教育王國

標題: 想問吓個老師咁樣教有冇問題 [打印本頁]

作者: 高達紅色 時間: 21-12-17 01:46 標題: 想問吓個老師咁樣教有冇問題

本帖最後由高達紅色於 21-12-17 02:22 編輯

中一人文科學（英文），只係第一學期, keep 住不停突激默書測驗，唔合格低分就全抄，係連題目答案，學生第一次唔抄就double 上去
我明白家長插手就好似好怪獸咁，但我唔明佢咁教有咩效果？

另外想比啲個老師背景資料，我諗係第一年教書，因為其實之前佢係有線做電視主持嘅，Youtube 仲睇到，第二係好後生，而家仲做緊youtuber, 唱吓歌cover 咁，而且係學校合約教師，如果比妳地會唔會對佢唔係好有信心？

作者: gracelam 時間: 21-12-17 10:31

高達紅色發表於 21-12-17 01:46
中一人文科學（英文），只係第一學期, keep 住不停突激默書測驗，唔合格低分就全抄，係連題目答案，學生第 ...

本帖最後由 gracelam 於 21-12-17 10:33 編輯

我以為老一輩老師興罰抄, 阿女初中遇過2個, 冇㗎! 我叫佢知訂囉! 我唔會插手!咪勤力啲温書囉!得益都係自己嘅!

嗱! 難保高中再次遇上, 考DSE嘅話好多科都要SBA, 自己睇路啦!

作者: nillnill 時間: 21-12-17 14:45

高達紅色發表於 21-12-17 01:46
中一人文科學（英文），只係第一學期, keep 住不停突激默書測驗，唔合格低分就全抄，係連題目答案，學生第 ...

不停默書測驗，可能係學校政策，因為好多中學係靠測默鞏固學生知識。但錯邊題就改邊題。
全抄會令學生好大負擔，而且還有其他科要兼顧。
點都應該搵學校反應期望改善

作者: bobbob 時間: 21-12-17 14:49

高達紅色發表於 21-12-17 01:46
中一人文科學（英文），只係第一學期, keep 住不停突激默書測驗，唔合格低分就全抄，係連題目答案，學生第 ...

人生總會遇到啲唔太理想嘅事情，呢個老師都唔算太嚴苛，叫你小朋友上堂留心聽書，測驗唔好唔合格，阿q啲諗，當幫你預習，第日考試可以溫少啲

作者: b3410 時間: 21-12-17 18:36

囡依家高小，都遇到罰抄老師。年資高，教的好好，不過非常嚴厲，錯罰抄，唔做就加倍再加倍。佢哋被罰過一兩次後，都唔敢再錯，上堂也專心好多

作者: 1998Ruby1998 時間: 21-12-17 21:10

遇到呢啲老師先係寶喔？以前做學生都知，老油條等放工嗰啲鬼得閒同你突擊默書測驗，求其教曬 syllabus 就算。得啲後生嘅老師先會咁擺心機落學生身上。有啲學生係抄三四次都未識串字但又唔識拼音，唯有用 muscle memory 幫佢地溫書。

唯有自己醒少少專心上堂唔好錯咁多囉！

作者: bbforever 時間: 21-12-18 15:50

高達紅色發表於 21-12-17 01:46
中一人文科學（英文），只係第一學期, keep 住不停突激默書測驗，唔合格低分就全抄，係連題目答案，學生第 ...

識個同學中史差，被老師要求罰抄，日子有功，中史科進步好多～

作者: yaubb2014 時間: 21-12-18 17:09

高達紅色發表於 21-12-17 01:46
中一人文科學（英文），只係第一學期, keep 住不停突激默書測驗，唔合格低分就全抄，係連題目答案，學生第 ...

好Y，迫佢温習，老師hea教你咪重驚！

作者: YolandaTam 時間: 21-12-18 19:01 標題: 回覆樓主:

會叫年輕人自己跟緊啲，呢啲老師係有心想學生好，但通常唔係咁識教書(即係唔太能夠令學生明白)。

作者: bbc2018 時間: 21-12-19 11:14

本帖最後由 bbc2018 於 21-12-19 15:07 編輯

我自己唔會想阿囡遇到呢啲老師，亦慶幸末遇過

其實中學科目還有好多科，唔係得佢呢科，其實佢咁做，學生壓力大咗，好大機會反效果。
我亦唔覺得中學生還要默書，還要靠老師guide住學習，還要咁樣抄寫法

其實某些中學呢啲科上課時間應該唔多，不如用多啲時間睇片，老師講解多啲，增加同學間互動，師生互動更加能刺激學生對科目的興趣和吸收，長遠學生自然會自主學習，成效比較好！

作者: 3Meowshome 時間: 21-12-19 12:08

本帖最後由 3Meowshome 於 21-12-19 13:08 編輯

DELete

作者: gracelam 時間: 21-12-19 13:08

3Meowshome 發表於 21-12-19 12:08
DELete

我估係IS

作者: 高達紅色 時間: 21-12-19 13:22

gracelam 發表於 21-12-19 13:08
我估係IS

IH 呀，反而IS 無咩理佢都合格
題目只係土地規劃，年輕人成日話唔明囉！本書又唔係好厚，有時間可能一個長假期都攪惦！但可能老師都係新啦！

作者: gigayan 時間: 21-12-19 20:26

用呢啲盲目抄寫方法嘅老師，睇嚟都無乜心放落教學上，唔諗其他方法去教學生，用呢種低級方法務求學生自己「識晒」個課程，唯有叫自己小朋友呢一年自己執生，盡量避免踩雷。

作者: S-Kwok 時間: 21-12-19 20:51

高達紅色發表於 21-12-19 13:22
IH 呀，反而IS 無咩理佢都合格
題目只係土地規劃，年輕人成日話唔明囉！本書又唔係好厚，有時間可能一個長 ...

課文有冇summary? 如果家長可以嘅話，自己睇一次課文及理解學校嘅測驗模式，然後再教年輕人策略，希望長遠教到年輕人一啲學習方法及考試技巧，而非短暫避免老師嘅罰抄。

作者: CHANTAIWAI 時間: 21-12-21 10:17

提示: 作者被禁止或刪除內容自動屏蔽

作者: maryso1228 時間: 21-12-21 12:15

以為上一代先興罰抄估唔到依家仲會咁做

作者: 高達紅色 時間: 22-1-27 10:23

今早終於第一次睇到佢上zoom! 只係講吓考試咁，第一感覺串串共似補習天后多過教書
之前第一topic 講地理過咗就算！睇吓佢呢個學期咁多家長睇住佢點死！

作者: 洋蔥頭媽咪 時間: 22-1-27 18:50

我都好反對啲老師一味叫人罰抄，不過有啲老師好興咁做，由其是谷嘅學校會用呢啲方法，唔識就不停罰抄抄到你識，查實並非好嘅教學方法，慶幸我啲仔冇遇過呢啲老師。

作者: zitaeric 時間: 22-1-27 19:01 標題: 回覆樓主:

低分全抄，都吾會好多，抄吓都冇咩問題，阿女佢地低年班都係咁。

我記得以前我讀中國文学，日日背黓，吾合格，死得好金，抄親都成篇成篇，有個千字。

作者: 王家爸爸 時間: 22-2-19 12:34

zitaeric 發表於 22-1-27 19:01
低分全抄，都吾會好多，抄吓都冇咩問題，阿女佢地低年班都係咁。

我記得以前我讀中國文学，日日背黓，吾合 ...

其實係唔同既教育理念，無話啱唔啱。問題係小朋友接唔接受到，承唔承受到，如果接受到又承受到既話，可能係好事。如果小朋友接受唔到，承受唔到，就喺壞事。

作者: 高達紅色 時間: 22-2-19 13:24

王家爸爸發表於 22-2-19 12:34
其實係唔同既教育理念，無話啱唔啱。問題係小朋友接唔接受到，承唔承受到，如果接受到又承受到既話，可能係 ...

其實都啱嘅，由其是初中比機會個學生自己搵讀書嘅方法，搵唔到唯有抄囉！總之就抄咗好多紙出嚟

歡迎光臨教育王國 (/)