教育王國

標題: 想請問St Cat 用家評價 [打印本頁]

作者: Coollaalaa 時間: 21-10-6 21:57 標題: 想請問St Cat 用家評價

St Cat好似個個都想入，但其實學校透明度唔高，想了解下用家覺得老師有冇愛心？夠唔夠外藉老師？ N班收300幾人咁多，對小朋友關顧會唔會唔夠？課室夠大嗎？K1-3大概幾人一班？K2 得下午班選擇既話，作息時間會點調節呢？感謝各用家分享回覆，謝謝

作者: happymeme 時間: 21-10-6 22:10

有offer先諗啦！$40蚊報名費，收咗你先算啦。你的問題，例如大小，多少….請問你想用邊間比較先？

作者: Coollaalaa 時間: 21-10-6 22:15

happymeme 發表於 21-10-6 22:10
有offer先諗啦！$40蚊報名費，收咗你先算啦。你的問題，例如大小，多少….請問你想用邊間比較先？
...

我都明收左先再諗都唔遲既，就算諗左都未必收，不過我真係純粹好奇心想了解，最近都參加左好多其他學校open day,本來諗住如果有得面試，就可以入去校舍感受一下，不過而家係拍片，所以去都冇得去，只是心急想了解下～

作者: ms.melon 時間: 21-10-7 09:42

我小朋友而家係ST CAT 讀K1 , 岩岩返左一個月, 我小朋友係返學返得好開心, 日日返黎同我講佢好鍾意佢D 班主任

另外, 作為家長的我都好開心, 因為ST CAT 絕對係HAPPY SCHOOL, 暫時一星期得一份功課 (畫線條) , 唔駛整燈籠, 所以每日我小朋友放左學就可以咩都唔駛理

我同我朋友(都係ST CAT 家長) 覺得ST CAT 真係語景好好, 我小朋友未返學前係完全唔講中文, 而家返左學之後會識講中文句子, 同埋變得好多野講, 我朋友小朋友就變左好肯講英文

ST CAT K1 一班有30人, 課室係細, 一班有3個老師, 2個中文+ 1個NET

我小朋友而家緊講PM, 其實時間更加好用, 返左一星期學已經可以戒埋晏覺, 我地班好多小朋友K1 已經唔駛訓晏覺架喇, 所以都無野需要ADJUST

作者: happymeme 時間: 21-10-7 22:51

ms.melon 發表於 21-10-7 09:42
我小朋友而家係ST CAT 讀K1 , 岩岩返左一個月, 我小朋友係返學返得好開心, 日日返黎同我講佢好鍾意佢D 班主 ...

唔係喎，我哋都係SC K1，放學好充實喎，英文要跟學校set 好的plan溫習，phonic 又開始要玩學校的flashcard,每星期兩份功課，下星期加到四份，仲有閱讀計劃，要親子閱讀有份小小報告咭要做。每日有情緒管理小天使要同佢傾吓心事，了解關心佢情緒，品格德育發展。普通話又要同佢讀下，我哋平時完全冇同佢講普通話，但發現佢原來識聽識講好多基本的。

老實講之前話SC好Hea,其實如果家長跟足，好多嘢要做。課程比我想象豐富有效，女女短短一個月，學咗好多嘢。Sc 係happy school又真係，因為佢好鐘意返學，好鐘意老師。

很好的一間學校。

作者: ms.melon 時間: 21-10-8 10:14

本帖最後由 ms.melon 於 21-10-8 10:16 編輯

happymeme 發表於 21-10-7 22:51
唔係喎，我哋都係SC K1，放學好充實喎，英文要跟學校set 好的plan溫習，phonic 又開始要玩學校的flashcard ...

英文FLASHCARD D 字我小朋友未開學已經識哂, 而且我小朋友first language 就係英文, 所以我完全唔駛教佢英文 (連佢英文老師都知佢識哂d 字), 中文字我老公係9月份用左一個月已經教識哂佢, PHONICS 我小朋友2 歲幾就已經學, 所以我咪可以勁HEA

咁讀書半個月先得一本, 5 分鐘都搞掂.同埋, 我小朋友每一日都讀至少5-8本書, 所以比起ST CAT 俾我地D TASK, 真係已經叫非常輕鬆

作者: happymeme 時間: 21-10-8 11:08

ms.melon 發表於 21-10-8 10:14
英文FLASHCARD D 字我小朋友未開學已經識哂, 而且我小朋友first language 就係英文, 所以我完全唔駛教佢英 ...

兩歲學哂phonic,好勁喎

作者: ms.melon 時間: 21-10-8 12:02

happymeme 發表於 21-10-8 11:08
兩歲學哂phonic,好勁喎

當然唔係學哂, 係兩歲幾開始學

作者: kidscostume 時間: 21-10-8 13:53

我都係K1 ，由於都係返左陣，又係一望呢堆字卡都識哂，所以唔係好確定到個教學掂唔掂，要再感覺下

班房係細，玩具都係好傳統（我覺得悶但可能傳統玩具先刺激到佢地學到野？）
因都係大班教學，我覺得關顧係一般，亦要通過一班一個的家長group 負責人先聯絡到班主任，你要好放得開手俾佢地教

作者: Chankai 時間: 21-10-8 20:17

講下其他方面，覺得學校對於規矩都比想像中嚴格好多，呢樣對於我係意外驚喜，唔知其他家長是否有相同感覺

作者: farn0801 時間: 21-10-9 01:18

Chankai 發表於 21-10-8 20:17
講下其他方面，覺得學校對於規矩都比想像中嚴格好多，呢樣對於我係意外驚喜，唔知其他家長是否有相同感覺
...

呢個認同，我小朋友PN時返學主要係玩，無覺得佢學咗啲咩規矩，但K1喺SC返咗一個月好似個人大個咗好多，有規有矩。佢10月細B，K1開學未戒片，但老師協助下順利兩個星期戒了。佢班主任係有愛心亦對學生好上心，每日放學都會同家長講幾句小朋友返學情況，不時會打電話比我溝通（一個月大概接了3-4個電話）。

學習方面：覺得暫時算淺，功課唔多，但聽講K1 happy 但K2開始會谷，有待證實。

語言方面：佢不嬲都會喺屋企講英文，英文亦唔錯，所以英文暫時未知有冇分別。但係普通話就好大分別，佢英普班，開學前唔係咁講普通話，開咗學一個月而家成日喺屋企講，亦開始流利。

作者: babyjjj 時間: 21-10-10 22:34

老師係有愛心嘅，例如係我仔岩岩開學未習慣唔肯做某啲嘢，老師都會不停鼓勵佢，佢而家已經做得好好了。另外啲老師又會好記得小朋友名，我講緊係門口冇教佢嘅老師，副校長都記得佢名，我覺得會親切好多。

佢哋都好重規矩會要求小朋自己完成某啲嘢，岩岩開學功課唔多，畫下線，油下顏色，會派圖書叫家長陪睇，我覺得都係好快完成嘅。

至於課外活動暫時有science workshop係星期六去上不過optional 的。開學初期會打黎講下情況，之後就主要接放學老師會講幾句！

我小朋友會偷偷講幾句英文，我知佢學到嘢，番學都開心。

我哋小班房2x 個人一班，課室唔算大，但有時分班上堂。

我小朋友本身已沒有午睡習慣，只需調整下入睡時間，應該都可以，但就要調動下平時課外活動時間，到時再算。

作者: Coollaalaa 時間: 21-10-10 22:38

謝謝咁多位用家意見及回覆，原來咁出名真係有佢原因(emoji)最緊要老師有愛心，take care 到咁多位小朋友～希望黎梗有機會成為一分子，哈哈～

作者: keechoi 時間: 21-10-13 03:02

我仔剛上小一，因為疫情，成個K2都無左，但有片同Zoom,考小一都唔錯，入左直資一條龍小學，仔其他同學好多都入直私學校，都考得好好，仔個班差唔多7-8成都有真私offer，其它都叩門入唔錯學校，反而無人抽獎。

作者: happymeme 時間: 21-10-13 14:40

keechoi 發表於 21-10-13 03:02
我仔剛上小一，因為疫情，成個K2都無左，但有片同Zoom,考小一都唔錯，入左直資一條龍小學，仔其他同學好多 ...

好多人講今年SC升小好好
你仔仔有冇外補？

作者: healthno1 時間: 21-10-14 07:44

happymeme 發表於 21-10-13 14:40
好多人講今年SC升小好好
你仔仔有冇外補？

今年升小好好？有公佈？

作者: staedtler22 時間: 21-10-15 10:10

本帖最後由 staedtler22 於 21-10-15 10:10 編輯

普通話其實很重要, 看見近期一個POST - "SFA結果" 中提到一個家長說 "考得咁深…我預左普通話我仔聽吾明", 所以是其中一個考慮因素

作者: babyjjj 時間: 21-10-15 15:48

staedtler22 發表於 21-10-15 10:10
普通話其實很重要, 看見近期一個POST - "SFA結果" 中提到一個家長說 "考得咁深…我預左普通話我仔聽吾明", ...

即係想學好啲普通話？
你有另外學嘢同補習吧？
我仲想試下大抽獎!

作者: staedtler22 時間: 21-10-15 16:12

本帖最後由 staedtler22 於 21-10-15 16:51 編輯

回覆 babyjjj 的帖子

我大仔K3, 有學Fencing, Cambridge Starter (但老師話重未考得), 近期小學多reject, 所以幫細仔睇緊有咩幼稚園好, 來年K1. 所以重點想發展言語.

作者: keechoi 時間: 21-10-18 01:11

happymeme 發表於 21-10-13 14:40
好多人講今年SC升小好好
你仔仔有冇外補？

有學phonics,其實試過外補，但可能疫情關系，發覺最後，自己教最實際，因為只有自己跟到進度，外補一星期—堂？其實不如每天15-30min自己教，其實進度會快好多。

作者: keechoi 時間: 21-10-18 01:14

staedtler22 發表於 21-10-15 10:10
普通話其實很重要, 看見近期一個POST - "SFA結果" 中提到一個家長說 "考得咁深…我預左普通話我仔聽吾明", ...

我都有SFA offer，雖然最後無take，發覺只有好少小學睇普通話，SFA offer，我仔普通話系0

歡迎光臨教育王國 (/)