教育王國

標題: MOS康傑 vs 馮梁結 vs 張煊昌 [打印本頁]

作者: ivlrat 時間: 22-5-1 00:39 標題: MOS康傑 vs 馮梁結 vs 張煊昌

現有康傑同馮梁結K1全日, 想叩門張煊昌問有冇全日(原本做後補生, 之後打嚟話有am offer, 但我reject咗).

目標升小馬主/鿋年/馬循

想問如讀馮, 叩門入到嘅機會大唔大(以唔外補計)？另外如好彩派位入到, 會唔會跟得上？
因打咗去問
Eng: 預1星期有1至2堂, 每堂20幾分鐘, 外籍老師, 有班主任一齊上
普通話: 預1星期有1至2堂, 每堂20幾分鐘
Chi: 每日都有
**留意Eng同普要睇返年度安排, 所以係預1至2堂

另外張煊昌係用ABC PATHWAY教英文. 但聽聞課程並不專業, 同出去讀程度差太遠. 老師有愛心但無經驗 (咁我响interview時都覺得老師嘅表現一搬. 因仔仔用英文答動物名稱老師好似唔鐘意. 仔仔抬頭見天花板有星期裝飾, 話比佢聽有star, 唔知係响面試題目以外, 所以唔鐘意. 到臨走收到份禮物, 仔仔拆咗嚟玩, 好似有啲唔鐘意, 或者阻咗佢啲時間啩. 到出咗課室, 擰轉頭就唔見咗佢, 有啲好行夾唔送嘅感覺 ). 亦有家長話學校好大喜功, 死谷爛谷學生. 而每年罼業禮, 都會有K1-K2同學表演, 但並非每一位K1-K2學生有份, 而係由老師揀學生出黎表演. 响interview嗰時見到佢個2個扭蛋機有個唔知係老師定姨姨嘅計如果成積好可愛扭蛋.

另亦有家長話若果小朋友活躍同唔太聽教, 就未必有經驗既老師教到. 請問係真的嗎？因我小朋友有啲好動.

但都想問想問如讀張, 叩門入到嘅機會大唔大(以唔外補計)？另外如好彩派位入到, 會唔會跟得上？有家長話升津小銜接得到.

tkx🙇🏻

作者: WB1115 時間: 22-5-2 21:09

康傑，上小學無咁辛苦

作者: huiwo太太 時間: 22-5-16 22:40

康傑，每日有英文普通話堂，老師有愛心，行政清晰，課程比券幼深。 K3已有些小一模式比學生體驗，銜接津小應該無難度。

作者: PigPigMiu 時間: 22-5-18 17:53

對馮同張無研究，只係睇過康傑OPEN DAY D片，去過PN interview，成個感覺幾好，覺得間學校做野好有系統，辦課程都有心，學生都幾乖。

作者: csc1016 時間: 22-5-28 23:27

ivlrat 發表於 22-5-1 00:39
現有康傑同馮梁結K1全日, 想叩門張煊昌問有冇全日(原本做後補生, 之後打嚟話有am offer, 但我reject咗).

...

本帖最後由 csc1016 於 22-5-28 23:43 編輯

本帖最後由 csc1016 於 22-5-28 23:39 編輯

俾得起錢，一分價錢分貨，康傑相信是三間中最好。
但如果升小目標係津校，張煊昌以免費幼稚園來說，性價比算是非常高。升小銜接應該冇乜大問題。呢兩年疫情關係，實際冇全日返。如果accept am offer先，再繼續申請轉全日，其實好大機會有位。叩門的話，其實你目標嗰三間都冇乜著數，感覺同泰伯最密切，又或者同主辦團體嗰間小學(88網)。
至於你提到ABC Pathway，唔知你有冇聽過現任校長講座分享同埋佢同ABC Pathway創辦人的關係。老師同部分教材是相同的，但課時不同所以小朋友的學習進度會不同。就算跟返ABC Pathway，佢哋istart同ilearn唔同進度也是相同道理。另有劍橋英語興趣班，但一星期一堂，要抽籤。疫情期間，興趣班大幅度取消，成年先得返一幾堂實體，zoom就有。
馮梁結唔太清楚。如果叩門嘅話，同樣你目標嗰三間都冇乜著數，可能同區另外兩個保良局旗下反而有著數，據聞雨川而家都區內熱門小學。
叩門是人脈>實力。

歡迎光臨教育王國 (/)