jackeywesley 發表於 22-3-30 10:58
非常認同樓主, 我地都係上年考完小, 我地屋企個 approach 同樓主非常接近, 我地既小朋友亦獲得最心儀小學 o ...
一眨眼原來已經過咗一年, 係度想同黎緊準備考小geh分享自己一路走過來geh 經驗, 以下係自身經歷, 每個人都可以唔一樣, 我信條條大路通羅馬, 呢個只係千萬種方法之一, 希望提供到其中一個reference俾大家
我女女上年考小最後有考到心儀學校,
祝 黎緊考小亦考到心儀學校 !
考唔到亦唔洗灰心, 小學只係一個開始, 慢慢長路無需與他人比較
Portfolio 製作(自家製, 無外判)
通常content 主要有下面幾樣, 大家可以早啲開始準備整, 睇吓可以enhance 下邊個範疇
有部分學校上年以portfolio 作第一輪screening, 大部分學校其實會係2nd in 之後先會睇
因為太多application, 老師校長每每得幾分鐘睇, 所以要少字多圖, 每一頁有個主題想表達俾學校睇
而呢啲key messages 係echo緊學校理念
說穿了portfolio 就好似將小朋友包裝好然後將佢最好一面突出 sell 俾學校, 係一本細說小朋友成長geh 故事書
a) Cover letter
第一段主要講下我哋對小朋友教育期望遠景
第二段介紹小朋友個性格特點, 而呢啲特質點樣適合係貴校個學習模式
第三段講平日家庭生活/教育係點表現出呢啲其實係同學校vision/core values不謀而合
寫前最好先了解學校理念係咩, 例如st stephens 校訓係”篤信多能” , 主張用inquiry based learning 發掘學生潛能, 注重多元發展, 同時亦係普教中, skl culture 中西合璧之餘亦非常重視中國傳統文化，定位於 IS 及傳統學校中間, 到底點解你會覺得小朋友適合去呢間而唔係IS /local skl係重點
大家除左可以上skl website睇學校理念, 亦可以搵下校長訪問/朋友子女就讀經驗etc
b) 小朋友興趣
如果頁數夠,我就會擺小朋友 art/music/sport 三大範疇 hobbies 去突顯多元興趣, 女女活潑開朗一面
佐敦女校因為限4頁,所以只放music/sport 去echo 學校all rounded education
當然如果大家小朋友係其中一樣表現突出可以主攻一樣 , 放認受性awards/cert同紀錄時間(eg. xx秒游xx m)
藝術
-擺小朋友代表性畫作, 最好有唔同風格 (中國畫/西洋/唔同色調), 同小朋友認真作畫模樣中, 表現佢喜愛多作嘗試特質
音樂
-擺小朋友學習樂器情況, 以及參與其他音樂活動如欣賞唔同音樂會/音樂有關workshop等, 表現家庭如何從小培養音樂感 , 享受其中
運動
-進行多項運動表現active 一面
c) 家庭生活
分戶外同家中, 每一張家庭相都係表達緊core family values, eg. 寓學習於遊戲/屋企重視團結/父母非常願意係工餘時間帶小朋友見識世面 , 視乎該間學校想搵咩values geh family而作調整
揀d 進行中geh活動相而唔係打卡相, 加少量文字describe其活動意義, 例如去農莊睇小動物
，就影住爸爸介紹動物特徵小朋友專心聽geh模樣, 屋企相可以放下睇書, 同siblings 玩(如有) , 同屋企人整野食一齊玩boardgame/砌野 etc
d) 義工活動
如果無咩cert/award 可以善用呢個category enrich 下 community service, 除咗賣旗外其實有好多唔同機構
舉辦適合小朋友參加geh 活動, 可以俾佢地體會下而家geh幸福唔係必然, 社會上有好多有需要geh人要我地幫助可以參加執垃圾, 回收舊衣/食物之類, 可以留意下唔同社福慈善機構website
e) 獎項證書
主要總結近一兩年cert/award, 以表列出黎
column—> category(art/music/sport/academic etc)/year/award/result
有位淨可以放小朋友拎獎geh相
academic cert 並非必需, 有時間放係其他準備功夫更好, 比我再揀
未必會考starter, 可能上小一前串下starter 生字令到之後默書輕鬆少少
不過starter/mover oral part 就幾似面試模式, 可以自己做幾份mock 練下個人資料, describe pictures, retell picture story, 普遍學校唔會問好深geh串字( 學術型果d 我唔太清楚)
比賽只係拎個經驗等小朋友有上台經驗增加自信心
f) basic info
如果有頁數淨會用第二頁作basic information, 簡單介紹屋企個人資料
製作平台
我用 C字頭 website整，簡單易用有多款預設template提供, tailor made 又得, 免費版已經夠用
學術程度
由於我無報學術型學校(eg. 三私一直), 我覺得學海無涯, 學術, 盡力夠pass 1st round便可, 以下只係自己見解, 去到9月後面試高峰期,反而其他因素 (表達能力/個人對答/心理素質) 比學術重要
中英閱讀能力
-中文
到10/11月時
小朋友已經能閱讀簡單橋樑書（一頁幾句中文), 但我發現好幾間學校都只係考詞語(有d 會考部首/重組句子/配詞)同做下中文listening paper (可能因為唔係去學術型學校老師多數有讀題)
而家再諗如果重點式準備認中文認字呢part可以參考小一常用中文字, 做下小一中文閱讀理解熟下d 問法
-英文
可以睇到early chapter books (可能係ORT程度7+) , 讀到ort level 5 (一頁幾句) 已經基本pass 英文認讀果part, 英文認字一般比中文考得簡單, 起碼可以用下phonics 除咗佐敦女校 (final round 要讀大約100 words 文章再問關於文章geh 問題, 可能有深geh 生字被問解釋)
中英閱讀興趣係從小培養, 並非一時三刻可以谷起, 引起小朋友興趣係最重要, 認字工具書/認字卡
未必每個小朋友鐘意, 有時間可以花多少少心思將佢變成有趣遊戲玩更容易入腦, 例如認字卡可以做成射擊遊戲, 射到就讀出黎, 或者放曬字卡係地下, 一人踩一次, 輪住講 etc
-數學
20以內加減 /連續加/減/加減（文字及口述都要熟悉)
基本數字pattern (eg. 3,6,?,12), 少少乘/除數
概念(a+a=10, a=?), pattern logic (eg. a, b, c, a, b,?)
一般街外練習可以搵到, 題型主要靠面試班提供, 自己再去搵合適ex, 有時自己出題針對
某個topic 加固concept, 推介用合十法令小朋友記住10以內pattern
常識/情景題
-唔同物件比較/如果xxx你會點做
通常大路d 題目大家可以係bk或者上網揾到, 我唔係度多講,
教比較題首先要教單項特質係咩, 小朋友熟左再教兩種比較就易好多, 如果有時間，可以自制圖片或者畫出黎, label 下三樣特徴, eg. 飛機(天上飛/用護照/有空中小姐/去唔同國家etc), 簡單d 講係搵d 有趣啲方法叫小朋友記左佢, 每日幾分鐘,幾個月會見到有效果
情景題最好從日常生活入手, 得閒講d 俾小朋友聽, 例如等lift果陣可以問下小朋友
如果大人入左lift小朋友無跟入去要點做, 同埋點解咁做, 每次撘lift講一次, 小朋友會不知不覺記住左, 有效過坐係度成粒鐘同佢背答案
其實常識好睇家長平時有無意識融入常識係日常生活到, 如果本身屋企已經係呢種模式呢part就唔需要特別準備, 小朋友自然handle到, 但如果唔係就要外判或者自己花d 心思去”教”
睇到呢度, 大家係咪覺得準備過程好似係家長準備多過小朋友? 經常話考小九成睇家長就係咁解, 小朋友性格如何會受家庭環境影響, 我哋未必改變到佢性格但絕對可以改善!
一個正面教育環境可以更有效令小朋友吸收知識
看圖講故事 /找不同/找錯處 /表達能力訓練
講故事
以4格為例, 要講到時間/地點/人物/事情, 通常4張大約一分鐘講完, 每張只需要2-3句已經夠
通常有三款
講故事
找不同
俾兩張圖搵唔同之處, 通常搵唔難但講返出嚟就會變左一舊舊(呢個係黃色果個有帽 etc)
要叫小朋友集中講一幅,唔好講下左又講右, 重要係俾返d specific details, “左邊幅圖左上角有太陽但右邊幅圖無/左邊中間著裙geh 女仔有帽但右邊幅圖同一個女仔無”
找錯處
俾一幅圖叫小朋友搵唔合理地方
又係搵唔難但要表達到流暢要train下
一般我會叫小朋友講三句, 例如, 左下角個穿粉紅色裙女仔唔應該係公園亂拋垃圾, 因為咁樣會污染環境無公德心,佢應該拋去垃圾桶
坊間有好多故事圖卡選擇, 除咗參加面試故事班了解相關內容(小朋友無join 到), 亦可以自己買返黎train.
免費可以去參考TSA 小三口試, 俾錢用過奧x 教材覺得幾全面
如何提升小朋友自信心? 唔怕表達自己?
呢個又係要從小訓練, 非幾個月可以突飛猛進
主要我哋係從小俾佢有好多機會表達自己諗法, 例如睇繪本時已經會引導佢講下幅圖內容又大家互問題,平時佢無論做左d咩好小geh事(可能自己食到飯)會大讚一番, 佢講錯野唔會即ban而先讚好geh野再講可以改善geh地方, 一有機會就叫佢表演下樂器俾朋友親戚睇
疫情其間更加多左機會拍片俾佢show n tell (可以咩都得, 介紹下佢d畫作, 頭先玩咩玩具, 佢點樣洗手etc) 當然學校個interactive positive環境亦造就佢有自信一面
另外亦可以參加唔同課外活動/比賽增加social 層面, 講多啲野
聆聽指令
好多學校會有 listening (中英) 或玩遊戲(疫情關係好多取消左) 或聽指令完成唔同任務/作畫, 下面有幾款
每間學校問法唔同, 建議集中訓練target學校題型避免浪費多餘時間
圖書分享
有兩種
個人對答/家庭生活準備
呢part好考家長, 因為好少小朋友識講大話, 要小朋友講到你想佢講geh就最好身體力行, 例如想小朋友被問到放假時家人帶佢去做咩活動, 佢會答去圖書館, 你就最好定期帶佢去, 至少兩三個月去form 一個routine 習慣, 同理, 好多時家長有話我成日帶佢出去遊山玩水, 上山下海全港去曬, 但偏偏被問到時答唔出, 有可能太多種類
而活動後無同小朋友加深記憶, 佢一時之間諗唔起
但如果家庭活動係一個恆常routine, eg. sat 去library, sun 去唔同地方玩, sun night去探望婆婆etc, 小朋友會易記d, 其中一個加深小朋友印象方法可以叫佢畫返/寫返當日活動, 得閒拎出黎同佢睇下, 我自己就選擇print 相
整左個相冊, 相下面加返地點活動名稱, 有時間就睇下相簿傾下話記唔記得我哋weekend 會做d 咩arr, 好成功令佢不知不覺間記住左, 同一方法亦可以用係個人資料自我介紹, 平日時間表
多謝大家耐心睇完長文, 希望俾到資訊reference 從中有所得著
真係好有心，睇完會學到野！祝你囡囡繼續學業進步
jackeywesley 發表於 22-3-30 10:58
非常認同樓主, 我地都係上年考完小, 我地屋企個 approach 同樓主非常接近, 我地既小朋友亦獲得最心儀小學 o ...
mandymamama 發表於 22-3-31 14:22
多謝你無私地分享，我小朋友今年考小學，你既分享對我好有用
希望幫到你
| 歡迎光臨 教育王國 (/) | Powered by Discuz! X1.5 |
