教育王國

標題: 點知小朋友谷唔谷得? [打印本頁]

作者: 已刪除用戶    時間: 22-3-30 03:24     標題: 點知小朋友谷唔谷得?

點測試?幾歲去測試先比較準?

作者: Azzurro    時間: 22-3-30 11:54

你讀左 k1 / n 半年的話
問問幼稚園老師就知道,天天觀察半年同一堆小朋友,老師嘅評價非常準確

或者睇下 k1 結束時有否得到校內獎項(非豬肉獎)
作者: Azzurro    時間: 22-3-30 14:08

不好意思,補充一下,我想比較一下兩組詞
“谷” 這個形容詞同 “進取” 差唔多意思
“學” 同 “玩” 都係差唔多意思

假如一個小朋友 學/玩 得唔開心,根本 進取/谷 唔到
而小朋友係 進取/谷 的話,通常都 學/玩 得好開心

一個小朋友參加好多活動都 學/玩 得好開心,而水平在平均之上
應該就係一個 進取型/受谷 小朋友

進取型/谷谷 父母會反過來問,點解其他小朋友 學/玩 得唔開心嘅?
作者: csbaik    時間: 22-3-31 21:14

potato38 發表於 22-3-30 03:24
點測試?幾歲去測試先比較準?

谷唔谷係先培養小朋友的學習趣興。有趣興自然有心機學。有心機學自然就谷得起

作者: ms.melon    時間: 22-4-1 12:08

我覺得我小朋友好谷得, 而家K1 , 每日都肯花2個鐘時間學習中英數, 唔駛一個月可以KO 5 本暑期作業, 而且佢係好enjoy 做, 唔係我迫佢
作者: lulumelon    時間: 22-4-2 20:09

回覆 ms.melon 的帖子

咁叻呀
作者: shelly.ma    時間: 22-4-14 00:42

ms.melon 發表於 22-4-1 12:08
我覺得我小朋友好谷得, 而家K1 , 每日都肯花2個鐘時間學習中英數, 唔駛一個月可以KO 5 本暑期作業, 而且佢 ...
專注力好強,羨慕呀
作者: mercy_c    時間: 22-4-14 01:15

ms.melon 發表於 22-4-1 12:08
我覺得我小朋友好谷得, 而家K1 , 每日都肯花2個鐘時間學習中英數, 唔駛一個月可以KO 5 本暑期作業, 而且佢 ...
K1每日學2小時好叻
作者: emmywky    時間: 22-4-15 05:34

谷唔谷得<<<<應該冇得測試㗎下話,谷喺小朋友嘅學習進度上表現,一般學嘢快、記性好、唔抗拒學習都叫谷得吓(emoji)
我仔小一班主任先話佢谷得,因為有考試成績,幼稚園老師就冇提過,可能太細又冇測驗考試好難講。

樓主係咪想問測IQ?

作者: boojiji    時間: 22-4-21 21:16

谷唔谷得點測試, 咪就係你試下谷佢, 你就會知答案
作者: moksamuel    時間: 22-4-27 12:11

我都想知會唔會有d 評估可以知道

作者: mclh    時間: 22-5-24 17:00

最少肯睇書
作者: momoko1_1    時間: 22-5-31 11:31

唔覺有呢d評估
作者: MrsPerthLiu    時間: 22-5-31 12:29

你試下買啲街外補充練習俾佢做,睇吓佢鍾唔鍾意做。

我小朋友做完學校功課,會做埋補充練習,而佢好鍾意做,視之為獎勵,亦好鍾意睇書。




作者: ma寶    時間: 22-6-2 12:01

MrsPerthLiu 發表於 22-5-31 12:29
你試下買啲街外補充練習俾佢做,睇吓佢鍾唔鍾意做。

我小朋友做完學校功課,會做埋補充練習,而佢好鍾意做 ...

好叻仔,係屋企都好有學習氣氛,我小朋友仲細,向大家取下經

作者: legolas625    時間: 22-6-3 08:32

K2啦,留意有無讀寫障礙,學野快唔快,以及是否聽指令和專心。
作者: hibella    時間: 22-6-3 16:20

回覆 potato38 的帖子

我諗應該冇呢方面的正式測試??
我覺得谷得嘅小朋友應該係專注力強,可以長時間操卷/上堂/一日走幾班興趣班。



作者: EudyptulaMinor    時間: 22-6-8 22:33

potato38 發表於 22-3-30 03:24
點測試?幾歲去測試先比較準?

睇吓小朋友喺同一件事上面可以專注幾耐?
要佢做唔鍾意嘅嘢時表現係點?
上堂有冇認真聽書?係唔係自覺做功課?

作者: mnhk    時間: 22-6-30 12:23

咁細個好難講,我小朋友幼稚園都唔肯做練習,到小學又肯做練習,我覺得最緊要唔好比小朋友太大壓力,愉快學習好緊要

作者: boboapril    時間: 22-7-24 08:22

假如有專家話你小朋友好食得,咁你係咪係咁比佢食大個胃?谷得唔等如要谷,唔谷得亦唔等如唔好谷。其實簡單啲,按小朋友能力、父母能力及實力,均衡「飲食」就好啦。谷嘅背後要花好多功夫,唔係小朋友谷得就得。

作者: evitasing    時間: 22-7-25 10:47

有興趣vs 無興趣
小朋友對某個領域有興趣,可以超級專注!可以好開心無厭倦地附出時間!


聽話型vs自主型
有些小朋友較聽或容易接受老師/父母/成人的指令/吩咐,其中一個原因,每些人/小朋友別人的評價大於一切,或大部份人在別人讚美中,找到存在感,滿足感!


第一類,比較上第一類相對好似係學習動機/學習成效/持久性等略勝!


但終歸要睇,什麼是小朋友的學習動機的導火線,‘click'得中果團火的種子是什麼,是否種得內心深處,讓它發芽時,就係萬丈高樓從地起的氣勢一樣,就不得了!(或者了解一下,竹的成長過程,地基越打得穩固,隨著時間的爆發力就不一樣!)


或從另一個角度看,父母/老師@同樣重要!
~夠唔夠耐性、觀察力@找出小朋友的性格/學習型態/興趣/強弱項,從而對正下藥!
~教學@引導性、啟發性、互動、延伸效果、興味性、實踐效果等等


好的寶石,沒有遇到好的啄磨,久而久之,也會淡然無光!


表面平庸,遇到好的「啄磨師」,因材施教,對正下藥!一樣可以發光發熱!eg. 愛因斯坦、卡爾教育都是當中的表表姐!


如其說,谷不谷?!不如想下怎樣可以了解小朋友多啲@性格/學習型態/興趣/強弱項!怎樣可以讓他如魚得水!如虎添翼!事半功倍!找到屬於他自己世界的一片天空!


(好比一條魚,好果老是把牠放在沒有水的地方!結果堪然!俗語有之「千里馬常有伯樂不常有」亦好值得思考!)





歡迎光臨 教育王國 (/) Powered by Discuz! X1.5