教育王國

標題: 學校召回已派出嘅成績表 [打印本頁]

作者: aaronting 時間: 21-12-18 17:51 標題: 學校召回已派出嘅成績表

事原我個仔學校每年只有考績一先會派卷俾家長keep，其他考績就睇都唔駛指意睇，今年亦唔例外，11月中派咗卷俾我哋家長睇咗，第2日就帶返份卷返學校，然後12月4日派成績表，連同考績一份卷一齊派返俾家長keep。
點知派完成績表10日後，就收到學校電話，話成績表出錯，要我攞返成績表學校換更正版嘅成績表（退後1名）。後尾經確認，原來係有家長攞咗成績表之後無意中發現答案有爭議性，於是走返學校叫學校俾返分佢個仔，學校完全無考慮過成績表已經派咗成10日，照答應該家長嘅要求，反而要十幾個受影響嘅學生（有唔同班別嘅）攞返成績表返學校換。我就覺得極唔服氣喇，平時想睇吓個仔錯啲乜都唔得，依件事反映咗之前唔派卷都唔知個仔有無被改錯而蝕底咗，唔知大家對學校咁樣處理法有咩睇法？同埋我哋究竟有無得申訴呢？

作者: tailinlin 時間: 21-12-18 20:00

咁如果學校計錯分，係學校問題，相信改分數唔止改一個學生咁少，所以唔會有你所講為一個學生要幾十個學生改成績表呢個問題。
同埋你講公平問題，你無得睇卷時，其他家長一樣無得睇，咁點為之唔公平？
所以你認為你可以申訴啲咩呢？
其實學校出果題問題，如果真係出錯咗，咁家長係有權問學校攞分啲分喎。

作者: b3410 時間: 21-12-18 22:07

學校太心急出成績表，應該確認咗分數後再出

作者: aaronting 時間: 21-12-18 22:24

tailinlin 發表於 21-12-18 20:00
咁如果學校計錯分，係學校問題，相信改分數唔止改一個學生咁少，所以唔會有你所講為一個學生要幾十個學生 ...

出成績表十幾日前已經派過卷俾家長確認先至收返返去，佢交得返去就代表確認㗎啦，佢等派哂成績表十日後先發現有問題都仲有得追返？真係合理？

作者: aaronting 時間: 21-12-18 22:25

b3410 發表於 21-12-18 22:07
學校太心急出成績表，應該確認咗分數後再出

前前後後兩星期先派成績表，應該唔叫心急呱

作者: piyohk 時間: 21-12-18 22:59

當年今日，一樣嘅事情⋯中學時期，無諗過為咗那十幾個受影響嘅同學，唔想他們唔服氣，而唔同學校講。最終，後面嘅同學都需要交返成績表給學校更正排位。

作者: Mchacha 時間: 21-12-18 23:02

幾年級呀？
唔派試卷俾家長睇好似唔係幾好

作者: acgy 時間: 21-12-18 23:22

aaronting 發表於 21-12-18 22:24
出成績表十幾日前已經派過卷俾家長確認先至收返返去，佢交得返去就代表確認㗎啦，佢等派哂成績表十日後先 ...

其實已經確認左一次, 第2次學校根本唔應該理佢, 唔通一年後我發現有錯又可以返去改?

作者: aaronting 時間: 21-12-18 23:23

Mchacha 發表於 21-12-18 23:02
幾年級呀？
唔派試卷俾家長睇好似唔係幾好

本帖最後由 aaronting 於 21-12-18 23:24 編輯

小四，但一年級已經開始唔派

作者: aaronting 時間: 21-12-18 23:25

acgy 發表於 21-12-18 23:22
其實已經確認左一次, 第2次學校根本唔應該理佢, 唔通一年後我發現有錯又可以返去改?
...

無錯，我就係依個point(emoji)
終於有人明

作者: Mchacha 時間: 21-12-19 01:41

aaronting 發表於 21-12-18 23:23
本帖最後由 aaronting 於 21-12-18 23:24 編輯

小四，但一年級已經開始唔派

有冇話係咩原因唔派呢？
低小真係未必完全可以自己對卷
我覺得可以搵pta同學校反映

作者: aaronting 時間: 21-12-19 10:00

Mchacha 發表於 21-12-19 01:41
有冇話係咩原因唔派呢？
低小真係未必完全可以自己對卷
我覺得可以搵pta同學校反映

驚試題外泄囉，3年前寫過信同學校反映，校長只係答我學校一向嘅規矩就係咁，又唔係名校，搞到好似咩咁。
當時諗，一嚟學期中難轉校，二嚟又買哂嘢，但今次實在太過份囉！

作者: fupigpig 時間: 21-12-19 16:13

acgy 發表於 21-12-18 23:22
其實已經確認左一次, 第2次學校根本唔應該理佢, 唔通一年後我發現有錯又可以返去改?
...

同意，學校應該起碼定一個時限。

作者: wongtw 時間: 21-12-19 18:05

學校出錯絕對唔出奇，問題應該有個合理時限去更正，我就試過寫錯分數，份卷是99分，但成績表是寫98分，因為初小覺得唔重要沒有去追回，如果係呈分試就梗係去追番個1分啦，但係到呈分試呢，又睇唔到分數，根本有錯都唔會知。

作者: aaronting 時間: 21-12-19 21:09

fupigpig 發表於 21-12-19 16:13
同意，學校應該起碼定一個時限。

期限，應該係派成績表前

作者: aaronting 時間: 21-12-19 21:14 標題: 回覆樓主：

本帖最後由 aaronting 於 21-12-20 09:18 編輯

作者: fupigpig 時間: 21-12-19 21:33

aaronting 發表於 21-12-19 21:09
期限，應該係派成績表前

如果有邊度寫清楚期限，手冊也好，校網家長指引也好，咁其實你都可以提出學校指引，拒絕交還成績表？

作者: aaronting 時間: 21-12-19 21:46

fupigpig 發表於 21-12-19 21:33
如果有邊度寫清楚期限，手冊也好，校網家長指引也好，咁其實你都可以提出學校指引，拒絕交還成績表？
...

乜會有咩？邊度會搵得到？定教育局有定？

作者: fupigpig 時間: 21-12-19 22:14

aaronting 發表於 21-12-19 21:46
乜會有咩？邊度會搵得到？定教育局有定？

咁學校有自己規則丫嘛，正如唔俾帶試卷返屋企，都係學校自己定出嚟，如果你地學校有位置寫明「對卷期限」，咁應該期限過後就冇得再反駁成績喎！

作者: aaronting 時間: 21-12-19 22:41

fupigpig 發表於 21-12-19 22:14
咁學校有自己規則丫嘛，正如唔俾帶試卷返屋企，都係學校自己定出嚟，如果你地學校有位置寫明「對卷期限」 ...

個人覺得，一定係過咗對卷期限先會派成績表，無學校會願意派完又叫人返嚟換咁浪費人力物力囉，除咗我個仔間學校(emoji)‍♂️

作者: fupigpig 時間: 21-12-19 22:55

aaronting 發表於 21-12-19 22:41
個人覺得，一定係過咗對卷期限先會派成績表，無學校會願意派完又叫人返嚟換咁浪費人力物力囉，除咗我個仔 ...

「正常」當然係啦，俾咁多日限期都唔反駁，如樓上所舉例，咁過左一年可唔可以反駁呢？
不過學校d野，間間都總有d唔合理問題，視乎有冇影響到自己、自己又容忍到幾多㗎咋⋯
所以，你衡量下學校其他優點，有時d野唔太影響自己就算，我個人感覺去邊間都冇完美

作者: aaronting 時間: 21-12-20 09:26

fupigpig 發表於 21-12-19 22:55
「正常」當然係啦，俾咁多日限期都唔反駁，如樓上所舉例，咁過左一年可唔可以反駁呢？
不過學校d野，間間 ...

我嗰日同副校長講咗期限同佢哋處理喱件事嘅手法嘅問題，佢話同校長開會討論，然後幾日後打俾我話我知佢同校長開咗會決定咗，都係要我攞返成績表返去換，其他乜都無，我當堂O咗咀。其實依家咁，可唔可以要求學校出書面要求先俾成績表佢呢？佢想低調處理，但我想佢正面回應問題。

作者: fupigpig 時間: 21-12-20 09:52

aaronting 發表於 21-12-20 09:26
我嗰日同副校長講咗期限同佢哋處理喱件事嘅手法嘅問題，佢話同校長開會討論，然後幾日後打俾我話我知佢同 ...

如果係我，呢刻佢處理方式直接對我有大影響（例如係呈分試兼邊緣人），我會盡量據理力爭。
但學校已表明立場，而其他十幾人都願配合，我當刻位置似乎處於「只可以俾吓意見」，學校始終有決定權，不如傾吓來年或日後會點處理同樣問題，大家攞個和平共識。

作者: tailinlin 時間: 21-12-20 10:33

aaronting 發表於 21-12-18 22:24
出成績表十幾日前已經派過卷俾家長確認先至收返返去，佢交得返去就代表確認㗎啦，佢等派哂成績表十日後先 ...

可能個家長一早反映完，學校都要時間商量再作出對策，應該分數影響唔止一兩個人，你嘈唔公平，人哋家長一樣會嘈要分果一分，咁學校可以聽邊個？如果最終學校覺得題目出錯，一係取消條題目，一係糾正返分數，你覺得維持原狀最好？咁其他家長一樣會投訴！
你係學校你會點做？
仲有就係，你已經同學校反映咗你不滿，學校都reject 咗你，你仲要人哋出書面通知正面回覆，不如你搵吓有無其他家長撐你先再行下一步，否則最後蝕底既都係自己小朋友

作者: aaronting 時間: 21-12-20 18:32

fupigpig 發表於 21-12-20 09:52
如果係我，呢刻佢處理方式直接對我有大影響（例如係呈分試兼邊緣人），我會盡量據理力爭。
但學校已表明立 ...

多謝你嘅意見，其實幾年前我都反映過同一問題被否決，只係今次有子彈喺手，証明我講嘅係啱，所以先想爭取返啲嘢，起碼每次考試俾我哋返學校閱卷都好吖

作者: aaronting 時間: 21-12-20 18:33

tailinlin 發表於 21-12-20 10:33
可能個家長一早反映完，學校都要時間商量再作出對策，應該分數影響唔止一兩個人，你嘈唔公平，人哋家長一 ...

多謝回覆

作者: ipki 時間: 21-12-21 11:27

我係你就看下有幾多人要換成績表
集齊大家意見,一個人力量有限
如果其他人都認為無問題,你就算啦
因為你小朋友會成為學校口中的麻煩友
以後佢份卷會有特別照顧

你可以反映意見,希望同樣事情唔好再發生
有時太過堅持己見,最後自己都受傷

作者: acgy 時間: 21-12-21 23:07

仲有, 如果學校話個答案有爭議性, 咁係咪應該CHECK埋所有同學份卷, 睇下有冇其他同學都係同一個答案, 其他人都應該加埋分, 即係佢起馬要講返邊條問題同答案出來.

當然啦, 我都唔建議玩到太大, 但好多時明明有道理都冇用.

作者: aaronting 時間: 21-12-21 23:30

acgy 發表於 21-12-21 23:07
仲有, 如果學校話個答案有爭議性, 咁係咪應該CHECK埋所有同學份卷, 睇下有冇其他同學都係同一個答案, 其他 ...

就係明明有理都無用，當日我話同學校講就個個都話支持，然後第二日就個個都各自攞成績表返學校表忠，依家就得我一個未攞

作者: Little_Hazelnut 時間: 21-12-22 09:57

aaronting 發表於 21-12-21 23:30
就係明明有理都無用，當日我話同學校講就個個都話支持，然後第二日就個個都各自攞成績表返學校表忠，依家 ...

個個家長都係咁
口講一套，身體最誠實
已經四年級，出年開始呈分，邊個夠膽得罪學校呀

作者: maymail 時間: 22-1-24 18:21

回覆 aaronting 的帖子

你個Case係人地真係正確，補返分都正常。有人試過中文寫作獲高分，有其他家長知道後要求老師給出理由並要求科系老師重新評估份卷，最後得出結論中作唔可以高出指定分數

歡迎光臨教育王國 (/)