教育王國

標題: 國際學校風氣特質 [打印本頁]

作者: lovelovebabe 時間: 22-9-12 08:04 標題: 國際學校風氣特質

國際學校的小朋友一般都喜歡閱讀，而且多戶外活動，在街上常常看到ESF放學的時候，朋輩間喜歡交談，而不是只顧篤自己手機，人與人之間相處也融洽愉快，唔知IS學生係咪一般都係咁。

作者: 964000 時間: 22-9-12 09:35

lovelovebabe 發表於 22-9-12 08:04
國際學校的小朋友一般都喜歡閱讀，而且多戶外活動，在街上常常看到ESF放學的時候，朋輩間喜歡交談，而不是 ...

喜歡閱讀- 巳經是生活的一部分。
多戶外活動- 是的，運動也是生活的一部分，好多都入水能游出水能跳。
朋輩間喜歡交談-這個是真，學校由幼稚園已強調社交，好enjoy和人social和interact, 就算跟大人也不怕。這個和local school強調「唔準傾偈」，對大人戰戰競競好不同，我見local school 轉來的學生一般會比較靜和「畏」老師。
普遍比較陽光同少機心，有一樣好欣賞，學校從小係教佢地比賽也要欣賞和安慰輸咗的人, 唔係「勝者為王」捧到上天。同埋making mistake is an opportunity to learning , 唔係一錯就打交叉 a sign of failure. 所以我覺得在IS長大很好。

作者: Radiomama 時間: 22-9-12 10:11

lovelovebabe 發表於 22-9-12 08:04
國際學校的小朋友一般都喜歡閱讀，而且多戶外活動，在街上常常看到ESF放學的時候，朋輩間喜歡交談，而不是 ...

你講的是美好的一面，但國際學校也一樣有小朋友愛打機、害羞、欠主動；所以就算小朋友讀國際學校，家長仍要了解孩子的狀況，引導他們。
上到中學，更要維持良好溝通和保持如buddy 一樣的関係。

作者: glo000 時間: 22-9-12 11:01

家長的培育重要過學校，每間學校都有積極同缺乏動力懶惰的學生。名校都一樣，我地攞國際學校的好處就係自由正面的氣氛，背後仍要付出好大的努力去培育小朋友成長，在傳統名校讀了多年出來，我大女今年轉到IS依家先知道自由學習是什麼？十分珍惜這個學習的機會，成個人開朗活潑晒。

作者: lovelovebabe 時間: 22-9-12 11:01

Radiomama 發表於 22-9-12 10:11
你講的是美好的一面，但國際學校也一樣有小朋友愛打機、害羞、欠主動；所以就算小朋友讀國際學校，家長仍 ...

也是的，性格是天生的，家庭教育也重要，本地學校也有愛打機的學生。我就是想看看國際學校會否太free, 小朋友相對好多都愛打機，但其實我就是見普遍也愛閱讀，只是隨便探討下😊

作者: Radiomama 時間: 22-9-12 11:06

glo000 發表於 22-9-12 11:01
家長的培育重要過學校，每間學校都有積極同缺乏動力懶惰的學生。名校都一樣，我地攞國際學校的好處就係自由 ...

恭喜你女女，自由地學習、追求更高更遠的目標。

作者: JKLhome 時間: 22-9-12 11:24

回覆 Radiomama 的帖子

同意國際學校也有shy 文靜既同學，同樣傳統學校也有開朗活潑嘅學生。不過文靜嘅同學在傳統學校應該會變得更加文靜，甚至沒有存在感

作者: 964000 時間: 22-9-12 11:27

Radiomama 發表於 22-9-12 10:11
你講的是美好的一面，但國際學校也一樣有小朋友愛打機、害羞、欠主動；所以就算小朋友讀國際學校，家長仍 ...

愛打機 / IG/ You tube - IS / LS 都會
害羞/欠主動 - 其實都好受天生性格影響，家長都要落好多功夫，不過起碼學校唔好撥冷水，多啲鼓勵下，而且school reports 都會提上堂參與度，唔會只睇成績。但如果父母乜都不理只靠學校又未必夠，小朋友12歲前都好受父母影響，盡量把握引導下。

作者: 964000 時間: 22-9-12 12:39

lovelovebabe 發表於 22-9-12 11:01
也是的，性格是天生的，家庭教育也重要，本地學校也有愛打機的學生。我就是想看看國際學校會否太free, 小 ...

學校從來唔會比小朋友打機，點解打機會關學校自由事？打機都係家中進行，沉迷打機好多因素：沒有管制，沒有事做，沒有其他寄托，沒有play dates，逃避責任 etc. IS都一樣有人沉迷打機。
IS所謂自由，我教女係「愈自由，就愈要自律；唔自律，就冇自由」，讀IS唔係冇枉管，不過唔洗事無大小管，唔洗只可跟model answer限制思想和學習。
但如果父母態度係「橫掂學校又唔會罰，做唔做有乜所謂？」「橫掂無功課咁得閒，咪由佢打機, 唔係有咩做」，咁呢啲真係唔可以只怪IS太free.

作者: lovelovebabe 時間: 22-9-12 12:55

964000 發表於 22-9-12 12:39
學校從來唔會比小朋友打機，點解打機會關學校自由事？打機都係家中進行，沉迷打機好多因素：沒有管制，沒 ...

很認同你的說法

作者: glo000 時間: 22-9-12 13:47

Radiomama 發表於 22-9-12 11:06
恭喜你女女，自由地學習、追求更高更遠的目標。

本帖最後由 glo000 於 22-9-12 13:47 編輯

多謝！多謝呢度的媽媽慷慨分享，我揀啱左IS比大女，同學間滿滿的正能量，返了一個月，已經認識了好幾個好朋友，不再是以前在LS果種功利在前，踩住你上的友誼，BTW你仔仔好醒目好靚仔

作者: JKLhome 時間: 22-9-12 13:51

回覆 glo000 的帖子

乜LS 而家交朋友要咁多諗緊咩，還是只係個別例子？

作者: glo000 時間: 22-9-12 13:56 標題: 回覆樓主：

本帖最後由 glo000 於 23-3-14 00:57 編輯

我問大女有同學在課堂上需要留心的時候，不理會老師，在堂上打機嗎？她說有，但唔多，總有一個半個，有些老師嚴一點，會收電腦，有些不知道不理，我問她感覺如何？她說：「這是打機同學的損失」。中學了，小朋友自己會識諗，他們都想做好自己，在自由學習氣氛當中學懂自制能力。

作者: glo000 時間: 22-9-12 13:59

JKLhome 發表於 22-9-12 13:51
回覆 glo000 的帖子

乜LS 而家交朋友要咁多諗緊咩，還是只係個別例子？

LS分數在前，差一分就入不到精英班，差一分就入不到想去的課外活動，這是精英制學校的情況

作者: lovelovebabe 時間: 22-9-12 14:00

glo000 發表於 22-9-12 13:56
大女在Y8 ，我問她有同學在課堂上需要留心的時候，不理會老師，在堂上打機嗎？她說有，但唔多，總有一個半 ...

令我回想返以前讀LS都有這情況，其實呢個時候都知咩應該做，咩唔應該做。

作者: 964000 時間: 22-9-12 15:41

glo000 發表於 22-9-12 13:56
大女在Y8 ，我問她有同學在課堂上需要留心的時候，不理會老師，在堂上打機嗎？她說有，但唔多，總有一個半 ...

恭喜你，真係早轉早享受
其實就算小學，我都覺得佢地好識稔，只係自制能力未成熟，反而如果乜都限死一個框，只懂服從怕罰怕鬧（所謂好乖），目標太單一（成績分數），佢哋將來更唔識稔野。

作者: shelbylks28 時間: 22-9-12 16:42

回覆 glo000 的帖子

可否分享係邊間？由幼稚園開始嗎？

作者: shelbylks28 時間: 22-9-12 16:43

回覆 glo000 的帖子

可否分享係邊間？由小學幾年轉？本地小學要轉係好難考？

作者: glo000 時間: 22-9-12 17:14

過左去唔想提呀，間間Top LS都係差不多，英文好唔難轉IS

作者: mandy_ng207 時間: 22-9-13 11:40 標題: 回覆樓主：

本帖最後由 mandy_ng207 於 22-9-13 11:42 編輯

同意家庭培育比學校培育重要，尤其小學階段，不論本地還是國際學校，都一樣有品學兼優的學生和學習懶散只愛打機的學生。
個人感覺小朋友讀國際學校的話，家長的付出可能比本地學校更多，因為國際學校頗着重家校合作，又無教材派返屋企，想外判搵人補習都唔得，只有靠家長自己按小朋友能力安排學習計劃，建立社交機會。如果家長願意投放時間在子女教育，國際學校是個很好的土壤；反之，若家長工作忙碌或本身能力有限，去本地學校可能更容易適應。
而我覺得更重要的是孩子的性格適合那一類學校；我有個好朋友的孩子和我仔一樣，同是八歲，他孩子讀本地私校，一向乖巧勤力，做了品學兼優生；我仔連英制國際學校都頂唔順，而家轉咗IB，才真正享受學習，不會吵着不想返學。所以選校還是先了解自己孩子性格較好，適合別人的未必適合自己孩子。
不過人與人相處方面，倒是國際學校的孩子真的比較純，我聽孩子在本地學校的朋友說，很難約同學出來聚會，因為同學間只想比拼成績，沒人願意花時間純粹出嚟玩。

作者: Radiomama 時間: 22-9-13 14:02

國際學校中有一個環節值得大家留意和欣賞，就係是「同儕互評」，不要看輕這個訓練，久而久之，self evaluation skill非常有質素。

小學嘅時候，我仔曾經好不忿氣，回家投訴「互評」時候，其他同學只給他的project一個「2 out of 4」的分數，認為是偏見、同學不喜歡他的原因⋯凡此種種，我都會叫他下次再努力，看看怎樣改善，以獲得別人認同；又或在group project時，找不同的同學合作，取長補短。

十多年下來，他們同學之間既有互信也有互評能力，更會互相幫助，在google doc上幫助對方改文改功課俾comment 。看在眼裏，非常欣賞也非常羡慕。同學之間情同手足是這樣表現的。

作者: 964000 時間: 22-9-13 16:05

Radiomama 發表於 22-9-13 14:02
國際學校中有一個環節值得大家留意和欣賞，就係是「同儕互評」，不要看輕這個訓練，久而久之，self evaluat ...

呢樣野真係好好，好怕女校的勾心鬥角。
女在小學，有次老師舉行班中的朗誦比賽，全班互相投票比分，班女仔真係好好，break時大家互相練習，女的好友又幫佢設計動作，放學後女告訴我嬴咗的同學真係表現好好”She was soooo good! “ 見到佢真心欣賞人地，唔係只在乎輸赢或jealous人地，同學間又互相扶持，真係好欣慰。
以上都係女pillow talk時告訴我，其實如果有同小朋友傾多D，就知道佢哋唔係「冇野學」，否則真會覺得冇功課冇textbook返學唔知學乜。

作者: eminemdvs 時間: 22-9-15 08:59 標題: 回覆樓主:

國際學校學習風氣比較輕鬆鼓勵為主功課雖然日日都有但唔多而且啟發性多多左時間彈鋼琴玩board game睇書等等阿仔反左一個月學反黎都講英文多左以前唔鐘意睇chapter book而家日日臨訓前會讀比我聽

作者: glo000 時間: 22-9-15 22:54

原來IS初中都好多野做，我最近見到阿女好多功課都好有趣，尤其science，我都大開眼界，感受到個女做功課做得輕鬆又開心，以前向LS 各科由初小開始測考問題問到好深，好易唔小心就錯，攪到測考好大壓力，背完又再背，分數行先，成日要小心d無謂野，享受唔到知識背後嘅樂趣，慢慢就唔鐘意讀書，因好多時要死背，小四開始淨英文常識都十幾二十頁worksheets，d字又芝麻咁細粒，依家就好唔同，向功課度盡情發揮，science 功課都可以寫到似冒險小說咁，好開心

作者: 964000 時間: 22-9-16 07:33

glo000 發表於 22-9-15 22:54
原來IS初中都好多野做，我最近見到阿女好多功課都好有趣，尤其science，我都大開眼界，感受到個女做功課做 ...

中學真係會好忙，所以我地而家小學要玩多D試多D野，IB課程同傳統好唔同，較能激發起學習興趣，小朋友喜歡做的事就自然會有好成績。
我女自細在IS冇經過傳統洗禮，我觀察到佢地的學習模式，係真係有人會想知道你諗乜野同點解，從小受尊重，覺得識野係something to be proud of. 而因為咁你會自己去追求識多D，
而傳統的一套主要係考你輸入了幾多資料（大部分考完唔記得），知道出題和改券的人稔緊乜野，方便打分比較所有野只有一個答案。
入大學競爭考公開試無可厚非，但從小這樣訓綀就算成績好，我都覺得對小孩子係剝削。
所以唔係輕鬆少功課有英文語境活動教學就得，在local 課程的框架下及mindset不變，難免換湯不換藥。

作者: 964000 時間: 22-9-16 09:27 標題: 回覆樓主：

本帖最後由 964000 於 22-9-16 09:31 編輯

匯基轉學感受 https://www.edu-kingdom.com/forum.php?mod=viewthread&tid=3871616

見隔離個post分享由IS轉去已經係非傳統的本地直私，珠玉在前，個反差都幾大。

作者: poonseelai 時間: 22-9-16 09:39

964000 發表於 22-9-16 09:27
匯基轉學感受 https://www.edu-kingdom.com/forum.php?mod=viewthread&tid=3871616

見隔離個post分享由IS ...

始終係兩個唔同制度，但真的無想過中文要求咁低

作者: mandy_ng207 時間: 22-9-16 12:17

poonseelai 發表於 22-9-16 09:39
始終係兩個唔同制度，但真的無想過中文要求咁低

如果讀NCS班，即係喺國際學校non-native班，中文要求當然差好遠。係好可惜⋯

作者: poonseelai 時間: 22-9-16 13:06

mandy_ng207 發表於 22-9-16 12:17
如果讀NCS班，即係喺國際學校non-native班，中文要求當然差好遠。係好可惜⋯
...

IB 中文b SL 都高過小學三年級水平

作者: zitamamama 時間: 22-10-30 19:04 標題: 回覆樓主：

本帖最後由 zitamamama 於 22-10-30 19:06 編輯

我諗睇家庭教育。

我不是讀國際。
但認識讀國際的，有些由本身不愛睇書，到成日拎書睇。
亦有成日掛住打機，係學校比人欺凌。

作者: mandy_ng207 時間: 22-10-30 19:44

zitamamama 發表於 22-10-30 19:04
我諗睇家庭教育。

我不是讀國際。

我想問係邊間學校成日打機嘅人俾人欺凌？純粹好奇。因我識兩個欺凌受害者係專注學術不愛打機，因埋唔到堆而成為欺凌對象。

作者: zitamamama 時間: 22-10-30 20:07

mandy_ng207 發表於 22-10-30 19:44
我想問係邊間學校成日打機嘅人俾人欺凌？純粹好奇。因我識兩個欺凌受害者係專注學術不愛打機，因埋唔到堆 ...

打機同欺凌，係兩樣獨立事，不是因為打機而欺凌。打機好多學校都有。欺凌我pm你。

作者: mandy_ng207 時間: 22-10-30 20:11

zitamamama 發表於 22-10-30 20:07
打機同欺凌，係兩樣獨立事，不是因為打機而欺凌。打機好多學校都有。欺凌我pm你。
...

Sorry我誤會咗，以為鍾意打機而俾人欺凌，現在明白了。欺凌嘅事我都聽過唔止一間學校，是否嚴重真係見仁見智，不過其中一個主角的確頂唔順轉咗校。

歡迎光臨教育王國 (/)