教育王國

標題: Smarties house [打印本頁]

作者: kittyowen822 時間: 21-11-16 23:01 標題: Smarties house

請問大家有無讀過？想知邊位老師教得好？感謝

作者: wingjaiii 時間: 21-11-16 23:29

上年zoom用家。
只能講一句: 好差。

其實都唔想倒人哋米，但真係好唔掂，唔想其他人再中伏。

作者: baby.bobo 時間: 21-11-17 08:56

我係今年K3用家，一句講晒，絶對唔推介，完！

作者: jajavy 時間: 21-11-17 10:44

回覆 baby.bobo 的帖子

可否分享多少少? 邊方面唔值得推介?

作者: CHUKAREEN 時間: 21-11-17 23:40

回覆 wingjaiii 的帖子

不能同意更多! 舊年上Zoom class, 一目了然…

作者: lemonstar28 時間: 21-11-17 23:56 標題: 回覆樓主:

可能真係人夾人
我fd 仔前幾年上完，有勁多offer

作者: CHUKAREEN 時間: 21-11-18 01:39

回覆 lemonstar28 的帖子

好多本身已經係叻仔/叻女, 佢哋都揀過先收

作者: hfnyd 時間: 21-11-18 07:19

CHUKAREEN 發表於 21-11-17 23:40
回覆 wingjaiii 的帖子

不能同意更多! 舊年上Zoom class, 一目了然…

可否具體講吓？

作者: wingjaiii 時間: 21-11-18 07:37

hfnyd 發表於 21-11-18 07:19
可否具體講吓？

本帖最後由 wingjaiii 於 21-11-19 08:49 編輯

呢間野唔係有教無類，只會揀啲有潛質嘅學生，都算啦，貼題完全唔准，教埋啲嘢九唔搭八，完全唔practical，一開頭停課態度仲好串，講明唔會zoom，最後咪又係被迫zoom。上zoom悶到嘔，睇到班細路呆呆滯滯，上zoom時聽到本身班細路已經好醒目，完全唔覺得關佢哋事。最衰係同個個家長都話得得得，其實就見人講人話見鬼講鬼話，重點搵啲學生去教，忽略其他佢覺得冇咁有潛質嘅學生。

最後全部人跳船，各自偷偷搵另外一啲面試班幫手，喺唔同地方撞返SH啲同學仔。

最慘係教埋人哋用啲屎橋，叫人考dgjs寫表姐/朋友做siblings。

（佢一陣可能又發律師信比Ek要求del post㗎啦，佢之前都試過發律師信叫人封嘴)

作者: hfnyd 時間: 21-11-18 09:45

wingjaiii 發表於 21-11-18 07:37
呢間野唔係有教無類，只會揀啲有潛質嘅學生，都算啦，貼題完全唔准，教埋啲嘢九唔搭八，完全唔practical， ...

我覺得揀人都唔係問題, 但收得人錢又冷落學生又真係好過份.
幸好去年因時間不合, 沒有join呢間!

作者: twinkle00 時間: 21-11-18 11:56

回覆 CHUKAREEN 的帖子

佢哋比我嘅感覺都係精英制，搵啲最叻嘅小朋友出嚟。呢啲小朋友可能唔上佢堂，都可以考到好好嘅成績

作者: twinkle00 時間: 21-11-18 11:58

回覆 wingjaiii 的帖子

唔係啩，用表姐或朋友做siblings?! 可能唔同姓個喎… 呢個我真係非常有保留, 唔會真係有人敢做掛

作者: wingjaiii 時間: 21-11-18 11:59

twinkle00 發表於 21-11-18 11:58
回覆 wingjaiii 的帖子

唔係啩，用表姐或朋友做siblings?! 可能唔同姓個喎… 呢個我真係非常有保留, 唔會 ...

真係有，有人寫左堂/表姐個名（同姓），有2nd in，唔知關唔關事啦。

作者: twinkle00 時間: 21-11-18 12:19

其實呢，曾幾何時都想慕名去參加佢哋嘅面試班… 但係一聽到又要referral, 又冇聯絡電話，只係得個email, 仲要等佢主動覆你已經感覺好奇怪。之後，仲要去參加佢所謂嘅簡介會。但係俾佢邀請參加得簡介會嘅人，仲要即場填表，填完表又唔一定有位俾你讀 (揀你去上堂)喎。

最搞笑嘅就係，表格上邊，除咗問你讀邊間幼稚園之外，仲問你兄弟姊妹讀邊間小學… 而且，佢講到明，如果上到中期覺得你小朋友唔適合，唔會俾你小朋友續報 (我嘅認知即係勸退)…

真係感覺唔係好良好..

如果一間面試班，可以將啲冇咁叻嘅小朋友教到好叻好得體，我覺得幾多錢都值得俾。幾遠都值得去。

但係如果只係精英制，揀啲好叻嘅小朋友出嚟，講真，搵晒referral, 又參加埋佢個講座嘅家長，佢哋一定係好早睇晒資料，有備而戰。佢哋嘅小朋友都一定唔會太差。究竟係教”好小朋友”定”教好小朋友”呢？

好好彩我搵到一間後者嘅面試班。老師每堂都有feedback, 見到小朋友由膽小唔敢表達，到而家學校老師話佢主動左。我唔敢講如果佢去SH讀會唔會有同樣嘅進步，但起碼小朋友一定唔會俾人勸退，打擊自信心。

作者: ok3 時間: 21-11-18 13:34

淨係揀有siblings喺名小讀緊嘅小朋友, 就已經贏左一半啦

作者: sala222 時間: 21-11-19 07:25

wingjaiii 發表於 21-11-16 23:29
上年zoom用家。
只能講一句: 好差。

對，記得上年有家長開post講呢間面試班，好多家長申訴，好精彩。但突然成個post消失咗⋯⋯

作者: yelly926 時間: 21-11-19 08:39

回覆 twinkle00 的帖子

但係今年好似冇再揀學生，以所我知道所有學生都編到時間，而且券幼的小朋友都讀到

作者: wingjaiii 時間: 21-11-19 08:45

yelly926 發表於 21-11-19 08:39
回覆 twinkle00 的帖子

但係今年好似冇再揀學生，以所我知道所有學生都編到時間，而且券幼的小朋友都讀到 ...

咪就係因為zoom現晒形，好多苦主，冇人再揀佢哋，佢哋邊有資格揀學生。

作者: amidreamer 時間: 21-11-19 12:42

大家咁勇又講事實出嚟，呢個post 相信又好快被滅聲

作者: amidreamer 時間: 21-11-19 12:58

sala222 發表於 21-11-19 07:25
對，記得上年有家長開post講呢間面試班，好多家長申訴，好精彩。但突然成個post消失咗⋯⋯
...

人哋出律師信嘛

其實心水清都知，關於呢間野嘅所有post 係會被定期刪除㗎。

作者: hfnyd 時間: 21-11-19 14:47

amidreamer 發表於 21-11-19 12:42
大家咁勇又講事實出嚟，呢個post 相信又好快被滅聲

講得咁直接,方丈會唔會嬲架

作者: happygirl1284 時間: 21-11-19 15:11

回覆 wingjaiii 的帖子

完全同意, 之前見ek comment話佢地強項係教soft manner, 都有d期望, 但上上下覺得唔係好對路, 唔practical, 其實之後zoom已經算好, 至少有互動. 一開始睇片真係想死, 個小朋友已唔想睇仲要叫佢做worksheet, 亦都睇唔到意義何在...

加上好多學校轉左拍片, 當大家花盡心思拍片的時候, 佢地完全無d實際tips教拍片, 可以講係完全幫不上忙, 就算後期恢復番實體班, 只有大圍的debriefing, 得好少時間捉住老師問自己小朋友情況, 同埋點改善, 真係無咩意思..佢地的所謂拍片tips簡直得啖笑

我小朋友同一個同學仔最後都入到心儀小學, 但可以講同面試班係無關, 我都同朋友講我絶不推介依間面試班

作者: wingjaiii 時間: 21-11-19 16:57

happygirl1284 發表於 21-11-19 15:11
回覆 wingjaiii 的帖子

完全同意, 之前見ek comment話佢地強項係教soft manner, 都有d期望, 但上上下覺得 ...

本帖最後由 wingjaiii 於 21-11-19 17:00 編輯

成日教埋啲旁門左道，根本就唔貼題，小朋友直頭抗拒去，話悶到死，老師態度又差，人前人後兩個樣，小朋友話上堂經常都呼喝佢哋。我小朋友最後係n無入到神小，最主要都係靠自己同埋另一間面試班幫助少少（因為太遲先搵佢地上咗幾堂就去2nd in）我可以講sh老師一開始係絕對睇死佢唔會入到。
PS，當佢知道我女入咗嘅時候佢仲扮晒嘢話佢一早估到，想死，其實關佢咩事，上sh堂真係一點得着都冇。

作者: jbbmom 時間: 21-11-20 10:57

我女又係, 好好彩係最後關頭搵到另一間, 如果齋靠SH應該死得. 話就話同你一齊行呢條面試路, 實際係無同你行過, 未讀過覺得佢哋好神秘, 讀過就覺得完全唔值

作者: cheriedglau 時間: 21-11-20 11:06

如果你地睇過我幾年前出的那個post，不同centre老師的態度、實力真的高下立見，絕對不會recommend 這間！

作者: amidreamer 時間: 21-11-20 11:53

cheriedglau 發表於 21-11-20 11:06
如果你地睇過我幾年前出的那個post，不同centre老師的態度、實力真的高下立見，絕對不會recommend 這間！ ...

個post 仲向度嗎？可以再分享嗎？

俾多啲人知唔好再中伏啦。

作者: KJBYY 時間: 21-11-21 08:13

呢間野純靠gimmick，令人覺得報到就冇冇閉翳。疫情期間，佢哋迫於無奈下要zoom, 乜都穿晒崩啦。
其實報一啲規模細啲嘅可能仲有貼地d嘅提議點去train up 小朋友。
總括一句，千祈唔好報！

作者: tongtongma 時間: 21-11-21 12:48

本帖最後由 tongtongma 於 21-11-21 13:01 編輯

回覆 wingjaiii 的帖子

請問哪間會教得比較practical？

作者: ferrymama 時間: 21-11-23 16:59

係, 當年我報都一肚氣, 佢地懶神秘, 又串, 有SECOND IN 都唔會搵到佢地幫手, 因為無電話。佢地有一堆鐵粉, 唱好佢地, 我朋友是鐵粉之一，我成日都諗可能唔去SH, 我小朋友可能有更多OFFER

作者: fig_tree 時間: 21-11-24 21:36

本帖最後由 fig_tree 於 21-11-24 22:20 編輯

回覆 wingjaiii 的帖子

想問你所講好嗰間係邊間, 可否提示下.

歡迎光臨教育王國 (/)