教育王國
標題: 就快精神分裂 [打印本頁]
作者: Albeleung 時間: 21-11-7 00:20 標題: 就快精神分裂
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難，課堂以外嘅時間只想他輕鬆學自己喜歡的東西。但自從開始考小一，我開始質疑係咪自己唔夠努力預備唔夠，唔識教佢，冇帶佢考cert,冇去面試班，令到佢唔夠其他小朋友presentable 唔夠 competitive。 我和小朋友感情一直非常好,但自從考小一開始我哋多咗好多磨擦，我開始捉佢練習面試，又成日訓話佢。其實每次話完佢我都好後悔，叫自己唔好再因為面試而話佢。畢竟佢只係5歲人仔，鍾意玩係天性，要佢成日去d陌生地方，見d陌生老師和回答有挑戰性嘅問題，無論結果係點佢其實已經好叻。但係每次面試後，見到佢做得未如理想又忍唔住話佢。我真係覺得自己就快精神分裂。手頭上暫時未有offer, 但好彩仲有d 面試嚟緊。其實我好想放鬆d,好想唔再叫小朋友練習面試，好想只係同佢唔停咁玩….但係我又好驚佢表現唔好，浪費餘下嘅機會,又好擔心小朋友入唔到一間合適嘅學校,往後嘅校園生活會唔開心。我真係唔知應該點做先係對小朋友最好，點樣做先係幫到佢….
作者: tkhhung 時間: 21-11-7 00:29
喜歡收 品行 自律性 聽教聽話 方便日後培訓學業
作者: Jean1769 時間: 21-11-7 00:31
老實講，都接近尾聲，你而家點操都唔會有顯著效果，人哋果d K2開始上足一年面試班，你點鬥呢。倒不如疊埋心水操好學術遲d 去叩門
作者: Amymichelle 時間: 21-11-7 01:03
你話仲有啲面試嚟緊,時間已經不多，盡量鼓勵佢做好吧!已盡力不要太怪責小朋友同自責!趁呢幾個月再好好裝備下去叩門!
作者: Azzurro 時間: 21-11-7 04:19
去年考小一從來唔練習（如果日常生活裡面有一定鍛煉）
每次面試後只問玩得開唔開心
小朋友心裡很清楚面試做過咩和有咩得著，唔需要大人指導
大人做咩大事情的前後都唔想人問長問短啦，本身已經有壓力
臨時操練，面試班我覺得對小朋友強度太大
臨急抱佛腳，強行短時間扭曲小朋友日常習性
改變日常鍛煉方法比較好
小朋友最有效學習係融入學習於遊戲當中
小朋友輕鬆愉快先會有好表現
本身名幼的話之後叩門筆試和面試依然有優勢
如果唔改變日常方法，之後就算考到好嘅直私，係小一往後日子都好快落後
作者: jaagor 時間: 21-11-7 08:35
雖然我唔知你target邊啲學校，亦唔知你現時手上有咩offer，但我經歷係當你真正了解每間學校嘅時候，你會發現好嘅學校係有好多間。只要唔執著於一定要考入神校，而又報得夠多間學校，其實總有一間唔難考入又輕鬆嘅happy school會收。
既然你個仔都已經讀得名幼，本身已經有優勢，到最後情況都應該唔會太差。
作者: dirtybb2000 時間: 21-11-7 09:15
同路人 我仔讀kv
同你一樣情況
不過我地只係報左12間
尋日完左最後一個面試 生活終於重回正軌
睇返轉頭雖然冇offer但面試都令佢學到野
而家唯有寄望幫到佢6月叩門
話唔擔心就假 間間都唔揀佢一定係有原因
呢半年真係最後機會train返好佢
唔好咁快灰心 加油啦
作者: chrisycy 時間: 21-11-7 09:45
Albeleung 發表於 21-11-7 00:20 
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...
我手上也沒有任何offer ，但我相信總有啱我小朋友的學校，要耐心等待，明年6-7月出哂抽獎會是機會。
香港教育制度以成績為主導，這是現實，我們小朋友現在做唔到唔代表佢永遠唔得，父母與小朋友關係最重要。
耐心等候總有啱你小朋友嘅學校！
作者: busydaddy 時間: 21-11-7 10:29
媽媽們也要注意自己心理健康，孩子同爸爸嘅心理健康……
作者: 吹水媽媽 時間: 21-11-7 10:46
Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...
同你一樣讀名幼，亦都冇其他虎媽咁谷到個小朋友日操夜操，我報咗14 間，仲有3 個未放，其他大部份入唔到最後個輪面試。應該都唔會call 到waiting (要call 都call 咗final round個批先）。全世界預咗叩門，應該又會有另一次龍爭虎鬥.......
作者: TY168 時間: 21-11-7 10:53
吹水媽媽 發表於 21-11-7 10:46
同你一樣讀名幼，亦都冇其他虎媽咁谷到個小朋友日操夜操，我報咗14 間，仲有3 個未放，其他大部份入唔到最 ...
作者: cynicsaturn 時間: 21-11-7 10:58
我小朋友都係咩都無考，無面試班，而家一個offer都未有。但真係仲有自行/大抽獎，扣門，有D學校仲未開始玩(例如KTS, MS), 仲有一些係六月第二次收生 interview，所以唔好放棄!
作者: k2mommy 時間: 21-11-7 11:00
我都因為考小事宜近呢幾個月焦慮爆發到要睇心理學家 成日諗其實搞到大家咁有乜謂 好迷失
個個呢幾個月chur盡反而我因情緒問題冇晒動力去同小朋友做任何野 唯有放養 比較之下我更加覺得自己好失敗 好驚拖累咗佢 負面情緒就更多…
Vicious cycle
作者: Darklady 時間: 21-11-7 11:04
Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...
好老土講一句，考小一係緣份，未必關小朋友能力事
我小朋友背景同你情況一樣，亦係今年考小一，
逢第一Round無得見真人的學校(拍片呀zoom果d囉)，一律炒晒，
我都有懷疑過係咪無額外做其他野而炒，唔好話考cert，我直情外補都無，
去到宜家接近尾聲，發現原來係自己小朋友適合face to face模式面試，
己公佈結果的學校當中，兩間入了second in(全港最多人報平靚正果間直資同近年被捧為神校的私校)，
一間waiting(好考家長誠意果間)，一間出局(小朋友講明唔識所以估到)，仲有幾間等緊結果，
去到昨日某校second in，遊戲不但全部贏晒，老師問題個人果part剛好全部中晒佢識果範，
其他家長分享自己小朋友的題目，有部分如果係問中我小朋友，佢有機會答錯/做錯，
唔係宜家話佢入硬third in，但係自己覺得好神奇，居然避過晒佢有機會唔識的題目，
所以經過呢幾個月經歷，真係好老土講，緣份
作者: Poyau 時間: 21-11-7 11:11
Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...
考直私看緣分 平常心面對
作者: yeeling0101 時間: 21-11-7 11:25
第一，名幼唔係一定有優勢，老師都係睇表現，認真揾適合佢地ge 人，如果名幼有優勢，佢地一早收曬啦。第二，呢個階段針對性地了解下之後個啲in乜，教下小朋友。
group game嘅，帶小朋友去公園玩，留意下佢待人接物，1：1嘅日常落街，捉小朋友同看更打招呼，落單買野一律交俾小朋友講已經係唔錯training
第三，小朋友待人接物好重要，佢識唔識望住人講野，坐定，唔識個時會頭dupdup話唔知，不經思考一律話：我唔識丫，請問可唔可以教我，定努力點都試同撞，已經俾到好唔同印象老師
第四，cert本身無用，但學到嘅知識幫到你。
第五，我自己睇身邊小朋友offer，就算活動直私，都係揾能放能收，專心小朋友,對答正常不一定talkative, 但都係要坐定，玩時要投入有反應，聽老師指令
作者: YY_2011 時間: 21-11-7 11:56 標題: 回覆樓主:
有很多不太熱門的學校都有第二輪報名，可以試下。加油！
作者: Ven000 時間: 21-11-7 12:03
Darklady 發表於 21-11-7 11:04
好老土講一句，考小一係緣份，未必關小朋友能力事
我小朋友背景同你情況一樣，亦係今年考小一，
好認同，真係緣份遊戲
我女屬於好動大膽說話，但經過幾次面見，每次都問啲佢唔識既問題，生字又keep唔中，而聽其他朋友講返，佢個女既問題就係我女識曬果啲。曾經懷疑我同阿女係咪唔夠努力，依家明白這是緣份遊戲吧！
大家一齊努力準備扣門或插班吧！
作者: gigi12345 時間: 21-11-7 13:08
其實我又唔認同有好多offer 一定係日操夜操
身邊有幾位無上面試班
但本身好主動 多野講 有禮貌 學術唔差的
有時睇小朋友性格
反而識兩個有上面試班無offer second in 都無乜
作者: gigi12345 時間: 21-11-7 13:10
樓主加油
唔好比咁大壓力小朋友
因為反而另小朋友更加表現唔好
而家反而要增加小朋友自信
多啲鼓勵佢
作者: Amymichelle 時間: 21-11-7 13:25
回覆 dirtybb2000 的帖子
同學仔加油🦾🦾 你絕對唔孤單！KV嘅優勢就係叩門,又或者到時唔需要叩已經有Offer！
作者: Bbwithlove 時間: 21-11-7 15:36
Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...
本帖最後由 Bbwithlove 於 21-11-7 22:29 編輯
其實名幼學術已夠考小，明家長係好緊張，所以去年我一樣忐忑但之後我心鬆心情，多鼓勵最後好多offer，信佢有實力，加油！
作者: 超能爸爸 時間: 21-11-7 15:51
回覆 Albeleung 的帖子
你小朋友考到入名幼已經好叻架啦，我個仔當年考K1，一間私校都冇收佢，但我從來唔覺得佢差過人。
唔好懷疑自己同小朋友，得失係講天時地利人和，而且還有自行大抽獎寫信叩門等階段，而家時間尚早，不要灰心，諗好個整個策略，預定後備方案，不要破壞親子關係。
我個仔都未有offer，你個小朋友讀名幼叩門成功機會一定比我小朋友高幾倍，放心，沒事的。
作者: mcl203 時間: 21-11-7 15:53
yeeling0101 發表於 21-11-7 11:25
第一，名幼唔係一定有優勢，老師都係睇表現，認真揾適合佢地ge 人，如果名幼有優勢，佢地一早收曬啦。第二 ...
Cert本身係唔一定起到作用，但無Cert又如何可以令閱者知道你學過/學習中？～～～
作者: yeeling0101 時間: 21-11-7 17:21
本帖最後由 yeeling0101 於 21-11-7 17:31 編輯
回覆 mcl203 的帖子
其實學校無需知你學過學緊咩學術，佢地自己會係面試個時會考學術，而你考cert個時所學到嘅野，佢地有機會考。
作者: 糯米米糍 時間: 21-11-7 18:16
個人認為係期望問題，家長期望同目標係咪清晰，又係咪堅定。每個家長期望唔同，有人睇數字睇成績，期望仔女入名校，咁就全力準備，無怨無悔；有人以小朋友性格特質同輕鬆快樂行先，不忘初心。最重要係要堅定，揀咗就少理身邊閒言閒語，唔好一時一樣，又要馬兒好，又要馬兒不吃草，苦了小朋友。
作者: KateC2012 時間: 21-11-7 18:20
提示: 作者被禁止或刪除 內容自動屏蔽
作者: Mrscatcatfung 時間: 21-11-7 19:02 標題: 回覆樓主:
一山還有一山高。神幼名幼都有失意時。調整一下。在這一年裡，了解小孩，甚至自己作為家長的水平。前面還有上百上千的測驗評估等著你的孩子，有實力的，终會跑出。家長們要自己減壓。小朋友，去面试巳經好擔憂了，回家後，父母易怒又情緒化。全家都好受苦。
作者: sugar1redbean 時間: 21-11-7 19:12
dirtybb2000 發表於 21-11-7 09:15
同路人 我仔讀kv
同你一樣情況
不過我地只係報左12間
作者: victorian2015 時間: 21-11-7 19:19 標題: 回覆樓主：
本帖最後由 victorian2015 於 21-11-8 06:20 編輯
Deleted
作者: karenaleung 時間: 21-11-7 20:58
yeeling0101 發表於 21-11-7 17:21
回覆 mcl203 的帖子
其實學校無需知你學過學緊咩學術，佢地自己會係面試個時會考學術，而你考cert個時所學 ...
講得好好。當年小朋友0證書，考小成績理想。
學校根本不用看你有什麼證書，在面試時會看到小朋友能力。
作者: YY_2011 時間: 21-11-7 21:55
糯米米糍 發表於 21-11-7 18:16
個人認為係期望問題，家長期望同目標係咪清晰，又係咪堅定。每個家長期望唔同，有人睇數字睇成績，期望仔女 ...
認同，還有一日未入戰場都不知道自己和其他小朋友的實力去到哪個水平。有時候是小孩子的表現不錯，但是對手實在太強勁。
我的小朋友有幾個offers，但是暫時失意於幾間最熱門的學校。我都開始調整心態，總之是，整體不錯而又所賞我的小朋友，又適合他的學校有offer，已經滿意了。
作者: Albeleung 時間: 21-11-7 23:32
多謝大家嘅安慰。昨日突然覺得好灰，今日好好多啦！我會加油💪🏻大家都一齊努力！
作者: mcl203 時間: 21-11-8 02:36
yeeling0101 發表於 21-11-7 17:21
回覆 mcl203 的帖子
其實學校無需知你學過學緊咩學術，佢地自己會係面試個時會考學術，而你考cert個時所學 ...
本帖最後由 mcl203 於 21-11-8 02:48 編輯
我指嘅cert並非係指學術，更加有學校係唔考學術～～～
作者: yeeling0101 時間: 21-11-8 05:00
回覆 mcl203 的帖子
明白，如果你指係非學術cert,同樣無用。大部份學校都唔睇，識人成手活動直私offer，但無任何cert的，面試表現為主
作者: iirisfantasy 時間: 21-11-8 08:21
相信你的情況並不孤單，早一個月前我都有你同樣想法。我是不是一開始已經輸在起跑線？不夠野心？我小朋友不是名幼（完全無想過考，選就近屋企方便照顧），沒有cert，沒有上面試班（想上但小朋友拒絕，我尊重她想法）。只是在上純興趣班（她開心就好），每個週末玩個樂亦不乎，只靠自己週末訓練。一次又一次收reject，然後懷疑小朋友能力，怪責自己，後悔現在什麼都太遲….影響到我情緒負到一個點。幸好我先生適時開導，經常提醒勿忘初心（生她時不是只要她健康快樂就夠？）考小一不是她人生一切，今日學校不選她，總有很多因素考慮，日後日子的確如果有心可以追回來，可以考插班。今天失敗，不等於以後。放鬆心情對大家都只有好影響，如是者我小朋友每一次面試好像比上一次有自信和努力，因為我改變了用鼓勵方式令小朋友正面地看待面試，甘露就會出現。
羸了面試，輸了親子關係真的無此必要。相信你都會後悔，曾經因為面試對小朋友責怪，的確他們真的只有5歲，我們都要將心比己。我亦感受到媽媽同樣會心疼小朋友。
加油💪🏻
作者: KateC2012 時間: 21-11-8 08:55
提示: 作者被禁止或刪除 內容自動屏蔽
作者: sillyorange 時間: 21-11-8 08:56
iirisfantasy 發表於 21-11-8 08:21
相信你的情況並不孤單，早一個月前我都有你同樣想法。我是不是一開始已經輸在起跑線？不夠野心？我小朋友不 ...
作者: tummypooh 時間: 21-11-8 09:41
幾實你要放低名幼包袱，名幼一定入到神或直私？
為何不回歸初心？你既然想佢有開心愉快學習的童年，為何突然又要迫佢？況且去到最尾先迫，只會傷感情。
唔入直私都有其他好學校，但抽獎睇運數，所以你冇得控制，諗好排位同水泡位，就放鬆等吧。
如想去直私或某學校，咁你準備下叩門，操定卷吧。當提前搵下小一上學期啲書。
插班年年有，年年有人走
作者: tobebee 時間: 21-11-8 09:44
回覆 Albeleung 的帖子
其實名幼只是一個踏腳石，給你多d被取錄的機會，不代表讀名幼家長可以真的放下心不用裁培小朋友的。其得你一開始覺得小朋友開心就得，唔想俾咁大壓力佢，咁你應該有一顆隨遇而安的心，考/派到什麼學校也應該不介懷，因為每間學校都有好學生的… 但見你話現在很擔心沒有好學校收，現在才操練習，其實真的有點臨急抱佛腳，小朋友難適應亦難掌握發揮，其實我都有聽過讀名幼不外補但考小成績好好的，只是媽媽背後付出左好多，至少每晚伴讀，會問思考性問題，會經常和小朋友出外探索，而小朋友亦好吸收… 考小學真的不要存僥倖的心態，真的要做好準備的，叩門都一樣，現在準備叩門還來得及，加油！
作者: mcl203 時間: 21-11-8 09:45
yeeling0101 發表於 21-11-8 05:00
回覆 mcl203 的帖子
明白，如果你指係非學術cert,同樣無用。大部份學校都唔睇，識人成手活動直私offer，但 ...
作為一個過來人，我自己就唔覺非學術cert係無用，由考小學至中學都係如是，尤其是考傳統中小學，佢哋都係偏向全人式教學模式～～～
不過，每個人嘅經歷可以係好唔同嘅～～～
作者: yeeling0101 時間: 21-11-8 09:48
本帖最後由 yeeling0101 於 21-11-8 09:49 編輯
回覆 mcl203 的帖子
明白，因為我主要考活動直私小學，小朋友無乜亮麗非學術cert,但業績托賴唔錯，身邊主攻活動直私個啲小朋友都係差不多情況
作者: yeeling0101 時間: 21-11-8 09:57
我諗樓主盡快調整心情，考直私其實個個好早有準備，依加好難比上其他用左1.2年時間準備嘅人。唯一可以做係鼓勵小朋友，面試完後買份小禮物，有offer就當bonus,無就當一個寶貴經驗，利用呢啲經驗幫助之後叩門。呢大半年就要努力準備叩門了。學術定待人接物都要好好準備。樓主加油
作者: tummypooh 時間: 21-11-8 09:58
Cert呢家嘢我真係唔知有咩用，我女只有個跳舞團體獎。
面試班大人個陣發左茅咁話要報，結果上左幾堂自己都發現唔對路唔上了。
作者: mcl203 時間: 21-11-8 09:58
yeeling0101 發表於 21-11-8 09:48
回覆 mcl203 的帖子
明白，因為我主要考活動直私小學，小朋友無乜亮麗非學術cert,但業績托賴唔錯，身邊主 ...
本帖最後由 mcl203 於 21-11-8 10:02 編輯
我都係講緊直私，不過，津嘅傳統小學都係適用～～～
我係指cert，cert係用於證明cv內嘅內容，非一定要亮麗，kg階段亦唔會係有乜非常有認受性嘅比賽。非學術培訓，係睇家長裁培自己小朋友嘅路向～～～
作者: TY168 時間: 21-11-8 10:01
回覆 tobebee 的帖子
其實叩門係咪會著重學術多啲？
作者: sillyorange 時間: 21-11-8 10:04
tobebee 發表於 21-11-8 09:44
回覆 Albeleung 的帖子
其實名幼只是一個踏腳石，給你多d被取錄的機會，不代表讀名幼家長可以真的放下心不 ...
作者: kelvin912 時間: 21-11-8 10:15
身心健康最緊要.
同老公/老婆回想為什麼生小朋友
作者: Poyau 時間: 21-11-8 10:31
TY168 發表於 21-11-8 10:01
回覆 tobebee 的帖子
其實叩門係咪會著重學術多啲？
叩門普遍重學術
係官津唯一可選學生嘅機會
作者: sillyorange 時間: 21-11-8 10:56
yeeling0101 發表於 21-11-8 09:57
我諗樓主盡快調整心情，考直私其實個個好早有準備，依加好難比上其他用左1.2年時間準備嘅人。唯一可以做係 ...
作者: sugar1redbean 時間: 21-11-8 11:14
Poyau 發表於 21-11-8 10:31
叩門普遍重學術
係官津唯一可選學生嘅機會
作者: hkhk8888 時間: 21-11-8 11:18
sugar1redbean 發表於 21-11-8 11:14
請問如果叩門官津考學術係咪都比較深，即係普遍卷幼的程度都唔足夠？
作者: Tanyafish 時間: 21-11-8 11:23
好多過來人都講過有沒有cert和上面試班否同考到小學沒什麼關係。不要怪責自己沒有考cert和上面試班。另外，熱門直私根本就係極度難入，從機率看，考不進才是大部分的個案，甚至可以話係正常。入到本身係bonus,本身係小概率事件。無須怪則自己和小孩。加油！
作者: Poyau 時間: 21-11-8 11:46
sugar1redbean 發表於 21-11-8 11:14
請問如果叩門官津考學術係咪都比較深，即係普遍卷幼的程度都唔足夠？
想想 叩門如何突圍被選中面試
如果係全部有得見 又如何突圍
作者: busydaddy 時間: 21-11-8 11:51
hkhk8888 發表於 21-11-8 11:18
睇你指既係神津定地區一線津, 好大分別
什麼是神津同地區一線津？
作者: hkhk8888 時間: 21-11-8 12:11
本帖最後由 hkhk8888 於 21-11-8 12:43 編輯
busydaddy 發表於 21-11-8 11:51
什麼是神津同地區一線津？
神津咪LSC, MCS, 天神, st mary, MPS, SSGPS, 聖心呢D囉
地區一線咪每個網最受歡迎果一兩間
作者: Poyau 時間: 21-11-8 12:19
busydaddy 發表於 21-11-8 11:51
什麼是神津同地區一線津？
地區一線官津叩門要求
亦要視乎那區那些學校
作者: ball2chiu 時間: 21-11-8 13:01
有時睇返D朋友讀名校出身又如何, 長大成人咪又係打工仔, 反之有D普通學校出黎既又可以好有成就, 所以其實升小只係人生旅程中既一小部分, 最重要響有愛同關懷下既環境成長, 咁就已經好好了！
作者: pccw2017 時間: 21-11-8 13:09
mcl203 發表於 21-11-8 09:45
作為一個過來人，我自己就唔覺非學術cert係無用，由考小學至中學都係如是，尤其是考傳統中小學，佢哋都係 ...
作者: mcl203 時間: 21-11-8 13:14
pccw2017 發表於 21-11-8 13:09
呢樣野我好認同, 我的小朋友由細到大參加好多活動, 有學術的、有體育的、有音樂藝術的、有慈善的、有服務的 ...
所以，可能只係對傾向全人敎育嘅中小學，或者叫做好現實，佢哋係會睇吓呢啲CV內容，從中可以睇到父母嘅睇法和配合，可動用家庭嘅資源。中小學階段都係，點解比較上係傳統中小學係會活躍於學界各項比賽～～～
作者: pccw2017 時間: 21-11-8 13:34
mcl203 發表於 21-11-8 13:14
所以，可能只係對傾向全人敎育嘅中小學，或者叫做好現實，佢哋係會睇吓呢啲CV內容，從中可以睇到父母嘅睇 ...
作者: sugar1redbean 時間: 21-11-8 13:51
mcl203 發表於 21-11-8 13:14
所以，可能只係對傾向全人敎育嘅中小學，或者叫做好現實，佢哋係會睇吓呢啲CV內容，從中可以睇到父母嘅睇 ...
作者: tkinwong 時間: 21-11-8 13:57
sugar1redbean 發表於 21-11-8 13:51
請問所謂非學術的活動，例如運動係點樣show 在cv 上？因為通常都無証書。
有啲游水學校會有證書。
你也可參加一些比賽，豬肉獎都無所謂。
就算冇證書，你都可以照寫，起碼學校會知道家長係關注小朋友的全面發展。
作者: mcl203 時間: 21-11-8 13:59
sugar1redbean 發表於 21-11-8 13:51
請問所謂非學術的活動，例如運動係點樣show 在cv 上？因為通常都無証書。
本帖最後由 mcl203 於 21-11-8 14:01 編輯
如果指田徑，都有啲柴蛙蛙嘅比賽，佢哋有出證書，不過，近期就難少少，疫情嘛。不過，若有，都可以照寫係CV上。至於，可以簡接啲，當生活照放喺CV到㗎嘛，考小學受生活照的，學校/老師又會睇到，又有趣味性啲～～～
作者: tkhhung 時間: 21-11-8 14:36
pccw2017 發表於 21-11-8 13:34
我地的初心只係想仔女學多D唔同範疇的野, 有無Cert都參與, 無諗過對升小、升中有幫助. 不過事後覺得係有幫 ...
潮流興all rounded 小朋友 不只要讀書 希望有身心發展 如體育或音樂
作者: karenaleung 時間: 21-11-8 16:42
mcl203 發表於 21-11-8 09:58
本帖最後由 mcl203 於 21-11-8 10:02 編輯
我都係講緊直私，不過，津嘅傳統小學都係適用～～～
非學術嘅活動當然要參與(不為考小，都應該培養下興趣），但cert又唔係咁重要。照片也可以展示到小朋友的活動。
我小朋友未考中學，未有經驗。考小學時，都係0證書(學術／非學術)。我嘅經驗係小朋友的面試表現最重要。
如需要交個人檔案，我用照片展示小朋友日常活動。
作者: mcl203 時間: 21-11-8 16:51
karenaleung 發表於 21-11-8 16:42
非學術嘅活動當然要參與(不為考小，都應該培養下興趣），但cert又唔係咁重要。照片也可以展示到小朋友的活 ...
咁有證書或證明，仲乜要收埋唔交出去呢？CV就係講自己嘅個人資料，生活照只係其中一部分～～～
作者: karenaleung 時間: 21-11-8 17:08
mcl203 發表於 21-11-8 16:51
咁有證書或證明，仲乜要收埋唔交出去呢？CV就係講自己嘅個人資料，生活照只係其中一部分～～～
...
個人檔案，學校會有限頁數。例如就算夠用，也不需要准許8頁，用足8頁。我認為證書不重要（就算我有）。小朋友學樂器，未考級，冇證書 
當然大家想放也冇所謂（如有證書）
我想講就係冇任何證書，都不影響考小（我小朋友係例子）
作者: mcl203 時間: 21-11-8 17:12
karenaleung 發表於 21-11-8 17:08
個人檔案，學校會有限頁數。例如就算夠用，也不需要准許8頁，用足8頁。我認為證書不重要（就算我有）。小 ...
做profo有好多方法，8頁係非常多了，已經可以表達好多內容。你唔交係自由嘅，各施各法嘛～～～
作者: karenaleung 時間: 21-11-8 17:32
mcl203 發表於 21-11-8 17:12
做profo有好多方法，8頁係非常多了，已經可以表達好多內容。你唔交係自由嘅，各施各法嘛～～～
...
8頁當然好多，冇乜學校俾交8頁。
我意思係，在有限頁數下，我會交我認為比證書更重要的東西。
作者: mcl203 時間: 21-11-8 17:42
karenaleung 發表於 21-11-8 17:32
8頁當然好多，冇乜學校俾交8頁。
我意思係，在有限頁數下，我會交我認為比證書更重要的東西。
...
交重要文件，當然係非重點文件唔使交啦，唔通交本日記俾學校咩～～～
Profo要清晰，簡潔，吸眼球，要有重點，可能，會比較好，始終可能幾千份申請表，唔可以期望學校會仔細咁睇～～～
作者: 993rs 時間: 21-11-8 18:17
我又從來感受唔到 cert 有咩作用...
當年人有我有既：PTH、15盾、朗誦獎、運動 cert。
非大路既：k1-3 honored student 獎、義工音樂籌款（出名大機構搞，連我自己都一齊上埋台表演）、校長 reference letter；我show 埋為左鼓勵小朋友學樂器，我自己學埋一份、考埋級。
部份豬肉獎、冇獎既運動 cert、賣旗籌款我都冇位放。
最終所有 band 1a 龍校連 1st in 都過唔到 
作者: karenaleung 時間: 21-11-8 19:48
mcl203 發表於 21-11-8 17:42
交重要文件，當然係非重點文件唔使交啦，唔通交本日記俾學校咩～～～
Profo要清晰，簡潔，吸眼球，要有重 ...
當然，說得很對。所以，我意思是證書不重要。
作者: busydaddy 時間: 21-11-8 21:16
993rs 發表於 21-11-8 18:17
我又從來感受唔到 cert 有咩作用...
當年人有我有既：PTH、15盾、朗誦獎、運動 cert。
如果要貼家長，與其貼自己考級，不及貼自己嘅法官委任書之類更有用
作者: fufu17 時間: 21-11-8 22:55
經驗所得，面試表現和中英認字多少重要過cert 老師無時間續一看portfolio.
花多些時間同小朋友閲讀，從而認字更有效
作者: kolayeung 時間: 21-11-8 23:26
本帖最後由 kolayeung 於 21-11-8 23:26 編輯
fufu17 發表於 21-11-8 22:55
經驗所得，面試表現和中英認字多少重要過cert 老師無時間續一看portfolio.
花多些時間同小朋友閲讀，從而 ...
認同！真系中英文字，中文句子，英文段落輪著來考，閱讀一定要做好。
作者: mavh 時間: 21-11-9 08:09
mcl203 發表於 21-11-8 13:14
所以，可能只係對傾向全人敎育嘅中小學，或者叫做好現實，佢哋係會睇吓呢啲CV內容，從中可以睇到父母嘅睇 ...
好同意，你個回應好有意思，爭在對方明唔明白。 
作者: gigi12345 時間: 21-11-9 09:30
不如咁講啦好多cert
但面試唔講野
學術唔得
咪乜cert 都無用
一個主動小朋友
學術好
有埋cert
咪錦上添花law
所以好難一概而論 d cert 係有用定無用嘅
作者: gigi12345 時間: 21-11-9 09:32
有啲cert 例如朗誦
其實目標不一定要冠亞季
但可以令小朋友面對咁多人都怯場
對面試都有用嘅
作者: yin0101 時間: 21-11-9 09:34
本帖最後由 yin0101 於 21-11-9 09:35 編輯
cert唔係要鬥多，而係要用黎顯示到小朋友長處
例如語文叻, 就有朗誦etc cert
運動叻, 有比賽cert 等等
cert/ award係一個榮耀 ,連小朋友都會proud of himself/herself
cert有無用, 我覺得一定有用
前提係 小朋友面試表現過唔過到學校要求先
作者: 993rs 時間: 21-11-9 09:34
busydaddy 發表於 21-11-8 21:16
如果要貼家長，與其貼自己考級，不及貼自己嘅法官委任書之類更有用
...
無謂讀多個 degree 啦，啲校長話要父親要多啲參與、家校合作先有成效，一陣reject 你個理由係你工作咁忙、冇時間教細路就晒氣啦。何況我識得唔少兩公婆係醫護都可以冇 offer。
認真講，我學樂器唔係為左升小而做，反而係為左鼓勵當年已經升小既阿大。阿大嗰時第一次可能 portfolio 做得唔好，阿二嗰份可以話投入過做 final year project，你要學術有honor、父母參與有郊遊、要 ECA 有攞獎、要回饋社會有公益活動。最終懂得欣賞我小朋友而我又心儀嗰間直接收，連parents interview 都skip 埋，乜都唔駛做。
個人經驗升小遊戲，first impression>識做人>識字>識做 portfolio。 portfolio 既重要性只不過比面試班煲大左，唔好為呢啲小事比自己/家庭/小朋友太大壓力。到今時今日，莫講話點解唔收我小朋友，點解收？我有時都未明。
只係想提下家長，盡左力、平常心就可以，香港點都有書讀，最重要係家庭既 bonding。係讀到既，插返入聖喇拔大有人在，讀唔既入左都要暗然離場。
作者: pccw2017 時間: 21-11-9 09:48
tkhhung 發表於 21-11-8 14:36
潮流興all rounded 小朋友 不只要讀書 希望有身心發展 如體育或音樂
作者: tkhhung 時間: 21-11-9 09:51
pccw2017 發表於 21-11-9 09:48
主要係唔想小朋友高分低能無 common sense.
找到適合學校給小孩好重要
作者: B.B.BaBa 時間: 21-11-9 09:51
993rs 發表於 21-11-8 18:17
我又從來感受唔到 cert 有咩作用...
當年人有我有既：PTH、15盾、朗誦獎、運動 cert。
"為左鼓勵小朋友學樂器，我自己學埋一份、考埋級。"
學校角度睇，可能會覺得日後面對呢位家長唔易應付......
作者: B.B.BaBa 時間: 21-11-9 10:00
面試時老師問番關於比賽、考CERT、及一大堆活動，如果小朋友無乜印象，或講唔出，其實可能有反效果...
作者: tummypooh 時間: 21-11-9 10:00
或者咁講，Cert本身冇咩用，但小朋友去參與和CERT有關活動時可能會有唔同得著，令佢地係面試時識多啲嘢。
但同檥地如果父母本身有時間同能力去教小朋友，CERT學到的嘢家長都可以教到。
不過出得去多，見得人多，溝通技巧同面對陌生人都會好啲，當然，你成日帶小朋友去啲聯合國公園玩都有同樣效果。前題係你要放手俾佢去自己玩，唔係做直升機
作者: Azzurro 時間: 21-11-9 10:04
k1，k2 家長會的時候老師應該都會同家長講小朋友表現
老師觀察左兩年，基本上沒可能睇錯
每年每個幼稚園嘅升小表現都大同小異
應該不難判斷小朋友的定位：穩妥得到好嘅直私/ 得到一般直私/ 直私機會一半一半/ 機會好低
按道理家長應該對自己小朋友係公海定位有一定概念
比如說學之園雖然百分之六七十都得到好嘅直私
百分之十幾二十普通直私
幼稚園應該會提醒其他機會低的同學吧？
作者: 993rs 時間: 21-11-9 10:12
B.B.BaBa 發表於 21-11-9 09:51
"為左鼓勵小朋友學樂器，我自己學埋一份、考埋級。"
鐘意你既女仔：因為你對我好！
唔鐘意你既女仔：因為你對我太好！
其實我由始至終都係我 
作者: Poyau 時間: 21-11-9 11:54
Azzurro 發表於 21-11-9 10:04
k1，k2 家長會的時候老師應該都會同家長講小朋友表現
老師觀察左兩年，基本上沒可能睇錯
每年每個幼稚園嘅 ...
旁觀者清 當局者迷
作者: mcl203 時間: 21-11-9 12:15
去到新界郊游，原來山腳空氣咁清新
行到山腰，原來仲有風景咁美麗
行到山頂，原來景觀可以咁壯麗
不同位置不同角度，可以產生不同視野～～～
作者: Mrscatcatfung 時間: 21-11-9 13:20
mcl203 發表於 21-11-9 12:15
去到新界郊游，原來山腳空氣咁清新
行到山腰，原來仲有風景咁美麗
行到山頂，原來景觀可以咁壯麗
好同意。
我想起小時候讀書那陣子，和尖子同學們在同一間學校，同一個班房，坐同一張枱。我真的好努力了，但取8A10A的是他們，不是我。到我長大後，我才了解，大家的差距才不只表面幾張cert,補習班和面试技巧，是天賦智力記憶力耐力和性格。
上台領獎有他們的樂趣，但我也有我的自在。終有一日，各人都在自己的領域發光發亮。
作者: decelerate 時間: 21-11-9 13:42
mcl203 發表於 21-11-9 12:15
去到新界郊游，原來山腳空氣咁清新
行到山腰，原來仲有風景咁美麗
行到山頂，原來景觀可以咁壯麗
比喻得好好
作者: flones5 時間: 21-11-9 14:41
聽過有人說現在不少人認爲小朋友係好勁，以為他們怎麽都有過人之處
加上好多人係身邊，係網上不斷講邊幾間係名校，神津，覺得孩子無可能入唔到
都向這個目標衝
由出世開始部署，考cert，考級，
一心入名幼》名牌小學》名牌中學》名牌大學 》勝利組
期望 VS 實際
幻想 VS 現實
作者: seaker 時間: 21-11-9 17:06
dirtybb2000 發表於 21-11-7 09:15
同路人 我仔讀kv
同你一樣情況
不過我地只係報左12間
同學仔
You are not alone.
我仲有一個second in 同一個first in(剛apply) 就完，但手上都未有offer，只有一間waiting
今日我都心情麻麻，dbs 我都預左無既（真心無谷佢上乜班乜班），但我仲未收到德雅信
有一刻我都有懷疑係咪自己小朋友真係好唔掂（因我有個大券幼，當年都有啲offer,所以我相信讀邊間學校不是最大因素）
但剛放工見到佢既功課，佢同我講做得最快，同佢今日在學校畫在一幅農夫畫，我覺得我小朋友唔係唔掂，只係佢在面試中未發揮到。
所以你講得岩，仲有半年時間，大家努力！
樓主，謝謝你出post. 寫左我心聲，心情好番啲。
大家加油！
作者: dirtybb2000 時間: 21-11-10 09:26
seaker 發表於 21-11-9 17:06
同學仔
You are not alone.
我仲有一個second in 同一個first in(剛apply) 就完，但手上都未有offer，只 ...
尋日..終於有2個私校offers
當然明白佢係超派好多, 先有自己個仔份
但都叫做有back up去lucky draw先
我其實都看住小朋友一日一日進步
只係仲未追上出面考熱門直資果班fit馬
都睇化左
最緊要小朋友開開心心
尋日佢知道左自己有學校收, 不知幾開心
係佢地眼中根本唔知咩係名校唔名校
見到佢咁天真, 自己真係覺得慚愧
之前仲因為面試唔好話佢做咩唔試, 做咩做得咁慢
我地做家長要同小朋友一齊好好改善同成長
加油!!!!
作者: hkcsty 時間: 21-11-10 09:45
回覆 dirtybb2000 的帖子
我上年都係有間私校offer之後，就算有直資call waiting 都唔需要考慮了！
作者: happygirl1284 時間: 21-11-10 11:43
回覆 seaker 的帖子
路過, 小朋友舊年考小一, 完全理解你的感受..我小朋友係慢熱, 觀察型, 唔會好進取表現自己, 起初我都覺得好沮喪, 但依d係佢既性格無得勉強佢去改變, 只係盡量鼓勵佢主動d, 進取d
舊年我地有好幾間要拍片的入到2nd in, 但一去到2nd in便見真章, 唔夠對答如流, 問一句答一句, 甚至有時答無, 無留意, 唸唔到 (因為有幾間我同佢一齊去2nd in), 真係有想用刀仔桔大脾的感覺
但之後調整心情再想下, 佢係學校表現都唔錯, 老師都有好多正面評價..我就同自己講其實小朋友都係醒既, 只係係面試裡面發揮唔到, 突出唔到, 唔夠時間俾老師了解佢多d, 發掘佢既優點, 佢只係需要時間去"load", 但佢load得黎已經俾其他主動, 反應快的小朋友先拔頭籌. 同埋間間直資都有至少三千人去爭百幾二百個位, 無offer又真係好合理
去到叩門階段, 身邊的朋友好多都有好好的收獲, 有幾間係手去㨂, 如果你小朋友是kv, 更加不用擔心, 做好準備, 加油!!
作者: sugar1redbean 時間: 21-11-10 12:24
見上面好幾位都係kv 的家長，請問kv 係咪對考小真係無支援？同埋英文程度同考小要求有段距離？想問下性格有無因為讀左kv 內向同靜左？經歷過考小後，如果俾你哋選擇，會唔會讀kv?
作者: dirtybb2000 時間: 21-11-10 12:28
sugar1redbean 發表於 21-11-10 12:24
見上面好幾位都係kv 的家長，請問kv 係咪對考小真係無支援？同埋英文程度同考小要求有段距離？想問下性格有 ...
總之如果一心直資 k2就開始谷盡佢 唔好猶豫
好似我咁2頭唔到岸 臨尾先去谷小朋友 就無意思
作者: sugar1redbean 時間: 21-11-10 12:34
dirtybb2000 發表於 21-11-10 12:28
唔關事 係我地自己冇谷有同學做offer王
總之如果一心直資 k2就開始谷盡佢 唔好猶豫
好似我咁2頭唔到岸 臨尾 ...
| 歡迎光臨 教育王國 (/) |
Powered by Discuz! X1.5 |