教育王國
標題: 大學五件事,你做過嗎? [打印本頁]
作者: 焯媽媽 時間: 21-10-6 13:13 標題: 大學五件事,你做過嗎?
本帖最後由 焯媽媽 於 21-11-14 16:35 編輯
「 爆過4、上過莊、住過hall、part-time就係人都要返㗎啦,除咗拍拖之外,傳說中嘅「大學五件事」佢都已經做過哂。 」
https://zh-hk.wantedly.com/journals/410
作者: gracelam 時間: 21-10-6 14:06
焯媽媽 發表於 21-10-6 13:13 
因為上網找仔仔Interm的事情,無意間找到這遍大學五件事:
「 爆過4、上過莊、住過hall、part-time就係人 ...
阿女(中六)早幾日同我講話大學想去exchange, 問我支唔支持佢?
其實佢讀咩去邊度讀仲未諗定 

作者: Charlotte_mom 時間: 21-10-6 14:34
本帖最後由 Charlotte_mom 於 25-6-9 21:23 編輯
Delete
作者: 焯媽媽 時間: 21-10-6 14:36
本帖最後由 焯媽媽 於 21-11-14 16:36 編輯
gracelam 發表於 21-10-6 14:06 
阿女(中六)早幾日同我講話大學想去exchange, 問我支唔支持佢?
其實佢讀咩去邊度讀仲未諗定
作者: 王家爸爸 時間: 21-10-7 17:46
焯媽媽 發表於 21-10-6 13:13 
因為上網找仔仔Interm的事情,無意間找到這遍大學五件事:
「 爆過4、上過莊、住過hall、part-time就係人 ...
「上莊」呢家野,唔係中三~中五做既咩?!
我見我小朋友中學時搞學會仲認真過讀書。
作者: 王家爸爸 時間: 21-10-7 17:47
gracelam 發表於 21-10-6 14:06 
阿女(中六)早幾日同我講話大學想去exchange, 問我支唔支持佢?
其實佢讀咩去邊度讀仲未諗定
我覺得exchange最值得支持。
作者: 焯媽媽 時間: 21-10-7 19:13
本帖最後由 焯媽媽 於 21-10-9 17:47 編輯
王家爸爸 發表於 21-10-7 17:46 
「上莊」呢家野,唔係中三~中五做既咩?!
我見我小朋友中學時搞學會仲認真過讀書。
...
有上系會莊短莊。

作者: Charlotte_mom 時間: 21-10-7 23:56
本帖最後由 Charlotte_mom 於 25-6-9 21:23 編輯
焯媽媽 發表於 21-10-7 19:13 
無啦無啦!無得上大莊啦。
好可惜!
唯有上系會莊短莊。
Delete
作者: 王家爸爸 時間: 21-10-8 07:51
焯媽媽 發表於 21-10-7 19:13 
無啦無啦!無得上大莊啦。
好可惜!
唯有上系會莊短莊。
可唔可以揾幾個志同道合既朋友,自己組新學會?
作者: 焯媽媽 時間: 21-10-8 08:40
本帖最後由 焯媽媽 於 21-11-14 16:36 編輯
王家爸爸 發表於 21-10-8 07:51 
可唔可以揾幾個志同道合既朋友,自己組新學會?
Del!
作者: 焯媽媽 時間: 21-10-8 08:54
本帖最後由 焯媽媽 於 21-11-14 16:37 編輯
Charlotte_mom 發表於 21-10-7 23:56 
要上嘅大把莊可以上
我女year one two努力玩,mass dance(大學每年一次大型集體舞表演),hall莊,樓主, ...
Del!
作者: 王家爸爸 時間: 21-10-8 09:06
焯媽媽 發表於 21-10-8 08:40 
我地現在討論緊民主社會應該有的集會自由嗎?
你可以學北大清華,搞個X思想研究會,大學一定唔敢唔批。
作者: cafeva 時間: 21-10-8 11:13
本帖最後由 cafeva 於 21-11-17 05:42 編輯
Delete
作者: 焯媽媽 時間: 21-10-8 23:12
本帖最後由 焯媽媽 於 21-11-14 16:38 編輯
王家爸爸 發表於 21-10-8 09:06 
你可以學北大清華,搞個X思想研究會,大學一定唔敢唔批。
Del!
作者: 王家爸爸 時間: 21-10-9 12:29
焯媽媽 發表於 21-10-8 23:12 
算啦!大通書通周會都夠啦,重搞思想研究會?
我仔係理科人,你估佢好似我以前D老師,真係個個都拜讀馬克斯 ...
我讀書年代,世界係後左傾年代,我啲前輩拜讀馬克斯主義、列寧遺囑係潮流。
作者: medicine 時間: 21-10-10 00:22
王家爸爸 發表於 21-10-9 12:29 
我讀書年代,世界係後左傾年代,我啲前輩拜讀馬克斯主義、列寧遺囑係潮流。 ...
即現在要XXX新時代思想研究中心/學會?
作者: bbc2018 時間: 21-10-10 11:40
焯媽媽 發表於 21-10-6 13:13 
因為上網找仔仔Interm的事情,無意間找到這遍大學五件事:
「 爆過4、上過莊、住過hall、part-time就係人 ...
除咗上莊,不過無乜遺憾
作者: 焯媽媽 時間: 21-10-10 15:33
本帖最後由 焯媽媽 於 21-11-14 16:39 編輯
gracelam 發表於 21-10-6 14:06 
阿女(中六)早幾日同我講話大學想去exchange, 問我支唔支持佢?
其實佢讀咩去邊度讀仲未諗定
作者: gracelam 時間: 21-10-10 16:25
焯媽媽 發表於 21-10-10 15:33 
剛剛仔仔講,如果想去外國交流和實習,必須先考好IELTS, 要有6.5(?) 以上,
先有機會去外國交流,實習,可 ...
謝謝資訊

作者: Charlotte_mom 時間: 21-10-10 21:16
本帖最後由 Charlotte_mom 於 25-6-9 21:23 編輯
焯媽媽 發表於 21-10-8 08:54 
我仔現在住宿舍,忙到不得了。
上星期國慶幾日假期,我見佢不停檢查電話信息,仔仔話開學初期,幫忙搞活動 ...
Delete
作者: Charlotte_mom 時間: 21-10-10 21:22
本帖最後由 Charlotte_mom 於 25-6-9 21:23 編輯
焯媽媽 發表於 21-10-10 15:33 
剛剛仔仔講,如果想去外國交流和實習,必須先考好IELTS, 要有6.5(?) 以上,
先有機會去外國交流,實習,可 ...
Delete
作者: ANChan59 時間: 21-10-10 23:06
焯媽媽 發表於 21-10-10 15:33 
剛剛仔仔講,如果想去外國交流和實習,必須先考好IELTS, 要有6.5(?) 以上,
先有機會去外國交流,實習,可 ...
Exchange 要 IELTS我知道,但Intern 要吗?阿仔去纽约实习只考Aptitude tests及 Skype interview就有offer。

作者: 焯媽媽 時間: 21-10-10 23:48
本帖最後由 焯媽媽 於 21-11-14 16:39 編輯
ANChan59 發表於 21-10-10 23:06 
Exchange 要 IELTS我知道,但Intern 要吗?阿仔去纽约实习只考Aptitude tests及 Skype interview就有offe ...
作者: 焯媽媽 時間: 21-10-10 23:55
本帖最後由 焯媽媽 於 21-11-14 16:40 編輯
Charlotte_mom 發表於 21-10-10 21:22 
IELTS 6.5唔難丫,一早就有
我女而家都煩緊,因為佢好唔想defer,但如果去exchange就似乎好大機會要延遲畢 ...
作者: ANChan59 時間: 21-10-11 00:01
焯媽媽 發表於 21-10-10 23:48 
其實我有個想法:讓仔仔在美國交流一年,順道在NY實習,(我鼓勵佢停學一年的)
所以佢要考好IELTS, 才能出 ...
你的想法好理想,但現實唔容易。Exchange是讀書簽證,Intern係實習簽證,係不同的。
阿仔G11考 IELTS ,當時因為唔肯定lB能否豁免,僥倖平均7.5, 最低有7.0。後來知道劍橋睇lB英文A,豁免咗。

作者: ANChan59 時間: 21-10-11 00:05
焯媽媽 發表於 21-10-10 23:55 
我仔最差的就係英文呢! 所以IELTS 6.5可能有困難呢!
因為我仔本身係年尾出世的細仔,就 ...
其實當小朋友還細,年頭年尾有分別,到畢業的時候差一兩年或者更多都不是問題。
四年多前搵工唔易,現在可能更困難,你嘅擔心係合理嘅!

作者: 焯媽媽 時間: 21-10-11 11:06
本帖最後由 焯媽媽 於 21-11-14 16:40 編輯
ANChan59 發表於 21-10-11 00:01 
你的想法好理想,但現實唔容易。Exchange是讀書簽證,Intern係實習簽證,係不同的。
阿仔G11考 IELTS , ...
作者: 焯媽媽 時間: 21-10-18 06:29
科大宿舍生活:
https://www.youtube.com/watch?v=99frZBElRWE&t=8s
請來香港著明語言學家,科大校友BEN SIR帶大家睇HALL,
作者: 焯媽媽 時間: 21-10-18 06:54
中大善衡宿舍生活
片段內介紹中大醫科生的宿舍生活,醫科生比較忙,但仍有豐富的宿舍生活,很好呢!
該名畢業生被選為2021年度「香港羅德學者」,大概已經前往英國牛津大學深造。
https://youtu.be/t1QsLK7TD1o
作者: 焯媽媽 時間: 21-11-8 14:14
https://www.youtube.com/watch?v=k7uhpamW1Es
片段是某中學的校友會,講解升大學選科的內容,
片段:27:19, 有提到Interm,可以參考下。
作者: kiwi2007 時間: 21-11-11 02:34
家長熱捧的三大,比較熟悉的是馬料水嗰間,有感而發。中大五件事,試過實無憾:
~住宿舍,首選 NA 學思或知行,屈蛇都要試一次,因為最接近合一亭,天人合一美景醉人心相允!
~零炭天地,揾日完全唔坐校巴/富貴巴,徒步遊走9大書院,上山下海最終以 CC 未圓湖為終點,荷花池綠柳花間相對訂緣份!
~上大莊/攪大 O,在百萬大道/范克廉/富爾敦廣留倩影,成和敗努力嘗試!
~去 Exchange, 擴濶眼界及閞拓視野至好機會, 爭取最大/最多的 credit transfer 及 course & unit exemptions, 木不雕不成材!
~試試夜探醫學院停屍間/辮子路/環迴北路/赤泥坪/松仔園,肯定刺激過 GPA 爆4,艱險我奮進,困乏我多情!
註:4年內完成以上5項,應該不太難吧
作者: YmOra 時間: 21-11-11 06:31
kiwi2007 發表於 21-11-11 02:34 
家長熱捧的三大,比較熟悉的是馬料水嗰間,有感而發。中大五件事,試過實無憾:
~住宿舍,首選 NA 學思或知 ...
Exchange係咪跟"學院",如果學院無某大學或某學科的交換生計劃,是否不能參與第二D學院有聯繫嘅交換計劃嗎?
thx.thx
作者: 焯媽媽 時間: 21-11-11 10:27
kiwi2007 發表於 21-11-11 02:34 
家長熱捧的三大,比較熟悉的是馬料水嗰間,有感而發。中大五件事,試過實無憾:
~住宿舍,首選 NA 學思或知 ...
因為疫情,而家已經無得屈蛇啦。
被發現的話,屈蛇要1小時內執行李走。
蛇頭亦要被退宿呢!
NA學思?女子監獄呢?
作者: 焯媽媽 時間: 21-11-11 10:30
YmOra 發表於 21-11-11 06:31 
Exchange係咪跟"學院",如果學院無某大學或某學科的交換生計劃,是否不能參與第二D學院有聯繫嘅 ...
https://cpdc.osa.cuhk.edu.hk/work-with-us/global-internship-programme
大學本身有學生事務處,專搞Internship。
作者: YmOra 時間: 21-11-11 10:33
謝謝資料
讓我看看先。
作者: YmOra 時間: 21-11-11 10:37
焯媽媽 發表於 21-11-11 10:27 
因為疫情,而家已經無得屈蛇啦。
被發現的話,屈蛇要1小時內執行李走。
點女子監獄。
作者: 焯媽媽 時間: 21-11-11 11:25
本帖最後由 焯媽媽 於 21-11-14 16:41 編輯
YmOra 發表於 21-11-11 10:37 
點女子監獄。
http://cusp.hk/?p=3471
《唔該,我想申請 性別友善宿舍》舍監:「你們這樣做有顧及同房感受嗎?」
男生:「我……」
同房:「我沒問題啊。」
舍監:「身為女生這樣做,如果你爸爸知道,
他會有什麼感受?」
女生:「……」
對話隱含的故事耐人尋味,你定必以為在月黑風高的晚上,舍監撞破情侶交合,而同房更在現場……別想歪!事情並非那樣。實情是:當時日光日白,正值探訪時間,男生和女朋友在被窩──聊天,同房則在書桌用電腦。一切都正正常常,規規矩矩,舍監卻突然破門而入。三人都沒犯任何宿規,男生和同房卻被邀到舍監房間「增進交流」。
朋友說畢他的經歷,眾人紛紛瞪大眼睛,直斥「有冇搞錯」。相信你也對舍監的作為反感,以為大學開放自由,家長式的監管只適用於中學生。其實宿規蘊含保守思維,由分房方式至探訪時間至蛇票,都擺脫不了傳統的性別觀念。宿生受章則規管,很少人能冷冷地拋下一句「唔關我事」。沒有人希望受到無謂的宿規束縛,因而誕生了「性別友善宿舍」這個概念。
作者: YmOra 時間: 21-11-11 11:47
焯媽媽 發表於 21-11-11 11:25 
我聽姪女講,好好笑的:(內容唔肯定有沒有記錯或誇張成份!)
「10點鐘要關燈!」
「男生唔可以入 ...
ic
作者: kiwi2007 時間: 21-11-11 13:47
YmOra 發表於 21-11-11 06:31 
Exchange係咪跟"學院",如果學院無某大學或某學科的交換生計劃,是否不能參與第二D學院有聯繫嘅 ...
詳情可以參考以下網址:https://www.oal.cuhk.edu.hk/destinations/
揀書院時記得考慮埋多否 exchange programmes, 太多 freshmen 因為貪交通方便而盲捧 CC, 雖然 CC 又真係疑似最有$ college
作者: YmOra 時間: 21-11-11 14:21
謝謝你的資料
,讓我慢慢看。
作者: YmOra 時間: 21-11-11 14:30
請問CC係咪"崇真學院"嗎?
作者: 焯媽媽 時間: 21-11-11 14:49
我反而只聽過同學追捧全宿共膳的書院:
敬文書院,晨興書院,善衡書院。
https://cuhkinfo.blogspot.com/2013/08/blog-post_9.html
因為書院新,又可以全宿共膳,所以競爭激烈,除了要夠宿分外,還要Interview的,
所以結果收到很多醫科生,和成績突出的商科生。
但因為疫情,已經沒有「共膳」了。
作者: 焯媽媽 時間: 21-11-11 14:54
https://www.youtube.com/watch?v=JWvrFSox3Bg&t=36s
科大走一圈。
作者: 焯媽媽 時間: 21-11-11 15:10
https://www.youtube.com/watch?v=c5Wx3jE_3x4&t=3s
中大書院介紹片。
作者: YmOra 時間: 21-11-11 15:34
焯媽媽 發表於 21-11-11 14:49 
我反而只聽過同學追捧全宿共膳的書院:
敬文書院,晨興書院,善衡書院。
全宿就好易明,"共膳"係指早午晚三餐都要一齊食嗎?唔怕對到厭㗎咩?
唔知有無多啲HKU嘅資料呢!
作者: 焯媽媽 時間: 21-11-11 15:50
本帖最後由 焯媽媽 於 21-11-14 16:41 編輯
YmOra 發表於 21-11-11 15:34 
全宿就好易明,"共膳"係指早午晚三餐都要一齊食嗎?唔怕對到厭㗎咩?
唔知有無多啲HKU嘅資料 ...
作者: YmOra 時間: 21-11-11 16:01
焯媽媽 發表於 21-11-11 15:50 
共膳應該係每星期一次晚飯一齊食。全部宿生幾百人一齊晚宴。
但現在因為疫情已取消了。
咁樣共膳又幾好喎!又唔會太多次又可以交流下,幾百人共膳,場面都幾壯觀喎!
thx.thx
作者: kiwi2007 時間: 21-11-11 23:12
YmOra 發表於 21-11-11 14:30 
請問CC係咪"崇真學院"嗎?
CC 崇基學院,中大唯一一間有基督教背景的書院。亦是唯一擁有自己專屬運動場的 college。因此是一線盤。
作者: YmOra 時間: 21-11-12 06:12
kiwi2007 發表於 21-11-11 23:12 
CC 崇基學院,中大唯一一間有基督教背景的書院。亦是唯一擁有自己專屬運動場的 college。因此是一線盤。 ...
參觀時,學生話"崇基書院"佔地有成個中大的"一半",唔知真定假,不過學生話不肯定,真係俾佢笑死。
作者: 焯媽媽 時間: 21-11-12 10:46
本帖最後由 焯媽媽 於 21-11-14 16:43 編輯
Deleted
作者: chingyu 時間: 21-11-13 15:51
YmOra 發表於 21-11-11 15:34 
全宿就好易明,"共膳"係指早午晚三餐都要一齊食嗎?唔怕對到厭㗎咩?
唔知有無多啲HKU嘅資料 ...
HKU 好多不同宿舍
有啲包三餐,又好膳食,又有獨立房
有啲唔包三餐,多數二人房
有啲男女,有啲全男或全女,有啲天主教
有啲有該宿舍自修室
有啲規定入兩個Sports
好多好好玩嘅活動,青春真好
上網找多啲資料啦。IG 都有。
作者: YmOra 時間: 21-11-13 15:58
chingyu 發表於 21-11-13 15:51 
HKU 好多不同宿舍
有啲包三餐,又好膳食,又有獨立房
包三餐
,我簡直心心眼了。
作者: Cherishvalue 時間: 21-11-13 16:10
YmOra 發表於 21-11-13 15:58 
包三餐,我簡直心心眼了。
曾經呀仔住間房有露台,放到雪櫃沙發,正情是薄扶林道豪宅盤!

作者: YmOra 時間: 21-11-13 21:01
Cherishvalue 發表於 21-11-13 16:10 
曾經呀仔住間房有露台,放到雪櫃沙發,正情是薄扶林道豪宅盤!
最緊要個雪櫃,我女肥豬一名,有個雪櫃對佢有用好多。謝謝你的資料呀!
作者: Cherishvalue 時間: 21-11-13 21:57
YmOra 發表於 21-11-13 21:01 
最緊要個雪櫃,我女肥豬一名,有個雪櫃對佢有用好多。謝謝你的資料呀!
唔係個個hall 都有位擺私家雪櫃架,個露台房都是四年班是才有的。

作者: chingyu 時間: 21-11-13 23:16 標題: 住
本帖最後由 chingyu 於 21-11-14 09:05 編輯
YmOra 發表於 21-11-13 21:01 
最緊要個雪櫃,我女肥豬一名,有個雪櫃對佢有用好多。謝謝你的資料呀!
係呀!單人房幾大,可放coffee table and sofa !
間房可以放雪櫃,仲可以放吸塵機和空氣清新機。
好彩 interview 成功, Year 1 就可入!
仲有很多有益身心的活動,hall life 真好!
環境鳥語花香,交通方便。
包三餐之餘,仲有湯,考試時有糖水!
有啲hall 冇咁正,比較擠迫和嘈吵。
Hall Life 盡量試吓,有不同 學科和國籍 嘅朋友,一班醫科生都照住,一樣讀到書。
就算包三餐,有時佢哋會輪住煮宵夜。
仲有 牛劍傳統的 High Table Dinner.
邀請優秀講者出席。
上年一樣有得住hall 和有high table dinner.
Hall 亦會邀請 hall alumni 回來sharing.
不同學科的師兄丶師姐都會返嚟講解一下。
作者: YmOra 時間: 21-11-14 07:20
本帖最後由 YmOra 於 21-11-14 07:21 編輯
Cherishvalue 發表於 21-11-13 21:57 
唔係個個hall 都有位擺私家雪櫃架,個露台房都是四年班是才有的。
ic
thx.thx
想入住這些優質房間,係咪要負出多DD力响個"莊"㗎!不過,想更投入,上莊係幾好的選擇。
作者: YmOra 時間: 21-11-14 07:36
本帖最後由 YmOra 於 21-11-14 07:43 編輯
chingyu 發表於 21-11-13 23:16 
係呀!單人房幾大,可放coffee table and sofa !
間房可以放雪櫃,仲可以放吸塵機和空氣清新機。
jm送來的片子,看後真係感覺好好,與你們分享嘅一模一樣
。
不過,唔知係咪我的錯覺呢?!HKU嘅HallLife好似更適合男孩子住,從片中深深感受到一班男孩子們住得好投入好熱血好有兄弟情似的。
參考資料:
https://www.youtube.com/watch?v=u_BMe0L38m8
唔知有無類似嘅片,但主角係"女生們和她們的宿舍"呢?
thx.thx
作者: chingyu 時間: 21-11-14 09:15
本帖最後由 chingyu 於 21-11-14 09:30 編輯
YmOra 發表於 21-11-14 07:36 
jm送來的片子,看後真係感覺好好,與你們分享嘅一模一樣。
不過,唔知係咪我的錯覺呢? ...
錯覺啦。 男女一樣,沒有分別。
好多靚女住添。近期好多廣告都係佢哋拍。
有女宿㗎。但女宿 應該係雙人房和不包膳食。
住宿 團體精神非常好,成日一齊做運動和參加比賽。
女仔都好熱血和有理想的。
假日個個回家,幫人補習。開心充實呀!
作者: chingyu 時間: 21-11-14 09:20
本帖最後由 chingyu 於 21-11-14 09:21 編輯
YmOra 發表於 21-11-14 07:36 
jm送來的片子,看後真係感覺好好,與你們分享嘅一模一樣。
不過,唔知係咪我的錯覺呢? ...
你睇段片係 男 hall 來!
大部分都係 男女 hall .
我都完全冇參與意見,等啲細路自己搵乜嘢係啱自己,幸福係要自己爭取!
https://www.cedars.hku.hk/index.php?route=accommodation/information&category=information
以上有咁多唔同種類的 hall 和 college
作者: chingyu 時間: 21-11-14 09:29
本帖最後由 chingyu 於 21-11-14 09:33 編輯
YmOra 發表於 21-11-14 07:20 
icthx.thx
想入住這些優質房間,係咪要負出多DD力响個"莊"㗎!不過,想更投入,上莊係 ...
睇吓你讀乜嘢科,好多人都冇上莊。
參加活動就一定有,唔規定要上莊。
大仙 會話比佢哋知,等佢哋自己發掘下啦。
人人性格唔同,特別內向和收埋自己的,未必適合。
出嚟社會之前,接觸吓唔同性格嘅人,學吓磨合,都係重要一環。
住hall 多活動未必上莊。有些同學 申請唔到宿舍,反而更加想上莊,認識多啲朋友。
作者: csbaik 時間: 21-11-14 09:34
gracelam 發表於 21-10-6 14:06 
阿女(中六)早幾日同我講話大學想去exchange, 問我支唔支持佢?
其實佢讀咩去邊度讀仲未諗定
有的學係exchange 會當學分同唔洗defer ,仲係一定要去。我支持exchange, 但最好唔好搞到defer.

作者: gracelam 時間: 21-11-14 09:43
csbaik 發表於 21-11-14 09:34 
有的學係exchange 會當學分同唔洗defer ,仲係一定要去。我支持exchange, 但最好唔好搞到defer.
...
因為中學exchange就會defer, 舊年佢師兄exchange咗一年, 之後回來同佢同級! 師兄同佢分享點滴, 所以佢好羨慕!
但大學就唔知要唔要?(佢讀嗰科)

作者: csbaik 時間: 21-11-14 09:49
gracelam 發表於 21-11-14 09:43 
因為中學exchange就會defer, 舊年佢師兄exchange咗一年, 之後回來同佢同級! 師兄同佢分享點滴, 所以佢好羨 ...
本帖最後由 csbaik 於 21-11-14 09:49 編輯
我有朋友讀英文教育係,mbb 係要規定去exchange,. 其他就唔知

作者: chingyu 時間: 21-11-14 10:36
本帖最後由 chingyu 於 21-11-14 10:39 編輯
當年和而家 exchange 都唔洗 defer 喎。
仲要交香港學費,幾好。
當年 exchange 的同學,兩個搵到 lifelong partner ,做埋夫妻,一個嫁咗去外國。
作者: 焯媽媽 時間: 21-11-14 14:34
本帖最後由 焯媽媽 於 21-11-14 16:34 編輯
Del!
作者: YmOra 時間: 21-11-14 15:30
chingyu 發表於 21-11-14 09:20 
你睇段片係 男 hall 來!
大部分都係 男女 hall .
謝謝你的資料
作者: Augesttime 時間: 21-11-14 16:28
焯媽媽 發表於 21-11-14 14:34 
https://www.eduhk.hk/re/student_handbook/text_chi4_1-b.html#8
21歲半就畢業便叫太年輕?
你說你“鼓勵這些學生完成晒所有任務才返港完成學業”, 請問你是否從事大專教育? 我只係好奇,很想聽聽其他的看法,例如你所講太年輕和最好完成所有任務係甚麼任務,期待你可分享多些。

作者: chingyu 時間: 21-11-14 19:06
本帖最後由 chingyu 於 21-11-14 19:34 編輯
chingyu 發表於 21-11-14 09:20 
你睇段片係 男 hall 來!
大部分都係 男女 hall .
YmOra,
以上呢條 link 有齊 咁多 hall,
每間hall click 入去拉到最低,
你就會見到 hall website,
或者你再用佢啲hall名去 IG explore.
作者: YmOra 時間: 21-11-15 07:02
chingyu 發表於 21-11-14 19:06 
YmOra,
以上呢條 link 有齊 咁多 hall,
每間hall click 入去拉到最低,
多謝你的資料呀!
等我慢慢睇。thx.thx
作者: 焯媽媽 時間: 21-11-16 10:28
Augesttime 發表於 21-11-14 16:28 
21歲半就畢業便叫太年輕?
你說你“鼓勵這些學生完成晒所有任務才返港完成學業”, 請問你是否從事大專教育? 我只係好奇,很想聽聽其他的看法,例如你所講太年輕和最好完成所有任務係甚麼任務,期待你可分享多些。 ...
看到這個貼文,嚇了我一跳。
我已經刪除了早前部分的貼文,我擔心自己寫的內容,很容易把我仔仔認出來。
我仔仔未夠18歲便入大學,只經歷一個DSE,相比我以往要會考和高考,
我認為他太年輕,所以希望他的大學生活,除了讀書外,能夠多元化地認識世界。
他中學時每年暑假都會往外地生活和做義工義教,希望他能夠把他的知識跟別人分享。
基本上,從這些過程中,他學懂了跟不同年紀和不同背景的人相處,這樣對他將來待人接物很有幫助。
去到國內外,只是單單一些日常生活,例如到餐廳點餐用餐,坐的士/叫的士等等生活習慣已經跟香港不同,
我會叫仔仔分辨出那些店舖/生活習慣和香港不同/相同。
那些事物香港有外國無等等。從中訓練仔仔的觀察力和適應力。
所以想仔仔的大學階段,能夠出去(國內外)見識世界,體驗生活。
比仔仔知道,讀書只係人生一個部分,行萬里路都能夠擴闊一個人的視野和胸襟的。
作者: Augesttime 時間: 21-11-16 12:30
焯媽媽 發表於 21-11-16 10:28 
看到這個貼文,嚇了我一跳。
我已經刪除了早前部分的貼文,我擔心自己寫的內容,很容易把我仔仔認出來。
原來如此。
我從來無爬過舊文,只係看到那個“太年輕”的回應而已 ,才隨意問問。

作者: chingyu 時間: 21-11-16 23:21
本帖最後由 chingyu 於 21-11-16 23:57 編輯
焯媽媽 發表於 21-11-16 10:28 
看到這個貼文,嚇了我一跳。
我已經刪除了早前部分的貼文,我擔心自己寫的內容,很容易把我仔仔認出來。
不必擔心,眼見不少學生都未夠18歲入大學,有一間直資學校大部份學生係呢個年齡入大學。 另外,很多學生 自行考 AL 也是提早入大學。
題外話,某名校好多資優生,卻不支持學生跳班。 人生苦短,好好enjoy 過程。
當然我明白有些學生檔也擋不住。我親戚就係21歲在英國某名大學做教授。 他在香港讀中小學,但從不接受訪問,十分低調。
作者: 焯媽媽 時間: 21-11-17 00:07
chingyu 發表於 21-11-16 23:21 
不必擔心,眼見不少學生都未夠18歲入大學,有一間直資學校大部份學生係呢個年齡入大學。
另外,很多學生 ...
如果係我仔的話,21歲就做名牌大學的教授,我唔想囉!
我仔都有同學,中五考完IAL,就去了英國的 Imperial College升學。
好似這個神童,完全失去童真和稚氣,失去青少年應有的群體生活,大班男男女女一齊玩一齊開心吓,
玩OCamp,玩拍拖,玩莊,補習做兼職什麼的,
這些才是成長必經的階段呢!
https://www.hk01.com/熱爆話題/65293/神童再創神話-9歲讀大學-18歲沈詩鈞在美國ucla做教授
【神童再創神話】9歲讀大學 18歲沈詩鈞在美國UCLA做教授
https://youtu.be/B72F8p1YUhg
作者: YmOra 時間: 21-11-17 06:52
焯媽媽 發表於 21-11-17 00:07 
如果係我仔的話,21歲就做名牌大學的教授,我唔想囉!
我仔都有同學,中五考完IAL,就去了英國的 Imperial ...
無錯呀!行得太快未必係好事,幼稚園至小學至中學至大學,慢慢行係為咗可以慢慢地"細味成長過程"嘛!大人會做的事咪留待大個時才去做也未遲呢!
作者: chingyu 時間: 21-11-17 08:37
本帖最後由 chingyu 於 21-11-17 08:39 編輯
焯媽媽 發表於 21-11-17 00:07 
如果係我仔的話,21歲就做名牌大學的教授,我唔想囉!
我仔都有同學,中五考完IAL,就去了英國的 Imperial ...
Exactly! 就算快一兩年都唔想!
近年就係見到好多學生,為咗快一兩年,什麼都考。
有啲真係檔都檔唔住,
有啲就係父母迫去考。
21歲做英國名大學教授的。由細到大天生不同,完全沒有特別催谷,完全沒有特別補習,就算佢父母幾咁唔想,又幾咁低調,佢都升得咁快。我又唔會歧視佢。始終每個人都有唔同嘅路。
作者: ANChan59 時間: 21-11-17 09:23
焯媽媽 發表於 21-11-16 10:28 
看到這個貼文,嚇了我一跳。
我已經刪除了早前部分的貼文,我擔心自己寫的內容,很容易把我仔仔認出來。
你的教導很好,他的閱歷,視野,待人接物會慢慢積累起來,出到社會工作及生活會輕鬆一些!

作者: chingyu 時間: 21-11-17 10:31
本帖最後由 chingyu 於 21-11-20 08:09 編輯
幸福不是必然,我哋仔女可以去外國做義工,可以周圍交流增廣見聞,可以從小就有良好教育 native English . 但未必人人有呢啲機會。
眼見香港年青人都十分優秀,有些冇機會去外國見識,但見到佢哋行為處事成熟,待人接物一流。
我見佢哋讀書之餘,亦都會為自己生活費努力,參加香港的義工工作。
我都十分欣賞他們!
香港就係咁美麗,無論怎樣出身,行得比人快 或 行得比人慢,各有各天空。
大家最緊要互相欣賞,惺惺相惜。
作者: 焯媽媽 時間: 21-12-9 11:42
見有人話做Intern 好重要,
來看看幾間大學有提供的本地/海外實習機會。
CU: https://cpdc.osa.cuhk.edu.hk/student/gip
HKU: https://www.scifac.hku.hk/curren ... research-internship
HKU:https://www.socsc.hku.hk/sigc/resources/internships/internships/
科大: https://career.hkust.edu.hk/web/page.php?section=find_a_job
作者: 焯媽媽 時間: 21-12-9 12:49
現在流行某些雙學位,係4年內(?) 在香港/日本讀書,
只須交香港學費,完成課程後,
便可以取得香港和日本的雙學位呢。應該都幾抵讀。
https://glsd.ssc.cuhk.edu.hk/wp- ... /GLSD-Programme.pdf
作者: 焯媽媽 時間: 21-12-9 18:23
HKU學生分享自己在外地交流的經驗。
https://www.youtube.com/watch?v=MKAmGobY8NY
作者: 焯媽媽 時間: 21-12-23 10:44
睇到現在的大學生很幸福,可以有充足的資源做自己喜歡的事。
我以往讀書年代,一直忙拍拖,實習和補習,根本無時間現莊。
全民皆莊既中大:上莊真係咁好? | 上莊樂與悲
https://www.youtube.com/watch?v=D9cVpHfj6Ik&t=51s
作者: 焯媽媽 時間: 22-1-1 14:24
想叫家中年輕人幫我寫個手機程式,
等佢發掘下這方面的興趣和學習動機。
知道自己的興趣,才有動機學習。
因為不同嘅實習機會是有的呢!
https://italent.cyberport.hk/career-development
作者: 焯媽媽 時間: 22-1-25 01:09
保險業的暑期實習計劃,
如果各位學生有興趣了解保險業的話,可以去了解下:
https://www.instalent.org.hk/tc/content/sip
作者: csy_ma 時間: 22-4-10 18:40
本帖最後由 csy_ma 於 22-4-16 16:40 編輯
好耐冇上黎EK, 昨日才發現焯媽媽畀咗咁多多渠道既消息,正!好可惜喺我囡大三至見到呵
其實,上黎蒲,都係想睇吓其他學生有冇分享外地交流嘅經驗,咁我就先拋磚引玉,講吓我囡嘅?
咁啱,佢交流嘅院校,係條link度有學生分享嘅愛爾蘭聖三一學院
首先講點解喺都柏林?因為佢號稱歐洲矽谷,好多科網公司都喺佢度設立總舵或者大分壇
hku好似同聖三一有交流計劃?我囡喺果邊遇到5~6個hku交流生,而佢學校呢個學期只得佢一個,所以都有同佢地食吓飯交流吓咁
聽講,hku畀既交流津貼都ok(實際係幾多,我囡唔記得),唔似cu咁,亞洲2千,歐洲4千咁,真係機票都唔夠
我囡既好朋友喺poly,仲有旅遊獎學金申請,即係你除咗去交流既國家外,仲有獎學金畀你去其他鄰近國家去玩,真係要畀心心眼
例如,佢朋友去芬蘭首都交流,可以有津貼去荷蘭玩個幾星期,致使我囡可以走去蹭好友既免費住宿(都係唔知幾錢,希望有人補充)
都柏林作為歐洲矽谷,住宿貴到拍得住香港 聖三一宿舍最低250歐一個星期,一個月唔止一千歐,真係貴到無倫
所以,我囡冇申請宿舍 佢俾咗幾千蚊當地網上agent,搵咗間周租平成百蚊歐元既房,冇獨立洗手間,距離學院大半個鐘巴士程咁 不過,嗰位已退休既屋主好潔癖,有少少強逼症,唔太友善,我囡最初同佢應酬傾吓偈,佢竟然同我囡講唔好當佢做朋友,佢係唔會同租客做任何事嘅……
個屋主有三間房租咗出黎,一個係意大利女生,佢讀緊碩士同幫學校做嘢,另一位係泰國女生,喺facebook負責泰國網,有香港同事(當然係負責香港嗰邊),所以知道hk is not china. 住咗都柏林好幾年既意大利女生評價都柏林人(住響嗰間屋好似一年左右),話佢地表面上好似好友善咁,但只係表面……我囡因為上課時間不固定,唔似另兩位返工女生早出晚歸,就令到屋主幾不滿~~因為屋主鍾意喺房客不在時,藉口同你打掃房間走入去人地嗰度,試過想去泰國女生房搬個衣櫃出黎(因為佢話佢囡想要,所以換另一個衣櫃畀佢),遇到女生少有在家,仲嫌佢阻住佢
其實,agent既條例係寫明唔畀屋主隨意入人房嘅,不過,我囡搬晒行李入去嗰日,屋主以清潔為由話要入去,咁我囡都冇為意應承咗 後來囡同agent講返,屋主就話佢已經口頭答應咗……(所以唔知點解,屋主會搬多張唔畀我囡用既單人床入佢間房,又會喺佢間房燙衫)
因為我囡唔係早出晚歸,屋主就每朝早開住房門大大聲講電話,同電話嘅親友鬧我囡
咁都算嘞,但喺屋主入佢房清潔,將佢對拖鞋踩在單人沙發既乾淨衫上面之後,我囡決定唔忍佢~~跟住就係漫長嘅同agent交涉過程……
結果,我囡交畀屋主既兩個星期訂金,有一個星期收唔返,搵到屋後協調另一個星期訂金就權充最後一星期的房租(租金係每星期交嘅) 然後,我囡就搬咗去遠少少嘅都柏林南部,交通時間雖然差唔多、但要坐火車交通費貴啲、在廳對出後花園已經睇到海既另一間屋度住,然後就……染疫(因為佢搬咗幾日後就去咗芬蘭同中學同學去睇極光同聖誕老人,之後直接落倫敦睇戲)……
我地同佢講,好彩佢啱啱換咗好人到佢染疫時會煮埋嘢食送去佢門口既屋主,否則在舊房東那中咗都唔知點算(雖然係可以網上叫外賣,但佢喺以前間屋住二樓,唔同新屋住地下,甚至可以喺窗邊同外賣交收)?
以上,係佢交流中生活上所遇到和學到嘅……
作者: csy_ma 時間: 22-4-10 19:14
本帖最後由 csy_ma 於 22-4-15 22:43 編輯
講完生活上遇到佢出世之後未遇到既大考驗後(佢中學都有去過十個月既交流,都係住人地屋企,而個host極之好人,當佢係女咁),講返學術,應驗了一句:冇比較冇傷害……
因為佢去既係都柏林top1大學,當地人知道後都即時反應話佢梗係好聰明(掩嘴笑,與事實不符),不過,喺佢眼中,呢間大學嘅教學方法都……幾落後?佢畀咗其中一科既筆記我地睇,真係幾中學生吓……上課就只係照筆記內容展開闡述,當中有討論,當地學生無疑好勤力,睇晒所有要睇既資料,但老師冇咩啟發性,唔太帶到佢地好有火花嘅討論(呢科係佢選修三科之中,佢認為最唔值得既一科,覺得中學通識老師仲有啟發)
另一科,同學都係好勤力,將老師提供既書單上所有既資料挖得幾深,不過,老師就嫌佢地角度唔夠廣,唔太能換位思考,反而讚我囡其實冇咩落功夫,但因熟中國背景資料就做比較有不同視野既文章
佢總共修咗三科,兩科社會科學,一科IT,IT嗰科佢都認為唔夠CU深入,不過可能同揀嘅課程難度唔夠有關?在佢看來,聖三一課程既1,2,3,4難度,普遍低過CU一到兩級
同HKU學生交流,KU生覺得自己既導師好勁,可能喺佢地研究嘅範疇好出名,但唔太識教書,同學生嘅交流唔多,所以引發唔多
而我囡話CU好多老師將精力放在教學而非研究上,所以出咗去一趟,反而覺得自己學校好好,想延期畢業讀多幾科添
另外,原來政見真係會限制人嘅思路,阻礙咗研究學術~~佢識咗個KU生喺親建制嘅(係唯一嘅女生,所以女兒惟有比較熟佢 ),對於香港老師畀嘅功課:清零政策嘅利弊有點無從處埋,因為佢覺得清零只有利沒有弊,所以唔係好識做云云……年輕人親建制,讚警執法得力係比較難得嘅?我囡共佢解釋咗好多,佢先覺得有信心好好完成功課……其實都唔太能夠想像,擁抱建制言論嘅同學,當年點考通識?通識唔係要正反論述嘅咩?
作者: csy_ma 時間: 22-4-10 20:11
本帖最後由 csy_ma 於 22-4-10 23:28 編輯
另外,大家都知通常交流既地方選擇係睇GPA成績嘅,但都唔一定
交流係分學校 學院 書院 學系等有唔同既交流額和地區 而通常,愈大既範圍就愈多人爭,但係相對,就有好多唔同既交流選擇
我囡既系係規定要有一個學期出外交流,亦同唔同地方簽咗交流學額 不過,佢申請咗唔知係學院定學校既交流計劃 佢大二上學期時其實申請咗大三第一個學期,去佢好心儀嘅布拉格,但係因為怕疫情嚴重,推遲到下學期,已經冇布拉格呢個選項,惟有揀其他
個計劃雖然以GPA排序,但都有面試 佢有個同學,成績比佢好,以為自己坐定可以去到,就冇參加面試 我囡只係first hon邊緣,但可能因為面試時頗有誠意,咁揀既排序就前過成績好過佢既同學都幾多(即係個pool有咁多個選擇,學校會根據你嘅成績同面試表現,排咗一個選擇順序 咁排前面嘅都未必一定揀熱門嘅地方同學院嘅?總之,就係按個選擇順序嚟揀你自己心儀嘅院校,至於揀邊系邊科,就係你自己同當地學係申請嘅 咁當地學校都係會睇你讀嘅科系同成績,黎批你揀咩科系黎讀 不過,唔同學系對交流學生所修嘅科系都有唔同規限,但一般都會寬鬆處理)
唔知他院校係唔係都係咁?總之,就算成績爆晒4,都係要去面試為佳,最少顯示誠意?
作者: csy_ma 時間: 22-4-10 23:42
本帖最後由 csy_ma 於 22-4-11 00:02 編輯
csy_ma 發表於 22-4-10 18:40 
以上,係佢交流中生活上所遇到和學到嘅……
另一個在生活上嘅交流收穫,就係阿囡突然好有意願學駕駛~~之前我游說咗佢好多次,佢都冇反應
自從佢同一個法國女生一齊去愛爾蘭西部旅行,在一個著名風景點享受完日落,之後要凍到冰條咁喺巴士站等成個鐘頭先等到巴士去市區後,就深切體會到識揸車嘅重要(佢地之前在途中都畀個美國女仔主動停車載佢地去同一個旅遊點)
其實,喺交流期間,通常最熟嘅唔係當地人,而係同一時間在當地交流嘅其他地方嘅學生 好似我囡咁,佢最熟嘅係唔同科系嘅法國女生(有四分一華裔血統)(另一個係以前同屋嘅泰國女生,可以一齊叫亞洲美食),因為學期初在學校辦嘅交流生介紹一日遊團時認識,然後每個星期結伴探索都柏林和愛爾蘭各地風光 而近排香港情況又咁混亂,我地建議佢唔好咁早返黎(當時仲溶斷咗),法國女生答應畀阿囡跟佢返巴黎屋企住一段時間添(我囡已計劃五月前去住,因佢聖三一學院嘅學生證只到五月底,而持學生證入博物館係免費嘅,包括羅浮宮)
作者: csy_ma 時間: 22-4-11 00:01
csy_ma 發表於 22-4-10 18:40 
以上,係佢交流中生活上所遇到和學到嘅…….
又順便講埋,身在歐洲,都可以親身體驗蝴蝶效應:因為俄烏戰爭,歐盟杯葛俄羅斯燃料出口,所以電費近排貴咗好多
就算新屋主有幾咁好人,都好介意阿囡長期留在房中不外出(好似冇咩隔離概念?),因為有可能長期要開暖氣 結果我囡同意唔開暖氣,只開床上嘅電暖毯(舊居嘅暖氣係統一開關嘅,只在房東開嘅時候先有暖氣),也算是為戰爭而“犧牲”(咁開玩笑係唔係太唔莊重?)
作者: 焯媽媽 時間: 22-4-12 10:28
csy_ma 發表於 22-4-10 20:11 
另外,大家都知通常交流既地方選擇係睇GPA成績嘅,但都唔一定
交流係分學校 學院 書院 學系等有唔同既交流 ...
我現在才知道,原來GPA成績影響交流地點。
快快叫仔仔努力讀書,過3爆4啦!
作者: 焯媽媽 時間: 22-4-12 10:38
csy_ma 發表於 22-4-10 23:42 
另一個在生活上嘅交流收穫,就係阿囡突然好有意願學駕駛~~之前我游說咗佢好多次,佢都冇反應
自從佢同 ...
我都有叫仔仔在香港考好車牌才出去交流,但佢同樣無反應。
因為我有好友同樣是我仔仔大學校友,記得以前我仍是學生年代時,好友駕車接我去大學玩,
這個回憶實在太美好,念念不忘,所以,我極力推薦仔仔學車,帶我到大學玩。
作者: 焯媽媽 時間: 22-4-12 10:51
csy_ma 發表於 22-4-10 23:42 
另一個在生活上嘅交流收穫,就係阿囡突然好有意願學駕駛~~之前我游說咗佢好多次,佢都冇反應
自從佢同 ...
關於:大學交流後,順道去旅行。
我自己好喜歡留在歐洲的,但因為仔仔是讀金融,所以我想佢去美國交流。
但最終去那裏,都要看仔仔的選擇呢!
因為知道仔仔有師兄今年1-2月時,已經飛去北歐交流,因為他們約好一齊去看北極光。
現在分享仔仔的大學生活,真的勾起了美好的回憶呢!
作者: annie40 時間: 22-4-12 12:05
csy_ma 發表於 22-4-10 23:42 
另一個在生活上嘅交流收穫,就係阿囡突然好有意願學駕駛~~之前我游說咗佢好多次,佢都冇反應
自從佢同 ...
恭喜csyma有女初長成。:)
作者: chingyu 時間: 22-4-13 20:20
csy_ma 發表於 22-4-10 19:14 
講完生活上遇到佢出世之後未遇到既生活考驗後(佢中學都有去過十個月既交流,都係住人地屋企,而個host極 ...
Thanks for your sharing.
你講得好好。 所以有啲人直頭想取消通識。
作者: chingyu 時間: 22-4-13 20:25
本帖最後由 chingyu 於 22-4-13 22:40 編輯
csy_ma 發表於 22-4-10 23:42 
另一個在生活上嘅交流收穫,就係阿囡突然好有意願學駕駛~~之前我游說咗佢好多次,佢都冇反應
自從佢同 ...
阿女 year 1 已經考咗車牌。不過,我估出年 exchange 都唔夠膽揸車住。
咁橋睇到以下video,
MBBS Enrichment Year
EY其中一個範疇係 HKUWW, 都係同其他HKU 學生 競爭去 exchange.
每個subject 有不同quota. HKU website 有資料。
https://youtu.be/-6hA7v9YSBE
作者: csy_ma 時間: 22-4-15 22:38
本帖最後由 csy_ma 於 22-6-1 23:14 編輯
焯媽媽 發表於 22-4-12 10:38 
我都有叫仔仔在香港考好車牌才出去交流,但佢同樣無反應。
因為我有好友同樣是我仔仔大學校友,記得以前我 ...
其實,我都幾羡慕您囝好多時接受家庭建議
我囡當年報的是新科,之前本來諗住去台灣讀,不過在學期初冇DSE成績嘅首輪落選咗(當時佢想讀嗰科在香港冇,申請台灣嘅學校同科系都好熱門),於是佢就撿起心思準備香港應試。咁佢似乎已經先選定咗目標大學,有次佢上目標校網發現咗有佢想讀嘅新科,通知我地,結果我要放咗人地做義工嘅飛機,一家人去聽嗰科係咩(嗰年有三間大學都開咗類似嘅新科)。
嗰科好似同佢度身訂造咁,既有電腦知識,又有佢亦感興趣嘅社科內容(您之前有個post有大學生分享讀新學系嘅感想,其中就有我囡嗰科嘅學生),於是就首志願投考。中間有冇問兩老意見?咁叫我地陪佢去聽talk算唔算?我其實唔太欣賞新科賣嘅方式,而且又幾鍾意台灣,私心幾希望佢再考慮去考……不過,面試嗰啲教授都似乎覺得我囡好適合嗰門新科,星期五面完試,星期一已收到取錄信,嗰時大概五月,都唔駛等DSE公佈(因為冇CO,學校話未見過,仲叫佢唔好咁老定,慎選A2,3云云),就冇再提考台大
唉!命運有時就係咁,在某個關鍵位失落咗,轉咗個彎,就大不同。雖然我囡嘅大學生涯都OK,有佢嘅掙扎同經歷,但如果當年台大收咗,過咗去,就可順理成章喺嗰邊發展?
至於交流嘅程序,佢都唔係話畀我地知嘅,係定咗起行前,同老爺食大家族節日飯,其中有位伯伯因為女兒也在中大,所以多問遴選程序,佢先解釋得咁清楚,否則,無論佢之前揀布拉格,定後來嘅都柏林,我地都係事後至知。我地至今都未見過佢大學成績表。GPA都係佢提過先知……
作者: csy_ma 時間: 22-4-15 23:04
焯媽媽 發表於 22-4-12 10:51 
關於:大學交流後,順道去旅行。
我自己好喜歡留在歐洲的,但因為仔仔是讀金融,所以我想佢去美國交流。
我囡已因為好友在赫爾辛基交流嘅關係,在上月去看了。因為熱門看極光季節到三月,之後好似有但係頻率冇咁密……不過,據囡話,其實現實環境睇嘅極光係冇相中咁靚嘅,雖然佢都追咗兩晚
我囡有個從小就好希望佢去探佢嘅契媽在美國,但因為好多校園槍擊和其他新聞,我囡都幾怕美國……
去歐洲嘅好處,係可以接觸到不同國家嘅人,美國人一般大美國主義都幾重,思維嘅角度好似唔太多元?唔同歐洲,幾個鐘火車/飛機接觸嘅文化底蘊同思維都唔同?
如果最終打算去美國實習,咁交流揀其他地方可能更開眼界?我囡個係規定大二升大三前完成某個工時嘅實習,當時好似冇聽過佢有同學去外地實習?可能佢地嘅實習多半係系代為聯絡(都有在學期初問佢地意願,我囡因為想去非牟利機構,系好似特地為佢聯繫既),而海外實習就要自己申請嘅?
作者: csy_ma 時間: 22-4-15 23:10
本帖最後由 csy_ma 於 22-4-16 00:56 編輯
chingyu 發表於 22-4-13 20:20 
Thanks for your sharing.
你講得好好。 所以有啲人直頭想取消通識。
已經取消了
新嘅公民教育科係要學習國安法嘅,同通識嘅題式唔同,係著重背誦而唔係分析
因為通識範圍太大,我囡當年係基本上冇溫,因為佢好遲至開始發力,花唔到太多時間,就決定斷臂。結果有4,最低分科目之一。而家公教科只有合不合格,唔知可唔可以都用呢招?
作者: csy_ma 時間: 22-4-15 23:54
本帖最後由 csy_ma 於 22-4-16 00:43 編輯
annie40 發表於 22-4-12 12:05 
恭喜csyma有女初長成。:)
謝謝:)
其實都幾悲哀……我囡15歲打算出外交流,她媽我上來找資料,都多謝您有給予意見……但係,您現身在這恭喜我嘅時候,我想起嘅係您其他壇嘅好多我唔認同嘅post和鼓吹,令我困惑我回唔回應同點回應好……
當然,您有權分享您睇到嘅角度,哪怕是片面的……假如有家長因為您的言論而作出選擇,那是他們自己需要負責的。不過,智慧如您,側重光明面,而半點不提其他(如教室都有錄影機),是否帶有某種任務?
我是卅多年前在大陸唸大學的,且在相對寬鬆的廣州,有位已移民海外的大學同學,後來回國跟我同是大學同學的前夫酒後坦言,他奉命定期向國安匯報我和前夫的情況,縱然我們都離校了(所以更需要),我回港工作,甚至離婚了,他都需要定期與公安有個約會(當年他是學生會幹部,亦即是與校方有關係人士)。也不知是否他匯報得力?大學期間沒聽說過有什麼海外關係的他,後來順利移居出去了……
另外,也曾經提過,當年在北京交盡各國美女的畫家村朋友,國安曾給他看過外國人員宿舍裡他跟其中一位美女妖精打架的錄像(他沒有說是什麼原因),並囑我們在公眾地方甚至私人地方也別太放心……那是維穩費未暴漲的多年前呵,現在鏡頭處處,big brother更無處不在?這是不是您在這公開論壇上只唱好的原因?
所以如最初我說的,不由悲哀,香港已撕裂成,縱然是多年算友善的網友,也會有道不同不相答嘴(這是我在您活躍的地方不出現的原因,因為不大想費時叫醒裝睡的人,縱是旁觀的也應有自己的常識)的情況,這次,因為您的主動問候,恐怕是我最後跟您對話的一次了
作者: csy_ma 時間: 22-4-16 00:38
本帖最後由 csy_ma 於 22-4-16 17:11 編輯
chingyu 發表於 22-4-13 20:25 
阿女 year 1 已經考咗車牌。不過,我估出年 exchange 都唔夠膽揸車住。
謝謝分享
看靚女講嘢比較易過
以我理解,EY似乎是港大醫學才有的?而非所有港大生都能在四年中有一年gap y?
我只熟兩個讀醫的小朋友,無獨有偶,他們都是兩大醫學院都收,最後跟我囡的選擇一樣
其中一位已畢業,從醫,剛跟大學同系同學結婚,而另一方面,不斷看到他參賽青年文學獎,小獎不斷,且曾在端傳媒有個人專欄,看來個人發展不錯。
另一位現正休學階段~~雖然他本科休學(唸完大三),但其實先讀了專科研究生,跟他之前在本科時跟開的教授跳級做研究,原因是教授很欣賞他,又需要他在暑假後繼續協助他,所以提議他先休學,完成了該項專科研究才繼續他的本科醫學課程
~~老實說,假如不是他家長跟我說,根本就不知道原來大學醫科有這樣讀法呵……
而他在休學前,已成功由醫學轉到環球醫學系,或許都是要換同學,就唔爭在休學吧?
而他在大一時,非假期去了兩個交流團,一個是歐洲XX尼亞開個什麼國際學生會議,一個是去泰國,一個約一星期,歐洲的大約兩個星期左右。因為大一是蜜月年,他好像完全沒有什麼壓力,縱然缺席那麼多課,他說因大一只是複習中學的各種基礎,缺了都不難追。
大二他原有機會在六月那個短學期去德國交流,但因為大一已出去兩次,就決定休息一下……他媽有點追悔地說,因為大二升大三正值香港動盪的歲月……而當時所歷的心理創傷,到休學從事研究工作,因為同事都較他大頗多,少了交流,加上研究壓力大,住到教授借他住的獨居單位後,引發出有點心理問題……幸而,後來因為他申請到醫院宿舍,無須獨居而漸走出來了。
有時,選擇哪一間學校,是學術差異的選擇;但更多時,是價值觀的選擇。多年來的校風,不會因剛開始的打壓(也其實不是剛開始的,不過愈來愈出面吧了)而改變的。新儒家諸君有份創立的中大,無疑是更平民,也有更多人文關懷:女兒在一個不計學分、跨學科招生的課外社區研究項目中,發現了已畢業那位醫科學長的前報告。這個項目,唸幼教的吳同學也參與過。那主要是研究貧窮問題的黃洪教授引導的基層社區研究。已畢業那位醫科生,參與後就搞了個為街友義診的同學團體,雖然現在已淡出,但仍偶然看到他的參與。
當然。我也覺得大三作為gap year去找自己真正關注的是什麼。較大一的蜜月期好。不過。中大醫的院長似乎貫徹中大的傳統:比較重視團隊和教學?聽說港大有頗多幾位有名氣教授近年都過檔?休學的醫科生之前有去港大聽課,教授就告訴他翌年在中大見。而他頗欣喜見到不只一位他欣賞的港人教授都在自己校園常見了……不知這這是不是近年狀元反而多投中大的原因?
歡迎光臨 教育王國 (/) |
Powered by Discuz! X1.5 |