教育王國
標題: 用家分享-APS 九宣小 [打印本頁]
作者: manutd71 時間: 21-8-27 19:08 標題: 用家分享-APS 九宣小
我仔當年都係waiting筆試考入去。仔話份卷其實唔難佢好快做完,中間老師會逐個叫出去傾吓計,問吓佢家庭狀況咁。我相信嗰份卷每年都會重用,因為後來有份功課係同嗰份卷係一模一樣(我仔講)我見都係單位加減數寫中英文生字咁⋯幼稚園一定學過晒。
以下係用chur既程度去逐科解構:
音樂:未返學就會叫你選樂器,最終學校音樂老師會決定你學邊一樣。有弦樂、管樂同敲擊樂選擇。似乎係根據你身高手指長短等等決定。學校會安排導師比你學,學校會強烈建議用返學校嘅指定導師,佢哋通常都係演奏級。大部份讀完小一嘅同學都會入到初級樂團(導師係咁同我講)
音樂科主任會勁叫人盡快考晒五六級樂器!!
會出通告叫你地參加形形色色嘅音樂節比賽。
要考試,用樂器玩一首歌,弦樂係咁其他類型唔清楚。
數學:會教快半個學期,因為小一已經買埋二上嘅書。測驗考試會有10分8分嘅挑戰題係書冇教嘅,堅難既,睇明題目都要幾分鐘。
會出通告叫你地參加校外有認授性嘅數學比賽。有得獎既畢業禮會頒發。
英文:有教科書,但主力教學校自己出嘅workbook。要串/識好多生字但常用既,例如十幾種衣服款式嘅生字,教你看圖作文點樣豐富你哋寫法。有unseen dictation。有Phonics堂,據講係用能力分班上,能力低嘅會有外籍老師教。
考試會有Listening同Oral。
中文:正正常常,鼓勵做閱讀報告,應該一年要做十幾本,但因為疫情做少咗。有普通話堂要考試但唔難。
考試會有Listening同Oral。
常識/科學/電腦:有機會用英文上堂。
視藝:應該係最開心,TA教唔太理秩序,傾偈玩呀自己幾個朋友坐埋一枱。
體育:因為疫情都冇咩點上堂,要做簡單文字報告。聽聞以前係行去牛津道上堂。
小一完咗有得參加校隊選拔,基本上主流嘅球類、田徑同游泳都有男女子校隊,入選嘅有暑期訓練班參加,由專業嘅體育會教練訓練。大部份要自費嘅。
其他:有教導家長點樣養育小朋友嘅講座。來唔時有通告叫你買教育商品,買唔買自己決定,始終係私校嘛。
個人覺得早熟、獨立既小朋友會讀得輕鬆D。其實好多宣幼直升上去都讀得好好,好多地區名校比九宣仲谷/深好多。雖然面試筆試冇考體育,但目測好多小一仔本身都有唔錯嘅體育底,如果係鍾意玩運動都幾適合。
作者: waymon 時間: 21-8-27 19:32
宣小無得頂,起級好學校
作者: lflxl 時間: 21-8-27 20:40
好搞笑 竟然音樂科仲chur過主科
作者: manutd71 時間: 21-8-27 22:36
lflxl 發表於 21-8-27 20:40
好搞笑 竟然音樂科仲chur過主科
純對係,樂器導師會俾壓力你。但係原來小朋友其實冇咩天份都可以玩到樂器,成功感好大。
作者: miffyian 時間: 21-8-27 22:48
本帖最後由 miffyian 於 21-8-29 01:26 編輯
Deleted
作者: lflxl 時間: 21-8-27 23:24
manutd71 發表於 21-8-27 22:36
純對係,樂器導師會俾壓力你。但係原來小朋友其實冇咩天份都可以玩到樂器,成功感好大。
...
其實係㗎 真正極有天份極無天份只佔好少 大部分人有機會學習同推動下 冇嘢係冇可能
作者: hkpapa852 時間: 21-8-28 09:30
manutd71 發表於 21-8-27 19:08
我仔當年都係waiting筆試考入去。仔話份卷其實唔難佢好快做完,中間老師會逐個叫出去傾吓計,問吓佢家庭狀 ...
內容大致上無commnets,但呢句呢:
好多地區名校比九宣仲谷/深好多
脫離現實得好緊要下
作者: miumiu114 時間: 21-8-28 11:05 標題: 回覆樓主:
本帖最後由 miumiu114 於 21-8-28 11:06 編輯
如果講緊初小,其實真係唔算谷/深
作者: holokhang 時間: 21-8-28 14:02
hkpapa852 發表於 21-8-28 09:30
內容大致上無commnets,但呢句呢:
好多地區名校比九宣仲谷/深好多
願聞其詳
點樣脫離現實?
作者: Poon509702 時間: 21-8-28 14:59
manutd71 發表於 21-8-27 19:08
我仔當年都係waiting筆試考入去。仔話份卷其實唔難佢好快做完,中間老師會逐個叫出去傾吓計,問吓佢家庭狀 ...
想請問小一第三學段音樂科考試考樂器係考咩樂器
作者: manutd71 時間: 21-8-28 17:18
Poon509702 發表於 21-8-28 14:59
想請問小一第三學段音樂科考試考樂器係考咩樂器
小朋友學開咩樂器就考果樣囉。講得出第三學段應該都係用家吧。
作者: hkpapa852 時間: 21-8-28 17:28
holokhang 發表於 21-8-28 14:02
願聞其詳
點樣脫離現實?
地區名校,基本上都係依書直教,最多係英文同數學教快半年左右。
Unseen 默書,基本上小二先會見到
對學術上既要求,官津小學邊有可能高得過APS?
作者: Poon509702 時間: 21-8-28 18:36
回覆 manutd71 的帖子
今年升小一如果學開鋼琴
冇學其他樂器
可否第三學段用鋼琴考
謝
作者: manutd71 時間: 21-8-29 00:11
hkpapa852 發表於 21-8-28 17:28
地區名校,基本上都係依書直教,最多係英文同數學教快半年左右。
Unseen 默書,基本上小二先會見到
某間迫到女學生跳樓的新界名校,小一都有unseen,平日功課好多抄寫。
作者: BERNICEJUNE 時間: 21-8-29 00:34
manutd71 發表於 21-8-29 00:11
某間迫到女學生跳樓的新界名校,小一都有unseen,平日功課好多抄寫。
點解今時今日仲有家長會認為多功課就代表谷呢?!
宣小教淺考深,小一仍算係蜜月期,遲d就會知。
作者: Dordormummum 時間: 21-8-29 10:37
我幾buy wor咁
因為學校有曬plan 幾時考咩 幾時比賽咩
作者: Raccch 時間: 21-8-29 14:24 標題: 回覆樓主:
今個暑假剛剛見返阿女以前幼稚園同學,依家佢係APS準備升高小,佢媽媽都話功課唔多程度適中。暫時只有級頭三名先知名次,音樂考級比隔離另一九龍塘私小的同學仔快咗一年左右。我覺得佢讀得開心同輕鬆,家長壓力都不算大。
作者: manutd71 時間: 21-8-29 22:19
Poon509702 發表於 21-8-28 18:36
回覆 manutd71 的帖子
今年升小一如果學開鋼琴
冇聽過話可用鋼琴考試,只有弦,管同敲三賞。
作者: manutd71 時間: 21-8-29 22:23
BERNICEJUNE 發表於 21-8-29 00:34
點解今時今日仲有家長會認為多功課就代表谷呢?!
宣小教淺考深,小一仍算係蜜月期,遲d就會知。
...
如果你係高小用家,歡迎分享
作者: fufu17 時間: 21-8-30 15:10
宣小P1-P3唔算谷. 好多時間可用來玩體藝.P1-P2, 從考試範圍, 絕對比SFA, HY, 一些一線津校小.
沒什麼抄寫功課
不過高小是深. 若小朋友可handle 到, 絕對是叻仔叻女.
no pain no gain. 若有這麼好的升中成績, 就要有相對的付出.
作者: Amandamamachan 時間: 21-8-30 19:43
manutd71 發表於 21-8-27 19:08
我仔當年都係waiting筆試考入去。仔話份卷其實唔難佢好快做完,中間老師會逐個叫出去傾吓計,問吓佢家庭狀 ...
想問學樂器係音樂堂上,還是自己約導師上堂?
作者: Raleigh 時間: 21-8-31 23:57
Amandamamachan 發表於 21-8-30 19:43
想問學樂器係音樂堂上,還是自己約導師上堂?
自己約導師上,小一多以小組形式上(3-4)個左右,小二開始可以同導師商量單對單
作者: waihk 時間: 21-9-1 17:02
本帖最後由 waihk 於 21-9-3 10:47 編輯
Raleigh 發表於 21-8-31 23:57
自己約導師上,小一多以小組形式上(3-4)個左右,小二開始可以同導師商量單對單
...
請問音樂導師學費大概幾多錢? THANKS
作者: dupbuu 時間: 21-9-1 19:28
請問下有無人知九宣嘅女子籃球練得多唔多?同埋多唔多比賽?
作者: manutd71 時間: 21-9-1 19:44
Raleigh 發表於 21-8-31 23:57
自己約導師上,小一多以小組形式上(3-4)個左右,小二開始可以同導師商量單對單
...
舊年疫情下學期已經要1-1又不能回學校練。
作者: mountains 時間: 21-9-2 18:20
我都係用家,我覺得宣小的小朋友係真心叻嘅。
作者: Raleigh 時間: 21-9-5 11:02
waihk 發表於 21-9-1 17:02
請問音樂導師學費大概幾多錢? THANKS
睇你學咩樂器,$400-$600半小時都有,通常初1-5級上半小時就夠!啲導師師資好高
作者: Raleigh 時間: 21-9-5 11:07
dupbuu 發表於 21-9-1 19:28
請問下有無人知九宣嘅女子籃球練得多唔多?同埋多唔多比賽?
未有疫情都好多練習同比賽!疫情就差唔多停頓了!校隊練習每星期都要出去出面啲體育館練習,有請出面啲教練陪訓!有好多比賽參加!所以一定要有心理準備會用好多時間接送!不過啲小朋友係開心練習
作者: 義氣仔女 時間: 21-9-6 13:49 標題: 回覆樓主:
我2個小朋友喺宣小畢業左已經幾年,當年仲係舊校長,對樓主解構宣小既狀況,我以當年用家身份去回應,部份岩,部份唔認同,宣小係重視音樂,但我從來唔覺校方有迫同學盡考哂五六級樂器,其實學校唔會理學生考到幾多級,你鍾意報比學校咪報囉,唔報既話,學校唔會理你考到幾多級,至於形形色色既音樂比賽,除左校際音樂節,我記得我無收過校方通知有那些音樂比賽
學業方面,我只可以概括講,能力好跟得上既同學,就唔會覺得谷,相反,平庸d既同學,係會覺得有點谷
作者: manutd71 時間: 21-9-6 20:16
義氣仔女 發表於 21-9-6 13:49
我2個小朋友喺宣小畢業左已經幾年,當年仲係舊校長,對樓主解構宣小既狀況,我以當年用家身份去回應,部份 ...
感謝長期用家分享(emoji)(emoji)每個小朋友能力不同所以感受也未必相同。
音樂方面,因為舊年科主任有個講座出晒powerpoint話幾多年級應該考到咩級,所以比較深印象。當然冇考/考唔到學校都管唔到,音樂呈分佔小部份。
作者: vpo0615 時間: 21-9-7 11:49
係, 我對嗰個powerpoint都好深印象...
我個小朋友係小二插入去, 所以係小二先開始學樂器(本身學開鋼琴), 自知唔會跟得到呢個powerpoint, 所以自問盡咗力就算.
作者: fufu17 時間: 21-9-7 12:01
畢業前考完8級的大有人在, 中途放棄亦有, 老師唔會管亦唔會問. 只是學校提供了好師資, 好環境, 從而令小朋友音樂有好成績. 你選擇玩運動或只讀書. 無人會比壓力你.
不過到你搵中學時, 你便知小朋友有無體藝在手的分別有幾大.
為何90%畢業生入BAND 1, 頭50可 入神學是有原因的
作者: hkpapa852 時間: 21-9-7 12:13
manutd71 發表於 21-9-6 20:16
感謝長期用家分享(emoji)(emoji)每個小朋友能力不同所以感受也未必相同。
音樂方面,因為舊年科主任有個 ...
唔好睇小音樂同視藝兩科係呈分既影響
作者: dupbu 時間: 21-9-7 12:54
本帖最後由 dupbu 於 21-9-7 12:56 編輯
想問下如果小朋友喺出面已經學緊小提琴,唔跟學校學會唔會影響入樂團嘅機會?同埋係咪一樣樂器就足夠?
作者: fufu17 時間: 21-9-7 17:13
dupbu 發表於 21-9-7 12:54
想問下如果小朋友喺出面已經學緊小提琴,唔跟學校學會唔會影響入樂團嘅機會?同埋係咪一樣樂器就足夠? ...
無影響入樂團嘅機會. 基本上你想入樂團, 就會入到, 只不過是高中初團的分別.不過小朋友一起跟學校推薦的老師學track record 係好些. 坦白講有幾多小朋友有音樂天份和願意自動自覺學樂器. 一起學會有個伴, 小朋友見到隔離同學做到, 自己都有動力做些. 現在團體賽停晒. 否則大家同一個老師, 玩團體賽些老師在訓練上安排容易些.
宣小學生音樂水平高絕不是因為學生是音樂奇才, 只是學校音樂學習氣氛濃厚, 從小接觸高水平的音樂, 人玩我玩的心態, 樂團每年有在校在外表演機會, 願意玩樂器樂團, 音樂都不會是太差. 當然唔係個個玩樂器, 有人轉玩運動.
一樣樂器能夠專已很好. 學校除了小一時科主任推一推, 其他時候學校無人理過小朋友學成點. 始終讀好書最緊要.
歡迎光臨 教育王國 (/) |
Powered by Discuz! X1.5 |