教育王國

標題: 仁愛堂陳鄭玉而幼稚園校長超無愛心 [打印本頁]

作者: ccamy1126 時間: 22-5-3 15:47 標題: 仁愛堂陳鄭玉而幼稚園校長超無愛心

呢間幼稚園校長超無愛心，我對佢好失望。。。
事源係呢間幼稚園本身收咗我小朋友讀N,我好坦白咁同佢哋講我小朋友有自閉症，佢哋話唔緊要，會照收，返學時間可以彈性安排，等我小朋友可以上其他訓練，仲安慰返我話小朋友先歲幾，仲會有好多進步空間。我當時好感動，以為真係遇到一間有愛心嘅好學校（有邊個父母唔想自己小朋友入名校？）而我只係想搵一間肯接納我小朋友嘅學校。

跟著佢哋約我帶小朋友同佢哋見個面，了解下小朋友睇吓收唔收佢，咁好啦，我特登帶我小朋友過去，點知去到個校長根本無assess過我小朋友，已經明示暗示話唔收，叫我唔好浪費佢個學位，叫我出去報其他，話無老師得閒handle我小朋友。。。咁既然你一早就唔想收，點解要浪費我時間特登係疫情之下帶我小朋友去你哋學校一轉仲要比啲咁難聽嘅說話我聽？（好彩我小朋友未聽得明）我重要因為仁愛堂嘅offer放棄左其他學校比嘅offer,無比到其他學校嘅留位費，宜家諗返轉頭真係好蠢。

大家都打份工，我明白你都想收個好湊嘅小朋友，咁就一早唔好浪費我時間帶我小朋友黎啦，直接話唔收啦，仲要無望過佢，佢只係一個無辜嘅小朋友。

呢個校長真係一個真小人！偽君子！可能老師好有愛心啦，但呢個校長真係好好好差！

歡迎光臨教育王國 (/)