教育王國
標題: 就快升中三，可以點進補成績？ [打印本頁]
作者: melodyx 時間: 22-2-28 14:44 標題: 就快升中三，可以點進補成績？
就快升中三，可以點進補成績？目標係揀到理科，之後會繼續補到考DSE。
想全科補，普遍係去補習社定係請補習老師上門呢？
補理科專科，又會有甚麼選擇？
作者: gigayan 時間: 22-3-1 15:46
melodyx 發表於 22-2-28 14:44 
就快升中三，可以點進補成績？目標係揀到理科，之後會繼續補到考DSE。
想全科補，普遍係去補習社定係請補 ...
作者: melodyx 時間: 22-3-1 17:58
gigayan 發表於 22-3-1 15:46
都未開始讀已經諗住全科補到DSE, 請教下點解要揀理科?
暫定係全科，佢想揀理科
作者: mcl203 時間: 22-3-1 18:12
melodyx 發表於 22-2-28 14:44
就快升中三，可以點進補成績？目標係揀到理科，之後會繼續補到考DSE。
想全科補，普遍係去補習社定係請補 ...
補習社嘅中三IS班係包括PhyChemBio ~~~
作者: cyiuming 時間: 22-3-1 21:22
melodyx 發表於 22-3-1 17:58
暫定係全科，佢想揀理科
數學好不妨考慮M1／M2
作者: melodyx 時間: 22-3-1 21:40
cyiuming 發表於 22-3-1 21:22
但真係唔一定全揀理Econ／M1又如何？
數學好不妨考慮M1／M2
都可，睇下佢中三成績再最終決定揀邊科。
想搵定補習資料，到時佢有需要就可即刻起行 
作者: melodyx 時間: 22-3-1 21:45
mcl203 發表於 22-3-1 18:12
補習社嘅中三IS班係包括PhyChemBio ~~~
咁幾好喎，係平時有功課班嗰啲補習社嗎？
作者: 王家爸爸 時間: 22-3-2 17:15
gigayan 發表於 22-3-1 15:46
都未開始讀已經諗住全科補到DSE, 請教下點解要揀理科?
作者: 天外之人 時間: 22-3-2 17:16
先睇下小朋友鐘唔鐘意讀先,而已若成績唔理想,你想揀都未必有機會入.
作者: melodyx 時間: 22-3-5 14:40
天外之人 發表於 22-3-2 17:16
先睇下小朋友鐘唔鐘意讀先,而已若成績唔理想,你想揀都未必有機會入.
佢係鍾意理科的，英文 & Science成績比較好，本身係自行階段入，理應有能力排前D，可能疫情zoom心散，現在只中游成績，所以想中三補習幫助。
點解想補全科，一來希望中三成績全科都好睇啲，二來係因為我啱啱離咗婚，疫情後要盡快回復全職工作，如果外面有啲全科高中補習，咁佢放學直接去，做埋功課補埋習，我放工佢又補完，完成好功課，覺得咁樣效率會高啲。
如果升中四後，佢handle到，就唔使補，如果某科需要幫助，可專科補(呢個容易搵資料，所以無特別出post問)，如果想全科或做功課有人問吓，我就唔知普遍補習社有無？由於疫情關係，可能要等附近補習社開返先去問，想看看各位家長有沒有經驗分享或提議
作者: mcl203 時間: 22-3-5 19:50
melodyx 發表於 22-3-5 14:40
佢係鍾意理科的，英文 & Science成績比較好，本身係自行階段入，理應有能力排前D，可能疫情zoom心散，現在 ...
中學似乎唔多覺有功課班，或者只係自己見識唔多，亦無咁嘅需要。基本上係按需要去補不同科目。補5科已經用咗5日嘅時間，要逐科逐科報，甚或不同補習社，位於不同地區，同小學模式會好唔同。功課就真係要靠自己，或者同學間嘅支援～～～
作者: melodyx 時間: 22-3-5 21:03
mcl203 發表於 22-3-5 19:50
中學似乎唔多覺有功課班，或者只係自己見識唔多，亦無咁嘅需要。基本上係按需要去補不同科目。補5科已經用 ...
謝謝分享 
作者: 7-seven 時間: 22-3-6 15:27
我估可以去學校及屋企周邊商場轉轉，曾見有D補習社會公佈xx中學部分優秀學生成績次第，照理會熟悉間學校進度（程度）。也許揀補習社是個不斷試錯嘅過程，Good luck!
作者: 王家爸爸 時間: 22-3-6 20:55
melodyx 發表於 22-3-5 14:40
佢係鍾意理科的，英文 & Science成績比較好，本身係自行階段入，理應有能力排前D，可能疫情zoom心散，現在 ...
反正疫情之下小朋友都無野做，不如叫佢煲返幾套英劇、美劇，一來當娛樂，二來當學英文。揀啱劇仲可以學埋理科，例如睇Breaking Bad學下化學概念。如果唔想俾錢，就去YOUTUBE睇discovery channel之類，學下科學概念。
作者: melodyx 時間: 22-3-7 08:41
7-seven 發表於 22-3-6 15:27
我估可以去學校及屋企周邊商場轉轉，曾見有D補習社會公佈xx中學部分優秀學生成績次第，照理會熟悉間學校進 ...
謝謝分享
作者: melodyx 時間: 22-3-7 08:58
王家爸爸 發表於 22-3-6 20:55
如果鍾意理科同英文，而呢兩方面成績亦比較好，其實如果處理得好，疫情唔會影響小朋友，反而全科補習未必真 ...
平時有睇明珠台啲劇&節目，e.g. Supergirl, The Flash, Marvel movies, MythBusters, MasterChef, etc.
Netflix上年暑假開始join咗，嚟緊的提早暑假好有用
家長提議的，嚟緊一放假會找來同佢一齊睇，謝謝分享
作者: 天外之人 時間: 22-3-8 17:49
回覆 melodyx 的帖子
原來係單親家庭,咁真係更加辛苦啲,小朋友跟著你生性就好.中學真係好鬼忙,所以點解小學基礎攪唔好,中學會讀得好辛苦.如果小朋友讀得本身都OK,唔好比太多壓力佢,先同佢傾下想唔想補習,唔想你夾硬黎衹會反效果,想補要補咩科,你多啲關心下佢,令佢感覺家庭溫暖,學習都開心啲輕鬆啲仲好. 的確而家ZOOM教學係唔好,我都感覺我小朋友都因此影響咗啲,踏入中四出來成績都有一科次科唔合格,都同佢商討要唔要補習(由頭到尾都冇補過),但佢都講應付到(且同老師傾過呢個係高中轉換期),所以我都放心讓她自己解決,現在我最頭痛既係佢晚上訓覺時間真係少咗好多,我最希望儘快正常面授教學,如果唔係真係少咗實驗性既課堂,咁就真係大影響.
幾天前還同佢一起睇”中國詩詞大會”,真係嘆為觀止,好彩小朋友都識,都明白那些詩句意思.所以陪得多都知道小朋友能力多少.
作者: sleepy.head 時間: 22-3-8 18:42
我仔都係而家中二，英數理無補習但呢3科都考級1的。其實如果本身英同science 唔差，唔需要特別嘥錢補。我見仔平時都係以興趣行先，會喺YouTube 睇Kurzgesagt - In a Nut shell, Veritasium, 3blue1brown 呢3個science channel. 話好睇同幾informative.
作者: amy997 時間: 22-3-26 22:40
回覆 gigayan 的帖子
當明白大學收生 遊戲規則 就會明白
作者: gigayan 時間: 22-3-27 12:16
amy997 發表於 22-3-26 22:40
回覆 gigayan 的帖子
當明白大學收生 遊戲規則 就會明白
請教未讀理科就已經諗住全科補，與大學收生遊戲規則有何相連關係呢？
作者: mcl203 時間: 22-3-27 14:41
初中嘅IS為高中嘅理科舖路，高中嘅理科為大學舖路，就係咁簡單。高中嘅選修科，咪就係大學某些學科嘅報讀條件，中學無修就係無修～～～
作者: gigayan 時間: 22-3-28 12:51
本帖最後由 gigayan 於 22-3-28 12:54 編輯
未讀高中就諗住全補，咁DSE真係簡單啲努力搵補習，好好為升大學舖路了。
作者: mcl203 時間: 22-3-28 14:06
如果對選科要確認適合性，去補習有幾奇怪，又只係有啲家長緊張到只係把口話放讀，實情中一二已經活躍於補場，認與唔認嘅分別，除非係私補唔現身補場。不過，各自衡量需要性～～～
作者: gigayan 時間: 22-3-28 14:34
一星期有7日, 一日補一科可以補足7科, 剛剛好3C+1A+3X
最重要科科5**再拎埋個A 
作者: melodyx 時間: 22-3-28 14:58
gigayan 發表於 22-3-28 12:51
未讀高中就諗住全補，咁DSE真係簡單啲努力搵補習，好好為升大學舖路了。
...
按需要啦，唔一定全部人都合適或需要
作者: melodyx 時間: 22-3-28 15:06
gigayan 發表於 22-3-28 14:34
一星期有7日, 一日補一科可以補足7科, 剛剛好3C+1A+3X
最重要科科5**再拎埋個A ...
咁list出嚟，我都覺吃力 
可能我出題唔貼切，其實我需要嘅全科補習係想類似功課班，純粹想比較被動嘅子女放學有個地方可以專心做功課溫習，有個老師可以問吓功課etc，咁樣已經幫到佢好多 
星期六日唔想補習，想family day
作者: gigayan 時間: 22-3-28 15:26
melodyx 發表於 22-3-28 15:06
咁list出嚟，我都覺吃力
可能我出題唔貼切，其實我需要嘅全科補習係想類似功課班，純粹想比較被 ...
我不敢認同, 係個種寧願補到個小朋友"好似"讀到理科嘅家長, 理由是為大學選科舖路, um....... 其實入大學的人都唔係個個讀理科嘅。 
作者: nillnill 時間: 22-3-28 16:19
好奇一問：
是否好多中學中三都有Econ讀？
作者: kirstyau 時間: 22-3-29 00:08
melodyx 發表於 22-2-28 14:44
就快升中三，可以點進補成績？目標係揀到理科，之後會繼續補到考DSE。
想全科補，普遍係去補習社定係請補 ...
自己覺得初中，最多補core，尤其我女中文弱要補底，但選修科就唔會補，弱既將來唔會選，好現實唔想浪費金錢投資 ，會選既理應係強科冇理由甘快要補。除非弱科 弱到會拉低總成績選唔到心儀科，就搵個大學姐姐/哥哥專科專補補底。
作者: chitchit0520 時間: 22-3-29 10:48
提示: 作者被禁止或刪除 內容自動屏蔽
作者: mcl203 時間: 22-3-29 11:22
kirstyau 發表於 22-3-29 00:08
自己覺得初中，最多補core，尤其我女中文弱要補底，但選修科就唔會補，弱既將來唔會選，好現實唔想浪費金 ...
你呢個想法，咪就係某些家長唔肯講嘅其中一個原因，堅持自己子女係放讀囉。況且樓主嘅囝囝係升中三，似乎亦係討論中三～～～
我嘅想法係近似近來不停力推嘅Taste 概念，初中去Taste，甚至Junior Taste，概念就係令自己可以有初步認識，從而令自己可能有清晰嘅選擇，去肯定自己嘅去向～～～
從年輕人嘅成長路，佢有同學上中四不久即刻申情轉科，亦有同學自降回中四重新選科，始終升中四不少學生係人云亦云，或只睇中三嘅分數去認為自己適合高中修讀。係現今升學路係計分，係大家都係揀餸食飯，務求做到自己能力可及，去肯定自己嘅認為去補習班，亦係方法之一～～～
所以每個人唔同，選自己舒服嘅選擇～～～
作者: kirstyau 時間: 22-3-29 11:40
mcl203 發表於 22-3-29 11:22
你呢個想法，咪就係某些家長唔肯講嘅其中一個原因，堅持自己子女係放讀囉。況且樓主嘅囝囝係升中三，似乎 ...
本帖最後由 kirstyau 於 22-3-29 11:48 編輯
中三係我角度大概應該已經知道強弱科，所以咪有我之前講既想法。唔會修補黎做乜（好現實冇錢冇時間），強高中先補都未遲。唔明咩家長唔肯講？！講咩？其實個科唔強補到強？！
甘我大女初中大概睇到強弱科，加上佢好明確知唔鍾意咩，佢剔除法選科
當然如果弱去到影響選科都要補底啦！
我D慳得就慳，弱科唔影響選科就算。
作者: mcl203 時間: 22-3-29 11:48
kirstyau 發表於 22-3-29 11:40
本帖最後由 kirstyau 於 22-3-29 11:41 編輯
中三係我角度大概應該已經知道強弱科，所以咪有我之前講既 ...
咪講咗中3出現嘅強弱，可能係虛嘅假象，一上中4就知結果，我分享嘅2位同學仔正是如此。當然某些達3唔難嘅支持者係未必認同，達3或求5已經係2種行為～～～
作者: kirstyau 時間: 22-3-29 11:50
mcl203 發表於 22-3-29 11:48
咪講咗中3出現嘅強弱，可能係虛嘅假象，一上中4就知結果，我分享嘅2位同學仔正是如此。當然某些達3唔難嘅 ...
勉強無幸福 
作者: gigayan 時間: 22-3-29 15:09
本帖最後由 gigayan 於 22-3-29 15:24 編輯
kirstyau 發表於 22-3-29 11:40
本帖最後由 kirstyau 於 22-3-29 11:48 編輯
中三係我角度大概應該已經知道強弱科，所以咪有我之前講既 ...
從來都唔抗拒補習, 但就係應該分清自己強弱, 睇清自己形勢, 合理補習。
樣樣補, 為的就係「可能」佢高中讀到理科呢, 又或者補到佢「好似」讀到理科, 到時大學就可以咩都揀得啦..... 唔係唔得, 有錢有時間公子小姐又肯, 咁咪博下囉........
| 歡迎光臨 教育王國 (/) |
Powered by Discuz! X1.5 |