間: 22-10-8 19:37
Yanamami 發表於 22-10-8 19:25
其實我都想回應，看似多人走了好似機會多左，但亦有“水鬼升城煌”.....怕俾人窒唔敢講。有陳sir講先就掹車 ...
哈哈，我以前已經講我自己當年都係水鬼升城煌，所以我夠膽講！
所以我講自己個仔，最實在！
作者: twobirds 時間: 22-10-8 20:55
Yanamami 發表於 22-10-8 19:11
雞肋
有啲心痛香港依家會被定義為「雞肋」；家人生於斯，長於斯，唉！我比較老套，希望香港長遠仍然是福地。
作者: Yanamami 時間: 22-10-8 22:08
本帖最後由 Yanamami 於 22-10-8 22:09 編輯
twobirds 發表於 22-10-8 20:55
有啲心痛香港依家會被定義為「雞肋」；家人生於斯，長於斯，唉！我比較老套，希望香港長遠仍然是福地。
...
心痛啊～想還想，但總要面對現實。俾多句你“南柯一夢”，我地都努力過了.....
作者: stillgood20 時間: 22-10-8 23:20
twobirds 發表於 22-10-8 20:55
有啲心痛香港依家會被定義為「雞肋」；家人生於斯，長於斯，唉！我比較老套，希望香港長遠仍然是福地。
...
是中國和英國問題．
香港,只是他們反映情感的趨向．
那是本質問題!
作者: dlam141231 時間: 22-10-9 02:42
兒子在美, 首先說明, 他是美籍, 大學畢業後工作五年, data science行業, 我說一下, 讓有志這方面的作參考. 兒子入學時, data science是新興學科, 他唸的大學才第一年新開data science課, 他說第一年班內才十多名學生, 到他大學畢業時, DS已成大熱.
大一, 大二, 大三, 他都留美做summer intern, 全都是數據分析, 大一是non-profit organization, 全職, 工資很低, 時薪15美元, 志在取得工作經驗. 大二, 大三, 他都取得大企業10至12週的summer intern, 以年薪計都是八萬美元上下. 所以他一個暑假有一萬六千多美元收入, 跟我說不用滙生活費給他.
美國stem行業在intern方面機會多許多, 他又在紐約, 我還記得其中一次他很雀躍, 留言說他剛進入New York Stock Exchange內部進行面試.
大三summer intern完結, 他拿到return offer, 大四畢業便立時投入工作. 工作一年餘, 跳槽另一企業, 這趟是正式的data science部門, 職銜是BI Engineer. 然後他在企業一直工作至今, 期間升級加薪又因工作表現佳2021年拿了两次大額bonus. 今年中他升上管理層, engineer + manager, 手下有一個team, 工作有成就感, 他十分開心. 今年八月, 他和相戀三四年的女友訂婚了, 婚期在明年.
美國大學讀四年, 其實沒有浪費時間, 兒子生活多姿多采, 期間半年還去了東歐Study Abroad. 兒子大一沒有declare major, 他入讀商學院, 我們一直以為他會子承父業, major Finance, 但他大二時通知我們, 他已選Statistics為major, 那是他的人生, 我們沒異議. 但當時我的一位香港親友說了句, 讀統計? 嘥咗佢. 後來我們才得知兒子原來還跨學院minor computer science. 就是這樣Stat+CS, 他工作一路順利. 現在五天工作, 每週工作五天工時約50小時, 他選擇一半時間WFH, 一半時間回公司. 他坐地鐵上班, 一程約半小時, 說喜歡回公司多些.
此外, 兒子讀書方面是有天份的, 我一直想他大學之後立時再唸master, 最好唸個Ph.D, 誰知他拿到return offer, 說想先體驗生活, 到他跳槽去另一公司, 我又問他, 不回校園了嗎? 他說不急, 工作上學到的比學校裏的多. 到後來工作一直順利, 我還在問他, 讀個master是否好些, 他說會讀但不用急著讀, 又說多個master好一丁點, 但他那行還是看工作能力和表現, 結果他今年又升職了, 我看看他的那個年薪, 不再問他讀master與否, 相信等到有需要他自會再返校園.
作者: ANChan59 時間: 22-10-9 06:22
dlam141231 發表於 22-10-9 02:42
兒子在美, 首先說明, 他是美籍, 大學畢業後工作五年, data science行業, 我說一下, 讓有志這方面的作參考. ...
多謝你的分享，听到都替你开心，他在大学的舖排major and minor，对口的interns，为毕业之后成功之路奠定了基础。毕业时入到正值他喜欢行业的tipping point。准备成家立室更是可喜可贺。
我之前讲的是不少到美国念大学嘅，係liberal studies，选修科目太散，没有目标，major也是普通的，或者夕阳行业，所以就业前景也不是太好，你可以观察一下，特别是非亚裔的大学生。
你儿子或者我儿子读master / PhD 与否？好睇他们的行业及公司发展情况，係可以迟点才考虑，或者读part time。
儿子现在的工作入职要MFE，或者PhD，6-10年經驗，要4年對口经验，又要CFA 或者FRM。除了postgraduate degree 及年资6-10年，其他他都grand slam。入到去，夠能力应付绝大部份项目，跟上司工作上interchangeable了，比原定时间短了一半。他问过上司及partner是否要读MFE，他们认为不需要，因为他的technical skills 及经验超越其他有MFE，或者PhD 的申请人，他们已经請了一年多这个职位，之前他上司一直不满意，三小时的第一轮面试之后，机会才落在阿仔手上。
我再问如果冇postgraduate 会否影响将来的发展，他在伦敦的了解，係能力比学历更重要。要不要MBA ？他说公司跟LBS 有合办管理课程给公司明日之星，如果要读係可以用公司时间去读。上司们非常滿意他的表现，如无意外，两三年左右上Director。
他是知道他同样金融职位在纽约工资会是比伦敦多20-50%，花红也更多。但他在曼克頓做過跨国公司做过intern，他个人对纽约有些保留，如果三年后决定过去，他可能去加洲，因为他的美国旧同事认为他的skills set 及经验在那处也是非常吃香。他去过纽纽约及三藩市，他比较喜欢后者。
补充一点，好的interns係非常重要，跟到好的上司也是非常決定性。
作者: ABC-DAD 時間: 22-10-9 07:23
There are predictors
There are scavengers
大自然嘅平衡在乎。休養生息。
Take and Give
Take a break while having Enough
Disconnected and come back in a better shape
Nice
作者: barque 時間: 22-10-9 08:19
很高興在這讀到大家的分享，資訊豐富。女兒在美國讀大學，今年剛開始讀Y1. 她是那種對自己將來打算做什麼職業暫時未有明確目標的人。我亦都唔想我的想法影響到她，所以基本上任她自己去Explore看下那方面的興趣大些。我知道她原本對英文和policy 相關的科目有興趣。但我知她現在想試吓讀econ和CS. 美國大學的課程較flexible, 她可以去到y2尾才決定major 什麼科目或者double major 等等。 都係睇吓她自己怎樣打算。
作者: stillgood20 時間: 22-10-9 08:30
ANChan59 發表於 22-10-9 06:22
多謝你的分享，听到都替你开心，他在大学的舖排major and minor，对口的interns，为毕业之后成功之路奠定了 ...
不管大家身在何方．
祝大家幸福美滿．
事事順利。
作者: ANChan59 時間: 22-10-9 09:02
stillgood20 發表於 22-10-9 08:30
這個post 可算是一個歷史印記．新知舊友,各方英雄都出現．
不管大家身在何方．
祝大家幸福美滿．
Well said.
作者: Radiomama 時間: 22-10-9 09:49 標題: 回覆樓主：
本帖最後由 Radiomama 於 22-10-9 09:54 編輯
每個機構都是社會的縮影，但確實正經歷留殻不留人、又或留殻留不住人。
放諸大環境，人人都「講」提質提量，最後的結局預計是另一次的「大躍進」，人有多大膽、地有多大產。
作者: PSKLAI 時間: 22-10-9 10:09
stillgood20 發表於 22-10-9 08:30
這個post 可算是一個歷史印記．新知舊友,各方英雄都出現．
不管大家身在何方．
祝大家幸福美滿．
作者: PSKLAI 時間: 22-10-9 10:20
Radiomama 發表於 22-10-9 09:49
每個機構都是社會的縮影，但確實正經歷留殻不留人、又或留殻留不住人。
放諸大環境，人人都「講」提質提量 ...
| 歡迎光臨 教育王國 (/) |
Powered by Discuz! X1.5 |