教育王國

標題: 為何中文咁深 [打印本頁]

作者: airwalk    時間: 21-12-24 12:13     標題: 為何中文咁深

本帖最後由 airwalk 於 21-12-24 12:15 編輯

中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字, 字詞讀音係要死記, 筆順部首, 修詞手法,  學校教得深, 考得更深, 有時考到連作者都未達既天馬行空想法. 你以為夠你受, 點知再來文言文, 學來做咩? 認識多D中文? 咁為咩唔學甲骨文?

但係小朋友長大出來社會市場又點, 係文職工作9成都係用英文, 就連EMAIL上大陸都係打英文.....
香港學生英文一般水平只能睇, 睇netflex, youtube仲要追字幕, 傾計都仲係er...er. 詞不達意..
到申請外國大學又再花時間操IELTS 7 操到死,  


自己小朋友小學操練中文粗略估計學習2/3時間, 生活係中文社會又有幾多%用到係學校咁深入中文, 我都唔太明白香港咁深入操中文目的係咩? 為咩唔放輕鬆, 將精力投入係其他科入面?





作者: 天外之人    時間: 21-12-24 13:00

每個人都有唔同諗法,工作上會否用得著,真係睇你做什麼工作. 英文大部份全世界通用,比中文作用係大,需唔需要中文的確唔係好重要. 但當你真正認識到中文,個人文化修養係會唔同啲. 學習學得好,學得輕唔輕鬆,仲要睇其他因素,唔係所謂Happy School就一定學得好.

當然,呢啲都係個人觀點.
作者: iloveyoga    時間: 21-12-24 14:42

回覆 airwalk 的帖子

講得好,正正講出我想講嘅說話,當年我小朋友正正就係在中文科上受盡折磨,可能現在中文科程度要求會更高,更多。最後我哋決定放棄中文,無謂為咗中文而令小朋友失去學習的興趣和自信。
作者: piglover    時間: 21-12-26 16:57

airwalk 發表於 21-12-24 12:13
中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字,  ...

本帖最後由 piglover 於 21-12-26 17:03 編輯

我眼見現在香港Local School係,中文好深,英文超淺。用意何在,你自己思考。

呢兩年考小,中文好嘅小朋友,才會有好多offer。英文真係陪襯。就算考英文小學,學校都係首選中文好的小朋友。

身邊有能力嘅朋友,已經頂唔順中文,情願從神小,轉到國際學校。


作者: honeybibibibi    時間: 21-12-26 17:33     標題: 回覆樓主:

唔太認同。
幾時都應該係中文行先,中文好值得花心思去學,同埋我覺得應該堅守文化。
學文言都無問題架,但我覺得文言文呢d已經唔適用於現代既野就不應計入考試。
如果只著重第時出黎做野都係用曬英文既,咁係咪可以直接連中文都慢慢淘汰呢?

作者: supermom1    時間: 21-12-26 17:36

piglover 發表於 21-12-26 16:57
本帖最後由 piglover 於 21-12-26 17:03 編輯

我眼見現在香港Local School係,中文好深,英文超淺。用 ...

本帖最後由 supermom1 於 21-12-26 17:38 編輯

身邊的確好多轉國際或者移民.


作者: piglover    時間: 21-12-26 19:52

honeybibibibi 發表於 21-12-26 17:33
唔太認同。
幾時都應該係中文行先,中文好值得花心思去學,同埋我覺得應該堅守文化。
學文言都無問題架,但 ...

學習中文無問題。

現實係,有無需要小一就學到咁深。


作者: airwalk    時間: 21-12-26 22:30

piglover 發表於 21-12-26 19:52
學習中文無問題。

現實係,有無需要小一就學到咁深。

唔係叫你唔好學中文,而係喺香港花太多精力左中文上面,但係語言嚟講英文將來工作使用率較高,
而且中國社會上,就算幾差個學生,中文讀寫聽說都不存在任何問題.
反而英文能力影響好多香港人材表達能力.

其實中文唔使搞得咁難考得咁難,將精力分擔於其他學科上面可能會較好.

作者: airwalk    時間: 21-12-26 22:34

honeybibibibi 發表於 21-12-26 17:33
唔太認同。
幾時都應該係中文行先,中文好值得花心思去學,同埋我覺得應該堅守文化。
學文言都無問題架,但 ...

喺香港幾差嘅學生中文讀寫聽都沒有問題,
但係英文就成了最他們工作最大的障礙

作者: Azzurro    時間: 21-12-27 10:11

大陸公司電郵大部分都係用中文
大陸人娛樂的話,大部分人睇大陸劇台灣劇

https://hk.finance.yahoo.com/news/世紀筍工-長實請中文主任年薪過百萬-要精通古文-062600249.html

https://zh.wikipedia.org/wiki/爭取中文成為法定語文運動
作者: airwalk    時間: 21-12-27 12:31     標題: 回覆樓主:

你可能要再學下中文,我意思中文唔係唔學,而係唔洗咁深咁谷

作者: kitkit89    時間: 21-12-27 12:45

airwalk 發表於 21-12-27 12:31
你可能要再學下中文,我意思中文唔係唔學,而係唔洗咁深咁谷

非常同意,咁細個咁深咁谷只會失去學習興趣

作者: Cherryroy    時間: 21-12-27 19:14

本帖最後由 Cherryroy 於 21-12-27 19:15 編輯

我囡都有呢個問題,而家p2,佢話中文深 ,唔知係咪因為睇得多英文書關係。中文差到無可再差,作都唔懂得作
作者: Gud567567    時間: 21-12-28 16:02

香港教育局根本講一套做一套. 話咩培訓人才著重科技. 實質仍是為考試為分數. 初小學生就花大量時間操咩筆順部首, 修詞手法等除左攞高幾分, 有咩好處. 但已沒多餘時間看多本書, 發掘其他知識. 唔明為何中文越嚟越深, 反而英數常就越嚟越淺. 好多嘢都好失敗  
作者: piglover    時間: 21-12-28 19:21

Gud567567 發表於 21-12-28 16:02
香港教育局根本講一套做一套. 話咩培訓人才著重科技. 實質仍是為考試為分數. 初小學生就花大量時間操咩筆順 ...

所以,有能力嘅家長都會送小朋友過IS or 直頭過外國讀。

作者: fupigpig    時間: 21-12-28 22:03

Cherryroy 發表於 21-12-27 19:14
我囡都有呢個問題,而家p2,佢話中文深 ,唔知係咪因為睇得多英文書關係。中文差到無可再差,作都唔懂得作 ...

我小朋友P3,情況差唔多⋯
一升小學,學校d中文排山倒海咁,英文卷就明顯淺,反而英文越嚟越好,亦越嚟越有興趣,小一已經睇全英語節目,每朝自動拎本英文圖書睇得,會追英文故事書⋯
而家我心態係,d人係明就明,唔明我都廢事嘥氣再解釋,當左我曬自己小朋友英文強,現實係我自己教/私補教中、數、常都教到反眼!

作者: 區二嫂    時間: 21-12-29 08:48

airwalk 發表於 21-12-24 12:13
中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字,  ...

咁你如果係英國,是否應該學少D英文而去學多啲中文?

作者: zaba    時間: 21-12-29 09:17

本帖最後由 zaba 於 21-12-29 09:17 編輯
區二嫂 發表於 21-12-29 08:48
咁你如果係英國,是否應該學少D英文而去學多啲中文?

學習母語同第二語言, 根本不能比較
所以你呢個問題實在一矢中的
當然, 如果一心中學放洋或者舉家移民, 又唔同講法


作者: airwalk    時間: 21-12-29 10:36

區二嫂 發表於 21-12-29 08:48
咁你如果係英國,是否應該學少D英文而去學多啲中文?

本帖最後由 airwalk 於 21-12-29 11:15 編輯

本帖最後由 airwalk 於 21-12-29 11:14 編輯

無可比性,
香港又要做國際城市, 又要受惠大陸,但係中文又唔係普通話, 亦唔係簡體字, 英文又唔係突出,好多人對話都問題, 香港咁多專業人士, 為何走唔出香港?.
再者, 學術上, 更有自己一套DSE, 唔係高考, 都唔係英美任何一制度. 各地更要你語言達到程度先可以申請外國大學



學中文無問題, 但唔洗咁深咁谷.小學花好多時間係中文上面,
但小朋友長大文職場上, 香港作為第三類産業, 佔大部份都係英文. 又點樣做好?

作者: 藴藴    時間: 21-12-29 11:13

係好矛盾,小學要中文好,中學要英文好,學書面語我明白,文言文點解學大部分小學中文唔好,係好難成績好。

作者: chanti    時間: 21-12-29 11:55

airwalk 發表於 21-12-24 12:13
中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字,  ...

完全明白。我大仔已升中 本身讀書不是特別叻 仲要讀咁多科 最後只好放棄中文及中史, 去外國留學 …去到外國唔係唔冼讀 不過係學校讀書之外就真的少功課及project, 多活動,仲有時間睇課外書。

作者: 964000    時間: 21-12-29 12:15

藴藴 發表於 21-12-29 11:13
係好矛盾,小學要中文好,中學要英文好,學書面語我明白,文言文點解學大部分小學中文唔 ...

本帖最後由 964000 於 21-12-30 08:06 編輯

但由幼稚園開始矛盾完一大輪,身體最誠實,中學就爭相target IS/出國,到時英文都係要追,中文就預唔洗再掂,而留低的就但求中文拿個2定3入大學。
初初講好的要在local school「學好中文學習中國文化」呢?整個課程都設計得好矛盾,令家長和學生的學習目標都好予盾


作者: Dybala    時間: 21-12-29 17:15

天外之人 發表於 21-12-24 13:00
每個人都有唔同諗法,工作上會否用得著,真係睇你做什麼工作. 英文大部份全世界通用,比中文作用係大,需唔需要 ...
問題係文化修養並唔係靠現今小學學中文果種填鴨同近乎矯枉過正嘅教法黎培養, 呢種方法只會令小朋友更討厭學習中文
作者: lovecupid    時間: 21-12-30 09:24

本帖最後由 lovecupid 於 21-12-31 18:06 編輯

要在大一篇閱讀理解搵個詞語做填充,但文章裡的詞語「詞性」和問題的「詞性」不同。大人都覺得很難教小朋友答。
然後很煩人的就是「段意理解」、「句意理解」和「排句成段」。答案意思模稜兩可。大人都唔肯定答案。這些都是「語言學」的分析練習,而不是學中文。
成語詞語考試測驗,又是考些意思很接近的例如:「犧牲」和「捨棄」…….
令小朋友很討厭中文。

作者: 巴圖魯    時間: 21-12-30 11:22

以我職場所見,很多人連一句通順的中文都寫不出來,錯別字又多。

如果學習中文只是着眼於應用,將來會很難理解我們中國文化的深意。香港的中國語文教育除了讓學生學習中文應用還有傳承中國文化的目的。

另外,教育小孩是否要以市場需求為本,跟貼市場?市場要甚麼技能就裝備甚麼?要知道市場供求,時刻都在轉變。

至於深淺問題,我認為也是因人而異。多認字,多閱讀的小孩子,相信語文成績應該會比較好。
作者: ipki    時間: 21-12-30 12:05

不能同意更多了
我最怕係個D睇一大篇文,叫你選一個詞填充
大佬你句野同個文章2個意思喎,大人都要諗好耐至知答案
然後問你作者諗咩,我係作者都反哂眼,我寫都唔係咁的意思
認真我認同,因為點都要作下文,多字至會作到好文
但係個D咩背古詩呀...九唔搭八的野,大人都唔明,我都唔識教....
如是者係中文越來越差.....好難做人..........唉

作者: day_bo    時間: 21-12-31 10:47

巴圖魯 發表於 21-12-30 11:22
以我職場所見,很多人連一句通順的中文都寫不出來,錯別字又多。

如果學習中文只是着眼於應用,將來會很難 ...
贊同閱讀重要,看得多語文各方面自然好起來。我囝自幼稚園開始也是偏喜歡英文閱讀,所以英文一直不錯。的確英文故事書種類闊很多有趣好多,中文書很少令他提起興趣,所以P1-4中文作文同閱讀理解不太好。但自從疫假期間睇大量書,其中找到一套20本中文偵探書(台灣訂的)他睇完再翻睇...P5開始中文進步了不少,作文用左好多四字詞。之後再找到幾套佢喜歡既中文小說,而家佢又看中文書又看英書,中文成績算不錯。
作者: kpc2015    時間: 21-12-31 13:52

啲中文課程, 十年如一日, 都唔知的教育高官做過啲咩? 而家的小朋友仲點會有大興趣學中文. 寧願睇英文書, 中文點會好. 中文話係死亡之卷, 唔係學生唔叻. 係個課程失敗, 令部份叻的學生都因討厭個課程, 而討厭中文. 個底都唔好, 幾叻都要投降啦     
作者: airwalk    時間: 21-12-31 14:00

kpc2015 發表於 21-12-31 13:52
啲中文課程, 十年如一日, 都唔知的教育高官做過啲咩? 而家的小朋友仲點會有大興趣學中文. 寧願睇英文書, 中 ...

高官咪送D小朋友去外國讀, 或者去國際學校讀,
傳承中國文化就留比你地做......


作者: ipki    時間: 21-12-31 14:08

回覆 airwalk 的帖子

好聽的咪話傳承文化LOOANYWAY,觀點與角度
口內說不,身體郤很誠實
你問下有幾多個所謂傳承文化的家長,會比小朋友去北大清華先啦
咪又係個個出哂去外讀書.....


作者: airwalk    時間: 21-12-31 14:22

ipki 發表於 21-12-31 14:08
回覆 airwalk 的帖子

好聽的咪話傳承文化LOOANYWAY,觀點與角度
醫, 會計, LAW, 工程, 轉運, 航空,  香港要發展三類産業 99%都係英文為主,玩到中文咁深, 我唔太理解.....





作者: ipki    時間: 21-12-31 14:33

回覆 airwalk 的帖子

都話傳承文化LOO你唔傳承唔通叫高官富人個D子女同你傳承啦
上有政策下有對策架姐
事在人為

作者: 日本妹妹    時間: 22-1-1 10:50

其實中文深與否,真係好睇小朋友肯放幾多時間。
如果你問叻中文嘅學生,佢哋唔會覺得中文難。
現在大多數小朋友只睇英文書,唔睇中文書,所以咪覺得難囉。佢哋連睇電視都係英文台,YouTube cartoon 都係英文,接觸得多,咪覺得英文容易好多。
相反7,80年代,如小朋友要補習,十居其九都係補英文,唔會補中文,為什麼?莫非當時中文淺,英文深?我自己唔太覺得。我自己覺得主要原因係當時我哋係會日睇夜睇電視,不過睇中文台,當時邊會有平民細路睇英文台,接觸得多咪唔覺中文難。

如自己仔女肯睇中文書,我相信佢哋唔會太覺得中文都難。language 係要浸,唔係只做下補充練習就有好大進步。

只是個人意見,不喜匆插。
作者: piglover    時間: 22-1-1 12:01

日本妹妹 發表於 22-1-1 10:50
其實中文深與否,真係好睇小朋友肯放幾多時間。
如果你問叻中文嘅學生,佢哋唔會覺得中文難。
現在大多數小 ...

我覺得而家小一嘅中文係深過我二十幾,三十年前的小一。

作者: 日本妹妹    時間: 22-1-1 12:23

回覆 piglover 的帖子

其實小學真係唔算深 反而中學啲中文應該深,不過我又覺得如經常接觸中文,也可應付。因為DSE 中文6X 分已有5**。
比起其它科,如理科科目,就要好高分先可以有5**.

作者: airwalk    時間: 22-1-1 14:53     標題: 回覆樓主:

我覺得中小學應以實用為主,而太深學術留比大學以上

作者: piglover    時間: 22-1-1 16:13

日本妹妹 發表於 22-1-1 12:23
回覆 piglover 的帖子

其實小學真係唔算深 反而中學啲中文應該深,不過我又覺得如經常接觸中文,也 ...

我小學一年級,中文字都未識幾個,百分百唔會做咁深的閱讀理解。



作者: 964000    時間: 22-1-2 11:13

piglover 發表於 22-1-1 12:01
我覺得而家小一嘅中文係深過我二十幾,三十年前的小一。
...

本帖最後由 964000 於 22-1-2 11:21 編輯

都幾肯定現時的中文在初小階段係深過以前好多,因為現在D人早教,好多小朋友巳經一早學了許多,問題係咁已嚇怕了一班小朋友討厭中文。另外有班就唔知點解明明local school 又轉咗去英文台於是中文愈積愈弱,但如果小朋友側重中文時家長又會擔心英文落後,事實上一日得咁多時間,你點分配都覺得比人蝕底,永遠冇安全感。


作者: cherry_ng_    時間: 22-1-2 14:45

日本妹妹 發表於 22-1-1 10:50
其實中文深與否,真係好睇小朋友肯放幾多時間。
如果你問叻中文嘅學生,佢哋唔會覺得中文難。
現在大多數小 ...

同意,7,80年代,小朋友接觸中文機會多過英文好多,大多數睇電視同書都係中文。反之,現在小朋友接觸英文機會多過中文,所以小朋友覺得英文好易,中文就好難。認識一些小朋友自細有睇中文書的習慣,佢哋係學習中文時完全沒有問題,寫作還會用很多成語。其實所有語文科都一樣,都要多睇多學,自然就會有進步。

作者: SummerTrees    時間: 22-1-3 12:51

其實簡單評價中文或者英文哪個更有用哪個沒有必要學,對自己小朋友並沒有什麼幫助,只要以後不打算移民,在香港的社會環境下中文和英文都要學的好才是最佳的選擇。

而且,並不是自己小朋友不喜歡學中文就真的是學校教的深。中文確實比英文難學,如果認為英文容易學,而成績無法確定可以達到50%以上,或者考ielts不操卷7分也沒有,那說明英文也沒學好,則更需要檢視自身的學習問題而非埋怨學校的教學內容。

作者: SummerTrees    時間: 22-1-3 15:44

回覆 日本妹妹 的帖子

正解。
我看那些平時看中文書的小朋友,學中文一點都不會覺得吃力。

也有見過小朋友堅持看喜歡的中文書幾個月之後,中文水平明顯提高,不需要去補習。

作者: 日本妹妹    時間: 22-1-3 22:01

回覆 cherry_ng_ 的帖子

這正正是我的意思。
其實同一道理,現在小朋友英文叻過中文,莫非現在英文淺咗?7,80年代英文深啲?我覺得無可能囉!現在小學友喜歡睇英文小說,厚厚都喜歡,佢哋作文啲vocab 我都唔識。

所以唔可以話現在中文深,令小朋友無興趣,只係大多數父母覺得英文重要,睇書,睇TV, 睇cartoon 都係英文,令小朋友接觸少中文,所以就會有這情況。

至於話好多行業九成都係英文,其實我唔太清楚。不過只知係香港生活,如中文太差,應會比下去。
只知大學,醫院,做律師也唔可以唔識中文。
你諗下現在好多教授都係大陸人,你諗下如中文太差,如何溝通?

其實最好係 中,英,普都勁,你小朋友一定去到邊都有競爭力。

你唔好以為去到外地不用中文,其實外國有啲工反而要你識普通話先會請你。如銀行,因大陸客多,你明我想講乜嘢啦!

肯放時間,無話讀唔掂,大家加油啦!




作者: darkgard    時間: 22-1-4 10:29

airwalk 發表於 21-12-24 12:13
中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字,  ...

時間好公平。人人都係24小時。
過去十年到依家,父母慣左training 小朋友英文,走係街上,唔難見到六歲以下嘅小朋友,家長都係講英文。咁樣,小朋友中文一定差,字庫唔夠,語句唔通順。
好明顯,近年小學中文係深左好多,一來小朋友本身少接觸中文(因為大部份時間用英文),二來學校要用中文提升學校排名。(香港地,個個小朋友都英文勁,好難係呢方面突圍而出)
與其話政治因素,都要有學校,家長一條龍咁配合。學校份卷難啲咩,班家長可以捉小朋友外補,精益求精;學校出淺啲咩(好似啲happy school, 少中默),班家長又唔鐘意丫,怪佢學術唔夠人fight。成個market,係supply and demand。最後,係小朋友受苦。
其實,數學都深架,我地以前小學,數學邊有依家咁,成日出「陰人」嘅題目,又拎啲奧數題放入數學卷?
唉,香港讀書好難。

利申:我本身唔怪獸,經歷大女小一入學挫敗後,開始明白香港父母唔可以唔怪獸,亦都無得唔怪獸。好難好佛系咁教小朋友。(坦白講,宏觀全世界,所有華人地區都係讀書辛苦)


作者: airwalk    時間: 22-1-4 11:02

darkgard 發表於 22-1-4 10:29
時間好公平。人人都係24小時。
過去十年到依家,父母慣左training 小朋友英文,走係街上,唔難見到六歲以 ...

其實很矛盾,
平民家長要校內成績好, 爭名次, 只好操中文, 但同時知道英文重要性, 英文唔好將來出社會好大件事.....文職基本你無機會做到, 外國升讀大學你都要死讀個IELTS 7返來申請學校.  

有錢家長就比小朋友直入讀國際學校, 一係小或中, 大學外國讀, 咁就暗示在英文有幾重要, 簡直係final boss.

係LE點, 我地華人社會, 日常生活中文好自然都會識, (了解下新加坡),  我唔明白為香港教育, 小, 中學學校唔大力加強英文外語力, 而係咁加操中文. 小一, 小二谷學修詞, 詩集, 文言文,  (我認同中文係要學, 但絶對可以平衡返,)

更諷刺係, 作為家長想小朋友入D英文小學, 英文中學,? 咁係supply & demand,?


樓上有位家長話, 只要努力就一定成功, LE句野單眼佬都知,
但係唔係個個做到., 咁做唔到都要照顧?  



作者: 日本妹妹    時間: 22-1-4 11:48

回覆 darkgard 的帖子

好同意。如人哋睇我,我一定係怪獸家長,但無奈香港教育就是這樣,1歲人仔就話要返playgroup, 有啲仲得人驚,未出世已要排定隊。以前運動邊會玩fencing, 只係玩下籃球,羽毛球,足球等。現在越冷門越好,因升小或升中會加分。有小學生已考igcse, 所以香港先有「怪獸家長」這稱號。

就算入到一間Happy school, 家長一樣會谷,因大家一樣要考試。除非讀國際學校,確實從愉快中學習,但有幾多家庭可以afford 呢?
所以有啲讀唔掂,真係寧願出國,其實現在都算好時機,因有BNO 免費去英國讀書。

如果真係讀唔掂中文,確實有另一條路可考慮

作者: airwalk    時間: 22-1-4 11:58

日本妹妹 發表於 22-1-4 11:48
回覆 darkgard 的帖子

好同意。如人哋睇我,我一定係怪獸家長,但無奈香港教育就是這樣,1歲人仔就話要返p ...
整體來講,
香港土炮小學, 中學D "中文"係競賽用, 係用來比家長同家長之間鬥名次用..
而學校, 就係場地,  教育局係搞手....

咁運動員比賽後出社會可以做D咩?
答案係: 職業再培訓 , 再操下英文先好返工.





作者: SummerTrees    時間: 22-1-4 12:28

airwalk 發表於 22-1-4 11:58
整體來講,
香港土炮小學, 中學D "中文"係競賽用, 係用來比家長同家長之間鬥名次用..
而學校, 就係場地,   ...

本帖最後由 SummerTrees 於 22-1-4 12:31 編輯

中文比英文難學,想學好中文自然要比英文多用些時間多花些心思。

不理解學中文何時淪為是為了鬥名次,日常生活交談難道都用英文嗎?如果平時都講英文,又何必辛苦去職業再培訓考個ielts 七分?更何況ielts七分只是很普通的英文成績。


作者: darkgard    時間: 22-1-4 15:17

所以話,係香港,英文好係基本,中文好先係功架。

要睇好多書,經常執起支筆作下文。本身亦要喜愛中文,先會做得到。但試問,有幾多小學生有咁嘅情操

作者: cantona2001    時間: 22-1-5 14:14

我仔宜家小五一直有讀書習慣,英文已經睇到好多,宜家都儘量要佢睇番多d中文平衡番。之前借左金庸佢又話一睇封面都無興趣。咁就我地兩公婆自己睇先啦,佢見我地睇得好過癮咁,又開本射雕英雄傳睇,一個暑假咁就睇晒三步曲。

學完魔法又認識下降龍18掌同九陽神功,學習言語嘅興趣都係咁培養出來。

P.S. d比卡超閃卡咪又中又英咁儲同同學交換,睇netflix就睇英文版,有興趣嘅隻隻精靈嘅中英文名佢都識
作者: airwalk    時間: 22-1-5 14:29

本帖最後由 airwalk 於 22-1-5 14:37 編輯
cantona2001 發表於 22-1-5 14:14
我仔宜家小五一直有讀書習慣,英文已經睇到好多,宜家都儘量要佢睇番多d中文平衡番。之前借左金庸佢又話一 ...


你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手法寫, 角色情感, 修詞手法, 句子係邊種比喻?  為何要打降龍18掌, 唔打20掌之類問題?  
如果冇問, 可能今晚返去問下小朋友有無真係學好香港要學中文...

LE個咁既問題就係我地考試要問既中文問題...





作者: 天外之人    時間: 22-1-5 14:49

Dybala 發表於 21-12-29 17:15
問題係文化修養並唔係靠現今小學學中文果種填鴨同近乎矯枉過正嘅教法黎培養, 呢種方法只會令小朋友更討厭學 ...
講得冇錯,文化修養唔係單單依靠這些,呢啲要日積月慮形成,冇野係可以立即就有效果,不論學什麼都係咁,好多人都講小朋友學野係好快,所以一定要先令小朋友喜歡上才可以.當小朋友喜歡了,自然提及既填鴨式學習都一樣冇問題,間接唔會有深既存在.
作者: 天外之人    時間: 22-1-5 14:52

day_bo 發表於 21-12-31 10:47
贊同閱讀重要,看得多語文各方面自然好起來。我囝自幼稚園開始也是偏喜歡英文閱讀,所以英文一直不錯。的確 ...
所以亦都證明衹要有喜歡之心,自然什麼都快上手~
作者: cantona2001    時間: 22-1-5 17:53

airwalk 發表於 22-1-5 14:29
你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手 ...
我仔中英文成積都唔錯,佢無補習,但直昇直屬中學又無咩問題,我有時間通常同佢玩board games, 唔理得佢學業咁多
作者: cantona2001    時間: 22-1-5 18:00

airwalk 發表於 22-1-5 14:29
你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手 ...
其實我都好明你講嘅情況,我姪女就係讀間女龍校,平時只睇英文書,兩姊妹主要用英文溝通,唔鐘意睇中文書,之前差d中文唔合格昇唔番直中,後來都係靠補習追番,所以中文真係難攪
作者: Dybala    時間: 22-1-6 10:45

天外之人 發表於 22-1-5 14:49
講得冇錯,文化修養唔係單單依靠這些,呢啲要日積月慮形成,冇野係可以立即就有效果,不論學什麼都係咁,好多人 ...
好似樓上講嘅射鵰咁, 我地細個點解會無啦啦拎起本原著黎睇, 就係因為睇咗套電視劇或者打機想細路仔鍾意一樣嘢一定要先引發到佢興趣, 而唔係每日抄詞語/背成語/迫你喺篇作文用n種修辭手法

作者: 天外之人    時間: 22-1-6 12:28

Dybala 發表於 22-1-6 10:45
好似樓上講嘅射鵰咁, 我地細個點解會無啦啦拎起本原著黎睇, 就係因為睇咗套電視劇或者打機想細路仔鍾意一樣 ...
咪就係,冇興趣,點谷點補出來都唔會好得去邊,就算有好既分數出來,都衹係臨時性,因根本冇真正去明白,背著去默去考,幾天後知識就煙消雲散.越去到高年班效果越突顯出來. 想要小朋友快樂學習唔係單單靠學校比,係家中既父母才是最重要.
作者: airwalk    時間: 22-1-6 13:06

天外之人 發表於 22-1-6 12:28
咪就係,冇興趣,點谷點補出來都唔會好得去邊,就算有好既分數出來,都衹係臨時性,因根本冇真正去明白,背著去默 ...

其實鐘意睇中文書, 故事, 係香港考試下係幫助不大, 你叫圖書館日日睇報紙阿伯去考DSE, 可能分分鐘唔合格.

因為考試係抽象化題形, 公式化答案. 要操練唔係你識幾多中文, 你幾了解中國文化, 而係你點去分析題形而答案係佢地想要的, 但同時未必作者咁認為.

.





作者: melobi12    時間: 22-1-6 13:17

airwalk 發表於 22-1-5 14:29
你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手 ...
令我諗起自己細個,因為屋企人都睇幾多書,所以我得閒無事都會揾書架啲書睇。最後中學會考兩份卷,作文份卷我攞A (我係寫抒情文),問課文內容(作者諗乜、修辭手法) 份卷我得C。我都唔知我中文算好定差




作者: ipki    時間: 22-1-6 14:29

回覆 airwalk 的帖子

補習班有價有市就係咁的原因
大家可以高尚咁認為求學不是求分數

但回歸現實,我睇左一百本中文書,我中文係唔係就高分?

最後咪又係去操題目,除非你唔想係香港升學

我試樓主的意思唔係話中文難學定係點

係唔明係香港呢個制度下,考的野對真係想維繫中文或咩文化之類有咩作用?

理想係人人都知睇多D就好,但係問題係你睇完一堆中文書,你可以考到好中文?




作者: cantona2001    時間: 22-1-6 15:36

本帖最後由 cantona2001 於 22-1-6 15:44 編輯
ipki 發表於 22-1-6 14:29
回覆 airwalk 的帖子

補習班有價有市就係咁的原因

學所有語言,睇多d書正常對所學語言有幫助,我細個都睇完三國演義(本書好厚要睇好耐,但我真係對三國歷史好有興趣),對答出師表多多少少有幫助,衰衰地會考中文都有B,英文書我細個就真係完全無睇,英文就真係考得差。
睇書即係打拳/打波練基本功,打好根基對以後再深度訓練有幫助,但唔保証一定攞高分,但睇咁耐家長分享都係話睇書對學語言有正面影響(至少唔會負面先)當然世上總有人天才係例外到唔睇書都考滿分

其實宜家學生中文攞5*/5**比率同英文應該差不多,除左補習,都應該嘗試其他方法提高學生興趣去面對


作者: ipki    時間: 22-1-6 16:23

回覆 cantona2001 的帖子

我無話過睇書無幫助只係樓主的重點唔係睇唔睇書
佢意思係我地中文有無需要考到咁深
個個為左高分,唯有去補習
不如用D時間去睇多D書,學多D野
唔好搞錯重點

作者: SummerTrees    時間: 22-1-6 16:26

airwalk 發表於 22-1-6 13:06
其實鐘意睇中文書, 故事, 係香港考試下係幫助不大, 你叫圖書館日日睇報紙阿伯去考DSE, 可能分分鐘唔合格.  ...

鐘意睇中文書確實無法保證考試一定可以高分,英文也是如此,但是爲何家長卻又要小朋友多讀英文書呢?




若以考試為目的,讀中文書或者英文書之意義在於盡可能多的覆蓋語言上的知識點,但是實際上讀的内容是否會與考試範圍重合或者是否能夠理解考試知識點則是因人而異的。在讀的内容和考試内容都是相對隨機的情況下,讀的越多可能覆蓋到的考試範圍就越大。但是不讀則一定不會覆蓋到。


dse中文考試5或者5**的學生有的上補習班,有的靠自己也可以。上補習班那些雖然有補習老師的幫助,但是能考到好成績同樣要靠自己努力,沒可能去聽聽老師講課就能拿5和5**。

作者: airwalk    時間: 22-1-6 16:46

本帖最後由 airwalk 於 22-1-6 16:47 編輯
SummerTrees 發表於 22-1-6 16:26
鐘意睇中文書確實無法保證考試一定可以高分,英文也是如此,但是爲何家長卻又要小朋友多讀英文書呢?

中文, 想考好成績, 部份係要操答題技巧,
"我想講小學生花好多時間係LE種技巧上學習中文", 為何唔將時間平衡放返去英文上, 因為英文將來工作需要大,  係各方專業, 同學術領域上,
香港係第三類産業環境下, 英文需求大.... 醫學, 科學, 法律, 商業, 航運, 都係英文為主.





作者: SummerTrees    時間: 22-1-6 17:23

本帖最後由 SummerTrees 於 22-1-6 17:32 編輯
airwalk 發表於 22-1-6 16:46
中文, 想考好成績, 部份係要操答題技巧,
"我想講小學生花好多時間係LE種技巧上學習中文", 為何唔將時間平 ...

中文操卷是有必要的,只操卷不積纍語言水平也無法取高分。

如你所言, 醫學, 科學, 法律, 商業, 航運, 都係英文為主,但是如果學不好中文可能DSE的分數都不夠讀這些專業。

另外,就醫學金融法律這些行業而言,中文是相當重要的,醫生與病人溝通的時候幾乎都是用中文,因爲本港居民的英文水平無法與醫生就病情進行溝通。近年香港的IPO企業幾乎是内地企業,早些年香港的IPO律師和投資銀行已經在工作中需要的地方使用普通話,這都是中文重要性逐漸提高的表現。

其實, 能繞開中文的可能其實真的好細,學好中文十分必要。

作者: airwalk    時間: 22-1-6 17:44

SummerTrees 發表於 22-1-6 17:23
中文操卷是有必要的,只操卷不積纍語言水平也無法取高分。

如你所言, 醫學, 科學, 法律, 商業, 航運, 都 ...

我講在好多次, 係要學中文, 而唔係一D中文都唔學,
係香港正常學生幾差都好 ,都唔會中文文盲, 又何來中文溝通有問題?


另外IPO.  知唔知幫IPO 上市係咩公司, D會計文件, 法律文件會用中文????????
你睇個D中文文件係由英文轉過來...醫, 法, 會計, 學術都係....








作者: SummerTrees    時間: 22-1-6 17:56

本帖最後由 SummerTrees 於 22-1-6 18:06 編輯
airwalk 發表於 22-1-6 17:44
我講在好多次, 係要學中文, 而唔係一D中文都唔學,
係香港正常學生幾差都好 ,都唔會中文文盲, 又何來中文 ...

知唔知幫IPO 上市係咩公司, D會計文件, 法律文件會用中文????????


---------------------------
上市公司的年報,招股書都有中文内容,通常是中英文對照,這是常識。

而且,投資銀行,ipo律師行在做大陸企業ipo的儘調看的文件都是中文的。


作者: airwalk    時間: 22-1-6 18:21

SummerTrees 發表於 22-1-6 17:56
知唔知幫IPO 上市係咩公司, D會計文件, 法律文件會用中文????????
你真唔知定假唔知架??你D IPO中文版本只係比中文人睇,
但係入面運作係英文...點可能樣樣工作流程會出中英文同行呢?????


你睇個D中文文件係由英文轉過來...醫, 法, 會計, 學術都係....


你問下渣飛機機司, 同個航空塔講中文, 睇佢理唔理你,
你做西醫生係份病歷打中文, 睇下supervisor會唔會用中文鬧你.




作者: 日本妹妹    時間: 22-1-6 21:00

英文是國際語言,英文當然重要,但樓上有JM 話為什麼小學中文咁深,有無需要?
其實有無需要真係好睇個人,因為由頭到尾,我真係唔覺得初小中文好深,叫正常啦!反而有啲直資教英文會比其它學校教快一兩年,所以佢哋英文會比普通津校深好多。但好奇怪,從來無家長投訴某某學校英文深,相反有好多家長like, 為什麼英文咁受歡迎, 中文就話深?

文言文無用,為什麼要學?
但有些小學已學英文poem, 初中也有英國文學,為什麼學英國文學就無問題,但學文言文就話無用?
好似有人話中學數為什麼咁深?不是學加減乘除就可以?

其實學每一科都有用,學數係學邏輯推理;學中文當然不只是 for 人與人溝通咁簡單,文學修養,談吐舉止,完全可反映每個人的品德。這不是操卷就可以學,如只係為考試攞高分而讀書,其實唔太難,死記難記,死做難做,成績係唔會太差。

但身為父母,你真係想仔女是這樣?只識考試,係唔識出嚟社會做事。
學習同做人一樣,係要真正品嚐學習嘅樂趣,知識才會長久。
如只為考試讀書,知識只是過眼雲煙。
所以我會鼓勵小學友睇多啲書,唔好經常只係補習和操卷。
這樣只會令小朋友對學習失去動力。



作者: cantona2001    時間: 22-1-7 00:18

心態決定境界,如果父母自己都唔鍾意中國文化,覺得學校教嘅野係無用(最普遍係做咩重要學文言文),多多少少都會影響番到仔女都有同一mindset(睇書梗係只睇英文啦),惡性循環,最後轉去讀國際學校,一天光晒!

其實首先唔好唸係咪教育問題先,參考下d高材生/或者同班同學點樣做到中英文都咁勁,取長補短,好過長嗟短嘆啦
作者: 妞妞寶媽    時間: 22-1-7 01:08

cherry_ng_ 發表於 22-1-2 14:45
同意,7,80年代,小朋友接觸中文機會多過英文好多,大多數睇電視同書都係中文。反之,現在小朋友接觸英文 ...

完全同意!我大女現在官校5年級,一直都喜歡看中文書,從沒中文補習過,但是中文特別好。相反一直不喜歡看英文書,學校英文比較簡單,考試也沒什麼問題。但是英文相比中文程度就差很多啦,特別體現在作文上。我現在一直都在努力給她補英文,陪她看RAZ,但是要讓她主動拿起英文書看,還有很長一段路。


小女兒K2,我一直在英文繪本伴讀,只看英文卡通,現在她都能自主閱,但是中文只認識很少的字。日常表達經常中文夾雜著英文,經常會問什麼英文用中文怎麼說。有時候給她讀中文繪本,我都擔心她聽不懂書面詞語的意思。現在又開始擔心她中文啦。

所以說,語言難不難完全取決沈浸式學習。





作者: Azzurro    時間: 22-1-7 03:01

https://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat21_3.pdf
睇下 p. 14
dse 學生來說整體都係中文比較好
英文第二語言要求咁簡單整體成績都比中文差。。

本地學校來說,問題係英文太簡單,而唔係中文太難
中文難的話,重有中國文學可以玩呢
當然玩得起 literature in english 就更少
係香港,中文文學作品不少,但是有幾多英語文學作品?

職場文職語言要求係好低
所以真係要寫 “好文” 嘅時候,依然好難搵人

去到歐美,華人搵到工作好多都係因為識中文。。而唔係因為識當地語言
作者: airwalk    時間: 22-1-7 10:27

本帖最後由 airwalk 於 22-1-7 10:28 編輯
Azzurro 發表於 22-1-7 03:01
https://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat21_3.pdf
睇 ...

你邏輯都幾特別,因為中文合格率高, 所以代表較淺
1. 你係華人社會, 當然中文會比英文流暢.
2. 咁就係英文成績差, 係咪應該加強下? 日後香港工作發展係好需要英文支持..

另外, 你話去到歐美,華人搵到工作好多都係因為識中文,
你知唔知華人因為語文無當地人好, 所以做唔返本行, 而要做後台supporting, 做洗碗, 廚房工作? 仲要比當地人時薪低.
我唔排除會有人專請中文, 但主流唔會係你講咁,  


作者: SummerTrees    時間: 22-1-7 10:58

airwalk 發表於 22-1-6 18:21
你真唔知定假唔知架??你D IPO中文版本只係比中文人睇,
但係入面運作係英文...點可能樣樣工作流程會出中英 ...

很顯然,你沒做過這些事情。

作者: 天外之人    時間: 22-1-7 12:15

airwalk 發表於 22-1-7 10:27
你邏輯都幾特別,因為中文合格率高, 所以代表較淺
1. 你係華人社會, 當然中文會比英文流暢.
2. 咁就係英文 ...
我衹可以講唔能夠單單靠一方面好就得,在外國你中文(普通話)英文能力好,仲要有自己既專業知識,自然就完美.
作者: 巴圖魯    時間: 22-1-7 13:10

教育不是職訓。如果職訓為本,學校裡大部份的東西都不需要學。
職訓真是夠用便可。像好多印尼姐姐,短時間學會了講廣東話,亦講得幾好,足夠她們工作上使用。

學校教的東西,很多都是思維訓練,裝備小孩子學些更進階的東西。文言文對將來工作有沒有用。我答你有,實例就是 孫子兵法。
作者: Star.Star    時間: 22-1-7 22:12

日本妹妹 發表於 22-1-6 21:00
英文是國際語言,英文當然重要,但樓上有JM 話為什麼小學中文咁深,有無需要?
其實有無需要真係好睇個人, ..
本地英文課程係外語課程黎,所謂教高一年級都係好淺的。
作者: 日本妹妹    時間: 22-1-8 08:51

回覆 Star.Star 的帖子

你又錯了,有家長小學已考IGCSE Eng, P4 已考toefl Junior (初中程度)。這些是正常 level? 咁可能我小朋友太C.有些神校,小學已教中學Eng level, 初中已教高中Eng level.

當然小朋友叻可以谷,我唔反對,但唔代表係正常level. 外地level 是否覺得香港英文level 淺所以有學校學深一兩年都無問題;相反香港人係香港接受教育就話中文深,可解?
Anyway, 各人重點唔同,我覺得英文當然重要,所以神校英文教快二三年都無問題,但我自己覺得中文也不可忽略。

作者: Dylanli2017    時間: 22-1-8 09:06

本帖最後由 Dylanli2017 於 22-1-8 09:06 編輯

回覆 日本妹妹 的帖子

同意你,不過我覺得香港小學既中文直頭是太淺,我求其手執一本大陸小學教科書,人地3年級既詞語仲深過啟思6年級既中文書,如果想自己既小朋友dse中文考得好,是要去裝備好自己小朋友,怨天尤人真是冇意思,制度唔會因為你去改,而是你自己去適合個制度囉。
作者: 日本妹妹    時間: 22-1-8 09:17

回覆 Dylanli2017 的帖子

Hi five同路中人
係㗎!大陸程度,不論中文,連數學都好高。叻嘅大陸人係香港讀書,真係可以好top, 因佢哋刻苦慣,超勤力。雖然佢哋英文會慢啲,但好多慢慢都可追上。

作者: 日本妹妹    時間: 22-1-8 09:31

回覆 Dylanli2017 的帖子

另外,好like 這句
「怨天尤人真是冇意思,制度唔會因為你去改,而是你自己去適合個制度囉。」

不論學習或做事也一樣,出嚟社會做事更明顯,除非你勁有錢,勁有勢力,勁叻,所以人都好就晒你,否則你也要因社會制度而改變,否則你會活得唔開心,經常怨天尤人,太多負面情緒也不健康。


IQ ,EQ 重要,但逆境能力也很重要。







作者: Star.Star    時間: 22-1-8 09:34

日本妹妹 發表於 22-1-8 08:51
回覆 Star.Star 的帖子

你又錯了,有家長小學已考IGCSE Eng, P4 已考toefl Junior (初中程度)。這些是正常 ...
你錯了
IGCSE同Toefl不是給西方當地人的考試,分別係畀國外及非以英文為母語的人的考試。

而且外國既英文課程根本同香港本地既唔同,香港學校就算教快三五七年,學既內容同方法都係同外國唔同。

等於外國人響國際學校讀中文,就算學快兩年,都係同本地中文課程兩回事。

作者: Dylanli2017    時間: 22-1-8 10:12

回覆 日本妹妹 的帖子

制度是死既,但人是活既,就算學校中文冇教深,咪自己裝備自己小朋友囉,一段時間後,小朋友可能仲會覺得中文一d都唔深。
作者: 日本妹妹    時間: 22-1-8 10:40

回覆 Star.Star 的帖子

就算我錯都無問題因為這裏是香港,不是外國,當然唔可直接同外國比較。因自己仔女不是讀緊國際學校,我只是同正常人比較。你的例子不適合,正如我話神校教快兩三年都無問題。

其實仔女是你自己,各人有權選擇如果栽培自己仔女,總之選擇合擇嘅路就可以,無話啱或錯。
我自己英文和中文都唔會放棄, at least 要自己仔女有一定程度,去到大公司也能生存。




作者: Star.Star    時間: 22-1-8 10:44

日本妹妹 發表於 22-1-8 10:40
回覆 Star.Star 的帖子

就算我錯都無問題因為這裏是香港,不是外國,當然唔可直接同外國比較。因自己仔女 ...
我同意㗎。唔會或者冇機會移民既唔好讀國際學校,中文半桶水,玩自己細路。
但係我同時認為本地中文教得過深。教得深但學生跟唔上,整體其實沒有提升,只係拉牛上樹事倍功半。

作者: 日本妹妹    時間: 22-1-8 11:03

回覆 Star.Star 的帖子

我明你意思。唯有大家為下一代繼續努力吧!

作者: Raccch    時間: 22-1-12 11:23

回覆 airwalk 的帖子

工作上使用中文多寡都係睇自己工作性質同對面既人,寫郵件俾內地既multinational corp就可以用英文,但係對國企都係要用返中文。以前有ABC朋友返黎香港工作,雖然佢識聽識講中文,但係唔識睇,佢自己都話因為唔識睇中文所以工作好多限制,最終幾年後返咗美國。依家我陪阿女讀書,佢中文都係學得好吃力,寫得慢,筆順錯,依度差個勾、個度個點方向錯,我都好懷疑佢係咪記性有問題定真係咁難,以前自己讀好似冇錯得咁慘。又曾經後悔地諗過早知俾佢讀英小,起碼其他科考試的時候都係英文寫得快啲,讀書溫書都容易啲。不過that ship has sailed,阿女已經係高小,依家只能盡力幫佢溫中文。

作者: 甜甜人妻    時間: 22-2-6 06:25

我同我老公細個中文成績都幾好,會考作文同讀本都係A, 然後中文都A咗。細個我好鐘意中國歷史同中國文學,係會拎史記同資治通鑑自己去睇嗰隻。

但我英文唔夠好,到大個入職場,大公司全部睇英文(其實係中英嘅可以,不過嗰啲written test 全部考英文),英文唔好唔使旨意考入嗰啲mnc. 而我做過嘢嘅所有公司,日常溝通當然係中文啦,但係所有要寫嘅睇嘅都係英文,根本英文差啲都唔得。

到個仔而家幼稚園啦,我都係俾個仔浸英文先,一歲上英文playgroup, 而家就嚟四歲,英文似乎OK,起碼同個工人溝通都冇問題,不過啲中文講到唔鹹唔淡(我同我老公都返工,工人對得佢比較多,平時又睇英文電視卡通),廣東話都真係唔係幾講到。

我見個仔中文情況都幾惡劣,而考小學必定考中文(上得ek 多所以知)所以安排咗佢上中文班,我老公都覺得我short short 地, 嘥錢,中文自己教都得,出去補中文勁奇怪。而我幫我個仔報個中文班,竟然冇乜其他人上,所以上左幾個月都係一對一(變相我覺得幾抵上),隔籬班嗰個d就爆哂去上英文堂普通話。

個仔呢排終於開始講到流利廣東話。亦都開始認到好多中文字。

眼見普遍嘅家長(我身邊嗰啲)全部都係重英輕中。

而作為一個在職媽媽嘅我,個仔讀中文完全係為咗考小。喺職場上,我覺得係說到流利普通話至係優勢,其他中文方面叻,唔係好有用。

作者: piglover    時間: 22-2-6 12:37

甜甜人妻 發表於 22-2-6 06:25
我同我老公細個中文成績都幾好,會考作文同讀本都係A, 然後中文都A咗。細個我好鐘意中國歷史同中國文學,係 ...

其實係因為DSE太多人,特別係名校小朋友炒中文,所以而家考小就主要睇中文。

我身邊嘅小朋友考小,中文叻嘅,真係一手都係offer。相反,英文叻中文普通嘅,反而無咩offer。

你去操中文嘅做法係絕對正確。想請教,邊度補中文少人?

我見補中文的早慧,大眾教室,真係勁多人上,好爆下。

作者: yanthai77    時間: 22-2-7 00:24

piglover 發表於 21-12-26 16:57
本帖最後由 piglover 於 21-12-26 17:03 編輯

我眼見現在香港Local School係,中文好深,英文超淺。用 ...

鬼咩 我個女就係 粵語中文字 重組句子 普通話數學 雙位數加減 都好ok
唯獨是 英文 比較一般 我哋考嘅大部分都係英文小學 結果全部後備 最後先至考咗一間中文小學 結果正取生

作者: cantona2001    時間: 22-2-7 01:25

甜甜人妻 發表於 22-2-6 06:25
我同我老公細個中文成績都幾好,會考作文同讀本都係A, 然後中文都A咗。細個我好鐘意中國歷史同中國文學,係 ...
好睇你做咩公司,我做過兩間香港上市公司,全世界都有分公司,返中國分公司比較多機會昇職,始終中文都唔可以太差,反而講普通話我地呢代人個個都崔水安咁上下水平,去做幾年就自然講到(同意講普通話流利係有小小優勢,不過人地都預左你唔掂)
作者: 甜甜人妻    時間: 22-2-7 23:08

piglover 發表於 22-2-6 12:37
其實係因為DSE太多人,特別係名校小朋友炒中文,所以而家考小就主要睇中文。

我身邊嘅小朋友考小,中文叻 ...

係石門嘅教育中心,唔係連鎖。

作者: QNDEC    時間: 22-2-10 11:13

巴圖魯 發表於 21-12-30 11:22
以我職場所見,很多人連一句通順的中文都寫不出來,錯別字又多。

如果學習中文只是着眼於應用,將來會很難 ...

你講得好啱
而家啲人根本就詞不達意!我個仔睇YouTube, 發現咗一個後生仔中文比較好,佢講出嚟嘅廣東話流暢,而家用嘅比喻恰當,令人聽得好舒服
以上只係我要令小朋友學好中文嘅意思。不過小朋友中文比英文強好多,我考試唔需要點溫中文,英文就溫到我死死下。唔通我又走去放棄英文咩?

作者: pennysiubobo    時間: 22-3-1 22:24

兩種語言一齊學,一定會有一種係強項一種係弱勢,你問中文好嘅小朋友英文一定係差d,重在唔好放棄,我小朋友每日自動自覺拎英文書睇,進步非常快,但我會提醒自己唔好沾沾自喜沈浸其中,每日都會拎中文書同佢伴讀,慢慢就能形成中英文書都睇嘅習慣。中英文成績都基本持平。

作者: SSHO臻    時間: 22-3-3 10:47     標題: 回覆樓主:

我個細路總是執筆忘字,都很煩(emoji),老師叫多抄字就好了

作者: annie40    時間: 22-3-3 19:52

airwalk 發表於 21-12-24 12:13
中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字,  ...
相對台灣,大陸,香港的中文科已經是初級中級水平的要求。兩地學生能學好,香港學生也能學好,除非是有心無力,又或無心無人,有力無心......
作者: jjjt    時間: 22-4-25 00:31     標題: 回覆樓主:

本帖最後由 jjjt 於 22-4-25 00:36 編輯

……


作者: 蘇飛飛    時間: 22-5-2 06:50

認同中文好深,自己公開考試都係英文分高中文好多,英文聽到看到就找到答案,中文還要再思考,再轉灣才能找到答案,真係難。剛大仔考完小一,中文真係難,本身英文開始考時有starters level,應付自如,但中文就,有些zoom in ,看到我..之後一直惡補,直到現在還努力學習中文去,希望小一跟得到啦

作者: 宮二    時間: 22-5-2 07:14

香港中文教育深唔深
真係見人見智
每天中英海量閱讀是不二法門
我女小三
嫌課本內容太悶
GS教中史太少太慢
因為一早已看完《如果歷史是一群喵》
大人書以至中文報紙也不放過
選擇月刊也看得津津有味

作者: piyohk    時間: 22-5-2 10:42

蘇飛飛 發表於 22-5-2 06:50
認同中文好深,自己公開考試都係英文分高中文好多,英文聽到看到就找到答案,中文還要再思考,再轉灣才能找 ...

先說一聲「對不起」,真的無意冒犯。改寫句子:
認同英文好深,自己公開考試都係中文分高英文好多。中文聽到看到就找到答案;英文還要再思考⋯tense, preposition, grammar, 再轉灣抹角才能找到答案,真係難。
小朋友如果幼兒階段開始只集中學漢語(包括普通話GAPSK公開試),白話文,文言文,修詞修法⋯情況又會如何呢?

作者: medicine    時間: 22-5-2 14:18

piyohk 發表於 22-5-2 10:42
先說一聲「對不起」,真的無意冒犯。改寫句子:
認同英文好深,自己公開考試都係中文分高英文好多。中文聽 ...

好多觀點或個人分享,換幾個字,係可以好有效果











歡迎光臨 教育王國 (/) Powered by Discuz! X1.5