教育王國

標題: 幼稚園學完拼音小學忘記得七七八八 [打印本頁]

作者: Yfyh 時間: 21-10-27 13:25 標題: 幼稚園學完拼音小學忘記得七七八八

時間過得好快，轉眼間小朋友已經讀小三。我K2嘅時候開始比小朋友學拼音一路學到小二大概上學期才停下來（上過三間）。近來我同佢溫默書，我發覺佢好多字都唔識串。佢只係靠記憶去串字，但無奈佢嘅記性又唔係十分之好。個重點係佢根本冇利用/唔肯用拼音方法去串字。雖然佢而家默書成績唔係好差，但我真係唔想佢繼續咁樣落去而浪費咗之前所學嘅嘢。請問你哋有冇遇過咁嘅情況？我可以點做？謝謝幫忙及分享！

作者: liyinheung 時間: 21-10-27 14:24

回覆 Yfyh 的帖子

我會每天要佢將所有卡片讀一次，抽五分鐘時間都好，真係冇時間過二三日都一定要讀

作者: fadgare 時間: 21-10-27 16:21

佢平時多唔多睇英文書？如果keep住拼讀應該熟能生巧

作者: Yfyh 時間: 21-10-28 00:39

回覆 liyinheung 的帖子

請教用什麼卡片？佢之前係學RWI果套拼音。我曾經有試過上YouTube要佢聽返晒set1-3 的所有sounds，果本拼音書我要佢全部默過啲字。但問題係佢唔用黎blend字！所以聽返都冇用！

作者: Yfyh 時間: 21-10-28 00:44

本帖最後由 Yfyh 於 21-10-28 00:50 編輯

回覆 fadgare 的帖子

佢好鍾意睇書，但係近半年佢睇大部份都係中文書居多。就算以前佢睇英文書或者而家有時睇英文書，佢從來都唔會讀出聲。就算我要求佢讀，佢最多都係讀一、兩版。佢最憎read aloud。而我亦唔想打擾佢對睇書嘅興趣。咁先煩！
仲有，就係因為少咗睇英文書，連帶作文都開始有影響。小三開始經常作文…救命！

作者: musiclover1609 時間: 21-10-28 18:22

Yfyh 發表於 21-10-28 00:44
回覆 fadgare 的帖子

佢好鍾意睇書，但係近半年佢睇大部份都係中文書居多。就算以前佢睇英文書或者而家有 ...

她能夠理解內容便可以了，不一定要朗讀出來。

作者: musiclover1609 時間: 21-10-28 18:36

其實她的拼音學得不錯，能掌握set1-3的sounds，能默寫拼音書裡的字。問題不在於她未能掌握拼音的法則，而是她想用自己的方法來串字。我小時候沒有學拼音，在學英文的過程中自己摸索英語發音的法則。她已小三了，應重視她對內容的理解，多於她是否能用拼音法則默寫每一個生字。維持她對閱讀的熱情比一切都重要呢！

歡迎光臨教育王國 (/)