教育王國
標題: 請問有冇人知揀選科問題 [打印本頁]
作者: bbhappy68 時間: 21-11-12 10:34 標題: 請問有冇人知揀選科問題
本帖最後由 bbhappy68 於 21-11-12 10:35 編輯
例如在band3中學考第一或者在band one中學考第尾 選科上有乜嘢分別？
是不是 在band3中學考第一 一定入到好 好科目？
另外想問有啲乜嘢科目係冇乜人揀，又有啲乜嘢科目係比較熱門會爭崩頭，
作者: cyiuming 時間: 21-11-12 11:00
bbhappy68 發表於 21-11-12 10:34 
例如在band3中學考第一或者在band one中學考第尾 選科上有乜嘢分別？
是不是 在band3中學考第一 一定入到好 ...
因為醫科一定係理科
作者: gracelam 時間: 21-11-12 13:02
bbhappy68 發表於 21-11-12 10:34
例如在band3中學考第一或者在band one中學考第尾 選科上有乜嘢分別？
是不是 在band3中學考第一 一定入到好 ...
熱門科: Phy Chem Bio Econ
一般百搭科: Geo BAFS History 中史 M1/2
Band 3中學多數學生揀VA ICT PE(如有)
少人揀中國文學(如有) 英國文學(如有) 旅款(如有) 宗教(如有) 音樂(如有)
作者: bbhappy68 時間: 21-11-12 13:45
gracelam 發表於 21-11-12 13:02
熱門科: Phy Chem Bio Econ
一般百搭科: Geo BAFS History 中史 M1/2
謝謝你詳細解答
作者: zitaeric 時間: 21-11-12 15:21 標題: 回覆樓主:
仲有 好多科目，教學語言都係用中文，開2x多。
作者: YmOra 時間: 21-11-12 18:28
bbhappy68 發表於 21-11-12 10:34
例如在band3中學考第一或者在band one中學考第尾 選科上有乜嘢分別？
是不是 在band3中學考第一 一定入到好 ...
容易入到"好科目"不是重點，重點係之後嘅"跟進"。我不把兩類中學作比較，我反而認為，若然响Ｂ１或Ｂ２中學未能選修自己喜歡的科目可考慮有辦嘅Ｂ３中學，Ｂ１生可以稍稍降低或不執著Ｂａｎｄｉｎｇ上的高低入讀一些有開辦你喜歡的科目之Ｂ２或Ｂ３中學。曾有ｊｍ的孩子好想選修ＰｈｙＣｈｅｍＢｉｏ，可惜响自己間Ｂ１中學屬中下游份子而未能成功入閘，結果轉去咗間（Ｂ２ｃ-Ｂ３ａ）中學繼續延續"夢想"。
作者: 洋蔥頭媽咪 時間: 21-11-12 18:41
bbhappy68 發表於 21-11-12 10:34
例如在band3中學考第一或者在band one中學考第尾 選科上有乜嘢分別？
是不是 在band3中學考第一 一定入到好 ...
選科應該係根據孩子興趣同能力去選，而唔關 band1 考尾定 band3 考頭嘅事。唯一可以講嘅係無論咩 Banding 中學都好，考第一嘅學生一定比考尾嘅學生優先選科。
Band 3考第一 一定入到好科，何謂好科目呢？
叫一個數學能力差嘅同學修 Physics 相信佢炒嘅機會相當高，如果喜歡數理同學叫佢去修讀歷史一樣係事倍功半，所以揀選咩科好睇個人興趣同能力。除非學校無開果科，否則考第一學生必然能選擇到自己最心儀嘅科目。
通常理科最大路亦係最多人揀，音樂、體育、宗教 一般就少啲人揀，選修科會否爭崩頭就要視乎貴校開幾多班同有幾多人揀，據统計音樂、DT、健康管理呢啲科就最少人考。
作者: Kirin007 時間: 21-11-12 18:51
YmOra 發表於 21-11-12 18:28
容易入到"好科目"不是重點，重點係之後嘅"跟進"。我不把兩類中學作比較，我反而認為，若然响Ｂ１或Ｂ２中 ...
呢三科正正能在band1校揀最好，去到中中用中文學習好彩入到大學都辛苦，睇到好多band1校chem/bio/phy成績唔錯，可斷估band2以後嘅學校喺呢幾科缺乏競爭力！如果俾我揀band2以後嘅學校我會早D諗定是否打算去內地升讀大學，否則我寧願揀文科。
作者: YmOra 時間: 21-11-12 19:50
Kirin007 發表於 21-11-12 18:51
呢三科正正能在band1校揀最好，去到中中用中文學習好彩入到大學都辛苦，睇到好多band1校chem/bio/phy成績 ...
當中下游學生未能入選ＰｈｙＣｈｅｍＢｉｏ時，到底要為"教得好中學"選擇仍然留底讀自己不喜歡的科目好，還是選擇一些中學又入讀到"心儀選修科"嘅中學好，其實孩子係最知道，反而家長接受唔到放下身段。而且，ＰｈｙＣｈｅｍＢｉｏ嘅ＤＳＥ報考中，用中文作答嘅佔比不是想像中的多，好多"中中"已經有開辦"ＰＣＢ英文班或部份英文班"了。年青人想走自己條ＰＣＢ路，其實仲係有的。我接觸過的例子中，响最重要的"ＰＣＢ入閘"機會攞到手，之後係有出去Ｄ補習社補習，坐响隔離嘅係自己學校嘅舊同學仔，坐最前最前一行嘅係"神中"嘅競爭對手，此時此刻，大家""咁高咁大""，當然Ｂ１生去到Ｂ３校睇落好似很不明朗，但只要方法得宜，Ｂ３學校輸蝕嘅，未必無辦法解決的呢！不過，這些成功例子唔多，未必值得參考。
作者: Kirin007 時間: 21-11-12 20:21
YmOra 發表於 21-11-12 19:50
當中下游學生未能入選ＰｈｙＣｈｅｍＢｉｏ時，到底要為"教得好中學"選擇仍然留底讀自己不喜歡的科目好， ...
當然可以去揀科有優勢嘅學校，有可能間b1校本就同自己唔匹配，去另外學校係有可能變得更好。從b1校去b3無關面子事，實關將來入唔入到閘嘅事，興趣100分在現實面前可以變為零。可以超鐘意理科卻搞唔掂理科，都係睇能力決定揀科好D
作者: YmOra 時間: 21-11-12 21:14
本帖最後由 YmOra 於 21-11-12 21:25 編輯
Kirin007 發表於 21-11-12 20:21
當然可以去揀科有優勢嘅學校，有可能間b1校本就同自己唔匹配，去另外學校係有可能變得更好。從b1校去b3無 ...
那例子中的年青人响舊校中三成績屬中下游，大體因為中三要讀多咗好多科，文科商科學科令到年青人整體成績居於中下游，但其實ＰＣＢ唔係咁差，白白因為咁而要屈就硬食自己不喜歡的選修科，其實真係好痛苦，轉到中中校加埋外出進補，年青人在最初ＰＣＢ半桶水能力下，响一年中四的"修補與勤力"之下已經變得有能力駕馭。其實，ＰｈｙＣｈｅｍＢｉｏ三科全中順利可被選修到嘅，仍然係一件難達到的事，間間中學開班數目不比以前年代多，難得找到中學肯收且又可以外出進補彌補Ｂ３中中的缺乏，其實未嘗不好的方法呢！
作者: YmOra 時間: 21-11-12 21:22
Kirin007 發表於 21-11-12 20:21
當然可以去揀科有優勢嘅學校，有可能間b1校本就同自己唔匹配，去另外學校係有可能變得更好。從b1校去b3無 ...
記得以前有位老老師前輩的一番說話，其實千里馬有好多，但伯樂卻很少。可能，那位年青人响Ｂ３中中找到自己的"伯樂"呢！
作者: Kirin007 時間: 21-11-12 21:28
YmOra 發表於 21-11-12 21:22
記得以前有位老老師前輩的一番說話，其實千里馬有好多，但伯樂卻很少。可能，那位年青人响Ｂ３中中找到自 ...
正如你所講：特例唔具有代表性。個年青人自己先係關鍵，換言之同類case相同做法結果都可能唔同。
作者: 洋蔥頭媽咪 時間: 21-11-12 23:08
YmOra 發表於 21-11-12 19:50
當中下游學生未能入選ＰｈｙＣｈｅｍＢｉｏ時，到底要為"教得好中學"選擇仍然留底讀自己不喜歡的科目好， ...
我諗呢類 case 沒有绝對也沒有對與錯，響 Band 1揀唔到心儀科目而要選擇降 Band ，的確係進退兩難嘅選擇，點決定真係好視乎個别學生同家長自己諗法。Band 1 降落 Band 2 都可以考慮，但如果直落 Band 3 個人來説就唔會選擇。
查實我都算係過來人，大仔中三時因為中文/中史科成績拖累，中三選科後須然佢係理科人，但係一科理科都派唔到，當年我都極度徬徨，佢讀 B1 若要堅持的話只能轉校，但升上中四要佢轉落中中我係绝對唔會考慮，因為讀開英中要轉中中，除非將來有打算返國內升學，否則對孩子將來升讀本地或海外大學都會有影響，加上當年我仔唔想轉校，亦考慮過派比佢科目並非全部都唔鍾意，唯有硬住頭皮去讀，其中一科極唔喜歡嘅捱咗一年就 drop，幸好天無绝人之路，選修科佢越讀越起勁， 兜兜轉轉最後都成功入到大學心儀學系，亦証明我仔揀啱咗佢條路。
作者: bbhappy68 時間: 21-11-12 23:21
洋蔥頭媽咪 發表於 21-11-12 18:41
選科應該係根據孩子興趣同能力去選，而唔關 band1 考尾定 band3 考頭嘅事。唯一可以講嘅係無論咩 Banding ...
謝謝你詳細解答
作者: bbhappy68 時間: 21-11-12 23:22
YmOra 發表於 21-11-12 18:28
容易入到"好科目"不是重點，重點係之後嘅"跟進"。我不把兩類中學作比較，我反而認為，若然响Ｂ１或Ｂ２中 ...
謝謝你詳細解答
作者: YmOra 時間: 21-11-13 00:36
本帖最後由 YmOra 於 21-11-13 00:57 編輯
洋蔥頭媽咪 發表於 21-11-12 23:08
我諗呢類 case 沒有绝對也沒有對與錯，響 Band 1揀唔到心儀科目而要選擇降 Band ，的確係進退兩難嘅選擇， ...
其實，沒太多篇幅講得太多，那ｊｍ為孩子走訪好多間中學，由Ｂ１搵到Ｂ２再去Ｂ３，心情的難受真係自己才知味道，但我就絕對知道，ＰｈｙＣｈｅｍＢｉｏ有開班嘅中學就連自己學校升上嚟嘅都好難滿足得晒所有同學仔的意願，ｅ＋要接收外來客人就更加難上加難，你無特特特出的成績都好難動用學校超收之學額的打算呢！！最後，還是要有少少的底頭，接受現實，Ｂ３咪Ｂ３囉，三年後的結果才是最重要嘛！其實，為理想而努力不斷地走下去嘅年青人唔少，只是我們點睇佢哋的奮鬥史而矣！又其實，我哋成日掛响口邊說：「讀到書嘅，去到邊都可以讀到書。」若然不是一句口號而矣！那由Ｂ１去Ｂ３讀書不就是見証咗這句說話嗎？！
作者: YmOra 時間: 21-11-13 00:40
洋蔥頭媽咪 發表於 21-11-12 23:08
我諗呢類 case 沒有绝對也沒有對與錯，響 Band 1揀唔到心儀科目而要選擇降 Band ，的確係進退兩難嘅選擇， ...
還有補充，其實好多Ｂ１以外嘅中中都有很多中學採用英文上堂和考試嘅ＰｈｙＣｈｅｍＢｉｏ。其實，離開英中走入中中，個人覺得ＰＣＢ仍然可以以英文學習和考試，其實分別不大。
作者: YmOra 時間: 21-11-13 00:52
本帖最後由 YmOra 於 21-11-13 00:53 編輯
洋蔥頭媽咪 發表於 21-11-12 23:08
我諗呢類 case 沒有绝對也沒有對與錯，響 Band 1揀唔到心儀科目而要選擇降 Band ，的確係進退兩難嘅選擇， ...
你囝囝的ｃａｓｅ和我ｊｍ囝囝的ｃａｓｅ各有各成功之處。你的ｃａｓｅ可以鼓勵到仍然想留底但又選擇唔到ＰＣＢ的成功史，讓那班同學仔得以鼓勵；我ｊｍ的ｃａｓｅ又可以鼓勵到另一班想堅持修讀ＰＣＢ學生向外找新希望，讓這班同學仔得以鼓勵。不過，講乜都無用，還是尊重和鼓勵每一個家庭的每一個決定就是了。
作者: cyiuming 時間: 21-11-13 09:40
Band1真係唔需要搵到Band3你可以搵Band2直資
再者如果係Band1頭亦都可以搵Band1尾
去到Band3實在太誇張
作者: 洋蔥頭媽咪 時間: 21-11-13 10:24
本帖最後由 洋蔥頭媽咪 於 21-11-13 10:26 編輯
YmOra 發表於 21-11-13 00:36
其實，沒太多篇幅講得太多，那ｊｍ為孩子走訪好多間中學，由Ｂ１搵到Ｂ２再去Ｂ３，心情的難受真係自己才 ...
「讀到書嘅，去到邊度都讀到」，呢句說話絕對有保留，B1同 B3 無論學習氣氛、老師、朋輩能力上都有一定差距，去到 B3 冇學校支援，單靠自身努力，靠補習，想取好成績要有無比嘅堅持與毅力，非想像中咁易， 成功嘅例子可能會有但肯定唔多。
就算響B1中學，能夠讀全理科又能取得好成績嘅绝對唔容易，更何況係B3中學，呢啲學生肯定寥寥可數。
再講你提及嘅英文班， 如果響中中嘅英文班能夠同英中分別唔大，相信果間應該唔會係2C中學，何況係 B3 怎可能跟英中分別不大呢！
唔再爭拗啦， 我同意係要盡量幫孩子搵到佢哋嘅希望，但係有時落差太大，都要諗清楚最壞嘅结果。
作者: YmOra 時間: 21-11-13 15:37
洋蔥頭媽咪 發表於 21-11-13 10:24
「讀到書嘅，去到邊度都讀到」，呢句說話絕對有保留，B1同 B3 無論學習氣氛、老師、朋輩能力上都有一定差 ...
首先，
我唔覺我哋係响到拗，再且你跟本不是那類人嘛！只是大家的價值觀不同，其實係無問題㗎！正如我响樓上所分享嘅！你有你的成功史，ｊｍ有ｊｍ的成功史，無衝突㗎！記得你囝囝也經歷過一段全靠自己奮鬥才成功入讀大學的成功史，圓咗自己的"大學夢"，我明白你囝囝的""奮鬥點""响邊樹，我也明白ｊｍ囝囝的""奮鬥點""响邊樹，兩個都係好值得參考的好例子，"年青人的夢想"就由年青人自決自行吧！
作者: 洋蔥頭媽咪 時間: 21-11-13 15:53
YmOra 發表於 21-11-13 15:37
首先，我唔覺我哋係响到拗，再且你跟本不是那類人嘛！只是大家的價值觀不同，其實係無問題㗎！正如 ...
每個人都有自己想行嘅路， 冇話對錯嘅，作為父母只有無限量支持佢哋，無悔就可以了
| 歡迎光臨 教育王國 (/) |
Powered by Discuz! X1.5 |