教育王國

標題: 中一留唔留班 [打印本頁]

作者: 41009022009 時間: 22-3-8 14:58 標題: 中一留唔留班

小朋友升上中學後唔太適應。主科中英數合格。問題不大。因為科學。歷史。地理英文教英文考。呢3科唔合格令到级名次好後。班主任叫我考慮留班或者追回成績試升中二。留班或試升之後就離開英文班轉回中文班。
究竟留班好還是試升好。
如果中英數再重新讀過。小朋友識哂又無乜心機重讀。試升又擔心佢要追進度而吃力。好矛盾。

作者: cmir 時間: 22-3-8 15:18

仲有幾個月時間, 試吓努力D再決定。而且仲有3-4月暑假, 做定notes, 預習吓, 可能追到呢! 加油!!

作者: Gella77 時間: 22-3-8 15:22

純個人意見，只供參考(emoji)：試升，因為起碼主科合格，留班壓力比較大，科學、西史、地理三科中一相對以背為主，有可能考試前未背熟，轉返中文班都一樣可以努力追返，中三入返英文班！睇到身邊有唔少例子，有小朋友由精英班跌落非精英班，奕有小朋友由普通班到次精英班到精英班。最關鍵睇學習態度！

作者: 仔仔錫錫你 時間: 22-3-10 21:26

試升，唔得中2 才repeat 都唔遲，要追唔難，問題係有幾大決心

作者: Jessy 時間: 22-3-12 01:22

試升去中二中文班

作者: cyiuming 時間: 22-3-12 12:02

本帖最後由 cyiuming 於 22-3-12 12:12 編輯

回覆 41009022009 的帖子

咁真係要攪清楚小朋友真係未適應到還是轉左用英文影響到佢如果係未適應到果隻就叫佢早啲溫書唔好臨急抱佛腳
如果係英文問題就唯有轉中文
好似上面家長講成績追番都可以再轉番讀英文班

作者: fishballbaby 時間: 22-3-15 00:38 標題: 回覆樓主：

本帖最後由 fishballbaby 於 22-3-15 00:38 編輯

升中唔適應一啲都唔奇，因為跟以前小學唔同玩法，科目又大不同，阿囝中一時我都有跟功課，UT和考試有陪佢温，目的是等他知道如何去温習，温習都需要方向和技巧的。現在阿囝中二，我才放手比佢自己温習，見他可以handle到，現在我只是提他做好時間管理。

作者: 高達紅色 時間: 22-3-16 16:34

留班同試升都係返中文班，當然試升去番中文班試吓，因為當初入到英文班已經証明係同校中分班試比較好成績，而家落到去留班邊緣係差唔多全校最尾5% ，很大機會係因為用英文考其他科令到成績唔好，留班無咩意思，又唔係從新去英文班

作者: 王家爸爸 時間: 22-3-17 11:25

41009022009 發表於 22-3-8 14:58
小朋友升上中學後唔太適應。主科中英數合格。問題不大。因為科學。歷史。地理英文教英文考。呢3科唔合格令 ...

如果係科學、歷史、地理等用英文教、用英文考唔合格，首先需要知道係科目內容既問題，還是教學語言既問題。
如果純粹係教學語言既問題，轉中文班試升中二，可能係最好既決定。如果係咁，現在開始就應該熟悉各科既中文用字、術語。

歡迎光臨教育王國 (/)