教育王國
標題: 培僑幼稚園升培僑書院（真實用家，長文慎入） [打印本頁]
作者: KCH_0615 時間: 21-8-10 15:30 標題: 培僑幼稚園升培僑書院（真實用家，長文慎入）
在入讀這間幼兒園之前，在網上看到的評語都是負面的，但要自己親身感受才會知道誰是誰非，但當感受過後，只可以說沒有最差，只有更差……我本人十分後悔為小朋友轉校，因為有能力的人根本不需要入讀這間幼兒園，也可以考獲培橋書院。
相信家長們入讀這間幼兒園是希望能透過首20%直上小學和保證能夠進入第二輪面試而心動。入讀後，當你的小朋友能夠有小學的Offer，當然是皆大歡喜，亦會覺得校方全力support，但我認為第一屆畢業生(大部分K3插班生）並不是學校提供的資源和學習環境得來的成果，而是各家長和小朋友在家努力的好結果。能夠順利入讀的我不再多說，說說不能入讀的大多數是如何支援…
校方從不會採取主動措施去幫助升小的家長和小朋友，當你不幸得知小朋友只落入waiting list，你可以主動預約S校長。S校長會問有冇其他直資，私立學校有offer（當中有提及近百年歷史及一些近年極受家長歡迎的熱門小學），S校長竟然反問這些學校在什麼地區？出唔出名？在一所幼營幼稚園任職的S校長竟然會問出這些毫無質素的問題，我認為是不能夠接受（根本就完全唔熟悉直私小學）。 當家長主動提出問S校長有沒有一些私立或直資的小學可以推薦小朋友入讀？S校長有說出兩間(其中一間：啟X小學「全年收生」，另一間:優x書院「但其實S校長還未認識優x的校長，只是將來會透過一個中間人準備去認識優x校長」，聽得我汗流浹背。直私講完，講下津小…
座落91校網（17間津小）的培僑幼稚園，當家長講出心儀既津小，S校長竟然話從未聽過（其實會唔會做下功課，背下啲小學名先去安排見家長呢？）未聽過都算啦.. 之後S校長竟然主動出擊，問家長對沙呂小有冇興趣，（終於望到署光）興奮咁答：「當然有興趣啦！」，最後得到的回覆係：「我認識的係前校長，就係因遊學團而離任的那位，所以現在冇能力推薦。」（點解當初你要主動比希望我）
之後，又再主動提出大埔（84）校網的津小，當有多於一位家長對大埔舊墟的小學有興趣，S校長又話只能夠推薦一位學生（我究竟聽咗啲乜？）
在這個傾談的過程，我深深感受到S校長的無能、無知和將自己弱點表露無瑕的人，簡直浪費家長們的寶貴時間。
小朋友沒有心儀直資小學的Offer，就會參加政府津貼學校的大抽獎，當大抽獎結果公佈後，校方從來沒有關心過小朋友的抽籤結果。這刻家長們如果派到心儀津貼小學就可放下心頭大石，如果派不到心儀小學，家長必定會尋求校方的幫助，這時，S校長話不會為小朋友寫任何一封推薦信，小朋友只好靠自己的能力去叩門。
S校長亦曾經承諾家長，如果有培幼生放棄培僑書院的Offer，會以一換一形式補上學位，另外，如果校內成績優異（只是面試失準），亦會幫忙爭取學位。最後，S校長根本說的是做不到的承諾，完全是敷衍家長的說話。（有培幼學生放棄學位，但絕對沒有一換一！小朋友校內成績優異，亦拿了學校頒發的學業優異獎，但由始至終都係冇Offer）
而行政方面十分混亂，校務處職員態度差，通告內容改完又改，完全冇系統。而老師經常請假，不會有代課老師，只安排小朋友自修。S校長那副高傲自大的咀臉，簡直令人嘔心。
作者: harryporter1108 時間: 21-8-10 17:21 標題: 回覆樓主:
咁想問下培僑書院好唔好?
作者: happy2115 時間: 21-8-10 17:40
本身係邊間轉去培幼？咁最後抽到心水學校嗎？
作者: Sing13 時間: 21-8-10 17:49
提示: 作者被禁止或刪除 內容自動屏蔽
作者: happy2115 時間: 21-8-10 17:53
培橋舊年zoom in 考既題目都唔淺，如果有三私一直既其中一offer又未必會take 佢
作者: alibabah 時間: 21-8-10 18:04
幼稚園校長幫學生叩門好重要的！ 我當年收到樂基幼稚園校長的推薦信，寫得好好，好tailor made! 好窩心！
作者: 2manman 時間: 21-8-10 18:34
Sing13 發表於 21-8-10 17:49 
首20%直上小學，真是唔容易.
結果大家都是要憑學術.
相反，有培僑offer既，估計好多人都有三私一直一個或多 ...
請問三私一直即係邊啲學校？
20%可以直上都係一個insurance ? 60個計，你嘅直接競爭對手係48個，點樣都好過2000個(emoji) 對予培僑志在必得者，都係吸引！
作者: happy2115 時間: 21-8-10 18:51
2manman 發表於 21-8-10 18:34
請問三私一直即係邊啲學校？
20%可以直上都係一個insurance ? 60個計，你嘅直接競爭對手係48個，點樣都好 ...
三私APS, SFA, KTS
一直TSL
今年好特別，SFA早排仲call緊rejected 既去面試
作者: yip91188 時間: 21-8-10 18:51
嘩, 就咁睇呢間幼稚園嘅校長都真係幾差吸。好少幼稚園校長對直資私立/ 津小嘅小學認知水平咁低
不過話時話, 呢間幼稚園出名行政混亂,老師失率極高。
佢好似今年先改咗名叫做培僑幼稚園 ??
之前好似叫做培榛幼稚園??
係網上都搵到好多佢嘅負面消息。
作者: keechoi 時間: 21-8-10 21:50
KCH_0615 發表於 21-8-10 15:30
在入讀這間幼兒園之前，在網上看到的評語都是負面的，但要自己親身感受才會知道誰是誰非，但當感受過後，只 ...
那最後真系有20%學生收到PK offer?
作者: KCH_0615 時間: 21-8-10 21:53
harryporter1108 發表於 21-8-10 17:21
咁想問下培僑書院好唔好?
吸引是一條龍小學，但要留意辦學團體
作者: KCH_0615 時間: 21-8-10 21:54
keechoi 發表於 21-8-10 21:50
那最後真系有20%學生收到PK offer?
本帖最後由 KCH_0615 於 21-8-10 22:30 編輯
是的，入讀幼稚園就係保證有20%直上小學！但心水清的家長就會知道，能夠考入培僑書院的頭20%幼稚園生，必定手上有更多的Offer，因為小朋友根本學術能力高面試表現好，所以有機會放棄培僑學位
重點：小學部承諾收的20%已經收咗，只係家長自動放棄學位，但唔會因為培幼生放棄學位而call培幼生waiting補上，照樣on waiting list排序call 校外生
作者: KCH_0615 時間: 21-8-10 21:57 標題: 回覆樓主：
本帖最後由 KCH_0615 於 21-8-10 22:26 編輯
心水清的家長就會知道，能夠考入培僑書院的頭20%幼稚園生，必定手上有更多的Offer，因為小朋友根本學術能力高面試表現好，所以有機會放棄培僑學位
重點：小學部承諾收的20%已經收咗，只係家長自動放棄學位，但唔會因為培幼生放棄學位而call培幼生waiting補上，照樣on waiting list排序call 校外生
作者: music555 時間: 21-8-10 22:01
回覆 KCH_0615 的帖子
我哋都讀培幼，課程真係好差，教得唔好，無愛心小朋友成日聽倒老師不停鬧人。
老師經常請假，又冇代課老師。
英文真係慘過讀津校，程度淺
學校一路返，一路都無改進，只有憤怒失望。
大家都想升培僑小學，所以敢怒不敢言
多謝呢位家長講出我哋心声
作者: KCH_0615 時間: 21-8-10 22:41
課程根本無規劃，又冇連貫性，學完都唔會有深記憶，英文課程完全唔知教過啲咩！
老師無愛心，不停鬧人係因為上樑不正下樑歪，個校長毫不吝嗇喺家長面前鬧老師鬧小朋友，間學校又點會有愛心呀！
我好認同你所說的大家因為想升培僑小學而啞忍，足足忍咗一年唔使再忍啦
作者: happy2115 時間: 21-8-10 22:42
好慘，但學校課程對外面學校叩門有無幫助？一般私幼都會有支援去幫學生點樣出去面試，學生考到咩學校直接影響到佢學校既口碑
作者: KCH_0615 時間: 21-8-10 22:42
music555 發表於 21-8-10 22:01
回覆 KCH_0615 的帖子
我哋都讀培幼，課程真係好差，教得唔好，無愛心小朋友成日聽倒老師不停鬧人。
本帖最後由 KCH_0615 於 21-8-10 23:08 編輯
課程根本無規劃，又冇連貫性，學完都唔會有深記憶，英文課程完全唔知教過啲咩！
老師無愛心，不停鬧人係因為上樑不正下樑歪，個校長毫不吝嗇喺家長面前鬧老師鬧小朋友，間學校又點會有愛心呀！
最令我大開眼界的是，模擬小一的課程竟然要家長自費，小朋友先有機會係幼稚園感受下小一的模式，真可悲
我好認同你所說的大家因為想升培僑小學而啞忍，足足忍咗一年唔使再忍啦
作者: tummypooh 時間: 21-8-10 22:47
回覆 KCH_0615 的帖子
調返轉諗，如果頭個批人真係咁勁係出面一定有三私一直，而又好似大家咁講有三私一直一定會放培橋，咁有人放棄係一換一，咁讀培幼都係有SO呀，即係如果你係公海去考培橋，可能第一ROUND已經再見，而家必入第二輪仲有自己人走有優先頂上權。咁當然，問題係前面各點係咪真係成立了。
作者: KCH_0615 時間: 21-8-10 22:49
happy2115 發表於 21-8-10 22:42
好慘，但學校課程對外面學校叩門有無幫助？一般私幼都會有支援去幫學生點樣出去面試，學生考到咩學校直接影 ...
英文程度超級淺，小朋友上咗一年堂，完全唔知學過啲乜！
入唔到培僑書院，唔會有任何支援，唔會寫推薦信，亦從來唔會過問未有Offer的學生，就算在學校門口見到S校長，家長們主動尋求幫助，但S校長一聽到是關於升小一的問題，她會立刻說好忙現在不方便傾談
作者: KCH_0615 時間: 21-8-10 22:56
tummypooh 發表於 21-8-10 22:47
回覆 KCH_0615 的帖子
調返轉諗，如果頭個批人真係咁勁係出面一定有三私一直，而又好似大家咁講有三私一直 ...
必入第2輪面試係優勢，但重點係小學部承諾收的20%已經收咗，只係家長自動放棄學位，但唔會因為培幼生放棄學位而call培幼生waiting補上，照樣on waiting list排序call 校外生
所以小朋友入唔到頭20%的必收生，就真係要靠自己實力希望waiting排得前，同校外生爭崩頭
作者: xubin2008 時間: 21-8-10 23:04
KCH_0615 發表於 21-8-10 22:56
必入第2輪面試係優勢，但重點係小學部承諾收的20%已經收咗，只係家長自動放棄學位，但唔會因為培幼生放棄 ...
作者: KCH_0615 時間: 21-8-10 23:15
xubin2008 發表於 21-8-10 23:04
睇到你嘅post真係嚇親，好同情你，冒昧問一下，你小朋友最後入到邊間小學，你無須講個學校名，淨係大致講下 ...
我十分後悔為我小朋友轉校，明明讀緊一間口碑好，有愛心的幼稚園，但因為自己的自私幫佢轉校！
小朋友亦多次提出唔想番學，為左番學而哭鬧。
我的小朋友有私立，亦叩到區內一線小學！
作者: xubin2008 時間: 21-8-10 23:24
回覆 KCH_0615 的帖子
咁太好啦，別太怨自己，你邊有自私做父母都係為咗個仔女諗，好好enjoy個暑假，9月就係小一新階段啦！
作者: xubin2008 時間: 21-8-10 23:28
回覆 alibabah 的帖子
樂基好好！校長很為小朋友著想，我朋友個仔係度畢業，真係要比學校個👍贊！
作者: happy2115 時間: 21-8-10 23:53
KCH_0615 發表於 21-8-10 23:15
我十分後悔為我小朋友轉校，明明讀緊一間口碑好，有愛心的幼稚園，但因為自己的自私幫佢轉校！
小朋友亦多 ...
好彩有offer, 私校叩門都有，當發個惡夢就算，係浪費左個小朋友返左一年
作者: jennylady 時間: 21-8-11 00:43
其實都好多私幼唔會推墊學生比私校
咁多學生，推墊得邊個？
作者: Sing13 時間: 21-8-11 02:33 標題: 回覆樓主：
提示: 作者被禁止或刪除 內容自動屏蔽
作者: Orhome 時間: 21-8-11 04:29
最震驚係20%呢個比例係低得可憐，樓主轉校前知道呢個比例嗎？因為真係唔值得為呢20%揀佢，而直入第二輪其實都唔係咩優勢。呢壇嘢令人諗起浸幼早兩年都有家長投訴好少人可以上到wkf，一樣係學術淺行政亂，唔知而家咩情況。
作者: WaiCar 時間: 21-8-11 07:58
jennylady 發表於 21-8-11 00:43
其實都好多私幼唔會推墊學生比私校
咁多學生，推墊得邊個？
我的小朋友讀過兩間私幼，兩間私幼校長都十分願意寫推薦信。
（k2打算轉校校長仍然熱心幫忙寫左3封，之後k3嗰間就限每人寫兩封。）
我都好同情樓主，睇完都生氣，希望幼教嗰邊的家長睇到呢個帖，慎選幼稚園。
作者: 964000 時間: 21-8-11 08:21
KCH_0615 發表於 21-8-10 15:30
在入讀這間幼兒園之前，在網上看到的評語都是負面的，但要自己親身感受才會知道誰是誰非，但當感受過後，只 ...
得20%可以升小，少得可憐
校長的對答亦可笑
剛有朋友呢間幼稚園升了入培橋，唔怪之得咁開心
作者: Jean1769 時間: 21-8-11 08:55
Orhome 發表於 21-8-11 04:29
最震驚係20%呢個比例係低得可憐，樓主轉校前知道呢個比例嗎？因為真係唔值得為呢20%揀佢，而直入第二輪其實 ...
同意，20%很少，top 20%都好可能有更好offer,不需要有培僑
作者: 9284 時間: 21-8-11 12:49
alibabah 發表於 21-8-10 18:04
幼稚園校長幫學生叩門好重要的！ 我當年收到樂基幼稚園校長的推薦信，寫得好好，好tailor made! 好窩心！ ...
作者: 巨星雪條 時間: 21-8-11 13:11
music555 發表於 21-8-10 22:01
回覆 KCH_0615 的帖子
我哋都讀培幼，課程真係好差，教得唔好，無愛心小朋友成日聽倒老師不停鬧人。
唔鍾意就轉校，何必講到敢怒不敢言，又唔係必收，大可出出面名幼都可以入到PKC
作者: caoxin412 時間: 21-8-11 13:43
本帖最後由 caoxin412 於 21-9-24 11:21 編輯
。。。。
作者: hfnyd 時間: 21-8-11 13:47
alibabah 發表於 21-8-10 18:04
幼稚園校長幫學生叩門好重要的！ 我當年收到樂基幼稚園校長的推薦信，寫得好好，好tailor made! 好窩心！ ...
非打手, 但相當同意你所說,
我當然不能咬定推薦信對求位作用大不大, 但看得出校長非常有心幫忙撰寫.
作者: music555 時間: 21-8-11 15:15
巨星雪條 發表於 21-8-11 13:11
唔鍾意就轉校，何必講到敢怒不敢言，又唔係必收，大可出出面名幼都可以入到PKC
...
K2k1好多讀緊名校或者系比較好的學校，k3突然間肯轉校，通常我見哥哥姐姐系培小到讀，或者對培小情有獨鍾，系好想入培小先會轉，疫情一路zoom,學校英文堂唱下兩三首兒歌，就一日一堂英文堂完結(emoji)老師連zoom 都唔識用，頭兩個星期上堂拎住張紙系度同你講，真係o曬嘴，重要交5500學費，比d咁嘅質素，一路啞忍，原本以為11月可以面試，咁培僑出Offer就唔讀，點知疫情拖到好後。
簡單來講，好想入培小所以要忍，都洗濕咗個頭，都要等埋個結果先走。
最初聽校長講talk，聽完對呢位校長好反感，如果無培小支持，我諗咁樣做教育，可以88
作者: 巨星雪條 時間: 21-8-11 15:58
music555 發表於 21-8-11 15:15
K2k1好多讀緊名校或者系比較好的學校，k3突然間肯轉校，通常我見哥哥姐姐系培小到讀，或者對培小情有獨鍾 ...
咁你都係有個大嘅讀緊培小先轉去培幼？
作者: ymanling 時間: 21-8-11 16:03
我年零前都有諗過轉去(轉去插K2) , 但in前同in 後都感覺唔好, 好彩唔好彩, 當時佢冇收我個小朋友, 亦令小朋友有機會去左間適合的津幼讀:
1) 佢剛開張冇耐後, 其實我有去過visit, 見到個老師都有禮貌, 但入到國際班既班房望下啲功課, 都係抄寫抄寫同抄寫. 所以冇特別想報名(始終7000蚊一個月)
2) 之後佢同培小結龍, 又再去左interview & open date. Open date 時校長講得好誇張, 問佢有幾多升培小, 佢嗰陣夠膽喺好多家長前話"入得嚟就一定升到, 如果今年升唔到, 可以offer 佢再讀多一年咁就實升到" , 嗰陣心裏已經諗"唔係呀far? 包生仔喎!" 跟住同佢地外籍老師傾, 佢話課程係佢地自己一手創作, 冇reference to 任何本地幼稚園. 但嗰陣諗"都幾好呀, 我都嚮往外國free style teaching, 咁比外國老師創作都幾好, 應該child centre" , 所以就報左名interview
3) interview 時好正, 有一個環節係三/四組家長圍住校長+1老師, 跟住話介紹下學校及問問題。校長基本上冇講過任何自己學校既特點, 反而勁講"我地請左培橋既XX 副校長嚟指導我地", " 我地同培橋既XX 主任合作, 會請佢地話劇組過嚟做星期六話劇班, 學生/ 非學生都可以參加, 好平架咋" , "我地英文課程有培橋既XX 老師睇過...." 令人有啲滴汗(本身校長英文亦唔好, 我家人係外國人, 校長問: 哈哈, 大家想聽英文定中文呢? 有外國人喺度, 其他家長好好, 佢地話"無所謂, 英文都OK", 跟住校長就話" OK 咁我地講中文啦" (我係滴哂汗...咁都得?) (結果佢每講一句我都要即時傳譯)
4) 跟住問問題, 校長問"我都知嚟緊新一年咁多插班生, 小朋友都未必適應, 你地會點幫小朋友呀?" 咁各家長都係答啲model answer, 例如話"多啲同佢傾計呀" , " 鼓勵下" ..... 跟住我家人用英文答, 佢講左兩句都未講完, 校長就插咀打斷, 跟住發表佢既意見" 我覺得學校應該令小朋友學識喺陌生環境生活, 如果小朋友喊我會叫佢唔好喊" .... (又係滴哂汗)
5) 最後, 問返小朋友, 佢話面試時老師叫佢畫畫, 但小朋友冇跟指示畫左其他嘢, 佢地唔比, 跟住話佢畫錯. 小朋友介意左一陣子, 逢親經過間幼稚園都話"老師話我錯" ......
總括而言: 好彩冇入到
作者: 131486 時間: 21-8-11 16:03 標題: 回覆樓主:
我家有2位小朋友都是讀培幼，由申請入讀時，校長已經清楚講明只有20%是必入培僑書院，若果落選，只可以說孩子當時表現及能力，並不是培橋書院想要的學生吧。
校長平日好有笑容，小朋友入學門口時叫校長，校長都會甜絲絲回應，所以我家小朋友都好喜歡校長。
而師資更是非常好，我家小朋友英文與普通話進步很多。
學校亦花很多心思在設計活動，有太空主題，小朋友一齊射火箭，復活節有找復活蛋，等等，每次生日會都有主題，小朋友們都很喜歡返學，放假亦會想盡快返學。
作者: music555 時間: 21-8-11 16:32
巨星雪條 發表於 21-8-11 15:58
咁你都係有個大嘅讀緊培小先轉去培幼？
因为国民教育理念，所以想入培小
作者: Charlotte_mom 時間: 21-8-11 21:36
本帖最後由 Charlotte_mom 於 25-6-9 21:44 編輯
Delete
作者: tummypooh 時間: 21-8-11 21:51
睇黎培幼只係同PKC有少許關係，未到親生仔的地步。睇係PKC一係全面接收，一係就丟左佢算。
作者: KCH_0615 時間: 21-8-12 00:08
Charlotte_mom 發表於 21-8-11 21:36
「小朋友校內成績優異，亦拿了學校頒發的學業優異獎」但不是top 20%? 咁究竟幾多%人有學業優異獎？
...
Top 20%是看面試表現，與校內成績沒有關係
作者: 131486 時間: 21-8-12 09:53
KCH_0615 發表於 21-8-12 00:08
Top 20%是看面試表現，與校內成績沒有關係
今年可以升培僑的學生已經超過一半，校長已經盡力了，只可以講小朋友當時表現及能力，並不是培僑想要的學生吧
作者: KCH_0615 時間: 21-8-12 16:07
131486 發表於 21-8-12 09:53
今年可以升培僑的學生已經超過一半，校長已經盡力了，只可以講小朋友當時表現及能力，並不是培僑想要的學 ...
明白每間學生收生準則都不一樣，亦相信每一位小朋友都有值得欣賞的地方。
文中亦有提及大家既然選擇讀培幼，如果能夠入讀培橋書院，必定是皆大歡喜。但事實上，確實有一班小朋友未能升讀培僑書院，而當中 學校或校長的處事態度的確如此。
可能你的小朋友能夠順利升讀，作為家長又點會有機會親身感受這一個過程呢？（因為有offer在手，根本不需要約見校長和參加大抽獎）
相反作為校方，應該感謝你的小朋友能夠順利升讀，咁先可以增加家長對學校的信心，又點會對你冷言冷語呢？
作者: shunmommy 時間: 21-8-12 19:05
同情樓主嘅遭遇，所幸係我小朋友仲細可以及早跳船。
我想講S校長完全缺乏教育工作者（唔好話校長）嘅氣質，感覺唯利是圖，同家長講嘢最中意開空頭支票，呢間如果唔係同pkc結成咗connection, 只係一間中低水準嘅私幼。
舊年校服已經搞到一鑊粥，仲要爭我其中一件，到退學嗰一刻都話冇貨。
另外之前Zoom已經冇expect有D好高質嘅內容，但有幾次竟然因老師要頂替其他老師or whatever reason, 連短短20分鐘嘅online class都取消。
其實間嘢已經唔算新，開咗都有三、四年，唔明點解仲容許各種混亂繼續發生，但最唔明係培僑點解咁冇眼光搵呢間野結龍
作者: music555 時間: 21-8-12 20:01
今屆k3收超過8成插班生，呢一屆培小收得多系正常，系其他名校轉過來。唔係校長盡力幫忙。校長完全唔知道培僑小學嘅任何call waiting嘅資料和時間。所以當你着急嘅時候問，校長話暫時唔call,點知培小聽日就call。為校長護航的，祝你哋畢業時有offer，唔使睇佢面色
作者: 2manman 時間: 21-8-14 09:48
music555 發表於 21-8-12 20:01
今屆k3收超過8成插班生，呢一屆培小收得多系正常，系其他名校轉過來。唔係校長盡力幫忙。校長完全唔知道培 ...
收8成(emoji)原來D學生去邊度？
作者: music555 時間: 21-8-16 00:27
2manman 發表於 21-8-14 09:48
收8成(emoji)原來D學生去邊度？
原本一級系未夠十個同學
作者: 2manman 時間: 21-8-17 08:44
music555 發表於 21-8-16 00:27
原本一級系未夠十個同學
原來咁少人！
作者: hellofairy 時間: 21-8-17 21:44 標題: 回覆樓主：
本帖最後由 hellofairy 於 21-8-17 21:45 編輯
呢間學校創校時我有去聽過佢個talk,當年個talk係pkc到搞，個創校校監咪就係創PKC個校監囉，個時聽佢個talk,已經令我驚為天人，校長同校監好讚成小朋友am pm讀兩間學校，話可以互補不足個類喎，聽到我呢...最後有offer比我，但個牌一直未批，之後批左成年都未得，開住playgroup先，叫我陪我小朋友日日一齊返學，但學費雜費全部收足.....
問親老師，老師都會話直上pkc無問題...個時學校仲未改名叫培幼的
作者: 2manman 時間: 21-8-18 13:23
我記得之前聽講過有8成入到pkc！以為其他兩成有更好選擇不足為奇
作者: gomapi 時間: 21-8-18 16:53
hellofairy 發表於 21-8-17 21:44
呢間學校創校時我有去聽過佢個talk,當年個talk係pkc到搞，個創校校監咪就係創PKC個校監囉，個時聽佢個talk, ...
我應該當是同你同一場講座, 亦因為哩句說話, 我無報當時既培榛
作者: lemongrass927 時間: 21-8-18 19:38
gomapi 發表於 21-8-18 16:53
我應該當是同你同一場講座, 亦因為哩句說話, 我無報當時既培榛
...
好記得個校長好無知講過，冇一間幼稚園同小學有關係可以直升上去
作者: gomapi 時間: 21-8-19 08:32
lemongrass927 發表於 21-8-18 19:38
好記得個校長好無知講過，冇一間幼稚園同小學有關係可以直升上去
...
係, 再三講話幼稚園同小學部無關係, 咁佢幼稚園既優勝之處係邊
作者: jennylady 時間: 21-8-26 23:27
WaiCar 發表於 21-8-11 07:58
我的小朋友讀過兩間私幼，兩間私幼校長都十分願意寫推薦信。
（k2打算轉校校長仍然熱心幫忙寫左3封，之後k ...
作者: yeungmimi 時間: 21-9-13 11:48
本帖最後由 yeungmimi 於 21-9-13 11:50 編輯
我都想分享我經歷, 但係又唔係呢度的人講到咁, 我親身體會的, 我日日自己送返學.
當年2020年6月, 培僑話要合併培榛後, 之後就一窩人去插班, 我也是其中一個, 我仲要係CALL WAITING.
本身係讀私幼, 原來班中幾個同學都去插, 最後只有我小朋友WAITING入, 我的確為左上書院而報一間完全唔
識同唔留意的學校, 相信好多媽媽轉黎都係呢個目的, 我真係好想入書院, 之後開始考小學, 我小朋友冇一間收, 令我好心急好驚, 我外補只有英文冇其他, 書院今年是拍片同ZOOM IN
對比我本身私幼, 培幼真係淺, 但只係英文方面, 中文一D都唔淺, 仲好深.
學校有在中途比問卷家長, 了解升學的, 仲可以預約S校長, 我當時都約佢傾左成半個鐘, 內容好正面, 佢亦都冇寫包單話一定升到, 都要睇面試表現, 所以我就更加驚, 因為當時未有學校收, 最後我地係有OFFER, 只有培僑唯一間收, 出晒OFFER後, 學校都有再做多次問卷睇幾多人讀咩, WAITING都有叫校長幫忙, 再有去IN多次.
但既然為了書院, 我都會比心機讀埋呢一年, 小朋友超級開心, 放假都話想返學, 問我可唔可以日日都返學,
而我去送返學, 校長有時都有在門口, 有時又見佢親力親為去接校車小朋友, 又拖又攬小朋友
所以可能係大家溝通上問題, 我知有一位家長, 輸打贏要, 在外群一直唱學校, 收唔收小朋友係書院的校長決定, 不是幼稚園校長.
我正想講的係,好多人只聽人講, 冇親身體會過, 然後傳出去又唔同左
所以找適合自己模式的學校最緊要.
作者: tummypooh 時間: 21-9-13 13:31
回覆 yeungmimi 的帖子
所以上bk，都係聽下拎個參考就算。好多時唔係自己親身經歷，好難作準。
而且人人的感覺同期望都唔一樣，好難A話覺得唔好，就等於B都覺得唔好。
作者: happy2115 時間: 21-9-13 18:12
只能講有offer 同無offer 好難有同一個感受啩，會唔會有 ‘無offer’ 既學生可唔講下，係無offer既情況下學校有無咩支援或建議幫到家長？
作者: Sing13 時間: 21-9-13 22:42
提示: 作者被禁止或刪除 內容自動屏蔽
作者: Sing13 時間: 21-9-19 23:33
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |