教育王國
標題: 想轉英小 [打印本頁]
作者: violet1009hk 時間: 22-5-23 23:29 標題: 想轉英小
小朋友而家讀緊中文小學小二，從小都係英文比較出色，而家除英文科外，所有科目都因中文教的關係而被拖垮，小朋友亦漸漸提不起學習既興趣(emoji)成績表除左英文科之外滿江紅，咁既情況仲有無可能同佢搵到英小轉校呢(emoji)
作者: piglover 時間: 22-5-24 07:58
滿江紅，好難轉wor。一係轉國際學校，一係轉一d主力收南亞裔學生嘅寶校，呢d小學有英文班，例如，閩橋小學.....
你自己主力搵一下，不過，中文差，你點都要解決，除非你打算將來過外國讀書。否則，考DSE 
作者: piglover 時間: 22-5-24 08:14
其實，當初知道小朋友入不了英文小學，你就應該利用上小一前幾個月，特訓小朋友學中文數學，常識，甚至拎小一嘅中文書教小朋友。
我有朋友就係知道小朋友入不了英小，就利用上小一前大半年，狂追中文。上小一就ok佐。
作者: Raccch 時間: 22-5-24 10:30
回覆 violet1009hk 的帖子
如果仲係想讀本地學校，感覺比較難轉去同等水平的學校。就算比較受歡迎的國際學校其實有冇面試都係根據你原校的成績。小二應該還未太遲，先搞返好中文先諗轉校。
作者: kitkit89 時間: 22-5-24 11:25
violet1009hk 發表於 22-5-23 23:29 
小朋友而家讀緊中文小學小二，從小都係英文比較出色，而家除英文科外，所有科目都因中文教的關係而被拖垮， ...
可以試吓基信，德萃，聖若望
讀返好小朋友自信先
作者: kudon 時間: 22-5-25 09:27
回覆 violet1009hk 的帖子
樓主可以考慮一下去d有雙軌制(非單一dse課程)嘅一條龍英小學校。聽聞初小易入高小就難入。
我知有d學校因為疫情關係所以冇上學期成績表，一樣照考插班，有冇得見、成唔成功就另計。
作者: piglover 時間: 22-5-25 09:57
kudon 發表於 22-5-25 09:27
回覆 violet1009hk 的帖子
樓主可以考慮一下去d有雙軌制(非單一dse課程)嘅一條龍英小學校。聽聞初小易入高 ...
可以比下校名參考一下嗎？
作者: kudon 時間: 22-5-25 10:33
回覆 piglover 的帖子
不公開校名了，不過入得去讀大部分都唔想走 dse條路，唔想入 dse條隊學生就要加倍努力
作者: piglover 時間: 22-5-25 11:15
kudon 發表於 22-5-25 10:33
回覆 piglover 的帖子
不公開校名了，不過入得去讀大部分都唔想走 dse條路，唔想入 dse條隊學生就要加倍努 ...
GT，真道不是英小。
一係WKF，好似話可以考A level
直資英文龍小，DBS，SMC，仲有無呢？
作者: Azzurro 時間: 22-5-25 12:46
我一直都堅持
中文好先去英語學校（可以自己搞掂中文，中文唔會比學校拖垮）
英文好先去中文學校（可以自己搞掂英語，英語唔會比學校拖垮）
小朋友在英語學校，其實好多人小一中文（好簡單）已經崩潰。。
作者: Azzurro 時間: 22-5-25 15:40
我相信從小開始已經係睇書過於偏向英文，會不會 90%英文，10%中文？
我認為最好係轉去英文學校建立信心，同時閱讀保持 80%中文（簡單唔緊要，最重要讀的開心），20%英語
相信半年就可以扭轉過來
之後就保持 50% 50%
作者: dingyan 時間: 22-5-27 08:43
如果大機會第日考dse，小學真係要更重視中文。。
作者: mclh 時間: 22-5-27 12:04
試下
作者: wai324 時間: 22-5-27 12:47
回覆 Azzurro 的帖子
我現在就係咁做緊但事實並唔係咁好
我小朋友英文程度高.. 小一下學期學校閱讀評估為小五程度
讀緊一間紅底津校..
班上有好多中文程度好高的同學 小一就能用很多成語
我小朋友雖然唔係普通話班
但大半班同學都能講流利普通話
小一小二課文係唔教佢地都識讀晒D 字
雖然我小朋友中文程度係大有進步的(應該現在已有正常程度)
但是成積並唔會級頭幾名
因為會俾中文拖累
英文科又相對淺.. 大家分數唔會差太遠
我現在十分擔心升中...
作者: chriskaan 時間: 22-5-28 09:29
當年我幫小朋友選擇小學 , 都有考慮過d個問題 , 除非要考慮錢的問題 , 否則自信真係好緊要 , 繼續留中文小學 , 未來幾年就算日日搵私補 , 補晒全科都無用 , 小朋友會覺得吃力 , 繼續拖慢學習進度 , 唔會培養到對學習的興趣 , 仲可能浪費了未來幾年學習知識的時間 
作者: 藴藴 時間: 22-5-28 11:31
小二仲有時間追，其實中文小學嘅英文都比較淺，好既英文小學都唔係易轉，不過都可以試吓一邊惡補中文一邊搵英文小學考插班。
作者: szeszeeee 時間: 22-5-28 20:59
我女都係有中文唔好既問題，上年我幫呀女操左半年，原校中文操到85分 ，再操埋英數，成功插入英小～
作者: Mrscatcatfung 時間: 22-5-29 20:39 標題: 回覆樓主:
樓主，你试下每晚訓前，同小朋友讀一下第二日的要用課本，幾頁就可以了。小朋友上堂聽老師講巳是第二次聽。
考试前早兩三個星期温習，幫佢劃重點，每日温少少应該不太多，會有效提升分數。
再來是買坊間考卷(eg 樂思，pearson 等)，俾自己參考下題型，我唔建議要小朋友做哂。家長過濾一次，揾出常見題。也不見得要用鉛筆做，當親子活動，口述答案就okay了。
如果本身没speech delay 或讀寫問題，以上應有助提升名次和上堂時的自信。
比較好的英文学校也是大競爭的，要轉校也要先執靚張成績表先。加油。
作者: 964000 時間: 22-5-30 08:40
violet1009hk 發表於 22-5-23 23:29
小朋友而家讀緊中文小學小二，從小都係英文比較出色，而家除英文科外，所有科目都因中文教的關係而被拖垮， ...
有資源就入國際（這個成績只可入新校），以英語為第一語言學習，之後再考慮轉其他IS。
冇資源就要全力勁攪中文，以培養興趣和信心為本，始終你就算入英小都要中文合格和考DSE冇得唔理中文，滿江紅這個成績好難轉，現時移民潮下試吓玫瑰崗/德萃，找不到直私就唯有插少數族裔英小作踏腳石，整返好睇成績表先。
作者: b3410 時間: 22-5-30 16:25
Azzurro 發表於 22-5-25 12:46
我一直都堅持
中文好先去英語學校（可以自己搞掂中文，中文唔會比學校拖垮）
英文好先去中文學校（可以自己 ...
問題是有些可能自己一樣也搞唔掂，就要靠學校
作者: fibe0313 時間: 22-5-30 19:27 標題: 回覆樓主:
如果考慮以後不會在香港生活，就轉英小。如果會留港，建議痛苦幾年打好中文基礎，可以搵下d比較有經驗既補習老師，幫忙佢，同佢一齊克服困難？
作者: terryng1205 時間: 22-6-4 10:19
dingyan 發表於 22-5-27 08:43
如果大機會第日考dse，小學真係要更重視中文。。
本帖最後由 terryng1205 於 22-6-4 10:20 編輯
為什麼更重視中文？大部分家長都是仔女入英小和英中為目標。
作者: dingyan 時間: 22-6-4 11:40
terryng1205 發表於 22-6-4 10:19
本帖最後由 terryng1205 於 22-6-4 10:20 編輯
為什麼更重視中文？大部分家長都是仔女入英小和英中為目 ...
因為dse唔會理英中定中中，對中文科要求都係一視同仁。。而中文本身可能就比英文難，考試又係以母語程度來考察，好難一蹴而就。。細個中英文平衡多啲，對中文有多啲能力信心同興趣，或者中學可以冇咁辛苦。
作者: k29541230 時間: 22-6-10 02:19
本帖最後由 k29541230 於 22-6-10 02:22 編輯
回覆 wai324 的帖子
多口講句。。 其實你搞錯哂。。 你成績呢個問題唔會入到英小就解決到。。 英小雖然係英文深啲。。 但係同學嘅英文都勁啲。。 當然有少部分係錯配， 之後常識大家都用英文溫。。 數學唔係幾關中英事喇。。 得好少英文字。。 即係最後都係鬥返中文。。 我自己個間就係有某啲 應該不是local 的姓 嘅內地或者星洲個面同學。。 佢地個啲中文原本就係教深一格。。 所以你轉左你成績問題都唔會解決到。。 最後結論你要係根源下功夫你另一個考慮就係你小朋友讀英小會唔會有學習興趣啲就你最清楚
個人意見 我用我個間 私黎比
作者: wai324 時間: 22-6-10 14:53
回覆 k29541230 的帖子
我不是樓主 我仔小學是二線頭
1/3 b1生
我仔考到級20左右 沒有滿缸紅
二年級中文還是有供詞 我仔還可以拿到九十幾分
無供詞果d就錯晒
不過數學文字題經常解錯題
常識又係
所以才想轉英小
作者: Kumi33 時間: 22-6-10 15:10
wai324 發表於 22-6-10 14:53
回覆 k29541230 的帖子
我不是樓主 我仔小學是二線頭
你今年插定？
我都係想幫仔轉英小。
不過王錦輝插班已經衰左
作者: lovelovebabe 時間: 22-6-11 21:01 標題: 回覆樓主:
可以試下玫瑰崗，只係上年行政出現問題，本身學校教學質素不錯，又是英文語境，相信合適你。
| 歡迎光臨 教育王國 (/) |
Powered by Discuz! X1.5 |