教育王國

標題: 大坑真光 vs 學之園康城 [打印本頁]

作者: bb151027 時間: 21-8-7 14:26 標題: 大坑真光 vs 學之園康城

囡囡1月大B, 有這兩間pm offer, 大家會點揀？地區、學費不是考慮因素，thanks.

作者: JoyceNgYY 時間: 21-8-8 03:03 標題: 回覆樓主:

我早兩年都有你同一個問題，最後揀咗坑真。

當年諗法係：坑真傳統、近乎全女校、要keep 東菇頭、大班、英文全校得2個 NET、有普通話堂但冇全英普班。。。但校舍環境一流，基督教學校，收番8，9成入坑小

LH 課程好好，有啟廸班預備小一，學費貴過坑真唔少，小一要係公海搏鬥

因為我家大仔曾經玩過公海小一遊戲，自問唔想再玩，所以雖然當時真心鍾意LH 多過坑真，但最後都揀咗坑真。

最近考小一遊戲開始，諗番係冇揀錯 (雖然要等10月才知有冇坑小offer)。

或者咁講，LH 學生小一成績係網上已經詳盡列舉，小朋友如果top 嗰批梗係好，但如果佢係中間或更後，個list 入面既學校你自己鍾意嗎？定還是寧願讀坑小？

要記住，坑幼學生只要達標坑小就收，外來生考都係收最top 嗰批。

正正因為咁，我依傢仍然可以好輕鬆咁面對小一遊戲，我知其他家長大部分都係，只會考幾間心儀直私試吓。

Btw, 識朋友個小朋友係LH 讀，如果同坑真比，佢哋課程會深啲，家長要跟得好足，而坑真雖然課程冇LH 深，但佢放咗唔少時間係自理同德育上面，所以啲小朋友大部分都好乖巧。

英文好多都會外補，不過即使LH 學生都一樣出去補。。。

最後，想講我女讀坑幼讀得好開心，佢除咗唔鍾意東菇頭想留長頭髮之外，其他都好鍾意。。。坑幼比我想像中活動教學，雖然大班但可能佢哋揀過啲學生，所以完全manage 到有餘 (學校每年都會安排家長到校觀課，只係疫情期間取消咗)，同老師同學感情也好。

P.S. 如果想轉am ，坑真係有機會的，但聽朋友講 LH 機會近乎零。

作者: bb151027 時間: 21-8-8 04:03

JoyceNgYY 發表於 21-8-8 03:03
我早兩年都有你同一個問題，最後揀咗坑真。

當年諗法係：坑真傳統、近乎全女校、要keep 東菇頭、大班、英 ...

好多謝你既意見，其實我大仔都係LH出黎，細B, 9月升小一，佢無外補，班中表現算比較差，但都有4,5 個offer, 當然不是神校，只係二，三線私小。

我其實都好鍾意LH的語境同課程，已經一心諗住妹妹跟哥哥條路，點知今日收到坑真call waiting, 又諗當初揀LH都係想佢哋考到唔錯既龍校/半龍校，依加有間半龍的offer, 到底take唔take好呢？

如果揀真光就有backup，我好似會輕鬆好多，但又唔知升真小同升真中的百分比有幾高？如果升唔返點算呢？要原校升又使唔使外補呢？我對真光的認識停留起十幾年前，唔知依加好唔好。

如果揀LH, 係家長要跟很多，但其實我已經做過一次，知道個遊戲點玩。同埋，有機會考到再好d的小學。

作者: JN1999 時間: 21-8-8 04:32

bb151027 發表於 21-8-8 04:03
好多謝你既意見，其實我大仔都係LH出黎，細B, 9月升小一，佢無外補，班中表現算比較差，但都有4,5 個offer ...

睇家長自己鬥心
如果想考一缐或神校，LH 會比較好

作者: littlechen 時間: 21-8-8 12:53

坑真
因為考私小始終靠自己

作者: bb151027 時間: 21-8-8 15:40

JoyceNgYY 發表於 21-8-8 03:03
我早兩年都有你同一個問題，最後揀咗坑真。

當年諗法係：坑真傳統、近乎全女校、要keep 東菇頭、大班、英 ...

請問知唔知坑真中依加係band幾？同坑真小升坑真中的百分率有幾多？

作者: littlechen 時間: 21-8-9 08:04

坑真8-9成升真小，真小約六成上真中
英文band1B

作者: Jean1769 時間: 21-8-9 13:29

bb151027 發表於 21-8-8 04:03
好多謝你既意見，其實我大仔都係LH出黎，細B, 9月升小一，佢無外補，班中表現算比較差，但都有4,5 個offer ...

反而要諗係咪想個女讀足咁多年女校，對我而言，呢個仲決定性

作者: bb151027 時間: 21-8-9 18:22 標題: 回覆樓主:

多謝大家意見，最後決定留返起學之園，囡囡自己鍾意，尊重返佢決定。

歡迎光臨教育王國 (/)