教育王國

標題: 德國 [打印本頁]

作者: JoJobama 時間: 21-8-11 13:29 標題: 德國

請教如大學修讀英國文學. 是否好難在德國搵工作, 因見教育展多數係理科. Thanks

作者: Sylvan 時間: 21-9-1 10:17

回覆 JoJobama 的帖子

德國的工程系出名，但歷史和神學也很強，另外有音樂學院。
至於讀英國文學，對在德國找工作有沒有幫助呢…我會說沒有優勢。若從事IT行業，不會德文也會被聘用，其他則需要有一定德語能力。
若找到工作或內部調任，可以工簽來德國（2019年取消了以前的限制，工簽較易拿到），但多數都期望你懂德文，或來到要學德文。再者留在德國4年可轉永居, 也必須有B1德文程度。

德國是一個非英語國家，德語有著非常重要的地位，所以英語沒有為你在德國工作帶來絕對優勢。

作者: 王家爸爸 時間: 21-9-1 10:29

JoJobama 發表於 21-8-11 13:29
請教如大學修讀英國文學. 是否好難在德國搵工作, 因見教育展多數係理科. Thanks
...

睇你點樣定義「是否好難在德國搵工作」，你讀英國文學，如果讀得好，喺德國教英文都搵到食。德國人多數都識得講英文，但係唔係講得好，所以讀英國文學，一樣有好出路。當然前題係讀得好，讀得精。

作者: JoJobama 時間: 21-10-29 13:43

王家爸爸發表於 21-9-1 10:29
睇你點樣定義「是否好難在德國搵工作」，你讀英國文學，如果讀得好，喺德國教英文都搵到食。德國人多數都識 ...

多謝! 因一直睇教育系- 以為德國只能用德語. 另請教如在英國讀教育PGCE , 容易在當地搵工嗎? 因香港PGDE 是否不成認. Thanks

作者: Zsokol 時間: 21-10-29 15:30

本帖最後由 Zsokol 於 21-10-29 15:32 編輯

王家爸爸發表於 21-9-1 10:29
睇你點樣定義「是否好難在德國搵工作」，你讀英國文學，如果讀得好，喺德國教英文都搵到食。德國人多數都識 ...

德國人吾會同你講英文的.

作者: 王家爸爸 時間: 21-10-29 17:52

JoJobama 發表於 21-10-29 13:43
多謝! 因一直睇教育系- 以為德國只能用德語. 另請教如在英國讀教育PGCE , 容易在當地搵工嗎? 因香港PGDE 是 ...

德國既商學院無要求你識德文，英文要求亦比英國低，即使係比較出名既 Mannheim Business School 都係要求 IELTS 7.0。
https://www.mannheim-business-school.com/en/mba-master-and-courses/mba-programs/mannheim-full-time-mba/admissions/

作者: Sylvan 時間: 21-11-3 00:53

回覆 Zsokol 的帖子

睇下邊個地方
柏林普遍都識英語，但未必講得好，尋日喺動物園，要搵人求助，個職員只能用最簡單英語，而佢會因為英語不佳而表示歉意。

至於我住嘅城市，部份鐵路服務員識英文，其他就識都唔願講，政府部門亦一樣識都唔會講。我讀嘅院校，亦唔喺每個老師都講流利英語，有d根本唔識講。我小朋友讀書嘅學校，班主任識講，但唔流利，其他老師/導師亦唔會就佢。

在地朋友住嘅地方，更加無人會講英文。

作者: Zsokol 時間: 21-11-3 12:03

Sylvan 發表於 21-11-3 00:53
回覆 Zsokol 的帖子

睇下邊個地方

唔好再講話吾會啦, 唔係又會比人笑你啦...

作者: Sylvan 時間: 21-11-3 17:31

回覆 Zsokol 的帖子

俾人笑無所謂，反映在地真實情況，人地先可以做正確選擇
btw, 我朋友喺另一大城市工作，剛剛先投訴緊d人唔講英文...

作者: Zsokol 時間: 21-11-4 14:05

Sylvan 發表於 21-11-3 17:31
回覆 Zsokol 的帖子

俾人笑無所謂，反映在地真實情況，人地先可以做正確選擇

你是移民去德國..? 德文都幾難上口.

作者: Sylvan 時間: 21-11-4 18:33

回覆 Zsokol 的帖子

係呀...不過因為我讀嗰科，德國喺發源地，又有學校收左我小朋友讀書，本來唔識德文都要去
至於德文難學呢個問題呢…我覺得中文咁難都學識，無理由學唔識德文嘅，再者如果小朋友上intensive 7個月有B1左右，我最多學得慢d, 或者讀完書上intensive。而家最大問題係，我識少少德文，搵唔到實習工作...

歡迎光臨教育王國 (/)