教育王國

標題: 關於插班生事宜請教各位！！ [打印本頁]

作者: jolun729 時間: 22-1-4 12:50 標題: 關於插班生事宜請教各位！！

～question！～部分學校招收下半學期插班生，實在太嚮往！截止日期一月底，感覺很匆忙，①很想申請，又很矛盾，怕失敗，被就讀學校知（唔知是否會保密？）
②轉學是否很難適應？③呢家學校搶破頭掙d，今次是否是一次機會，錯過了就無？

作者: piglover 時間: 22-1-4 12:55

想走就走，怕咩而家學校知。叻人要走，係正常不過的事。

作者: gracelam 時間: 22-1-4 13:11

jolun729 發表於 22-1-4 12:50
～question！～部分學校招收下半學期插班生，實在太嚮往！截止日期一月底，感覺很匆忙，①很想申請，又很矛 ...

年年都有人插班走人, 有offer先通知學校退學, 冇offer咪繼續返學當冇事發生!

作者: ok3 時間: 22-1-4 13:31

除非小朋友喺學校週圍講，否則邊個知你去考插班？！

作者: Oli_1109 時間: 22-1-4 14:09

jolun729 發表於 22-1-4 12:50
～question！～部分學校招收下半學期插班生，實在太嚮往！截止日期一月底，感覺很匆忙，①很想申請，又很矛 ...

考插班通常要筆試，同場有機會見到同校同學，就算小朋友唔講，你預左同場同學返到學校會周圍唱

無話急唔急，既然呢間學校爭崩頭，又係你心儀嘅話，更加要把握機會

作者: PTL_L 時間: 22-1-4 14:18

jolun729 發表於 22-1-4 12:50
～question！～部分學校招收下半學期插班生，實在太嚮往！截止日期一月底，感覺很匆忙，①很想申請，又很矛 ...

1.試左成功先有得揀，可以第一round 筆試都冇被shortlisted ,咁之後既問題已經唔駛煩，所以試左先，亦可同小朋友講呢個秘密暫時唔好同人講住，如果真係轉校先通知同學。成功與失敗，除非考插班時見到同校同學，而同學又會同校方講（應該唔會啦，因同學自己都考插班）否則學校唔會知。

2.適應是因人而異，但聽番大部分都適應的好好，最緊要係俾小朋友知道轉校原因及好處。

3.無論受歡迎與否既學校，都會收插班，由其而家既情況，裝備好自己小朋友，機會一定留俾有準備既人。

作者: deco99 時間: 22-1-4 18:21

jolun729 發表於 22-1-4 12:50
～question！～部分學校招收下半學期插班生，實在太嚮往！截止日期一月底，感覺很匆忙，①很想申請，又很矛 ...

其實下半學期插班可能最易入，因為好多人覺得匆忙或未留意miss咗。如果真係好鍾意梗係試下，唔得以後可以再插。其他問題都係杞人憂天，就讀學校唔會知，如果學校啱小朋友唔會有適應問題。

作者: minichong28 時間: 22-1-5 11:43

小朋友轉過兩次班, 每次都好快適應, 好多朋友仔, 亦都好受同學歡迎

當然我有幫手, 買多啲零食返去請同學食, 我維持左一個月

作者: Jean1769 時間: 22-1-5 12:18

minichong28 發表於 22-1-5 11:43
小朋友轉過兩次班, 每次都好快適應, 好多朋友仔, 亦都好受同學歡迎

當然我有幫手, 買多啲零食返去請同學食 ...

插兩次班…. 有需要嗎

作者: minichong28 時間: 22-1-5 12:26

回覆 Jean1769 的帖子

如果唔係中間既學校, 怕且都轉唔到而家既龍校, 而家小朋友讀得好好同開心

作者: prettywuman 時間: 22-1-19 00:56

唔怕比舊校知…老師仲會問你考插班考成點？無乜問題

作者: 小曳人 時間: 22-1-19 11:35

我仔插班試時，係見到有同學，但男仔初小唔8掛，我亦無同人講，所以就算對方講我，咁又點？怕講到學校知？知又可以點？

適應好睇人，小朋友多數問題不大

機會，應該仲有，身邊呢個月走嘅家庭有兩個，計劃緊半年內走嘅又有好幾個家庭，我相信就算今次唔得，仲有大把機會

作者: fufu17 時間: 22-1-19 12:46

要同小朋友解釋插班的原因. 我小朋友當知道要轉校是喊晒口, 唔肯轉. 我要不停作解釋, 約他原校的好朋友定期出來玩. 結果他返新學校不夠一星期, 就融入了新環境, 有新朋友, 現在還很喜歡新學校. 當然父母要有很多的陪伴, 幫小朋友過渡新環境.

作者: 怪獸爺爺 時間: 22-1-19 14:29

prettywuman 發表於 22-1-19 00:56
唔怕比舊校知…老師仲會問你考插班考成點？無乜問題

真我上年幫小朋友考插班班主任都知仲幫手氹小朋友答應轉走當然都有嘗試留小朋友

作者: Lotsomom 時間: 22-1-19 21:27

1. 正常插班成功後先要正式通知學校，當然最後決定留響原有學校咁當然唔駛。決左轉校後應盡早通知舊學校，等舊校可以有多點時間準備。舊學呢個時候都會問你將會轉去邊一間。

2. 轉學開頭適應的確需要時間，所以每日都會同小朋友傾計了解佢學校情況，睇下會唔會俾到意見佢，但到一、兩個月之後，應該都適應到，小朋友堆埋一齊玩其實好易混熟。

3. 當然唔係，就算今年失敗，下年都可以再試過⋯個人認為仲可以證明俾呢間學校睇你地真係好喜歡呢間學校。

歡迎光臨教育王國 (/)