教育王國
標題: 請問大家會為左更好既升中校網或者更好既學校而換樓搬遷 [打印本頁]
作者: christinetse80 時間: 21-8-3 16:02 標題: 請問大家會為左更好既升中校網或者更好既學校而換樓搬遷
本帖最後由 christinetse80 於 21-8-3 16:03 編輯
請問大家會為左更好既升中校網或者更好既學校而換樓搬遷嗎？
論點1：只要肯努力讀書，係邊間小學邊區都一樣
VS論點2：好既升中網更大機會升到好既學校
論點3：孟母三遷，為左仔女既教育要盡力提供付出
VS論點4：賣樓買樓要付出好多金錢，承擔更多壓力，無必要
論點5：搭校車一程1小時，雖然耐D，返工都一樣要坐好耐車啊
VS論點6：搬近D學校，5好浪費時間精力係坐車度
作者: littlepieces 時間: 21-8-3 16:11
christinetse80 發表於 21-8-3 16:02 
請問大家會為左更好既升中校網或者更好既學校而換樓搬遷嗎？
論點1：只要肯努力讀書，係邊間小學邊區都一 ...
其實有能力嘅就搬近學校，因為小朋友始終辛苦，當然好多人都係比藉口小朋友話佢地ok 唔攰，攰唔攰其實心知，
有啲N班已經要搭車出九龍塘讀書，咁其實果批家長會覺得到小學一樣咁遠返學都冇問題，就算知道小朋友辛苦，都會覺得細路仔係要捱下嘅！
至於論點一，其實大家都知係叻嘅去邊度讀嘅都會叻，只係你介唔介意班同學質素究竟會係點！好多家長都係因為同學家長質素所以先會揀啲比較好嘅學校名校！
其實都係睇你自己重視邊樣多啲！
冇一個標準答案！
有錢嘅就咩都可以滿足哂！
作者: chingcat 時間: 21-8-3 16:21
最大問題係你搬咗去嗰區，係咪100％派到學校先， 如果唔係咪搵嚟搞！
如果係我我情願派咗學校或者搵到好學校先至搬去附近！
作者: 小曳人 時間: 21-8-3 16:58
我有為交通距離而搬過一次，主要係因為本身住得遠，孩子出九龍返KG，所以搬去慳20分鐘車程嘅地方
但小學校網一般，中學校網就同之前住所一樣 (一頭一尾)
最終係一直响九龍返學，屋企坐公交返學係大約30分鐘，快過校車
每個家庭要考慮嘅唔同，當中包括孩子嘅學習能力，我自己係buy (1) 嘅，所以你見我搬係無轉中學校網，當然，本身係好校網，所以搬，除咗減交通時間，就係原居所點都要大裝修
作者: cantona2001 時間: 21-8-3 17:41
christinetse80 發表於 21-8-3 16:02
請問大家會為左更好既升中校網或者更好既學校而換樓搬遷嗎？
論點1：只要肯努力讀書，係邊間小學邊區都一 ...
作者: hkpapa852 時間: 21-8-3 18:48
christinetse80 發表於 21-8-3 16:02
請問大家會為左更好既升中校網或者更好既學校而換樓搬遷嗎？
論點1：只要肯努力讀書，係邊間小學邊區都一 ...
搬屋唔一定要買賣，租樓係最簡單直接
作者: christinetse80 時間: 21-8-3 19:52
可惜宜家住既樓唔可以租只可以賣
比較麻煩
都係想搵到學校再搬
作者: pccw2017 時間: 21-8-3 21:54
christinetse80 發表於 21-8-3 16:02
請問大家會為左更好既升中校網或者更好既學校而換樓搬遷嗎？
論點1：只要肯努力讀書，係邊間小學邊區都一 ...
作者: mcl203 時間: 21-8-3 22:09
pccw2017 發表於 21-8-3 21:54
可以租樓, 唔一定要賣樓 !
樓主係話，現住嘅樓只可賣，不可租呀。去他區租樓，除非由得現住樓空置～～～
作者: pccw2017 時間: 21-8-3 22:15
mcl203 發表於 21-8-3 22:09
樓主係話，現住嘅樓只可賣，不可租呀。去他區租樓，除非由得現住樓空置～～～
...
作者: zaba 時間: 21-8-4 08:53
本帖最後由 zaba 於 21-8-4 08:54 編輯
christinetse80 發表於 21-8-3 16:02
請問大家會為左更好既升中校網或者更好既學校而換樓搬遷嗎？
論點1：只要肯努力讀書，係邊間小學邊區都一 ...
你小朋友幾大?係準備升小定升中? 如果已經係準備呈分, 可能要評估下自己屬邊個 banding, 轉校網會否跌 banding.
假設你只係睇住升中網來揀小學, 如果我係你哋, 財政OK的話我會搬
傳統上強中學校網, 小學網啲學校普遍比較強 (當然亦會有寶校), 孟母三遷比到個好啲既學習環境, 值得
另外上面啲前輩都有講, 用太長時間返學唔理想, 小學其實會好忙, 多啲時間休息/玩/課外閱讀會好過日日舟車勞頓. 如果你6:45上校車, 即係6:15已經要起身, 同學仔就7:15先起, 每日一個鐘, 一個星期已經少5個鐘睡眠了.
(利申: 小朋友而家KG要花頗多時間返學. 最近買咗間細價樓, aim at 第二時可以行路返小學)
作者: ipki 時間: 21-8-4 09:06
我會也已經咁做
一日來回校車1小時以上,每日就比人少1小時用
一星期少5小時......呢5時時可以做到的野好多
不過唔係人人有咁的能力搬
作者: 喇叭茶 時間: 21-8-4 10:22
假設題：DBS同SPCC都收咗，心中喜歡SPCC多一丁點，家住新界鐵路沿線，因為要照顧屋企長者所以不能搬，大家會否選擇SPCC？
作者: ipki 時間: 21-8-4 10:24
回覆 喇叭茶 的帖子
DBS唔會差得去邊喎無必要過海去SPCC
作者: hkpapa852 時間: 21-8-4 10:55
christinetse80 發表於 21-8-3 16:02
請問大家會為左更好既升中校網或者更好既學校而換樓搬遷嗎？
論點1：只要肯努力讀書，係邊間小學邊區都一 ...
回覆番你其中一個問題:
論點1：只要肯努力讀書，係邊間小學邊區都一樣
現實係, 香港升中制度唔睇小朋友本身有幾叻, 只係睇前人有幾叻, 所以呢點其實係香港升中部署嚟講係唔啱既
瞭解吓升中制度再諗清楚部署:
邊個小學網/中學網好? 同埋其實升中派位係點嫁?
淺談小學升中學生如何分Banding
【小學升中派位分Banding的解說】
作者: mcl203 時間: 21-8-4 11:04
喇叭茶 發表於 21-8-4 10:22
假設題：DBS同SPCC都收咗，心中喜歡SPCC多一丁點，家住新界鐵路沿線，因為要照顧屋企長者所以不能搬，大家 ...
最先決嘅考慮點係，還原去你有冇辦法返學～～～
作者: Azzurro 時間: 21-8-4 11:19
同其他城市一模一樣，住嘅地區好真係會讀書容易不少
好學校，好公司，好住宅，基本上會高度重疊/ 高度相關
我之前住過港島，早上坐地鐵，好誇張
全車嘅人都係名校生（幼稚園小學中學）
宜家住嘅地方，基本上見唔到呢個奇景
有錢一定住：灣仔，中西，九龍城，何文田
地靈人傑 
作者: cherrychan827 時間: 21-8-4 12:45
回覆 cantona2001 的帖子
我地都係咁做..........近D......小朋友真係唔洗浪費咁多時間
作者: tummypooh 時間: 21-8-4 13:44
有錢︰隨便搬
中等人︰睇餸食飯
冇咩錢︰諗下坐咩車最快返到學校
作者: mcl203 時間: 21-8-4 14:44 標題: 回覆樓主：
本帖最後由 mcl203 於 21-8-4 14:44 編輯
一日坐一小時車已經好晒時間？似乎，港島大部份誇區小學都可以放棄了，兜入一個屋苑上落一位小朋友，行行地都三幾分鐘。用一小時一日做標準，可能，只可以選步行距離嘅小學～～～
作者: 0030 時間: 21-8-4 15:19
我選幼稚園/小學都係近為首選參考，行路15分鐘之內為主，中學也希望能找近屋企的中學，目標搭車半小時之內返到學
作者: zaba 時間: 21-8-4 16:30
mcl203 發表於 21-8-4 14:44
一日坐一小時車已經好晒時間？似乎，港島大部份誇區小學都可以放棄了，兜入一個屋苑上落一位小朋友，行行地 ...
作者: tummypooh 時間: 21-8-4 16:50
回覆 mcl203 的帖子
無錯，就算同區要坐校車其實已經最少要半小時，只係車程，唔計你提早出門口等佢的時間。
就算你地鐵沿線學校加住地鐵沿線樓，上落等車加車程，基本上都係30分鐘以上一程啦。
如真係咁大CONCERN，只能搵學校附近啲樓住。
但其實大把小朋友朝朝跨區返學。六點半上車，放三點半但四點半先返到屋企的大有人在。
作者: mcl203 時間: 21-8-4 16:59
zaba 發表於 21-8-4 16:30
1程如果30分鐘尚可, 但如果一程1個鐘 (如樓主所講) 就真係太勞累了
1程30分鐘直情正啦，港島除非你係街上車，仲要咁好你住正大街，入大坑果堆屋苑，一入去慢慢行又或要掉頭，無5分鐘都唔得，一架保姆車24人，上車係路線頭，落車就自然路線尾，粒零中真係好容易～～～
作者: cantona2001 時間: 21-8-4 20:06
mcl203 發表於 21-8-4 16:59
1程30分鐘直情正啦，港島除非你係街上車，仲要咁好你住正大街，入大坑果堆屋苑，一入去慢慢行又或要掉頭， ...
作者: lflxl 時間: 21-8-4 20:15
我係先賣左樓 考插班 考到之後買唔到/買唔起附近 都盡量買返較近地區樓
例如我如考到SPCC (發下夢），揀樓一定集中港島。而家考到九龍區插班，就睇半個鐘車程內有咩樓揀到又負擔到。就算考到喇沙都買唔起對面碧華花園總之而家買左九龍樓。
咁我地本身都有換樓需要，使費係好大，衡量過得失都決定去馬。錢搵左都係駛嘅啫。如果住得好好地地，我又覺得冇必要咁做。可以雙租。如真係只可以賣，我自己覺得值得去馬。當然唔好差過呢一刻住緊嗰度就得。
作者: b3410 時間: 21-8-4 20:33
搬屋如果為咗校網，好似唔係好值得，畢竟未必抽到心儀果間。而且直私都係任考，可能跨區返學快過同區。如果已經有心儀學校，交通問題，未必一定要通過搬屋來解決。
作者: cantona2001 時間: 21-8-4 22:33
值唔值好睇個人價錢觀，買架新車落地都唔見一大舊錢，香港養車又貴，不過留意下香港每年有幾多新車落地就知好多人覺得值
| 歡迎光臨 教育王國 (/) |
Powered by Discuz! X1.5 |