教育王國
標題: 大家有擔心學校音樂科成績嗎？ [打印本頁]
作者: monkichi402 時間: 22-1-9 03:35 標題: 大家有擔心學校音樂科成績嗎？
你們怎樣幫你的小朋友溫習音樂？
作者: lflxl 時間: 22-1-9 09:26
唔擔心 初小開始學琴
作者: monkichi402 時間: 22-1-9 09:39
lflxl 發表於 22-1-9 09:26 
唔擔心 初小開始學琴
的確有學樂器好好多
作者: Kat2021 時間: 22-1-10 00:01
小朋友有學琴，佢自己溫書，因為我唔識幫唔到佢
作者: 0030 時間: 22-1-10 09:35
初小開始學琴學樂理參加樂團～無見她溫過音樂
作者: ipki 時間: 22-1-11 10:23
擔心來做咩?
順其自然啦
有D人天生音痴,有D一路學開音樂
邊有得比較架...
作者: jbbmom 時間: 22-1-11 12:55
不擔心
無見她溫過音樂 x 2
作者: tkinwong 時間: 22-1-11 13:31
ipki 發表於 22-1-11 10:23
擔心來做咩?
順其自然啦
有D人天生音痴,有D一路學開音樂
但要呈分，又計入名次，擔心都係正常。
如果我小朋友唔係學琴而考埋ABRSM樂理，我都會擔心。
作者: LeeCC 時間: 22-1-11 14:00
ipki 發表於 22-1-11 10:23
擔心來做咩?
順其自然啦
有D人天生音痴,有D一路學開音樂
其實等於我屋企個視藝白痴一樣，視藝weighting好似高過音樂，我當年都擔心
作者: ipki 時間: 22-1-11 14:04
回覆 LeeCC 的帖子
順其自然啦如果自己唔強,不如花時間係其他方面
呢D都無得點溫,我係唔識音槳就唔識架啦
同ART一樣,我都唔叻,咪合格算LOO,吾係可以點?
不如主科拿多幾分
ANYWAY真係唔擔心得咁多架
TAKE IT EASY
作者: Azzurro 時間: 22-1-12 01:35
主科中、英、數佔的比重為9；常識為6；視覺藝術佔3；音樂佔2
（不一定有）而宗教及普通話分別佔2和1
小一開始如果有錢有意識的話
有意識係指父母知道未來呈分試視覺藝術和音樂同學畫畫和學樂器有關
最好從小就比錢去興趣班去解決呢個問題
所以對父母冇錢或冇意識嘅小朋友來說很吃虧。。
樂理的話，如果冇學樂器的話，根本小一開始就很難答題了，父母唔識更冇可能幫忙理解啊
其實普通話都一樣，假如學校包含普通話在呈分裡面
冇外補普通話的同學根本機會好低。。只靠學校去學普通話不容易
呢個話題簡單來說係錢同意識嘅問題
當然一個月外補四課 1000元左右超過一半家庭都比得起
所以應該話係父母意識嘅問題先對
作者: LeeCC 時間: 22-1-12 07:10
Azzurro 發表於 22-1-12 01:35
主科中、英、數佔的比重為9；常識為6；視覺藝術佔3；音樂佔2
（不一定有）而宗教及普通話分別佔2和1
我小朋友自細都係視藝白痴，K2開始學畫畫，但一直都只係B，C，到呈分試好彩都保住個B，睇返佢系學校派返來的畫，佢有B我覺得老師好仁慈
一上中學就顯形了，次次都係重做才有個D
普通話說話呢方面，基本就算有補習點都唔夠普通話母語的同學來，好在漢語拼音佔分唔少，可以將勤補拙，拉返D分
作者: lflxl 時間: 22-1-12 13:33
我由幼稚園開始投資小朋友學畫畫同樂器。自己無天份唯有外判。呢兩科尤其視藝要浸，樂理都仲可以惡補。而家初小暫時視藝音樂A開，認同樓上網友講嘅「意識」好重要
不過要玩精藝術真係好燒錢。
作者: monkichi402 時間: 22-1-12 15:45
而家快要呈分先有意識，所以尋找緊急救方法。
作者: ipki 時間: 22-1-12 15:53
本帖最後由 ipki 於 22-1-12 16:03 編輯
回覆 monkichi402 的帖子
有無學開樂器?如果無,真係唯有找個教樂理的,死背答案LOO
時間有限
我係怕你搞得音樂來又影響其他科
如果你呈分至開始來做野,我覺得不如用D時間係D更有把握科目上
作者: ipki 時間: 22-1-12 16:10
音樂科－集中補樂理知識 大部分學校不會考核大小提琴及鋼琴，因學生家庭背景差異，或造成不公平，精英學生可在表演平台及比賽一展身手。 根據教育局指引，音樂科評核分三方面，包括唱歌、試卷及樂器，當中試卷普遍佔最重分，協和小學（長沙灣）音樂科召集人譚雅文老師指出，試卷考樂理知識及聆聽，較客觀評核，故佔分達50%，內容有聆聽樂曲及節奏、音樂家及粵劇等知識，唱歌、奏樂器較弱的學生，只要讀熟教科書及用心聆聽，足夠取高分。 而樂器部分佔20%，主要吹牧童笛，最多學校採用，譚老師說：「牧童笛最易上手，價錢相宜，音樂天分不高的學生也能掌握，最緊要上堂留心學習。」唱歌部分較難補底，唱歌差的學生要留意拍子、節奏及音準，唱得準已有不錯分數，另有小五六男生開始轉聲，大部分老師會讓其唱低八度，不會影響分數。
作者: monkichi402 時間: 22-1-12 16:44
ipki 發表於 22-1-12 16:10
音樂科－集中補樂理知識 大部分學校不會考核大小提琴及鋼琴，因學生家庭背景差異，或造成不公平，精英學生 ...
謝謝你的資訊，你的準備功夫很足夠(emoji)(emoji)(emoji)(emoji)
作者: ipki 時間: 22-1-12 17:25
加油啦,仲有時間
作者: 964000 時間: 22-1-13 07:08
Azzurro 發表於 22-1-12 01:35
主科中、英、數佔的比重為9；常識為6；視覺藝術佔3；音樂佔2
（不一定有）而宗教及普通話分別佔2和1
音樂視藝本身學來係為興趣，原來而家本地課程已進化到音樂視藝都要比拼，仲有得「補習」
作者: Azzurro 時間: 22-1-17 12:47
964000 發表於 22-1-13 07:08
音樂視藝本身學來係為興趣，原來而家本地課程已進化到音樂視藝都要比拼，仲有得「補習」
...
因為在呈分試之內，比拼都無可口非
同一時間，我認為教育局加音樂視藝在呈分試之內也是合理的
因為這兩個項目非常重要，不單單係興趣，可有可無
我認為小朋友全面發展是必要的，使之制度化很合理
平衡推移，激進點來說，DSE 要不要都考音樂視藝？ 我認為可以考慮。。。
（唔好打我）
作者: 964000 時間: 22-1-19 07:57
Azzurro 發表於 22-1-17 12:47
因為在呈分試之內，比拼都無可口非
同一時間，我認為教育局加音樂視藝在呈分試之內也是合理的
唔會打你，其實在國際學校IB都要一定要考視藝，有得揀dance, film, music, theatre, visual arts等，佢地自細學校都會教得幾深入，但不用咁早「考」，所以隨興趣發展，點都搵到一樣有興趣的。
作者: day_bo 時間: 22-1-21 14:13
monkichi402 發表於 22-1-9 03:35
你們怎樣幫你的小朋友溫習音樂？
唯有我自己睇下書加上YOUTUBE自學再教阿仔...結果呈一呈二音樂都可以攞A，所以冇學開樂器都唔需要太擔心。有D內容學樂器都唔一定識，不過學開就音樂SENSE會好D。
作者: mcl203 時間: 22-1-22 13:12
ipki 發表於 22-1-12 16:10
音樂科－集中補樂理知識 大部分學校不會考核大小提琴及鋼琴，因學生家庭背景差異，或造成不公平，精英學生 ...
可能你囡囡未到高小，相信傳統女校學生本身水平較高，亦比較認真。想當年，學校有自由亦有指定，係可以帶不同架生返學校考試，有用過牧童笛，亦自己帶過小提琴，亦有獨唱或合唱。至於唱歌，走粒音都會聽得出去扣分，亦多同學留心其他同學考試，要取高分係唔易嘅，未學樂理亦會有影響，就係試過一次因考卷有啲因未學樂理而低咗啲分。傳統女校音樂要求係唔低嘅，尤其是積極參與學界嘅小學，前列生係鬥到VA和Music呢啲科目～～～
作者: ipki 時間: 22-1-24 09:40
回覆 mcl203 的帖子
咁我又唔覺得佢學校好重視音槳 HAHA雖然有D咩樂團,但好似都唔太覺佢地有咩獎
學校都係好自由,又唔會迫你學音樂
ANYWAY,我囡音樂都有D底
佢又中意,咪由得佢自由發展LOO
作者: mcl203 時間: 22-1-24 10:40
ipki 發表於 22-1-24 09:40
回覆 mcl203 的帖子
咁我又唔覺得佢學校好重視音槳 HAHA雖然有D咩樂團,但好似都唔太覺佢地有咩獎
未必間間如是既，係相對嘅比較，亦我估你囡未去到高小，要求可能已經不一樣，SFCS亦似乎唔算積極參與嘅小學～～～
作者: ipki 時間: 22-1-24 12:12
回覆 mcl203 的帖子
係架咁我本身都有唔小高小的家長朋友
所以我至話SFCS唔算太重視音樂
有咁的野提供,但係唔會好主動去參加
OK啦,我又未聽過佢地話SFCS計到MUSIC分
可能大部份好個D又會走
我心態係直升就得,hAHA
| 歡迎光臨 教育王國 (/) |
Powered by Discuz! X1.5 |