教育王國
標題: 讀國際學校一定要去外國讀書嗎？ [打印本頁]
作者: Suki2015 時間: 21-10-15 12:03 標題: 讀國際學校一定要去外國讀書嗎？
本帖最後由 Suki2015 於 21-10-15 15:41 編輯
本帖最後由 Suki2015 於 21-10-15 12:12 編輯
一直15.16比唔比兩個女讀國際學校，想佢哋有開心童年，唔係填鴨式學習。
但我同先生唔會移民/ 唔會陪佢哋去外國讀書，亦都唔想兩個女讀寄宿學校，擔心學壞同唔安全。
其實咁嘅情況，應唔應該讀國際學校？
作者: Radiomama 時間: 21-10-15 12:47
Suki2015 發表於 21-10-15 12:03 
一直15.16比唔比兩個女讀國際學校，想佢哋有開心童年，唔係填鴨式學習。
但我同先生唔會移民/ 唔會陪佢哋 ...
如果係香港讀國際學校，我哋反而係覺得可以安安樂樂在香港完成中學。
至於大學會否去外國，視乎孩子意願和能力吧。
作者: Star.Star 時間: 21-10-15 12:54
可以唔俾。
但現實係你兩個女既同學絕大部份都會讀讀下去外國。
青少年會覺得自己odd one out. 諗埋一邊仲可能怪你地唔俾佢去，產生心病。
第二樣嘢係佢中文程度。
你讀教繁體字果啲國際學校都尚可，中文夠響香港日常或者工作用。
但係你讀啲中文係閒科，淺到不得了既學校，我敢講就算你外補，到佢畢業出來中文都係唔多掂。
你冇幫佢準備移民，但又唔畀佢充份認識本地語言、文化，
即係佢被逼響用中文為主既地方生活同工作，社交都可能同大部份人唔夾。你係咪玩緊佢？
佢唔係外國人，唔同外國人唔識中文響香港生活既情況同埋感覺。
作者: Star.Star 時間: 21-10-15 12:57
有啲人話識人外國大唔識中文都響香港做高層，
呢個係十幾年前開始既故事。
依家讀幼稚園同小學既小朋友，佢地畢業後既香港，會係中文同香港人中國人為首。
作者: Radiomama 時間: 21-10-15 14:26
咁又無咁誇張，我認識小朋友由細讀國際學校，中文麻麻，在港讀醫科及行醫，完全無問題。
讀到中學再去外國讀boarding school, 只是小部份同學，我的孩子在校內仍有好多朋友。
作者: annie40 時間: 21-10-15 14:32
本帖最後由 annie40 於 21-10-15 14:33 編輯
Star.Star 發表於 21-10-15 12:54
可以唔俾。
但現實係你兩個女既同學絕大部份都會讀讀下去外國。
可以唔俾。
但現實係你兩個女既同學絕大部份都會讀讀下去外國。
青少年會覺得自己odd one out. 諗埋一邊仲可能怪你地唔俾佢去，產生心病。 Xxxxx
實情確是如此。IS學生大大大部份首選往外地上大學，除非是家庭財力上負擔有難度，除非是選擇念醫，否則家長很難say no.
作者: poonseelai 時間: 21-10-15 14:49 標題: 回覆樓主:
今天我會咁回應樓主，日後會點變無人知: (1) 所有非dse學生都可透過非聯招( non jupas) 申請政府資助本地大學學位，EK 有好多資訊; (2) 如果希望學校相對地較多自主權，衹可考慮IS
作者: Star.Star 時間: 21-10-15 15:04
Radiomama 發表於 21-10-15 14:26
咁又無咁誇張，我認識小朋友由細讀國際學校，中文麻麻，在港讀醫科及行醫，完全無問題。
讀到中學再去外國 ...
我識既人唔多識中文都可以響香港高薪厚職就係做醫生
作者: Star.Star 時間: 21-10-15 15:05
annie40 發表於 21-10-15 14:32
可以唔俾。
但現實係你兩個女既同學絕大部份都會讀讀下去外國。
讀國際學校係帶子女走遠路
作者: Radiomama 時間: 21-10-15 15:25
Star.Star 發表於 21-10-15 15:05
唔移民又唔去外國讀大學
讀國際學校係帶子女走遠路
條條路都可以行，有人一生只為衝到去目的地，有人為了邊行邊享受。
如果教育只為最便宜、最短時間完成然後出來工作的話，你説的都對。
作者: Star.Star 時間: 21-10-15 15:33
Radiomama 發表於 21-10-15 15:25
條條路都可以行，有人一生只為衝到去目的地，有人為了邊行邊享受。
如果教育只為最便宜、最短時間完成然 ...
重點係唔移民唔外國升學又唔充份認識本土語言同文化/社交， 搵黎搞。
作者: annie40 時間: 21-10-15 18:17
Star.Star 發表於 21-10-15 15:05
唔移民又唔去外國讀大學
讀國際學校係帶子女走遠路
作者: annie40 時間: 21-10-15 18:23
Star.Star 發表於 21-10-15 15:33
比喻啫，
重點係唔移民唔外國升學又唔充份認識本土語言同文化/社交， 搵黎搞。
...
作者: Star.Star 時間: 21-10-15 18:27
annie40 發表於 21-10-15 18:23
未來會有愈來愈多沒有地域限制的工種，不移民，不海外留學，依然有極大機會在海內外工作，多一種閱歷，會多 ...
作者: poonseelai 時間: 21-10-15 18:45
Star.Star 發表於 21-10-15 18:27
咁真係要祈禱曾經係國際都會既香港會越來越國際化繼續同外國接軌
唉呀！對外不及北上重要呀
作者: Star.Star 時間: 21-10-15 19:03
poonseelai 發表於 21-10-15 18:45
唉呀！對外不及北上重要呀
依家中文都唔多識睇，講唔夠兩句廣東話就轉台英文
作者: annie40 時間: 21-10-15 19:35
Star.Star 發表於 21-10-15 18:27
咁真係要祈禱曾經係國際都會既香港會越來越國際化繼續同外國接軌
作者: annie40 時間: 21-10-15 19:42
Star.Star 發表於 21-10-15 19:03
我都希望香港可以繼續國際化，我小朋友將來多個選擇
依家中文都唔多識睇，講唔夠兩句廣東話就轉台英文
...
作者: poonseelai 時間: 21-10-15 20:31 標題: 回覆樓主：
本帖最後由 poonseelai 於 21-10-15 20:32 編輯
香港仍勝在有選擇，要有好D中文水平，又要國際課程，可考慮 private independent schools, 當然要接受 student mix 唔同 IS
作者: mindfulmom 時間: 21-10-15 22:11 標題: 回覆樓主:
父母唔想佢接受填鴨式教育，想佢有個開心童年，但又唔會移民，又唔會比佢中小學boarding，其實國際學校咪解決哂你所有既問題囉！
至於大學，都好多年後既事，可能好多野都變咗，而家既想法未必套用得到喺萬變既香港。大學出國，子女都唔會想你跟住去，甚至佢考到名牌大學，難道再廿歲都唔比佢去試咩？
作者: PSKLAI 時間: 21-10-15 22:46
上YouTube搵下
其實不乏留港讀大學嘅國際學校學生
佢哋同時可用廣東話同英文去拍vlog
讀IS係咪一定去外國...又未必
作者: Star.Star 時間: 21-10-15 22:49
本帖最後由 Star.Star 於 21-10-15 22:55 編輯
PSKLAI 發表於 21-10-15 22:46
上YouTube搵下
其實不乏留港讀大學嘅國際學校學生
佢哋同時可用廣東話同英文去拍vlog
中文讀寫流利既國際學校學生一定係少數人，多大陸人讀既繁體字學校例外，
又或係中學先轉國際學校，咁中文一定好好多。
作者: PSKLAI 時間: 21-10-15 22:57
回覆 Star.Star 的帖子
其實所謂中文好好的香港人一同內地人和台灣人比
根本係小學水平
幾多香港人打份工
可以快速地寫一份全中文報告?
有, 也是少數
作者: PSKLAI 時間: 21-10-15 23:00
又, 如果讀IS一定要留學或移民那麼, 讀LS就是否一定不可留學或移民?
否則又很嘥時間嘥心機?浪費努力學習中文?
作者: Star.Star 時間: 21-10-15 23:03
PSKLAI 發表於 21-10-15 22:57
回覆 Star.Star 的帖子
其實所謂中文好好的香港人一同內地人和台灣人比
但係自小讀簡體字國際學校出來果啲中文能力更加不堪入目
唔好話我踩低國際學校生。
係我識好多不同國際學校小朋友，連自己的小朋友都係中文好唔掂。
作者: Star.Star 時間: 21-10-15 23:06
PSKLAI 發表於 21-10-15 23:00
又, 如果讀IS一定要留學或移民那麼, 讀LS就是否一定不可留學或移民?
否則又很嘥時間嘥心機?浪費努力學習中 ...
但冇得話：開頭唔落辣椒煮飯，煮到尾都唔可以落辣椒。
作者: Star.Star 時間: 21-10-15 23:09
讀國際有辣有唔辣啦，
我真心認為唔移民唔海外升學，最恰當直接就係讀本地。
唔啱聽咪讀國際學校試下，讀落咪知甜與辣
作者: PSKLAI 時間: 21-10-15 23:13
回覆 Star.Star 的帖子
當然以同級數的學校比較, 讀IS學生的中文水平普遍是比LS差但那些差異在大中華華語市場就顯得無關重要
國內人眼裡,看不到差別
作者: Star.Star 時間: 21-10-15 23:22
PSKLAI 發表於 21-10-15 23:13
回覆 Star.Star 的帖子
當然以同級數的學校比較, 讀IS學生的中文水平普遍是比LS差但那些差異在大中華華語 ...
我識既由小一讀起國際既細路都係咁樣（香港人家庭），有啲連講都唔多肯（唔多識）
作者: PSKLAI 時間: 21-10-15 23:26
本帖最後由 PSKLAI 於 21-10-15 23:27 編輯
回覆 Star.Star 的帖子
讚同呀我只係想指出,
香港人如果認為自己完成了十幾年LS課程,
然後就覺得自己面對大中華市場可以笑著行勝利道,
咁就真係...
廣東人在內地也在掙扎中
香港人憑什麼說自己懂中文, 明中國文化?
頂多也只是明白少少自己的香港文化
作者: Dftakwai 時間: 21-10-16 03:53
日間返國際學校，家裡講中文，教育本地文化，玩本地課外活動，返中文補習，群番本地小朋友，一樣可以中西並存。
本地神校DxS一樣不太注重中文，這是香港一直以來的文化。
查實好多本地名校去到高中都好多人去外國，同學仔去外國不僅僅是國際學校狀況。
作者: PSKLAI 時間: 21-10-16 09:03
本帖最後由 PSKLAI 於 21-10-16 09:08 編輯
可以上YT望下
兩個人都喺港大讀
男keo tsang, 來自Kings, all vlogs are in Eng
女Hanna Vanharanta, 來自IS, 大部份vlog in Cantonese
其實, 喺一個相對國際化城市（好彩仲叫做係)生活同工作, 係唔係中文差少少就死得? Er...
冇錯, 凡事有代價, 讀IS中文差,讀LS就整個學習生涯就在考試測驗趕syllabus....真的針無兩頭利
作者: Star.Star 時間: 21-10-16 09:05
本帖最後由 Star.Star 於 21-10-16 09:05 編輯
Dftakwai 發表於 21-10-16 03:53
日間返國際學校，家裡講中文，教育本地文化，玩本地課外活動，返中文補習，群番本地小朋友，一樣可以中西並 ...
現實國際學校中冇幾個小朋友係咁。
本地名校一定唔夠國際學校多人去外國讀書。不是學生主要去向。
仲要係名校先叫有幾個同學去外國，全港大部份學校既學生都係留港。
作者: Star.Star 時間: 21-10-16 09:20
我講咁多只係唔想未讀國際學校既家長唔好對國際學校實際主流情況有誤解。
前面講過，多大陸人、教繁體既學校，中文會深。不過香港人可能跟得辛苦，因為啲細路都係英文為主。
簡體字國際，出黎中文大部份學生都一定差過本地好多。
話keep住屋企講中文、外補、中文唔會差，其實大量香港家庭做緊，但有幾多個細路中文真係掂？好多都係父母叫上堂就上下，中文當閒科，一個禮拜一堂轉頭俾返老師，日常照自己講英文。
國際學校學生主流去外國係事實，本地學校主流留港亦係事實。
唔好主觀願望想子女點發展，就諗到讀國際又可以背主流而行、讀本地亦可以非主流咁做，太離地不顧真實情況。
作者: 木子兔媽媽 時間: 21-10-16 09:24
Suki2015 發表於 21-10-15 12:03
本帖最後由 Suki2015 於 21-10-15 12:12 編輯
一直15.16比唔比兩個女讀國際學校，想佢哋有開心童年，唔係 ...
Some local schools got no exams in lower elementary. If happy school + Chinese is your aim, no need to choose non local curriculum schools.
作者: barque 時間: 21-10-16 10:04
從身邊嘅朋友見到，整體來講讀國際學校的小朋友比例上之後去外國讀大學的較多。如果你唔介意填鴨式學習和多考試的模式，可以選擇考慮讀本地學校。
至於中文，整體來講讀傳統學校比國際學校的程度較為高，但係英文程度國際學校會較好。香港國際都市，中文和英文同樣重要。講真我覺得，香港好多本地生中文都是一般，中文比國內差很多，英文亦比國際學校差。
是否值得為中文而選擇全盤接收填鴨式學習的壞處呢？ 關於讀國際學校怎樣才可以讀好中文，上面已經有家長講咗方法。外國好和出名的大學比香港多很多，經濟能力許可，亦都係一個好好嘅選擇。
作者: ckmammy 時間: 21-10-16 10:25
回覆 barque 的帖子
唔介意問吓，到底中文程度點樣為之夠高， 要幾高先夠用， 又或者喺香港工作可以應付到嘅程度。需要 DSE 程度咁高定 IB Chinese B HL 已經夠呢？
作者: Dftakwai 時間: 21-10-16 10:43 標題: 回覆樓主：
本帖最後由 Dftakwai 於 21-10-16 11:33 編輯
學校只花閒日6至7小時，最終都係睇身教，唔可以唔理放左學既時間、星期六日屋企點教、用中文既重要性。一個中式化家庭讀國際，小朋友始終唔會全盤西化。正如好多海外華僑海外長大既子女返香港發展、用中文都無問題，更何況香港愈來愈多中文，除非只比佢接觸講英文既小朋友，又或者屋企只講英文，關在一個英文環境，否則響香港有中文語境既環境浸吟下應該生活到無問題。
作者: Dftakwai 時間: 21-10-16 10:52 標題: 回覆樓主：
本帖最後由 Dftakwai 於 21-10-16 10:53 編輯
睇番各位本身或身邊朋友，好可能發現好多即使本地名校畢業生本地大學都係中英文水平一般，成就一般，搵錢一般。唔可以只強調本地學校就點國際學校就點，唔可以一概而論，學校只係小朋友成長一部分。
作者: cantona2001 時間: 21-10-16 15:02
Star.Star 發表於 21-10-15 15:04
咪就係得醫科囉
我識既人唔多識中文都可以響香港高薪厚職就係做醫生
作者: cantona2001 時間: 21-10-16 15:12
PSKLAI 發表於 21-10-15 22:57
回覆 Star.Star 的帖子
其實所謂中文好好的香港人一同內地人和台灣人比
作者: cantona2001 時間: 21-10-16 15:18
poonseelai 發表於 21-10-15 20:31
香港仍勝在有選擇，要有好D中文水平，又要國際課程，可考慮 private independent schools, 當然要接受 stud ...
另外朋友個仔讀CKY，IB考43分，又係出國留學
作者: PSKLAI 時間: 21-10-16 19:04
其實本身有得諗讀IS定LS已，已經算係幸運一族。
而大多數人係只可以讀LS同留港，無論個心幾想有得選擇…
作者: cherry1126 時間: 21-10-16 23:23 標題: 回覆樓主：
本帖最後由 cherry1126 於 21-10-16 23:28 編輯
選擇讀IS係因為想小朋友可在更自主既學習環境和模式下愉快學習和成長，并唔係去計較佢將來可以搵幾多錢。
如果小朋友性格係唔迫得，強行放佢係LS無論家長或小朋友都同樣痛苦。至於中文程度，如果小朋友有興趣無論在LS或IS都同樣可以培養到，如果無興趣你放佢係LS日日迫佢都唔會有成果。
作者: annie40 時間: 21-10-17 09:22
Star.Star 發表於 21-10-16 09:20
我講咁多只係唔想未讀國際學校既家長唔好對國際學校實際主流情況有誤解。
前面講過，多大陸人、教繁體既學 ...
作者: annie40 時間: 21-10-17 09:25
Dftakwai 發表於 21-10-16 03:53
日間返國際學校，家裡講中文，教育本地文化，玩本地課外活動，返中文補習，群番本地小朋友，一樣可以中西並 ...
謝謝你說出重點。
只是很多IS家長並沒有這樣做。
作者: Dftakwai 時間: 21-10-17 10:57
annie40 發表於 21-10-17 09:25
日間返國際學校，家裡講中文，教育本地文化，玩本地課外活動，返中文補習，群番本地小朋友，一樣可以中西並 ...
點解咁做既家長唔多？
作者: barque 時間: 21-10-17 11:24 標題: 回覆樓主：
本帖最後由 barque 於 21-10-17 11:25 編輯
讀LS學校的想法學好英文，讀國際學校的亦想法學好中文。一般來說，這2種情況都需要家庭有一定程度的配合才可以，單單靠學校效果未必理想。
而且未來STEM越來越重要，教育亦要看多方面發展，語言只是其中的一少部份。
作者: poonseelai 時間: 21-10-17 11:39
Dftakwai 發表於 21-10-17 10:57
點解咁做既家長唔多？
係 EK 你會見到有家長要求孩子 speak like a native (英美), 有口音 (香港或其他地方)已經好似係死罪
作者: poonseelai 時間: 21-10-17 11:41
barque 發表於 21-10-17 11:24
讀LS學校的想法學好英文，讀國際學校的亦想法學好中文。一般來說，這2種情況都需要家庭有一定程度的配合才 ...
日後工作生活一樣要運用語文，打好語文基礎好重要
作者: Dftakwai 時間: 21-10-17 11:48
poonseelai 發表於 21-10-17 11:39
係 EK 你會見到有家長要求孩子 speak like a native (英美), 有口音 (香港或其他地方)已經好似係死罪
...
讀西化 IS 已可取得當地口音文化，英文交比學校，屋企搞中文便可，況且好多家長自己都唔係NATIVE，在家講英文不會提升 Nativeness
作者: kinder.bb 時間: 21-10-17 11:52
本帖最後由 kinder.bb 於 21-10-17 12:29 編輯
其實本身樓主想問，係讀國際學校是否一定要出國，而佢嘅重點並不是在於中文上。
而我相信國際學校畢業嘅學生主要去外國讀書，並不在於中文不及本地學生，因讀香港既大學基本上都以英文為主，只要同學合乎該科收生要求，而且面試成功就可以入讀。其實本身讀國際學校嘅家庭經濟能力已有一定水平，所以畢業後到外國升學嘅比率比LS較高，係好正常嘅事。而家長比小朋友到外國升讀大學，本身原因有好多，其中有機會係想讀科目那間大學比較好，又或者家長希望小朋友可以放遠眼光，認識唔同文化。其實我識好多本地學生或家長，為咗避開DSE考試，已在五中四甚至中三便離開香港到外地升中學，呢啲都係睇屋企嘅經濟能力，所以一定不會係大多數啦。
至於如果家長真係好意於中文，選擇讀國際學校時真係要三思，家長喺學校以外，家庭生活上都要落啲心機。正如LS學英文，一般家長唔會全靠學校。但係我反而好欣賞國際學校如果有着重中文課程，都會好着力小朋友在中文課堂上（普通話）靈活既presentation，呢啲反而係本地學校未必成日可以做得到，而呢啲反而係我哋畢業後或工作上所需要嘅能力。
作者: poonseelai 時間: 21-10-17 12:46
kinder.bb 發表於 21-10-17 11:52
其實本身樓主想問，係讀國際學校是否一定要出國，而佢嘅重點並不是在於中文上。
而我相信國際學校畢業嘅學 ...
如果講用中文，又不衹係講，睇文件，寫email等都需要。
作者: Shellyxlk 時間: 21-10-17 12:55
poonseelai 發表於 21-10-17 11:39
係 EK 你會見到有家長要求孩子 speak like a native (英美), 有口音 (香港或其他地方)已經好似係死罪
...
唔好講口音，間IS 唔夠Caucasus樣金色頭髮嘅學生，多黑色頭髮不論嗰個小朋友係來自日本韓國定係其他國家都已經係死罪，但係好明顯佢個細路係佢厭惡嘅黑色頭髮華語background
作者: annie40 時間: 21-10-17 14:41
本帖最後由 annie40 於 21-10-18 10:46 編輯
Dftakwai 發表於 21-10-17 10:57
點解咁做既家長唔多？
我自己看到，聽到，和感受到是：，
1）IS香港家長偏執地認為自己的IS孩子不喜歡群番本地孩子玩，因而避免參加普羅大眾的興趣活動。
2）覺得本地學校孩子低人一等，唔多想交往。家住條件一般的，識少個無所謂。
3）覺得自己孩子廣東話麻麻地，好難參與。
4）以說流利英語為榮，以講唔正廣東話為榮。
而實情是會經常讓孩子參加課外活動的本地學校家庭是很值得深交的朋友。特征是
1）家教非常好
2）孩子聰明得很，隨便讀就已是年級二十名之內，做完功課溫完書，就參加各類型體藝活動打發時間。
3）家長非常重視孩子德智體群美發展。大家容易有共同語
作者: PSKLAI 時間: 21-10-17 16:27
本帖最後由 PSKLAI 於 21-10-17 16:28 編輯
家長們面對同一樣情況真係可以有好唔嘅取態。
如果plan小朋友留學或甚至成家移民，
有人會要小朋友入LS打好中文底,，怕小朋友好快忘記中文。
但有人反而認為小朋友讀IS好西化，留港多數好唔適應，最好離開啦。
求其搵下資料，希望有心人更正
好多外國人既ESF IB畢業生有2成人留港讀大學
正宗本地既DBS嘅IB生有6成人留港升學
作者: 964000 時間: 21-10-17 20:22
Suki2015 發表於 21-10-15 12:03
本帖最後由 Suki2015 於 21-10-15 12:12 編輯
一直15.16比唔比兩個女讀國際學校，想佢哋有開心童年，唔係 ...
冇抵觸呀，讀IS反而更加不用趕住咁細出國，讀到高中畢業再決定邊度大學也可以，有些IS有一半人會留港入U, ESF都有22%（主要三大），有IS只會讀醫才留港（遲啲應該不用），各適其適，好versatile。
反而LS好多驚英文不夠，或怕不適應外國教法，中學便要早早出國。
作者: yianleen 時間: 21-10-18 09:41
本帖最後由 yianleen 於 21-10-18 09:43 編輯
我地幼稚園讀國際學校, 讀讀下覺得唔對路。小朋友到6歲為止都唔肯講中文, 中文字只識得睇公園快樂玩耍, 結果小學俾佢去讀本地英文小學。
讀到宜家四年班, 我小朋友英文講得流利, 當然唔及native speaker fluent, 但都表達到自己意思。英文書睇得明晒Harry Potter, Roald Dahl, Jacqueline Wilson啲書, 每星期睇兩三本。 因為從小就講開英文, 所以英文思維、語感比較好。
廣東話流利, 中文書識睇少年衛斯理、童話夢工場、林良爺爺系列啲書, 雖然睇得比英文慢, 要兩個星期先睇完一本, 但都算睇得明晒。
學校要求中英文作文各200字左右, 都應付到, 英文寫得好過中文。
唯獨是普通話底子差少少, 每星期學校兩堂加外補一堂, 唔會講得好好, 所以比較頭痛。
我覺得no school is perfect, 要齊晒中英普強都無可能, 就算讀深灣、數碼港果啲PIS, 你本身唔係狂補習, 或者大陸家長果啲, 小朋友都係揀講英文。 要佢地睇中文書、寫中文好難。
作者: yianleen 時間: 21-10-18 09:49
回覆 ckmammy 的帖子
起碼IB Chinese A先夠用, Chinese B其實係俾鬼佬學中文
作者: poonseelai 時間: 21-10-18 09:57
yianleen 發表於 21-10-18 09:41
我地幼稚園讀國際學校, 讀讀下覺得唔對路。小朋友到6歲為止都唔肯講中文, 中文字只識得睇公園快樂玩耍, 結 ...
恭喜你送了一個好好嘅禮物比孩子: 閱讀習慣。我孩子就係深灣PIS, 普遍孩子都喜愛英文，PIS 中文程度相比IS 高，IS 英文衹是一個subject, 我孩子學校小學中英並用，接觸和運用中文時間較多，去到中學除了中文科都要英文，所以小學係接觸中文最佳時機。我孩子高小初中時，會睇台劇，綜藝節目，聽台灣流行曲。補唔補習睇每個家庭選擇，我孩子無補呀， IB 考中文A standard level, 成績都ok
作者: poonseelai 時間: 21-10-18 09:59
yianleen 發表於 21-10-18 09:49
回覆 ckmammy 的帖子
起碼IB Chinese A先夠用, Chinese B其實係俾鬼佬學中文
睇 EK 家長意見，中文 B SL 都 OK, 我都想知是否 ok
作者: yianleen 時間: 21-10-18 10:09
本帖最後由 yianleen 於 21-10-18 10:09 編輯
回覆 poonseelai 的帖子
Syl B即係當second language, 你學法文、德文, language B就算好。
但你係華人, 父母都係香港/ 大陸人, 讀language B等於本地小學程度, 你話夠唔夠用呢?
不如話俾人聽你唔識中文算啦。
作者: Star.Star 時間: 21-10-18 12:58
yianleen 發表於 21-10-18 10:09
回覆 poonseelai 的帖子
Syl B即係當second language, 你學法文、德文, language B就算好。
中文？用來響十幾年後既香港返工？自己諗。
作者: Radiomama 時間: 21-10-18 13:21
poonseelai 發表於 21-10-18 09:59
睇 EK 家長意見，中文 B SL 都 OK, 我都想知是否 ok
中文B SL 我諗用嚟維持在香港生活、讀大學、工作都係OK嘅，至少我身邊的年輕人都馬馬虎虎過到関。
不過他們一直又不會好融入廣東話社群，在香港讀醫科的幾年都沒有住hall, 談得上是好朋友的都講英語。
但工作上無需要寫中文，所以能「講」已解決大部份情況。
至於日後，我擔心的不是語言能力的問題，而是context的差異。我仔讀Chi A SL, 最近一份中文功課是分析微博及微訊在傳播力上的差別；我們發現，在分析之先，要先理解微博和微訊的操作，但可惜嘅係，我們不懂。
因此，十年後要繼續留喺香港發展的話，我哋唔止在語言上要學好中文，更要理解中国社會和生活，基本的国情是不可能不知，大灣区是不可不上。香港人應做好心理準備，第一份工作應放眼国家。
作者: miffy_peach 時間: 21-10-18 13:26
我有兩位年輕同事，一個讀完ESF 去加拿大讀大學，另一個本地學校畢業之後香港讀大學，當然本地那位的中文的確比較好，但ESF 個位絕非文盲，一般工作文件其實完全無問題，並非我之前想像咁差。咁當然人人唔同啦。
佢都話當年父母其實有迫佢睇書睇報紙，所以我諗父母有幾著緊真係好有影響。
作者: Star.Star 時間: 21-10-18 14:20
Radiomama 發表於 21-10-18 13:21
中文B SL 我諗用嚟維持在香港生活、讀大學、工作都係OK嘅，至少我身邊的年輕人都馬馬虎虎過到関。
不過他 ...
所以我一開始話讀啲簡體字國際（特別係多啲外國人同學），
又唔移民，又唔去外國升學，朋輩同生活文化完全唔本土，甚至個個未畢業就移左民/返自己國家，
等於玩自己個細路
作者: Radiomama 時間: 21-10-18 14:46
Star.Star 發表於 21-10-18 14:20
非常同意。
所以我一開始話讀啲簡體字國際（特別係多啲外國人同學），
又唔移民，又唔去外國升學，朋輩同生 ...
咁話又得説回來，有能力的家庭，如果可以讓孩子快樂地在香港讀書成長，又有咩唔好呢？
另外，橫掂日後都係放眼中国的話，local sch 唔見得俾Int’l sch贏好多，一樣都不懂国情，但至少如ESF 的學生會一點簡體字、也會用普通話，當然流利英語更是在本土之上。結合來看，不是有賺嗎？！
作者: Star.Star 時間: 21-10-18 14:55
Radiomama 發表於 21-10-18 14:46
咁話又得説回來，有能力的家庭，如果可以讓孩子快樂地在香港讀書成長，又有咩唔好呢？
另外，橫掂日後都 ...
作者: ckmammy 時間: 21-10-18 16:36
Radiomama 發表於 21-10-18 13:21
中文B SL 我諗用嚟維持在香港生活、讀大學、工作都係OK嘅，至少我身邊的年輕人都馬馬虎虎過到関。
不過他 ...
作者: hello_go 時間: 21-10-18 16:56
只要有足夠經濟能力，讀IS絶對無問題。讀完中學，到時想去外國或留港讀大學就由佢決定架啦
到時唔洗家人陪架啦, 就算香港讀大學都住HALL啦, 到時去外國都不用擔心
作者: kinder.bb 時間: 21-10-18 17:20
ckmammy 發表於 21-10-18 16:36
咁你個仔讀 CHI A SL, 即係佢英文讀 ENG B? 可唔可以中文同英文都選A?
如果2 Lang A, 畢業可有Bilingual Diploma
作者: ckmammy 時間: 21-10-18 17:30
kinder.bb 發表於 21-10-18 17:20
可以咖
如果2 Lang A, 畢業可有Bilingual Diploma
作者: Radiomama 時間: 21-10-18 17:50
ckmammy 發表於 21-10-18 17:30
原來 Bilingual diploma 就係咁解, 不過唔知讀到咩程度先可以 讀到 Chinese A SL。 一直都聽到話 Chinese A ...
小兒學校只有ENG A, 至於Chi 也不是學生「覺得」難，就可以揀去讀Chi B; 其實都是要看老師決定。如我的孩子，從Y1開始中文成績都不差，到Y7之後又一直在stream A, 所以老早有心理準備要継續讀Chi A; 有些中文程度更好的同學，為了在IB公開試上考取頂級的成績，因而改修Spanish ab initio。
作者: ckmammy 時間: 21-10-18 17:59
本帖最後由 ckmammy 於 21-10-18 18:12 編輯
Radiomama 發表於 21-10-18 17:50
小兒學校只有ENG A, 至於Chi 也不是學生「覺得」難，就可以揀去讀Chi B; 其實都是要看老師決定。如我的孩 ...
呢個都係一個值得考慮嘅問題。 會唔會為咗攞高啲分，就算讀到chinese A SL 都特登降一級讀 chinese B HL。 唔知大學 prefer bilingual diploma 多啲定分數多啲。
作者: poonseelai 時間: 21-10-18 18:01
ckmammy 發表於 21-10-18 17:30
原來 Bilingual diploma 就係咁解, 不過唔知讀到咩程度先可以 讀到 Chinese A SL。 一直都聽到話 Chinese A ...
考中文 A high level，對手係國內生，standard level 會係香港和東南亞學生，除非大學選修中文相關學科，否則唔會考慮High level, standard level 已經好有挑戰性
作者: Radiomama 時間: 21-10-18 18:13
ckmammy 發表於 21-10-18 17:59
呢個都係一個值得考慮嘅問題。 會唔會為咗攞高啲分，就算讀到chinese A SL 都特登降一級讀 chinese B HL。 ...
我哋學校唔會俾學生「特登降一級讀chinese B」。
呢個係學校老師的専業判斷。
作者: Radiomama 時間: 21-10-18 18:32
對不起樓主，我們拉扯談遠了，交番個埸俾你。
有興趣談IB language情況的朋友，我們另開一題吧。
作者: barque 時間: 21-10-18 19:53 標題: 回覆樓主：
本帖最後由 barque 於 21-10-18 19:59 編輯
我認識不少從小讀國際學校大的學生。按我觀察所見，那些本身家中英文是母語的學生，雖然本身是華人，但是中文真的可以好差。其他不少讀Chinese b的同學又未至於好差。好多都能說流利的廣東話和普通話都不差。閲讀中文報紙絕對冇問題。唯一的是寫作較弱。
當中不少人Chinese B HL都能夠拿到7。
想知多些的，可以自己下載Chinese B HL的考試卷看看去了解當中的程度。據我所知香港有些名校都好多人讀English B HL.
作者: mindfulmom 時間: 21-10-18 21:40 標題: 回覆樓主:
同意大家所講，父母對仔女要求好影響小朋友的中文程度。我個女讀那些簡體字教中文又比較多外國人的IS，雖然喺native班，但作為港人家長，真心覺得太淺，所以對中文有要求的家長都會外補。我自己就只係要求小朋友每日都要做一頁中文練習，平時閱讀會睇中文書，在家講廣東話，so far我覺得要keep到中文程度唔算太難。
同意樓上提到，如果要留港生活，識中文係需要的。但個人認為呢個需要同入讀IS唔一定有抵觸，視乎你同仔女肯唔肯花咁既心機
作者: 964000 時間: 21-10-19 07:39
mindfulmom 發表於 21-10-18 21:40
同意大家所講，父母對仔女要求好影響小朋友的中文程度。我個女讀那些簡體字教中文又比較多外國人的IS，雖然 ...
同意，第一步一定要在家說中文，製造語境，説中文時不要故意把深字弄淺或轉英文，要照講成語諺語和俚語，其實學好口語巳可一般融入80%。
正如讀local school其實好多咪又屋企夾硬說英文，又請NET補習（佢地話增潤），又睇英文台，自己看英文課外書，甚至早啲出國順便學英文，大家都知道只靠學校的英文課程不夠。
又以local中中學習英語為例（因為和IS學中文比較），大家都是考那個second language 的英語課程，都有不同的效果，一樣有好多人英文差到不得了，亦有人學得不錯，視乎興趣和你願意花多少努力，咁我寧願在IS可以自己選擇學多少中文，好過在LS一味谷D文言文又冇興趣又考試靠佢定生死。其實在IS的中文係淺，我女都要測驗默書寫下短文，又不至於咁差，樓上話是否接受到小朋友中文只有local小學程度，咁好多local讀完小學便出國咪又接受到個中文程度。
而且上到IS中學如果入native steam 的中文一點都不淺，功課又多，local生都不輕鬆，老實講我地冇打算入，不過萬一老師派到都會讀但就不會考ChiA，但我知有local 生轉來IS都仲要避中文故意唔take中文，咁我小朋友奇就奇在咁渣都仲喜歡學中文喎。
最後，其實學中文最需做的一樣野，就是閱讀，如果小朋友自己不讀，大人就盡量伴讀，才能有語感去學習。
作者: Star.Star 時間: 21-10-19 07:46
但係講左咁多，
我觀察身邊唔同既國際學校既香港細路，
都係唔多講中文，讀同寫更加唔洗講，讀兒童簡單文章都唔掂。
想得這麼理想⋯
作者: 964000 時間: 21-10-19 09:51
Star.Star 發表於 21-10-19 07:46
但係講左咁多，
我觀察身邊唔同既國際學校既香港細路，
都係唔多講中文，讀同寫更加唔洗講，讀兒童簡單文章 ...
本帖最後由 964000 於 21-10-19 09:58 編輯
佢地互相係唔會講中文，始終first language 講慣英文，但如果同番講中文的人係會講中文，你小朋友唔講中文了？其實如果IS小朋友在講中文，你跟本唔會知佢在IS讀緊，我小朋友唔講D人都以為佢是local school，不過佢好多local 同學的確少講中文，反而大陸家庭，日本家庭都會和父母說PTH/日語，呢啲真係屋企做成的。
其實好介意中文真係讀番local school好啲，起碼first language定左係中文先，父母定好多。正如好介意英文就讀IS，因為local 的英文課程係比較淺，佢哋一樣好多外補。
作者: Star.Star 時間: 21-10-19 10:11
964000 發表於 21-10-19 09:51
本帖最後由 964000 於 21-10-19 09:58 編輯
佢地互相係唔會講中文，始終first language 講慣英文，但如 ...
我識好多同校、不同校既直情唔願講中文。
佢地家庭唔講中文嗎？唔係的，至少父或母一方係全中，又送去外補，
但小朋友就係完全無視中文。
所以我認為未讀既家長唔好一心諗住自己講中文、或者送出外補，小朋友長大中文就至少達到小學生水平。
作者: 964000 時間: 21-10-19 10:19
Star.Star 發表於 21-10-19 10:11
我屋企全部人講中文，我小朋友識講，但甩甩cut cut，聽得出啲文法同字眼係英文轉過來。
我識好多同校、不同 ...
本帖最後由 964000 於 21-10-19 13:37 編輯
要4歲前轉到中文台，即係父母和小朋友互相講中文，我當年都落了些功夫，例如當時專join d唔識英文只說中文的興趣班，不過我都明白唔係人人做到，或太遲做。
我最近挑戰難度， term break join了一個要識看中文才玩到的活動，平時IS父母會避開，我就係要佢知道要應用下中文
作者: ckmammy 時間: 21-10-19 10:56
Star.Star 發表於 21-10-19 10:11
我屋企全部人講中文，我小朋友識講，但甩甩cut cut，聽得出啲文法同字眼係英文轉過來。
我識好多同校、不同 ...
佢完全唔識/唔會睇中文書。直至 G4 回流返香港讀國際學校，我比佢私補中文， 一星期補三堂。到 G6 又識咗幾個香港朋友打機， 逼住講廣東話。而家 Gr 8 已經轉咗channel全部用廣東話，亦會自己睇中文書。 我仲講笑反問返佢仲記唔記得點講英文㗎， 因為太耐冇聽佢講英文了。而家中文程度已經追到 LS 六年级。
我想講嘅係就算喺美國大，或者讀國際學校一樣可以學到中文。
作者: Star.Star 時間: 21-10-19 11:24
ckmammy 發表於 21-10-19 10:56
我個仔喺美國出世長大，屋企我地同佢講中文。學校無中文堂， 只係一星期喺唐人街上一次中文班。讀完三年級 ...
冇環境轉變所帶來既衝擊，情況已經唔同。
作者: ckmammy 時間: 21-10-19 11:55
Star.Star 發表於 21-10-19 11:24
你小朋友係由一個完全唔需要中文既環境，去到一個佢覺得好多中文既環境，而大部份國際學校既小朋友係一直處 ...
作者: Star.Star 時間: 21-10-19 12:05
ckmammy 發表於 21-10-19 11:55
喺香港接觸中文真係好容易， 亦有大把途徑去學。一打開電視又係中文。喺學校只係每日七個鐘頭講英文，其餘 ...
作者: ckmammy 時間: 21-10-19 12:25
Star.Star 發表於 21-10-19 12:05
你咁講又唔啱。我識好多家庭係已經講中文又有外補，家長都響屋企幫手溫習。家長責任所以學唔好？咁聽話一定 ...
作者: Star.Star 時間: 21-10-19 12:52
ckmammy 發表於 21-10-19 12:25
學識同考試攞滿分係兩回事。 你認識嗰班家長喺屋企有講中文，亦都有外補，但係補幾多，喺邊度補都有分別。 ...
或者你小朋友係天才啦
人地家長就唔夠努力，方法又錯，小朋友資質又唔夠好啦
唔洗咁大口氣既，謙虛有禮比中文學得好更重要
作者: melobi12 時間: 21-10-19 13:42
回覆 ckmammy 的帖子
我覺得你講得好好
雖然我唔識好多讀IS o既小朋友，但我認識好多外國長大o既人，其實要做到聽講流利似乎好多人都做得到 (除非只係我識親啲人都係資質特別好)。寫方面就好睇個人修為了，雖然好多未必寫得出啲字 (講真現代人打字之後好多時都執筆忘字)、打唔到倉頡，但佢地會用拼音打字 ga。中文好唔好，前提係有冇機會接觸同用中文...
o係外國尚且可以做到咁，o係香港一街都係中文，其實只要小朋友唔係抗拒中文，我都唔明點解會話「大部份國際學校學生中文都好差」。搞到我都好驚我教我女中文呢條路好難行，因為我女就係o係o個啲唔教中文、好多外國學生o既學校。
不過我女仲細，我都係試驗階段，到底屋企自細同佢用廣東話對答 (雙向，然後學另一位家長咁講，我會正常講嘢，仲會用俚語成語) + 廣東話朋友play date + 廣東話興趣班 + 中文書伴讀，加上一街都係中文，見到咩字都講下、寫下，最終會學到幾多中文呢?
又既然到5歲都仲肯用中文(聽講讀寫)，咁佢去到咩年紀會突然變成抗拒中文、唔肯再上一直上開o既興趣班、唔肯同玩開o既朋友玩? 呢樣我真係想請教輩俾啲心理準備我。
作者: Radiomama 時間: 21-10-19 14:11
Star.Star 發表於 21-10-19 10:11
我屋企全部人講中文，我小朋友識講，但甩甩cut cut，聽得出啲文法同字眼係英文轉過來。
我識好多同校、不同 ...
你的小朋友讀幾年班？獨生子女還是有多過一個呢？
我的觀察是，如果家中多於一個孩子，而他們又全部在國際學校讀書的話，他們都只願意用英語溝通。
但若是獨生子女，只要父母日常多點用廣東話溝通，情況較易轉變；孩子雙語發展會較佳。
我兒子也是在小學前集中用英語，但之後慢慢調教番啲中文。有志者事竟成，不用太早下判斷。
作者: Radiomama 時間: 21-10-19 14:16
melobi12 發表於 21-10-19 13:42
回覆 ckmammy 的帖子
我覺得你講得好好
如果我話keep住在家因材施教、不強迫、不補習，睇吓中文卡通節目，講吓中文故事書、順其自然，做得到嗎？
上述方法可以讓孩子在聽講讀方面有禆益，至於寫，則仍是弱項。不過我已經收貨。
作者: annie40 時間: 21-10-19 14:56
ckmammy 發表於 21-10-19 11:55
喺香港接觸中文真係好容易， 亦有大把途徑去學。一打開電視又係中文。喺學校只係每日七個鐘頭講英文，其餘 ...
錯過，往往不是緣份未到，而是緣份到了，卻又輕易放手，沒有堅係下去。書到用來方恨少，有日孩子必然會感謝媽媽曾經的堅持。
作者: ckmammy 時間: 21-10-19 15:19
melobi12 發表於 21-10-19 13:42
回覆 ckmammy 的帖子
我覺得你講得好好
每個家庭對小朋友學中文要求都唔同。或者我要求比較高， 唔單止要識聽識講， 我都要求我小朋友將來至少睇得明金庸小說， 基本知乎者也嘅文言文都要識。
作者: fijimum 時間: 21-10-19 15:33
ckmammy 發表於 21-10-19 11:55
喺香港接觸中文真係好容易， 亦有大把途徑去學。一打開電視又係中文。喺學校只係每日七個鐘頭講英文，其餘 ...
我好認同你嘅講法，學習語文並非從單一渠道學校得來的，家長的協助（正確方法）和其他外在環境嘅幫助都對小朋友嘅學習有好正面既影響。
呢個post開始有啲離題，某些人轉移左視線不停貶低國際學校嘅學生中文好差，如果覺得自己子女中文差，應該積極諗辦法改善，並非一概定論其他國際學生中文都係差去令自己感覺舒服啲⋯⋯
作者: melobi12 時間: 21-10-19 15:38
Radiomama 發表於 21-10-19 14:16
如果我話keep住在家因材施教、不強迫、不補習，睇吓中文卡通節目，講吓中文故事書、順其自然，做得到嗎？
...
做得到的，暫時都有做緊。
只係最近成日都會諗，係咪時候報外面嘅中文班？
之前試過喺屋企教中文，個女對讀寫興趣不大，但近來試吓轉用有人話較悶嘅基礎漢字500，佢反而好似幾有興趣，晚晚瞓覺前追住睇，有一日仲自發拎左啲部首字咭出嚟用手指寫。
咁細個，唔知我應該繼續自己教，定出外上堂好，始終我唔係咁專業…
作者: Star.Star 時間: 21-10-19 15:49
fijimum 發表於 21-10-19 15:33
我好認同你嘅講法，學習語文並非從單一渠道學校得來的，家長的協助（正確方法）和其他外在環境嘅幫助都對 ...
而且我地將會移民，中文聽同講接近流利、讀寫識好簡單都冇問題。
所以冇讀國際學校又唔移民唔去外國升學又中文唔好既壓力。
但如果咁打算既家長就要三思。當初冇計劃移民的我，唔會咁行呢條路。
作者: melobi12 時間: 21-10-19 16:06
ckmammy 發表於 21-10-19 15:19
你小朋友咁細而又喺香港生活學中文唔難。只要 keep 住屋企全廣東話對話，睇電視要睇中文台。盡量同佢睇中文 ...
好慚愧我自己都冇點睇金庸小說，揭開過但冇興趣… 文言文更加怕，如果我女超越到我我都會好開心
我要求低啲，我細妹只有香港初小中文程度（當年初小應該冇而家啲初小咁高程度），到外國後只有一星期一堂中文班，但佢鍾意睇書，所以佢喺中學時都睇晒我媽屋企成個書架嘅亦舒小說，我諗起碼有200本，我覺得咁都幾好㗎喇。
不過諗返起，培養閱讀興趣真係好重要，興幸我媽咪都幾多藏書，我地細個冇嘢做都會隨手喺書架揾本書出嚟讀下，讀下讀下有時會發掘到鍾意嘅書。
當年我睇第一本Harry Potter係我媽睇緊嘅中文譯本第二集。有一日我好悶，隨手攞起櫈上面嘅Harry potter睇，一睇不得了，停唔到係咁睇，睇完走返轉頭睇家中已有嘅第一集中文版，之後第三集先開始買英文版睇。
真心要以身作則閱讀，唔好淨係要求小朋友睇先得。
作者: mandy_ng207 時間: 21-10-19 16:25
964000 發表於 21-10-19 09:51
本帖最後由 964000 於 21-10-19 09:58 編輯
佢地互相係唔會講中文，始終first language 講慣英文，但如 ...
佢哋真係會認對象轉台嘅，我仔而家參加會所興趣班，成班男仔只講中文，佢一句英文都唔會講，雖然佢啲中文都係半桶水，有時會鬧出笑話，但係冇人知道佢係讀國際學校嘅
自從參加多咗用廣東話嘅興趣班，識咗講中文嘅朋友之後，我仔嘅廣東話會話突飛猛進，冇咗嗰種「西人味」。
佢而家初小，不過我諗如果高小先參加呢啲班，就難啲轉台啦
| 歡迎光臨 教育王國 (/) |
Powered by Discuz! X1.5 |