教育王國

標題: 陪太子做中文功課嘔血點解中文字咁難寫 [打印本頁]

作者: yancb 時間: 22-1-24 17:40 標題: 陪太子做中文功課嘔血點解中文字咁難寫

太子讀緊K3
每次陪佢做中文功課，我都想嘔血。
做中文抄寫功課:
如果我唔擦，15分鐘做哂，但會好醜樣，B-比老師圈，
如果我擦，擦到我得覺我唔太差，就起碼要寫一個鐘頭，
今日佢仲做左成兩個鐘頭，我已經係陪O係佢旁邊，佢冇分心做其他野，
D時間純粹攞左黎寫完又擦、寫完又擦度。
寫好多次都係部首太大，搞到隔離個部件細。

其實佢份人唔係蠢，
如果比份加減甚至乘數功課佢，
如果唔介意佢字醜，
佢係好可以好快答到哂嫁。

對化學物理歷史又有興趣，
如果用佢抄寫中文果1個鐘黎陪讀百科書，
佢可以學到咩叫法國大革命、可以講到水係由咩化學成分組成。
有時覺得叫佢練寫字好浪費時間，中英數加埋就做好耐，
一個下晝咁冇左，如果要佢功課唔低分就冇咩時間睇課外書。
(我地學校不論中英數都係當硬筆書法咁做，連數字都要寫到好標準)

作者: 964000 時間: 22-1-24 20:12

yancb 發表於 22-1-24 17:40
太子讀緊K3
每次陪佢做中文功課，我都想嘔血。
做中文抄寫功課:

本帖最後由 964000 於 22-1-25 01:17 編輯

其實寫字B-有咩問題

佢都盡咗力，
何必浪費時間，我小朋友未讀過local school, 佢哋細個時冇人捉寫字靚唔靚，亦唔會寫字打分，主要睇內容，到佢而家大個咗寫字包括中文字都ok喎，靚唔靚睇有冇心機啫。
又或者你可以考慮遲啲學下書法。

作者: Raccch 時間: 22-1-25 10:39

寫的唔夠端正好可能係寫得少，手部肌肉不夠力控制唔好，練多啲就有改善。其實B-都冇問題，只要家長自己接受到就ok。不過以後如果打算讀傳統學校的話，很多都要求字體，就要提早練定。如果將來學校冇要求，大可由佢慢慢發展。

作者: Nbs 時間: 22-1-25 21:39

我唔想小朋友不停寫完又擦擦完又寫無限loop, 咁樣好打擊佢興趣同自信

亦唔鍾意矯枉過正，個角一定要90度，個句號一定係perfect circle, 幾點一定係嗰個方向。。。

我唔buy 呢種態度，所以早早入咗國際學校。佢都係k3 (其實係year 1), 佢好有興趣寫字認字，老師亦鼓勵唔識寫或寫得唔靚唔緊要，寫咗先，慢慢有信心有興趣，自然會越寫越有心機越靚

作者: yancb 時間: 22-1-26 19:41

Nbs 發表於 22-1-25 21:39
我唔想小朋友不停寫完又擦擦完又寫無限loop, 咁樣好打擊佢興趣同自信

亦唔鍾意矯枉過正，個角一定要90度， ...

本帖最後由 yancb 於 22-1-26 19:42 編輯

其實我都好同意，覺得好無謂同打擊自信。但係之前阿仔用15分鐘完成的果份中文科C+功課，比
老師o係堂上面攞出黎展示公審：「你地睇下，XXX同學份功課唔比心機做，所以C+啊，你地唔好學佢啊！」其實我想講全班寫字最靚果個咪一樣係15分鐘做一份功課！我仔功課簿有B果次佢寫左個幾鐘定兩個鐘…

作者: yancb 時間: 22-1-26 19:44

Raccch 發表於 22-1-25 10:39
寫的唔夠端正好可能係寫得少，手部肌肉不夠力控制唔好，練多啲就有改善。其實B-都冇問題，只要家長自己接受 ...

知唔知邊間小學對字體冇咁大要求？
英華算嗎？

作者: Raccch 時間: 22-1-26 20:29

yancb 發表於 22-1-26 19:44
知唔知邊間小學對字體冇咁大要求？
英華算嗎？

未了解過英華，唔知呀。

作者: Nbs 時間: 22-1-26 21:19

yancb 發表於 22-1-26 19:41
本帖最後由 yancb 於 22-1-26 19:42 編輯

其實我都好同意，覺得好無謂同打擊自信。但係之前阿仔用15分 ...

嘩個老師咁講嘢。。。
我見住我女我就發覺，呢個歲數其實最緊要係培養好奇心，興趣同自信心。有呢幾樣elements, 佢自然有動力做得好。老師咁嘅態度，我自己不能接受。。。

作者: Federic 時間: 22-2-2 20:24

本帖最後由 Federic 於 22-2-2 20:26 編輯

我幼稚園讀根德園，書法C+。小學讀培正，書法丙+，俾老師罰留堂因為上堂磨墨。

依家咪一樣讀完博士學位。不過我手字真係好醜樣。

作者: yancb 時間: 22-2-23 15:19

回覆 Nbs 的帖子

我都覺得老師咁講好唔岩。

歡迎光臨教育王國 (/)