教育王國
標題: 選科請教, [打印本頁]
作者: 細細粒媽咪 時間: 22-1-30 14:45 標題: 選科請教,
有點長， 請大家分享經驗.
呀女中三， 2月尾就要選科， 佢自己根據自己一定唔會選既科， 用刪除法後， 得出最後科目如下，學校3X, 另補充呀女暫時對大學沒有邊科特別想讀， 自己都未有方向， 對大學讀咩課程仍然未有方向：
geography 一定選， 因為佢喜歡地理教既內容， 所以佢自己話一定選這科.
剩餘， phy, bafs, bio.3選2，佢對這3科沒咩特別鍾意同特別唔鍾意， 所以會在這3科中選2科， 想睇下大家意見：
Phy
好處， 感覺比起bio, 投放時間好似沒咁多， 同易攞高分過bio， 同這科在大學選科好唔少科有得加分
唔好， 佢現在中三都有補緊， 因學校個呀sir.唔太掂， 另佢學校這科dse成績攞4既百分比，5年中都有3年低過全港水平，其中2年好過全港dd, 問左補緊個呀sir, 如果佢選得這科都預左要外救，但補緊個呀sir.覺得呀女應該都handle 到這科. 不過呀女話佢沒諗住做工程， 如果選這科我都係因為感覺少d野記， 比起bio, 同叫希望爭取到多d分數入大學， 咁諗下
Bio
好處， 因為佢選大學未有方向， 選這科好像安全d, 出路多d, 另佢學校這科攞4既成績唔錯， 5年內都這高過全港水平， 多高過全港水平20至40％.， 感覺學校應該都教得唔錯， 根據之前資料， 高中4班會開2班bio
唔好， 要記勁多生字， 背勁多資料， 投放時間長， 但攞分唔易, 唔知呀女搞唔搞得掂， PS, 佢記性唔差， 但現在講緊既海量既生字同資料， 仲要分析，有d擔心佢， 驚佢投放時間長，又搞唔掂，想睇大家意見.
Bafs
好處， 我自己覺得這科比起phy, 同bio 都易讀， 應該似讀lcci.如有錯請更正， 投放時間比起phy, bio.應該都少d, 同易讀d, 同佢學校這科成績都好好， 近5年都有70至90％既同學攞到4或以上， 又好似有機會攞分入大學易d咁.
唔好， 選大學時好多科都唔一定要讀過這科， 而且因為佢已經有一科選了geography, 都已經對係對大學沒咩加分既科， 感覺選多科bafs, 好似出路又少d咁， 但好似易攞分d.
希望經驗家長分享下， 謝謝大家, 其他兩科選邊科好？ 聽下大家分析
另想問下， 佢學校只有M1, 沒有M2, 選唔選M1, 好？ 見好多M都有分加， 不過佢已經3x， 都有d擔心佢讀太多. 但d人成日話選左先算， 最多到時drop,
萬分感謝.
作者: gracelam 時間: 22-1-30 16:33
細細粒媽咪 發表於 22-1-30 14:45 
有點長， 請大家分享經驗.
呀女中三， 2月尾就要選科， 佢自己根據自己一定唔會選既科， 用刪除法後， 得 ...
如果數學好又對大學工程科有興趣可以揀phy
如果記性好唔怕背野, 又學想讀關於醫護, 可選bio
對商科有興趣可選bafs 十 M1
如果geo/phy/bio呢個組合大學應該好多選擇, 醫療/工程/天文/測量等等
不過都係嗰句, 興趣行先, 跟住能力! 冇興趣有能力讀醫都係苦事!
作者: 細細粒媽咪 時間: 22-1-31 20:58 標題: 回覆樓主:
佢暫時對工程沒咩興趣， 不過感覺phy 好似易handle.d, 而且佢學校沒開M2, 如果做工程要讀M2, 先得， 如果選phy, 係諗住易handle.d, 同見就算其他唔係工程既科都有得加分， 希望有其他家長， 分享下意見
作者: cyiuming 時間: 22-2-2 09:59
我個人比較現實啲唔夠份講乜都係假
所以一定揀M1
最易囉高份
讀工程一定係Phy＋M2讀
如果唔係你要用半年時間讀番2年M2比死更痛苦
Bafs我覺得只可以當保險讀多科
因為最多人Drop就係這科
Bio到高中就唔只齋背咁簡單
所以一定要諗清楚
作者: webjen 時間: 22-2-2 10:28
本帖最後由 webjen 於 22-2-2 10:29 編輯
回覆 細細粒媽咪 的帖子
唔知點解好多人對 phy 都有誤解,以為易handle d ,可以比少d 時間讀! 其實phy 一d 都唔易handle,你唔明,老鼠拉龜,比幾多時間都無用,你明,要比好多時間操! 
利申,家中的有讀 phy 同 bio
作者: 2jkidsfather 時間: 22-2-2 14:49
細細粒媽咪 發表於 22-1-30 14:45
有點長， 請大家分享經驗.
呀女中三， 2月尾就要選科， 佢自己根據自己一定唔會選既科， 用刪除法後， 得 ...
除了興趣，最好有頭緒大學會選什麼科讀。太遲發現，科目已定，返轉頭也不能
作者: 妹妹頭 時間: 22-2-2 20:31
細細粒媽咪 發表於 22-1-30 14:45
有點長， 請大家分享經驗.
呀女中三， 2月尾就要選科， 佢自己根據自己一定唔會選既科， 用刪除法後， 得 ...
作者: ahnew 時間: 22-2-3 00:52
我女都係S3要選科，好早之前已決定要讀 Phy & Chem，又係用刪除法後考慮緊第3X選 Econ or Bio，學校Bio成績好好，反而 Econ 一般，暫時又係未諗到大學想讀咩或者將來想做咩，但我女傾向揀 Econ，因為感覺「易讀啲」。
雖然全理科出路會多啲，學校Bio又成績好好，但我都支持佢。部份原因係我聽聞 Bio 都好要答題技巧又多生字，暫時我女呢兩項都有待磨練
，主要原因係俾佢自己揀，難都有心機讀。
早排係 yxxtube search 資料，睇到 HermanYeuxx 的一個video講關於中三選科(DSE)，我覺得講得幾好，你可以同囡囡一齊睇吓。
作者: 洋蔥頭媽咪 時間: 22-2-3 01:26
細細粒媽咪 發表於 22-1-30 14:45
有點長， 請大家分享經驗.
呀女中三， 2月尾就要選科， 佢自己根據自己一定唔會選既科， 用刪除法後， 得 ...
記得去年都有答過你有關女兒選科問題，當時你話女兒應該係理科人，現在見你女兒選擇又唔太似，正常理科人會喜歡 phy. chem .bio. econ 之類，選科除了興趣之外，能力亦要考慮，囡囡中三成績如何？數學成績屬前列嗎？
同你分析下，你説學校 DSE Phy 成績低於全港水平，學校又沒開M2，相信學校數理方面唔算太強。
恕直言中三 physics 其實只是全個高中 physics 課程入面其中一課，如果中三已經要補習，我唔覺得上到高中投放少量時間就可以應付，高中phy對數學要求頗高，易唔易攞高分要視乎你是否腦筋轉數快及數強，而且physics 頗多尖子選修，DSE 想擇星要與強人競爭絕對有難度 。
若她數學唔算強，選擇Bafs or Bio 應該比 Phy 會較易 handle. 女兒對大學學系未有方向，或者建議佢嘗試考慮揀科Chem. Chem 算係比較百搭出路多亦有加權，所以都多人揀。至於是否選修M1.亦要視乎自己數學能力。
中三學嘅課程算是皮毛，去到高中會深好多，每科都有其難度，所以每科都要努力及投放唔少時間，想取好成績真係無得懶每科都要付出。
選科最好由孩子決定唔好由家長角度去睇，家長只能給于意見，始終讀果個係佢，孩子自己才最清楚自己能力及興趣。現今香港入大學唔難，條條大路通羅馬，唔駛太擔心揀定後盡全力就可以了。
作者: 洋蔥頭媽咪 時間: 22-2-3 11:37
webjen 發表於 22-2-2 10:28
回覆 細細粒媽咪 的帖子
唔知點解好多人對 phy 都有誤解,以為易handle d ,可以比少d 時間讀! 其實phy 一d ...
對 physics 有誤解，其一係中三課程尚算淺，用嘅時間唔多，比人感覺唔難，其二係好多人忽略了高中 phy 要有強嘅數底，非常多數要計，中四physics會突然深好多，轉數快思考力要強，再加上書本教嘅嘢九成要計算，唔少人（由其女生）數學能力唔夠強，都會花好多時間甚至頂唔順要 drop. 所以通常話數學能力唔強千奇唔好揀 physics 就係呢個原因。
作者: YolandaTam 時間: 22-2-3 11:50
洋蔥頭媽咪 發表於 22-2-3 11:37
對 physics 有誤解，其一係中三課程尚算淺，用嘅時間唔多，比人感覺唔難，其二係好多人忽略了高中 phy 要 ...
仲有係有啲人以為自己初中數學成績好=數學好，但其實小學至初中，大部份只係算術，唔係數學。
上到高中，尤其 M 科，完全另一回事， 我女老師成日話Physics 要嘅係數學邏輯，比例，幾何，用好多。
作者: 洋蔥頭媽咪 時間: 22-2-3 12:19
YolandaTam 發表於 22-2-3 11:50
仲有係有啲人以為自己初中數學成績好=數學好，但其實小學至初中，大部份只係算術，唔係數學。
...
都係，高階數學需要好強嘅邏輯思維，數底亦要強，呢方面去到高中通常男生較優，我仔學校drop phy drop M2，多數都係女生。
作者: kirstyau 時間: 22-2-3 18:18
細細粒媽咪 發表於 22-1-30 14:45
有點長， 請大家分享經驗.
呀女中三， 2月尾就要選科， 佢自己根據自己一定唔會選既科， 用刪除法後， 得 ...
會唔會考慮讀chem, 阿女讀chem bio eng lit，佢英文強，都覺得bio難過chem。
作者: skywalker167 時間: 22-2-3 20:40
本帖最後由 skywalker167 於 22-2-3 20:46 編輯
YolandaTam 發表於 22-2-3 11:50
仲有係有啲人以為自己初中數學成績好=數學好，但其實小學至初中，大部份只係算術，唔係數學。
...
香港高中phy的確要數學，不是算術，但都只是core math ，雖然的確就算core math中4相比中3數學都突然深好多
完全沒有延伸單元數學成分，完全不是高等數學
香港高中core math，physics的數學同延伸單元高等數學完全是兩回事
就算dse physics讀得非常好不等於數學延伸單元會讀得ok，我認為dse physics無需數學天份
Dse physics最多只有中4左右的core math程度
我自己用自修生身份玩過dse，我physics有5**
但core math只有4
就算舊制AL physics都只是用一些用calculus derive好的公式，只需用識用呢d公式就可以，完全沒有微積分或者其他高等數學的操作
除非core數學差到4都拿不到，錦數學的確會成為讀dse phy的bottleneck
作者: 王家爸爸 時間: 22-2-6 12:30
webjen 發表於 22-2-2 10:28
回覆 細細粒媽咪 的帖子
唔知點解好多人對 phy 都有誤解,以為易handle d ,可以比少d 時間讀! 其實phy 一d ...
作者: skywalker167 時間: 22-2-6 13:46
王家爸爸 發表於 22-2-6 12:30
同意，物理容易讀可能係誤解。如果數學唔係勁，去到電磁學，基本上一定唔明。 ...
高中電磁學都不難
我去圖書館借本電磁學書就話睇第一第二課講場的vector
什麼梯度散度旋度就話已經投曬降
Dse只是簡化弱化版的公式
講到明要點用條式
而且什麼情況下話點，而不是比條定理你然後用數學方法證明什麼情況下會點
所有物理意義都已經講比你聽
不會要你就住定理然後通過一系列數學操作去解決問題
其實不如睇返舊制會考phy，好多人無附加數
數學能力非常有限都讀到好好
另外再睇AL phy，有班無pure math，會考無附加數的人都去讀，也不一定會讀得差，可以用來入大學
相反pure math如果無數學天份就一定死硬
作者: 細細粒媽咪 時間: 22-2-8 09:53 標題: 回覆樓主：
本帖最後由 細細粒媽咪 於 22-2-8 10:08 編輯
多謝大家既意見， Chem 呀女已經講左完全沒興趣， 所以佢唔會選，如果佢選 Phy 都預左一定要補， 始終學校在這科支援比教弱， 上面家長講得對我女學校數， phy 比教弱， 所以中三就補phy 因為唔想拉底個分影響選科，現在補緊phy既呀sir 都係專科補拿5＊＊話讀phy 唔洗數學好叻， 正常底子已可以， 佢話dse有一半係計數， 一半長答， 反而長答要中point 仲難，佢話呀女反而弱在長答，呀女數學屬中間水平個種， 又唔係好勁個批， 因為我都了解過話中四phy 同中三是兩個世界， 我問過補習sir, 佢話中三d同學死背公式， 上到中四就好辛苦， 但佢話呀女個case 係明左公式點來，唔係死背就應該沒問題，所以反而要訓練長答，哎呀 但見上面大部份家長好似都要數學好勁先讀到， 希望大家再分享下.
geog, phy, bio.就出路多d, 但佢唔會選工程
Geog bafs phy？
Geog bio.bafs？
其實bio.內容佢都有興趣， 但佢自己都有d擔心讀唔掂， 如上面說佢記性ok, 但現在講緊記海量既資料. 希望大家再分享下.
多口問句咁M1 係唔係take 左先沒舌底
作者: 細細粒媽咪 時間: 22-2-8 10:18
ahnew 發表於 22-2-3 00:52
我女都係S3要選科，好早之前已決定要讀 Phy & Chem，又係用刪除法後考慮緊第3X選 Econ or Bio，學校Bio成績 ...
謝謝意見， 呀女對enco 已say no, 反而bafs 暫沒咩特別感覺， 現在bio, phy, bafs 3選2， gego 佢就一定選.
作者: gracelam 時間: 22-2-8 11:51
細細粒媽咪 發表於 22-2-8 09:53
多謝大家既意見， Chem 呀女已經講左完全沒興趣， 所以佢唔會選，如果佢選 Phy 都預左一定要補， 始終學校 ...
其實Bio同Phy2選一
穩穩陣陣咪Geo Bio Bafs
想讀M1咪試讀先, 太辛苦咪4科之中再諗吓最後drop邊科?! 又或者4科都讀得掂!
作者: b3410 時間: 22-2-8 16:47
細細粒媽咪 發表於 22-2-8 09:53
多謝大家既意見， Chem 呀女已經講左完全沒興趣， 所以佢唔會選，如果佢選 Phy 都預左一定要補， 始終學校 ...
作者: mcl203 時間: 22-2-8 19:02
細細粒媽咪 發表於 22-2-8 10:18
謝謝意見， 呀女對enco 已say no, 反而bafs 暫沒咩特別感覺， 現在bio, phy, bafs 3選2， gego 佢就一定選 ...
如果完全無興趣工程/醫學相関等等類別，似乎貴校又係偏文，你囡亦如是，咁好簡單，揀自己最喜歡而又可以有信心取高分嘅科目～
M1對將來讀商科係有一定作用～
作者: cyiuming 時間: 22-2-8 23:08
細細粒媽咪 發表於 22-2-8 09:53
多謝大家既意見， Chem 呀女已經講左完全沒興趣， 所以佢唔會選，如果佢選 Phy 都預左一定要補， 始終學校 ...
如果係我就會揀Bio補底
作者: skywalker167 時間: 22-2-8 23:13
本帖最後由 skywalker167 於 22-2-8 23:24 編輯
我又唸緊幾樣野
不知道樓主的女兒會不會想大學讀地理相關，或者環境相關的野?
我沒有讀過高中GEOG，亦忘記了初中GEOG是學甚麼，不過唸緊高中GEOG會不會其實同高中phy, chem, bio有關
GEOG我估大學一定同其他理科有關，
例如泥土科學，環境點影響植物同動物，點由荒蕪的地方變成森林
河流點影響泥土
PHY更加應該有，但不知道高中PHY會不會相關，例如我記得初中時GEOG老師講課外野，赤道點解溫度高同太陽輻射角度有關
CHEM就可以是泥土，pH，岩石
關於高中PHY，香港高中PHY不似大學PHY，
不需要從數學唸PHY，而是以PHY角度唸PHY
其實大部分都是初中數學，
三角函數都是form2果D，難是難在知道邊條系斜邊邊個系直角，用physics方法去判斷，不是數學方法判斷
不用三角函數的角度相加，不用sine/cosine law，
計圖形面積是上底加下底乘高除二 同 三角形/正方形面積，
如果是電容果D曲線面積條式是已經提供給你
另外有D倒數，
例如電路裡面的R^-1= R1^-1 + R2^-1錦
同thin lens formula錦
inverse square law
比例同二次方點樣變大，例如速度3倍，動能9倍，受到的風阻9倍
其他果D基本上都是正確代入方程式就可以，而方程式的數學程度都是初中程度
電磁學D發電機 電動機 電流附近的磁場 果D需要正確使用甚麼左手 或者 右手 定律，但只需要背不同手指是代表甚麼再正確使用就可以
背後的vector操作根本教都不會教 (甚麼cross product果D)
有D式有D複雜，例如甚麼pV=nRT 同 gas molecule的KE等
同例如電學 導體hall effect同甚麼電流載體密度/速度，發電機同電動機公式因為多variable所以好似有點複雜等，但都是一堆野乘埋等於另外一樣野
電學有D問題有D人會驚，成條問題好似好複雜，又電壓又電流又emf又有電容錦，但只要識做就不難，因為不是考數學，而是physics，是有竅門的
總之是要正確使用方程式
我最近幫個中5女生補習補PHY，但最近因為疫情好耐無補，同都是開始了3個月左右，個女仔話考慮drop PHY，但竟然她話自己有讀M1，而且好鐘意計數，英文差理解題目有困難，想好似M1錦死計數.....她話自己M1成績最好。最近幫她補，同她做題目，她話只做計數果D題目，其他不做，然後真的是死背式
解題我話要計net force，我是想她用free body diagram果D，她問我是不是net force有條式，錦我問返她是不是想用F=ma來計(但根本就不是要計mass或者acceleration).....
我唸呢個例子是 死背硬套公式的一個好例子
作者: gracelam 時間: 22-2-8 23:37
skywalker167 發表於 22-2-8 23:13
我又唸緊幾樣野
不知道樓主的女兒會不會想大學讀地理相關，或者環境相關的野?
本帖最後由 gracelam 於 22-2-8 23:40 編輯
高中geo同宜家最後呢2年嘅末代通識反而有D topic係重叠。
聽阿女講phy同geo係有少少野相關, 佢只知wave, 見過geo同學仔有温過。
作者: saetang 時間: 22-2-9 12:04
gracelam 發表於 22-2-8 11:51
其實Bio同Phy2選一
穩穩陣陣咪Geo Bio Bafs
本帖最後由 saetang 於 22-2-9 12:06 編輯
我都認同揀 GEO + BIO + BAFS 較穩陣
作者: 細細粒媽咪 時間: 22-2-9 21:37
skywalker167 發表於 22-2-8 23:13
我又唸緊幾樣野
不知道樓主的女兒會不會想大學讀地理相關，或者環境相關的野?
多謝Skywalker 咁詳盡既資訊， 其實咁q, 有朋友都話呀女可能對環保及能源個d科方面諗下， 我睇過大學如果環境個d科，就沒話特別要中學要選咩科， 不過應該對phy 同Geog有d 關聯， 我都係估咋，不過好老實呀女真係對大學無嘜特別邊科有好大既興趣.， 只係話唔會工程， 經濟， 商管個d佢都唔like, 佢偏向鍾意自然，科學野多 野， eg 點解地震... .... .，宇宙個d都有興趣， 所以佢Geog必選， 咁我又想問多句， 如果讀phy 唔選工程， 仲有咩科讀大學要必修phy嫁， 又或者有咩類型既科有得加分.
作者: 細細粒媽咪 時間: 22-2-9 21:40
cyiuming 發表於 22-2-2 09:59
我個人比較現實啲唔夠份講乜都係假
所以一定揀M1
最易囉高份
點解多人drop.bafs?
作者: skywalker167 時間: 22-2-9 22:50
本帖最後由 skywalker167 於 22-2-9 23:30 編輯
細細粒媽咪 發表於 22-2-9 21:37
多謝Skywalker 咁詳盡既資訊， 其實咁q, 有朋友都話呀女可能對環保及能源個d科方面諗下， 我睇過大學如果 ...
我覺得你講的野，最好有physics底或者其他理科底子.....
我都有興趣研究下你女感興趣的野....不過現階段我知道的不多
如果是關於宇宙的，可能真的要讀大學純物理，但大學純物理會有好深的數學，我以前去大學開放日
D純物理的學生同我講數學吾系好勁千其不要選....
關於環保，其實我以前都有興趣研究
但其實我都是知少少
你女會不會對auditing有興趣? 例如，為大廈的做能源消耗auditing (又可能同屋宇裝備工程或者建築有關)
甚至可能是政府/NGO做國家級/某產業範疇的環保分析，政府政策或者推動大眾的環保意識
如果是香港以外可能是工業過程的環保footprint (我都是自己唸，沒有深究是不是真的這樣)
環保亦有空氣汙染 ，可能要計流體力學的野(D數應該不簡單)+電腦建模計算 +少少chem
可能有汙水處理 (chem/bio) <- 呢個可能多D自然科學成分
其實你講環境/環保/能源，我第一時間唸起CityU個School of energy and environment
不過D undergraduate programme是engineering.....
不過以上似乎偏向文商管理 工程數學居多.....
關於地震，又可能有地球科學.....這方面我不清楚....
另外會不會 有研究荒漠化/沙漠防治?
另外，我以前是自己研究下efficiency的野
有科技元素，例如電動車/混能車 同 裡面相關的科技 點解好環保
電動車電池帶來的問題 (生產過程能源消耗/需要使用稀有元素/電池材料循環再用)
城市規劃 鐵路系統 點可以高效率D 都可以同physics有關
建築上點減少能耗
點將可再生能源大規模使用 (研究下而家有甚麼原因呢D野現在不能大規模使用)，除了政策上同經濟原因還有科學上技術上的限制 同 技術導致的成本過高問題
另外仲有氫能社會，區域供暖
另外仲有能源問題，要知道地球能源絕大部分來自太陽能......
太陽能點樣變成地球上各種各樣的能量..... <-呢個應該接近你女的興趣，但呢個課題應該不足以開一個大學programme
不過我都是好皮毛地搵資料自己研究，用來吹水居多
另外又不知道你女會不會有興趣研究下未來核能
例如第4代核電，非常安全而且效率更高的核裂變，可以減少核廢料的產生而且更加充分利用核裂變燃料
例如甚麼快中子滋生堆，甚麼高溫氣冷堆
又有核聚變發電.....
不過我的程度只是吹水程度....
如果認真應該好難
不過以上好似都是人造野多.....
關於有甚麼大學要求一定要有物理或者物理有加分要其他家長答......
最後其實會不會興趣是類似天文台D工作，將來想做天文台?
可能可以上天文台的網站看看天文台做甚麼
同可以google下天文台的人是讀甚麼大學出身
作者: 細細粒媽咪 時間: 22-2-10 07:45
skywalker167 發表於 22-2-9 22:50
我覺得你講的野，最好有physics底或者其他理科底子.....
我都有興趣研究下你女感興趣的野....不過現階段 ...
本帖最後由 細細粒媽咪 於 22-2-10 08:01 編輯
嘩， 咁佢又未智於諗到咁deep咁勁好似你咁details, 不過佢自己就講左對工程， 同經濟， 管理個d沒咩興趣only, 同佢唔係鍾意轉研計數既人， 只不過計數還可以屬中間普普通通個種， 自己唔識時，比人點教下又明個種，另天文係香港沒咩出路， 連港大本來有得讀因太少人報都沒左，其實想反我地舊時，14，15歲都沒諗過自己第時想做什麼， 所以我都明佢地有時都沒咩方向係正常， 不過佢知自己唔好咩都叫有d方向， 當大家交流下， 嘜都傾下都幾得意.
作者: 細細粒媽咪 時間: 22-2-10 07:57
洋蔥頭媽咪 發表於 22-2-3 01:26
記得去年都有答過你有關女兒選科問題，當時你話女兒應該係理科人，現在見你女兒選擇又唔太似，正常理科人 ...
好多謝洋蔥頭媽咪一直既詳盡解釋同支持， 如果呀女like chem 就好， 咁就煩少d, 選chem, phy, 想問除左工程大家知唔知大學有咩科係要必修或者讀左phy 會好d既科， 謝謝各位.
作者: skywalker167 時間: 22-2-10 08:01
本帖最後由 skywalker167 於 22-2-10 08:05 編輯
細細粒媽咪 發表於 22-2-10 07:45
嘩， 咁佢又未智於諗到咁deep 咁勁好似你咁details, 不過佢自己就講左對工程， 同經濟， 管理個d沒咩興趣 ...
舊制反而中3選科無而家這麼煩
如果讀理科就正常讀曬phy chem bio另外可以加geog
會考可以讀8科9科....
有興趣就讀，大不了最後abs一科就好似我讀9科考8科
每科workload細d，又無sba果d
真正選科是預科升中6，但已經差不多18歲
D人好多已經識自己搵資料 同 已經對果科有一定認識
不過其實我覺得你女如果興趣行先
可以geog phy bio
優點是可以讀曬有興趣的野
如果將來大學真的向興趣發展是有最大的機會
但缺點就是其他人講的錦
作者: skywalker167 時間: 22-2-10 08:10
細細粒媽咪 發表於 22-2-10 07:57
好多謝洋蔥頭媽咪一直既詳盡解釋同支持， 如果呀女like chem 就好， 咁就煩少d, 選chem, phy, 想問除左工 ...
其實有醫療科，例如放射學
但收分高，要中曬權重先容易入到，geog不中權重
而且是對人
亦未必是你女的興趣
所以其實呢個答案可以不答....
作者: gracelam 時間: 22-2-10 09:56
細細粒媽咪 發表於 22-2-10 07:57
好多謝洋蔥頭媽咪一直既詳盡解釋同支持， 如果呀女like chem 就好， 咁就煩少d, 選chem, phy, 想問除左工 ...
理大3寶有修phy會加權
作者: 洋蔥頭媽咪 時間: 22-2-10 13:21
本帖最後由 洋蔥頭媽咪 於 22-2-10 13:21 編輯
細細粒媽咪 發表於 22-2-10 07:57
好多謝洋蔥頭媽咪一直既詳盡解釋同支持， 如果呀女like chem 就好， 咁就煩少d, 選chem, phy, 想問除左工 ...
網上留言只能作參考，科目容唔容易讀好視乎個人，我覺得易可能你會覺得難，最重要係囡囡自己感覺。
既然冇乜方向，不如叫女兒睇下大學有那些學系可選，有興趣的話再入去睇睇有甚麼需要必修或加權。現今香港要入大學唔難，未有方向的話選科盡量揀大路就可以了。
試下利用下面呢個計分神器，簡單輸入假設分數及選修科目，舉例若選修 Geog.Bafs.Bio 有那些學系可以揀，選修Geog.Phy.Bafs 又有那些學系揀，例如對園境學有興趣，可以再按入去詳細睇睇有沒有必修科目，大概要求咩成績等等。
https://dse.myguide.hk/
作者: b3410 時間: 22-2-13 11:25
skywalker167 發表於 22-2-9 22:50
我覺得你講的野，最好有physics底或者其他理科底子.....
我都有興趣研究下你女感興趣的野....不過現階段 ...
如果小朋友真係對能源，再生能源，環境保護類感興趣，中學應該揀哪幾科？phy chem geo ?
如果出國留學，大學讀什麼專業？應該去美國讀，還是英國呢？
唔好意思太多問題，對此毫無了解，不過小兒可能有興趣讀。
作者: P1001S 時間: 22-2-13 19:37
b3410 發表於 22-2-13 11:25
多謝你的分享。
如果小朋友真係對能源，再生能源，環境保護類感興趣，中學應該揀哪幾科？phy chem geo ?
本帖最後由 P1001S 於 22-2-13 19:38 編輯
我以前大學讀地理，地理中也些關環保，其中有些知識應該係Phy, Chem。返而中學和預科讀地理無乜用。
另外，同事個仔響BU 讀緊Bsc Physic and green energy 。即JS2510 理學士，第一年係generic course, 第二年才可以major physics and green energy. JS2510 要你有M1/M2。聽到但唔肯定BU 想這科獨立開即唔放落去理學學士等第二年才major。你可以留意下。
作者: b3410 時間: 22-2-13 21:44
P1001S 發表於 22-2-13 19:37
本帖最後由 P1001S 於 22-2-13 19:38 編輯
我以前大學讀地理，地理中也些關環保，其中有些知識應該係Ph ...
作者: P1001S 時間: 22-2-13 22:41
b3410 發表於 22-2-13 21:44
謝謝你！咁應該至少要揀phy and chem
係Phy, Chem, M1/M2，M更加重要。我自己細路以前Jupas 20選也放過環保相關。你去google 下 UST JS5812 和 Poly U JS3375就知我點解咁講。
作者: ia727 時間: 22-2-13 22:55 標題: 回覆樓主:
其實邊間學校理科位比較多?
作者: emmyfok 時間: 22-2-14 09:05
ia727 發表於 22-2-13 22:55
其實邊間學校理科位比較多?
作者: b3410 時間: 22-2-14 12:54
P1001S 發表於 22-2-13 22:41
係Phy, Chem, M1/M2，M更加重要。我自己細路以前Jupas 20選也放過環保相關。你去google 下 UST JS5812 和 ...
作者: ia727 時間: 22-2-17 12:09 標題: 回覆樓主:
其實如果選不到理想科目而轉校,大家覺得值得嗎?
作者: Jessy 時間: 22-2-17 21:15
ia727 發表於 22-2-17 12:09
其實如果選不到理想科目而轉校,大家覺得值得嗎?
如果子女是認真讀書的人, 我覺得值得.
作者: 洋蔥頭媽咪 時間: 22-2-17 23:55
本帖最後由 洋蔥頭媽咪 於 22-2-17 23:58 編輯
ia727 發表於 22-2-17 12:09
其實如果選不到理想科目而轉校,大家覺得值得嗎?
值得與否要考慮幾方面，選不到理想科目只係其中科目？還是所有科目都唔喜歡？孩子對獲派科目真的好抗拒？還是只是家長覺得出路一般而影響了佢睇法？孩子自己轉校決心又大唔大（離開相熟同學）？轉校後又能否一定選到心儀科目？孩子自己有信心有能力應付嗎？
塞翁失馬焉知非福，因選修科而轉校呢啲問題一定要諗清楚才做決定，除非係好抗拒或者去到非君不嫁嘅地步，但有時可能只係父母一廂情願嘅諗法。
作者: ia727 時間: 22-2-18 07:54
洋蔥頭媽咪 發表於 22-2-17 23:55
值得與否要考慮幾方面，選不到理想科目只係其中科目？還是所有科目都唔喜歡？孩子對獲派科目真的好抗拒？ ...
小朋友話唔想讀其他科,因為讀唔掂冇興趣,只想讀理科,中學數學一路都是級10以內,但現在學校只開一班,學位有限,所以有轉校念頭
作者: 洋蔥頭媽咪 時間: 22-2-18 11:19
本帖最後由 洋蔥頭媽咪 於 22-2-18 15:42 編輯
ia727 發表於 22-2-18 07:54
小朋友話唔想讀其他科,因為讀唔掂冇興趣,只想讀理科,中學數學一路都是級10以內,但現在學校只開一班,學位有 ...
只想讀理科，意思係純理？查實我覺得家長可以認真地同佢一齊頃下，有時孩子只是聽人講得多受人影響，覺得理科才有出路，家長可以同佢分析一下，何為只想讀理科？又為何其他科就一定讀唔掂，理科就一定讀得掂？
現今選科跟我哋以前年代唔同，學校一般會鼓勵同學選科可以 文中有理、理中有文，除非目標是神科，否則選修純理嘅學生其實唔算太多，再講若孩子在校成績好，理應都能選擇到心儀嘅科目，除非成績唔夠人強、學校行套餐或者沒有開立想修讀科目，否則高中不宜輕易選擇轉校。若因成績唔夠人強選唔到心儀科目而轉校，一般只能轉落banding嘅學校，極少可以轉上，要考慮清楚。
現今入大學一般只係鬥高分，除非獲派科目全非心儀，否則必須考慮清楚才決定，避免得不償失。
作者: 細細粒媽咪 時間: 22-2-18 20:57
P1001S 發表於 22-2-13 22:41
係Phy, Chem, M1/M2，M更加重要。我自己細路以前Jupas 20選也放過環保相關。你去google 下 UST JS5812 和 ...
想問下如得M1, 大學讀得掂嗎， 如果科係環境及能源工程既科， 因學校沒開M2, 現呀女唔想選 bafs可能Geog, phy, bio, 或Geog,chem,bio, 但前者機會大d,
作者: 細細粒媽咪 時間: 22-2-18 21:00
洋蔥頭媽咪 發表於 22-2-18 11:19
只想讀理科，意思係純理？查實我覺得家長可以認真地同佢一齊頃下，有時孩子只是聽人講得多受人影響，覺得 ...
嗯， 我都認同， 小朋友中幾， 四班開一班？ 其實好多學校如果得4班都係開一理， phy, chem,bio, 要睇每間學校， 咁如果仔數學季級十又點解選唔太明唔到理科？ 其他科成績好差？
作者: 洋蔥頭媽咪 時間: 22-2-18 21:17
細細粒媽咪 發表於 22-2-18 20:57
想問下如得M1, 大學讀得掂嗎， 如果科係環境及能源工程既科， 因學校沒開M2, 現呀女唔想選 bafs可能Geog, ...
M1唔係太難，有興趣有能力最好修讀。
作者: 細細粒媽咪 時間: 22-2-18 21:20
P1001S 發表於 22-2-13 19:37
本帖最後由 P1001S 於 22-2-13 19:38 編輯
我以前大學讀地理，地理中也些關環保，其中有些知識應該係Ph ...
如果無chem, 得M1, 上到去讀得掂嗎？
作者: 洋蔥頭媽咪 時間: 22-2-18 21:23
細細粒媽咪 發表於 22-2-18 21:00
嗯， 我都認同， 小朋友中幾， 四班開一班？ 其實好多學校如果得4班都係開一理， phy, chem,bio, 要睇每間 ...
中學選科大多以總成績去作揀科先後次序，所以如果只係某科成績較優，整體成績一般，就未必能全選心儀嘅科目，所以就算唔太喜歡嘅科目，中三呢年都要比心機增取好成績。
作者: 細細粒媽咪 時間: 22-2-18 21:23
洋蔥頭媽咪 發表於 22-2-18 21:17
M1唔係太難，有興趣有能力最好修讀。
但唔知環境工程科， 見有工程兩個字， 唔知沒選M2 上到大學讀唔讀得掂？ 大家知唔知， 有M1就ok?
作者: 洋蔥頭媽咪 時間: 22-2-18 22:25
本帖最後由 洋蔥頭媽咪 於 22-2-18 22:25 編輯
細細粒媽咪 發表於 22-2-18 21:23
但唔知環境工程科， 見有工程兩個字， 唔知沒選M2 上到大學讀唔讀得掂？ 大家知唔知， 有M1就ok?
...
就以CU能源與環境工程學，requirements 都係 主科加 any one subject （phy/chem/bio/Ict/M1/M2），不一定要M科，總之中學唔好怕辛苦，有得讀就讀 ，加油 
作者: Jessy 時間: 22-2-18 22:26
本帖最後由 Jessy 於 22-2-18 22:35 編輯
洋蔥頭媽咪 發表於 22-2-18 21:23
中學選科大多以總成績去作揀科先後次序，所以如果只係某科成績較優，整體成績一般，就未必能全選心儀嘅科 ...
Hi 我去年同你傾過，打算幫阿仔選ICT的，唔知你記唔記得我？
最近得知學校ICT呢科合格率偏低，多數係校內成績差到選唔到心儀科目的學生修讀，你覺得我仍然係應該繼續選修ICT嗎？因為佢都幾易受人影響，近朱者赤，近墨者黑那種
好怕自己幫佢選錯科
作者: ia727 時間: 22-2-18 23:53
洋蔥頭媽咪 發表於 22-2-18 11:19
只想讀理科，意思係純理？查實我覺得家長可以認真地同佢一齊頃下，有時孩子只是聽人講得多受人影響，覺得 ...
其他科沒信心加沒興趣讀,今次考試整體成績普通,只得數理科成績較為理想,擔心入不到心儀科目
作者: 洋蔥頭媽咪 時間: 22-2-19 00:10
Jessy 發表於 22-2-18 22:26
Hi 我去年同你傾過，打算幫阿仔選ICT的，唔知你記唔記得我？
最近得知學校ICT呢科合格率偏低，多數係校內 ...
首先應該先問問你兒子對ICT有多大興趣？佢自己本身有那些心儀選修科？大學又有沒有目標或方向？可以綜合佢想選讀那些科目，才衡量是否選修ICT。
以往有唔少家長對 ICT 呢科給于負評，覺得呢科學嘅嘢太皮毛，修讀後對大學選系又冇著數，感覺呢科係成績唔好嘅同學才會選擇.....等等，但隨著大學電腦系越來越多人有興趣修讀，中學 ICT亦開始多了學生選修，若有興趣的話，説不定呢科隨時係付出最少時間，最具效益嘅一科。
我同意中學 ICT學嘅嘢係好基本，有興趣的話要學唔難，我認識嘅年青人入面，對呢科有興趣嘅真係唔駛點讀都能取得唔錯成績，ICT易學難精，所以揀唔揀好睇你孩子意願。
作者: 洋蔥頭媽咪 時間: 22-2-19 00:23
ia727 發表於 22-2-18 23:53
其他科沒信心加沒興趣讀,今次考試整體成績普通,只得數理科成績較為理想,擔心入不到心儀科目
...
學校可以比佢哋揀幾多科選修？除了 phy/chem/bio之外仲有咩科可以揀？教孩子目光可以放遠啲，純理之外都可以考慮其他科，擴闊自己嘅選擇。
作者: Jessy 時間: 22-2-19 01:01
洋蔥頭媽咪 發表於 22-2-19 00:10
首先應該先問問你兒子對ICT有多大興趣？佢自己本身有那些心儀選修科？大學又有沒有目標或方向？可以綜合佢 ...
佢係喜歡ICT的，只是我怕佢易受同學影響，成班一齊唔讀書。
佢9月升中四，佢呢年ICT會改syllabus,以前ICT係理論多過寫程式，改了後寫程式的部份會多咗。因為我仔數學唔合格，我都唔知佢讀唔讀得來。
我哋無睇到大學選科咁遙遠，因為個仔都唔係讀書材料，希望DSE唔係肥晒已經好開心。
見你提起M1容易讀，如果中二中三數學唔合格，係咪應該都讀唔來？
作者: mcl203 時間: 22-2-19 01:09
Jessy 發表於 22-2-19 01:01
佢係喜歡ICT的，只是我怕佢易受同學影響，成班一齊唔讀書。
佢9月升中四，佢呢年ICT會改syllabus,以前ICT ...
M1易讀啲？睇吓2021 DSE數據更可靠：
5** / 5* / 5 / 4 / 3 / 2
M1 2.9 / 13.0 / 30.0 / 55.0 / 71.0 / 86.9 / 95.0
M2 4.4 / 16.7 / 39.7 / 59.9 / 80.9 / 92.5 / 98.0
作者: gracelam 時間: 22-2-19 08:55
Jessy 發表於 22-2-19 01:01
佢係喜歡ICT的，只是我怕佢易受同學影響，成班一齊唔讀書。
佢9月升中四，佢呢年ICT會改syllabus,以前ICT ...
如果中三數學唔合格咁M1/M2絕對唔易讀。宜家最緊要搞掂科core數, 否則高中數學睇怕合格都難。
中三數學有70%以上, 咁M1/M2相對容易應付。*M1又比M2容易讀*。
作者: 細細粒媽咪 時間: 22-2-19 09:45
洋蔥頭媽咪 發表於 22-2-18 22:25
就以CU能源與環境工程學，requirements 都係 主科加 any one subject （phy/chem/bio/Ict/M1/M2），不一定 ...
本帖最後由 細細粒媽咪 於 22-2-19 09:50 編輯
我最驚係， 佢沒講明， 但最後到大學要係1個學期讀晒m2， 不可能既任務個種， 所以先想了解下這科會唔會有這情況， 因為我地中學沒m2。
純工程就一定要m2先讀得掂， 唔知能源環境工程學這科又點？
作者: P1001S 時間: 22-2-19 11:05
細細粒媽咪 發表於 22-2-18 21:20
如果無chem, 得M1, 上到去讀得掂嗎？
簡單咁答咗你先覺得ok。
你理解係正確如果你高中無讀那科，例如M2, 大學會要你讀返通常一個course為期半年即一學期。但你有M1也會好好多。另一個網友也講core math平時有70%以上也是一個指標我認同。即你數底有返咁上下。
作者: P1001S 時間: 22-2-19 11:10
細細粒媽咪 發表於 22-2-18 21:20
如果無chem, 得M1, 上到去讀得掂嗎？
本帖最後由 P1001S 於 22-2-19 11:10 編輯
講近BU 那科正確名字係叫Physics and Green Energy. 響BU 理學院 Physics旗下。
高中有讀Physics 和 M2在科目上最理想。
作者: Jessy 時間: 22-2-19 13:59
mcl203 發表於 22-2-19 01:09
M1易讀啲？睇吓2021 DSE數據更可靠：
5** / 5* / 5 / 4 / 3 / 2
作者: Jessy 時間: 22-2-19 14:00
gracelam 發表於 22-2-19 08:55
如果中三數學唔合格咁M1/M2絕對唔易讀。宜家最緊要搞掂科core數, 否則高中數學睇怕合格都難。
中三數學有 ...
作者: 洋蔥頭媽咪 時間: 22-2-19 16:08
本帖最後由 洋蔥頭媽咪 於 22-2-19 16:09 編輯
Jessy 發表於 22-2-19 01:01
佢係喜歡ICT的，只是我怕佢易受同學影響，成班一齊唔讀書。
佢9月升中四，佢呢年ICT會改syllabus,以前ICT ...
如果佢喜歡 ICT，可以叫佢了解一下有冇興趣將來響呢行發展，比個目標自己，男生當有目標後可能就會開竅。電腦行業響香港暫時不算太受重視，外國就專業好多，但幾肯定呢行響未來嘅幾拾年，電腦工種將會是全世界吃香嘅行業之一。
讀電腦可以唔駛好勁嘅讀書材料，但要留意英文同數學呢兩科都不能太差，中學電腦改syllabus絕對係好事，電腦知識一日千里，中學ICT仲用緊十年前嘅教材真係非常落後。
M1的確比M2容易啲，但大前題係數學底子都要強，如果初中數學成績連7-8字頭都未能達到，就算比你讀M科都未必夠能力應付。
作者: 洋蔥頭媽咪 時間: 22-2-19 16:20
細細粒媽咪 發表於 22-2-19 09:45
本帖最後由 細細粒媽咪 於 22-2-19 09:50 編輯
我最驚係， 佢沒講明， 但最後到大學要係1個學期讀晒m2 ...
工程學院入面其實有好多主修，傳統嘅土木、電機....，冇修M科的話上到大學真係會好辛苦要追番晒，不過又並非所有嘅主修都須要補回M科，環境工程學我就唔清楚，或者留待對呢個系有經驗嘅網友補充。
作者: clz 時間: 22-2-19 16:27
本帖最後由 clz 於 22-2-19 17:00 編輯
洋蔥頭媽咪 發表於 22-2-19 16:08
如果佢喜歡 ICT，可以叫佢了解一下有冇興趣將來響呢行發展，比個目標自己，男生當有目標後可能就會開竅。 ...
聽朋友講科大電腦要好高gpa先選到。朋友話新加坡電腦係E科之后第二熱門科
作者: 洋蔥頭媽咪 時間: 22-2-19 16:36
clz 發表於 22-2-19 16:27
跟朋友講科大電腦要好高gpa先選到。朋友話新加坡電腦係E科之后第二熱門科
我大仔現於大學主修電腦，所以我都略知一二。除了中大工程學院今年改為學系獨立收生外，港大、科大仍然是歸納工程學院行大類收生，即是第一年所有學生都會讀啲基本嘅嘢，第二年再跟成績排次序揀主修，如果多人選擇，GPA要求自然會高。
響香港工程/電腦不太被重視淪為水泡，其實響外國呢科收生非常高，成績要求接近神科。
作者: ia727 時間: 22-2-19 17:15
洋蔥頭媽咪 發表於 22-2-19 00:23
學校可以比佢哋揀幾多科選修？除了 phy/chem/bio之外仲有咩科可以揀？教孩子目光可以放遠啲，純理之外都可 ...
除了理科,有geog,econ, 中西史,ict, 中國文學,bafs,其實小朋友都f3,唔大唔細,清楚自己鍾意啲乜！好難左右佢思想(emoji)
作者: bobbob 時間: 22-2-19 17:47
clz 發表於 22-2-19 16:27
聽朋友講科大電腦要好高gpa先選到。朋友話新加坡電腦係E科之后第二熱門科 ...
作者: 細細粒媽咪 時間: 22-2-19 17:50
洋蔥頭媽咪 發表於 22-2-19 16:20
工程學院入面其實有好多主修，傳統嘅土木、電機....，冇修M科的話上到大學真係會好辛苦要追番晒，不過又並 ...
唔知有沒有人知呢？
作者: bobbob 時間: 22-2-19 17:51
mcl203 發表於 22-2-19 01:09
M1易讀啲？睇吓2021 DSE數據更可靠：
5** / 5* / 5 / 4 / 3 / 2
5** / 5* / 5 / 4 / 3 / 2
1.4% 6.0% 14.8% 39.5% 58.9% 81.8%
作者: Jessy 時間: 22-2-19 17:54
洋蔥頭媽咪 發表於 22-2-19 16:08
如果佢喜歡 ICT，可以叫佢了解一下有冇興趣將來響呢行發展，比個目標自己，男生當有目標後可能就會開竅。 ...
明白了，我會提議佢唔好選phy/M1/M2
即係你覺得有興趣讀ICT就ok?唔駛理學校合格率同啲同學讀唔讀書？
作者: mcl203 時間: 22-2-19 18:21
bobbob 發表於 22-2-19 17:51
如果依你講法core maths咪應該係最難嗰科。。
5** / 5* / 5 / 4 / 3 / 2
本帖最後由 mcl203 於 22-2-19 18:26 編輯
唔好搞錯方向，只係提供數字去比較M1直接比較M2易讀嘅某些人看法，並非從M1/2嘅適合性/個人興趣為出發/將來選科。又即係坊間因為日文易取A而去選，自己根本冇興趣或將來需要，是否一定為修而修會一定讀得好咁呢？～～～
選修科又點可以直接比較必修科，混戰乎？～～～
作者: 洋蔥頭媽咪 時間: 22-2-19 18:28
Jessy 發表於 22-2-19 17:54
明白了，我會提議佢唔好選phy/M1/M2
即係你覺得有興趣讀ICT就ok?唔駛理學校合格率同啲同學讀唔讀書？
若修3X我會支持？ICT 好多時要自學，考試會有唔少common sense 嘅嘢，要背要讀嘅嘢唔算多，如果有興趣又喜歡上網鑽研，其實都適合。
作者: mcl203 時間: 22-2-19 18:31
bobbob 發表於 22-2-19 17:51
如果依你講法core maths咪應該係最難嗰科。。
5** / 5* / 5 / 4 / 3 / 2
本帖最後由 mcl203 於 22-2-19 18:40 編輯
2021係
1.6/6.2/15.1/39.4/58.4/81.3/92.8 ～～～
對一個為選科而選科，本身數學成績平平，究竟應該係睇2/3/4，抑或係睇5/*/**呢。易讀！我就直覺係2/3/4了，咁即係～～～
作者: 洋蔥頭媽咪 時間: 22-2-19 18:46
本帖最後由 洋蔥頭媽咪 於 22-2-19 23:36 編輯
ia727 發表於 22-2-19 17:15
除了理科,有geog,econ, 中西史,ict, 中國文學,bafs,其實小朋友都f3,唔大唔細,清楚自己鍾意啲乜！好難左右 ...
理科生都有啲人會喜歡 Econ. ICT 呢啲科，除了揀純理科，都可以考慮揀一科其他，例如 Econ .Ict 甚至 Bafs。
你講得啱，佢哋大個會有自己嘅諗法，父母只能給于意見，唔係左右佢思想，只係引導佢哋分析形勢，面對現實。
如果因為成績唔夠人強，派唔到其中一科而選擇轉校，要考慮得失利弊 。有時佢哋仲未有明確方向，上到高中可能會有唔同諗法，喜好亦有可能會變，所以要諗清楚唔好太執著避免做錯決定。
作者: Jessy 時間: 22-2-19 18:49
洋蔥頭媽咪 發表於 22-2-19 18:28
若修3X我會支持？ICT 好多時要自學，考試會有唔少common sense 嘅嘢，要背要讀嘅嘢唔算多，如果有興趣又喜 ...
作者: mcl203 時間: 22-2-19 19:08
Jessy 發表於 22-2-19 18:49
若修3x就要報M1或M2，我仔應該讀唔掂。而且只有頭30-40名同學可以選修3x，我仔應該要讀2x ...
如果係我小朋友，係相同條件下只可以2X，我會建議佢依興趣和最有信心可以取高分嘅科目。DSE升大係睇分，興趣大嘅科目亦可能係佢將來嘅選擇路向。為分而分係最貼近現實～～～
作者: skywalker167 時間: 22-2-19 21:48
本帖最後由 skywalker167 於 22-2-19 21:51 編輯
細細粒媽咪 發表於 22-2-19 17:50
唔知有沒有人知呢？
我以前讀cityu 水泡engineering，雖然讀中6,7時有上Pure math堂，但沒有及格的AL pure math成績，大學要讀多2個總共6credit的calculus課程(就是而家334 syllabus底下工程院year1要讀的基礎數學)
我果科engineering是數學要求非常低的
大學基礎calculus教學內容不難不深入，甚至上tutorial導師派的題目我幾乎全部識做
但到考試D題目非常難，好多都吾識計，我甚至覺得我會Fail果科，結果2科都是C range(爛grade)
到自己major的數學科我是C- (1.7)
我數學好差，另外值得注意的是，我是智商低的人
我做過魏氏成人智力測試，我IQ是八十幾
如果大學year1統一收生再按year1成績選major，要留意一下
其實可以去大學網頁看programme課程結構，
亦可以搵下該大學該學院(例如工程學院)的year1 common的課程有甚麼，
(可能可以去大學general graduation requirement網頁或者相關的學院網頁看，而不用去某個department看)
有機會是phy/chem/bio/math課程每範疇1-2個課程再加其他自選通識課程
因為我以前大學的時候聽過 有種情況，個學院最無人選的major是apply physics
而有堆year1學生因為高中無DSE physics，基礎physics課程讀得差，所以就是year1成績最差果班
結果呢堆人最後搞到major只能派到apply physics，
非常諷刺，中學無讀phy，不喜歡phy，phy讀得差，最後大學只能主修apply phy
我聽到就是最後有D話到事的教授出來話吾可以錦，最後解決左
關於電腦我不知道
只知道CS文科生都可以讀
但需要好的邏輯頭腦
而且電腦的野變得好快
要習慣自己去英文網站留意最新的野，同在需要的時候讀人地的documentation
如果是寫程式要寫documentation
而不是讀識一樣野用到老
另外做電腦不一定大學/中學有讀電腦
另外我知道有人大學讀數學相關的都會做電腦
作者: bobbob 時間: 22-2-19 22:23
mcl203 發表於 22-2-19 18:21
本帖最後由 mcl203 於 22-2-19 18:26 編輯
唔好搞錯方向，只係提供數字去比較M1直接比較M2易讀嘅某些人 ...
作者: bobbob 時間: 22-2-19 22:30
mcl203 發表於 22-2-19 18:31
本帖最後由 mcl203 於 22-2-19 18:40 編輯
2021係
咁你講得平平就梗係合格當贏？
作者: mcl203 時間: 22-2-19 22:33
bobbob 發表於 22-2-19 22:23
唔知某啲人係指邊個，只不過想講用成績去衡量難易好似唔係幾通啫，事關m1同m2或其他選修科學生嘅成份唔同， ...
本帖最後由 mcl203 於 22-2-19 22:43 編輯
咪就係用成績去衡量作為唯一標準，唔算太通囉，易讀吖嘛。人哋無諗住將來用上M2嘅智識，仲乜一定要修M2先至可以成為數學叻仔啫。眼見幾個同學仔6科42/41分，人哋都係修M1，Core 取**㗎～～～
我係保守嘅思維，取到3或4先再諗其他，有能力取到3或4，又唔會出現考卷取**只會比個4你嘅～～～
作者: mcl203 時間: 22-2-19 22:35
bobbob 發表於 22-2-19 22:30
我睇咗日校數字，不過都差不多。
咁你講得平平就梗係合格當贏？
咁咪睇**囉，隨你心所欲。又係果句，人人目標追求唔同～～～
作者: 洋蔥頭媽咪 時間: 22-2-19 23:26
Jessy 發表於 22-2-19 18:49
若修3x就要報M1或M2，我仔應該讀唔掂。而且只有頭30-40名同學可以選修3x，我仔應該要讀2x ...
囝囝本身心儀邊啲選修科？心儀嘅科目成績如何？中三成績入到心儀科目大嗎？要留意學校是否行套餐會有所限制。
高中部份科目將會改革，部份課程會減少課時，對選修科有利。以往嘅通識經改革後，已經不能再計入Best 5 中，選修2X的話將不能再 drop 科，必須考慮興趣及能力嘅問題。
作者: Jessy 時間: 22-2-20 00:22
洋蔥頭媽咪 發表於 22-2-19 23:26
囝囝本身心儀邊啲選修科？心儀嘅科目成績如何？中三成績入到心儀科目大嗎？要留意學校是否行套餐會有所限 ...
A組想選bio或history
B組想選ICT或chem
應該全部都入到
電腦科唔讀都合格，從未試過Fail
另外三科佢肯擺時間讀就合格，懶惰唔讀都係唔合格
其實A組都未諗掂選乜，見考評局history DSE合格率好高，但聽聞無MC要全部寫essay唔知佢咁懶寫唔寫得掂。bio就擔心好多嘢讀，但學校bio合格率100%。佢話兩科興趣差唔多，選邊科無所謂。
作者: 洋蔥頭媽咪 時間: 22-2-20 01:15
Jessy 發表於 22-2-20 00:22
佢學校選修科有A組B組每組選一科
A組想選bio或history
B組想選ICT或chem
如果係咁我會頃向 Bio + ICT，佢有興趣bio同hist ，相信都似屬文科人，而且唔太怕背書，修讀 bio 大學選系方面相對較廣，部份甚至會有加權，比 Hist 優勝。至於ICT，平日唔駛點溫考試都問題不大，証明佢應該係有啲天份同興趣，我都講過呢科有興趣同能力的話，的確可以不用付出太多時間，成本效益高亦可能讀得比較輕鬆，多出嘅時間更加可以用番落Bio。
至於 Chem方面其實都好多嘢要讀，當然亦可以叫兒子衡量自己 Chem 嘅成績同喜愛度，Chem 比較大路亦多人揀，大學修讀醫科更必須要有 Chem，如果肯努力 Chem+Bio 查實係好理想，但要有心理準備無論 Chem+Bio 或 Chem +Hist ，付出嘅時間一定唔會少，讀果個係佢睇佢自己意願啦
作者: cyiuming 時間: 22-2-20 10:28
mcl203 發表於 22-2-19 19:08
如果係我小朋友，係相同條件下只可以2X，我會建議佢依興趣和最有信心可以取高分嘅科目。DSE升大係睇分，興 ...
世界就係咁現實
作者: Jessy 時間: 22-2-20 11:46
洋蔥頭媽咪 發表於 22-2-20 01:15
如果係咁我會頃向 Bio + ICT，佢有興趣bio同hist ，相信都似屬文科人，而且唔太怕背書，修讀 bio 大學選系 ...
作者: 細細粒媽咪 時間: 22-2-20 14:12
洋蔥頭媽咪 發表於 22-2-19 23:26
囝囝本身心儀邊啲選修科？心儀嘅科目成績如何？中三成績入到心儀科目大嗎？要留意學校是否行套餐會有所限 ...
係， 所以現在好多學校都要3x, 因為ls無分, 舊時可能top.個d先比3x, 現在一定要3x
作者: losoco 時間: 22-2-20 14:51
細細粒媽咪 發表於 22-2-18 20:57
想問下如得M1, 大學讀得掂嗎， 如果科係環境及能源工程既科， 因學校沒開M2, 現呀女唔想選 bafs可能Geog, ...
我建議你去各間大學搵相關課程的詳細內容來睇
我剛才去看了
CityU個School of energy and environment
的undergraduate course requirement
佢有個school requirement，我估即係common core,全學院的同學都要讀
當中有數學的，分basic 同 enhanced，就算有讀過M2，如考DSE只得level 1-3都係要讀basic
Level 4或以上才讀enhanced
這科數分兩個semester分別叫part I 同 II，內容看來是M2大部分的課題
MI, functions, coordinate geometry, trigo, vectors, matrix
之後在major core還有個mathematical methods for engineers
內容大約係GCE AL Further maths 某些部分
其實我諗
你讀得energy
我估唔少得會讀AC circuit
Voltage同current的phase difference已經係講緊complex number
現在DSE core內的complex number完全是皮毛過皮毛
只係知 i^2 = -1 就得
入U 都係要讀番詳細
作者: skywalker167 時間: 22-2-20 15:22
本帖最後由 skywalker167 於 22-2-20 15:26 編輯
losoco 發表於 22-2-20 14:51
我建議你去各間大學搵相關課程的詳細內容來睇
我剛才去看了
應該就是MA1200 同MA1201 (我當時是讀呢2個course)
我見而家話如果DSE有M2而且M2個grade是4-5的話就要讀加強版
即MA1300同MA1301
關於MA1200同MA1201可以看以下的課程pdf: (其實google可以search course code可以搵到個網頁，裡面有pdf)
https://www.cityu.edu.hk/catalogue/ug/201415/course/MA1200.pdf
https://www.cityu.edu.hk/catalogue/ug/201415/course/MA1201.pdf
另外:
例如Bachelor of Engineering in Energy Science and Engineering
工學士(能源科學及工程學)
https://www.cityu.edu.hk/see/programmes/undergraduate-programmes/bachelor-engineering-energy-science-and-engineering#curriculum
需要讀30credit GE:
https://www.cityu.edu.hk/catalogue/ug/current/catalogue/catalogue_UC.htm?page=B/ge_requirement.htm
包括: 2科英文、1科中文、4科通識、3科school specific GE
6+3+12+9 = 30credit
再加school requirement:
CHEM1200 Discovery in Biology
CHEM1300 Principles of General Chemistry
MA1200 Calculus and Basic Linear Algebra I
MA1201 Calculus and Basic Linear Algebra II
PHY1201 General Physics I
SEE1002 Introduction to Computing for Energy and Environment
以上6科總共18credit
再加SEE4000 Professional Development
其他就是major自己的
可以自己click入去以上link
有課程資料
school requirement 18credit 1字頭我估應該要year1幾乎讀曬
其實phy chem bio 數學 電腦 都要讀.....
作者: 細細粒媽咪 時間: 22-2-21 09:43
losoco 發表於 22-2-20 14:51
我建議你去各間大學搵相關課程的詳細內容來睇
我剛才去看了
多謝資訊， 真的謝謝資料， 咁可能要再睇睇其他既環境科，其實都睇左幾個， 好老實自己睇d topic 名， 都唔識分是否有M2, 成份，可能要選些沒有工程既字眼，找到以下， 希望有心人分享下如只有M1,handle 到嗎.
暫時選科取向， 初步 gego, phy, bio, M1,
https://www.jupas.edu.hk/tc/programme/eduhk/JS8702/
https://www.jupas.edu.hk/tc/programme/cuhk/JS4648/
https://www.jupas.edu.hk/tc/programme/hkust/JS5812/
作者: 細細粒媽咪 時間: 22-2-21 09:51
skywalker167 發表於 22-2-20 15:22
應該就是MA1200 同MA1201 (我當時是讀呢2個course)
我見而家話如果DSE有M2而且M2個grade是4-5的話就要讀加 ...
謝謝你既分享， 最後睇左d沒有工程字眼既環境科， 帶望唔洗M2, 如上評語， 如有經驗可一齊分享， 謝謝你以下悉心既解釋.
作者: losoco 時間: 22-3-12 16:14
細細粒媽咪 發表於 22-2-21 09:43
多謝資訊， 真的謝謝資料， 咁可能要再睇睇其他既環境科，其實都睇左幾個， 好老實自己睇d topic 名， 都 ...
我覺得科大同教大似較適合
中大那個可能較多physics，分分鐘會有一大堆數式
作者: fishballbaby 時間: 22-3-13 17:47
Jessy 發表於 22-2-18 22:26
Hi 我去年同你傾過，打算幫阿仔選ICT的，唔知你記唔記得我？
最近得知學校ICT呢科合格率偏低，多數係校內 ...
本帖最後由 fishballbaby 於 22-3-13 18:04 編輯
我囝仔又是打算要揀ICT，他現在中二，而上年中一時他已有這決定，他實在太喜歡編程。
他現在打算讀Phy, Chem, ICT 和M2
我聽阿囝講，DSE改制後的課程包括 Python, Web Design 和 Database （希望我無記錯），是三選二，而他學校會揀 Python 和 Web Design。而阿囝現在已經學緊Python，更加令他覺得揀 ICT是必定的，所以我們從來都無理會學校以往DSE的成績好不好？最重要這科是他的興趣。
作者: Jessy 時間: 22-3-13 22:14
fishballbaby 發表於 22-3-13 17:47
本帖最後由 fishballbaby 於 22-3-13 18:04 編輯
我囝仔又是打算要揀ICT，他現在中二，而上年中一時他 ...
我仔興趣又無去到咁大，所以才常常猶豫不決。
不過現在都決定了會選ICT。
| 歡迎光臨 教育王國 (/) |
Powered by Discuz! X1.5 |