教育王國

標題: 抽不到心儀學校叩門之旅要開始了大家努力吧 [打印本頁]

作者: 超能爸爸 時間: 22-6-1 09:04 標題: 抽不到心儀學校叩門之旅要開始了大家努力吧

本帖最後由超能爸爸於 22-6-1 09:04 編輯

抽不到心儀學校心情有點影響但我會在今早之內收拾心情按照原定計劃叩門大家一起努力吧祝各位好運

作者: KWLW 時間: 22-6-1 09:10

回覆超能爸爸的帖子

仔仔學術咁好, 一定無問題, 加油

作者: landie 時間: 22-6-1 09:12

中第幾志願？

作者: 超能爸爸 時間: 22-6-1 09:14

回覆 landie 的帖子

乙三不過除咗甲一二三和乙一二外之後嗰啲我求其揀

作者: boyboobee 時間: 22-6-1 09:30 標題: 回覆樓主：

本帖最後由 boyboobee 於 22-6-1 18:15 編輯

樓主爸爸係個心態極好嘅家長，努力爭取就夠，最壞打算係之後搵插班。去年嘅我同樣抽唔好，收到短訊一刻嘅心情係好壞嘅，不過早有叩門準備，瞬間調整好心情，進入叩門模式狀態，然後再同小朋友講解情況同跟住要做乜。只要畀到正面訊息小朋友，佢哋亦可以培養出正面心態，好好配合去面對㗎。加油！

作者: lushi201708 時間: 22-6-1 09:31 標題: 回覆樓主:

爸爸的心態好重要加油！

作者: 964000 時間: 22-6-1 09:37

超能爸爸發表於 22-6-1 09:04
抽不到心儀學校心情有點影響但我會在今早之內收拾心情按照原定計劃叩門大家一起努力吧祝各位好運 ...

放心，今年用家市場，一定扣到起碼唔止一間。

作者: 超能爸爸 時間: 22-6-1 10:15

多謝大家給予信心和安慰
無論叩唔叩到我始終好感恩有呢個仔

我同佢會一齊努力幾咁困難都會盡力

盡咗力就問心無愧

作者: acgy 時間: 22-6-1 10:40

塞翁失馬, 焉知非福, 塞翁得馬, 焉知非禍, 隨遇而安即可.

當年有朋友派一線學校, 讀左兩年成績跟唔上, 攪到細路冇晒信心唔想返學, 最後要轉校.
也有朋友派寶校, 但開開心心繼續讀, 最後順利升上BAND1中學.

作者: ACCpapa 時間: 22-6-1 11:21

樓主是個思想正面的好爸爸。大抽獎只係其中一個小關卡，放鬆心情，準備好叩門，相信今年一定可以叩到理想的學校。

當年阿仔大抽獎結果同樣慘不忍睹，同小朋友一齊努力二三年後，都可以插入名校。機會是留給有準備的人，加油啊!

歡迎光臨教育王國 (/)