教育王國
標題: Kings藝術體操好唔好，有無其他學校推薦? [打印本頁]
作者: 幸運。星 時間: 22-5-24 22:21 標題: Kings藝術體操好唔好，有無其他學校推薦?
我個女今年三歲。
Kings一開始要買好多野，又最少要俾三個月學費。
份家長須知寫病假、紅日無補堂，學費亦無得退，但個職員口頭上就講一個月有一次免費補堂，但講得好含糊，感覺上鬼鬼地。
有無媽媽試過?
作者: candyca 時間: 22-5-26 16:08
你依家仲有冇學緊 ？我個女已經學咗三年啦，有咩鬼鬼地？
須知寫得好清楚假期冇得補，一個月一次你係咪指病假呀，我之前問過佢哋亦都試過請病假，病假有醫生紙係有得補課。
其他就冇得免費補，我試過撞咗小學面試，佢係冇得補堂，但係可以申請改堂。
我自己覺得幾好wo，因為樣樣嘢都有規有矩，自己想小朋友學到野之餘學埋規矩，同佢地好多機會去表演，個女好鍾意。
作者: CC12345678 時間: 22-5-27 09:40
幸運。星 發表於 22-5-24 22:21 
我個女今年三歲。
Kings一開始要買好多野，又最少要俾三個月學費。
本帖最後由 CC12345678 於 22-5-27 09:46 編輯
呢間出曬名
你留意返佢哋導師有冇由中國香港體操總會嘅合資格藝術體操教練牌，定只係一個普通教跳舞老師，兩樣嘢嚟。
同埋人哋正規教練係隔一段時間就要續牌，你問清楚佢個導師有冇牌。
作者: CC12345678 時間: 22-5-27 09:55
幸運。星 發表於 22-5-24 22:21
我個女今年三歲。
Kings一開始要買好多野，又最少要俾三個月學費。
以下是轉載自fb某大藝術體操家長群組：
隨著疫情開始回穩，政府亦暫訂於4月21日起，讓各舞蹈學校恢復面授，寄望各院校都能渡過難關，在復課後，為大家提供更優質的教學。
為了方便大家選擇，亦同時給她們打打氣，小編會再列出名單及其分校，希望大家都能按自己需要，選擇心儀學校：(emoji)(emoji)
RG Pro (觀塘總校；北角分校)
Joystars (荔枝角總校；石門分校)
香港藝術體操協會 (將軍澳、荃灣體育館/社區會堂)
Perfect Gymnastics (沙田、黃大仙、鑽石山 (體育館/私人studio)
Joneestic Studio (葵興總校)
Staria RG (荔枝角總校)
AS Chloe (觀塘、天后,、荃灣)
MSG_HK (元朗)
以上名單的學校均必須持有由中國香港體操總會發出的有效的教練牌照，否則不會列入名單，如有欠缺，請告知並更新。
(emoji)(emoji)(emoji)(emoji)(emoji)(emoji)(emoji)(emoji)(emoji)(emoji)
此外，亦想恭喜一下以下學校，她們的主要教練/負責人剛獲取了2022-2024 FIG RG Judges 的資格 (emoji)(emoji)(emoji)
排名不分先後：RG Pro, Joystars, 協會, Perfect Gym, Joneestic, Staria
(如有欠缺，請告知並更新)
作者: pptt12 時間: 22-5-27 12:48 標題: 回覆樓主：
本帖最後由 pptt12 於 22-5-31 10:43 編輯
我想講你講嗰個群組我試過加入，但係群主見我冇喺佢推介個幾個嘅地方學藝術體操就唔批准我入
，相反我個朋友就入到（佢當時未學）。我朋友之後去咗Kings學都費事講，因為佢見個group 來來去去都係有幾個人針對Kings，我朋友話群主都好似係喺Kings學過，之後因為不愉快嘅事離開，最後佢自己出嚟開咗間嘢賣藝術體操用品。好似話當時有個電視節目，電視台話唔想要佢個女，最有一刻被遺棄冇得上電視，所以佢嬲到而家
，佢根本就好大嘅仇恨心。佢冇學之後轉左會都冇見過佢上電視。
我諗應該係因為如果繼續留喺呢度學就唔會幫襯佢，所以佢唔想我入嚟俾人講返嘢人哋聽，同時亦都希望其他人唔好留喺Kings度學，因為Kings比較嚴格，一定要用佢哋核准嘅用品，好似係賣世界冠軍意大利用品。出去學就先可以跟佢買嘢。
個群主成日講到自己好似好好咁，只不過喺左抄右抄啲資訊擺喺自己個群組度得閒就踩人兩腳，最終目的都係為咗自己個人利益。
特登講到好似次次都係Kings唔好，其他學校就好好咁，但我朋友對Kings好滿意，小朋友又開心，唔係個群主同佢啲打手咁講到咁差囉，佢唔係為咗個人利益係為咗乜嘢？
補充:個群主係一個長頭髮嘅男人，我朋友話佢之前成日喺分校嗰度撩啲分校姐姐傾偈添。
作者: Samantha109 時間: 22-5-27 18:48
依間幾好啊～
校長是博士的資歷，知名人士，獲奬無數，又是奧運評述，好似有港姐都是他們的老師，聽聞博士同好多小學校長關係都好好，面試攞住佢地証書有著數(emoji)。
學習地點方便，環境乾淨舒適，kings係考國際考試為主而不是考本地試。要求同一般本地考試好唔同，尤其係國際學校，一定係睇國際考試為主，除咗考試証書仲會由博士親自簽發一張成績表，所以面試時會加強考官對學生嘅公信力。同埋佢地有好多演出同比賽機會。
聽人講不如自己去睇下佢地fb 同ig ，同埋YouTube好似有免費影片睇，自己可以衡量一下佢哋是否適合自己個囡囡。
暑假好似有得去海洋公園、迪士尼同sky100，全香港好似都係得佢地可以join 曬所有地標，上層朋友個list入面好似未見過有得去曬以上地方演出。
作者: CC12345678 時間: 22-5-27 23:26
Samantha109 發表於 22-5-27 18:48
依間幾好啊～
校長是博士的資歷，知名人士，獲奬無數，又是奧運評述，好似有港姐都是他們的老師，聽聞博士 ...
er⋯⋯
人哋講緊上面幾間學校嘅總教練係有國際裁判嘅資格喎，即係可以喺比賽度打分。
呀博士唔知仲有冇本地嘅教練牌，唔知佢過咗期之後有冇續牌呢?唔好話國際裁判牌啦。呢d要keep住上相關課程先夠分續牌，計分同比賽規則隔一段時間就會改。
作者: Samantha109 時間: 22-5-28 00:40
CC12345678 發表於 22-5-27 23:26
er⋯⋯
人哋講緊上面幾間學校嘅總教練係有國際裁判嘅資格喎，即係可以喺比賽度打分。
呀博士唔知仲有冇本 ...
咁得意嘅，你覺得裁判牌係賣點，但係對於我嚟講唔係，我又唔係參加奧運。我係想俾多啲機會我個小朋友，我又覺得喺度學得好，咁點解我又唔可以講我呢度好處係乜嘢呢？你上面講嗰幾間有睇唔提供到我講嘅機會比我個女吖？
都係個句喇，可以去睇吓kings 個YouTube Chanel , fb 同ig 同環境先決定都未遲，最緊要係幫到自己小朋友又可以提升自信心，同埋自己鐘意就得，唔使只聽人講呀媽。
作者: penp0319 時間: 22-5-28 08:20
Kings 真係貴又多限制，我都有朋友學過！
之前得kings 一間比較有規範可藝術體操的學校，但kings 學生從來不參加全港比賽！
隨著藝術體操越來越受歡迎，近年新開很多新的藝術體操學校！選擇更多！
若小朋友細，主要只係接觸下玩下，kings 啲衫又靚地方又大，唔介意價錢，kings 真係適合！
小朋友真係有興趣的，大咗可以出去其他學校學！其他學校很多冇限制一定要幫佢地買嘢，只係交學費上堂！
大家講的Facebook 群組，群主個女應該已經入了港隊！佢女細個喺kings 學有不快經歷，但我識人一樣，之後出去出面學，先知kings 樣樣要幫佢買，真係好貴！值唔值就見仁見智！
作者: pptt12 時間: 22-5-28 08:37
暈
講極你都唔明 點解仲係講緊本地教練同裁判嘅問題，人哋係話佢喺呢一個科目嘅博士，仲講緊本地教練牌同裁判咁搞笑？
即係好似講緊人哋已經跳晒級打爆機，但你仲講緊點解佢唔使打Level one就可以過關
重點係博士已經升晒級做賽事嘅主辦單位，人哋係邀請國際裁判黎打分，而唔係仲要自己去打分囉。
如果有得揀，我梗係揀博士團隊都唔揀基礎教練Level one啦。
作者: CC12345678 時間: 22-5-28 08:37
Samantha109 發表於 22-5-28 00:40
咁得意嘅，你覺得裁判牌係賣點，但係對於我嚟講唔係，我又唔係參加奧運。我係想俾多啲機會我個小朋友，我 ...
梗係啦，我諗好多家長俾個女學得咁上下都會參加吓比賽，如果唔係有牌教練，連邊d動作有分邊d動作係冇分都唔知，真係唔知學嚟做乜，出去d正式比賽拎0分就唔慌有自信。
我自己就會搵專業嘅教練教我個女囉。
唔係話冇牌唔教得藝術體操，反正冇法例規定，好似去學游水，d爸爸自己教自己小朋友都得㗎，不過冇咁專業啫，至於你講嗰間真係唔使客氣喇，我自己個女已經學咗好幾年，就係我轉載嘅幾間學校嘅其中一間，邊間就唔講，我自己同個女都好滿意。不過每個人有自己選擇，你個女鍾意嗰間其實亦冇問題。不過我自己鍾意專業d有教練牌啫，話曬運動始終係有危險性，有機會受傷。
作者: pptt12 時間: 22-5-28 09:40
香港隊總教練都冇國際裁判牌同埋冇考過香港嘅教練牌，佢而家已經係教咗八年，你嘅意思係咪佢應該要落台？
作者: Samantha109 時間: 22-5-28 11:02
CC12345678 發表於 22-5-28 08:37
梗係啦，我諗好多家長俾個女學得咁上下都會參加吓比賽，如果唔係有牌教練，連邊d動作有分邊d動作係冇分都 ...
本帖最後由 Samantha109 於 22-5-28 11:22 編輯
我又覺得唔貴喎千零蚊一個月，一星期第二堂有半價，坊間學好多嘢如果係私人機構基本上都會喺呢啲價，就係佢環境好都係收呢個價錢我覺得好唔錯，又大又靚又乾淨又方便。我去學數學10堂都已經差不多$2000，但係課室當然係細好多啦，咁樣比較之下我覺算好好合理。即係好似你想去茶餐廳飲杯咖啡定係酒店飲咖啡，個價錢都唔一樣，睇你想要啲乜囉，同埋按返自己嘅經濟能力。至於你話其他收費你應該講緊係咪嗰啲改堂嗰啲呀？但係我數學嗰度一堂都唔俾改，如果唔翻就直程冇咗嗰堂錢。咁如果你有需要咪照俾錢改囉，冇需要咪唔好改囉。去樂園表演嗰度好似係二千零蚊，包埋入場券，有條表演裙，仲有得上堂同埋有證書，我又覺得呢個幾抵喎，入場飛都幾舊水啦。
我哋一樣有參加公開比賽喎。我有睇過你哋講嘅比賽呀，全埸所有人可以周圍走，得一個banner先見到係比賽嗰個丫嘛，跳嘅動作全部一樣喎？一係就得50秒左右，1分鐘都跳唔到，咁先合符你所講規則呀？大家參加嘅比賽主辦機構唔同啫。有啲舞蹈比賽都一樣有藝術體操參加，我哋都係拎第一同金獎呀！
校長係奧運有講點計分喎，好清楚，仲有之前比賽前有大師班上，有奧運選手亞運金牌孫延在親自教，再早啲有日本老師，近年zoom上有世界冠軍，國家隊教練。我覺得好專業喎！
作者: penp0319 時間: 22-5-28 15:54
其實kings 啲堂會唔會係博士自己教？
作者: CC12345678 時間: 22-5-28 16:17
penp0319 發表於 22-5-28 15:54
其實kings 啲堂會唔會係博士自己教？
說出重點來
作者: candyca 時間: 22-5-28 17:17
本帖最後由 candyca 於 22-5-28 17:36 編輯
回覆 penp0319 的帖子
入學前我都有問過，職員回覆博士主要培訓老師為主，同監管住每間分校嘅教學質素。講真去到佢哋咁嘅規模，學生人數有咁多嘅時候，如果博士去教授任何一班都會比其他家長投訴徧心，所以我地家長們寧願佢監管住所有老師嘅質素就最好。就等於王仁曼都只會去奬學金堂一樣。
不過我都定期會見到博士會去巡堂，阿女試過上堂嘅時候遇到博士來巡堂，咁就即刻把握機會同了博士合照一張，好開心呀。
職員都有講佢哋嘅比賽，尤其係國際賽，所有編排同動作都會有高級老師編排同管理，如果係獎學金嘅學生就會有博士去做最後審批嘅機會比較高，確保到編排、音樂、服裝、笑容表情等等全部都見得人，外國運動員嚟到香港參加12月女皇盃嘅時候都真係讚不絕口。所以有興趣學嘅朋友唔需要聽其他人點樣講，最緊要自己有機會參與其中咁就會明白，因為最大得著就係睇到自己個女有所進步，同可以喺咁大型嘅國際比賽之中可以完成一套動作之後全場都會比掌聲，每一個國家嘅運動員來到香港都同我地一齊歡呼，咁係最正嘅，咁我其實已經好開心。
作者: miumiu001 時間: 22-6-16 12:07
我都學咗半年左右，so far都好滿意，老師都好錫我個女，學校都有好多活動參加，宜家報咗名參加暑假表演課程
作者: Michelle988 時間: 22-6-16 18:24
本帖最後由 Michelle988 於 22-6-17 00:18 編輯
明眼人一睇個 POST 就知佢地想點喇。都係用低下手法＂故意踩低人哋抬高自己＂，
其實真係想知道邊度有得學藝術體操又覺得好嘅，個標題可以直接問＂邊度有得學藝術體操＂咪得囉，但大家留意一下，
每次都係３部曲，第１個人放個植入問題出來講某個機構唔好，問有冇人都係咁；第２就有嗰兩三個人一齊出來搭嘴和支持第１個人講既野；第３就會有人出來SHARE 其他公司有幾好, 佢地都好好既, 全世界既錯都只係某一間學校既錯, 去其他公司你地就發逹嫁喇, 因佢地真係好好... 
, 之後比埋個名、聯絡方法大家。
所以目的好簡單，好明顯就係幫人做打手宣傳啦。
作者: hibella 時間: 22-6-16 19:17
回覆 CC12345678 的帖子
非常清晰，謝謝
作者: pptt12 時間: 22-6-16 20:28
penp0319 發表於 22-5-28 08:20
Kings 真係貴又多限制，我都有朋友學過！
之前得kings 一間比較有規範可藝術體操的學校，但kings 學生從來 ...
所以群主囡咪就係King’s學生lor，朋友冇講錯，佢學咗差不多三年丫嘛。教咗佢三年嘅嘢佢竟然話自己冇學過嘢，出去跟人哋兩個月就話人哋教咗佢三年嘅嘢，你信唔信丫？朋友話佢個樣好似比華利山騙案嗰個男人嗰個樣，相由心生睇佢個樣都知係咩人，呢幾年戴住口罩可能你哋睇唔清，同埋佢Facebook頭像都係用卡通相，我朋友話第一眼仲以為呢一個係女人。
所以佢咪就係正正有目的唔想淨係比King’s有得賣嘢，佢自己都賣埋一份做生意囉，佢唔知道我朋友已經唔like佢，佢照樣有比佢買嘢嘅資料佢，如果你係新入群嘅就唔會話你知係佢嘅身份，佢買嘅嘢朋友睇過，有啲仲貴過King’s。同埋佢好似有買一啲所謂俄羅斯嘅嘢，唔知真定假啦，因為近期打仗吖嘛咁問佢應該冇晒呢啲嘢賣，可能生意唔好，又開始用啲下三流嘅手法踩低人抬高自己。
作者: pptt12 時間: 22-6-16 20:38
幸運。星 發表於 22-5-24 22:21
我個女今年三歲。
Kings一開始要買好多野，又最少要俾三個月學費。
佢咪就係因為揀咗另一個同學去電視台演出冇揀佢之後由嗰陣時開始日日唱King’s。朋友話佢每次上落堂嘅時候特登去搵唔同家長講King’s嘅唔好，叫佢哋唔好再喺度學，陪佢出去學，佢呢件事大約持續左兩個月左右，中間都搵過我朋友問佢出唔出去學，我朋友八卦睇吓佢講乜，原來佢話出去私人班，搵人幫手一齊俾錢，出去學係周圍走嘅，得閒呢度book下場，嗰度book下場，冇自己一個地方。我朋友個女啱啱學咗唔係好耐，出去學即係其實淨係夾份俾錢俾佢個女學，心諗梗係唔制啦，但係佢就叫咗幾個咁嘅人陪佢。我朋友話佢專揀啲俾佢個女冇咁叻嘅人陪佢，叫其他人呢就去其他唔同嘅地方學，咁就冇人同佢個女爭。
佢仲同我朋友爆咗佢個大計出嚟，佢哋有三個比較熟嘅朋友，一共四個人，分開去唔同嘅地方學，潛伏喺佢哋啲呢間機構度，到時負責拉啲教練出嚟教，拉啲學生出嚟學。咁佢個女嘅所有使費就有人幫佢出，包括佢之後去俄羅斯訓練嘅錢都有人幫佢埋單。
佢嘅底子其實咪又係喺King’s學，佢喺群組度成日推翻啲post上嚟喺自己想講嘅嘢，當有人問佢或者佢自圓其說唔到嘅時候，佢就搵新嘅post冚㗎啦，有人咪問佢其實你係King’s學咗兩年幾，你喺人哋度話咩學咗兩個月，考到入隊係人哋功勞，但就唔係King’s嘅功勞，俾人質詢佢嘅時候，佢就扮晒嘢多謝啲老師，話係King’s嘅老師嘅功勞，但係話絕對唔係King’s嘅功勞，再俾人質佢，佢答唔出㗎，佢咪又開一個新post再講。
事實就係佢明知自己喺King’s打嘅底，同埋喺King’s得到晒佢想要嘅機會。
最搞笑係佢叫人哋唔好參加King’s嘅女皇盃國際比賽，又唔好參加考試，又話所有嘢都冇用，但係佢全部都參加晒拎晒啲證書走，仲要求校長寫封推薦信俾佢考學校。然後佢最後同人哋講話係冇用㗎，因為佢間間學校報名都有交推薦信讀嗰間學校冇交推薦信喎，你信唔信丫？同埋佢自己有冇反省一下如果間間都話唔收佢係咪佢學術成績非常之唔掂，課外活動點會完全冇幫助啊，一定會有幫助，係人都知道報學校嘅時候都會有位置俾你填課外活動或者你有啲乜嘢特長技能等等，不過如果你成績太差神仙都幫你唔到啦～
作者: pptt12 時間: 22-6-24 10:10 標題: 回覆樓主：
本帖最後由 pptt12 於 22-6-26 00:15 編輯
又小氣，心地真係唔係幾好，我朋友就係睇穿佢係一個咁嘅人，從來都冇跟佢離開，佢嗰陣時朋友仲見到佢喺所有活動都參加，而且參加嘅時候一定揀淨係校長後面坐，成日同校長傾偈，仲話俾人聽佢個女做花女都要用King’s皇冠。成鬼日喺度扮專家教佢哋班媽咪，講就冇所謂，如果唔跟佢果套其實佢就會叫埋其他人唔騷你，真係估唔到一個男人會有啲咁嘅行為。男人之家就唔好做啲咁嘅嘢啦同埋咁小氣啦。同埋各位媽咪都應該要小心啲呢個男人，因為有人返嚟同我朋友講話原來個群主係男人嚟㗎，見個頭長頭髮以為佢係女人係一個媽咪。
可能佢就係愛得太深，所以冇諗過人哋會唔要佢，當人哋唔要佢嘅時候佢就仇恨心好重。
佢都走咗4-5幾年啦，日日喺度仲講返以前，舊(emoji)都沖咗落大海啦，成日都係用啲想當年講嘅方式來講返人哋，宜家人哋變成點都唔知啦，就係成日扮話前用家身份講，根本就唔係俾啲正確嘅資料俾人，你去小一選校群組或者升中一群組啊，你都問吓嗰個用家係幾時畢業啦，有啲又話呢間好有啲又話嗰間功課多，最後其實原來畢業左10年8載。
都係應該要自己試自己睇，多啲同你學習機構溝通，可以留意吓你個機構嘅社交平台，擺出嚟嘅學生多唔多人，活動多唔多人，多唔多活動參加，校長或者負責人嘅資歷同年紀，學歷同經驗，有冇教過一啲傑出學生嘅例子，有冇幫到學生除咗喺藝術體操方面仲可以喺升學或者其他方面獲得獎項或者又幫咗，自己去試堂嘅時候睇環境，配套，老師同你對答嘅Feedback。仲有都要就下自己係咪學習好方便，如果真係要搭車好遠先去學嘅，可能未必最好，因為小朋友舟車勞頓都已經冇晒力學嘢，如果仲要個個禮拜場地都唔同，要做游牧民族，同埋衛生環境又比較差，喺呢個疫情期間真係比較危險。
作者: candyca 時間: 22-6-24 16:13
其實Kings好似好多人話咁，但係同某大舞蹈學校一樣，學嘅人比話人多好多倍。咁點解佢哋又喺度學呢？真正幫到自己個小朋友，就會留喺度學，haters講幾多花邊新聞都冇用。
我報名前問過學校，學校話佢地唔係行香港制，即係好似讀書行IB咁，佢哋唔係DSE制。
佢哋嘅老師係香港藝術體操學會認可，website都有列明資歷詳情。另外仲有CSTD, APDA, RAD證書depends你報邊個課程。老師亦要接受校長嘅培訓課程，校長係運動教育訓練課博士喎，點樣唔正規？學校話佢地唔考體操會個教練考試，因為上20個鐘就話叫教練班，學校話報考嘅人冇學過體操或者跳舞都報得，教教練班嘅人好多都唔係大學資歷。
考嘅試係考英國試，我同好多同學仔都有拎呢一啲考試證書同埋成績表去報學校。其實就係好似學制唔一樣咁，有人考DSE, IB, GCSE。其他班別我就唔知啦，但係我自己嗰班好多同學心目中都係Target或者讀緊直資或者私小，佢哋都覺得好有幫助，我哋嗰班仲有個韓國籍嘅同學仔，佢哋都一樣覺得呢個國際性藝術體操教學制度比本地好，同埋適合佢哋。
作者: candyca 時間: 22-6-24 16:20
CC12345678 發表於 22-5-27 09:55
以下是轉載自fb某大藝術體操家長群組：
隨著疫情開始回穩，政府亦暫訂於4月21日起，讓各舞蹈學校恢復面授 ...
我報Kings之前聽過呢啲流言心入面都有少少擔心，所以都有去過其他試，但係其他個啲絕對唔係你哋形做出嚟咁好。
首先環境冇咁好，一打開門就係課室，仲要係推開防煙門之後一間舖劏開好多個單位嗰種！
體育館班就個個禮拜唔同時間個個禮拜唔同地點，個場地唔係佢哋自己當然乜嘢人用都得，但係我唔會想我個女喺嗰度學，因為我睇住前面嗰班啲人着住對鞋踩暈晒成個地下，接着下一個用場地嘅係冇人幫你清潔嘅，跟住到我個女入去就叫我爬落個地下壓腿，衛生情況都麻麻哋。
文中寫元朗有，但係我問嘅時候係屯門，太遠我哋冇去試，但係佢個地址係好秘密嘅，WhatsApp同佢傾咗好耐佢先至講自己喺邊度，一早講我就未必會再問，因為都太遠，而且係工廈開，可能佢哋知道自己違法唔敢話俾人聽係邊度，去工廈上堂所有保險都唔會賠，迷你倉大火就係已經一個活生生例子，即使佢唔係咁遠我都唔會選擇。
有一個，環境都比較好少少，但係佢間開咗兩個課室，一個大一個細課室，但係其實大嗰個課室都係好細，但係我個女試嘅時候係比較細個，佢就淨係安排好細嗰個課室上堂，我課室細到我覺得3-4個人已經迫。
我而家上堂嗰度係喺商場，又大又靚可以喺四圍行吓等上落堂。
有啲人之前出嚟講，我就講返我見到嘅嘢佢哋唔夠講，根本啲嘢都唔係真嘅，跟住而家已經冇咗呢一個post，我話嗰啲人係打手不如出嚟傾跟住佢哋就刪咗個post。
作者: candyca 時間: 22-6-24 16:32
本帖最後由 candyca 於 22-6-24 16:33 編輯
pptt12 發表於 22-6-16 20:38
佢咪就係因為揀咗另一個同學去電視台演出冇揀佢之後由嗰陣時開始日日唱King’s。朋友話佢每次上落堂嘅時候 ...
吓，原來係咁，真係估唔到有啲咁嘅人
。其實真係唔可以只信網上流言蜚語。
作者: penp0319 時間: 22-6-25 08:42
我見好多人由kings 轉出出面，之後參加體總的公開賽，成績都好好！當然kings 咁多人學，當中梗有精英！轉出嚟仲繼續學，一定好喜歡和實力！
去邊間學，始終都係個人喜好！最緊要是小朋友喜歡唔喜歡！和適唔適合！
我比小朋友學呢啲興趣班，從來冇和考學校掛扣，最量要小朋友學習過程中學到嘢，keep 住有進步！
作者: pptt12 時間: 22-6-25 23:21
penp0319 發表於 22-6-25 08:42
我見好多人由kings 轉出出面，之後參加體總的公開賽，成績都好好！當然kings 咁多人學，當中梗有精英！轉出 ...
本帖最後由 pptt12 於 22-6-26 00:12 編輯
聽上面朋友咁講證明Kings真係好有實力，因為實力並唔係天生你就做得到，仲需要後天嘅教導，培訓，培養，同埋提供機會。
Kings嘅Facebook有寫住，幫到好多學生申請到獎學金，年年都申請到柏立基爵士獎學金，每年有成$5000俾佢學嘢，年年攞到$5000獎學金學嘢唔使錢。要Kings同就讀學校批核先至會拎到。另外仲有好多學生拎到屈臣氏學生運動員獎，屈臣氏學生運動員獎係全間就讀學校由小一到小六加埋所有運動項目先得一個人可以被推薦拎到獎。仲有佢哋就讀學校嘅獎學金，明日之星獎等等，正正就係興趣同學校有關嘅好例子。
我睇過Kings嘅Facebook，有擺過樓上有提及過嘅其他機構包括Perxxxt Gxx 姓蕭嗰個同Staxxx 姓陳，佢哋都係由Kings到出嚟，佢哋跟Kings去愛沙利亞比賽，佢哋學校仲安排咗當地傳媒接受訪問，話係佢哋人生第一次參加世界藝術體操大獎賽。亦都係香港第一隊參加藝術體操大獎賽，暫時香港隊都未參加過。仲有啲post 有好多香港隊嘅運動員都係由Kings 出黎，有相有名㗎喎，姓高，姓鄭，姓麥，姓劉，姓黃，姓郭，姓陸….。
所以我成日教我啲仔囡要飲水思源
所以家長必須要考慮邊個機構真係幫到自己個囡。
作者: pptt12 時間: 22-10-22 20:27
終於有人踢爆佢喇，佢喺自己個群組俾人踢爆佢，其實根本就係一個不停地為自己個女做一啲利益輸送嘅嘢，攞着數，走後門，天有眼囉…
作者: pptt12 時間: 22-10-23 01:46
CC12345678 發表於 22-5-27 09:55
以下是轉載自fb某大藝術體操家長群組：
隨著疫情開始回穩，政府亦暫訂於4月21日起，讓各舞蹈學校恢復面授 ...
終於有人踢爆佢喇，佢喺自己個群組俾人踢爆佢，其實根本就係一個不停地為自己個女做一啲利益輸送嘅嘢，攞着數，走後門，天有眼囉
| 歡迎光臨 教育王國 (/) |
Powered by Discuz! X1.5 |