教育王國

標題: 頭痛! 家姐讀崇真英文部, 妹妹抽到荃灣浸信聯會小學 [打印本頁]

作者: lizlai 時間: 22-6-1 13:49 標題: 頭痛! 家姐讀崇真英文部, 妹妹抽到荃灣浸信聯會小學

家姐讀崇真英文部一向都讀得好開心, 覺得啲老師同學校都好關愛, 一心諗住妹妹跟着家姐讀崇真。點知，今日妹妹好好彩派到荃灣浸聯, 都係一間非常好嘅學校, 又好近屋企, 但係荃灣中學個校網又真係麻麻。搞到而家真係人生交叉點。
妹妹本身性格開朗，有創意。英文程度幾好, 已經可以自己睇Chapter books, 但係就唔係好鍾意中文同普通話。

請教一下, 浸聯是不是會教淺考深？要有好成績，是不是需要補習？

作者: Lilynat2021 時間: 22-6-1 14:20

學校近屋企，好啊👍
唔知家姐係幾年班？遲啲升中果時會唔會搬屋企呢？

作者: gracelam 時間: 22-6-1 14:50

lizlai 發表於 22-6-1 13:49
家姐讀崇真英文部一向都讀得好開心, 覺得啲老師同學校都好關愛, 一心諗住妹妹跟着家姐讀崇真。點知，今日妹 ...

本帖最後由 gracelam 於 22-6-1 14:56 編輯

讀浸聯，6年後考級中間一定考得入基崇中學部，而且浸聯應該同家姐一樣開心返學。

我識大部分浸聯家長都有補習，因為佢哋一年考一次試，如果唔係雙職父母，平時keep住温吓習，多睇課外書，就可以輕鬆應付。(這是2年前資訊，因為識嘅全都升中了)

作者: lizlai 時間: 22-6-1 15:05

回覆 Lilynat2021 的帖子

家姐現在4年班。暫時沒有打算搬家了。

作者: lizlai 時間: 22-6-1 15:06

回覆 gracelam 的帖子

謝謝你的回覆, 咁我就放心了!

作者: chrisycy 時間: 22-6-3 18:47

lizlai 發表於 22-6-1 13:49
家姐讀崇真英文部一向都讀得好開心, 覺得啲老師同學校都好關愛, 一心諗住妹妹跟着家姐讀崇真。點知，今日妹 ...

請教崇英文部如何？會唔會好多功課？見到有功課輔導班又有精英班，未讀唔知掂揀？

作者: lflxl 時間: 22-6-3 19:11

以前識人讀浸聯讀咗一個月頂唔順太hea跳船屋企又係有個大嘅讀崇真

作者: Soundervolt 時間: 22-6-4 16:11

lflxl 發表於 22-6-3 19:11
以前識人讀浸聯讀咗一個月頂唔順太hea跳船屋企又係有個大嘅讀崇真

本帖最後由 Soundervolt 於 22-6-4 18:56 編輯

所以有人話香港嘅教育對小朋友太大壓力….不過亦有人會嫌一間升中派位不錯嘅學校輕鬆得滯又唔滿意….咁其實想點？

作者: acgy 時間: 22-6-4 16:46

lizlai 發表於 22-6-1 13:49
家姐讀崇真英文部一向都讀得好開心, 覺得啲老師同學校都好關愛, 一心諗住妹妹跟着家姐讀崇真。點知，今日妹 ...

我揀浸聯，其實荃灣中學唔算差，而且浸聯外闖能力也十分好。

作者: lflxl 時間: 22-6-4 19:06

Soundervolt 發表於 22-6-4 16:11
本帖最後由 Soundervolt 於 22-6-4 18:56 編輯

所以有人話香港嘅教育對小朋友太大壓力….不過亦有人會 ...

正因為佢校內支援少家長背後發功谷到好成績其實仲辛苦

作者: Soundervolt 時間: 22-6-4 23:09

lflxl 發表於 22-6-4 19:06
正因為佢校內支援少家長背後發功谷到好成績其實仲辛苦

本帖最後由 Soundervolt 於 22-6-5 03:31 編輯

大部份家長都喺背後發功，點解其他學校又做唔到浸聯嘅派位成績？浸聯家長橫掂都發功，點解又唔去揀一間chur嘅學校，自己發少啲功？

好多人誤解，以為好成績嘅學校就會由頭chur到尾，但係唔少呢類學校都會喺低年級時候注重培養學生對學習興趣，提升自信心，學習動機等等嘅學習基礎上，令學生可以鬆容面對中高年級時候學業上嘅挑戰，所以唔會一開始就chur到盡。

嗰位前著名DJ，而家喺多媒體教育家經常講佢寶貝仔讀界限街小學一年級時攞七十分要見家長….其實界限街小學喺初小時亦都係培養學生嘅學習基礎為主，所以set到份卷十分之淺，七十分真係好低分….

我兩個姪讀浸聯，高小時雖然補習，但又未至於十全大補，一個升中去咗荃官，另一個升咗去沙田呂明才。

作者: hahaha1231 時間: 22-6-5 00:23

Soundervolt 發表於 22-6-4 23:09
本帖最後由 Soundervolt 於 22-6-4 23:15 編輯

大部份家長都喺背後發功，點解其他學校又做唔到浸聯嘅派 ...

界限街即係邊間？啟 x?

作者: Soundervolt 時間: 22-6-5 00:33

hahaha1231 發表於 22-6-5 00:23
界限街即係邊間？啟 x?

喇X小學

作者: lflxl 時間: 22-6-5 08:15

Soundervolt 發表於 22-6-4 23:09
本帖最後由 Soundervolt 於 22-6-5 03:31 編輯

大部份家長都喺背後發功，點解其他學校又做唔到浸聯嘅派 ...

原來係用家。只能講個人選擇。嗰位家長有個大讀崇真國際，開學後同崇真比較覺得浸聯英文語境太差，中文校本教材太淺，有對比之下急急跳船。
黃校長年代嘅浸聯家長個個有讚無彈。而家嘅浸聯，前年一年走咗1X位老師。聽新生用家反映啲老師hea到⋯你當然可以話係移民潮嘅原因。
唔緊要啦，佢有佢繼續出名，我只係講事實。因為樓主咁啱有個大讀崇小，比佢參考返可能有機會「有比較有傷害」。

作者: 男仔頭 時間: 22-6-5 08:35

請問崇真國際幾錢學費?

作者: pw6836 時間: 22-6-5 09:02

＄83340/yr

作者: happy2115 時間: 22-6-5 14:07

仲有將來大個阿妹會唔會覺點解家姐讀私校，佢讀津校？而覺父母偏心家姐？始終私校津校配套唔同。

作者: hahaha1231 時間: 22-6-5 14:22

Soundervolt 發表於 22-6-5 00:33
喇X小學

下，佢甘勁架，入喇 x, 以為佢入普通小學，佢住大埔，細女讀粉嶺幼稚園

作者: Soundervolt 時間: 22-6-5 15:50

hahaha1231 發表於 22-6-5 14:22
下，佢甘勁架，入喇 x, 以為佢入普通小學，佢住大埔，細女讀粉嶺幼稚園
...

哈哈！我相信您誤會咗係其他人，因為佢只係得兩個仔，而且已經大學畢業。

作者: acgy 時間: 22-6-5 20:44

happy2115 發表於 22-6-5 14:07
仲有將來大個阿妹會唔會覺點解家姐讀私校，佢讀津校？而覺父母偏心家姐？始終私校津校配套唔同。
...

呢句又真喎，學費成唔成問題先？

作者: piglover 時間: 22-6-5 22:22

pw6836 發表於 22-6-5 09:02
＄83340/yr

樓主係英文部，學費平一半。

作者: angelacms 時間: 22-6-6 09:42

本帖最後由 angelacms 於 22-6-7 11:30 編輯

回覆 lizlai 的帖子

小朋友係浸聯校友，當年冇補習，只是考試前做一下坊間ex，佢哋卷8-9成正常深度，有數條比較難。常識幾tricky，所以補習係無太大用。佢最强係跨區力强。小朋友當年跨區考上一間無前人入過的1A津校。

作者: Joanlpk 時間: 22-6-6 12:02 標題: 回覆樓主：

本帖最後由 Joanlpk 於 22-6-6 12:04 編輯

浸聯只係小一上學期淺d啫，之後比起其他津小唔淺喇

一年兩考
一學期默書4次，唔使背默，雖然次數少，但其實默書範圍都多

都真係多人補習，即使級頭都會去補習，可能係宜家風氣掛
我地自己冇補，的確係異數

作者: subb 時間: 22-6-6 13:29

浸聯轉左校長, 教學都有轉喎 !

作者: ckicki 時間: 22-6-6 13:57

subb 發表於 22-6-6 13:29
浸聯轉左校長, 教學都有轉喎 !

可以分享下嗎？thanks

作者: 大河馬 時間: 22-6-6 17:03

浸聯係一間好好既學校！我個女今年六年級，升中考直資既成績好滿意！已知道有好多同學仔都考到好好既學校。我自己都從事教育行業，浸聯初小既課程確實唔難，對於某部份學生，可能覺得太淺。但到四年級左右，各方面既要求會愈來愈高，有感學校係希望讓學生係初小時間好好準備，到高小先可以所謂既「谷」！
我好喜歡學校既行政安排，往往都做到最快最妥當！特別係呢兩三年停課期間，學校唔會只識跟風，而係按學生需要去安排！
中文科去到五六年級，我覺得程度一啲都唔淺，好似呢個日開始已教文言文，相比一般用教科書既學校，佢地會顧及埋學生在升中銜接上既需要。
數學科就更加出名難😅因為佢地份卷係分卷一卷二，卷二內容近似係奧數，學校要學生普及地學。
英文就相對係易，但如果要俾7-8千蚊學下，用黎進補英文都綽綽有餘
間間學校都有所謂hea既老師，又或者咁講，係個個行業都有！小學階段，其實父母既角色都好重要，如果做到家校合作，我覺得小朋友唔會太差呀💪🏼💪🏼
大家一齊加油

作者: angelacms 時間: 22-6-6 17:03

回覆 lflxl 的帖子

請問家長是用家嗎？黄校長係好preferable的人。佢係好記得级十內同幫學校取含金高的獎學生的校長。佢臨走前推小一不用考試的。不過我哋都畢業喇，detail唔知啦!佢在都有年走十幾位老師，乜事心水清的家長就懂!總之百貨應百客。黄校長時代輝煌就該讚再上任譚校長，張校長接火棒又不一定她技不如人。
其實我小朋友升中一段時間後，發覺超名校生的優勢last for一、二年，好少人由小學叻到高中，所以誰培養到下一代critical thinking同學習熱情才是重點。
PS佢哋啲教材幾好，升中銜接課程ok好，係有啲老師handle得麻麻地，所以父母有能力跟係好過出去補習。真係有小朋友P5才發力，升了林護仲係跟得唔錯。

作者: angelacms 時間: 22-6-6 17:09

本帖最後由 angelacms 於 22-6-6 17:12 編輯

回覆大河馬的帖子

恭喜師妹吖!如果唔係死讀書果批(浸聯一般少呢類型學生），你哋升中後仍然可以輕輕鬆鬆跟得上，好好享受中學生活吖，祝福你哋。

作者: lflxl 時間: 22-6-6 23:39

angelacms 發表於 22-6-6 17:03
回覆 lflxl 的帖子

請問家長是用家嗎？黄校長係好preferable的人。佢係好記得级十內同幫學校取含金高的獎 ...

我唔係第一身用家，只係咁啱識親嘅都係有些少負面評價。同時經歷兩屆校長嘅舊生&新校長時代嘅新生都有。總結返佢哋中心思想就係：浸聯係一間有獨特理念嘅學校，奈何變得太理想化。絕對不敢話張校長技不如人。

第二，樓主已有個大讀緊私小，細女英文亦好，換轉是但一間津校，都希望佢考慮清楚子女資源分配有差異，第日會否引起其他問題。當然啦攞浸聯同崇小比英文語境都係唔公平嘅。

本來都唔係好想再回呢個話題。浸聯地位仿如62網聖喇拔，好神聖唔彈得

作者: angelacms 時間: 22-6-7 09:02

回覆 lflxl 的帖子

唔好咁講!浸聯的英文老師我確實遇到勁的不多，P6嗰個佢改的文，同見佢唔多敢同native teacher交流真係打個突。黄校長年代的確聽家長講過個小朋友Sen嘅，叫佢退學、亦又老師同隔離班鬥取级一，當眾push嗰级一，96分畀人罵，但個老師竟然受歡迎，同啲同學一齊bully一啲弱勢學生。(好彩嗰老師自己私事轉職了）
浸聯我哋讀時，我親耳聽校長講要轉直資，所以好有直資style。我buy佢當時包裝紙(每個小朋友都叻，只是起跑線唔同，沒名次），但表裡不一。
好好笑，级頭嗰班不能做朋友(啲阿媽唔畀，但平時又對我好friendly），唔肯考超级名校受眼色（PS其實有2間神校邀請via特異功能，但turn down，學校唔知），所以我哋冇再返小學。張校長係譚校長style，所以我好希望浸聯追回譚校長的方向，畀學界留個樂土。
話雖如此，佢哋啲教材係好好的，識運用真係唔洗喪讀嗰底已幾好，所以一般小朋友背不强，但application强啲，可能家長你哋呢個階段唔信，真正強application去到DSE至可以令小朋友多啲選擇權。就係咁我哋畢業生跨區強，亦讀得唔差的原因。

作者: ckicki 時間: 22-6-7 09:42

angelacms 發表於 22-6-7 09:02
回覆 lflxl 的帖子

唔好咁講!浸聯的英文老師我確實遇到勁的不多，P6嗰個佢改的文，同見佢唔多敢同native t ...

好詳細既分享thanks

作者: lizlai 時間: 22-6-7 11:11

回覆 chrisycy 的帖子

崇真英文部功課不算多. 初小階段一小時內可完成功課。

作者: chrisycy 時間: 22-6-7 11:16

lizlai 發表於 22-6-7 11:11
回覆 chrisycy 的帖子

崇真英文部功課不算多. 初小階段一小時內可完成功課。

咁會唔會好谷？因我囡係比較活潑，唔係坐定定做功課，擔心入咗間不停默書測驗考試的學校

作者: lizlai 時間: 22-6-7 11:46

非常感謝大家嘅意見！綜合完大家嘅意見我自己小心諗清楚，妹妹活潑好動天馬行空的性格，可能會比較適合浸聯。而且妹妹都講過希望讀一間近嘅小學，每天都可以由家人接放學。崇真嘅英文語境真係好的，家姐返嚟屋企同妹妹玩都係喜歡用英語溝通，希望這樣可以彌補妹妹沒有崇真的英文語境。

作者: lizlai 時間: 22-6-7 11:56

回覆 chrisycy 的帖子

崇真兩測兩考，有明確的考試測驗範圍。普遍小朋友程度都唔錯，所以要考到好成績都要努力溫習。平時都會有學科評估，但一般唔會事前通知，所以都係冇得溫，主要係畀老師睇下同學學成點。評估成績唔會放在成績表. 但係會有另外一個報告話番畀家長聽小朋友每科的強弱項。

作者: lflxl 時間: 22-6-7 12:21

angelacms 發表於 22-6-7 09:02
回覆 lflxl 的帖子

唔好咁講!浸聯的英文老師我確實遇到勁的不多，P6嗰個佢改的文，同見佢唔多敢同native t ...

雖然彼此意見不合，都好多謝家長你誠懇嘅回覆及分享

睇浸聯叩門面試考足三輪，仲繁瑣過大部分直私，已知佢想收盡精英。荃葵青家長一定樂於見到區內有一間直資。但硬件軟件需要時間去充實。

歡迎光臨教育王國 (/)