教育王國
標題: 小四先轉校遲嗎? [打印本頁]
作者: sumpo 時間: 22-7-7 16:30 標題: 小四先轉校遲嗎?
其實小朋友都好鍾意原校嘅,校內成績都算唔錯,全級頭10名,但小學本身排名只屬中傭,所以擔心升中不能派到好學校,想轉間派名比較好的小學。但如果小四先黎轉會唔會太遲呢?

作者: minichong28 時間: 22-7-8 10:16
唔會呀, 小朋友好快適應新學校, 日日返學都好開心
作者: 簡單啲來講 時間: 22-7-8 11:07
本帖最後由 簡單啲來講 於 22-7-8 11:10 編輯
你要慎重啊,原校的風格,新校的風格是否相似,都要適應。一般這時候轉校都是要選有中學的學校了,如果只是為佐派位,去無中學的不太明智了。而且來緊小5呈分試,如果不似預期都會怨你。因為小4有自己的想法,去到陌生環境成績都會有波動。
作者: yuki0120 時間: 22-7-8 11:12
sumpo 發表於 22-7-7 16:30 
其實小朋友都好鍾意原校嘅,校內成績都算唔錯,全級頭10名,但小學本身排名只屬中傭,所以擔心升中不能派到 ...
唔會遲,我小朋友都係本身好鐘意原校,但講野無咁叻,當時我怕小六自行入唔到B1A學校。所以舊年暑假我幫佢插班去有直屬學校嘅小四,開學無耐已經好適應,成績亦都跟得到;小朋友而家仲多謝我幫佢轉左校,因為轉校後輕鬆好多(emoji)

作者: fupigpig 時間: 22-7-8 11:55
sumpo 發表於 22-7-7 16:30 
其實小朋友都好鍾意原校嘅,校內成績都算唔錯,全級頭10名,但小學本身排名只屬中傭,所以擔心升中不能派到 ...
佢係級10又讀得開心,除非級10都未必入band 1我先會考慮轉校。
btw我唔覺P4轉校係遲,但要清楚自己目的。

作者: Little_Hazelnut 時間: 22-7-8 12:08
小四係有啲遲
有得必有失
如果新校係一間直龍或直屬中學會覺得值得轉校
如果只係一間排名較好的小學,轉到去一樣要努力,升中壓力可能無輕鬆到
另外,要有心理準備之前係原校建立的一切去到新校都會歸零

作者: minichong28 時間: 22-7-8 12:10
回覆 yuki0120 的帖子
情況同你一模一樣, 而家考試無咁緊張
小朋友讀得好, 學校都好多機會俾我女女
作者: minichong28 時間: 22-7-8 12:16
如果擔心小朋友交友或者適應方面, 家長都可以幫一把既
我會買小禮物俾小朋友返學校派, 初初同學們都唔好意思拎, 之後慢慢會走黎問你攞
開學頭一個月,我大包大包零食俾小朋友拎返學校, 我女女好快就融入左班入面, 又識埋其他班同學
作者: yuki0120 時間: 22-7-8 12:30
minichong28 發表於 22-7-8 12:10 
回覆 yuki0120 的帖子
情況同你一模一樣, 而家考試無咁緊張
係呀,真係輕鬆咗好多,之前讀地區1線學校,1分都不能少,每次考試都好大壓力。

作者: yuki0120 時間: 22-7-8 12:34
minichong28 發表於 22-7-8 12:10 
回覆 yuki0120 的帖子
情況同你一模一樣, 而家考試無咁緊張
本帖最後由 yuki0120 於 22-7-8 12:35 編輯
睇返你啲留言,我地應該係插同一間學校
仲好似係同級

作者: fwstides 時間: 22-7-8 15:03
回覆 yuki0120 的帖子
sounds good 
作者: sumpo 時間: 22-7-10 08:08
Little_Hazelnut 發表於 22-7-8 12:08 
小四係有啲遲
有得必有失
如果新校係一間直龍或直屬中學會覺得值得轉校
原來係咁
其實都有諗,咁辛苦黎做乜,心血會冇晒,仲要少少博一舖咁

作者: LeeCC 時間: 22-7-10 11:19
係原校級頭10,到小五,學校應該會畀好多機會佢,打造一個靚仔portfolio 去考top學校,轉校過來,除非你小朋友本身戰績彪炳,唔係都幾難有機會靠學校砌靚個portfolio
作者: kala——baby 時間: 22-7-10 11:59
回覆 LeeCC 的帖子
同意,同埋一嚟老師唔熟你,同學又唔識,雖然話小朋友可以好快適應,但第一年一定好多嘢無份,例如班長風紀,有d隊,興趣班,第一年又已經過嗮報名時間……即係四年級無咩好寫……只有讀書
作者: minichong28 時間: 22-7-11 10:05
回覆 kala——baby 的帖子
唔會呀, 只要表現好, 老師都好多機會呀, 我地插過兩次班, 老師一樣俾小朋友做班長, english leader等等, 而家呢間學校仲做埋flag raising, 參選副社長, 所以唔係一定無機會架
作者: kala——baby 時間: 22-7-11 11:30
本帖最後由 kala——baby 於 22-7-11 11:35 編輯
回覆 minichong28 的帖子
唔係無,而係一入去唔會即刻有,都有另外,有聽過大家投票,大家唔揀大家,大部分票投插班生
當然,可以話有唔受影響,但唔轉校,特別4-5年班,就一定唔怕,不過如果龍校就另計啦~
作者: 外星朋友 時間: 22-7-11 14:24
個人睇法:
自己小朋友中上之資, 讀二線校輕輕鬆鬆, 考試肯温下書就已經穩入1A, 就算失手錯少少都仲係 band 1嗰 pool,
朋友小朋友都係中上之資,一線校, 考試差一分半分都緊張都不得了, 唔知自己碌咗去band 幾...
見到咁樣. 不禁諗, 其實最終都係band 1, 點解要搞到大人小朋友都要咁辛苦 ...?
當然, 朋友的睇法好唔同, 佢話一線校的 band 1 同二線校的 band 1 係唔同 level, 佢話我上到中學就知......
作者: Raccch 時間: 22-7-11 15:10
回覆 外星朋友 的帖子
每個人資質不同,唔可以一概而論既。佢可能覺得依家辛苦係打好基礎,不過去一線學校的確係可以見識到天外有天,人外有人。二線學校唔係冇神人,只係相對來說較少。
作者: Little_Hazelnut 時間: 22-7-11 18:37
minichong28 發表於 22-7-11 10:05 
回覆 kala——baby 的帖子
唔會呀, 只要表現好, 老師都好多機會呀, 我地插過兩次班, 老師一樣俾小朋友做班 ...
家長同小朋友都好厲害呢!插兩次班都適應咁好!

請問而家間學校會否知你插班前已插過班?被問到時,請教可以點回應?

作者: boboapril 時間: 22-7-11 20:25
外星朋友 發表於 22-7-11 14:24 
個人睇法:
自己小朋友中上之資, 讀二線校輕輕鬆鬆, 考試肯温下書就已經穩入1A, 就算失手錯少少都仲係 ban ...
啱wor, 上到中學就知,小學hea 開定係有一定戰鬥力嘅分別. 宜家d中學,尤其1A, 真係好甘下。讀開二線就算級頭,入1A真係預咗沉底,要好有決心同鬥心番身,追得好辛苦㗎。

作者: Jandr 時間: 22-7-11 21:39
boboapril 發表於 22-7-11 20:25 
啱wor, 上到中學就知,小學hea 開定係有一定戰鬥力嘅分別. 宜家d中學,尤其1A, 真係好甘下。讀開二線就算 ...
啱,朋友的女二線級頭入區內band 1C,中一除左中文中史, 英文教的科目全部追吾上,上課直情聽吾明。亦因為甘,令我決心同阿仔轉校。遲早去到中學都要面對,我想佢早d入程度高d的小學裝備好。

作者: 簡單啲來講 時間: 22-7-11 22:20
本帖最後由 簡單啲來講 於 22-7-11 22:29 編輯
其實都要睇學校風格是否合適,好多一線津校都唔係happy school,相反二線就有係happy school,相對來說,一線學術係更有保障,但如何能令到有50%,60%的band1學生,其實除咗教的多以外,還有方法令到點小學生更聽話,老實的學埋,服貼。那種高壓環境,一點點事情就要訓,罵,就係要讓大部分學生害怕,這樣才能緊張學習。過慣happy school都唔一定能適應到,有些學生都係要睇社工姑娘。1年都適應唔到,不要說更上一層樓。真係唔好光睇派位,多了解清楚。我講係無中學的地區一線津那種。
作者: boboapril 時間: 22-7-12 10:15
Jandr 發表於 22-7-11 21:39 
啱,朋友的女二線級頭入區內band 1C,中一除左中文中史, 英文教的科目全部追吾上,上課直情聽吾明。亦因為 ...
二缐級頭,中一原來1C都搞唔掂,咁大反差,真係要心理質素好好,不恥下問,先可以游番上去。香港教育真係全方位迫害d小朋友。不過,上課聽唔明,會唔會係d老師講英文太差。

作者: minichong28 時間: 22-7-12 10:43
回覆 Little_Hazelnut 的帖子
學校唔知呀, 只係問點解要轉黎而家間學校
歡迎光臨 教育王國 (/) |
Powered by Discuz! X1.5 |