教育王國
標題: 中四留咗一年，再留定係轉? [打印本頁]
作者: fffdm 時間: 22-8-1 23:47 標題: 中四留咗一年，再留定係轉?
本嚟應該send去高中教育區，但係揾唔到 
sorry
小女宜家from4,讀緊一間band 1嘅傳統英中
上一年因為出席率唔夠七成，又冇去考試已經留咗一年。
今年又都係翻得斷斷續續,同上一年情況差唔多，之前帶咗小女去睇情緒科,確診咗焦慮症，但係睇咗一排囡因就話醫生俾佢好大壓力，就停咗冇睇。
小女今年淨條考咗一次ut,後面嘅考試都係估分。班主任話如果佢有翻齊學，以佢嘅能力升上去冇咩問題，但係宜家咁樣硬升會好辛苦，留會好d，小女又唔想再留，想問吓有咩辦法?
如果轉直資學校可唔可以升?有冇咩學校可以推薦吓，定係留多一年好d?
真係好擔心佢 
作者: LoveCorgi2 時間: 22-8-2 01:29
fffdm 發表於 22-8-1 23:47 
本嚟應該send去高中教育區，但係揾唔到 sorry
小女宜家from4,讀緊一間band 1嘅傳統英中
識人嘅囡囡都差唔多case。之前常因為情緒，厭食多次進出醫院，好似幾嚴重。當時朋友話囡啲同學都有啲係咁情況。
佢係學霸型，band 1,對自己學業有要求。好似停過學兩年。之後申請去澳洲非主要城市（好似專家話唔好去啲咁繁忙嘅地方，慢活啲）讀high school再升大學而家入讀專科。話而家情況比係hk好，人又獨立啲。印象中嗰時佢睇政府，但覺得幫助不大甚至可能差咗就轉睇私家。
作者: 964000 時間: 22-8-2 08:43
有情緒病留在身邊較好，轉國際學校，小班，唔好咁chur個D，斷絕以前班同學來往一排。
作者: mimi1102 時間: 22-8-2 09:58
本帖最後由 mimi1102 於 22-8-2 10:02 編輯
fffdm 發表於 22-8-1 23:47
本嚟應該send去高中教育區，但係揾唔到 sorry
小女宜家from4,讀緊一間band 1嘅傳統英中
唔清楚你女的情緒問題, 是否來自學業, 如果係, 不如考慮轉較輕鬆的直資或國際. 再留番係傳統band 1 英中, 雖然換左班同學, 但圍繞住身邊的, 都係一班band 1 學生, 壓力始終走唔甩.
作者: 仔仔錫錫你 時間: 22-8-2 13:18
本帖最後由 仔仔錫錫你 於 22-8-2 13:19 編輯
如果情緒壓力來自學業成績就轉國際學校，一般band 1中學都以升大學為目標，要入u 一定會壓力學生谷成績係正常，唔想咁就轉b2b, 學校會幫手谷叻學生入u，一般果d 就會講下條條大路通羅馬果d 野…. 壓力少好多
作者: kirstyau 時間: 22-8-2 14:46
fffdm 發表於 22-8-1 23:47
本嚟應該send去高中教育區，但係揾唔到 sorry
小女宜家from4,讀緊一間band 1嘅傳統英中
如果有情緒病就唔好夾硬升中五，中五已經入直路，越近DSE只會越忙越多野讀。
唔夾個醫生唯有再轉，睇政府？負擔到就出面私家精神科/心理學家。冇得慳 
學校社工應該有支援，我女津中有心理學家到校（要自費，學校又資助D)
家長加油，面對有情緒病家人，自己都唔好受，有咩上黎講下，大家互不相識， 有時識得反而唔敢講。
作者: WHPH 時間: 22-8-2 14:58
回覆 fffdm 的帖子
我自己覺得調整心態重要過轉校，因為轉左學校唔代表冇壓力。如果自身性格係對自己要求高，去到邊度都一樣要求高，還有加上要適應新環境的壓力。可能搵過另外一個心理醫生或輔導員，從調整自身的心態著手。
作者: YolandaTam 時間: 22-8-2 16:59
kirstyau 發表於 22-8-2 14:46
如果有情緒病就唔好夾硬升中五，中五已經入直路，越近DSE只會越忙越多野讀。
唔夾個醫生唯有再轉，睇政府 ...
俾我可能同學校商量停學一年，調整好先至再出發；反正書幾時都可以讀。
DSE 真係好 chur, 中五下學期開始成個氣氛唔同晒，老師一路施壓，測考又多。我女都試過突然之間好 sad, 有情緒病嘅年輕人更難受。
作者: cyiuming 時間: 22-8-2 17:41
當然要轉校去啲壓力冇咁大嘅學校
有番自信
一樣入到大學
作者: WinnieCatCat 時間: 22-8-2 19:57
fffdm 發表於 22-8-1 23:47
本嚟應該send去高中教育區，但係揾唔到 sorry
小女宜家from4,讀緊一間band 1嘅傳統英中
身邊也有認識有情緒問題的band1學生，從他們的經歷可見，情緒問題返唔到學，係冇得勉強的。冇人知轉校係咪有轉機，但唔轉繼續留，就一定只會無限loop現在的情況。恕我直言，唔好再在依家間學校留班了，沒可能面對到的，我見過嘅case繼續堅持留在原校只係浪費時間。
醫返好情緒問題比處理學業更重要，搵間低banding的學校，的確要衝破心理關口，但唔少band 3學校其實非常用心辦學，程度較低囡囡可能靠食老本也可應付，最緊要重拾自信，重新開始
作者: fffdm 時間: 22-8-2 22:07
WinnieCatCat 發表於 22-8-2 19:57
身邊也有認識有情緒問題的band1學生，從他們的經歷可見，情緒問題返唔到學，係冇得勉強的。冇人知轉校係咪 ...
多謝回覆，宜家諗住穩吓近d嘅學校，之前間學校又遠翻得辛苦 ，換過間至少重新開始都應該開心d
作者: fffdm 時間: 22-8-2 22:10
WHPH 發表於 22-8-2 14:58
回覆 fffdm 的帖子
我自己覺得調整心態重要過轉校，因為轉左學校唔代表冇壓力。如果自身性格係對自己要求 ...
係啊，佢自己俾自己好高要求，可能都因為細個我管得比較嚴有關，唉 
作者: fffdm 時間: 22-8-2 22:16
kirstyau 發表於 22-8-2 14:46
如果有情緒病就唔好夾硬升中五，中五已經入直路，越近DSE只會越忙越多野讀。
唔夾個醫生唯有再轉，睇政府 ...
之前都有個社工跟開，但係li排學校啱啱換咗社工，囡囡又唔係好放得開同個新社工唔太熟。確實周圍d親戚朋友都冇得傾，一黎有d觀念唔一樣，二黎又驚囡囡介意
作者: kirstyau 時間: 22-8-2 22:20
fffdm 發表於 22-8-2 22:16
之前都有個社工跟開，但係li排學校啱啱換咗社工，囡囡又唔係好放得開同個新社工唔太熟。確實周圍d親戚朋友 ...
明呀！ 親朋戚友一人一句仲煩。 一個叫你睇東一個叫你睇西，網上35識7仲可暢所欲言。
作者: fffdm 時間: 22-8-2 22:20
LoveCorgi2 發表於 22-8-2 01:29
識人嘅囡囡都差唔多case。之前常因為情緒，厭食多次進出醫院，好似幾嚴重。當時朋友話囡啲同學都有啲係咁 ...
咁都幾好，非主要城市節奏慢好多舒服好多，香港社會節奏咁快
作者: WHPH 時間: 22-8-2 22:45
回覆 fffdm 的帖子
咁都幾好，近真係好啲，可以多番好多時間。另外學習下慢活，唔好 chur 到自己咁行。比多啲時間佢放空，做下運動或者甚至係無聊野，應該可以有改善。
作者: LoveCorgi2 時間: 22-8-2 22:51
fffdm 發表於 22-8-2 22:20
咁都幾好，非主要城市節奏慢好多舒服好多，香港社會節奏咁快
本帖最後由 LoveCorgi2 於 22-8-6 01:30 編輯
明白漫漫長路不易行，希望你們找到一條最適合的路。
作者: 黑咪喵 時間: 22-8-2 22:52
fffdm 發表於 22-8-1 23:47
本嚟應該send去高中教育區，但係揾唔到 sorry
小女宜家from4,讀緊一間band 1嘅傳統英中
作者: fffdm 時間: 22-8-2 22:53
LoveCorgi2 發表於 22-8-2 22:51
本帖最後由 LoveCorgi2 於 22-8-2 22:52 編輯
以前都有提議那位朋友試國際學校或banding低少少的，但最 ...
多謝嗮，希望可以搵到合適嘅方法，過得開心最緊要 
作者: fffdm 時間: 22-8-2 23:03
黑咪喵 發表於 22-8-2 22:52
(身邊曾經有真實個案)其實呢個情況最緊要家長同女兒平和深入溝通，了解自己女兒心底究竟有咩想法，呢個時候 ...
多謝，囡囡話唔係好識表達自己嘅諗法，尤其係面對面傾。應該係佢細個陣俾佢好大壓力，中學之後囡囡又同爸爸關係好緊張，但係宜家已經俾之前好咗好多，起碼唔會成日韞自己係間房度，都可以傾下計，希望會越嚟越好
作者: LoveCorgi2 時間: 22-8-2 23:20
fffdm 發表於 22-8-2 22:53
多謝嗮，希望可以搵到合適嘅方法，過得開心最緊要
本帖最後由 LoveCorgi2 於 22-8-6 01:27 編輯
…..
作者: MaryBrown 時間: 22-8-3 17:38
我自已也是Band 1 家長, 我更清楚您小朋友面對的問題.
想這位家長在功課上很少幫忙或根本唔識. 所以您不會明白學生的無助感覺.
去留學不是辨法. 中學生也需要家長, 成長沒有足夠家人陪, 真可悲.
其實,只要找一間有愛心中學,老師同家長一起 建立學生正面恩想, 一起解決學習問題, 便可.
多接觸Band 2 學校老師,或校長 , 從中您就會揀對學校. 祝您好運
作者: Lhin 時間: 22-8-4 23:48
唔好意思！我個仔都係留過一次中四，今年又要再留班
佢而家話唔想讀書住，佢話要出嚟做嘢
已經傾左好多次同好耐，我冇哂辦法
我想問下，如果我同佢轉校，係咪可以直接打電話去各學校問申請入學
作者: chitchit0520 時間: 22-8-5 22:32
提示: 作者被禁止或刪除 內容自動屏蔽
作者: Lhin 時間: 22-8-6 11:15
回覆 chitchit0520 的帖子
佢第一年編左入文科， 上年留班轉左理科，不過佢下學期努力追成績，
但始終追唔到全年成績
所以亞仔放棄
作者: longlokma 時間: 22-8-6 11:42 標題: 回覆樓主:
會唔會考慮畀佢去外國讀書
作者: chitchit0520 時間: 22-8-6 14:26
提示: 作者被禁止或刪除 內容自動屏蔽
作者: Lhin 時間: 22-8-6 22:17
回覆 chitchit0520 的帖子
轉左理科後，佢係有興趣
老師都話佢明顯有進步
可惜短短三個月，那有可能追到一年課程
作者: chitchit0520 時間: 22-8-6 22:44
提示: 作者被禁止或刪除 內容自動屏蔽
作者: Lhin 時間: 22-8-7 09:56
回覆 fffdm 的帖子
Hi ! 想問你而家個女點樣安排？
原校再留定轉校？
我仲係煩緊個仔
作者: Lily7811 時間: 22-8-7 22:45
本帖最後由 Lily7811 於 22-8-7 23:07 編輯
回覆 fffdm 的帖子
作者: Lily7811 時間: 22-8-8 15:58
回覆 longlokma 的帖子
我都係咁谂。身边休学的有两个，亲戚的孩子休学后走去外国读，感觉好好多。
作者: MaryBrown 時間: 22-8-9 11:56
我曾經接觸一間Band 2 學校, 老師主動見我, 解釋他們學校有許多成功例子,他們怎樣幫助過許多別校放棄的學生, 從頭追上,最後成功考上大學.
可私訊我,我建議您和小朋友一齊見見老師.參觀學園,再一起作決定.
| 歡迎光臨 教育王國 (/) |
Powered by Discuz! X1.5 |