教育王國
標題: esf vs kcis [打印本頁]
作者: Forbb 時間: 22-8-11 00:08 標題: esf vs kcis
小朋友今年將會升k2，其實都未諗掂係咪會讀國際學校， 因為怕國際學校，如esf小朋友變得無規矩， 唔識得孝順父母， 同埋esf簡體字。kcis 教繁體字，日日有普通話堂， 感覺上比esf重視 紀律. 如果k2 kcis，可學多啲中文字，又可以考下直資私立，不過仔仔怕醜，出去面試又未必考得到。 但係入咗esf就可以 唔使煩.一路讀唔使諗住轉校. 不過喺香港呢個環境 ， 返學唔學 繁體字又好似爭啲。 我都知入esf， 越細越易， 幾年後或者移民，不過都未決定， 咁應該點揀好揀kcis定係esf ？大家有冇啲咩意見呀 ？謝謝
作者: supervi 時間: 22-8-11 08:49
回覆 Forbb 的帖子
你係識得有小朋友讀ESF 唔識孝順父母, 冇規矩?
作者: Forbb 時間: 22-8-11 10:09
我有次聽講座，嗰個speaker話見好多國際學校嘅小朋友都成為咗不肖子，咁所以我就有少少囉擔心. 唔知其他讀國際學校嘅爸爸媽媽有冇意見 可以發表下 呢？
作者: mojai0109 時間: 22-8-11 12:24
識唔識孝順父母應該同家教/身教有關 。如果你有呢個想法 我覺得你唔好簡國際學校 因為你已經先入為主 國際學校= 不肖子
我小朋友讀緊國際學校 我有花時間陪伴同教導 暫時都係一個有禮乖巧既小朋友
作者: cheekyhc 時間: 22-8-11 13:07
其實你要先搞清楚自己教育理念
學校係有一定影響，但家庭身教先係最緊要
每年咁多ESF畢業生，佢地個個都唔孝順，個個都同家人關係唔好嗎?
入IS都係想小朋友多d critical thinking，對知識有興趣
如果你最終目標只係想小朋友跟你既步伐同意見，有機會IS未必太岩你
作者: sipdowy 時間: 22-8-11 16:04 標題: 回覆樓主：
本帖最後由 sipdowy 於 22-8-11 16:04 編輯
我身邊好多同事都外國讀書/國際學校，唔覺有咩孝順問題喎。亦見佢哋乖、純、勤力。
其實都係家長有冇花時間心機陪小朋友成長嘅姐，關咩事…. 唔好信晒啲speakers…
作者: hkbusfan 時間: 22-8-11 17:17
回覆 Forbb 的帖子
讀local school (或者任何學校) 都可以無規矩同唔孝順。家長心態若未ready，可能唔揀IS 好啲。
作者: kinder.bb 時間: 22-8-11 17:27
孝順父母, 懂禮貌, 係由父母家庭做起, 莫非樓主覺得讀傳統學校, 學生就一定會尊師重道!?
其實國際學校只係比一個不同既學習環境同模式, 讓小朋友多啲空間發揮, 當中老師更要同學彼此尊重, 互相鼓勵和欣賞. 我仔小學時就讀被稱為傳統名小學, 而中學轉國際學校, 我親身感覺, 國際學生學生更單純, 更懂得互相照顧和欣賞.
希望樓主了解多啲, 問身邊有小朋友讀緊國際學校既家長, 再自行定斷.
作者: poonseelai 時間: 22-8-11 17:33 標題: 回覆樓主:
我孩子ib school, 有次聽到個家長投訴老師太隨便？? 原來佢唔接受老師 story time 時叫D學生坐地下圍住老師一起讀故事，我就 speech less, 講緊 pre covid 年代
作者: Forbb 時間: 22-8-11 18:43
回覆 kinder.bb 的帖子
請問 你同小朋友 讀完傳統小學之後轉國際，請問你同佢做啲乜嘢準備考入國際中學入學試？ 考啲咩㗎你覺？ 你覺得 難唔難考？thanks
作者: kinder.bb 時間: 22-8-12 08:29
Forbb 發表於 22-8-11 18:43 
回覆 kinder.bb 的帖子
請問 你同小朋友 讀完傳統小學之後轉國際，請問你同佢做啲乜嘢準備考入國際中學入 ...
作者: melobi12 時間: 22-8-12 09:12 標題: 回覆樓主：
本帖最後由 melobi12 於 22-8-13 12:25 編輯
點解會覺得IS 無規矩? 因為學校同老師會怕左啲學生所以唔教? 因為自由 = 冇規矩?? "家教最重要" 呢啲老生常談我都唔講了，你o係呢個forum 睇多幾版實會睇到不少相關討論。
現實啲諗，IS 家長點解有免費學校唔讀，一年最少俾10幾萬學費一個小朋友去返IS? 唔通真係只係為左學好英文? 
講返轉頭，你似係喜歡直私學校多啲，對IS 又有不良印象，係咩原因令你考慮IS?
作者: nunupipi 時間: 22-8-12 13:24 標題: 回覆樓主：
本帖最後由 nunupipi 於 22-8-12 13:24 編輯
我既經驗係全班最無規矩，最喜歡欺凌人既全部係由LS插入IS既，反而由Kinder開始係IS讀起嘅都好乖好純，係玩嗰時比本地小朋友hyper,但絕對唔係品格上有問題。
作者: sabsab122 時間: 22-8-12 13:44
本帖最後由 sabsab122 於 22-8-13 17:23 編輯
Forbb 發表於 22-8-11 00:08
小朋友今年將會升k2，其實都未諗掂係咪會讀國際學校， 因為怕國際學校，如esf小朋友變得無規矩， 唔識得孝 ...
讀國際學校絕對可以教識小朋友互相尊重和包容，但一些夾硬來的概念如「孝順父母」，咩都要聽父母講，就真係未必。
不過字裏行間我諗你心態上係未ready 讀國際學校。
你報直私比較適合，唔會有以上嘅問題出現。
作者: hlmami 時間: 22-8-12 13:59
Forbb 發表於 22-8-11 10:09
我有次聽講座，嗰個speaker話見好多國際學校嘅小朋友都成為咗不肖子，咁所以我就有少少囉擔心. 唔知其他讀 ...
係咪聽得太多趙sir?(emoji)
應該得佢會咁講，如果無信心，我勸你還是不要想IS了
作者: yonfish 時間: 22-8-12 16:16
其實孝唔孝順同學校真係冇咩關係。
如果行國際路線就唔會孝順，咁係唔係外國人同去外國讀書嘅都唔孝順？
唔知你聽咩speaker,不過都要自己諗下。
另外，ESF小學唔易考，一係有offer再諗
作者: Saboc 時間: 22-8-12 23:49
樓主講嘢好offensive.我啲細路讀英基暫時好孝順喎,,又唔曳.將來唔知.考到先慢慢諗啦
作者: Forbb 時間: 22-8-13 00:05
回覆 hlmami 的帖子
呢番說話唔係趙sir講嘅 ， 係另外一個成日都有開talk嘅speaker.咁我又費事開名， 我覺得每個人都有 自己 嘅意見 ，我就係有懷疑， 先講出嚟同大家分享下, 問問大家.
作者: Forbb 時間: 22-8-13 00:06
回覆 Saboc 的帖子
請你唔好誤會 ，我絕對冇offensive嘅意思.我都係quote其他人嘅說話.覺得有懷疑.先至問問大家.請問你個小朋友依家喺year幾呀?
作者: mandy_ng207 時間: 22-8-13 09:54
Forbb 發表於 22-8-13 00:05
回覆 hlmami 的帖子
呢番說話唔係趙sir講嘅 ， 係另外一個成日都有開talk嘅speaker.咁我又費事開名， 我 ...
其實你講得好啱，每個人都有自己嘅意見，我覺得你不必信個speaker或者信我哋任何一位家長，親身去了解讀國際學校係乜嘢嘅一回事先，上學校網站睇課程介紹、睇學校活動相片，你會大概知道係咪你嗰杯茶。如果你唔介意報名費，報咗名先，再睇行街坐車嘅時候留意吓國際學校學生嘅表現，咁你會更清楚嗰啲學生喺你眼中係乖定唔乖。好過喺討論區聽完一輪然後又做唔到決定。
純粹經驗分享，不喜勿插
作者: Radiomama 時間: 22-8-13 11:24
Forbb 發表於 22-8-11 00:08
小朋友今年將會升k2，其實都未諗掂係咪會讀國際學校， 因為怕國際學校，如esf小朋友變得無規矩， 唔識得孝 ...
其實你係在ESF 同KCIS 之間想二選一？
教繁體字中文的IS越嚟越越多，唔需要局限一間；在香港差不多全部IS 均是以普通話教授中文，小學階段的堂數相約，至於水平，睇你屋企有幾重視。有啲家長會從小學就開始補習中文，我覺得是心理作用多於實際用途。
國際學校是想發展學生全球視野、全人培育，好重視與家庭、朋友之間的bonding，我仔與我們、長輩関係和睦，不至於「非常孝順」，但甚得人歡心。「規矩」是人定嘅，Y1起學校講求”mutual agreement”, 老師同學之間互相尊重和同意遵守規則，我樂意見到這種文明的做法，不會夾硬要求。
選學校可以問多啲意見，交流看法，不過最後都係你自己做決定。
另外KCIS和ESF最大的分別是到高年班時的「生源」有顯著不同，KCIS在Y12&13時的學生相對較任何一間ESF都少，所以提供的DP courses相信選擇不會多；學生在校內辦有規模的活動也較難。
作者: Forbb 時間: 22-8-13 23:42
多謝你呀，我覺得你嘅分析好客觀， 我個仔比較怕醜，我唔知喺esf呢啲環境對好静嘅小朋友會唔會都鼓勵佢講多d. 定係見佢唔講就由得佢。
作者: Radiomama 時間: 22-8-14 00:33
Forbb 發表於 22-8-13 23:42
多謝你呀，我覺得你嘅分析好客觀， 我個仔比較怕醜，我唔知喺esf呢啲環境對好静嘅小朋友會唔會都鼓勵佢講多 ...
兩三歲的小男生，怕醜、怕陌生環境、不善表達和溝通，實在是平常不過；幼稚園時候，一班15-20人，可能只有兩三個男生可以突破以上的問題，而女生可能有十個八個會主動表達自己。
但隨著孩子漸長，各人的自理能力和自信心會慢慢加強，只要有適合環境，都可以好好培育。
ESF 是大路的教育機構，學費affordable而IBDP的track record算不錯。
作者: smilesmilefan 時間: 22-8-14 00:57
你有咁的想法，即你未ready 小朋友讀IS, 咁咪先由細接受本地文化教育先
國際學校咪大d 先去考又得
作者: penp0319 時間: 22-8-14 06:23
樓主有咁嘅憂慮，可以考慮SWCS YMCA 喺長沙灣，英文是國際程度，中文和數學是本地課程！Christian School 重視紀律！因為課程balance, 有小朋友中學有去國際學校，亦有入local school! 本身有聯繫中學 ymca Christian college!
今年有學生拎sport scholarship 入女拔,又一個拎full scholarship 入HKIS! 當然我估佢哋自己本身是很標青，不過睇到學生中學可以揀行IS 和 LS ！
作者: tyson715 時間: 22-8-15 16:01
樓主自己可以花時間，了解多啲心儀學校的情況。每個學習模式都有佢利與弊，冇贏晒。其實10年8 載，往後有誰知道將來會如何，世界本來就係千變萬化，可能到佢地年代，考試模式巳變，世界巳變。人生慢慢長路，隨時轉軑落車大有人在。我地都係睇餸食飯，有好多嘢都唔係可以控制到。所以，不需要太糾結。
作者: SISian 時間: 22-8-15 19:31
比我一定ESF,之前讀過KCIS,怕怕了
作者: kayan37 時間: 22-8-15 20:45 標題: 回覆樓主：
本帖最後由 kayan37 於 22-8-15 20:54 編輯
我小朋友在KCIS由K1開始讀到P1 剛轉了另一間學校 這3年我是十分滿意的 我小朋友由一個好怕醜 無自信既人仔 進步到會主動舉手答問題 我覺得老師以及助教都功不可沒 這3年遇到的老師及助教都非常有愛心 當初我也是因為希望有較好的中文程度及繁中 所以選擇了KCIS 只要接受得到學校沒什麼設施 我覺得這是一所很好的學校 而很多人說這學校有問題 我想多數是說中學部吧
作者: puiyima 時間: 22-8-16 10:30
本帖最後由 puiyima 於 22-9-19 15:12 編輯
....
作者: nervousmichelle 時間: 22-8-16 13:25
puiyima 發表於 22-8-16 10:30
如果兩間都有offer, 除非学費考慮或好肯定只讀兩三年或中學前離校移民, 否則根本不用比較, 當然ESF, 至於中 ...
從受歡迎程度同取錄嘅難度嚟講，ESF真係比KCIS受歡迎好多同更難插班。KCIS即使國際部，睇咗Admission嘅webpage，都覺得好Local學校嘅feel。亦聽聞好多KCIS學生會轉校去其他大校IS，但从ESF轉入KCIS就真係比較罕見。
作者: kazakaza 時間: 22-8-28 08:10
外國人既思想入面冇孝順呢個concept, 相信以上兩間都唔會灌輸到呢方面嘅觀念比小朋友。 讀IS 感覺德育教得唔多（或者有宗教背景既多啲， 唔sure)， 呢方面有要求要靠家庭教育
作者: mandy_ng207 時間: 22-8-28 11:38
kazakaza 發表於 22-8-28 08:10
外國人既思想入面冇孝順呢個concept, 相信以上兩間都唔會灌輸到呢方面嘅觀念比小朋友。 讀IS 感覺德育教得 ...
呢樣嘢我唔同意，我仔無論喺舊校定新校都有Helper Appreciation day，多謝身邊幫助你嘅人，不論屋企人定係工人姐姐。呢個係一個學習主題，有相關嘅課堂活動，學校亦特定一個日子比佢哋展示課堂作品，帶返屋企向Helper獻上愛心，我覺得呢個教育好好。既然會多謝身邊照顧你嘅人，點會唔孝順呢？
作者: sabsab122 時間: 22-8-28 16:56
本帖最後由 sabsab122 於 22-8-28 16:58 編輯
mandy_ng207 發表於 22-8-28 11:38
呢樣嘢我唔同意，我仔無論喺舊校定新校都有Helper Appreciation day，多謝身邊幫助你嘅人，不論屋企人定係 ...
會多謝身邊嘅人≠會孝順。華人社會嗰種「孝順」係單向，關係由上而下，即是父母講乜仔女一定要聽從，否則就係不孝。
我諗讀開國際學校嘅小朋友不容易接受這種「孝順」，
但互相尊重及逆地而處就大部份都做到，
但大前提係要合理。
品德教育我反而覺得佢哋做得好好，
我認識的大部份國際學校小朋友都係好有愛心和禮貌的。
作者: Radiomama 時間: 22-8-28 19:52
sabsab122 發表於 22-8-28 16:56
會多謝身邊嘅人≠會孝順。華人社會嗰種「孝順」係單向，關係由上而下，即是父母講乜仔女一定要聽從，否則 ...
你話：「華人社會嗰種「孝順」係單向，關係由上而下，即是父母講乜仔女一定要聽從，否則就係不孝。」
呢個概念會否太可怕呢？
我哋不是古人，唔需要停留在古代的想法；現代社會，學懂明白養育之恩、回饋父母、敬愛長輩、照顧他們已經好好。其實國內的「公益廣告」（類似香港的政府宣傳片）也是推廣這種概念啫。
作者: poonseelai 時間: 22-8-28 20:09
sabsab122 發表於 22-8-28 16:56
會多謝身邊嘅人≠會孝順。華人社會嗰種「孝順」係單向，關係由上而下，即是父母講乜仔女一定要聽從，否則 ...
本帖最後由 poonseelai 於 22-8-28 20:09 編輯
我真的第一次聽這個單向說法，如果咁就唔會有愚孝這名詞
作者: nunupipi 時間: 22-8-28 20:27
sabsab122 發表於 22-8-28 16:56
會多謝身邊嘅人≠會孝順。華人社會嗰種「孝順」係單向，關係由上而下，即是父母講乜仔女一定要聽從，否則 ...
孟子曰：「老吾老，以及人之老; 幼吾幼，以及人之幼。」
華人社會既孝順應該係講求愛與關懷，從身邊嘅人再推廣至他人，對長輩講求照顧與關懷而非事事順從。
作者: sabsab122 時間: 22-8-28 21:47
本帖最後由 sabsab122 於 22-8-28 22:28 編輯
Radiomama 發表於 22-8-28 19:52
你話：「華人社會嗰種「孝順」係單向，關係由上而下，即是父母講乜仔女一定要聽從，否則就係不孝。」
呢 ...
如果你所define 嘅孝，d長輩係收貨嘅，
咁世上就不會再有婆媳糾紛。
根本個社會就仲有很多長輩覺得d後生一定要事事順父母意思才是孝順。
這種孝順，國際學校真係冇教。
正如外國人會覺得華人要比家用父母，成家立室都要同父母一齊住，係一件好奇怪嘅事一樣。
外國父母一般都不會干涉只要佢長大後嘅生活，不同華人家庭般成家立室後都好緊密地聯繫在一起。
不過我哋點define 孝順父母其實真係唔重要，
最緊要係樓主點諗，
佢接唔接受到小朋友會變左西方嗰種
長大後同父母變成朋友，
互相尊重，respect 長大後係獨立個體，而懂得得點到即止咁相處。
作者: sabsab122 時間: 22-8-28 21:57
本帖最後由 sabsab122 於 22-8-28 22:13 編輯
poonseelai 發表於 22-8-28 20:09
本帖最後由 poonseelai 於 22-8-28 20:09 編輯
我真的第一次聽這個單向說法，如果咁就唔會有愚孝這名詞 ...
咁我只可以話你好幸福，竟然從未被父母情緒勒索過，亦沒有聽聞過。
畢竟華人父母會尊重小朋友意願嘅真係唔多。
作者: Radiomama 時間: 22-8-28 22:32
sabsab122 發表於 22-8-28 21:47
如果你所define 嘅孝，d長輩係收貨嘅，
咁世上就不會再有婆媳糾紛。
家家有本難念的經。
不過，不要把「外國」和「中國/華人」太典型化。有些價值觀和信念是可以互相欣賞的。我剛從美加回來，遇上非常重視家庭的墨西哥裔和印度裔的美國人，他們的親族維繫，真係強到不得了。
四十年前，「外國人」覺得子女讀大學就等於離開屋企、獨立生活；但今時今日，他們跟子女的關係密切到不得了，由宿舍擺設以至如何與男女朋友遠距離維繫，做父母的都會去関心和協助。這情況跟我們以前在電影看的情節不同，我覚得也許是整代人發生了文化逆轉。
我在本地學校長大，沒有老師教我哋只順從父母意思，家中長輩八九十歲都無呢個要求。「孝順」還是可以在不同文化地域中去實踐的。
作者: ABC-DAD 時間: 22-8-29 09:23
本帖最後由 ABC-DAD 於 22-8-29 10:08 編輯
愛爾蘭、意大利、猶太裔同中亞、中東嘅人亦好重視家庭關係嘅。
孝順由上而下？我估係香港近年習非成是，把「聽教聽話」當為孝順去理解，錯把唔聽話指為不孝。
孝可以講成一種感恩嘅反哺行為，表面聽似係由下向上，實際係雙向嘅行為關係，只係有先哺育教養同後來嘅反哺。
三字經有述。養不教 父之過…久不教 性乃遷
重點是父母無在家庭中培養教育，無做好家庭關係，小朋友係無從學習。
現代社會嘅學校並非體驗及學習家庭關係同品德嘅最佳及主要場所，，亦同IS或者LS無關嘅。
作者: poonseelai 時間: 22-8-29 10:48
ABC-DAD 發表於 22-8-29 09:23
愛爾蘭、意大利、猶太裔同中亞、中東嘅人亦好重視家庭關係嘅。
孝順由上而下？我估係香港近年習非成是，把 ...
或者有人正要推動君臣，父子，兄弟這些階級觀念，就好似君要臣死，臣不得不死之類。
作者: ABC-DAD 時間: 22-8-29 11:18
poonseelai 發表於 22-8-29 10:48
或者有人正要推動君臣，父子，兄弟這些階級觀念，就好似君要臣死，臣不得不死之類。
...
做後室創作發展自己元宇宙？能賣錢的話可能會有巿場
作者: ABC-DAD 時間: 22-8-29 11:22
Radiomama 發表於 22-8-28 22:32
家家有本難念的經。
不過，不要把「外國」和「中國/華人」太典型化。有些價值觀和信念是可以互相欣賞的。 ...
環境不同，表達方式有別，就如此。
作者: ABC-DAD 時間: 22-8-29 11:24
本帖最後由 ABC-DAD 於 22-8-29 11:29 編輯
poonseelai 發表於 22-8-29 10:48
或者有人正要推動君臣，父子，兄弟這些階級觀念，就好似君要臣死，臣不得不死之類。
...
你寫的是本是倫理關係，說成階級觀念就有點自動跑偏的感覺。
但姓董那位歷史人物獨尊儒術，在那個背景確實是有君臣共治天下的動機，但那是歷史了。
我就不往這方向加柴火了。
作者: BlossomAlmond 時間: 22-8-29 11:31
Forbb 發表於 22-8-11 10:09
我有次聽講座，嗰個speaker話見好多國際學校嘅小朋友都成為咗不肖子，咁所以我就有少少囉擔心. 唔知其他讀 ...
本帖最後由 BlossomAlmond 於 22-8-29 12:52 編輯
嗰個乜嘢講座嚟㗎 ？
證明Critical thinking 真係好重要，建議更加要俾小朋友讀國際學校。
作者: eit2003 時間: 22-8-29 18:05
建議選擇esf，它的校園氣氛較 kcis更國際化，活動的選擇也比較多。品德方面，您只要引導他多結識善良有禮的同學就可以了。另外，esf 的名氣和升學穩定性始終更勝一籌，日後您囝囝出類拔萃想轉去 cis/gsis等也更容易。
希望幫到您！
作者: Radiomama 時間: 22-9-1 16:42 標題: 回覆樓主：
本帖最後由 Radiomama 於 22-9-1 16:47 編輯
https://www.####.com/751494/本地升學/小學/福建附小-開學孝道禮-剪指甲-揼骨-奉茶/
油塘直資小學福建中學附屬學校，新學年推出全新的「孝道」主題活動，校方趁今日開學禮，邀請了約60位學生家長到學校，與子女一同參加，讓學生與家長進行不同的孝道任務，包括學生幫其父母「揼骨」按摩、為父母剪指甲，以及向父母奉茶。
福建中學附屬學校校長徐區懿華表示，「孝道主題活動」屬3年國際文化視野項目中的其中一項，她認為，中華傳統文化中，孝為百德之首，惟而這一代的父母普遍非常疼愛子女，甚少向他們教導「孝順」的傳統觀念，她建議父親應教導子女孝順母親，母親應教導子女孝順父親，而父母本身更應以身作則，一同教子女孝順長輩。她希望，藉著「孝道」主題活動喚醒大家對此的關注，透過熟讀《孝經》，重新探索孝道在品德價值中的重要性。
***
原來依家真係有local school 會咁樣傳遞孝道，真係有趣。
作者: cpa1314 時間: 22-9-2 11:52
回覆 SISian 的帖子
hello! 介唔介意分享多少少點解怕KCIS? 真心感激!
作者: supervi 時間: 22-9-3 10:24
Radiomama 發表於 22-9-1 16:42
https://www.####.com/751494/本地升學/小學/福建附小-開學孝道禮-剪指甲-揼骨-奉茶/
油塘直資小學福建中 ...
作者: Radiomama 時間: 22-9-3 15:47
supervi 發表於 22-9-3 10:24
有一次在朋友面前教自己小朋友讀我既英文名, 我朋友見到話, 佢小朋友仲未知自己媽媽叫咩名 (3歲), 因為佢唔 ...
我仔一直叫mom or mami, 佢啲同學叫我Auntie xx; 佢哋都係有樣學樣，屋企大人點教、佢哋就點學。
作者: mandy_ng207 時間: 22-9-4 07:52
Radiomama 發表於 22-9-3 15:47
我仔一直叫mom or mami, 佢啲同學叫我Auntie xx; 佢哋都係有樣學樣，屋企大人點教、佢哋就點學。
...
哈哈，我仔個同學直程同我熟到直呼我個名，我又冇乜所謂喎，只要說話內容禮貌就好，稱呼是其次
作者: supervi 時間: 22-9-5 15:23
我覺得我朋友係有點多慮喇, 小朋友其實好醒, 識得分, 唔通佢會跟我叫左爸爸做 "老公" 咩
| 歡迎光臨 教育王國 (/) |
Powered by Discuz! X1.5 |