教育王國

標題: 請問st Hilary vs 康傑點揀？ [打印本頁]

作者: Sueb. 時間: 22-4-29 00:37 標題: 請問st Hilary vs 康傑點揀？

如題，比啲意見呀(emoji)(emoji)

作者: Charmchai 時間: 22-4-29 18:18

Sueb. 發表於 22-4-29 00:37
如題，比啲意見呀(emoji)(emoji)

康傑邊間分校呀？

作者: Sueb. 時間: 22-4-30 23:35

Charmchai 發表於 22-4-29 18:18
康傑邊間分校呀？

Ma on Shan ah

作者: chiying1004 時間: 22-5-4 19:34

樓主係咪問緊馬鞍山區嗰兩間?
康傑都落都比較local，同埋少d 外國英文老師
要睇下你想點小朋友發展呀

作者: Sueb. 時間: 22-5-4 19:35

我k應該會再考，SH好似

作者: Sueb. 時間: 22-5-4 19:36

平衡到？就算上local ?

作者: Sueb. 時間: 22-5-4 19:38

不過貴成2000.但康傑無普通話，SH有。所以語言應該吾洗外補，同敢講？

作者: ms.melon 時間: 22-5-5 10:32

Sueb. 發表於 22-5-4 19:38
不過貴成2000.但康傑無普通話，SH有。所以語言應該吾洗外補，同敢講？

SH 我仔讀過幾個月, 我果時讀最大優點係人少, 一班先得6 個人, 有2個老師, D 老師好照顧小朋友, 課室夠大, 有好多唔同教材, 最初上有得家長一齊去上堂, 學校環境都唔錯

之後疫情閞係轉左上ZOOM 不過唔知果時係咪新校, 上zoom 係勁亂, 質素好差(對比我仔而家上k)

不過SH d NET 唔係白人, 我地果時係一個似地中海/南亞的外籍人, 英文口音都OK(算好彩), 但係上ZOOM 果時見到有D 印度人, 英文口音有濃濃的鄉下味, 唔知而家會唔會有改善, 始終我地上果時係真係岩岩開業

另外, 我當時老師會每星期打俾我同我講下我仔上堂的情況, 每次都講10 -15 分鐘, 呢樣野我就幾鍾意

作者: 太陽媽媽 時間: 22-5-6 19:40

我女讀緊康傑N（唔係全日），都會直升K，雖然我K有好多其他offer包括一啲龍校。。。不過我係青衣南分校，同馬鞍山應該有唔同，純粹share下我對呢間學校的用家感受我呢間康傑啲校長、主任、老師都好有愛心，日日送返學都可以見到佢哋，得閒仲可以傾幾句。N一班10-14人左右，有中文班主任，每日一堂NET英文（我哋個NET教得好好！），一星期一堂普通話
啲功課我覺得算難哈哈，都要父母跟下，一星期派一次，有中文、英文、宗教、手工
由於我唔信教，所以覺得宗教內容有啲多，但從另一面睇，又可以教到小朋友品德嘅
課堂就每日都會唱歌跳舞，我女初初返學有喊過，但好快已經好鐘意返學，暑假都日日問我幾時可以返學
疫情期間就每日20+20分鐘zoom，都係學返中英數常識呢啲
我最鐘意係老師每個星期會喺學生手冊寫comment，有啲comment都幾搞笑，可以俾父母知道小朋友喺學校的一面
我哋分校唔多人，主要都係青衣居民，咁有個好處係放學有陣時都可以一齊玩，要約同學仔都好方便，有時行街都會撞到添！
K課程應該差唔多，會多啲科學，有機會的話會帶小朋友出去實地教學，譬如去學校附近嘅超市、餐廳等等學習。我有一次就見到k2啲小朋友跟著老師喺郵筒前面學寄聖誕卡，幾有趣。全日班下午算多嘢學，有英文（好似係劍橋）、普通話、芭蕾舞、合唱等等，都會幫你報名參加比賽
呢啲就係我所知道的，希望幫到你

作者: Sueb. 時間: 22-5-6 23:34

太陽媽媽發表於 22-5-6 19:40
我女讀緊康傑N（唔係全日），都會直升K，雖然我K有好多其他offer包括一啲龍校。。。不過我係青衣南分校， ...

非常感謝你詳盡嘅分享，好奇一問，點解K有農校唔揀？因為我都諗住K會再考。

糾結嘅原因係，馬鞍山N應該係冇普通話, 所以如果論N班語境，SH係好似好啲。但係如果讀到K3，考小一成績一定對康傑有信心啲。所以都好奇一問，點解有其他Offer唔揀？我正在諗如果K有Offer，理應可能讀邊間分別都不大

作者: Sueb. 時間: 22-5-6 23:36

ms.melon 發表於 22-5-5 10:32
SH 我仔讀過幾個月, 我果時讀最大優點係人少, 一班先得6 個人, 有2個老師, D 老師好照顧小朋友, 課室夠大, ...

多謝你分享，想問吓K是否再考無再讀SH? mOS分校課室比較細，整體學校都偏細，非常佢哋嘅教學理念，只是欠一點信心。可能因為太新

作者: mhysteric 時間: 22-5-7 20:34

Sueb. 發表於 22-4-29 00:37
如題，比啲意見呀(emoji)(emoji)

我小朋友N時係喺青衣南康傑讀，K轉了去其他學校，雖然唔係馬鞍山分校，但你可以參考下。
雖然我地K轉左校，但我覺得康傑N課程幾全面，老師真係好有愛心，老師每星期都會喺手冊分享小朋友喺學校既事，睇到其實幾窩心。課程唔係淺，但小朋友每日返學都期待同開心既。初期有段時間小朋友唔想返學，老師都會同小朋友了解返，校長都會同小朋友單獨傾偈，了解佢地既心事。

作者: ms.melon 時間: 22-5-8 11:18

Sueb. 發表於 22-5-6 23:36
多謝你分享，想問吓K是否再考無再讀SH? mOS分校課室比較細，整體學校都偏細，非常佢哋嘅教學理念，只是欠 ...

我地N 班讀到一月就無再讀, 原因係考到心儀的K , 加上果時疫情關係要上ZOOM, 我仔果時完全對上ZOOM 係無興趣, 日日陪佢上一齊嘔血, 最後就QUIT 左等佢玩多幾個月

作者: 傑森爸 時間: 22-5-9 14:05

St Hilary可以直升上小學，變相小朋友會少d壓力
可以開開心心咁返學

作者: kaohueimei 時間: 22-5-9 23:02

我馬鞍山朋友個仔今年都揀咗Hilary，可能可以做同學仔喎
佢覺得Hilary返學個氣氛好似好d，所以就揀佢呀

作者: WB1115 時間: 22-5-10 08:25

Sueb. 發表於 22-4-30 23:35
Ma on Shan ah

康傑用家，非常有愛心嘅學校，課程都唔淺

作者: Sueb. 時間: 22-5-10 08:27

ms.melon 發表於 22-5-8 11:18
我地N 班讀到一月就無再讀, 原因係考到心儀的K , 加上果時疫情關係要上ZOOM, 我仔果時完全對上ZOOM 係無興 ...

請問心儀的k 係咪一條龍？我有諗過考LH, k的時候。

作者: Sueb. 時間: 22-5-10 08:30

傑森爸發表於 22-5-9 14:05
St Hilary可以直升上小學，變相小朋友會少d壓力
可以開開心心咁返學

多謝你意見，但如果上得小學就上埋中學。學費真係金，我未肯定係咪一定會上佢小學，所以先諗，如果佢都考k or P，SH係咪夠競爭力

作者: ms.melon 時間: 22-5-10 10:37

Sueb. 發表於 22-5-10 08:27
請問心儀的k 係咪一條龍？我有諗過考LH, k的時候。

唔係, 因為我地會移民, 只係去左間適合我仔的HAPPY SCHOOL 讀

BY THE WAY,　SH 都算多功課, N 班都有, 所以你要有心理準備

作者: shunmommy 時間: 22-5-10 14:06

SH mos用家，功課程度都偏向進取。學校氣氛好愉快，老師好有愛心同埋都願意溝通。佢哋3間分校總體近幾年考小成績都看似唔錯，有神校級offer

作者: Sueb. 時間: 22-5-10 19:25

shunmommy 發表於 22-5-10 14:06
SH mos用家，功課程度都偏向進取。學校氣氛好愉快，老師好有愛心同埋都願意溝通。佢哋3間分校總體近幾年考 ...

太好有mos sh 用家分享，請問是N or K? 其實校舍真心細。

作者: shunmommy 時間: 22-5-10 19:28

Sueb. 發表於 22-5-10 19:25
太好有mos sh 用家分享，請問是N or K? 其實校舍真心細。

現時k1.
校舍係細呀，但幼稚園3.5小時當中有幾多係玩嘅時間吖～我唔太介意

作者: Sueb. 時間: 22-5-10 19:30

shunmommy 發表於 22-5-10 19:28
現時k1.
校舍係細呀，但幼稚園3.5小時當中有幾多係玩嘅時間吖～我唔太介意
...

你都係由n讀到k? 其實一班太約幾多人到？你會上佢一條龍嗎？多謝分享。

作者: boyboobee 時間: 22-5-10 23:21 標題: 回覆樓主:

我細女係SH太子校畢業生，由N讀起，現在已升讀小一，學校語境確實很好，但很多外藉老師也並非英文母語也是事實，達不到地道口音水平，如只要求流利聽講是足夠的。而且英語用校本課程，個人感覺不錯。過去幾年的zoom網課也做得很好，特別是學校從面授轉到網課反應之迅速，老師們隨了網上即時網課，所拍攝的video也很專業，每天都有更新，可以想像到工作量是很大的。學校雖然有小學，也不介意家長向外闖，依然給予足夠支援，升小訓練、面試培訓、小學適應週都有提供。
每間學校都有自己優勢，看看孩子需要在那方面更多支援，及父母期望是甚麼而作出選擇。本人兩個孩子讀不同的幼稚園（大的九月升中了），感覺上真是要看每個孩子的不同需要作選擇，不能只看學校的客觀條件而選。

作者: Jellybeauty 時間: 22-5-14 13:03

回覆 Sueb. 的帖子

考小的話，要靠下自己

歡迎光臨教育王國 (/)