教育王國
標題: 厚面皮咁問 而家發力仲趕唔趕得切？ [打印本頁]
作者: wizyii 時間: 22-3-1 14:09 標題: 厚面皮咁問 而家發力仲趕唔趕得切？
依家係F4 讀Band2尾Band3頭嘅學校，起學校成績暫時都係維持20-35，
但突然想發憤想認真讀書，目標係想考入國外嘅名牌大學，(我都知講出嚟真係笑死人),但認真想問有冇可能可以做到？
亦希望各位可以俾啲寶貴意見，點樣可以令到成績係大概兩年半入面加速向上升Thanks (emoji)(emoji)(emoji)(emoji)。
作者: dlam141231 時間: 22-3-1 14:51
確定目標是美國?
入名牌大學, 有這個可能.
但不是两年半, 是再加两年. 先入讀美國两年制的community college, 入學要求比正規大學低許多, 然後再努力取得好成績, 轉去四年制大學讀大三.
美國的州立大學, 被政府規定每年一定要接收某個數量社區學院轉來的學生, 眾所周知, 入UCLA, UC Berkeley這等公立名校, 大三從community college轉入, 遠比大一申請容易. 有心讀書, 善用這四年半時間, 這是我暫時想到較可行的方法.
作者: wizyii 時間: 22-3-1 15:14
dlam141231 發表於 22-3-1 14:51 
確定目標是美國?
入名牌大學, 有這個可能.
但不是两年半, 是再加两年. 先入讀美國两年制的community c ...
感謝你嘅意見(emoji)(emoji)
但想問下其實要幾時開始就應該報名海外嘅大學？兼且我見美國嗰啲都需要Sat/Act 呢啲又應該幾時去報名考呢？
作者: giver 時間: 22-3-2 02:30
回覆 wizyii 的帖子
如果英文基礎不錯，依家發力剛剛好！報美國中學吧，現在立刻報名，八月開學，兩年之後報大學。機會比 community college 好，但價錢一般較高，有經濟壓力嗎？
您可能會發覺，美國中學的學習模式更適合自己，好多學生都由 D 轉 A … 可是要著眼於英文程度，您自問如何？
另外，美國大學收生不只看成績，試講一吓您的嗜好？
作者: anitawong21 時間: 22-3-2 04:24
wizyii 發表於 22-3-1 14:09
依家係F4 讀Band2尾Band3頭嘅學校，起學校成績暫時都係維持20-35，
但突然想發憤想認真讀書，目標係想考入 ...
想短期內成績好，首先襯「暑假」溫返哂之前學咗D嘢先，有唔識就想辦法解決佢！平時上堂前要先備課，唔好等老師教完先溫，老師講書其實係澄清你嘅問題，同埋有備課的話，聽書會入腦D，有唔識就可以即刻問。仲有，習慣有唔識要即日解決，功課、測考要盡早預備，千祈唔好拖到最後一日先搞。
考試之前，收到syllabus 就要快D訂好溫習時間表，迫自己每日要完成指定目標。
同埋快D搞清楚你到底想去邊度留學先啦，又韓國又日本又星加坡又美國，度度要預備嘅嘢都唔同
作者: wizyii 時間: 22-3-2 10:49
giver 發表於 22-3-2 02:30
回覆 wizyii 的帖子
如果英文基礎不錯，依家發力剛剛好！報美國中學吧，現在立刻報名，八月開學，兩年之後 ...
本帖最後由 wizyii 於 22-3-2 10:49 編輯
英文基礎都算偏差:) ，美國升中學業上有冇特別嘅要求(除咗英文)？
普通家庭~ 平時鍾意運動+音樂 打波跑步跆拳道都有，音樂就鍾意彈琴。但唔係話特別出色。
作者: wizyii 時間: 22-3-2 10:58
anitawong21 發表於 22-3-2 04:24
想短期內成績好，首先襯「暑假」溫返哂之前學咗D嘢先，有唔識就想辦法解決佢！平時上堂前要先備課，唔好等 ...
好的Thanks ~其實計劃都有啲混亂唔知點算，咁多間大學原因係因為未知之後嘅能力可以去到幾多，就諗住揀多幾間唔同嘅學校。
作者: elo1616 時間: 22-3-2 13:45 標題: 回覆樓主:
等F6 開學叫學校出Predicted grade, 之後再揾大學比較實際
作者: beastiebistro 時間: 22-3-2 14:27
回覆 wizyii 的帖子
唔想打擊你嘅信心，不過我建議你現實啲去睇外國升頂級大學嘅問題。諗下其實你想讀咩科，將來想做咩職業，而唔係盲目咁想爭入海外名大學。而且你話英文唔係強項，咁基本競爭力已經低過好多其他香港／海內學生。
例如東京大學或者首爾國立大學咁，每年收好少外國學生，而且得好少好少學科係用全英文教授。咁就算俾你煲到入學成績，可以揀嘅學科少之又少，係咪你想讀嘅科呢？或者你只係想有名校光環，可以「威」俾人睇呢？
英美澳加嘅大學，可能學科方面比較多選擇。但係好老實咁講，美國頂尖大學唔只睇成績，亦睇長線全人發展。好多成績頂級學生，Y7已經開始準備，F5先至開始我認為直接考入嘅機會係接近零。而且報美國大學要逐間寫application essay，個過程甚至比讀書考試更繁複，時間投放要更多，唔係早幾年已經開始諗，好難做得好。想入非頂級但好少少嘅美國大學，或者可以好似有網友講經過community college途徑。不過都只限比較好嘅公立大學（因為學位數量多），私立大學好似長春藤／MIT／Stanford嗰類因為位少，收transfer嘅機會都好細。
我認為如果F5先發力，又想去海外升學，可能英國大學係最有機會嘅，因為英國學校主要都係睇成績行先。而且英國報大學經過UCAS有五個choice，除咗搏一兩間reach學校，都可以現實啲咁揀返三間普通大學，變咗有啲fall back。睇嚟似係你而家嘅situation最好嘅選擇，或者疊埋心水盡量考入香港三大。
當然有目標，發憤圖強係好。不過我就認為將目標唔實際咁set得太高都唔係好事。
作者: elo1616 時間: 22-3-2 20:18
beastiebistro 發表於 22-3-2 14:27
回覆 wizyii 的帖子
唔想打擊你嘅信心，不過我建議你現實啲去睇外國升頂級大學嘅問題。諗下其實你想讀咩科 ...
作者: wizyii 時間: 22-3-2 20:36
beastiebistro 發表於 22-3-2 14:27
回覆 wizyii 的帖子
唔想打擊你嘅信心，不過我建議你現實啲去睇外國升頂級大學嘅問題。諗下其實你想讀咩科 ...
非常感謝你嘅意見！I’ll give it a try~
作者: auguast 時間: 22-3-8 18:21
如果係美國嘅top u 機會真係好細 因為佢地唔單止睇成績 課外活動 比賽同essay都好重要 你要係呢兩年內保證dse高分 再加有outstanding嘅課外活動痛essay先有機會
個人認為aim英國會實際d 只需要高分（dse同entrance exam）然後personal statement同interview都唔好炒就ok
作者: wizyii 時間: 22-3-8 18:32
auguast 發表於 22-3-8 18:21
如果係美國嘅top u 機會真係好細 因為佢地唔單止睇成績 課外活動 比賽同essay都好重要 你要係呢兩年內保證d ...
其實而家疫情咁嚴重，課外活動根本就冇可能，剩低嘅只係成績..點算..
作者: auguast 時間: 22-3-8 18:42
回覆 wizyii 的帖子
可以報美國top大學嘅online summer program e.g. yygs launch x 不過大部分都已經過左deadline有一d pre college 應該仲未過deadline 價錢大概$30000+
趁住依家online lesson有多d時間可以試下自己initiate一d clubs
同埋你有無係學校join clubs？如果有嘅話儘量出年做到leader嘅position 因為美國睇重leadership同連貫性
等疫情無咁嚴重嗰陣，如果有connection可以去做下internship/ 跟大學教授做research 呢兩個活動對大學好有用
作者: wizyii 時間: 22-3-8 18:51
auguast 發表於 22-3-8 18:42
回覆 wizyii 的帖子
可以報美國top大學嘅online summer program e.g. yygs launch x 不過大部分都已經過左 ...
Ok ! Thanks !
作者: poonseelai 時間: 22-3-8 18:54
wizyii 發表於 22-3-8 18:32
其實而家疫情咁嚴重，課外活動根本就冇可能，剩低嘅只係成績..點算..
美國 top U, 唔係衹講參與課外活動，係透過組織活動顯示 leadership, 由中三 (12年制)就已經要開始做，大學會睇幾年校內成績和活動，你不如集中精力提高成績。
作者: barque 時間: 22-3-8 19:16
auguast 發表於 22-3-8 18:42
回覆 wizyii 的帖子
可以報美國top大學嘅online summer program e.g. yygs launch x 不過大部分都已經過左 ...
非常之同意，基本上以上提到的最好全部要做好。
作者: wizyii 時間: 22-3-8 19:42
poonseelai 發表於 22-3-8 18:54
美國 top U, 唔係衹講參與課外活動，係透過組織活動顯示 leadership, 由中三 (12年制)就已經要開始做，大 ...
Ok thank you suggestion!
作者: wizyii 時間: 22-3-8 19:43
barque 發表於 22-3-8 19:16
非常之同意，基本上以上提到的最好全部要做好。
Okay I will try thanks:)
作者: wizyii 時間: 22-3-8 19:45
poonseelai 發表於 22-3-8 18:54
美國 top U, 唔係衹講參與課外活動，係透過組織活動顯示 leadership, 由中三 (12年制)就已經要開始做，大 ...
即係佢哋會睇中三至中六嘅成績表？
作者: beastiebistro 時間: 22-3-8 20:11
回覆 wizyii 的帖子
好似我之前咁講，美國頂級大學唔「只睇」成績，係睇全人發展（重要係睇長線）。即係話佢哋會睇F2/3（甚至更早）嘅課外活動，同埋從呢啲課外活動引申表現嘅領袖特質。即係話要F2/3（甚至更早）開始投入一樣活動，持之以恆咁參與，繼而升上領袖地位。中五先開始，求其參與一年根本表現唔到對該項活動嘅passion。無呢啲課外嘢，就算你考試識飛，老實講都係無機會。
所以我之前已經全面分析咗，你嘅情況最有機會係英國大學。而且真係現實啲，唔好將目標set得太高。
作者: wizyii 時間: 22-3-8 21:02
beastiebistro 發表於 22-3-8 20:11
回覆 wizyii 的帖子
好似我之前咁講，美國頂級大學唔「只睇」成績，係睇全人發展（重要係睇長線）。即係話 ...
英國學費好似特別高。。普通家庭可唔可以去到？(因為我見美國好似都有資助嗰啲)
作者: barque 時間: 22-3-8 21:20
wizyii 發表於 22-3-8 21:02
英國學費好似特別高。。普通家庭可唔可以去到？(因為我見美國好似都有資助嗰啲)
...
美國有些大學會提供獎學金或資助給有需要的學生。機會是有的，但是應該唔易拿到。
作者: beastiebistro 時間: 22-3-8 21:46
本帖最後由 beastiebistro 於 22-3-8 21:52 編輯
回覆 wizyii 的帖子
美國頂級大學已經唔再提供merit scholarship，即係唔會再因為成績提供獎學金，反而係提供助學金俾有經濟需要嘅學生。海外學生能夠qualify for助學金少之又少，前提係學校覺得有好大原因必須要收你（通常係運動特異技能人士）。一般如果只係成績優異，基本上係唔會有機會。
反而一啲次一級嘅美國大學，因為想要好學生，重有某程度上嘅「獎」學金。
所以，我又講一次。現實啲，唔好盲目將目標set喺最高。真係想去美國讀大學，留意一啲有獎學金嘅二綫大學啦。
至於英國大學，一般都係傾向助學多過獎學。不過英國大學較美國大學廉宜，而且香港都有幾個獎學金計劃係可以幫到香港學生去海外讀書嘅。
作者: wizyii 時間: 22-3-8 23:07
beastiebistro 發表於 22-3-8 21:46
回覆 wizyii 的帖子
美國頂級大學已經唔再提供merit scholarship，即係唔會再因為成績提供獎學金，反而係 ...
Okk.. 唔該曬你
作者: culver 時間: 22-3-9 08:14
wizyii 發表於 22-3-8 21:02
英國學費好似特別高。。普通家庭可唔可以去到？(因為我見美國好似都有資助嗰啲)
...
美國本土學生都越來越多因為申請唔到 merit base scholarships 而要放棄 dream school, 國際生更不用想了
作者: wizyii 時間: 22-3-9 08:18
culver 發表於 22-3-9 08:14
美國本土學生都越來越多因為申請唔到 merit base scholarships 而要放棄 dream school, 國際生更不用想了
...
Okk..
作者: piyohk 時間: 22-3-9 11:24
wizyii 發表於 22-3-1 14:09
依家係F4 讀Band2尾Band3頭嘅學校，起學校成績暫時都係維持20-35，
但突然想發憤想認真讀書，目標係想考入 ...
本帖最後由 piyohk 於 22-3-9 11:27 編輯
可能性：有
方法：(小學老師已經教咗）努力讀書，但執行方案就要問你自己
你所問嘅東大/新加坡大學/英美大學/首爾大學，世界排名比香港嘅大學還要高⋯咁，你預備「毅力」「努力」「方法」讀好書由Band 2C 前列位置追上校內全級第一，再追過Band 2B⋯2A⋯1C ⋯1B ⋯ 1A 級頭同學們的付出和成績。
另外，世界名牌學府不會只睇香港學校banding，只要交到(它門的)成績/入學要求，它們也會收香港學生。
至於獎學金，我知嘅例子有限⋯澳洲8大之一，GPA過4.0。
作者: auguast 時間: 22-3-9 12:06
回覆 wizyii 的帖子
係 grade 9-11 嘅transcript 同dse predicted grade
作者: auguast 時間: 22-3-9 12:11
回覆 wizyii 的帖子
美國應該會比英國貴 係兩個都申請唔到獎學金嘅情況下 美國私立大學嘅學費會比英國嘅貴 再加上英國大學得3年 美國係4年 淨係生活費美國都貴過英國（除非你話去一地好偏遠嘅地方）
作者: culver 時間: 22-3-9 13:49
以下數字，search 吓心儀學校 “international students” 就會找到。留意英國讀三年，美國讀四年
Cost per academic year including tuition fee, hall, food, transport, insurance etc
UK
eg UCL
£41580
Around HKD 436590
US
eg UCLA
USD 68474
Around HKD 534097
作者: Momobaba012 時間: 22-3-9 13:54
美國名牌大學，本地生全部A, SAT滿分，加好多課外活動都未必入到。
作者: wizyii 時間: 22-3-9 15:47
Ok 多謝咁多位提供嘅意見 thx
作者: piyohk 時間: 22-3-9 15:50
culver 發表於 22-3-9 13:49
以下數字，search 吓心儀學校 “international students” 就會找到。留意英國讀三年，美國讀四年
Cost pe ...
醫科⋯4+3年嘅學費+生活費
作者: 王家爸爸 時間: 22-3-10 09:15
wizyii 發表於 22-3-1 14:09
依家係F4 讀Band2尾Band3頭嘅學校，起學校成績暫時都係維持20-35，
但突然想發憤想認真讀書，目標係想考入 ...
首先要知道，任何事情都有可能性，問題係可能性有幾高，同埋你有幾大決心去達成目標。
第二要知道食飯是一啖一啖食既，唔可能只食令你飽既最後一啖，而唔食之前嗰啲。想達成目標，你需要設立milestones，現在離DSE只有2年多一啲既時間，每個學期定一個milestone，一步一步完成。
第三，如果依家讀緊Band2尾Band3頭學校嘅F4，成績維持喺20-35，所以第一個目標會係喺F4期末考試攞到第一名，然後轉去一間Band2頭學校。
第四，去到間Band2頭學校，你F5上學期可能只係中游，然後期望下學期可能只係上游。
第五，去到F6，其實得半年讀，你F6上學期既目標就係喺間Band2頭學校，攞到第一名。
如果有決心按步就班，只要決心足夠，目標唔係無可能達成。
作者: wizyii 時間: 22-3-10 11:16
王家爸爸 發表於 22-3-10 09:15
前面已經有唔少人講咗啲鼓勵既說話，所以鼓勵既說話我就唔講喇，我集中幫你拉回地面，睇下點樣解決問題。
...
But F5先轉校其實係咪真係有可能:)
我見好多去到F4就轉唔到..
作者: wizyii 時間: 22-3-10 11:20
王家爸爸 發表於 22-3-10 09:15
前面已經有唔少人講咗啲鼓勵既說話，所以鼓勵既說話我就唔講喇，我集中幫你拉回地面，睇下點樣解決問題。
...
唔轉校係咪就冇機會:)
作者: 王家爸爸 時間: 22-3-10 11:44
wizyii 發表於 22-3-10 11:20
唔轉校係咪就冇機會:)
作者: 王家爸爸 時間: 22-3-10 11:49
wizyii 發表於 22-3-10 11:16
But F5先轉校其實係咪真係有可能:)
我見好多去到F4就轉唔到..
作者: beastiebistro 時間: 22-3-10 11:51
回覆 wizyii 的帖子
我諗轉唔轉校同有冇機會無直接關係。你報外國大學最後都要睇DSE成績，你有信心留校都考得好都無問題。
最重要嘅問題係報外國大學需要好多學校嘅支援包括寫reference，咁如果你而家嘅學校無做開，可能唔識幫或者做得唔夠好。（唔係貶你學校，不過現實上可能比較少畢業生去外國名大學讀書）。
作者: wizyii 時間: 22-3-10 12:34
王家爸爸 發表於 22-3-10 11:49
F5轉校唔係難唔難既問題，係成績好唔好既問題。轉唔轉到校，其實只睇成績夠唔夠好。F4轉唔到校既，100％都 ...
Okok
作者: wizyii 時間: 22-3-10 12:42
beastiebistro 發表於 22-3-10 11:51
回覆 wizyii 的帖子
我諗轉唔轉校同有冇機會無直接關係。你報外國大學最後都要睇DSE成績，你有信心留校都 ...
Ok thanks ~~
作者: ckh689 時間: 22-3-11 02:56
本帖最後由 ckh689 於 22-3-13 05:23 編輯
個人認為你而家毋須考慮轉校，因為時間上較為緊逼，但你至少要有齊以下各項才有優勢:
1. 提升校內成績至top 5%，及成績表上全A/B (或不能有C)及
2. 考取優異公開試(SAT/ACT)成績及
3. 課外活動不能只是參與，而是要表現出領袖能力(leadership，例如club president, committees 等)或才華(talent，例如公開比賽奬項)，或非常投入嘅義工服務及
4. 一篇非常突出嘅 personal statement 及
5. 兩個好有力嘅recommendations
毋須轉校係因為美國咁大，每個州嘅學生水平都唔同，所以PSAT才會每個州嘅 cutoff score 唔同。大學嘅 admission officers 通常只會將你同你身邊學生比較，所以只要校內成績至少達 top 5% 加上優異公開試成績已足夠。
如不能在短時間內達標，先讀 community college 也是不錯的選擇，當然兩年後也需要有良好成績才可以銜接上大學。
更新：
1. DSE
細心研究過美國大學報考時間，以至公佈收生結果後，香港仍未開始考DSE，所以你如果有心報美國大學，可以先主力美國公開試，但有機會大學嘅 conditional offer 會要求DSE成績，因此之後仍然要努力考DSE，即使美國大學唔收，仍可以報香港嘅大學。
2. recommendations
大學通常還要求至少兩個recommendations，一個通常指定係學校counselor (唔知香港中學有冇呢個position)，另一個通常係老師 (如冇指定係老師，校長可能更好) ，所以你要爭取機會同可能幫你寫recommendation 嘅人接觸多啲，留下好印象。
作者: wizyii 時間: 22-3-11 07:39
ckh689 發表於 22-3-11 02:56
個人認為你而家毋須考慮轉校，因為時間上較為緊逼，但你至少要有齊以下各項才有優勢:
1. 提升校內成績至top ...
好的~咁想問下你會建議幾時考Sat/Act比較理想呢？
作者: ckh689 時間: 22-3-11 10:14
本帖最後由 ckh689 於 22-6-23 20:15 編輯
你現在讀 F.4 相等如美國10年級，大學RD約於12年級年底，或最遲1月初截止 。如果你想報ED/EA就要更早，視乎個別大學而定，最好將最遲考試預定响10月頭，但SAT/ACT唔係每個月都有得考，尤其是暑假或剛開學，可能只有一兩次，所以你SAT/ACT 考試時間安排最好係:
第一次 - F.5(Grade 11)上學期尾/下學期初
第二次 - F.5(Grade 11)下學期中/暑假(如有)
第三次 - F.6(Grade 12) 10月前若只報RD，大學截止報考日期會較後，可自行調動時間或增加次數。
如果第一次已經成績理想，不一定要考多於一次，但有啲大學會採用score choice 或superscore，所以很多學生會多考一次搏成績有進步。
作者: ckh689 時間: 22-3-11 10:44
另外建議你最初應該SAT同ACT各考一次，雖然可能會好辛苦，但兩個考試出題形式有啲唔同，有啲人會考其中一個試較高分，你考完第一次就會知道邊一個考試較為適合你，之後只攻嗰一個考試就可以了。
作者: wizyii 時間: 22-3-11 11:31
ckh689 發表於 22-3-11 10:44
另外建議你最初應該SAT同ACT各考一次，雖然可能會好辛苦，但兩個考試出題形式有啲唔同，有啲人會考其中一個 ...
好 感謝你嘅意見。
作者: giver 時間: 22-3-12 23:53
wow 您十分好運，有咁多前輩幫手分析！係時候反思吓啦：
1. 您最想將來在哪兒生活？（青年期）
2. 您夢想的未來生活是怎樣？ 您喜歡些什麼？
3. 家人實在願意負擔的升學費用？（共識）
4. 為什麼想讀醫科丶化學？（有幾想？）
5. 是否在名牌大學畢業，真的重要嗎？
6. 自小成績就未如理想？ 有哪些原因？
7. 您近日已經加倍努力了，效果如何？
8. 由今天開始，會想到用更多的方法，再加倍努力嗎？
希望您真誠丶詳細分享，謝謝！
作者: wizyii 時間: 22-3-13 09:09
giver 發表於 22-3-12 23:53
wow 您十分好運，有咁多前輩幫手分析！係時候反思吓啦：
1. 您最想將來在哪兒生活？（青年期）
2. 您夢想 ...
首先非常感謝大家嘅意見。
1. 加拿大
2.
充實，有效率地生活。如果係講平時嘅日常，我鐘意做運動(大部分都玩),音樂(彈琴，唱歌，爵士鼓..)，只要係音樂方面都有興趣，同埋特別鐘意對住數學..
3.
同屋企人關係唔係太好。但之前有試過開聲講過想去留學，佢哋話我真係有能力就會比我去，但我認為機會率係40%
4.
其實中三揀科個陣只是對化學同生化較感興趣（並覺得出路較好)仲未話好有志向想升大學讀化學、醫科，而夢想一直都係想做運動員/音樂人。
至於點解想讀我諗真正嘅原因係中三暑假嘅時候，睇咗一套韓劇叫Doctor ，並激發左我想做精神科醫生嘅想法！！突然覺得醫學好有趣..但未至於話係夢想工作嘅第一位。但係有想成為醫生嘅衝動，直至去到中四開學真係對住chem bio 時，發現比想像中難好多好多，而導致測驗由第一第二合格，之後嘅成績冇再合格過，分數一直喺度跌，甚至連第一次考試兩科都唔合格。
加上疫情令到無力感好重。日日見到咁多人確診，見到啲醫護人員真係好慘，有時都真係好想去幫佢哋。
而依家一直online lesson,咁我自己平時都鐘意上下YouTube 睇下人哋嘅生活volg(學生嚟),並見到人哋生活好充實，又勤力温書，呢個亦都係再次激勵我嘅原因之一。
化學係因為平時做實驗，覺得好玩，對研究之類都有興趣，可能呢個就係原因？:)
雖然話係夢想，但我認為50%都係為咗生活好啲為咗錢。由細到大都比屋企人叫認真讀書睇時做醫生、比較高收入嘅工作…，我有講過我想做運動員 ,但佢哋覺得唔實際，好多運動員過唔到35歲就退役，話點解我有能力唔好好去讀書？(btw幸好自己對醫學化學都有興趣，所以就成為左入大學想讀嘅科。)
作者: wizyii 時間: 22-3-13 09:20
giver 發表於 22-3-12 23:53
wow 您十分好運，有咁多前輩幫手分析！係時候反思吓啦：
1. 您最想將來在哪兒生活？（青年期）
2. 您夢想 ...
5. 雖然我認為讀得開心即係最重要，但由細到大我經常性俾人踩低，貶低，甚至係屋企人、所謂嘅親人。但我覺得自己係嗰啲死唔認輸，就要令到自己變好去封住人哋把口，雖然我唔會特別care人哋講咩，但成就呢方面真係唔想輸俾人，因此想一直推自己向上提升，而名牌大學可以話係我夢想之一。
6.小學成績好差，極差，加上讀得好唔開心，可能係因為未識諗掛。直至升到上中學，可能係因為我哋學校嘅學生能力冇咁好，我第一次考試就考咗全級24名，瞬間令我有返少少信心，先令到我對讀書有返啲希望。
作者: wizyii 時間: 22-3-13 09:33
giver 發表於 22-3-12 23:53
wow 您十分好運，有咁多前輩幫手分析！係時候反思吓啦：
1. 您最想將來在哪兒生活？（青年期）
2. 您夢想 ...
7. 可能啲嘢積得有啲多，搞到追有啲辛苦。但還可以接受的，發現自己可以慢慢提升。
8.由以前最早可能10.起身(假期)，直到而家keep住早啲7.30起身，感覺自己嘅時間真係多咗好多，可以做更多嘢。亦都由以前唔抄筆記，開始寫，keep住將每日教嘅嘢重溫，考試同測驗都提前準備，睇多啲書。以上都令我覺得自己開始進步緊，可能進步嘅時間有啲慢，但我認為用最舒服嘅方法，先可以養成一個習慣，持久，再慢慢提升目標。
*文法，觀念可能都有問題，希望各位多多包涵，指導謝謝:)
作者: Radiomama 時間: 22-3-13 09:53 標題: 回覆樓主：
本帖最後由 Radiomama 於 22-3-13 12:24 編輯
睇完你嘅情況，我諗起另一位認識的小朋友，佢最後：
1）中五下學期過咗加拿大插Y10
2) 在加拿大完成高中，由香港band 3學生（在校內已是top 10), 到在加拿大追到中上水平
4）入加拿大的大學，不是UoT, 但是一所up and coming 的大學
5）依家已經讀緊Master, 一邊在Big Four做會計工作
6）會留在加拿大生活
這年輕人資質聰明、做人處事態度成熟，開竅後得到以上的成績，對他來說其實仍不是講咁易；付出好多努力。
希望你明白，要改變現狀，不是睇電視劇咁易；況且醫科在美加是要second degree才讀的，對國際生的限制也好多。
作者: wizyii 時間: 22-3-13 10:28
Radiomama 發表於 22-3-13 09:53
睇完你嘅情況，我諗起另一位認識的小朋友，佢最後：
1）中五下學期過咗加拿大插Y10
2) 在加拿大完成高中， ...
嗯嗯 好的感謝您~
作者: beastiebistro 時間: 22-3-13 11:32
回覆 wizyii 的帖子
所以一開始（#9樓）我已經話要現實啲睇問題。
首先就係忘記必須要入名大學，因為好明顯你係想有名大學嘅光環嚟威俾人睇，而唔係因為你已經諗清楚想去邊讀邊科而揾最適合嘅大學。
如果你嘅目標係過好生活，任何二三線大學只要畀心機讀，出嚟都有機會揾到好工過得好。喺你現時講嘅情形下，係比較合理嘅目標。以你目前情況，我認為更合理嘅係aim for香港三大（或者其他五間），本科盡量讀得最好，然後再去外國讀master（咁真係有少少機會入名大學）。
不過讀邊間大學都唔係問題，最重要係盡快揾出你將來想做嘅公作，反推大學應該讀咩科。或者退而求其次，起碼決定大學想讀咩科，然後研究邊啲大學係適合嘅（而唔係求其想揾間名大學入咗先算）。以你而家嘅心態，莫講話美國大學無機會，連英國大學嘅personal statement都唔會寫得好。
再講一次唔係要打擊你信心，不過不切實際咁亂set target，到頭來會頭頭都唔到岸。而家F4已經無乜時間剩，唔好再將夢想當係現實。努力考好DSE入香港嘅大學啦，祝好運。
作者: Yanamami 時間: 22-3-13 11:43
本帖最後由 Yanamami 於 22-3-13 11:44 編輯
wizyii 發表於 22-3-13 09:09
首先非常感謝大家嘅意見。
1. 加拿大
考慮護士囉。Set reasonable target 係最重要。
作者: 王家爸爸 時間: 22-3-15 08:15
Yanamami 發表於 22-3-13 11:43
考慮護士囉。Set reasonable target 係最重要。
作者: 王家爸爸 時間: 22-3-15 08:18
Aim higher 係有道理既，因為只有你 aim higher，先有可能 hit the mark。
| 歡迎光臨 教育王國 (/) |
Powered by Discuz! X1.5 |