教育王國

標題: 大家覺得FIS法國國際學校點？ [打印本頁]

作者: s_siumay 時間: 21-12-10 10:41 標題: 大家覺得FIS法國國際學校點？

想問問大家覺得FIS如何？網上好小人討論
校風？IB成績好嗎？是一間好還是差的學球？

作者: dem0cracy 時間: 21-12-10 10:51

回覆 s_siumay 的帖子

你有沒有search這裏的舊post?
我唔係幾好意思讚完又讚...

作者: s_siumay 時間: 21-12-10 11:40

dem0cracy 發表於 21-12-10 10:51
回覆 s_siumay 的帖子

你有沒有search這裏的舊post?

有搵過但搵到的都是幾多年前
請問你對這學校有什麼評價？

作者: melobi12 時間: 21-12-10 12:22

dem0cracy 發表於 21-12-10 10:51
回覆 s_siumay 的帖子

你有沒有search這裏的舊post?

讚完又讚，因為你係代表嚟

不過最近見好多人收到NS offer，之後可能多啲家長答問題。

樓主，其實最近都keep住有FIS嘅post，只係多數關於RC同primary。你search下FIS細心睇睇，有啲係問interview 但入面會有關於學校嘅評語。

作者: 綠荳媽媽 時間: 21-12-10 16:30

s_siumay 發表於 21-12-10 10:41
想問問大家覺得FIS如何？網上好小人討論
校風？IB成績好嗎？是一間好還是差的學球？
...

好好，課程清楚，老師nice得黎又控制到小朋友，不會太鬆

IB成績佢網站Show晒出黎㗎，你可detail望下

作者: gasor 時間: 21-12-10 16:57

收到FIS 和Malvern的offer, 課程不一樣，學費有高低。聽說FIS Secondary stream 校風麻麻，例如濫藥。。。等等。。你們怎樣選擇。

作者: 綠荳媽媽 時間: 21-12-10 17:04

gasor 發表於 21-12-10 16:57
收到FIS 和Malvern的offer, 課程不一樣，學費有高低。聽說FIS Secondary stream 校風麻麻，例如濫藥。。。 ...

其實我覺得你睇成績已經知道佢校風好唔好，佢ib，IGCSE 成績幾好喎
我小朋友仲係小學，未好有接觸中學，但學車同車，末覺有任何問題

作者: Wwong071 時間: 21-12-10 18:09 標題: 回覆樓主:

最近2個月我已經留言讚FIS幾次。讚到我都唔好意思再打。。我怕人哋以為我係打手

作者: fourierseries 時間: 21-12-10 18:18

恕我冒昧，我都好想知多啲。我希望揀呢條路唔會錯。

作者: netbuy812 時間: 21-12-10 23:57

好視乎你好嘅定義, 佢哋有得畀你上堂視察上堂環境,我個仔reception嘅話當時都係玩多, 係從遊戲中學習, 我覺得佢都學到嘢, 但應該唔能夠同local學校比, 我估如果你想小朋友細細個就係學霸嘅話應該未必適合, 但係佢哋社交能力應該會比較強, 因為有好多時間係佢哋自己互動的, 當然都要視乎你自己小朋友嘅性格, 我見有啲小朋友都鍾意自己一個喺度睇書.

佢哋有啲堂係幾個班房打通曬, 可以去其他班房互動, 又有同french stream 嘅同學share project, 個人覺得咁樣唔錯, 當然有幾多得著都係睇自己嘅小朋友, 因為佢哋唔係填鴨式,學校只係提供咗一個環境畀佢哋.

我覺得應該大部分有名嘅IS應該都唔錯,FIS 嘅特點就係要學法文, 反而中文變咗係興趣班, 所以要睇下呢樣嘢適唔適合你. 學費方面FIS叫做比較"親民",同ESF差唔多.

法國人校風都比較自由, 小學嘅時候有校服,但係基本上都唔執行得太緊, 中學就已經沒有校服, 法國本土中學生食煙係好普遍, 如果FIS中學有人食煙我唔會覺得出奇, 但係小學生我相信都係好純樸的.

作者: Jane1983 時間: 21-12-11 18:56 標題: 回覆樓主:

校風好唔好，好睇家長自己心中把呎。接觸過的Fis小學生，比好多本地生要純品和有禮貌，這個問題不大。但到中學，如果家長嚴守中學生應該點點點果套，就可能會有文化衝擊。

作者: dem0cracy 時間: 21-12-13 13:22

Jane1983 發表於 21-12-11 18:56
校風好唔好，好睇家長自己心中把呎。接觸過的Fis小學生，比好多本地生要純品和有禮貌，這個問題不大。但到 ...

國際學校中學部校風都算係呢度經常出現嘅問題。的確，好幾間國際學校(包括一啲公開試成績好、好難入的公認elite schools)都先後有過吸毒醜聞。不過我諗始終壞影響周圍都有，IS到底是否問題特別大，如果係嘅原因何在，都幾值得探討。

至於FIS，多年來都有聽聞FIS French stream 中學部校風唔好，咁我都相信空穴來風，未必無因。但起碼就我平日在區內見到的TKO campus法文部初中生，基本上正常有禮，我唔會特別擔心子女同佢哋做朋友。

作者: goodanta 時間: 21-12-13 14:09

回覆 dem0cracy 的帖子

原來將軍澳有中學部？我以為整係小學

作者: Wwong071 時間: 21-12-13 15:09

goodanta 發表於 21-12-13 14:09
回覆 dem0cracy 的帖子

原來將軍澳有中學部？我以為整係小學

only up to Lower Secondary

作者: lalasaaaa 時間: 21-12-13 17:38

回覆 Wwong071 的帖子

請問TKO CAMPUS初中只有法文部? 還是也有國際部?

作者: melobi12 時間: 21-12-13 18:17

lalasaaaa 發表於 21-12-13 17:38
回覆 Wwong071 的帖子

請問TKO CAMPUS初中只有法文部? 還是也有國際部?

只有法文部。國際部中學係要返blue pool road。

作者: lalasaaaa 時間: 21-12-13 18:32

回覆 melobi12 的帖子

其實係咪國際部下年先會有Year 6嘅學生，所以暫時國際部未有中學生，要等下年班Year 6升中才有國際部嘅中學呢？

作者: dem0cracy 時間: 21-12-13 18:58

lalasaaaa 發表於 21-12-13 18:32
回覆 melobi12 的帖子

其實係咪國際部下年先會有Year 6嘅學生，所以暫時國際部未有中學生，要等下年班Year ...

唔係呀，TKO校舍個計劃係國際部只會開到Y6。

作者: lalasaaaa 時間: 21-12-13 19:09

回覆 dem0cracy 的帖子

原來係咁，謝謝！！

作者: Jane1983 時間: 21-12-14 20:39

回覆 dem0cracy 的帖子

某些國際學校校風問題較大的其中一個原因係，有些本地家長覺得嚴重的行為問題，係該國文化或者家長心目中，根本唔係一件大事，例如在公開場合着校服食煙。讀IS係多機會接觸唔同文化和背景的人，有人做離經叛道的事唔出奇。家長如果從小朋友細個一直教導，小朋友自自然就係聚埋一班價值觀接近的朋友一齊玩。

作者: lalasaaaa 時間: 21-12-15 17:32

回覆 netbuy812 的帖子

請問大家有冇外補中文？FIS係教國語、簡體字，咁外補又學返繁體字，小朋友會唔會好難適應？同埋想問下一星期得一堂中文？咁小朋友係咪睇及寫中文都會好弱？
好似FIS嘅ECA係咪都有國語課堂揀？咁只係每星期多一堂國語嘅ECA？
問咗好多野…唔好意思！！

作者: dem0cracy 時間: 21-12-15 19:41

lalasaaaa 發表於 21-12-15 17:32
回覆 netbuy812 的帖子

請問大家有冇外補中文？FIS係教國語、簡體字，咁外補又學返繁體字，小朋友會唔會好 ...

我冇報FIS中文ECA，只知可以揀每週上一或兩堂，可選繁或簡體，native程度，要考試的。

我中文主要自己教，細個時有上過認字班。我唔認同普教中，尤其初小階段，所以冇刻意將學校同屋企教嘅中文連埋，將學校嘅中文堂當成普通話會話班看待，反正每星期得45分鐘，同埋係好淺…

我小朋友開頭完全唔知道Mandarin都係中文，以為係一種文字跟中文有啲相似嘅外語，後來漸漸識多咗先領悟到個事實…

作者: Wwong071 時間: 21-12-15 21:56

lalasaaaa 發表於 21-12-15 17:32
回覆 netbuy812 的帖子

請問大家有冇外補中文？FIS係教國語、簡體字，咁外補又學返繁體字，小朋友會唔會好 ...

本帖最後由 Wwong071 於 21-12-15 21:56 編輯

我們自己有讓小朋友外面上廣東話繁體中文班. so far, he seems fine.

I like FIS also coz their Chinese class is only once a week, so he doesnt need to learn too much of simplified Chinese words and mandarin.

作者: lavender_mum 時間: 21-12-15 22:43

Wwong071 發表於 21-12-15 21:56
本帖最後由 Wwong071 於 21-12-15 21:56 編輯

我們自己有讓小朋友外面上廣東話繁體中文班. so far, he ...

本帖最後由 lavender_mum 於 23-2-24 19:30 編輯

Del :->

作者: Wwong071 時間: 21-12-15 22:46

lavender_mum 發表於 21-12-15 22:43
想請問邊度有得學繁體中文廣東話？
小朋友剛剛考到FIS RC,諗緊點樣俾佢學中文
...

我小朋友去的教室是在港島的。方便你嗎

作者: lavender_mum 時間: 21-12-16 02:10

Wwong071 發表於 21-12-15 22:46
我小朋友去的教室是在港島的。方便你嗎

本帖最後由 lavender_mum 於 23-2-24 19:30 編輯

Del :->

作者: terencet 時間: 21-12-16 08:38

個人體驗，兩次放學時間坐上19號巴士，幾個著住FIS校服嘅小學生大聲喧嘩並於上層車箱追逐，極度騷擾，令我覺得校風過度自由，欠缺個人紀律。

作者: ycycwing 時間: 21-12-16 09:39

我經常性於放學時間遇到係巴士/地鐵上大聲叫囂嘅local中小學生，又係咪一定同學校有關?我又唔覺可以憑呢樣話太自由/無紀律喎....

作者: melobi12 時間: 21-12-16 09:47

terencet 發表於 21-12-16 08:38
個人體驗，兩次放學時間坐上19號巴士，幾個著住FIS校服嘅小學生大聲喧嘩並於上層車箱追逐，極度騷擾，令我 ...

嘩你呢個結論都幾武斷㗎喎。

成間學校成千人，幾個學生追逐就成間學校都欠缺個人紀律？

有邊間小學係完全冇啲放左學就會好似脫韁野馬咁嘅學生？你有開口提佢地要be considerate？佢地有冇講粗口反駁你？如果有，咁呢幾位小朋友真係唔啱，請你唔好怕麻煩，同學校投訴一下，等老師提醒佢地正確做人態度。It takes a village to raise a child，相信佢地嘅父母、老師都會多謝你嘅提醒，等佢地可以及早引導返小朋友做返啱嘅事。

不過如果你投訴完，學校竟然答你 we do not care how our students act outside our school，咁你就真係可以落返你嗰個結論喇。

作者: 964000 時間: 21-12-16 10:28

melobi12 發表於 21-12-16 09:47
嘩你呢個結論都幾武斷㗎喎。

成間學校成千人，幾個學生追逐就成間學校都欠缺個人紀律？

小朋友一個半個，一時三刻玩大咗，唔代表乜野，問題反而係一起的大人有冇話佢地。
通常IS小朋友玩大咗，坐地下，同屋企人講英文唔講中文，都會比人話，算啦

作者: dem0cracy 時間: 21-12-16 10:39

964000 發表於 21-12-16 10:28
小朋友一個半個，一時三刻玩大咗，唔代表乜野，問題反而係一起的大人有冇話佢地。
通常IS小朋友玩大咗，坐 ...

都真係有人向學校投訴…記得上年學校出過張通告，話收到email投訴FIS有學生being rude and generally antisocial on public transport，叫家長提醒小朋友。

我都好想知小朋友做咗啲咩行為，用antisocial咁嚴重嘅字眼。

作者: melobi12 時間: 21-12-16 11:48

964000 發表於 21-12-16 10:28
小朋友一個半個，一時三刻玩大咗，唔代表乜野，問題反而係一起的大人有冇話佢地。
通常IS小朋友玩大咗，坐 ...

本帖最後由 melobi12 於 21-12-16 12:02 編輯

道行未夠高，一時之間嬲左，我會學習睇開啲

有次送女返學，喺地鐵站出口見到6、7個French嘅初中生喺出口企/坐喺地下應該等緊人，只係細聲傾計咋，嗰個位置又唔阻任何人，都有保安姐姐去驅趕佢地，或者坐地下係違反港鐵條例掛

我都留意左幾眼，如果保安太強勢有咩爭執我都打算埋去睇睇，不過佢地又乖乖起身走人。

作者: melobi12 時間: 21-12-16 11:54

dem0cracy 發表於 21-12-16 10:39
都真係有人向學校投訴…記得上年學校出過張通告，話收到email投訴FIS有學生being rude and generally anti ...

要揾到真兇先有用呢。

我諗就係當左車廂係操場咁追逐，滋擾到其他人咁囉。只能話總有呢啲小朋友的，玩到渾然忙我… 重點有冇人去教佢地正確態度…

作者: Jane1983 時間: 21-12-16 12:14 標題: 回覆樓主:

學生係公共交通大聲喧嘩、追逐，騷擾其他乘客的行為，呢d本地學校都唔會少。呢d係家庭教育多過校風。

作者: Wwong071 時間: 21-12-16 12:41

回覆 melobi12 的帖子

Haters gonna hate anyway. so we don't need to be too bothered with those negative comments, to be honest. One time I joined an one-off workshop with other local students and ended up my son was the only person sitting on the carpet and paid attention to the teacher. All the other "local students" were just running around , did not follow the instruction or just screaming. We ended up leaving the workshop early.
Would I say all the local students are Misbehave? I don't think so. Just one small population would not be justified for me making such presumptions.
Similarly, people who just make conclusion so easily about something based on a tiny little experience she or he had, I dun think I would take those words into my heart seriously.

We are happy in FIS and so far, all the parents are nice, the kids are good and cute. Period

作者: terencet 時間: 21-12-17 11:20

melobi12 發表於 21-12-16 09:47
嘩你呢個結論都幾武斷㗎喎。

成間學校成千人，幾個學生追逐就成間學校都欠缺個人紀律？

投訴email俾咗校長到而家三個月都冇回覆，咁你認為我係唔係應該有咁嘅結論？

就之前有人提及唔只我email投訴過學生行為。但問題到依家仍出現就係學校處理上有不足。

大家反駁之前請回歸樓主個問題，就係想問大家對FIS嘅睇法。校風唔係自己學校嘅持份者自己講，而係學校以外嘅人點睇呢間學校嘅所有事情。

我想信樓主應該唔需要我去訪問以千計受訪者再去寫份過萬字嘅論文再做埋peer review先可以係呢度寫個結論，去justify 呢個結論是否「武斷」。相信樓主自有定奪。

作者: howaishun 時間: 22-3-2 10:27

Wwong071 發表於 21-12-15 22:46
我小朋友去的教室是在港島的。方便你嗎

我都想知道港島邊間學繁體中文廣東話, 可以PM畀我嗎? 謝謝

歡迎光臨教育王國 (/)