教育王國

標題: 有冇人試過寄完倉的行李唔見咗平安藥 [打印本頁]

作者: DYPT 時間: 22-10-1 04:54 標題: 有冇人試過寄完倉的行李唔見咗平安藥

阿女出發前專登去家庭醫生處攞平安藥, 到步英國後, 發現寄倉行李唔見咗帶去d藥, 大家有冇試過呢?那些只是傷風感冒和喉炎消炎藥, 難道英國海關會扣起藥物嗎?

作者: longlokma 時間: 22-10-1 10:41 標題: 回覆樓主:

我覺得係你個女自己唔見咗啲藥,或者唔知塞咗去邊搵唔到. 如果海關係行李入面揾到需要扣留的違禁品，唔可能海關只幫你拎起違禁品跟住冇事發生咁畀返個行李你吧？
而且行李俾人摷過嘅痕跡，應該好明顯

作者: cfs 時間: 22-10-1 11:12

DYPT 發表於 22-10-1 04:54
阿女出發前專登去家庭醫生處攞平安藥, 到步英國後, 發現寄倉行李唔見咗帶去d藥, 大家有冇試過呢?那些只是傷 ...

好明顯係自己唔見左唔知放左係邊.唔會拎起你又比你走架. 寄多次去比佢啦如果無水份.

作者: SIYip 時間: 22-10-1 11:40

我仔都話過搵唔到xxx，結果過一排就會話原來放咗去xxx 度。

作者: 幸福花海 時間: 22-10-1 12:15

海關抽起啲药應該會話你知

作者: 宮二 時間: 22-10-1 13:20

唔搵佢就會走返出嚟

作者: pigpigapple 時間: 22-10-1 16:05

未試過。

作者: Jennie 時間: 22-10-1 17:07

本帖最後由 Jennie 於 22-10-1 17:08 編輯

有機會唔知ZIP O左響邊, 但都有機會無拎過去仍在香港. 有冇響機場執過喼? 係怕咁漏低O左.
我今次2個喼同行李帶都唔記得鎖, 好彩無事

作者: Yanamami 時間: 22-10-1 19:25

普通葯去Boots買過算啦。

作者: 王家爸爸 時間: 22-10-1 20:11

DYPT 發表於 22-10-1 04:54
阿女出發前專登去家庭醫生處攞平安藥, 到步英國後, 發現寄倉行李唔見咗帶去d藥, 大家有冇試過呢?那些只是傷 ...

英國海關唔會扣起你啲藥物，原因係如果你啲藥物無問題，無違法，你絕對有權帶入境。相反如果你啲藥物有問題，你過關既時候已經俾人召入房，甚至拒絕入境。海關無揾你麻煩，即係你啲藥係可以合法帶入境（或者佢無發現有唔合法既野），咁無理由會扣起你啲藥物。

作者: DYPT 時間: 22-10-1 20:50

阿女話佢終於搵番, 原來zip咗在文件file 入面, 真係比佢激死.麻煩晒各位, 謝謝.

歡迎光臨教育王國 (/)