教育王國
標題: host family 有什麽 house rules 要注意? [打印本頁]
作者: belomommy 時間: 22-3-10 01:06 標題: host family 有什麽 house rules 要注意?
小朋友自理能力較同齡差,會收拾,無手尾,又嘴刁,好驚會在 host family 家闖禍。連自己朋友都唔想做佢 guardian!
今個 Easter 第一次住 paid host family, 請問一般 host family 有什麼 house rules 要注意?想預先提定佢,唔想佢中途畀人趕走! 

作者: Poyau 時間: 22-3-10 02:12
belomommy 發表於 22-3-10 01:06 
小朋友自理能力較同齡差,會收拾,無手尾,又嘴刁,好驚會在 host family 家闖禍。連自己朋友都唔想做佢 ...
請問係宿舍情況如何

作者: summerhotel1 時間: 22-3-10 03:12
本帖最後由 summerhotel1 於 22-3-10 06:35 編輯
belomommy 發表於 22-3-10 01:06 
小朋友自理能力較同齡差,會收拾,無手尾,又嘴刁,好驚會在 host family 家闖禍。連自己朋友都唔想做佢 ...
雖然我唔知道你小朋友幾多歲 ( 我估大約 Year10) 如果你講你小朋友唔會收拾, 冇手尾, 又嘴刁, 我覺得你應該擔心及教導佢將來出到嚟社會工作嘅待人處事, 如果唔係只會得罪人多,稱呼人少。 至於佢喺host family嘅兩個星期, 就當係畀佢磨練一下, 換個角度諗, 撞下板都好嘅, 可能佢會反思一下。
作者: beastiebistro 時間: 22-3-10 04:08
本帖最後由 beastiebistro 於 22-3-10 04:13 編輯
回覆 belomommy 的帖子
趕走就唔會嘅,始終收咗你錢(可能下次唔收咁囉)。不過我諗最好互相尊重,主動同Homestay溝通,主動問吓使唔使幫手做嘢咁大家都好過啲。
我都係講嗰句,我認為最緊要同小朋友講去Homestay唔係去五星級酒店度假,而係要學同人一齊生活。
其實呢個係最好機會等佢學識自理。
作者: 幸福花海 時間: 22-3-10 06:58
belomommy 發表於 22-3-10 01:06 
小朋友自理能力較同齡差,會收拾,無手尾,又嘴刁,好驚會在 host family 家闖禍。連自己朋友都唔想做佢 ...
我兒子也是不會收拾,無手尾,又嘴刁,但住過好多次host family, 又無乜問題喎!最緊要有禮貌,專重人,聽指示,多溝通就得啦
作者: 已刪除用戶 時間: 22-3-10 10:42
提佢待人接物應有嘅態度,遇到唔滿意應該點表達,多 d 同人笑,say thank you。自理差,應該好多香港過去嘅小朋友自理都唔強。

作者: 1998Ruby1998 時間: 22-3-10 12:49
唔少都係對屋企人一個樣,但對外人另一個樣。
個個 host family 都有唔同 house rules,有啲係可能好自由,但有啲可能話要 12 點後 no wifi,要一齊朝早起身做 devotional 之類。住得 host family 都起碼 12、13 歲,叫仔仔諗下自己想點樣被人對待同留一個咩印象畀其他人。唔明唔識就問,一入屋就禮貌打招呼多謝接待多讚美多笑容,直接問有冇 house rules。
唔會趕你走,但下次未必肯接你姐。同仔仔講下呢一點,要做到人人見到都怕左你唔肯接待你,咁係咪佢想見到自己有呢一日。
作者: belomommy 時間: 22-3-10 21:05 標題: 回覆樓主:
會寫定要注意事項畀小朋友,並會每日提醒,希望佢收到。
佢話在學校 housemaster 無話過佢有問題,但朋友就覺得佢好麻煩,例如:
夜訓 (已改善)
夜洗澡 (已改善)
冼澡時間長
整濕地下無抹乾 (將會畀塊布佢看門口)
忘記関燈 (會貼 reminder 在燈制)
用很多厠紙 (會叫佢帶定兩盒紙巾)
執拾房間
房間垃圾桶滿咗無清 (會帶埋細垃圾袋放在房間,叫佢每日清)
偏食,不吃蔬菜
個喼好亂
網購送貨忘記預先通知auntie
會盡量提醒佢,但佢覺得是小事! 

作者: WUINE 時間: 22-3-11 00:49
盡量唔好食剩野,覺得食唔晒就叫auntie 比少啲,免得俾人話浪費食物
住寄宿家庭係小朋友嘅寶貴經驗
去到唔同家庭遵守唔同家庭嘅規矩
外國人唔會客氣,有乜做錯都會出聲,不過會有禮貌咁講
小朋友俾人投訴得幾次就會學識
差不多等於我哋大人出來社會做嘢,接受社會洗禮
作者: Taimum 時間: 22-3-14 22:09
belomommy 發表於 22-3-10 01:06 
小朋友自理能力較同齡差,會收拾,無手尾,又嘴刁,好驚會在 host family 家闖禍。連自己朋友都唔想做佢 ...
我覺得你不用擔心,去到陌生地方正常會 檢點啲,不過你都可以提下佢,食完餐具自己收拾、主動問下有無可以幫手,我仔之前住Host有幫手整理花園!

作者: wingc 時間: 22-3-15 06:57
我囡話佢哋會有朋友或親戚到訪,會叫佢出去打聲招呼,冲涼要開窗通風⋯⋯
歡迎光臨 教育王國 (/) |
Powered by Discuz! X1.5 |