教育王國

標題: 坑真 vs 救恩 [打印本頁]

作者: AveL 時間: 22-8-2 19:40 標題: 坑真 vs 救恩

坑真 vs 救恩

女仔，兩間距離都差不多，都係要七點幾上校車

兩間教學方法/好處都幾唔同，真係魚與熊掌 - 想要真光的傳統女校特質以及佢承傳到嘅純樸校風和文化，就要放棄標榜活動和探究式教學及培養學習興趣的新派教學方法…
升中似乎坑真有保障啲，每年數字都好靚；但救恩有中西區校網都好好，不過救恩近年冇確實數據…

大家點睇？

作者: mb_lo 時間: 22-8-2 21:29

我放左坑真，因喜歡活動探究式教學比小朋友

作者: tummypooh 時間: 22-8-3 08:50

回覆 AveL 的帖子

如果你 "想要真光的傳統女校特質以及佢承傳到嘅純樸校風和文化"，又想要中西區校網，又要升中保障，我會建議你讀住坑真，插班聖提女或聖嘉勒。

如果你想要探究式活動教學（唔知仲係咪咁），而升中疑團不是你最大考慮，咁KYS。

作者: AveL 時間: 22-8-4 09:01

Thx for your advice!

作者: gugumom 時間: 22-8-6 22:17

AveL 發表於 22-8-2 19:40
坑真 vs 救恩

女仔，兩間距離都差不多，都係要七點幾上校車

女女讀緊救恩，老師和校長也十分有愛心。系一間讀得非常開心的學校。

作者: Sing13 時間: 22-8-7 01:41

我覺得探究式教學既小學是需要一條龍銜接既中學.
無直屬中學免不了爭名次，求學就是求分數, 無分數如何入band1中學.
入一間成績好又與小學銜接既中學并不容易.
而求分數最直接既方法就是多操練. 到高年級人地操你操唔操？

作者: AveL 時間: 22-8-9 14:09

本帖最後由 AveL 於 22-8-9 14:35 編輯

回覆 Sing13 的帖子

同感! 你道出咗我最擔心的問題...我唔想比咗咁多學費出面仲要再谷，在校happy完放學/放工全家先來加操...happy後始終要呈分，究竟培養到的學習興趣及自主性可否令小朋友免於操練而又獲得高分?

最終其實都要考慮埋想讀咩中學同考咩公開試。中學方面，銜接到又最好的幾間直資得好少位唔易考入，一般的又唔想山長水遠過海返學。反而覺得港島好多B1津校性價比較高同有較大機會入到~

另外公開試方面，考IB的學校難入亦都好貴，就算較為活動啲嘅直資學校都係考番DSE為主或者GCE A-Level…咁如果我考GCE不如索性預科去英國讀…而如果探索性及活動嘅教學模式上到中學都係要適應返DSE框架，更擔心教學理念無以為繼到時仲難適應。

作者: AveL 時間: 22-8-9 16:09

本帖最後由 AveL 於 22-8-9 16:57 編輯

多謝大家的分享! 經詳細考慮同比個囡選擇後心中都有答案了...

救恩是一所很好的學校，尤其欣賞它的小組教學及正向教育，校長老師都滿腔熱誠，小朋友有很多自由及發揮空間，培養出學生有自信敢創新，大部份用家都讃口不絕。如果無升本地中學的考慮或已打算出國則一定選擇，但如向呈分現實低頭就只能忍痛放棄了...

坑真校舍環境設施出色，學術、體藝及德育各方面都好四平八穩和均衡發展，尤其升中成績足夠交代了。用家們話唔算谷而教出來啲學生又有質素保證，好乖但唔知會否太因循...另外佢地真係好多校規! 上至髮型下至小食及文具款式都要管! 重視「克己」及「樸素」的程度真係令人恕難認同，變相其實小朋友和家長係無自由或個人風格，吃穿用度都要跟校規! 純呻...因為都無其他選擇唯有接受了~ 個囡又話鍾意守規矩同安靜學習咁就如佢所願了~ 唔知其他傳統女校係咪都係咁多規矩嘅呢?

作者: hha 時間: 22-8-9 16:24

AveL 發表於 22-8-9 16:09
多謝大家的分享! 經詳細考慮同比個囡選擇後心中都有答案了...

救恩是一所很好的學校，尤其欣賞它的小組教 ...

本帖最後由 hha 於 22-8-9 17:02 編輯

本帖最後由 hha 於 22-8-9 17:01 編輯

我唔係坑真用家，聽朋友講都有d O咀。其他傳統女校唔係，我個女嗰間長髪都可以唔扎起，可以用任何卡通髪夾/髪圈(只要唔好size過大)、小息冇限帶咩小食零食，學校亦有零食汽水賣、可戴耳環返學、書包小食袋可以掛公仔⋯⋯

作者: piglover 時間: 22-8-9 16:53

hha 發表於 22-8-9 16:24
我唔係坑真用家，聽朋友講都有d O咀。其他傳統女校唔係，我個女嗰間長髪都可以唔扎起，可以用任何卡通發夾 ...

好多地區普通津小都要求多多，要用黑色橡筋，發夾。不可以有仼何公仔。

作者: hha 時間: 22-8-9 16:56

piglover 發表於 22-8-9 16:53
好多地區普通津小都要求多多，要用黑色橡筋，發夾。不可以有仼何公仔。
...

其實我想帶出嘅係，唔關係咪傳統定活動教學事，純係個別學校自己偏好。

作者: AveL 時間: 22-8-9 17:01

回覆 hha 的帖子

真令人羨慕

作者: AveL 時間: 22-8-9 17:16

回覆 piglover 的帖子

頭髮飾物都算了...都聽過不少學校有指定顏色。小食款式都算，當跟學校款式食得健康啲。

但我真係未聽過文具都要人簡單款無公仔!!!! 小學生最中意文具，而家即係我買啲個囡中意的公仔文具等佢書寫時開心啲都唔得??? 我屋企係好少淨色用品嘅，佢而家係連我的購物喜好習慣都要改埋???

作者: joyce2015 時間: 22-8-9 17:18

Sing13 發表於 22-8-7 01:41
我覺得探究式教學既小學是需要一條龍銜接既中學.
無直屬中學免不了爭名次，求學就是求分數, 無分數如何入ba ...

非常同意。無一條龍嘅中學去到呈分試階段仲可唔可以happy? 救恩本身係一間好好學校，對校長尤其欣賞，可惜無中學下又要應付現實有點無奈。救恩學生升中成績不錯，可能真係要問下用家comment.

作者: Sing13 時間: 22-8-9 18:24

AveL 發表於 22-8-9 16:09
多謝大家的分享! 經詳細考慮同比個囡選擇後心中都有答案了...

救恩是一所很好的學校，尤其欣賞它的小組教 ...

估計你既小朋友是真光外校生而非幼稚園直上，如果是后者，你應該相當清楚真光既理念.
真光是培養樸素既乖乖女孩，唔想學生攀比，甚至唔鼓勵聖誕送卡，收外校生時，是以適合而非學術收生. 如你所言，“個囡又話鍾意守規矩同安靜學習咁就如佢所願了”
真是冇聽講過真光有欺凌或者學生爆粗.

傳統女校同新派直資，前者既這種性格培養后者亦俾唔到.

真光既學習壓力唔大，善用時間的話可以自己發展小朋友興趣.

作者: WinnieCatCat 時間: 22-8-9 22:48

AveL 發表於 22-8-9 17:16
回覆 piglover 的帖子

頭髮飾物都算了...都聽過不少學校有指定顏色。小食款式都算，當跟學校款式食得健康 ...

關於文具的限制係聽邊個講㗎？我女讀坑真，只係話唔好用鐵筆盒，因為跌落地好嘈，同唔好用有機關的筆盒，唔想小朋友掛住玩，我又覺得這要求合理啊！至於其他文具，有公仔是沒問題啊，我女都係卡通筆袋、卡通擦膠、卡通鉛筆。老師送嘅禮物，都係角落生物文具啊！

坑真好似好多規舉，但校內好多嘢其實好寛鬆，放心。

作者: ASP2019 時間: 22-8-10 00:42

Sing13 發表於 22-8-9 18:24
估計你既小朋友是真光外校生而非幼稚園直上，如果是后者，你應該相當清楚真光既理念.
真光是培養樸素既乖 ...

路過見到，“真是冇聽講過真光有欺凌或者學生爆粗”，對這句前部分有保留，因為有個朋友在坑真讀小和中學（不肯定幼稚園是否在坑真讀），佢話經常有同學言語上欺凌（verbal bullying)同有d小圈子欺凌，所以佢提起學校就......

致於爆粗就不置可否啦，因為聽講過坑真唔出畢業証書比中學畢業生，咁這學生就過咩，就真係好耐人尋味啦。（如果有人知道，請分享，謝謝先。）

作者: SLHongkonger 時間: 22-8-10 07:12

joyce2015 發表於 22-8-9 17:18
非常同意。無一條龍嘅中學去到呈分試階段仲可唔可以happy? 救恩本身係一間好好學校，對校長尤其欣賞，可惜 ...

本帖最後由 SLHongkonger 於 22-8-10 07:55 編輯

救恩有匯基東聯繫

坑真都只係聯繫中學部

如果想升中有保障可能救恩更理想
救恩升英中率好高
再加上中西區抽英華女做乙一都好穩陣

若果要選我覺得救恩更好

作者: Sing13 時間: 22-8-10 11:53 標題: 回覆樓主：

本帖最後由 Sing13 於 22-8-10 11:58 編輯

真光今年女生人數90，升真光中學62，加埋其他大概八成幾女生入band1.

https://www.tlmshkps.edu.hk/tlmshkps/web/info/index.php?parent_id=6

如果讀救恩，抽女英華傳統女校，保障率及中小學銜接不如選真光.

作者: AveL 時間: 22-8-10 13:00

本帖最後由 AveL 於 22-8-10 13:14 編輯

回覆 WinnieCatCat 的帖子

多謝你的資訊! 如果真係無限制文具款式就好了!

我係聽準學生家長及現讀生家長講架，唔知係咪個別班級老師建議同學儘量用簡單無公仔款式文具呢?! 不過佢地話小朋友習慣咗其實又無覺得唔開心嘅，只係家長覺得好多約束有壓力啫...

我同個囡打定底話可能無得用靚文具，跟住佢同我講話唔緊要，可以返屋企先用，返學要聽老師講...佢咁守規矩咁我無嘢講了

坑真係多規矩，但聽聞對學生都係包容及關愛的，希望到時真係感受到啦~

作者: AveL 時間: 22-8-10 14:41

本帖最後由 AveL 於 22-8-10 14:42 編輯

回覆 Sing13 的帖子

係呀我都有留意坑真數據~ 近年坑真都係過八成入band 1，比起救恩過六成入band 1 (根據幾年前有公佈實質數字時的數據)及一般地區一線小學約四成入band 1，都有好明顯嘅升中優勢。

睇過以前啲舊post, 救恩幾年前加埋係得少過10個人入到聖提女/英華女，今年仲無人入到聖提女...就算好彩抽入到，中小學銜接都係問題。識人救恩升到英華女，雖然未至於跟唔上，但要適應完全唔同嘅校風文化同教學方式都唔容易啊。

救恩似乎較適合入直資，但最top果幾間好難考入，所以最大機會係入匯基東九龍(如屬band 1生)。如果係咁我寧願入真光中學~

作者: AveL 時間: 22-8-10 15:03

回覆 SLHongkonger 的帖子

多謝回覆。救恩以happy school來講已經做得好好!

但要留意返救恩升英中的中學名單內係包括了band 2 中學及國際學校/海外升學的，人數亦無列出。所以係睇唔到確實幾多人入到band 1...

https://kauyan.edu.hk/primary/wp-content/uploads/2022/08/2021-2022%E5%8D%87%E4%B8%AD%E6%A6%82%E6%B3%81-%E4%B8%AD%E6%96%87.jpg

作者: zaba 時間: 22-8-10 15:55

本帖最後由 zaba 於 22-8-10 16:01 編輯

AveL 發表於 22-8-10 15:03
回覆 SLHongkonger 的帖子

多謝回覆。救恩以happy school來講已經做得好好!

如果極著緊升中, 咁真係坑真比到你既安全感會比較高
呢兩間學校太唔同, 好似橙同蘋果比咁
到最後, 都係要問下自己想要乜嘢, 同埋小朋友性情/學習風格適合點既教學.

作者: AveL 時間: 22-8-11 12:31

回覆 zaba 的帖子

作者: LEY705 時間: 22-8-14 22:41

最後樓主揀左邊間？

作者: kekawai 時間: 22-8-16 10:42 標題: 回覆樓主:

其實用樸素文具都好架！同事個女返學會遇到同學睇中佢把LOL間尺，然後：「如果你唔送俾我就唔同你玩！」。
仲有2-3包貼紙想送一人一張俾同學，點知其中一個攞走哂一包，另一個見到又有樣學樣攞走另一包。
唔帶返學就煩少d!

歡迎光臨教育王國 (/)