教育王國

標題: 6年級的學習態度 [打印本頁]

作者: sweetapplebb 時間: 21-9-5 10:31 標題: 6年級的學習態度

我女6年級學習態度好差，剛開學，做功課懶懶閒，做左小小剩低咩都話唔識，根本唔係唔識，係懶得諗，諗住人地俾答案佢。補習社交左錢又唔肯去，浪費幾千元，我真係嘔血

作者: Liuvyn 時間: 21-9-5 17:26

回覆 sweetapplebb 的帖子

佢以前學習態度同成績係點？

作者: chitchitboy 時間: 21-9-5 17:41

回覆 sweetapplebb 的帖子

都想問小五時，她的學習態度怎樣？

作者: busybeebee0713 時間: 21-9-6 16:43

提示: 作者被禁止或刪除內容自動屏蔽

作者: sweetapplebb 時間: 21-9-8 19:10

係呀冇錯，佢真係好被動。例如：食野食完唔會馬上收拾，係要我叫甚至叫幾次先行動已經收埋所有Ipad,剩下電視冇關。放學就一路睇電視一路做功課。
就算唔俾睇電視，佢都可以做其他畫畫，慢慢摸。
阿女唔鐘意數學老師，上課聽唔入耳，數學本身已經唔係好，但沒辦法，老師冇得揀。

作者: boyboobee 時間: 21-9-9 09:02 標題: 回覆樓主:

我個女都係6年級，唔鍾意讀書，唔鍾意做功課，所以六年來都係欠交王。平時更加係完全唔溫習，測考都唔溫，完全唔擔心嗰種，野比大雄亦係我諗起最貼切嘅性格。講長遠影響係冇用嘅，因為將來嘅事唔係呢種性格嘅人會考慮，短期利益先係可能嘅誘因，但亦唔係百份百有效，因為大雄就係咁

，叫做引到佢做幾多就幾多，好過冇啫。

作者: Azzurro 時間: 21-9-9 11:38

有冇考慮拋棄電視機？
其實電視機主要用家係家長，而唔係小孩
家長願意改變的話，能夠幫助小孩不少
我身邊很多人都冇電視機了

作者: Chanyeeson 時間: 21-9-9 13:27 標題: 回覆樓主:

好奇樓主小朋友讀觀塘邊間小學?

作者: bananaGi 時間: 21-9-9 15:03

boyboobee 發表於 21-9-9 09:02
我個女都係6年級，唔鍾意讀書，唔鍾意做功課，所以六年來都係欠交王。平時更加係完全唔溫習，測考都唔溫， ...

已放棄? 搵其他出路?

作者: sweetapplebb 時間: 21-9-9 18:53

回覆 Azzurro 的帖子

最衰我老公唔合作唔理個女，自己收工就睇電視或打遊戲機。功課乜野都係我跟進。

作者: sweetapplebb 時間: 21-9-9 18:59

回覆 boyboobee 的帖子

我女女唔敢欠交功課，一至五年級都拎交齊功課金獎，操行甲+。三年級考全班第2名。自從四年級課程開始深左，同遇上疫情，長時間在家上網課懶左，我番PT,都有幾個鐘唔係屋企理佢，冇王管。最主要係做功課慢，做事唔積極，讀書唔勤力，唔肯補習。

作者: boyboobee 時間: 21-9-10 03:23

bananaGi 發表於 21-9-9 15:03
已放棄? 搵其他出路?

當然唔會放棄，佢學乜都好快，只係冇興趣就唔做，即係冇動力，咪搵動力囉，獎罰嗰啲對佢已經冇用，只好我繼續去搵答案，不過未搵到

作者: 964000 時間: 21-9-10 06:59

boyboobee 發表於 21-9-10 03:23
當然唔會放棄，佢學乜都好快，只係冇興趣就唔做，即係冇動力，咪搵動力囉，獎罰嗰啲對佢已經冇用，只好我 ...

有D聰明甚至資優的小朋友，反而會怕悶怕重覆，但又怕失敗低服從，變成低動力最後低成就，賞罰對呢啲小朋友作用不大，佢哋睇穿哂。

作者: 3Meowshome 時間: 21-9-10 14:34

本帖最後由 3Meowshome 於 21-9-10 14:35 編輯

sweetapplebb 發表於 21-9-5 10:31
我女6年級學習態度好差，剛開學，做功課懶懶閒，做左小小剩低咩都話唔識，根本唔係唔識，係懶得諗，諗住人 ...

Motivated Learners 係學習旅途上的Holy Grail，每個人本來係可以變成Motivated Learners的，但好多時要有因素引發佢地變Motivated Learner。
我細個一舊雲咁的，但Somehow果時母校覺得我係資優，我無遲交過功課，唔係因我有Motivation，而只係有一份Sense Of Responsibility。成績一路都一般。

但我上中學後變全級（可能係全校）睇TV最多時數的一位，中4被編入無望Class，當時的2位老師同偶然找到一本作品令我愛上找知識同讀書，至有轉變的。

要幫小朋友，可能先要找到遲交，唔想做的原因。要找到令佢變Motivated Learner的Trigger未必係一時三刻，可先從教導佢要有Sense Of Responsibility開始。

最近看一本童書，入面有一句我印象好深： There are no rules here, just consequences. 試吓不幫他一次，由他面對後果一次，可能會有轉變。當日母校把我放入無望Class就係令我面對Consequence，再Trigger左我的成長。

作者: 964000 時間: 21-9-17 12:05

3Meowshome 發表於 21-9-10 14:34
Motivated Learners 係學習旅途上的Holy Grail，每個人本來係可以變成Motivated Learners的，但好多時要 ...

本帖最後由 964000 於 21-9-18 18:00 編輯

同意，培養內在動機最重要，我女學校唔交功課冇特別罰亦冇寫手冊，交齊又唔會獎，但佢地大部份人都交齊的，有以下原因：

1.首先功課量合理，功課量不多，有幾天至一星期自己安排時間做，功課亦不要太重覆沉悶。

2.比番個自主權小朋友，有人問老師功課是否一定要交，老師答「如果你有困難可以告訴我，我會教番你；如果係太忙做唔切，亦可以告訴我下星期才交（每科一星期一份），但到時你就會有兩份功課，要預更多時間做」。小朋友覺得受體諒和尊重，度過通常會選擇準時交。

3.小朋友上學開心，多朋友，喜歡學校和老師，老師叫佢做的事自然會比較上心。

歡迎光臨教育王國 (/)