教育王國

標題: 晚晚教小朋友做功課。。。 [打印本頁]

作者: 伸手媽媽    時間: 21-9-8 00:43     標題: 晚晚教小朋友做功課。。。

我要返工,有時7,8點先返到去,小朋友今年升小五啲功課開始多。

晚晚食完飯10點先開始:「媽媽媽媽呢題唔識,個題唔識。」

呢一兩日都要搞到11、12點。

完全無時間做自己嘢

作者: 伸手媽媽    時間: 21-9-8 00:45

老師又係誇,穿少少又話唔啱,搞到小朋友返嚟又話番我,唉

作者: bananaGi    時間: 21-9-8 10:03

伸手媽媽 發表於 21-9-8 00:43
我要返工,有時7,8點先返到去,小朋友今年升小五啲功課開始多。

晚晚食完飯10點先開始:「媽媽媽媽呢題唔 ...


咁快多功課?

作者: Yanamami    時間: 21-9-8 12:04

本帖最後由 Yanamami 於 21-9-8 12:06 編輯

係個小朋友唔識自動自覺做,要人陪做啫。老師要求,P5應該自己識摸清,仲賴番阿媽,表示太依賴,唔當讀書係自己責任。
作者: sweetapplebb    時間: 21-9-8 18:57

我女6年級一樣,真係我急,佢唔急,搞到11點有時12點先瞓
作者: 伸手媽媽    時間: 21-9-10 00:39

bananaGi 發表於 21-9-8 10:03
咁快多功課?

開始有6,7樣啦每日,加上話就話返半日,其實放學仲要上網課

搞下搞下都4,5點

作者: 伸手媽媽    時間: 21-9-10 00:41

Yanamami 發表於 21-9-8 12:04
係個小朋友唔識自動自覺做,要人陪做啫。老師要求,P5應該自己識摸清,仲賴番阿媽,表示太依賴,唔當讀書係 ...

都係。。。
都諗緊有冇方法幫佢建立主動啲學習

但有時狠心唔教佢,想佢自己諗,佢又真係完全唔識咁



作者: 伸手媽媽    時間: 21-9-10 00:42

sweetapplebb 發表於 21-9-8 18:57
我女6年級一樣,真係我急,佢唔急,搞到11點有時12點先瞓

6年級啲野又難左,小朋友青春期又反叛,又呈分試

作者: ipki    時間: 21-9-10 09:08

所以細個就要捉有D學校小一小二就已經捉D字好緊....
ANYWAY,不如你找個功課班參加下
放學就去,返到屋企就做好哂D功課,唔駛煩


作者: laigillian    時間: 21-9-10 10:10

一係搵功課輔導班,一係搵上門私人補習

作者: fufu17    時間: 21-9-10 10:56

可以要求小朋友中午時用WhatsApp 或zoom chat sends手冊/ 功課比你先睇。務求在大人放工前清左d功課。或借工人電話send
作者: ar_mak    時間: 21-9-10 11:59

提示: 作者被禁止或刪除 內容自動屏蔽
作者: 964000    時間: 21-9-10 21:16

ar_mak 發表於 21-9-10 11:59
我自己細個都係有功課問題,學校除左中英多抄寫,就連數學都需要你不停去將同一類題形做幾百次,<志堅出版 ...

哈哈,如何用最慳水慳力的方法攪掂功課,的確係高小時一大學問
例如讀書報告,不用睇本書的,只抄序抄封底抄目錄作番出嚟。MCQ亂填,之後扮改卷改番啱(因為老師對答案自己改),好多招數
當你冇野依賴,就會稔到生存辦法,不過我當然不會咁教小朋友


作者: Jean1769    時間: 21-9-11 10:34

伸手媽媽 發表於 21-9-10 00:41
都係。。。
都諗緊有冇方法幫佢建立主動啲學習

呢樣野應該由細培養,我小朋友幼稚園時我已要佢自己做功課同檢查埋,等媽媽放工回來檢查,有唔識就先漏空。現在升小已不用點勞氣

作者: ar_mak    時間: 21-9-11 11:27

提示: 作者被禁止或刪除 內容自動屏蔽
作者: elsa007    時間: 21-9-11 13:26

回覆 Jean1769 的帖子

我女都係咁,幼稚園就要自己做功課,甚至乎我唔會幫佢檢查,偶爾先會叫佢攞俾我睇。現在啱啱小一開學,佢基本上都係自己負責,不過我就會幫佢睇下有無做錯。
作者: qpalzm    時間: 21-9-11 23:58

964000 發表於 21-9-10 21:16
哈哈,如何用最慳水慳力的方法攪掂功課,的確係高小時一大學問
例如讀書報告,不用睇本書的,只抄 ...
咁似我細個果時....
我個時D學能測驗練習係交比老師之前同隔離位掉轉改。我方法係先befriend隔離位,之後MC亂填,掉轉改個時叫隔離位比我改返幾題交功課

作者: 964000    時間: 21-9-12 03:57

qpalzm 發表於 21-9-11 23:58
咁似我細個果時....
我個時D學能測驗練習係交比老師之前同隔離位掉轉改。我方法係先befriend隔離位,之後M ...

我仲有一招,將支紅色班馬牌色原子筆偷偷換了藍色筆芯,一路扮改一路做
我想講以前D小朋友冇得依賴冇補習,點都死掂份功課,起碼會自己稔方法但而家讀書做功課變哂家長責任咁。


作者: qpalzm    時間: 21-9-12 23:57

964000 發表於 21-9-12 03:57
我仲有一招,將支紅色班馬牌色原子筆偷偷換了藍色筆芯,一路扮改一路做。
我想講以前D小朋友冇得依 ...
我以前上堂個時好忙, 忙在抄功課等下一堂有得交, 我仲會問唔同同學借幾本, 呢度抄D, 個度抄D, 特登做錯幾題等老師無咁易發現…
希望我D細路唔好學我

作者: warpaper    時間: 21-9-13 15:22

回覆 伸手媽媽 的帖子

我小朋友由小二已經係咁, 我兩夫妻都要返工, 放工返黎食埋飯8,9點開始同啲細路睇功課, 快則半小時,慢則個半小時. 去年小三開始比小朋友去功課輔導班. 希望可以幫小朋友對好功課和改正. 不過效果未如理想, 比補習老師睇完好似無睇過咁, 最後係要我自己跟返.  唔知係咪我唔好彩, 搵果間補習社啲老師, 同小朋友對功課唔係太上心, 我覺得係是旦見到佢有做就算, 無用心睇過有無做錯的. 因為唔想小朋友係補習社太耐, 所以我會叫小朋友做哂啲功課先上去, 只係補個半鐘. 暫時屋企附近只係搵到佢唯一一間有個半鐘的功課輔導班, 其它全都兩個半鐘起跳. 所以暫時唯有忍耐住, 自己跟緊啲.
作者: esmetam67    時間: 21-9-13 19:42

訓練佢喺妳放工前做好功課,我一返抵屋企即刻check功課同溫要温既野 ,之後先食飯。
作者: Face3366    時間: 21-9-14 06:13

嗱,想小朋友成績好,一定要跟功課。呢D嘢係唔可以假手於人㗎
作者: hellolulululu    時間: 21-9-14 14:05     標題: 回覆樓主:

本帖最後由 hellolulululu 於 21-9-14 14:06 編輯

當小朋友做哂識做的,只留少少唔識做等我教
但我回家7:30 要食飯,沖涼,小朋友要9:00訓覺
最多有一小時,做同查功課,甘大家會覆習當天所教的?
家星期六日先覆習?

作者: busybeebee0713    時間: 21-9-15 13:58

提示: 作者被禁止或刪除 內容自動屏蔽
作者: ar_mak    時間: 21-9-16 11:34

提示: 作者被禁止或刪除 內容自動屏蔽
作者: LuckBaby20    時間: 21-11-29 18:04

warpaper 發表於 21-9-13 15:22
回覆 伸手媽媽 的帖子

我小朋友由小二已經係咁, 我兩夫妻都要返工, 放工返黎食埋飯8,9點開始同啲細路睇功 ...

好有共鳴⋯
我而家就係,上年小朋友剛升上1年班,自己又返工放工返去睇功課,問題不是怕辛苦,而係與小朋友關於差左好多(因為佢做完功課,我地睇左唔ok要拆改)⋯
所以今年升小2未開學就幫佢搵定間補習,念住唔使咁多問題⋯點知本身補習時間為3-6(3小時)⋯點知都唔夠用⋯小朋友喊住返黎⋯
我哋為有再搵另一間希望好啲⋯時間就真係好快2小時可以完成哂⋯但就超多錯誤⋯好似快快脆脆做左就算,攪到我哋放工返去一樣要再跟一次功課⋯


作者: angelfish228    時間: 21-11-30 08:52

ar_mak 發表於 21-9-10 11:59
我自己細個都係有功課問題,學校除左中英多抄寫,就連數學都需要你不停去將同一類題形做幾百次,<志堅出版 ...
說的十分對! 我們班主任一開學就要家長跟緊勿放手,我自己是不會陪做功課! K2已叫他自己做學看題目,功課錯就錯,自己負責改正,很多家長教的把功課做成100分,到考試已經不知他不明白的/重點要温習的是什麽了。
鄰居叫要每天温習,但我們沒有,反而注重課外閱讀,上堂認真聽即可。可能我們小一,我比較注重課外閱讀/學習態度/自律習慣/身心健康。

作者: Jean1769    時間: 21-11-30 23:32

angelfish228 發表於 21-11-30 08:52
說的十分對! 我們班主任一開學就要家長跟緊勿放手,我自己是不會陪做功課! K2已叫他自己做學看題目,功課錯 ...

我而家懶到小一功課都唔幫佢檢查

作者: jbbmom    時間: 21-12-1 09:03

回覆 angelfish228 的帖子

非常認同!
作者: hello_go    時間: 21-12-1 17:58

因為要番工,所以叫小朋友自己做哂功課,我放工就會睇。
我都算係緊張媽咪,頭兩個月,真係晚晚坐底對功課,見字太UGLY會叫佢再寫過。而且小一真係好多睇錯題目, 做漏,抄都抄錯的情況,見到都幾嘔血。第三個月開始考慮半放手,叫佢要自己檢查清楚,我自己就會睇下有冇做完,太大錯會提佢,小錯或小小UGLY的字都由得佢,等老師改佢。
希望咁樣佢會慢慢自己重視啲做好自己功課,唔好下下靠我。講真每晚親子時間只得1-2小時,真係唔想晚晚只係响度搞功課。

作者: beetle910    時間: 21-12-3 08:53

同意, 的確要由幼稚園建立學習態度, 唔關功課數量問題, 就算得一樣功課佢硬係拖到訓覺前一刻先去做或者家長返黎先做, 唔識又唔主動問/找答案, 我覺得都係態度有問題, 要自己負返責任
作者: kkyoko    時間: 21-12-4 22:05

angelfish228 發表於 21-11-30 08:52
說的十分對! 我們班主任一開學就要家長跟緊勿放手,我自己是不會陪做功課! K2已叫他自己做學看題目,功課錯 ...

你好呀
我想請教你
咁你小朋友既功課你係咪直頭唔對
由老師打交差
再自己改正?
佢會自動自覺做好咁乖乖嗎?

咁考試會唔會同佢溫?
如會,點同佢溫呀?

請問你介唔介意講你小朋友是讀一線學校嗎?
Thanks

作者: angelfish228    時間: 21-12-4 22:40

kkyoko 發表於 21-12-4 22:05
你好呀
我想請教你
咁你小朋友既功課你係咪直頭唔對
小女係學術要求高的九龍女龍小一。
係,完全唔對。首先你要接受有不完美的功課'B呀C呀。可能帶漏野之類。慢慢比小朋友自己pickup。寫字都自己查app筆順,不會擦佢,你諗吓你千辛萬苦寫完比人擦你會點?親子關係好緊要。默書都係自己錄音自己默。功課時間不會比佢超過1.5小時,以免小朋友討厭功課和學習。如太多野會留少少之後完成。我注重生活平衡,每天一定留時間去公園玩和閱讀。

我地未考試,但so far quiz好快温完,學校工作紙好強,我地只温重點,做返錯題(啱嗰D即係本身明啦),quiz溫習時間so far 15分鐘至半小時。

此方法不適合要插第二間小二的小朋友,插第二間成績要靚仔。另每個小朋友又不同,這只是個人做法。


作者: angelfish228    時間: 21-12-4 22:46

kkyoko 發表於 21-12-4 22:05
你好呀
我想請教你
咁你小朋友既功課你係咪直頭唔對
又,每位小朋友對自己要求不同,我女是最近開始有要求,88分會喊,如果小朋友對自己要求還未建立(有些到中學才開始),任你如何鞭撻他又有何用?就如拉牛上樹。又損害親子關係。不如引導建立學習興趣習慣,閱讀習慣,方為上策。
作者: kkyoko    時間: 21-12-4 22:47

angelfish228 發表於 21-12-4 22:40
小女係學術要求高的九龍女龍小一。
係,完全唔對。首先你要接受有不完美的功課'B呀C呀。可能帶漏野之類。慢 ...

多謝你咁詳細回覆 (emoji)(emoji)‍♀️(emoji)(emoji)‍♀️(emoji)(emoji)‍♀️
你女女係咪由細到大都乖巧聽話嫁?
我覺得小一比較少同學仔會自動自覺
你女女好叻女好乖呀 (emoji)(emoji)(emoji)(emoji)(emoji)(emoji)

我仔啲字好核突
我唔會擦佢
不過會問佢自己想唔想擦
我覺得佢係貪玩
如唔唔睇佢功課
佢會自我感覺良好咁覺得冇問題 (emoji)(emoji)(emoji)
不過我同意生平衡好緊要
所以每日認真做功課就當溫左習

作者: kkyoko    時間: 21-12-4 22:50

angelfish228 發表於 21-12-4 22:46
又,每位小朋友對自己要求不同,我女是最近開始有要求,88分會喊,如果小朋友對自己要求還未建立(有些到中 ...

88分會喊  
我仔好中意學習 係唔中意寫好多字
對自己亦都冇乜要求  

作者: angelfish228    時間: 21-12-4 22:59

kkyoko 發表於 21-12-4 22:47
多謝你咁詳細回覆 (emoji)(emoji)‍♀️(emoji)(emoji)‍♀️(emoji)(emoji)‍♀️
你女女係咪由細到大都 ...
女係乖嘅,男仔更要比時間佢成長,佢第二日改正其實知咩事,我女字都肉酸,呢D天生,我唔會blame.,可以提佢,哈哈個字好似好肥呀唔襯呀所以老師要你改!鬧的話,只會越黎越討厭寫字!
作者: kkyoko    時間: 21-12-4 23:03

angelfish228 發表於 21-12-4 22:59
女係乖嘅,男仔更要比時間佢成長,佢第二日改正其實知咩事,我女字都肉酸,呢D天生,我唔會blame.,可以提 ...

明白晒啦,多謝你分享呀

作者: gigayan    時間: 21-12-11 14:12

高小功課唔對啦,錯咗返嚟咪由佢錯,考試測驗仲可以特別留意返呢啲錯題……

講開功課都有樣唔明,阿女現在初中,成日聽佢講有啲同學長期唔交功課,有同學更因為功課欠交問題不停留級,我都唔係好明後生仔諗乜?我哋以前點都會諗盡辦法抄好作好亂寫好都交功課㗎喎…… 因為上中學無父母睇實就唔做?





歡迎光臨 教育王國 (/) Powered by Discuz! X1.5