教育王國
標題: band3理科有冇出路? [打印本頁]
作者: 阿約 時間: 22-6-15 20:00 標題: band3理科有冇出路?
大家好,我宜家就讀係一間band3中既學校,係學校考到第一,平均分83,宜家中三就黎選科,正係度處於一個有d迷茫同猶疑既狀態,由細到大成績都唔錯,之前考左入band1既學校,我對食品科學同設計都有d感興趣,我想知道食品科學係唔係一定要讀化學、生物、物理,係要讀兩科定其中一科?係band3如果從事科學既工作會不會好困難?定係就係冇咩機會?如果我揀化學同DAT會唔會好奇怪?我上網睇話理科識左個concept就可以考得好,咁如果真係get唔到個concept係唔係嗰科就玩完?dse要考得好係唔係要心水好清嗰種?背書係唔係冇咩用?生物同化學上到高中係唔係會超級難?最後一個問題,如果讀理科將來係唔係就做研究嗰類既工作?
(為左問選科第一次註冊,希望收到回復,感謝大家)

作者: skywalker167 時間: 22-6-15 21:28
答住你一半先,有其他野做.....遲D再答
我對食品科學不太了解,但覺得應該都要做lab,有D化驗成分要入實驗室,需要一定化學同微生物知識(bio),而且都需要一定的營養學知識(人體/bio),所以我覺得chem, bio是基本的,如果物理就可能同生產有關。你可以搵下香港有無甚麼大學學位或者HD課程是有關的,然後揾相關課程資料。
係band3如果從事科學既工作會不會好困難?
絕對不會,band3不代表甚麼,band3都可以DSE考得好,入到大學DSE成績就已經不太重要,大學都可以讀得好。最緊要大學是讀自己有興趣同適合自己的科,然後考得好GPA高就可以揾到科研的工或者繼續升學做研究生。就算你DSE成績是某大學課程最高分果個如果大學GPA差就難升研究生。
我上網睇話理科識左個concept就可以考得好,咁如果真係get唔到個concept係唔係嗰科就玩完?
Concept清晰是好grade的基本,不識concept亂套公式見到某些關鍵字就亂答一通會衰
背書係唔係冇咩用?
不是,明白concept都有資料性的野要記,但死背書亂答不明白concept就衰
作者: 2jkidsfather 時間: 22-6-15 21:28
阿約 發表於 22-6-15 20:00 
大家好,我宜家就讀係一間band3中既學校,係學校考到第一,平均分83,宜家中三就黎選科,正係度處於一個有d ...
讀理科絕對有出路,反而你不應用Band3 限制自己思考。
可以而有興趣的話,選化學、生物、物理 吧!
作者: 阿約 時間: 22-6-16 07:01
skywalker167 發表於 22-6-15 21:28 
答住你一半先,有其他野做.....遲D再答
我對食品科學不太了解,但覺得應該都要做lab,有D化驗成分 ...
好多謝你啊,因為我屋企人、身邊既朋友都冇做科研既,所以我一直覺得哩樣係好聰明好勁既人先做到,從來冇唸過行哩條路,但係就突然之間對食品科學感興趣,真係非常非常感謝你


作者: 阿約 時間: 22-6-16 07:02
2jkidsfather 發表於 22-6-15 21:28 
讀理科絕對有出路,反而你不應用Band3 限制自己思考。
可以而有興趣的話,選化學、生物、物理 吧!
係既我明白,好多謝你既回復啊


作者: losoco 時間: 22-6-17 09:02
大家好像不知道Band 3學生的難處有時不是自己想不想選齊PCB
而係學校個制度有冇得畀你選
好多時只會提供2科選修
然後就拎曬餘下時間為4補底
樓主你學校可選多少科?
可選2科就選Chem Bi
可選3科就選Chem Bi後可考慮Geog,因為有agriculture,可增進你對食物供應的知識
如果可選應用學習課程,可考慮食品服務及管理類的課程

作者: P1001S 時間: 22-6-17 10:31
阿約 發表於 22-6-15 20:00 
大家好,我宜家就讀係一間band3中既學校,係學校考到第一,平均分83,宜家中三就黎選科,正係度處於一個有d ...
食品科學之類香港有Poly U JS3010 裏面有個Food Safety and Technology (之前係叫JS3349),另一個係CU JS4601 下面有個major係 Food and Nutritional Sciences.
以上都係先大類收生入去讀一段時間才選major。
收生條件也唔係要有齊Phy, Chem, Bio先可以報。你有Chem(或高中有其中一科Science 或M1/M2)已經可以報。
唔知課程編號,你可以上Jupas官網利用search engine用key words 搵下,返正將來你都要,先看看無壞。

作者: losoco 時間: 22-6-17 11:16
科, 有時唔係想選就有得選
歡迎光臨 教育王國 (/) |
Powered by Discuz! X1.5 |