教育王國
標題: 如果培育及發展資優小朋友？ [打印本頁]
作者: happy.4ever 時間: 22-7-18 16:19 標題: 如果培育及發展資優小朋友？
小朋友7歲，IQ148，其中邏輯推理160，同時有少少專注力不足徵狀。 請教一下，做完 test，其實有咩要跟進或者點幫發展？ 香港資優學會要10歲先可以參加，中大課程要小三以上，mansa要13歲以上，其實仲有咩可以參加？謝謝
作者: 小曳人 時間: 22-7-19 01:39
本帖最後由 小曳人 於 22-7-19 13:38 編輯
資源上容許讀d貴d嘅野？可以考慮CTY 嘅課程，都係remote，但比較有系統
如果係數人，睇下想唔想攞多d cert，可考慮玩下world class test升小3的話，可以報中大
每年9-10月HKAGE 會搞個資優課程talk，會有CTY, HK幾間有搞資優課程嘅大學一齊，介紹課程，可以留意下
其實，我覺得重點係接觸多d野，keep 到佢學習動機，搞好EQ (好難)，希望佢响學校唔好出事 (3年級可能開始難搞...)
我真係唔知俾佢學深d啱唔啱，但呢條係不歸路，多留意孩子情緒，有需要時，可能傳統教學唔適合
身邊另一位>145 嘅孩子同我仔今年都會離開唔容許跳班嘅傳統教學學校，所以...
有時會諗，俾佢學深d，係好事定壞事....
定係單純EQ問題，所以佢咁討厭返學
anyways, 有感而發...
可能再揀，我都係會順住佢興趣，俾佢去學
作者: stillgood20 時間: 22-7-19 12:51
小曳人 發表於 22-7-19 01:39 
資源上容許讀d貴嘅嘅野？可以考試CTY 嘅課程，都係remote，但比較有系統
如果係數人，睇下想唔想攞多d cer ...
可能再揀，我都係會順住佢興趣，俾佢去學
----
Me Too!
我囝也剛大學畢業了.
好一些問題," 如上", 我仍然有問自己.
不過, 小朋友既然有佢自己聰明地方.
佢有自己的思想機制.
我自己嗰個, 佢唔想學, 係唔可以改變佢.
佢無興趣, 佢係唔會理.
.....
每位同學和家長不盡相同.
各師各法.
作者: happy.4ever 時間: 22-7-19 17:58
本帖最後由 happy.4ever 於 22-7-19 18:01 編輯
回覆 小曳人 的帖子
請問world class test例如有咩？ 同埋唔傳統教學係咪要國際學校？
因為我小朋友小一讀普通津校，佢話悶，小二已幫佢轉左去直資，但都係冇咩學習動機，唔溫書，懶懶散散咁....
佢冇喺出面學任何嘢， 除咗睇書外，問親佢想學啲乜嘢, 佢都冇興趣...或者學左幾堂就唔想學...
關於學深D嘢，佢要求我唔好同佢預習，佢話上堂會好悶，所以我都由佢
作者: ABC-DAD 時間: 22-7-19 21:36
happy.4ever 發表於 22-7-19 17:58
回覆 小曳人 的帖子
請問world class test例如有咩？ 同埋唔傳統教學係咪要國際學校？
作者: setom 時間: 22-7-19 21:37
中大資優課程其實有彈性的, 當年我仔小二入讀, 建議你打去問下, HKAGE用政府funding, 規矩好死. mensa就算把啦, 完全冇用的. World class test 好似已經冇以前咁矜貴, 但一玩無妨.
再大D可以諗HKAGE, HKUST Dual Program, CUHK EPYMT
作者: ABC-DAD 時間: 22-7-20 12:01
老實講，要畀高昂費用嘅課程，就適可而止啦，小朋友嘅作息時間有限，經驗話我知，兒童成長，遊戲/身體/品格/社交發展「經歷」係最影響深遠嘅。
作者: 小曳人 時間: 22-7-20 13:30
happy.4ever 發表於 22-7-19 17:58
回覆 小曳人 的帖子
請問world class test例如有咩？ 同埋唔傳統教學係咪要國際學校？
佢地係唔鍾意重複，所以係唔會自動溫書架，佢地個腦轉得快，佢睇一次已經叫溫咗...直資應該好d嘅..
睇嚟，你應該帶佢多據接觸唔同事物，從中揾興趣
我強烈推薦學捉棋，有得玩，用腦，仲可以學輸！
我比較擔心無學習動機呢樣野...
作者: happy.4ever 時間: 22-7-20 14:16
回覆 小曳人 的帖子
唔好意思，我唔係好識... 科大DP係咩？ HKAGE好難入嫁？ 我以為好易申請到...無錯，我最擔心都係學習動機問題
作者: happy.4ever 時間: 22-7-20 14:20
回覆 ABC-DAD 的帖子
我仔而家咩都冇學，有時又話好悶，但叫佢揾運動學下，佢又話無興趣
作者: 小曳人 時間: 22-7-20 15:26
happy.4ever 發表於 22-7-20 14:16
回覆 小曳人 的帖子
唔好意思，我唔係好識... 科大DP係咩？ HKAGE好難入嫁？ 我以為好易申請到...無錯，我 ...
DP 係雙修課程，中學生上高中/大學Y1嘅野
當一個>145 嘅小朋友有學習動機，高小入到DP 亦大有人在，但科大點決定收唔收你呢？ 多張cert 只係多個參考
當然，唔係人人都要咁行，最重要係孩子自己想學
HKAGE 近年要先做一個課程，screening test 合格先入到，其實反而唔係太重視d cert，我仔係早一段時間，佢地轉緊申請資格嘅第一年自行申請入嘅，當年我想多d野响手
作者: happy.4ever 時間: 22-7-20 16:18
回覆 小曳人 的帖子
其實入呢D會係咪主要睇下小朋友有冇興趣想佢嗰啲課程？ 如果佢冇興趣，唔想上，其實係咪冇必要入會？ 佢而家嘅問題係咩都無興趣... 本身佢邏輯推理好，我覺應該去學奧數，但佢又唔肯，可能因為有少少 ADHD, 唔想坐定定... 叫佢玩運動，又話無興趣. 日日喺屋企百無聊賴
作者: ABC-DAD 時間: 22-7-20 16:45
happy.4ever 發表於 22-7-20 14:20
回覆 ABC-DAD 的帖子
我仔而家咩都冇學，有時又話好悶，但叫佢揾運動學下，佢又話無興趣 ...
作者: ABC-DAD 時間: 22-7-20 16:51
happy.4ever 發表於 22-7-18 16:19
小朋友7歲，IQ148，其中邏輯推理160，同時有少少專注力不足徵狀。 請教一下，做完 test，其實有咩要跟進或 ...
你同太太有無自己嘅生活目標/娛樂，養寵物、做運動、聽音樂、畫畫、睇戲或者任何有興趣嘅活動那怕食嘢？
作者: happy.4ever 時間: 22-7-20 17:14
回覆 ABC-DAD 的帖子
出去遊山玩水佢ok, 但有時都會寧願宅喺屋企，但學嘢佢就冇興趣，之前佢話想畫畫丶想學樂器，學學下就話唔學，仲要話係我逼佢學...
作者: ABC-DAD 時間: 22-7-20 17:21
happy.4ever 發表於 22-7-20 17:14
回覆 ABC-DAD 的帖子
出去遊山玩水佢ok, 但有時都會寧願宅喺屋企，但學嘢佢就冇興趣，之前佢話想畫畫丶想 ...
有時父母陪佢一齊學下，一家人樂在其中如制作陶瓷之類有製成品可留念，又有滿足感，唔一定玩出証書先有作用。
作者: ABC-DAD 時間: 22-7-20 17:53
剛到書展，係5B消閒博覽睇小朋友玩競技疊杯幾開心下
作者: 小曳人 時間: 22-7-20 21:04
多唔多同佢一齊學一樣野？
其實唔一定要學呢d學術野，只係如果有興趣學嗰班，可以填下時間
作者: happy.4ever 時間: 22-7-20 22:35
回覆 小曳人 的帖子
冇同佢一齊學， 有咩可以家長同小朋友一齊學？
作者: 小曳人 時間: 22-7-20 22:55
happy.4ever 發表於 22-7-20 22:35
回覆 小曳人 的帖子
冇同佢一齊學， 有咩可以家長同小朋友一齊學？
e.g. 我老公同仔一齊考鋼琴3級 (佢自己細個學過小提琴到約5級，所以定咗目標先去學，比較快上手，當時仔已學咗預3年)
我見過跆拳道班有親子，真心覺得好玩！
我老公亦試過同仔一齊去學乒乓波，當然係私人班啦
作者: happy.4ever 時間: 22-7-20 23:21
回覆 小曳人 的帖子
好犀利，你哋用好多時間陪小朋友👍🏻👍🏻👍🏻
作者: 小曳人 時間: 22-7-20 23:37
happy.4ever 發表於 22-7-20 23:21
回覆 小曳人 的帖子
好犀利，你哋用好多時間陪小朋友👍🏻👍🏻👍 ...
但有樣野想分享，就係父母係孩子榜樣，如果個小朋友hea的話，家長自己都hea，係無可能俾佢地覺得人係要學習嘅
就等於日日睇TV嘅家長，好難叫得郁d細路睇書一樣
我細仔學習動機都一般，但大仔係停唔到落嚟嗰種 (佢有佢hea嘅時間嘅)
我先生係我識咗佢咁多年，佢都會花錢去學野嘅人：網球、日文 (讀足7年)、小提琴 (考返到8級)，樂理8級、早排學返鋼琴，但因為決定讀第二個master就停咗...
我都好服佢，仲有時間顧d細路，我係hea嗰個.... 不過早幾年都終於讀咗個master (全班幾乎最老係我)
我估，孩子見到我地努力，佢都唔會怕辛苦
你個仲細，仲有好多野可以做，到高小就好難改變到架喇
作者: happy.4ever 時間: 22-7-21 21:46
回覆 小曳人 的帖子
我哋又真係無試過同佢一齊去學一樣嘢，多謝你哋分享同意見，我會試下
作者: ABC-DAD 時間: 22-7-21 23:26
happy.4ever 發表於 22-7-20 14:20
回覆 ABC-DAD 的帖子
我仔而家咩都冇學，有時又話好悶，但叫佢揾運動學下，佢又話無興趣 ...
作者: 王家爸爸 時間: 22-7-24 17:51
happy.4ever 發表於 22-7-20 14:20
回覆 ABC-DAD 的帖子
我仔而家咩都冇學，有時又話好悶，但叫佢揾運動學下，佢又話無興趣 ...
作者: happy.4ever 時間: 22-7-24 18:32
回覆 王家爸爸 的帖子
親子活動有呀，只係唸緊係資優係唔係要做啲乜嘢培育下佢，唔好浪費咗佢嘅優點
作者: iloveapplepie 時間: 22-7-25 03:28
本帖最後由 iloveapplepie 於 24-4-26 10:56 編輯
happy.4ever 發表於 22-7-24 18:32
回覆 王家爸爸 的帖子
親子活動有呀，只係唸緊係資優係唔係要做啲乜嘢培育下佢，唔好浪費咗佢嘅優點 ...
[deleted(小朋友大了,不想被他們看到, Sorry)]
作者: mandy_520 時間: 22-7-26 16:05
本帖最後由 mandy_520 於 22-7-26 16:39 編輯
我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD，搵精神科醫生CHECK咗唔係。跟住又話似資優。叫我哋又去CHECK。最後CHECK到IQ146，詳細分數都好平均。數理邏輯偏高，言語表達需要加強。冇其他SEN問題。EP建議可以搵程度深D學校，或者照讀原校，額外搵資源。宜家讀緊津校，現時呢間學校程度感覺較淺，比較Happy，學校話會提供安排，但唔知津校喺咪都跟教育局指引安排？9月份都升小二，就算轉校，都唔知咩學校會適合佢哋？
阿仔學嘢喺較快，教佢任何嘢，講1-2次，已經明白前因後果，原理！暫時最鐘意都係玩數學，解難遊戲。學緊游水，踢波，鋼琴，每樣佢都幾鐘意！當然打機睇電視喺最愛，啱睇嘅書，講機械，科學，微生物，恐龍，歷史果類，佢都會好投入去睇，喺書本都學到知識再講返比我哋聽！就係阿仔個人太雜，好貪玩，好似咩都啱，如果真係培育，我應該點樣方向好？佢哋都係需要教導，需要學習基本知識，性格品德都要好好教育！我哋夫妻都經常陪伴周圍去玩。
暫時阿仔返學都開心，喺開頭話悶！始終個心，有時都會諗，既然佢可以讀到程度高D嘅課程，咁喺咪可以比佢試下呢。但當初揀Happy School，唔想谷佢，又唔想勿忘初衷。真係好矛盾
作者: happy.4ever 時間: 22-7-26 19:28
回覆 mandy_520 的帖子
我小朋友情況同你小朋友相似，當初都係揀間程度適中嘅學校比佢，佢開頭返學都好開心，但後來學習態度出左問題，覺得自己唔溫都識，變到好懶散，同埋開始話返學悶，所以升小二時同佢轉左間直資，課程深左，同多D活動，佢話返學好玩左丶開心左..
作者: mandy_520 時間: 22-7-27 09:25
happy.4ever 發表於 22-7-26 19:28
回覆 mandy_520 的帖子
我小朋友情況同你小朋友相似，當初都係揀間程度適中嘅學校比佢，佢開頭返學都好開 ...
作者: ABC-DAD 時間: 22-7-27 16:12
mandy_520 發表於 22-7-27 09:25
我見好多資優小朋友最後都係津校轉去直資或者國際，其實轉呢類學校真係對佢哋發展較好？ ...
你地原生家庭方向好就keep 著，唔好急轉校跳班，等佢可以發展穩定嘅社交同情緒。
有時間再交流下，146，未來155-160+by 10+yr if no critical changes
作者: ABC-DAD 時間: 22-7-27 16:23
mandy_520 發表於 22-7-26 16:05
我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD， ...
作者: ABC-DAD 時間: 22-7-27 16:28
轉校或者增加新嘅學習競技平台的話，我選後者，而且我偏向升中階段先轉更理想嘅「學校」，除非本身學校令會係對小朋友健康成長不利嘅主因。
作者: ABC-DAD 時間: 22-7-27 16:44
有咩可以同Daddy 媽咪一齊學呢？我建議一個，外語，日語，法語，國語，德語，呢幾種語言嘅學習平台係香港算成熟，長遠更可以在升學，旅遊移民有得著。但唔同時學兩樣，打好一種基礎，有中級水平再考慮有無時間學。暑假開始最好天氣熱，係室內學語言咪幾好呢
作者: fixedstar99 時間: 22-9-28 13:04
回覆 小曳人 的帖子
我發現我女都逐漸冇學習動機，點算好？最近一兩年經常話唔中意返學，但又唔係因為學校d野太淺，只係覺得悶，唔想返～
學緊音樂，一邊唔想放棄，另一邊又話其實自己唔中意音樂，所以平日都唔勤力練，就算考入佐APA個junior music programme，都唔見佢變勤力～
今年入佐HKAGE, 都亦都揀唔到咩特別啱佢興趣嘅課程去報讀，我完全唔知我個女想點
作者: 小曳人 時間: 22-9-29 18:21
fixedstar99 發表於 22-9-28 13:04
回覆 小曳人 的帖子
我發現我女都逐漸冇學習動機，點算好？最近一兩年經常話唔中意返學，但又唔係因為學校 ...
但我覺得到大大下，佢地接觸到新朋友，有新嘅刺激，可能又有變化
如果遇到班有趣，有熱情學習嘅朋友，真係爭好遠
我知道班細路响 d 通訊apps 開咗好多group (唔係我地班大人識嗰d大路野)，所以，試下參與唔同嘅活動，睇下識唔識到多d人，我仔暫時最能夠有共鳴嘅係DP 嗰班，我聽過唔少人都係因為DP 見到有人做，自己又跟住做 e.g. 自修IAL
作者: fixedstar99 時間: 22-9-30 12:55
小曳人 發表於 22-9-29 18:21
真係好難搞
但我覺得到大大下，佢地接觸到新朋友，有新嘅刺激，可能又有變化
如果遇到班有趣，有熱情學習嘅 ...
你講得啱，要搵多d機會俾小朋友接觸多d 同類人，peer influence好緊要! 資優學苑課程好似多數系短時課程，會唔會好難識到朋友？
作者: 小曳人 時間: 22-10-1 02:51
fixedstar99 發表於 22-9-30 12:55
你講得啱，要搵多d機會俾小朋友接觸多d 同類人，peer influence好緊要! 資優學苑課程好似多數系短時課程， ...
作者: fixedstar99 時間: 22-10-1 09:45
小曳人 發表於 22-10-1 02:51
我仔响DP 度先識到人，因為成個課程要半年，如果大家都繼續讀上去的話，相對容易揾到同路人
...
DP課程(除咗數學)會唔會中學讀好d？
作者: 小曳人 時間: 22-10-2 19:12
fixedstar99 發表於 22-10-1 09:45
DP課程(除咗數學)會唔會中學讀好d？
其實小學生應該識唔到朋友，因為成班可能30人，得嗰1-2個細路
但我仔明顯上到中學係識到人嘅，佢地仲拉咗好多同類人入群組，亦會約出嚟玩boardgame
作者: Greylay 時間: 22-10-4 11:47 標題: 回覆樓主：
本帖最後由 Greylay 於 22-10-4 11:59 編輯
本帖最後由 Greylay 於 22-10-4 11:54 編輯
本帖最後由 Greylay 於 22-10-4 11:53 編輯
My child :
147 , superior memory and spatial intelligence.
父母相量過： 學業上 ：不超前，零補習
（避免減低在學校學習興趣 and 專注力），早睡（before 9)
生活： 玩樂同普遍小朋友無異
結果：專注力極高，非常自動自覺
學業 ：傳統津小畢業。小學由頭帶到尾的級一，
Now 中學（坊間所講嘅直資神校學生）較以前自覺性更高，完全自己攪掂 ，仍然零補習。不用父母操心
仍然早睡（before 10pm)
結論：係咪一定要走快些，好睇你想要啲咩outcome
有時，平淡是福
At least 佢可以在讀書之餘，有充足嘅玩樂時間。甚少打喊露，經常笑。開心享受每一天。
作者: stillgood20 時間: 22-10-4 14:38
Greylay 發表於 22-10-4 11:47
本帖最後由 Greylay 於 22-10-4 11:54 編輯
本帖最後由 Greylay 於 22-10-4 11:53 編輯
快慢,真係見仁見智．
有時,平淡確是福．
然而, 資優特質．希望得到發揮,家長充滿期望,也是合理．
真是各司各法．
作者: ABC-DAD 時間: 22-10-22 17:30
本帖最後由 ABC-DAD 於 22-10-22 17:36 編輯
Greylay 發表於 22-10-4 11:47
本帖最後由 Greylay 於 22-10-4 11:54 編輯
本帖最後由 Greylay 於 22-10-4 11:53 編輯
好奇問一下有無玩體育運動？早睡的男孩身體發育應該幾好。
注重休息係非常非常重要的一件事。
是女生？
作者: Greylay 時間: 22-10-22 18:38
ABC-DAD 發表於 22-10-22 17:30
好奇問一下有無玩體育運動？早睡的男孩身體發育應該幾好。
注重休息係非常非常重要的一件事。
係呀，女生。完全零運動細胞。不過好喜歡玩board games
作者: ABC-DAD 時間: 22-10-22 19:09
Greylay 發表於 22-10-22 18:38
係呀，女生。完全零運動細胞。不過好喜歡玩board games
作者: Greylay 時間: 22-10-22 19:12
唔強。只係ok , 不過從小記性特別好。諗嘢好logic , 喜歡跟大人傾計多過跟小朋友玩。
作者: ABC-DAD 時間: 22-10-22 19:12
本帖最後由 ABC-DAD 於 22-10-22 19:16 編輯
Board game 發生（展）邏輯思維同解難能力都好吖，外語（掌）握應該不差吧？
社交能力也得到發展，性格開朗，自然人緣好。
作者: Greylay 時間: 22-10-22 19:15
長處真係在讀書方面（音，體都不出色），不過學業上沒見到特別dominant 嘅科目（好多gifted 都Maths 好叻），只係勝在all round , 各科平均
作者: Greylay 時間: 22-10-22 19:17
ABC-DAD 發表於 22-10-22 19:12
Board game 發生（展）邏輯思維同解難能力都好吖，外語（掌）握應該不差吧？
社交能力也得到發展，性格開朗 ...
外語掌握係幾好。特別發音，超級準繩
作者: ABC-DAD 時間: 22-10-22 19:17
Greylay 發表於 22-10-22 19:15
長處真係在讀書方面（音，體都不出色），不過學業上沒見到特別dominant 嘅科目（好多gifted 都Maths 好叻） ...
作者: Greylay 時間: 22-10-22 19:18
ABC-DAD 發表於 22-10-22 19:17
All round係讓父母最幸福的苗。
Thx 
作者: ABC-DAD 時間: 22-10-22 19:21
Greylay 發表於 22-10-22 19:17
外語掌握係幾好。特別發音，超級準繩
係極度要培養專注力同提升心理質素嘅事。
作者: Greylay 時間: 22-10-22 19:26
ABC-DAD 發表於 22-10-22 19:21
可以試下一家人玩下射箭或氣手槍，南華會幾有水準架。
係極度要培養專注力同提升心理質素嘅事。
...
好提議喎，thx suggestion
作者: ABC-DAD 時間: 22-10-22 19:28
Greylay 發表於 22-10-22 19:12
唔強。只係ok , 不過從小記性特別好。諗嘢好logic , 喜歡跟大人傾計多過跟小朋友玩。
...
對大學進修好有用。
作者: Greylay 時間: 22-10-22 19:33
ABC-DAD 發表於 22-10-22 19:28
高中前最好要補強，好重要x3,真的重要。
對大學進修好有用。
本帖最後由 Greylay 於 22-10-22 19:34 編輯
你意思係中三要開始谷谷佢？中四先谷就遲,right ?
作者: ABC-DAD 時間: 22-10-22 19:40
Greylay 發表於 22-10-22 19:33
本帖最後由 Greylay 於 22-10-22 19:34 編輯
你意思係中三要開始谷谷佢？中四先谷就遲,right ?
作者: Greylay 時間: 22-10-22 19:57
ABC-DAD 發表於 22-10-22 19:40
谷就不必咁嚴重，中三前功課輕鬆應付到，中一就可以正規一啲學下電腦技，不單未來做project 得心應手，擴闊 ...
IC
作者: ABC-DAD 時間: 22-10-22 20:37
回覆 Greylay 的帖子
我估你地自己有哂計劃，我多口講下啫，見你另一個貼有19頁，睇左一陣。
好。平常心看待。
作者: Greylay 時間: 22-10-23 01:13
睇咗你今天在另一post 內容。非常同意。
作者: fatboybaby 時間: 22-10-26 12:54
大家好！我第一次喺資優個forum出post，請大家多多指教！
睇左好多post，好有共嗚，但我從來冇幫個仔做test，所以唔知佢係唔係真係資優。
我個仔學嘢好快，中一已經考左兩種樂器8級，5級樂理滿分，但學校生活就唔太開心，小學成日俾老師投訴佢坐唔定，上堂成日搞搞震，擦膠間尺都玩餐飽，但佢成績都ok，所以我都冇理佢（其實鬧又鬧過，勸都勸過，不過都冇改善）。
上到中學，傳統地區Band 1 學校，日日話返學好悶，唔想返學，學習態度好差。疫情時有電腦俾佢上網之後就更加懶散，沉迷打機，令我好頭痛！
今年送左佢去外國寄宿學校，學校活動超多，我搵佢佢都唔聽電話，留言又唔覆，好似唔見咗個仔咁！最近學校出左Report, 大部分科目評語都麻麻，似乎問題依然存在(emoji)
講到活動，我仔最鍾意玩扭計骰，你地可以考慮俾小朋友玩下。
作者: 73662710 時間: 22-11-5 00:19
fatboybaby 發表於 22-10-26 12:54
大家好！我第一次喺資優個forum出post，請大家多多指教！
睇左好多post，好有共嗚，但我從來冇幫個仔做tes ...
作者: jojopingu 時間: 22-11-17 11:32
73662710 發表於 22-11-5 00:19
Check 下有冇adhd, 有些Adhd仔仔好聰明，吃葯控制后，如虎添翼。
作者: 小曳人 時間: 23-1-29 04:05
今日見呢個post 浮返上嚟望見自己半年前寫嘅野.. 提起DP...
我想借個位用嚟分享145+ 有超前學習嘅"結果"
小學、中學分別向3位校長要求過跳班，不果，答案唔係從來無人跳過班，就係學校咁多勁人都生存到...
正確，我仔真係好唔鍾意返學，因為佢學得太快，老師都唔鍾意佢
但响科大DP，佢就好開心，成績亦好好，學習態度亦令導師都記得佢，完全係另一個人一樣！
唔係想討論超前學習嘅對與錯，因為個個孩子都唔同
只係想講讀DP嘅好處！
我兒2022年頭已完成IAL考試，年尾申請UCAS，12月in 咗Imperial 同 Cambridge, 聖誕前已收到Imperial offer, 早兩日亦收到Cambridge offer
阿仔明明話in 得唔好，但點解會收？
我諗到幾個比人強嘅地方，
其一係我地揾咗DP教過仔兩年嘅阿sir 做reference (佢小六嗰年係攞 outstanding award, 所以到佢讀完level 2, 就問定導師可唔可以將來幫忙做reference)
另外，唔知有無影響喇~ 仔手上有科大同中大嘅credit (上過credit bearing course) ，都係中一中二時攞到嘅~
當然，仔對呢科係好有興趣，亦係佢大學所選科目
作者: 小曳人 時間: 23-1-29 04:17
fatboybaby 發表於 22-10-26 12:54
大家好！我第一次喺資優個forum出post，請大家多多指教！
睇左好多post，好有共嗚，但我從來冇幫個仔做tes ...
當佢話悶時，家長有無了解過係咩原因? 點處理？
我仔就係明得太快，老師講幾句，佢已經明埋之後嗰堂要解嘅野，咁有乜可能唔悶呢？
但呢個情況出現時唔去正視，青春期放佢走... 好難搞... '
我聽過有d case 仲難搞，响HK已經唔肯返學，過到外地一樣唔願郁，只顧住打機！(唔係boarding school，家長一齊去外地生活)
要等佢過咗青春期，自己醒先得 (一位前輩講嘅，有幾年直頭覺得自己無咗個仔...)
我用好多心機去經營親子關係，就係唔想青春期出事..
作者: cafeva 時間: 23-1-30 14:02
小曳人 發表於 23-1-29 04:05
今日見呢個post 浮返上嚟望見自己半年前寫嘅野.. 提起DP...
我想借個位用嚟分享145+ 有超前學習嘅"結果"
作者: cafeva 時間: 23-1-30 14:05
本帖最後由 cafeva 於 23-1-31 05:42 編輯
小曳人 發表於 23-1-29 04:17
有樣野叫學習動機，見到時要好好"養住"，佢死咗，就好難救得返...
當佢話悶時，家長有無了解過係咩原因? 點 ...
多謝你既分享. 睇哂成個資優版都無ED分享.你肯講多D實在太好了.
作者: planetearth 時間: 23-2-5 16:38
小曳人 發表於 23-1-29 04:05
今日見呢個post 浮返上嚟望見自己半年前寫嘅野.. 提起DP...
我想借個位用嚟分享145+ 有超前學習嘅"結果"
作者: Radiomama 時間: 23-2-5 21:39
真係有種修成正果嘅感覺。培育gifted kid呢條路唔容易，academic 以外，情緒、感性培養，可能同樣重要。
作者: 小曳人 時間: 23-2-6 02:12
Radiomama 發表於 23-2-5 21:39
真係有種修成正果嘅感覺。培育gifted kid呢條路唔容易，academic 以外，情緒、感性培養，可能同樣重要。
...
真係嘔咗唔少血...
唔係GC家長，真係唔會知有幾無助...
尋日同兩個仔行街，見到有個homeless同狗仔玩緊，我同細仔掛住望狗，大仔留意到伯伯個杯蓋掉咗，即刻去幫佢執返，嗰刻~ 好感恩
年青人覺得好少事，但作為父母，從一個細個超自我嘅人，到睇到他人需要，真係好感動！
其實自從收到imperial offer，已經好滿意，有種又過一關，得到認同嘅滿足感
再高嘅~ 真係意外驚喜！
作者: wwyc4022 時間: 23-2-16 10:08
請教而家早教風氣盛行，其實早教同資優評估結果有無任何關係？IQ 會唔會隨年紀長大而有所改變？
作者: ANChan59 時間: 23-3-8 17:08
小曳人 發表於 23-1-29 04:05
今日見呢個post 浮返上嚟望見自己半年前寫嘅野.. 提起DP...
我想借個位用嚟分享145+ 有超前學習嘅"結果"
首先恭喜你兒子，非常優秀！應該是阿仔師弟？
我個人覺的份推蔫信作用不大。
Imperial 我唔知，但阿仔劍橋大學面試經驗係教授由你識問到你唔識，然後提下你，睇你點接落去，點即學即用。教授冇要求你識，反而睇你嘅學習心態及解難過程。
反而個個年輕人覺得自己考得差，因為答唔到個標準答案。這是典型香港學生學習模式，追求model answer！
****
點知九年後在另一個情境，見工面試，個數學博士上司又玩接近嘅嘢，考由你識到你唔識的數學理論。他即時想起劍橋面試情境，積極跟上司搓波半個小時，完咗，佢覺得機會不大。他的自我expectation management。
幾日後收到通知取錄佢，他後來簽合約時問上司，他面試時都有很多不懂得的地方，點解會請佢，答案係他不是要個答案，係睇你遇到問題時用什麼方法及心態去解決，而且不隨便放棄。你贏了那些MFE及PhD學歷嘅人，你的解難方法跟他們不同，你過程中積極，冇放棄。
作者: 小曳人 時間: 23-3-9 00:59
ANChan59 發表於 23-3-8 17:08
首先恭喜你兒子，非常優秀！應該是阿仔師弟？
我個人覺的份推蔫信作用不大。
印象中，應該係對家嘅師弟 
有自稱英國教師話現時大學傾向講到學生學習動機/情況嘅reference.. 所以我先估可能有少少"好處"
當然，應該唔會係單一原因
作者: ANChan59 時間: 23-3-9 01:08
小曳人 發表於 23-3-9 00:59
多謝前輩！
印象中，應該係對家嘅師弟
我哋搵人寫reference，一定搵個會寫得好嘅人寫，一百個都唔會有一個寫衰個申請人。
點知個學生究竟係唔係咁樣學習，係咪有動機，最好嘅方法係逼你埋牆角，睇你點反應。這個是我嘅睇法，阿仔都認同！
作者: Greylay 時間: 23-9-15 11:44
ABC-DAD 發表於 22-10-22 19:28
高中前最好要補強，好重要x3,真的重要。
對大學進修好有用。
本帖最後由 Greylay 於 23-9-15 11:45 編輯
Hi ,
原來不經不覺，阿女已經中二了。記得你回覆過我。所以想再請教：
補強 ：
你覺得係把她現在已強的科目 再top up , 其他就普普通通ok ?
還是已經要針對中三選科，進補想要的科目？
為咗將來工作多啲選擇，其實她已想了一個選科plan : selective : Bio, Chem ，econ ,
佢現在仍然是all round , 各科大致平均，但見佢，中，西史特別高分，但將來佢無打算做老師，
咁其實我應該係邊方面「補強」好呢？
作者: ABC-DAD 時間: 23-9-15 18:18
Greylay 發表於 23-9-15 11:44
本帖最後由 Greylay 於 23-9-15 11:45 編輯
Hi ,
作者: ABC-DAD 時間: 23-9-17 22:37
Greylay 發表於 23-9-15 11:44
本帖最後由 Greylay 於 23-9-15 11:45 編輯
Hi ,
還是已經要針對中三選科，進補想要的科目？#
我估All round 嘅資優學生，好少會容許自己其他科普普通通，選科前後一定會有爆發。我估目前用唔到60%在學業上。
作者: woooiiii 時間: 23-9-17 23:20
Gifted (2017 film)
Gifted is a 2017 American drama film directed by Marc Webb and written by Tom Flynn. It stars Chris Evans, Mckenna Grace, Lindsay Duncan, Jenny Slate and Octavia Spencer. The plot follows an intellectually gifted seven-year-old who becomes the subject of a custody battle between her maternal uncle and maternal grandmother. The film was released on April 7, 2017, by Fox Searchlight Pictures, and grossed $43 million worldwide. At the 23rd Critics' Choice Awards, Mckenna Grace was nominated for Best Young Actor/Actress. The film received mixed-to-positive reviews from critics, who praised the performances of Evans and Grace, but noted its predictability.
作者: Greylay 時間: 23-9-17 23:53
ABC-DAD 發表於 23-9-17 22:37
#你覺得係把她現在已強的科目 再top up , 其他就普普通通ok ?
還是已經要針對中三選科，進補想要的科目？#
...
暫時仲未需要補習，仲可以10pm 前瞓覺。每科都幾平均，但一定不是最高分嗰個，啲同學真係好叻
作者: Greylay 時間: 23-9-17 23:59
Greylay 發表於 23-9-17 23:53
暫時仲未需要補習，仲可以10pm 前瞓覺。每科都幾平均，但一定不是最高分嗰個，啲同學真係好叻
...
有家長話： selective 科目中， 會把想揀的科top up ，其餘只要合格就ok , 你點睇呢個approach ?
Btw , 我哋學校 IAL 是俾中文科麻麻地的學生讀（自由報，但學校決定邊個可以讀），我小朋友話有人話： 特登整衰科中文搏入IAL , 妳又點睇？
作者: ABC-DAD 時間: 23-9-18 00:06
Greylay 發表於 23-9-17 23:59
有家長話： selective 科目中， 會把想揀的科top up ，其餘只要合格就ok , 你點睇呢個approach ?
Btw , ...
自己抓著自己方向，得到幾多都係自己嘅本錢。
心安理得。
你㨂左邊條路？我無其他意見。
作者: Greylay 時間: 23-9-18 00:13
ABC-DAD 發表於 23-9-18 00:06
我睇法係培養小朋友獨立自主嘅個性，唔好人云亦云。
自己抓著自己方向，得到幾多都係自己嘅本錢。
本帖最後由 Greylay 於 23-9-18 00:18 編輯
我自己傾向從正路「盡力去做」，不「偏行」嘅
作者: Baymax 時間: 23-11-27 01:16
Lego, 國際象棋, coding
| 歡迎光臨 教育王國 (/) |
Powered by Discuz! X1.5 |