教育王國
標題: 中三應否轉校 [打印本頁]
作者: Po1208 時間: 22-6-13 16:51 標題: 中三應否轉校
女子小學時成績優異，入讀了一間傳統女名校。但自從疫情開始，唔使返學，佢嘅學習態度越來越差，開始自暴自棄，認為自己追不上其他同學嘅成績。好唔開心，成日話自己壓力好大，唔想不停要溫書、測驗。對學校亦冇任何歸屬感，身邊亦都缺乏同校好友。
今年九月將會每升中三，其實應唔應該幫佢轉校？轉較低banding 嘅學校，或是嘗試轉直資？ 成績只係中下游，亦冇任何課外活動突出。英文科比中文科成績好，怕轉到中文學校有更多中文科目會加重負擔。
我自己都煩惱咗好耐，應該點樣做對她才是最好最適合
作者: 2jkidsfather 時間: 22-6-13 18:53
Po1208 發表於 22-6-13 16:51 
女子小學時成績優異，入讀了一間傳統女名校。但自從疫情開始，唔使返學，佢嘅學習態度越來越差，開始自暴自 ...
你講到好似乜都無做便轉校為先。
作者: piyohk 時間: 22-6-13 20:05
Po1208 發表於 22-6-13 16:51
女子小學時成績優異，入讀了一間傳統女名校。但自從疫情開始，唔使返學，佢嘅學習態度越來越差，開始自暴自 ...
本帖最後由 piyohk 於 22-10-5 08:12 編輯
作者: pinkupinku 時間: 22-6-13 20:24 標題: 回覆樓主:
經濟上support到國際學校嗎？
作者: Jane1983 時間: 22-6-13 21:23
你有無同你女傾過？書係佢讀，亦已經13、4歲，咩決定都要佢on board，否則行唔到。
作者: kirstyau 時間: 22-6-13 23:10 標題: 回覆樓主：
本帖最後由 kirstyau 於 22-6-13 23:23 編輯
轉去其他band1學校唔見得會輕鬆，始終大家將來要面對DSE，感覺係識朋友問題？始終返學大半日，冇朋友好難開心讀落去，但社交問題插班一樣要從新適應，尤其人地識左2年。
轉校去中中，搵間有開英文班？（因為你話英文好過中文）
直資有咩心水？
學術方面跟唔上，會唔會考慮搵上門1：1補好個底先？
作者: Po1208 時間: 22-6-14 09:44
kirstyau 發表於 22-6-13 23:10
轉去其他band1學校唔見得會輕鬆，始終大家將來要面對DSE，感覺係識朋友問題？始終返學大半日，冇朋友好難開 ...
本帖最後由 Po1208 於 22-6-14 10:13 編輯
本帖最後由 Po1208 於 22-6-14 09:52 編輯
本帖最後由 Po1208 於 22-6-14 09:51 編輯
主科一响都有補習，中文、數學都係剛剛合格，因為主科唔合格的話會留級，有點危險。
我問佢想唔想重讀F2 , 可以再打好基礎，同埋佢係超細B，唔會比同級年齡大好多，但係佢好自己介意。
直資都想考慮，其實會唔會好難考入插班呢？
中兩年升中時因為沒有打算讀直資學校，所以了解比較少。 小六時去參觀過的直資學校，我估以今時今日的成績，應該唔會收。
轉校應該會target band 2頭學校，有些學校剛開始接受報名到七月中，最慘自己對好多中學都唔認識，無從入手
作者: kirstyau 時間: 22-6-14 09:54
Po1208 發表於 22-6-14 09:44
本帖最後由 Po1208 於 22-6-14 09:52 編輯
本帖最後由 Po1208 於 22-6-14 09:51 編輯
留意下個補習係咪真係幫到阿女，我之前搵教大專中文老師，學費貴成倍比依家，仲上左2年，阿女係唔夾唔鍾意，中四轉左個大學姐姐，阿女又夾又鍾意。
直資反正不限報，但阿女本身肯唔肯轉校先？依家好多開始，有D截止埋。
作者: johnwooo 時間: 22-6-14 10:05
你話佢小學成績優異, 何解上到中學會反差咁大? 係其他同學太勁令佢受挫? 只是疫情影響學習?
作者: Po1208 時間: 22-6-14 10:22
johnwooo 發表於 22-6-14 10:05
你話佢小學成績優異, 何解上到中學會反差咁大? 係其他同學太勁令佢受挫? 只是疫情影響學習? ...
同學成績好，會取笑佢嘅分數，又或者講啲說話令到佢好尷尬。佢成日覺得自己讀極都唔及人哋，冇晒動力，討厭讀書。我唔敢用逼佢嘅方法去溫習，怕令佢情緒更加困擾。所以先諗轉校係咪一個好方法
作者: johnwooo 時間: 22-6-14 10:38
Po1208 發表於 22-6-14 10:22
同學成績好，會取笑佢嘅分數，又或者講啲說話令到佢好尷尬。佢成日覺得自己讀極都唔及人哋，冇晒動力，討 ...
會唔會只是因為D人太勁, 其實你女成績放係1B, 1C都依然好好?
換轉我, 我寧選小池大魚, 挽回佢嘅信心先, 不過而家好多都已經截止
作者: Jane1983 時間: 22-6-14 12:54
回覆 Po1208 的帖子
同學成績好，會取笑佢嘅分數，又或者講啲說話令到佢好尷尬。
@@@
原來呢d嘢真係幾十年不變，我細個讀傳統女校都見唔少 
作者: 天外之人 時間: 22-6-14 12:56
回覆 Po1208 的帖子
反過來諗,轉了另一間都係一樣唔使返學都係網課,女兒會唔會都係咁諗? 睇到小學同中學反差咁大,女兒對學習既興趣係點?家長同小朋友有冇傾過計談心過?若果咁著緊分數,家長唔好太理會呢啲,向女兒濯輸正能量做好自已就得,自己做好咗同學有眼睇自然冇咩好講,反過來仲更加要好. 好似其他家長所講,或者先同老師了解一下情況,唔好隨隨便便又轉校.
作者: 亞 時間: 22-6-14 14:42
回覆 johnwooo 的帖子
我路過都好同意小池大魚呢個道理, 會搵返哂自信心, 仲越讀越起勁. 我細女正正就係一個好例子, 由以前一線小學下游位置, 去到而家係從未試過嘅級三甲, 所以有返自信心真係好緊要. 
作者: conniecheung 時間: 22-6-14 15:03
想轉邊區？ 或者有同區家長比到意見。
作者: Po1208 時間: 22-6-14 15:27
天外之人 發表於 22-6-14 12:56
回覆 Po1208 的帖子
反過來諗,轉了另一間都係一樣唔使返學都係網課,女兒會唔會都係咁諗? 睇到小學同中學反 ...
我唔在意分數，但如果升F3 唔轉，下年選科升F4會唔會更加難轉校？幸好我女乜都同我講，我都叫佢凡事要向正面方向諗。我係希望佢有返學習動力及自信，先咁煩惱點做最好，我會同佢再好好商量，暫時搜尋下其他中學資料先。
作者: Po1208 時間: 22-6-14 15:29
conniecheung 發表於 22-6-14 15:03
想轉邊區？ 或者有同區家長比到意見。
家住葵青，但對附近嘅學校完全冇認識
作者: conniecheung 時間: 22-6-14 15:39
Po1208 發表於 22-6-14 15:29
家住葵青，但對附近嘅學校完全冇認識
東華三院陳兆民1C
東華三院伍若瑜2A
東華三院吳祥川2B
葵青區 呢三間可以考慮
作者: conniecheung 時間: 22-6-14 15:56
我讚成轉校，重拾自信好重要！
我細仔係人辦，舊校考全級尾10幾，轉到新校 適合佢程度，學術由下下游變中游，有返自信！冇咁負面同懶散。
作者: Po1208 時間: 22-6-14 18:35
conniecheung 發表於 22-6-14 15:39
東華三院陳兆民1C
東華三院伍若瑜2A
東華三院吳祥川2B
感謝感謝
作者: 964000 時間: 22-6-14 23:08
Po1208 發表於 22-6-14 10:22
同學成績好，會取笑佢嘅分數，又或者講啲說話令到佢好尷尬。佢成日覺得自己讀極都唔及人哋，冇晒動力，討 ...
轉校啦，讀了兩年傳統女校，未埋到堆冇歸屬感，又比人笑, mean girl文化，攪到冇哂信心冇動力仲討厭讀書，快趁移民潮易咗好轉，寧為雞口，莫為牛口。
作者: B.B.BaBa 時間: 22-6-15 08:21
其實轉校都好可能無朋友...
好老實，咩學校都好，收插班生都係想收成績好的來拉高整體成績。你想插 BAND 2 頭學校，人地真係未必想收你。所以唔好只係 TARGET 一兩間，要漁翁撒網式報多幾間
作者: cyiuming 時間: 22-6-15 10:29
本帖最後由 cyiuming 於 22-6-15 10:30 編輯
轉校搵番自信先,冇自信,咩都做唔好
作者: DD仔 時間: 22-6-15 11:47
Po1208 發表於 22-6-13 16:51
女子小學時成績優異，入讀了一間傳統女名校。但自從疫情開始，唔使返學，佢嘅學習態度越來越差，開始自暴自 ...
不論對學校有沒有歸屬感，一般來說，傳統名女校的學生都有自己的pride, 叫她轉到地區2線男女校，她不一定開心。
看你所描述的情形，最重要是扭轉她的讀書態度，當成績好轉後，自信自然會重新建立。在這個階段，必須有人在旁邊引導方向，梳理溫習流程和材料，找合適的補習老師，簡單來說，就是要做她的私人助理。等到一切上軌道後，才可以慢慢放手。
只是，假若她是屬於比較固執偏激一類，就比較麻煩，磨合時間會更長，她墮後的時間也越長。在這方面，家長要很有耐心去處理了。
作者: fishballbaby 時間: 22-6-15 11:47
我讚成轉校呀！有自信才可讀得好。
我囝小學時是大池小魚，現在中學banding唔高，是小池大魚，上年考級二，今年考級一。
升上小池中學，自信心倍增，他自己緊張成績，變得自動波、有動力。由於校內成績不錯，老師有什麼活動、什麼課程都預佢一份，令他在校內有成就感、有歸屬感。
雖然學校並不是什麼名校，但我亦不會因為考級頭就去轉大池中學，因為讀得好、讀得開心，便是好學校。
作者: Po1208 時間: 22-6-15 16:26
請問有沒有直資學校可推介？ 比較關愛學生，成績高底都會同樣照顧嘅校園
作者: nicolemummy 時間: 22-6-15 17:11 標題: 回覆樓主:
轉校是否真的可以有返自信？
在這校2年，都沒有歸屬感。到一間連樓主都未有概念既學校，怎可能好快有歸屬感？
我都有個案係叻女去左B1B學校成績排尾，畀人給了難聽的花名，然後孩子失哂自信，最後轉到要出國。。
我也有個案因為友誼差但成績好，亞媽想個女由名校A轉名校B，我覺得轉走了情況只有差不會好，結果留住。最終原校留到DSE成績理想。
你女成績不算墊底，中下每間學校都有，難道個個中下就走？我覺得轉校不是辦法。
作者: 洋蔥頭媽咪 時間: 22-6-15 19:08
絶對讚成轉校，傳統女名校都衹係光環，如果唔啱孩子，讀到壓力大又失自信，仲要比同學取笑欺凌，證明學校根本唔啱佢，早點轉校打番好底子，仲有機會識過啲新朋友重拾自信，初中校園生活應該係多姿多彩，識多啲朋友，免強響自己唔開心嘅地方讀落去都係浪費。
作者: WHPH 時間: 22-6-15 23:15
我覺得要比選擇個女，例如 repeat、轉補習、或轉校。最後佢自己選擇嘅應該會比心機去改變。如果係轉補習或轉校都最好同佢一齊研究有咩 options 。
作者: bbq. 時間: 22-6-16 09:05
Po1208 發表於 22-6-14 10:22
同學成績好，會取笑佢嘅分數，又或者講啲說話令到佢好尷尬。佢成日覺得自己讀極都唔及人哋，冇晒動力，討 ...
俾同學笑低分，要睇吓當時情況係點，係講笑？還是持續性惡意批評，囡囡應該要懂得分辨。
如果咁容易受他人的說話，而影響學習情緒，轉去其他學校可能一樣會有呢d情況。
同囡囡溝通好d，了解情況後，大家諗方法解決，囡囡也要自己嘗試改變和解決問題，最後才想轉校會唔會好d?
作者: 天外之人 時間: 22-6-16 09:40
回覆 Po1208 的帖子
雖然所謂低啲程度中學家長好似以為冇咁辛苦,但轉了校隨時都有機會同而家一模一樣,所以要考慮清楚啲,我覺得多啲令女兒諗既野正面啲就仲好,正常旁人說三道四唔會改變自己.衹係自己放不低心中那個結,放開了就應該會好.
作者: Face3366 時間: 22-6-22 17:22
Po1208 發表於 22-6-14 10:22
同學成績好，會取笑佢嘅分數，又或者講啲說話令到佢好尷尬。佢成日覺得自己讀極都唔及人哋，冇晒動力，討 ...
作者: miujoey 時間: 22-7-6 15:34 標題: 回覆樓主:
傳統中學， 無論津校直資 都一樣多quiz測驗， 除非你轉is， 不過傳統名校嘅壓力 加上學校冇朋友對於小朋友 來說是最大的問題， 上學不開心不可能在學業上有所進步， 贊成轉校， 沒有什麼比小朋友快樂來得重要。
作者: miujoey 時間: 22-7-6 16:10
Po1208 發表於 22-6-14 09:44
本帖最後由 Po1208 於 22-6-14 10:13 編輯
本帖最後由 Po1208 於 22-6-14 09:52 編輯
直資一定睇成績， 而且唔會輕鬆， 因要交學費學校一定要保持成績唔可以太差。
作者: losoco 時間: 22-7-6 16:24
Po1208 發表於 22-6-13 16:51
女子小學時成績優異，入讀了一間傳統女名校。但自從疫情開始，唔使返學，佢嘅學習態度越來越差，開始自暴自 ...
你千金的情況
最適宜去外國
一切重新開始
我仔好多同學都係咁
作者: gracelam 時間: 22-7-6 17:48
Po1208 發表於 22-6-15 16:26
請問有沒有直資學校可推介？ 比較關愛學生，成績高底都會同樣照顧嘅校園
...
深水埗基崇
沙田培基
現在多人走，打電話問吓，應該有位插班。
作者: 大大大妹 時間: 22-7-9 00:23
Po1208 發表於 22-6-15 16:26
請問有沒有直資學校可推介？ 比較關愛學生，成績高底都會同樣照顧嘅校園
...
作者: BB666 時間: 22-7-9 12:52
johnwooo 發表於 22-6-14 10:38
下, 乜D同學咁差架, 或者而家開始唔好同人講分數
會唔會只是因為D人太勁, 其實你女成績放係1B, 1C都依然好 ...
贊成。
她囡兒在傳统女名校，就算中下，
轉去地區band1B或1C也可以了。
但最主先了解女兒心態，轉校可解決？
另一問題是否她青春期影響學習態度。
要認真了解才行動，大家溝通好最重要。
作者: ia727 時間: 22-7-9 15:51 標題: 回覆樓主:
最好同個女一齊商量優點和缺點,轉校或不轉校都要個女願意,如果唔係將來會埋怨你
作者: Heihomami 時間: 22-7-9 18:27
如果考插班，無論官立或津貼中學，都冇校網區分，唔使淨係諗葵青區學校。
但如果朋輩關係問題，咁轉左後仍然有機會存在。
會唔會睇吓女小學時有冇啲好朋友，而家喺邊度中學讀書，如果唔係你去咗一間佢完全唔識人嘅中學，個問題可能更嚴重
作者: b3410 時間: 22-7-10 00:42
其實呢兩年一直冇乜正正常常返學，網課的確令同學社交出現問題。依家基本回復正常，是否可以觀察一下同學適應情況？如果結識到新朋友，改善社交，是否可以重新適應？轉學唔係唯一選擇。
作者: 964000 時間: 22-7-10 05:20
bbq. 發表於 22-6-16 09:05
俾同學笑低分，要睇吓當時情況係點，係講笑？還是持續性惡意批評，囡囡應該要懂得分辨。
如果咁容易受他人 ...
講笑都唔應該啦，我女學校從小就教佢地，除咗cheer for 嬴咗的同學，也要安慰輸咗的同學。
Mean girl文化，係好多女仔青春期會形成，所謂教德育，只係呢樣唔準個樣唔準，係唔夠。
作者: 964000 時間: 22-7-10 05:28
losoco 發表於 22-7-6 16:24
你千金的情況
最適宜去外國
一切重新開始
如果佢英文好又afford到轉IS也是辦法，唔洗自己一個在外面，在IS起碼佢哋冇乜比較成績的風氣，而且佢哋個culture係覺得人人有不同專長，讀書叻只是其中一環，其實返學開心喜歡老師學校，到時就自然會讀書，香港IS普遍成績好好。而家IS中文最深個stream都好深有文言文，有啲仲教繁體。
作者: pinkupinku 時間: 22-7-10 10:56
losoco 發表於 22-7-6 16:24
你千金的情況
最適宜去外國
一切重新開始
同意
經濟支持到，一係轉國際，一係出國，
始終culture較少比較，對於各人長處較encouraging。
作者: clingy 時間: 22-9-25 11:34
Po1208 發表於 22-6-15 16:26
請問有沒有直資學校可推介？ 比較關愛學生，成績高底都會同樣照顧嘅校園
...
家住葵青區可以睇下聖瑪加利，直資，大概1C，關愛，學生人數少
作者: Jean1769 時間: 22-9-25 14:15
nicolemummy 發表於 22-6-15 17:11
轉校是否真的可以有返自信？
在這校2年，都沒有歸屬感。到一間連樓主都未有概念既學校，怎可能好快有歸屬 ...
無錯，不贊成轉校,咁會令佢將來有乜唔啱就轉，斬腳趾避沙蟲。
| 歡迎光臨 教育王國 (/) |
Powered by Discuz! X1.5 |