教育王國
標題: 給內向型小朋友的家長去考小一的一點意見 [打印本頁]
作者: 超能爸爸 時間: 22-8-31 15:10 標題: 給內向型小朋友的家長去考小一的一點意見
本帖最後由 超能爸爸 於 22-8-31 15:11 編輯
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心儀的小學。
總結來說，由上年9月到今年6月叩門，小兒總共去了13間學校面試，最後有4間私校，1間直資和1間津校offer。
面試技巧、學校數據等已經有很多資訊，我反而想以我自己的經驗，說一下怎樣可以令內向型小朋友有好一點的面試表現。
1. 相信孩子 － 你要對你小朋友信任，佢表現唔好其實只係佢唔擅長香港的面試模式，與他的學習完全無關，每個小朋友一定有佢的優點。
2. 面對現實 － 你要訓練一個內向型的小朋友變成口齒伶俐多數沒可能，反而透過適量訓練令他不至於太落後已經可以了。
3. 建立自信 － 內向型小朋友一旦失去自信面試表現會更差，所以要盡量多讚賞他鼓勵他，罵他是完全沒有幫助，還有反效果。
4. 調整策略 － 第一輪面試通常係口才了得的小朋友較有優勢，到叩門階段有些學校會有筆試，筆試對內向型小朋友較有利，所以製訂一個長遠的策略。
5. 出奇制勝 － 我個仔好鍾意魔術，我叫佢每次interview也袋定個小魔術，有機會就表現出來，希望令老師留下一點印象，結果，真係因為咁而成功得到一間私校offer。
以上經驗係好個人的，純粹分享一下，始終每位小朋友是獨一無二的。記住，小朋友唔會”唔得“的，只係“未得“。英文來講，係"not yet"唔係“cannot"。希望幫到大家，祝大家好運。
作者: RomeVac_FB 時間: 22-8-31 15:24
作者: 高0媽媽 時間: 22-8-31 16:11
超能爸爸 發表於 22-8-31 15:10 
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心 ...
最後去咗邊一類學校？直，私，津？
作者: zaba 時間: 22-8-31 18:49 標題: 回覆樓主:
高質分享, 謝謝你
作者: hughtsai113 時間: 22-8-31 21:44
好好的分享，謝謝。
作者: mrstt 時間: 22-8-31 23:43
超能爸爸 發表於 22-8-31 15:10
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心 ...
謝謝你的分享，我女女都係超內向怕醜型，所以很明白你在講什麼。
好高興你仔仔入到心儀學校！新學期加油啊！
我剛剛開始小一面試，希望下年我都可以話啊女入到心儀學校
作者: mavis222 時間: 22-9-1 16:16
謝謝分享
作者: Anne_Hall 時間: 22-9-1 18:59
超能爸爸 發表於 22-8-31 15:10
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心 ...
我小朋友都係好怕羞小朋友，佢係觀察型小朋友，基本上去到而家都係怕羞。
不過每個小朋友都唔同，家長可以做既係盡幫佢，睇佢有邊啲缺點，再幫佢補底。
我小朋友最後唔算最叻，不過諗返起都算有個交代比自己。大家今年加油！
作者: sandra1004 時間: 22-9-1 19:32
超能爸爸 發表於 22-8-31 15:10
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心 ...
仔女都係慢熱怕醜觀察型，所以考直私即使知道很大機會捧蛋，但都想比佢哋試下，體驗下，到叩門時，總會有學校賞識呢類型的小朋友
作者: 超能爸爸 時間: 22-9-1 20:26
回覆 高0媽媽 的帖子
選了直龍，想他可以專心發展所長，唔使再面對一次小六的考驗。
作者: 超能爸爸 時間: 22-9-1 20:27
本帖最後由 超能爸爸 於 22-9-1 20:31 編輯
回覆 sandra1004 的帖子
係呀，直私要報過先有得叩，可以報下先，出生率低＋移民潮，如果二線私校應該唔難，一線的機會可能再最後階段出現。
作者: KK215 時間: 22-9-6 03:22
謝謝無私分享，可分享一下日常如何與他做訓練？自覺已經常稱讚，但仍擔心操練讓他感到壓力。謝謝。
作者: Bugi_bugi 時間: 22-9-6 10:07
謝謝樓主分享，在其他版面都有見你分享，很欣賞你正面興極的態度。
小兒都係內向口齒唔伶俐型, 我對佢今年考直私都無太大期望, 不過都希望大家盡力試左先。
考小呢個遊戲有時令人迷失, 真心要向你學習點樣去欣賞小朋友, 唔好在過程中打擊小朋友自信。
各位內向型小朋友家長一起加油!!!
作者: BB-Tiger 時間: 22-9-6 11:49
超能爸爸適合搞教育。
作者: 超能爸爸 時間: 22-9-7 00:16
回覆 KK215 的帖子
除咗稱讚，要依佢能力去要求佢去做。
例如，我個仔講故事好差，基本上，睇住圖畫完全唔知由邊度開始，應該要點講，就唔出聲企咗係度。
首先我就自己內心調適，記住唔好以好擅長講故事旳小朋友做指標。我嘅目的係佢能基本表達到一個完整故事就可以，中間一定唔會好流利。
跟住，有個老師教我用方法幫佢，永遠叫佢記住先講時間、地點、人物，跟住再講圖畫中發生什麼，最後佢自已有咩想法。每次都係時間、地點、人物、故事、感受，不斷重覆這個步驟，當然要繼續讚賞，到時面試時，就算記漏咗一個步驟相信也應該問題不大。
還有，面試一定要報多啲，熱身真係有用的，外向小朋友面試完全不用熱身，我地的小朋友就要用幾次面試嚟熱身，當佢習慣了面試，好似上堂咁就會好好多。但注意，上行咗熱身鍊到正式你心儀的學校的面試又不能相隔太耐，所以要報多啲，太密時就放棄一些。
又講返，每個小朋友係獨一無二，以上只係我對超能仔仔的方法，未必個個合用，但可作為參考，希望幫到你。
作者: KK215 時間: 22-9-8 06:21
謝謝無私分享。另外感受到他面試非常緊張，有什麼方法可以令他冇咁緊張，緊張只會影響表現…
作者: 超能爸爸 時間: 22-9-9 17:31
回覆 KK215 的帖子
以我嘅經驗可以有以下方法：
1. 變成習慣：當佢試多幾次面試，就會開始進入平常mode，你諗下如果佢日日要面試好似日日上堂咁，就唔會咁緊張，所以要報多啲熱下身，不過注意小朋友面試多亦會攰，要取個平衡。
2. 尋找亮點：從整個面試過程中，想想有什麼和他興趣有關連的事，例如我個仔好八卦，我次次面試都叫佢去洗手間睇下，出返嚟時話我知個洗手間有咩唔同、靚唔靚等，佢就變得有點期待。
3. 視如平常：佢面試完出來一句都唔好問佢(我只有問佢洗手間情況或可以問啲無謂嘢)，等佢當作面試係一件好平常的事，完成一個面試階段前都唔好去咩慶祝，等佢唔好覺得面試係好重要。
要多加留意減輕佢壓力，希望可以幫到你。
作者: yan_cc 時間: 22-9-10 23:50
我仔仔都係內向 口齒不伶俐型。
下年考小都好擔心，但睇到依個post真心學到野。感謝無私分享(emoji)(emoji)♀️(emoji)(emoji)♀️
作者: 超能爸爸 時間: 22-10-3 21:45
希望幫到大家
作者: Greyma 時間: 22-10-10 12:58
多謝你既分享。不過真係越 in越擔心，小朋友慢熱性格內向，好似點準備都好，都已經輸左7成，我已經有心理準備。呢個遊戲真係好煎熬。
作者: 超能爸爸 時間: 22-10-10 22:06
本帖最後由 超能爸爸 於 22-10-10 22:06 編輯
回覆 Greyma 的帖子
小朋友慢熱型，6月叩門時結果會好一點。
不過，現階也不要氣餒，只係這個遊戲他不擅長，並不是他的錯。
要有耐性，給他信心，順風而行，不要執著於一兩間學校，放鬆心情，好結果一定會來，只是時間問題，加油呀。
作者: nicolekwok1214 時間: 22-10-28 11:33
超能爸爸 發表於 22-10-10 22:06
回覆 Greyma 的帖子
小朋友慢熱型，6月叩門時結果會好一點。
你好, 我小朋友都係內向慢熱型. 你覺得面試班幫唔幫到依類小朋友
我驚佢上堂會有挫敗感
但又可以適應面試形式
作者: Greyma 時間: 22-10-28 23:20
回覆 nicolekwok1214 的帖子
我覺得有用，可以熟習面試模式，係有進步，但始終係小朋友性格，好難360度改變。
作者: yubaba 時間: 22-11-22 08:52
多謝分享~ 仲有一類如我嘅小朋友, 不是全內向型, 看環境、心情, 表現差好遠~ 我一直以為佢唔怕生, 的確某D環境, 特別可同校長、老師freetalk嗰D學校表現好D, 如果流水作業, 如tsl or 港同zoom in, 就完全發揮唔到, 仲變得緊張。我本身心儀一間傳統40人一班嗰D私校, 經過呢幾個月面試, 使我對我小孩認識更多, 我應該都會揀一間比較多元化同學得活D嘅學校比佢~
作者: 超能爸爸 時間: 22-11-22 23:05
本帖最後由 超能爸爸 於 22-11-22 23:05 編輯
回覆 yubaba 的帖子
其實大人面試也講狀態，何況一個只得5嵗左右的小朋友。
我個仔上年Zoom in拍片全部喊咁口，現場interview又好正常的。
每個小朋友也是獨一無二，因塵佢的性格能力去選學校一定冇錯。
你已經很了不起，會觀察佢而改變自己原本的想法，好多家長也一成不變，這只會害了小朋友。
祝你小朋友入到心儀學校。
作者: MsMJ 時間: 22-11-23 12:30
本帖最後由 MsMJ 於 22-11-23 12:31 編輯
請問樓主，你覺得內向型小朋友是否應該多攞啲獎狀或考試證書，平衡返自身表達能力上的不足呢？謝謝你。
作者: Ckw2019 時間: 22-11-24 01:51
MsMJ 發表於 22-11-23 12:30
請問樓主，你覺得內向型小朋友是否應該多攞啲獎狀或考試證書，平衡返自身表達能力上的不足呢？謝謝你。 ...
我小朋友有少少內向，考直私都有唔錯嘅結果。我鼓勵佢，點都要試下答人問題，唔好唔出聲，或者輕易放棄，不斷提醒佢呢幾樣嘢。我知道我小朋友就算唔係好自信都好，佢都努力去回答問題。可能啲學校都要balance一下搵啲定定地又肯答下問題嘅小朋友，所以都有唔少收左我小朋友。你諗下，如果全班都係活躍型，老師嘅class management會好難。
作者: tummypooh 時間: 22-11-24 09:12
奬狀證書，除非你係一啲含金量超高的比賽，否則張「證書」真係冇咩用。
證書冇用，但可能你去學的嘢對你面試筆試有用，所以應該係以學習的心態去上個啲課外班，而唔係為左張證書。
作者: Dybala 時間: 22-11-24 11:07
nicolekwok1214 發表於 22-10-28 11:33
你好, 我小朋友都係內向慢熱型. 你覺得面試班幫唔幫到依類小朋友
我驚佢上堂會有挫敗感
當年個女去間係呢類型嘅, mock interview佢200幾人排到尾十咁上下, 結果家長同細路都好泄氣
雖然根據呢個成績係可能會全軍覆沒, 亦都打定輸數, 但結果又唔係咁, 都攞到幾個雖然唔係一線, 但都值得讀嘅offers
所以搵間老師能夠用正面方式幫到小朋友改善interview表現, 老師又樂於同家長溝通嘅面試班, 點都係有幫助嘅
作者: yubaba 時間: 22-11-24 11:14
Dybala 發表於 22-11-24 11:07
面試班有用, 但唔好去啲太chur或者有mock interview但只會比返排名同成績你睇, 而唔會同你傾有咩改善方法嘅 ...
作者: 超能爸爸 時間: 22-11-24 22:59
本帖最後由 超能爸爸 於 22-11-25 11:57 編輯
回覆 MsMJ 的帖子
我覺得證書好像甜品，不是完全沒有作用，但又不是主菜。
對於唔係個個都in的學校，佢一定係從portfolio，幼稚園學校或證書等去判斷給面試機會與否，所以用處可以去表示你有心栽培小朋友，唔係靠晒學校。
至於係咪都有得in的學校，可能看也不會看證書，主要看面試表現。
對於內向小朋友，我建議去讀Trinity，一來可以訓練他面試交談，二來證書含金量亦不錯，其實Trinity到level 3也學很多文法，對打好基礎亦有幫助。
作者: tcdino 時間: 22-11-24 23:33
本帖最後由 tcdino 於 22-11-24 23:35 編輯
超能爸爸 發表於 22-11-24 22:59
回覆 MsMJ 的帖子
我覺得證書好像甜品，不是完全沒有作用，但又不是主菜。
多謝你一直以來的分享，很勵志和實用（即使我孩子不是文靜類型）! 我之前就是看你推介Trinity 3, 我孩子考到也覺得很有幫助，現在有幾個心儀的offer
作者: 超能爸爸 時間: 22-11-25 17:54
回覆 tcdino 的帖子
恭喜你呀。
多謝你話我知，其實幫到人我比你更開心。
作者: Wonggyymm 時間: 23-7-17 08:46
超能爸爸 發表於 22-8-31 15:10
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心 ...
請問係卷幼定名幼？係咪卷幼再難啲訓練？
作者: 超能爸爸 時間: 23-7-17 22:02
回覆 Wonggyymm 的帖子
我小朋友係讀券幼，有些名幼會幫手訓練interview當然會幫助大啲，但自己用心幫他也可以做到的。
如果肯努力，其實結果一定唔會太差。
作者: 多多宝 時間: 23-7-18 19:03
Greyma 發表於 22-10-10 12:58
多謝你既分享。不過真係越 in越擔心，小朋友慢熱性格內向，好似點準備都好，都已經輸左7成，我已經有心理準 ...
慢熱內向唔緊要，只要學術OK，有問有答，一定有唔知一間一線學校收。
作者: 18babycome 時間: 24-2-3 17:25
回覆 超能爸爸 的帖子
謝分享
作者: chingchub 時間: 24-2-11 17:56 標題: 回覆樓主:
建議如果小朋友係初小階段仍然保持內向慢熱口齒唔伶俐，係升高小後仍有需要盡早加強口語思維訓練，升中面試係另一個更重要既戰場
作者: Anne_Hall 時間: 24-2-13 21:57
chingchub 發表於 24-2-11 17:56
建議如果小朋友係初小階段仍然保持內向慢熱口齒唔伶俐，係升高小後仍有需要盡早加強口語思維訓練，升中面試 ...
我仔就係慢熱怕羞型，升小時考直資，用盡方法令佢無咁慢熱，但最後都得兩間二線龍校正取，一間call waiting收，叩門結果反而好少少。
但佢而家初小仲係好怕醜，其實學校比好多機會小朋友表現自己，但佢性格係咁，除左等開竅都諗唔到仲有咩方法。
作者: jinJJ 時間: 24-2-23 13:38
thanks. it is worth reading this post.
作者: pccw2017 時間: 24-2-23 15:26
Anne_Hall 發表於 24-2-13 21:57
我仔就係慢熱怕羞型，升小時考直資，用盡方法令佢無咁慢熱，但最後都得兩間二線龍校正取，一間call waitin ...
作者: Anne_Hall 時間: 24-2-23 18:42
pccw2017 發表於 24-2-23 15:26
可以帶小朋友去參加一些固定的課外活動, 如小童軍、合唱團等. 多些機會接觸其他小朋友, 同一班小朋友個個星 ...
我仔有參加童軍、集誦班，返教會Awana，其實佢同朋輩相處好自然，同大人講野有紋有路，就係一知道係同學習有關既野就緊張同怕羞，唔知點衝破
作者: 已刪除用戶 時間: 24-2-26 09:27
我小朋友都勁內向，但面試時佢會知道如怕講嘢，佢就送了學位俾隔離嗰個講得多嘢嘅人。佢平時係唔舉手答問題，但面試時知道唔舉手就一分都冇。同其他小朋友做合作task 時，我會作定通用嘅開場白，問隔離位嘅嘢，同隔離位講嘅嘢俾佢，冇論做咩task, 都同隔離講呢幾句，唔洗佢即場諗，又唔知講咩好，又唔出聲，佢即場諗到多啲嘢講就亦可講，諗唔到就講prepare 了嘅說話去扮同人溝通。性格內向係改變唔到的，但只係面試時扮唔內向就可以，平時照樣好內向，硬係要迫佢外向同人接觸，佢唔會願意的，所以佢只需要明白面試嘅遊戲規則就可以，為了贏個遊戲而去做，而唔係真係要改變一個人嘅性格。
作者: pccw2017 時間: 24-2-26 17:21
Anne_Hall 發表於 24-2-23 18:42
我仔有參加童軍、集誦班，返教會Awana，其實佢同朋輩相處好自然，同大人講野有紋有路，就係一知道係同學習 ...
作者: Anne_Hall 時間: 24-2-27 07:44
potato38 發表於 24-2-26 09:27
我小朋友都勁內向，但面試時佢會知道如怕講嘢，佢就送了學位俾隔離嗰個講得多嘢嘅人。佢平時係唔舉手答問題 ...
我都係咁教兩個仔，我細仔係劵幼，呢排幼稚園見家長，呢幾年老師評語都係成日唔敢講野好怕醜，唔敢答問題同舉手。
但細仔知道面試就要講野先有學校收，佢應該面試敢講野，聖誕節前收到兩間直資龍校offer，但就唔係神校。不過我都滿意了，知道小朋友內向都有學校收。
作者: Anne_Hall 時間: 24-2-27 07:45
pccw2017 發表於 24-2-26 17:21
咁小朋友要俾時間佢, 可能某一天會突然開竅. 最好當無這回事. 成日提呢D會俾壓力小朋友. ...
而家都唯有慢慢等個大生性，諗通左唔好咁怕醜。我兩個都係怕醜仔，都幾難攪。
作者: myreallizzy 時間: 24-4-21 12:26
我的經驗是小學係邊間學校讀根本不重要，係邊間讀都是靠家長培伴與培養，所以不如睇輕呢個面試游戲，接受小朋友的性格特質，慢慢陪佢成長。只要家長用心，不要迷信學校名氣而迎合學校面試時間去逼迫小朋友，小朋友一定會如願成長成家長心目中滿意的人才。
作者: funkylife 時間: 24-4-22 14:11
如果小一未能入到心儀小學，可以之後p2-p5去考插班! 條條大路通羅馬。
作者: step422 時間: 24-6-7 19:38
謝謝你嘅意見 獲益良多
| 歡迎光臨 教育王國 (/) |
Powered by Discuz! X1.5 |