教育王國

標題: 校車車程 [打印本頁]

作者: sophiayee 時間: 22-8-22 23:28 標題: 校車車程

大家在揀選學校時會否都會考慮校車車程時長？

學校位置如未能理想地在附近，大家接受得到既校車時間係幾耐以內？

還是多數都係會考慮搬近學校？

小朋友即將要準備升小一，估計如搭校車或多或少影響埋參加學校課外活動….

作者: fupigpig 時間: 22-8-23 01:24

sophiayee 發表於 22-8-22 23:28
大家在揀選學校時會否都會考慮校車車程時長？

學校位置如未能理想地在附近，大家接受得到既校車時間係幾 ...

就算距離近，搭校車都可能早45分鐘或更多時間到校，因為校車公司有時/多數會做多轉接幼稚園，就要早d車第一轉嘅小學先。又或者同區都周圍兜，甚至出入幾個屋苑，站站上一個，距離短都可以車程時間長。

我如果只考慮屋企可步行距離嘅學校，真係冇邊間好揀，我首要會揀有校車（我唔會自己搵街車，冇保障），其次係如自己接送要學校極近mtr站（因我屋企極近mtr站），點到點幾個站就冇所謂。

有時見d朋友話自己接送行10-15分鐘好近，但成段路程係馬路邊兼日曬雨淋，又揹住個大書包，呢d真係睇個人接唔接受㗎咋。

作者: Raccch 時間: 22-8-23 12:47

回覆 sophiayee 的帖子

除非自己上車個度係尾站，或者學校係同區，如果唔係好多校車都要40分鐘以上。如果真係好心儀的學校，我可以接受一個鐘以內的車程。但係如果條路好難行或者小朋友容易暈車，就要半小時以內或者自行接送了。

作者: C9Ma 時間: 22-8-23 13:10

fupigpig 發表於 22-8-23 01:24
就算距離近，搭校車都可能早45分鐘或更多時間到校，因為校車公司有時/多數會做多轉接幼稚園，就要早d車第 ...

本帖最後由 C9Ma 於 22-8-23 13:11 編輯

我寧願揀坐30分鐘校車，都唔會想步行10至15分鐘日曬雨淋。

好似今日嘅天氣，叫你背住個重書包行10至15分鐘冇瓦遮頭，真係超級辛苦！

如果落超級大雨，返到學校真係成身濕晒。

作者: mechanics10 時間: 22-8-23 13:33

C9Ma 發表於 22-8-23 13:10
本帖最後由 C9Ma 於 22-8-23 13:11 編輯

我寧願揀坐30分鐘校車，都唔會想步行10至15分鐘日曬雨淋。

同意, 而家天氣越來越極端, 一係曬到死, 一係不停落雨, 寧願坐校車都唔想行路 (秋冬天就無所謂)

作者: piglover 時間: 22-8-24 16:41

我同區校車要50分鐘，加埋出門時間，要預早10分鐘等校車。要一個小時。

我自己接送，從家出發5分鐘到地鐵月台，10分鐘地鐵車程。地鐵行15分鐘到學校。

作者: 糯米米糍 時間: 22-8-24 17:17

必定考慮，畢竟小朋友每日返放學同作息都好影響，我只接受半個鐘左右車程，因為再長即係好可能要好早起身，或好遲放學返到屋企，個人覺得好浪費時間同小朋友都會疲累，而且少咗好多時間做自己喜歡嘅事。

當年小朋友升小都放棄咗好好嘅offer因為距離，最後選咗坐20分鐘校車嘅學校，嚟緊想再方便啲所以會搬到學校附近可5分鐘步行返學

作者: renaya 時間: 22-8-24 22:58

其實有時真係幾矛盾，明明自行接送計埋交通、步行嘅時間較短，但校車點對點就最方便，偏偏車程因各種原因拖長時間，真係兩難！

作者: SL100 時間: 22-9-16 08:51 標題: 回覆樓主:

我都考慮緊，心儀學校行路要20分鐘，但有間學校喺附近(唔差，而且阿女鍾意)。都唔知揀邊間好

作者: 964000 時間: 22-9-16 09:13

sophiayee 發表於 22-8-22 23:28
大家在揀選學校時會否都會考慮校車車程時長？

學校位置如未能理想地在附近，大家接受得到既校車時間係幾 ...

校車點到點最舒服，最好40min內
我心目中只有一兩間學校覺得值得花更多時間上學，否則其實間間唔相差太遠，都會揀30min內。
好采我地學校課外活動也有校車坐，否則要自己接真係會減少參加意慾

作者: Charlotte_mom 時間: 22-9-16 09:42

我睇上車時間，早過7:00上車真係幾難頂

作者: JennK 時間: 22-9-16 10:00 標題: 回覆樓主:

最好30分鐘左右，一日花個零鐘搭車都算合理。我知有d小朋友6點10分上校車，日日翻學放學要用幾個鐘…如果讀間近既攞果幾個鐘溫下習，相信響邊間學校讀都會band 1呱…

作者: Philichak 時間: 22-9-16 12:21

集合3個同學可以叫gogovan之類，點對點仲平過校車。

作者: feifei_baby 時間: 22-9-16 14:39

C9Ma 發表於 22-8-23 13:10
本帖最後由 C9Ma 於 22-8-23 13:11 編輯

我寧願揀坐30分鐘校車，都唔會想步行10至15分鐘日曬雨淋。

我屋企同學校行兩個字多啲到，我照搭校車

作者: tkinwong 時間: 22-9-16 18:39

視乎家長有幾鍾意間學校。將軍澳或遠至大補出九龍返學都有。要6點前上車。

作者: princesssarah 時間: 22-9-17 12:42

幼兒園及小學我都係搬去學校附近，吾搬嘅話每天要花2.5小時來回，太辛苦，也太浪費光陰。

我女剛升小一，由離島搬去港島，依家返學只須步行2分鐘，接送十分方便

作者: jbbmom 時間: 22-9-18 23:07

如果好心儀又唔可以搬屋, 可以接受40分鐘內車程

作者: jbbmom 時間: 22-9-18 23:09

回覆 Charlotte_mom 的帖子

同意, 尤其冬天..

作者: bbchu0316 時間: 22-9-19 00:24

Philichak 發表於 22-9-16 12:21
集合3個同學可以叫gogovan之類，點對點仲平過校車。

要揾人跟車

歡迎光臨教育王國 (/)